[1909-6 台南府城教會報 文類-傳記 作者--/-]
許進傳ê小傳 [ Khó͘ Chìn-thoân ê Sió-toān ]
許進傳Ê小傳1909.06 291卷 p.45-46長老出世tī 1840年12月26日，企起tī彰化街。長老自細做工就不止殷勤，也盡有孝父母。Bat一擺老母病沈重偌久，伊就服事無離身邊，進奉茶湯。有時捧藥beh hō͘老母食，老母的確m̄食；伊看老母hiah艱苦，家己想beh kā伊分hit ê艱苦是bē會，就續替伊食藥；是beh hō͘老母ê心歡喜。也食初一、十五齋，kiám大頓hō͘老母食，是因為家內散hiong。較早tang時伊bat聽見傳道吳文彬講道理，伊ê心想ài beh趁，m̄-kú老母teh阻擋，所以m̄敢koh去。差不多hit時tú著家內kāu病痛續死3、4個囡仔，bē免ti...

[1909-6 台南府城教會報 文類-散文 作者-梅牧師/Muî bo̍k-su]
無人倫 [ Bô Jîn-lûn ]
無人倫1909.06 291卷 p.46-47(接第41面)論公媽ê事咱猶原著會曉得thang分別真假。拜上帝ê人真tuì重父母公媽；第5條戒講：「著敬你ê父母」。 M̄-kú無的確著用神主來敬咱ê序大人。較早是用屍主，就是人死了就「到獻祭ê時有用伊ê大孫裝做祖宗ê屍像正正teh坐，hō͘同族ê人排祭物獻祭跪拜，表明孝敬ê意思」。 Hit-tia̍p iáu-boē有用木主。照人流傳是丁蘭設木主。丁蘭是真不孝ê子逼死伊ê老母。咱若學吳猛飼蚊，抑是學孟宗哭竹是較好。論hiah-ê扁枋仔是一尺懸nā-tiāⁿ，咱ê公媽tiàm hia thái會落？Koh咱著想，咱ê 父母若死，咱7日久一日孝2 ...

[1909-7 台南府城教會報 文類-散文 作者-梅牧師/Muî bo̍k-su]
天是祖家 [ Thian sī chó͘-ke ]
天是祖家1909.07 292卷 p.55-56(梅牧師記--ê)咱行路有伴，就較bē懶。雖然teh擔擔，路khâm-khia̍t ，日真炎，汗流攏bē離；iáu-kú咱幾若人做陣，相kap講話，就較bē thiám;一--下-仔就到位。咱tiàm世間若出外，路猶原歹行；世間是苦海，看tó一個m̄-bat哭，tó一個m̄-bat哮，流目屎、吐氣。舊年有舊年ê艱苦一款，今年有今年ê艱苦一款，攏是著磨，攏是頭路。 耶穌若kap咱做堆，就較有伴，較bē懶，較bē餒志，較bē煩惱過頭。有時身軀真siān,心神不安；若想著耶穌，心就開，身體較爽快。 「我心紀念耶穌ê 恩， Che恩若藥一般， 會解世間苦...

[1909-7 台南府城教會報 文類-散文 作者--/-]
人ê性命無久長 [ Lâng ê Sèⁿ-miā bô kú-tn̂g ]
人ê性命無久長1909.07 292卷 p.56-59咱tiàm地面是出外代。世間hō͘咱徛起是無久長，上久7、80年nā-tiāⁿ。囡仔卻看是真久；老人看是一目ni̍h仔nā-tiāⁿ。 咱若問老人伊囡仔所做伊想倒轉會記tit bē;伊就beh講：「亦是bē記tit！看是親像昨昏ê事nā-tiāⁿ」。Tú chiah tī塗腳teh pê,liâm-piⁿ大漢，koh無偌久發嘴鬚，koh無偌久離開世間。昨昏出世，今仔日大漢，明仔日老，後日轉--去。人生如夢。人ê性命那夢見。作穡做生理親像眠夢中ê事；歡喜那準夢見ê歡喜，liâm-piⁿ過。 性命那親像鳥仔teh飛，那飛那懸，liâm-piⁿ看...

