[1965-6 台灣教會公報 文類-詩 作者-杜英助/Tō͘ Eng-chō͘]
基督教在台宣教百週年紀念歌 [ 基督教在台宣教百週年紀念歌 ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1956-2 台灣教會報 文類-散文 作者-劉主安/Lâu Chú-an]
奉獻ê果子（長榮女學紀念日） [ Hōng-hián ê koé-chí (Tióng-êng Lú-o̍h Kì-liām-ji̍t) ]
奉獻ê果子（長榮女學紀念日）劉主安作 Tī 70 goā年前，咱母會ê 女宣道會有濟濟人獻金 做海外宣道ê路用，koh有三位宣教師，就是朱姑娘， 文姑娘 kap 萬姑娘獻身過來台灣。In 到位開始工作了後，無久就感覺用基督教教育女子ê必要。就創設一間女學校tī台南ê 新樓內。這就是現在長榮女子中學ê 起頭， tī 1887年2月14日開校， 到 taⁿ有69年ê 歷史。當時入學ê資格kap 條件真簡單，只有留腳就可以。雖然án-ni，因為一般ê人看輕女子ê教育，真少人beh來讀，開校hit年，學生只有 19名。起初開辦ê時陣，學校招生真困難，koh有其他濟濟艱苦。總是大家犧牲苦心有價值，無...

[1956-11 台灣教會報 文類-散文 作者-劉主安/Lâu Chú-an]
我所數念ê牧師 [ Goá só͘ siàu-liām ê Bo̍k-su ]
我所數念ê牧師(劉主安) (這篇是劉主安校長ê回顧談，大部分是記者筆記 ê，有梅牧師崇高 ê也有劉先生ê靈內ê感受力，所以成做這篇真suí ê 記事。)約60年前，有一個出名ê宣教師Livingstone (Lí Un-su-tun)， tī A-hu-lī-ka teh傳道。 Hit7-時tī蘇格籣ê教會內，有真濟青年甘願獻身beh做宣教師。這是因為Livingstone 轉來本國。 Tuì教會報告伊tī 非洲傳教ê狀況， hō͘ chia濟人聽了大受感動ê緣故。聽講後來做真出名ê聖經學者James Moffat當時也有beh做宣教師。總是伊tī體格 檢查 ê時無通過。Siāng hit時...

[1959-8 台灣教會公報 文類-散文 作者-紀溫柔/Kí Un-jiû]
宣道會澎宣ê奇蹟 [ Soan-tō-hoē Phîⁿ Soan ê Kî-chek ]
澎宣的奇蹟1959年8月848期 p.20-21感謝主的恩待，有閣行神蹟奇事佇咱澎宣的所在。1.佇咱澎湖西北方偏僻迷信的所在Thong-niû，主有大做工。遮有一位兄弟陳Choân 47歲，專門研究跋繳，做跋繳的老闆，開繳間30年。這pang主的光照入伊的心，知影過去的錯誤，明白跋繳是害人的職業。所以佮全家共3名就決心來歸主聖別。現在真致意teh研究道理。感謝主。閣有一位鄭Iú-liōng兄弟36歲，看著陳Choân兄弟的改變木受主的神感動，歡喜接納耶穌做伊的救主。伊20外年攏是用跋繳做職業。今甘願放拺一切的歹，佮全家共8名聖別歸主。今已經閣認真teh做伊所學習的木工。閣一个兄弟鄭Liân也受...

[1964-4 台灣教會公報 文類-散文 作者-郭和烈/Keh Hô-lia̍t]
啉水治百病 [ Lim chuí tī pah pīⁿ ]
啉水治百病 郭和烈 1964.04.15 932 期 P.6-8 台北市有一間文具店。頭家娘是基督教會外ê人。伊ê大姊是佇近Koe-lâng (基隆) ê所在ê一間教會ê信徒。大姊若來台北常常勉勵小妹信主。可惜這个做小妹ê頭家娘猶袂信主。三月下旬，有一日，我去伊ê店裡坐，伊kā我講：「啉水佇百病，毋知有影á無？聽講真有功效。」我kā伊講，「這是迷信！」伊講：「恁教會ê人teh宣傳，怎樣是迷信？」我kā伊講，「恁大姊叫你信耶穌，你到taⁿ猶毋信，怎樣你hiah快去信『啉水治百病』ê迷信ah?」 照我所知，濟濟教會佇禮拜中報告時間，費了15分鐘teh宣傳「啉水治百病。」有時佇中會聚會...

