[1934-12 台灣教會公報/芥菜子 文類-散文 作者-柯設偕/Koa Siat-kai]
平埔族 [ Pîⁿ-po͘-cho̍k ]
平埔族 (柯設偕) 1934。12，no。597，pp。27-29 佇台灣有數萬的平埔族。平埔族是比漢人 (一般所咧講的台灣人) 閣較代先來踮佇台灣。通講，平埔族是正台灣人！一般咧講的台灣人，是比in較後來才對支那搬過來--的。 咱著注意一項，就是平埔，生蕃，雖然平平是對南洋海嶼彼方面來--的，iáu-kú in (平埔，生蕃)無siāng種族，有不止大各樣佇咧。 普通一般咧用這兩句「熟蕃，」「生蕃，」實在真無合，真快予人相混亂佮誤解。聽了親像熟蕃 (平埔族)是生蕃變--的的款。其實照現時研究的結果，平埔族，生蕃，不止有各樣，也是無siāng種族。生蕃袂會變做熟蕃 (平埔族)...

[1934-12 台灣教會公報/芥菜子 文類-散文 作者-陳清義/Tân Chheng-gī]
人生的幸福 [ Jîn-seng ê Hēng-hok ]
人生的幸福 (陳清義) 1934.12，no.597，pp.22-23 提摩太前書，4章8節。論調劑身軀的事，是講著鍛鍊武藝，來調養身體。 論敬虔佇主的事，是講著練敬虔的德行，來服事上帝；兩項攏有利益。總是利益身軀的是較小可，利益敬虔的德行來服事上帝，是較大；因為今世，來世攏有得著福氣。對按呢來看，人生的幸福有3項大要緊：- 1. 身體健康 有一句話是按呢講，「病時方知健是仙。」意思是講破病的時，才知勇健是仙；因為人若無勇健，就無真正的慰安。所以人若無破病的時，毋知影健康是甚物。身體健康的人，看世界是真美麗；雖罔拄著甚物試煉，損失，災害，也毋知伊的艱苦。身體若衰荏的...

[1935-2 台灣教會公報/芥菜子 文類-詩 作者-林清潔/Lîm Chheng-kiat]
拿俄米故事 [ Ná-o-bí Kò͘-sū ]
拿俄米故事 1935.02 第599卷，芥菜子109號，p.25 (林清潔) 1.早有一人，名拿俄米， 踮佇猶太，本國徛起， 安然徛起； 可惜，本國百姓犯罪， 上帝受氣， 降落災厄予--in。 2.俄米丈夫，以利米勒， 有子兩人，瑪倫、基連， 和好心安然； 拄著本國飢荒無米， 遷徙摩押， 踮佇外邦徛起。 3.馬倫、機連，娶摩押女， 後--來父囝，連紲過世， 哀哉拿俄米； 踮佇外邦家庭衰微， 冷淡失志， 可憐賰伊家己。 4.欲歸本國，憂悶苦痛， 勸伊新婦，改嫁別人， 綴伊無所望； 第二新婦路得，做人 有孝立志， 決意綴伊一世。 5.Ta...

[1937-1 台灣教會公報/芥菜子 文類-散文 作者-卓恆利/Toh Hêng-lī]
偉人的名訓 [ Uí-jîn ê bêng-hùn ]
偉人的名訓 (卓恆利) 芥菜子 第132號 1937.01 第622號p.25 西諺講，「厭賤某的人是咧厭賤本身。」按呢通知，翁某大家毋通相厭賤，因為翁某是siāng一體，翁若厭賤某也某若厭賤翁，是咧厭賤家己，所以翁某著相尊敬。 西諺講，「老爸的德行是予囝做第一好的遺產。」所以通知，做老爸的人若無好德行予伊的囝兒通看，雖然偌濟的錢銀予伊的囝兒，猶過是空空，毋但是空空，反轉會害伊。按呢德行是予人興起的地基。 フランクリン講，「今仔日所著做的穡頭，的確毋通拖到佇明仔日。」因為對佇穡頭的延緩，致到生起濟濟的弊害。 西諺講，「人佇咧做工勞動的時陣是第一媠，第一好看。」所以咱...