[1909-8 台南府城教會報 文類-散文 作者--/-]
產業 [ Sán-gia̍p ]
產業1909.08 293卷 p.69-70「亞伯拉罕積聚富裕，有金銀精牲」（創13:2）。論亞伯拉罕ê家業是hō͘伊得著福氣，因為伊知hiah-ê攏是上帝賞賜，因為伊得著恩典kap智慧就會曉tit àn怎樣用，koh因為伊ê心意向tī hit ê bē敗壞ê真業。「驚了你打算是tuì你ê才能氣力來得著hiah ê貨物錢財。著會記tit你ê上帝耶和華賞賜你權能hō͘你致到好額」（申命記8:17，18）。 人若知伊所有ê產業是那親像上帝借hō͘伊用；又koh若會曉tit掠家己做管理人，續盡本份將伊所掌ê業歡喜設法用來利益別人，就hit號ê管理人會tuì伊所有ê業穩當得著福氣。人雖罔家業，iáu-...

[1909-9 台南府城教會報 文類-傳記 作者--/-]
顏清華ê小傳 [ Giâm Chheng-hoâ ê Sió-toān ]
嚴清華Ê小傳1909.09 294卷 p.73清華亦名佛仔，伊tī細漢ê時有入小學讀冊，家事不止散，所以到16歲，姑不chiong著退學去hō͘人chhiàⁿ。有佮伊ê頭家相佮去廣東，無久就koh轉--來。到20歲就娶某，hit年偕牧師抵到淡水，伊就去探伊愛討看有頭路抑無。偕牧師chhiàⁿ--伊，hit-tia̍p伊攏m̄ 知聖教ê道理是甚物款。後來漸漸得著偕牧師ê教示，就反悔改變來信主，而且洗禮入教會。án-ni算是北部第一個入教--ê。 後來偕牧師接納伊做學生教示道理，無久就去做傳道，有tiàm 幾若位ê拜堂。到26歲ê時合偕牧師四界設教；到31歲就鬥教大學，做大學ê先生；到34歲有升做...

[1909-9 台南府城教會報 文類-散文 作者--/-]
土耳其ê譬喻 [ Thó͘-ní-kî ê Phì-jū ]
土耳其ê譬喻1909.09 294卷 p.73土耳其國有一個譬諭teh講隨人左右爿有兩個天使teh跟隨。看人若做好事，tī正手爿hit-ê就將hit層事kā伊記落簿續tǹg印仔，是因為伊所做ê好代永遠bē廢--無-tit。遇著伊做歹事，tī左手爿hit-ê也kā伊記落簿。等到半暝看hit ê人若àⁿ頭祈禱講：「施恩ê上帝ah！我有得罪求赦免我」，若聽án-ni，天使就用海絨tuì簿ni̍h拭起來。設使過半暝若無認罪，左爿ê天使猶原kā伊蓋印，當hit-tia̍p tī正手爿ê天使就替伊流目屎。「天使kiám m̄是攏做差用ê神奉差，因為得著救ê人ê利益來服事上帝。」（希。1:14）。...

[1909-9 台南府城教會報 文類-散文 作者-高金聲/Ko Kim-seng]
聖冊公會ê報告 [ Sèng-chheh Kong-hoē ê Pò͘-kò ]
聖冊公會Ê報告1909.09 294卷 p.76-78百姓teh相通，若無路就bē用tit。總是路有古今ê分別。古早--ê無合這tia̍p;現在世界大相通，百姓興旺ê時陣，著講究較利便ê法度，hō͘長ê路會勼短，若無設鐵路就bē會。若是這字「路」--字逐國攏有幾若ê意思，有直用--ê,有借用--ê;親像人teh走ê路，車馬teh行ê路，以及活命ê路，逐國ê聖賢雖有指示人知著入好ê地步，若是家己iáu m̄知正路。In教人ê道理，是親像路--ni̍h ê腳跡，只有會chhoā人到庄社，bē會chhoā人行tī kap上帝相通ê路。 今有一人kap眾人無相同，m̄ 若伊所講贏過平常人，就伊ê智慧，...