[1964-1 台灣教會公報 文類-散文 作者-王Chhái-kí/Ông Chhái-kí]
傳教者子女ê苦樂 [ Thoân-kàu-chiá chú-lú ê khó͘-lo̍k ]
傳教者子女Ê苦樂 王Chhái-kí 1964.01.15 926期 P.11-12 有一日，公報社ê編輯先生叫我寫我做牧師囝ê心得，論我做牧師囝ê是事實ê，總是我是頇慢講：也頇慢寫，所以有推辭，若是編輯先生再三ê交託，所以我chiah寫我所會記得，所感想ê做大家ê參考。 1。我是第7个查某囝：咱ê風俗是重男輕女，若生著男ê，就講恭喜；若生著女--ê，就講細仔聲，也好。我做第7个查某囝，我ê以前無半ê查甫嬰，連續6个女--ê，我出世也是女--ê，若普通家庭，老母著哮，老父著喙仔tū-tū，阿公，阿媽攏毋kā伊做月內，毋情願號名，凊彩號，罔io， 罔飼， 雞屎，毋tihN8...

[1964-8 台灣教會公報 文類-戲劇 作者-王Chhái-kí/Ông Chhái-kí]
食洋教 (1) [ Chia̍h iûⁿ-kàu (1) ]
話劇 食洋教 王Chhái-kí 譯 1964.08 939, 940合 P.20-21 佇64年前ê庚子年，是中國因為義和團ê叛亂拄著最悽慘ê災難ê年，hit時西洋人攏受稱呼做「Ta-mau-chu」（大毛子），信主ê人á是食西洋頭路ê人，攏受稱呼「Er-mau-chu，」（二毛子），若毋是受刣，就是受掠，受窘逐。中間有人老母kap小弟，小妹攏受刣死殉教，所賰伊本身，竟然是今仔日咱中國一个最有聲望ê老牧師。 這篇是「生命之道」月刊借伊ê經過編做話劇。王女士kā翻譯過來ê。佇遮kā「生命之道」月刊說謝。 老牧師佇落南火車中，有一個旅客譏刺伊「食洋教，」「...