[1937-1 台灣教會公報/芥菜子 文類-散文 作者-陳添旺/Tân Thiam-ōng]
強志壯膽 [ Kiông-chì Chòng-táⁿ ]
強志壯膽 陳添旺寫 1937年1月622期 30-31 請讀約書亞頭章。 這章有講4擺強恁的志，壯恁的心。新翻譯講，「勇敢壯膽」。這會甚物人講mah？啥緣故來出這號會佇百姓佮頭人？就是盡忠的摩西死，百姓咧餒志，驚惶，失膽，所以耶和華顯現吩咐Loán的囝約書亞三擺，後來約書亞吩咐百姓一擺，恁著「勇敢壯膽」，這是代先受訓示，後來訓示別人。 這內中有4項通相佮想： 1. 指導者失落。摩西做盡忠的奴僕已經死，伊的使命已經盡，所愛信任的毋知啥人？百姓親像無主的款，所以耶和華嚴嚴吩咐，愛勇敢壯膽。 2. 民心搖動。看in的主公已經死，眾百姓失膽驚惶，所以耶和華備辦後繼...

[1937-1 台灣教會公報/芥菜子 文類-散文 作者-溫榮春/Un En̂g-chhun]
聖冊佮人生 [ Sèng-chheh kap jîn-seng ]
聖冊佮人生 溫榮春 1937年1月622期 27-29 「也知你對細漢已經捌遐的聖冊，就是予你有智慧，對信基督耶穌來得著救--的。見若予上帝默示的經，也有利益佇教示，佇督責予人歸正，引chhoā人學義理，予服侍上帝的人練達便便來行攏總的好事」(2提摩太3：15─17)。 以前英國的文豪カーライル對聖冊捌按呢講，「聖冊是高貴的冊，萬人的冊」；實在佇這世上無有比這个聖冊較高貴的冊。聖冊是萬人的神靈的米糧的冊。這本聖冊是學者的冊，是學生的冊，也是農夫掠魚人的冊，是查埔人的冊，也是婦女的冊，是西洋的冊，siāng時也是東洋的冊。聖冊是古早的冊，也是現今的冊；siāng時也是...

[1937-1 台灣教會公報/芥菜子 文類-散文 作者-蕭樂善/Siau Lo̍k-siān]
信仰的公園 [ Sìn-gióng ê Kong-hn̂g ]
信仰的公園 蕭樂善 1937年1月622期 26-27 I. 對信到佇信。 1. 今年佇印度所賣出的聖經，比舊年有加賣8萬7千本。逐所在有熱心咧賣聖經的人，雖罔勞動者，拖車的人in毋捌字，也是濟濟買聖經叫捌字的厝邊讀予in聽，來得著教示。賣聖經的人，若拄著毋捌字的人，in也是愛賣in。紹介幾若位寶貝的教示，in聽了愛閣紲接來得著in所未捌得著的消息。賣聖經的人，對細漢是佇印度教來成長，所以in佮宮廟不止有緣故。常常去宮廟賣聖經；有時大鬧熱的時in也到宮廟，拄著濟濟朋友熟似人，in對in傳上帝的拯救，也講起in早時猶原到宮廟熱心信印度教。上帝怎樣chhoā in來信靠...

[1937-2 台灣教會公報/芥菜子 文類-散文 作者-駱先春/Lo̍k Sian-chhun]
用心吟詩呵咾主 [ ēng sim gîm-si o-ló Chú ]
用心吟詩呵咾主 駱先春 1937年2月623期 26-28 看報的兄姊！為著欲「用心吟詩作樂來呵咾主，」毋知恁已經有新聖詩的試用版佇恁的手抑無？猶有賰淡薄，請疼主佮主的聖會的兄姊，以及致意想愛援助聖詩部會，通予in備辦較拄好的聖詩，來予教會做呵咾主的路用的篤志家，抑是欲引chhoā會眾來吟詩敬拜主的聖歌隊員，佮有趣味佇教會音樂的同僚兄姊，著趕緊來注文去試用。有真濟人teh想愛佇正版發行的時才來買，總是照看正版袂會連鞭通出版的款。因為著愛用心神來交涉，探聽印版的事。照部會的決議，有拜託各教會著負擔Y 1.00以上，通做維持印試用版的所費，這幫若無來注文的教會，已經有攏寄一本去...