[1910-1 台南府城教會報 文類-散文 作者--/-]
隱匿發覺 [ ún-le̍k Hoat-kak ]
隱匿發覺1910.01 298卷 p.10舊年6 月市內三界壇總督上情有掘著金條。Hit時因為hiah-ê 做工--ê 有分4線，早有查出 21 條nā-tiāⁿ。近日有koh 發覺6 條，kap前 hit 21 條，計共值金13500 箍。今將所查出 ê事由記tī 下底：-- 近日有巡查捕聽見人teh 會寄金條tī 朋友ê 厝有不平 ê 事，就去報告警務課。有一個人來toà tī 三界壇米店--ni̍h,聽見人掘著金條，伊也去搶 7 條，寄4 條tī 伊ê 朋友兜，也另外將一條hō͘ 伊做謝禮。這個朋友是澎湖人，然後轉去澎湖。 警務課有派人去澎湖查出紲召hit個人來問講，前某人寄你4條金條有...

[1910-2 台南府城教會報 文類-散文 作者--/-]
罪ê氣力 [ Choē ê Kuì-la̍t ]
罪ê氣力1910.02 299卷 p.15-18(梅牧師記--ê)。比並羅馬 5：20 ：「今律法nǹg--入來，hō͘ hit個行錯會加添較濟。若是罪過所加添 ê所在tī-hia 恩典有滿--出來到有chhun。」罪 ê 氣力尚第一大。抑是咱若講歹ê 氣力極大意思會較明。逐人bat 想ài做好m̄-kú 逐人bat hō͘ 歹較贏。有時人真ài脫離歹，iáu-kú 脫bē 離。 俗語講：「學歹3日，學好3年。」亦講：「做好親像龜teh peh壁﹔做歹親像崩山」。咱ài 做好ê 時，ài 進前tī 好路﹔歹就掠咱，giú 咱，kā 咱拖倒轉。譬論來講，人想m̄ ài食鴉片較好﹔較停仔鴉片鬼來g...

[1910-2 台南府城教會報 文類-散文 作者--/-]
掃帚星 [ Sàu-chiú-chheⁿ ]
掃帚星1910.02 299卷 p.18(Hô Hi-jîn記--ê).無偌久tī天頂teh-beh 出一粒上第一大 ê掃帚星，tī新曆 5月頭會看第一明，扑算hit tia̍p 咱 ê目神金金看會著。這粒星運轉一周圍著75年久，逐暝日所行 ê 路300，0000 ê 台灣里，照 án-ni算一分久所行 ê路是 2000外台灣里。這粒星頂擺出現 tī 耶穌降生1835年，人àn怎樣會先知，tī甚mih年，甚mih月伊會發現？因為tī 1682年有一個講究天文kài gâu ê博學師用千里鏡詳細看天有大粒ê 掃帚星，推算hit粒星運轉天頂ê日，著有75年度出現一擺，伊就查考逐國前 ê史記；果然會...

[1910-3 台南府城教會報 文類-散文 作者-廖道修/Liāu Tō-siu]
棄惡歸善 [ Khì-ok Kui-siān ]
棄惡歸善1910.03 300卷 p.22(廖道修記--ê.)舊年中大日本製糖會社食錢 ê 事件，致到社長農學博士Chiú-ko͘ Siông-bêng﹙J.Sakow﹚用六轉仔銃家己扑死；社腳偌濟代議士﹙就是國會議員﹚受罪關監賠銀，一時真亂看報ê 人量必iáu會記得。Hit中間受警戒悔悟--ê 幾若人；親像bat 做過同志社長ê Hêng-chéng Sî-hiông﹙T.Yokoi ﹚代議士tī 監--ni̍h 才提聖冊去讀，大懺悔所行ê m̄著，hō͘ 上主教示。 今ài beh講起一個代議士，姓Chhoan-siông﹙Matsumura ﹚名ài-chông,猶原為著這層事受關； t...