[1964-9 台灣教會公報 文類-戲劇 作者-王Chhái-kí/Ông Chhái-kí]
食洋教 (2) [ Chia̍h Iûⁿ-kàu (2) ]
話劇 食洋教 1964.09.15 942期 p.12-13 王Chhái-kí e̍k 老母：是甚物人？ 馬：是我，陳牧師娘，我是馬大頭，請你較緊開門。 老母：三更暝半，有甚物代誌？ Io：莫嚕嗦，緊開門，聽候一時仔就知(to̍k-to̍k，拍門的聲)。 老母：Tih-tih，較緊起來，去開門。 小弟：(開門的聲)甚物人啊？ 馬：陳牧師娘！真失禮，團裡的命令，請恁走一逝，(越頭)老Io，提索仔來縛起來，拖teh行。 小弟：你是按怎teh縛人，無講理由mah？ Io：講理由，甚物人欲佮恁遮的背宗忘祖。 小弟：你罵人！ Io：罵人？！(拍人的聲)。 小弟：...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (3) [ Chia̍h Iûⁿ-kàu (3) ]
話劇 食洋教 1964.10 943期 p.11 王Chhái-kí譯 牧：請各位聽我讀一段聖經，佇馬太福音傳5章38節到48節。這是耶穌佇世間的時，親喙對人教示的話；「恁捌聽見有話講，目睭賠目睭，喙齒賠喙齒；若是我共恁講，莫得佮歹抵敵；若有人搧你正爿的喙phoé，倒爿的亦越予伊。有人愛告你，提你的內衫，外衫亦放予伊。有人勉強你行一里，就佮伊行兩里。對你求的，予伊；欲共你借的，莫得越走。恁捌聽見有話講，著疼你的厝邊，怨恨你的對敵；若是我共恁講，對敵恁的，著疼in；窘逐恁的，著替in祈禱；予恁成做恁佇天裡的父的囝...................... (會眾唱短歌的聲)...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (4) [ Chia̍h Iûⁿ-kàu (4) ]
話劇 食洋教 1964.10.15 944期 p.13-15 王Chhái-kí譯 馬：毋知伊有去阮厝裡無？ Io：有，去幾若擺，閣予遐的囡仔一寡糖仔佮尪仔圖。 馬：(想一下)。照我看，人真實信耶穌，毋是為著甚物報仇，taⁿ來講，咱以前對in所做也實在真無天良。 Io：伊猶過按呢對待咱，我的心也感覺袂當過，咱欲怎樣？ 馬：Taⁿ著按呢，咱著請全庄的老大賢人(頭人)辦幾塊酒桌，放幾篙的連炮共in 賠罪，甘願接受in的刑罰。 Io：欲罵，欲拍，欲刣，我老Io攏出在伊，決斷無推辭，甘願承受。 馬：好，咱就按呢做。(音樂) (轉場炮聲，人聲大鬧熱)。 馬：來啦，來啦，陳--家...

[1956-5 台灣教會報 文類-散文 作者-楊招義/IuN Chiau-gī]
研究基督教ê孝道 [ Gián-kiù Ki-tok-kàu ê hàu-tō ]
基督教ê孝道 (楊招義) 今仔日ê社會已經失去了一種寶貴ê教訓，就是孝道。因為失去了孝道， siāng-時也就失去了上帝ê祝福。 咱知人類是經營家庭生活ê動物，既然有家庭，就有父母， 囝兒。父母勞苦培養囝兒長成，到父母年老，囝兒應該tio̍h好好來奉養父母， koh奉養父母tio̍h用合宜ê法，這就是孝道，所以孝道就是囝兒對待父母ê道理。 咱bat聽見人譭謗基督教講：「入教死了無人哭。」 Koh有人因為看見基督徒無chhāi神主，無做祭，就誤會基督教是無注重孝道，這是因為iáu-boē認識基督教，事實上基督教是做注重孝道ê宗教。基督教ê孝道是上帝直接傳授--ê，是注重tī父母iá...

[1956-6 台灣教會報 文類-散文 作者-楊招義/IuN Chiau-gī]
研究基督教ê孝道 [ Gián-kiù Ki-tok-kàu ê hàu-tō ]
基督教ê孝道(楊招義) 因為中國人注重孝道，所以基督教傳入中國，就親像俗語所講："入風隨俗"的確tio̍h事先講起孝道，用來迎合民眾ê心，做ǹg中國人傳福音ê動機。總是事實上，基督教至需要ko-kú 耶穌基督十字架ê真理， 並無需要特別傳揚孝道，因為真實ê基督徒的確tio̍h明白，孝道m̄是基督教，總是基督教本身就是孝道。咱thang tuì耶穌基督ê生涯，看出基督教是一個有孝道 ê宗教。十二歲ê耶穌tuì耶路撒冷kap伊ê父母作伙倒去拿撒勒，奉養in 18年ê久，所以tī路加2章51節記講："耶穌kap in落去到拿撒勒，來承順 in。"照流傳，耶穌ê養父約瑟早死，耶穌就tī家庭幫贊老母馬利...