[1937-2 台灣教會公報/芥菜子 文類-散文 作者--/-]
這个是誰？ [ Chit-ê chī-chuī? ]
「這个是誰？」 （馬太21：10） 1937年2月623期 22-23 [這篇是孫雅各先生佇Gī-lân-khu合同禮拜的時說教--的，我有受伊的允准寫來落佇遮─胡文池。] 今仔日咱teh祝救主的聖誕，因為按呢咱著想「這个是誰」。彼時耶路撒冷受大的影響，也有真濟人teh問這句話。反對耶穌的人看眾人綴伊，也有講「全城去綴伊」。因為反對伊，總是看見「通城搖泏」；所以袂會放這个做無要緊的代誌。今仔日有閣較濟的人teh綴伊，世界逐國有受閣較大的影響。有偌濟世間的王，偌濟的gâu人，偌濟的百姓承認伊做主！所以今仔日雖然猶有濟濟人猶未接納伊，總是in猶原袂會掠這个做無關係的...

[1937-2 台灣教會公報/芥菜子 文類-散文 作者-吳清鎰/Gô͘ Chheng-ek]
樂山園訪問記 [ Ngāu-san-oân Hóng-būn-kì ]
樂山園訪問記 吳清鎰 1937年2月623期 25 鄙人佇舊年12月15日，佮陳，蕭，張，三位先生對台北坐バス去訪問八里庄癩病院樂山園。彼早起台北的雨不止大，總是八里庄真好天閣燒熱。行路的時對遠遠就看著樂山園的全景真正美麗好景緻。Têng園青翠的花木整頓真四序。得著陳先生親像案內見學。園內攏是近代tek的設備。逐項清氣閣好勢。園內的患者六日慇勤做工作菜園，第7日安歇守禮拜，得著牧師的靈tek栽培好教示。親像按呢，in每日的生活不止有趣味，逐人攏是感恩佮歡喜。現時患者總數58 ，內中女子15个。佇12月26日，阮得著園長戴醫生的招待，閣一擺去訪問in，赴in聖誕的祝賀會。I...

[1937-3 台灣教會公報/芥菜子 文類-散文 作者--/-]
三年運動特記 [ Saⁿ nî ūn-tōng te̍k-kì ]
三年運動特記 S. L. S. 1937年3月624期 23-24 1. 主張： 遐久的歷史的教會，應該著出濟濟人物，抑是信仰的勇者，抑是濟濟忠實的信徒；總是這是真稀罕。為著按呢教會軟弱；毋是人數少，錢少的無力。這是針對信仰的缺陷所致的結果。今仔日對這方面的進步是真要緊。 佇基督的信仰是愛向前的信仰，毋是驚死的信仰。耶穌向十字架咧向前彼款的精神著做咱的精神。伊來世間毋是驚死，愛走；若按呢，伊來是無目的。信徒起頭檢采為著家己的得救，抑是利益來信；總是毋是通不時為著按呢來生活，著進步到無驚甚物阻擋，抑是危險，佇福音做勇者，這才是實在信。 到taⁿ咱怎樣咧經營咱的...

[1937-3 台灣教會公報/芥菜子 文類-散文 作者-卓恆利/Toh Hêng-lī]
偉人的名訓 [ Uí-jîn ê bêng-hùn ]
偉人的名訓 卓恆利 1937年3月624期 22-23 スマイルス講，「看輕小可代誌的人，袂通成做大人物」。按呢通知，雖然是小可的事，猶過毋通看做無要緊，因為古今的大人物無毋是對重細細項的事。 西諺講，「想的時間著較久，欲講的話著較慢，總是一旦想了佮講出著毋通閣躊躇延延」。若是世間人濟濟無想，隨便講，致到講佮所行--的濟濟毋著跋倒。 ジヨンソン講，「身軀若是有直，就彼个身軀所照的影無曲。」Taⁿ身軀就是指起人的心肝，影是譬喻人的行為。因為心肝若正直，就所做是正義勇敢，心肝若是垃儳，所做是奸詐陰謀。 閣講，「人若是愛買無必要的物品，就無久會袂到佇必要的物件」...