[1910-3 台南府城教會報 文類-散文 作者--/-]
凌辱成做榮光 [ Lêng-jio̍k chiâⁿ-chò En̂g-kng ]
凌辱成做榮光1910.03 300卷 p.24-25 有時人講話無甚mi̍h tú好，是tuì in無斟酌想，kan-ta看外皮，無救khàm真實 。致到掠見笑做榮顯，掠體面做見笑。在早使徒 hō͘ in ê 序大人掠去關監受扑，in掠做榮顯﹙行傳5：40，41﹚；驚了咱若tú著hit號 ê 代誌就beh掠做真漏氣。當時耶穌死tī 十字架，hit-tia̍p照人看是tú著大見笑極凌辱；伊ê 對敵攏得聖體面倒去 in 厝。總--是究實有án-ni 抑無？咱著斟酌想正知，hit一日只有耶穌有名聲體面，其餘眾人攏見笑落lián。今來想in一人一人ê 情形，看有影是án-ni 抑無 。 ...

[1910-5 台南府城教會報 文類-小說 作者-萬姑娘/Bāng Ko͘-niû]
流傳ê故事 [ Liû-thoân ê Kó͘-sū ]
流傳ê故事(萬姑娘翻譯)1910.05 302卷 p.38-39 倚兩千年前佇猶太國ê耶路撒冷城有兩个囡仔結做好朋友。Chi̍t个是猶太人ê囝，chi̍t个是異邦人ê。猶太人ê是勇健活動，四界thit迌；可惜異邦人ê查某囡仔lám身命，因為跤骨失力，袂行，若beh徙位著倚靠人āiⁿ。伊ê老父開布店，查某囡仔跕厝內keⁿ布；毋過伊ê老父逐項著共伊備辦好好，然後伊慢慢仔keⁿ，是因為跤手無力。伊ê心盡切意ài敬拜上帝，總是hit時ê異邦人較無路通出頭佇拜上帝ê代誌，所以不時teh煩惱驚了in ê人死了後袂得著救。伊ê朋友ta̍uh-ta̍uh來揣伊，若是袂會安慰伊；反轉加添伊ê煩惱致到心肝真鬱卒。...

[1910-6 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.06 303卷 p.47-49(廖三重翻譯。)(接前張第40面。)東西 ê 賢人哲士所thang可取--ê,就是鼓舞勇猛 ê心盡力來閃避罪惡。總--是基督道德 ê 品性是完全瑕痕，m̄-bat有犯罪，也m̄-bat認有罪惡；就雖是著悔悟著赦罪，hit號ê 想念也無；反轉好膽公言有赦人罪 ê 權。親像這款ê 品性 tī 人間ê 歷史boē bat有看見；又koh也無人浮漂 ê 心。 Kiam -chhai 有人beh講，基督雖然知叫有罪，iáu-kú為著別項目的騙家己，誇口講nā -tiāⁿ。總--是無論tuì tó位看是好人無錯ê 基督，kan-ta 這項事來改做，到底b...

[1910-8 台南府城教會報 文類-散文 作者-林茂生/Lîm Bō͘-seng]
盡忠到死 [ Chīn-tiong Kàu sí ]
盡忠到死林茂生記--ê1910.08 305卷 p.64-65 四月十五號，佇廣島(Hiroshima)海灣，艦隊teh操練。戰船中有chi̍t款號做 tiàm-bī船，是匿佇水底 teh 載水雷，抑是放水雷傷害對敵。Hit-tia̍p猶原有chi̍t隊這號船出來teh操。照規矩船若落去tiàm-bī是限定四點鐘久；過時無浮就是有事。到限定ê時到，其中有一隻名叫第六號ê tiàm-bī船無浮起--來。當局ê人接著報操心peh腹，緊派人派船去抄海；到隔轉日下晡三點半chiah揣著所在。giâ浮起--來chiah用別隻船拖轉去呉(Kure) ê軍港。Taⁿ--leh！勇khiàn-khiàn ê鐵...