[1958-1 台灣教會公報 文類-散文 作者-邱明忠/Khu Bêng-tiong]
約瑟ê信仰 [ Iok-sek ê sìn-gióng ]
約瑟的信仰 (邱明忠寫) 1958年1月829期 p.21-23 佇聖經人物的中間，無有過失通指責的，除去耶穌以外通講是約瑟。伊戲劇的的生涯有濟濟通做咱的好模樣。 第一：伊有「聖的理想」 咱讀伊的傳記(看創 37：-50)的中間，會發現做有趣味的是伊對做夢開始，也為著達成眠夢受苦，也最後佇圓夢來大成功。按呢通知約瑟是一个有眠夢的青年，換話講是有理想的青年。 「青年ah！著抱大的志氣，」這是出名的クラーク先生所講的。咱的國父也講「當立志做大事」。約珥2：28也講佇末世的時少年欲看異象。約瑟有將上帝佇夢中對伊所指點的來做伊人生的目標。所以伊佇逆境中無餒志失業，也佇得意...

[1962-2 台灣教會公報 文類-散文 作者-吳德元/Gô͘ Tek-goân]
數念趙Tin先生 [ Siàu-liām Tiō Tin Sian-siⁿ ]
數念趙Tin先生 吳德元 1962/2/1 879期 17 做人寡言，誠實，溫柔，予眾學生尊敬ê好老師趙先生，對感冒引肺炎，閣生肺癰來過世，阮大肚教會大家真毋甘。 伊捌受太保學生襲擊，致到入院治療，同事憤慨叫伊著報當局來處分伊，總是伊毋，講;若按呢hit-ê學生ê前途是受斷絕，我beh赦免伊，因為主有赦免我，也愛我按呢赦免人。...

[1962-1 台灣教會公報 文類-散文 作者-陳蘭奇/Tân Lân-kî]
新ê跤跡 [ Sin ê kha-jiah ]
新ê跤跡哥林多後書 5:17陳蘭奇1962/1/15 878 期 6-7羅賓遜漂流到底一个無人島，經過好久ê孤單生活了後，有一日，忽然間佇海沙頂發見著一个跤跡。伊心內teh想，佇chit ê島上既然有人，以後我毋免孤單lah。總是詳細kā伊看ê時，chiah知hit ê跤跡真正大。總無chit ê 就是巨人(大種人)ê跤跡mah？伊是食人種á毋是nih？到底伊是會做我ê朋友á是做我ê對敵nih？羅賓遜發見hit ê跤跡，心一面真歡喜，囥真大ê期待，總是siāng時也真不安就緊張起來。咱人無論佇啥物時代，啥物所在，佇伊ê人生路程中，的確會留伊ê跤跡。人若看著hit ê跤跡ê時，就會認捌hit ê...

[1962-3 台灣教會公報 文類-散文 作者-林天助/Lîm Thian-chō]
信仰ê模範 [ Sìn-gióng ê Bô͘-hoān ]
信仰ê模範 以弗所6:10-20 林天助 1962/3/15 882期 6-7 佇這末日ê時代，異端興起ê時，無論咱是信主，á是毋信主，咱對咱ê信仰必須有一個準索，毋信主ê人有伊家己5政治信仰；每一个真正中華民國ê 公民，伊ê信仰準索，除了「三民主義」以外無有別个。親像按呢，每一个真正ê基督徒，伊信仰ê準索除了「聖經」以外，無有其他ê，換話來講；凡若聖經所啟示ê， hit-ê chiah是咱信主ê人ê信仰ê模範(行傳17:2-11)。 Kiám-chhái有人beh講：信仰ê模範，著用耶穌基督做準索。真正無錯，的確是按呢；插佇咱頭前ê標是這位救主。總是咱是敗壞ê，伊是聖潔...