[1910-8 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.08 305 koàn p.65-66(馬醫生記--ê.)無幾年前，這個寒熱ê 病醫生攏m̄知影àn-choáⁿ起。有--ê teh扑算是食無清氣ê 水，有--ê teh扑算是tuì tâm 濕ê 地發起來，有--ê teh扑算是tuì 曝著日才起，總--是無人的確知。今論這號病阮不止知影，比萬項病較詳細知。卻是真濟醫生同一樣teh 驗hit個病症才知，總--是in中間有一個較 gâu想 --ê,就是hiàng時有bat toà tī 旗後名叫萬醫生﹙Manson﹚。伊teh看起寒熱 ê人ê 血lûn內有真細ê毒珠，好人 ê 血lûn無án-ne-seⁿ。總--是差不多像hit...

[1910-9 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.09 306卷 p.72-73(馬醫生記--ê.)(接前張第66面。)這號代誌就較詳細講。人ê 血有血珠也有血lûn。血lûn也有2款，就是白血lûn kap 紅血lûn。若看tu 著寒熱 ê 人ê 血，著用顯微鏡來看，才會看著紅血lûn有--ê kap 平常 ê 紅血lûn淡薄增差，就是tī hit 中間有1 粒1 粒圓圓，看了真gâu 振動ê 款，chiah ê 就是寒熱ê 毒珠。Chiah ê 毒珠漸漸發較大到攏無看見紅血lûn,kan-ta 看見毒珠nā-tiāⁿ。M̄-nā án-ne koh 變盡大 ê時陣內面會分做濟濟細粒，有時7、8 個，有時 20 外個。到ch...

[1911-2 台南府城教會報 文類-散文 作者--/-]
公共小學 [ Kong-kiōng Sió-o̍h ]
公共小學(Iu-sî Gōng-sióng).1911.02 311卷 p.13-15 頭序。(1)世界事理ê 興衰，實在有對人發出ê關係。(2)用道理倒台，佮日本管台ê對照。(3)道理佇台灣，這tia̍p ê 妙景，驚了人路未就，所以神力無路，用新舊約作證。1.公學ê 著設.(1) 用教會全部ê間額，kap小學ê間額，以及用聖會ê囡仔額，佮學生額來指正。(2)小學ê毋成次序，閣有小可連累先生學生ê因端。(3)公學大利益囡仔，佮全份請本地牧師ê關係。2.設學ê 形勢。(1) 定決責任ê人員，通照次序運動。(2)經營ê體統款式，大概比平常小學著各樣。(3)募集學著用拄好人，題銀著紲題學生，chi...

[1911-3 台南府城教會報 文類-散文 作者--/-]
公共小學 [ Kong-kiōng Sió-o̍h ]
公共小學(Iu-sî Gōng-sióng.)(接前卷13面。)1911.03 312 卷 p.23-26 (i) 公學獲益。因為公學設成，私學停止，就ē學堂免làng，先生接續，師， 徒，興頭，循序漸進，大局好看。又全部通加添幾nā間ê大拜堂。也毋tiāⁿ 按呢，猶有一項大捐募ê地步，就是每縣份若設公學，大半佇得中ê地點；既然通設公學，kiám袂通公請二、三个本地牧師，來tiàm佇彼中間，通 (1)料理學務， (2) 輪巡教會。 若按呢，大面通除先生毋愛考進名，會友毋愛請牧師ê心。因為揣摩現今教會ê 局面，無的確是欠錢項ê緣故；驚了有這層ê阻隔lah！這層因端列位通想來知，毋免我這个用細管看...