[1962-3 台灣教會公報 文類-散文 作者-楊啟壽/Iûⁿ Khé-siū]
信仰ê準繩 [ Sìn-gióng ê chún-chîn ]
信仰ê準繩 聖經:希伯來12:2 楊啟壽 1962/3/1 4-6 (編者註: Beh用啥物做咱信仰ê準繩，穩當有濟濟ê疑問。楊牧師是佇Gio̍k-san神學書院做先生，所寫這篇毋通用本身著用基督做準繩，有濟濟好ê指點，讀ê人一定beh得著濟濟利益)。 現在是一个無認真ê時代。雖然人對佇世間ê享樂á是趁錢感覺真趣味，甚至熱狂，總是對佇道德á是信仰這款ê事，感覺厭siān凊彩。 初代ê信仰，若是beh做一个基督ê學生，愛有拚命ê決心。beh做一个基督徒，著覺悟in會受社會，國家濟濟ê壓迫，心志有時愛喪失in ê性命。總是現在beh做一个基督徒實在是真簡單。濟濟人趁流行á是家...

[1962-3 台灣教會公報 文類-散文 作者-鄭連明/Tīⁿ Liân-bêng]
社論神學kap教會 [ Siā-lūn Sîn-ha̍k kap Kàu-hoē ]
社論　神學佮教會 鄭連明 1962/3/1 2-3 (編者註：本篇ê作者Tīⁿ牧師是最近對美國轉來，佇台灣神學院teh教ê少壯ê先生，佇美國留學中因為學歷成就真好，有2擺得著特別賞。佇chia寫這篇內容正確閣明瞭， 會通大幫贊大家加添明白神學佮教會ê意思佮hit-ê關係)。 中世紀時代，神學受稱做眾學問中ê女王若是現時，為著自然科學ê發展佮實證精神ê興起。神學差不多成做眾學問中ê女婢，予大家忽略。甚至教會ê人亦用siāng款ê態度teh看神學;掠做神學若毋是無需要，就是神學院先生ê事kap教會神學院先生ê事kap教會信徒無關係。 I.神學ê意義： 神學是啥物？神學絕對...

[1962-4 台灣教會公報 文類-散文 作者-李雅各/Lí Ngá-kok]
受難週ê意義 [ Siū-lān-chiu ê ì-gī ]
受難週ê意義 李雅各 1962/4/1 883 期 2-4 這篇ê作者李牧師現時當台北神學院ê教授。伊有留學日本kap美國濟濟年，本篇有用伊豐富ê聖經神學ê智識來闡明，相信會通幫贊大家ê知識kap信心chiah著。 咱ê主耶穌ê受難週已經接近到佇咱ê目前。Taⁿ佇這个受難週，自然就是beh予咱數念咱ê主耶穌ê受難佮咱ê關係，也紲想咱做基督徒應該有ê態度。Taⁿ我愛分做3段來想，就是: 1)受難ê彌賽亞。2)榮光ê彌賽亞。3)基督徒ê態度。 1.受難ê彌賽亞。 這个就是耶和華ê僕人。耶和華ê奴僕ê受難，就是根據耶和華本身ê啟示。耶和華ê啟示有記載佇聖經。這个聖經所記ê，就是咱ê...

[1964-1 台灣教會公報 文類-散文 作者-洪龔夜合/Âng Kéng iā-ha̍p]
我ê牧師娘生活 [ Goá ê Bo̍k-su-niû seng-oa̍h ]
我ê牧師娘生活 洪龔夜合 1964.01.01 925 期 P.6-7、20 受主筆ê託，叫我寫牧師娘生活：我在來是袂曉寫文,總是因為我受苦特別濟，得著主ê恩典也特別大，所以毋敢隱囥，寫幾字來見證主恩. 1)對世俗到信主。 我出世佇世俗家庭,老母對神明熱心是罕有ê;食長齋幾若十年。佇囡仔時代常常予伊chhoā去拜神像, 收驚;將替身loa̍h身軀，食爐丹佮符仔水。到讀小學ê時，得著朋友招去教會赴主日學，得著吳秋微先生娘真疼惜，印象真深。佇hit時我小ê心靈感覺老母所拜ê是毋著，每擺迎媽祖ê時舉掃手掃街路，舉香綴神明隨轎後，我看著hit號情形，不禁流傷心ê目屎。 小學畢業後，就考...