[1937-3 台灣教會公報/芥菜子 文類-散文 作者-黃六點/N̂g La̍k-tiám]
基督徒佮時間 [ Ki-tok-tô͘ kap sî-kan ]
基督徒佮時間 黃六點 1937年3月624期 21-22 保羅講，「著愛惜光陰」(弗5：16)，實在時間著寶惜。Si-ni̍h講，「日-月jû-so」實在有影，光陰咧過真緊。才咧想1936的新年，目一nih連鞭閣迎接這个新的 1937年。所以保羅講，「著愛惜光陰」；人較常袂曉寶惜時間，往往將閒的時間拍損真濟。 羅馬遐強，後來拄著亡國。照冊咧記載，大半的原因是官民閒的時間傷濟；彼時國家太平，大家無事，無甚物工通做，致到逐日宴樂，花天酒地，做出濟濟罪惡的事出來。彼時的氣風是這款，袂免得基督徒也欲佮in同化。所以保羅才提這句來勉勵彼時的信徒。 寶惜時間毋是講對早-去-起時到暗...

[1937-3 台灣教會公報/芥菜子 文類-散文 作者-吳清鎰/Gô͘ Chheng-ek]
正義的主張 [ Chèng-gī ê Chú-tiuⁿ ]
正義的主張 吳清鎰 1937年3月624期 24-25 「猛獅咧哮，啥人毋驚，耶和華的所講，啥人毋傳？」(A-mô͘-sū 3：8，私譯)。 正義是甚物？世間人濟濟家己想講我的主張才是正義，凡若反對我的攏是不義。總是這是人家己的所想，毋是有甚物事實的根據。正義的標準，毋是在佇人，gâu人，先知抑是聖人。正義的根據，就是在佇上帝的所講，上帝的話。所以人欲主張正義，毋是欲主張人家己的意思，家己的哲理，是干焦予上帝做差用，聽上帝的聲來講nā-tiāⁿ。Taⁿ關係正義的主張寫幾項做參考：─ (1)主張正義的動機。毋是對人，就是對上帝的聖意。是上帝的命令，是上帝的聖旨。...

[1937-3 台灣教會公報/芥菜子 文類-散文 作者-駱先春/Lo̍k Sian-chhun]
用心吟詩呵咾主 [ ēng sim gîm-si o-ló Chú ]
用心吟詩呵咾主 (紲接前號) 駱先春 1937年3月624期 25-28 前號第26面以下所出有幾若位佮原稿無對的所在，佇遮代先愛照順序訂正： 第41首，譜的名稱「Hungtingder」著改做「Hungtingtower」。 第53首，話的作者「Baxer」著閣做「Baxter」。 首頭第24首，著改做第54首。 第67首，「d」著改做下的記號「b」。 第70首「Ha-pa-kok」著改做「Hap-pa-kok」。 首頭「71B」著改做「78B」。 第93首，作曲者「Barkwort」著改做「Barkworth」。 第114首，第...

[1937-4 台灣教會公報/芥菜子 文類-散文 作者--/-]
三年運動特記 [ Saⁿ nî ūn-tōng te̍k-kì ]
三年運動特記 S. L. S. 1937年4月625期 25-27 1. 主張。信仰予人有利佮金的目睭，親像鷹鳥對懸懸不時咧看伊的機會佇佗位。對上帝得著的信仰，應該親像按呢，不時咧揣佗位有上帝所愛伊做的工。 信徒常常想伊無工通做，實在毋是無工：佇咱的目睭前，佇咱的後面，佇遠，佇近，上帝勸真濟工愛咱做，干焦咱無咧揣，無愛發見，咱的目睭無金，無利。 有時信徒也看見真無閒的款；總是伊所揣出的工，無榮光上帝，這也是伊的信仰，無予伊的目睭金，來分別甚物是上帝所愛咱做佇今仔日所要緊的工。 總是雖罔咱盡力愛揣，也是僫揣--著，僫得分明甚物是要緊。相心兩意愛這項，也愛彼項。愛...

[1937-4 台灣教會公報/芥菜子 文類-散文 作者-駱先春/Lo̍k Sian-chhun]
肉體內有刺(A) [ Jio̍k-thé-lāi ū chhì(A) ]
肉體內有刺(A) 駱先春 1937年4月625期 23-25 保羅為著閣活的主傳福音，無論佇內，佇外，常常有試煉佮困難的事咧觸纏。佇伊的生涯中有常常佮猶太人，異邦人，抑是假做的兄弟論爭。常常孤單一个，用伊兩支的手來抵敵當時的全世界，亦無某，囝，查某囝予伊歡喜，抑是顧伊。獨獨伊有基督佇伊的身邊，賜伊有氣力通抵擋一切兇惡的權勢。 保羅所著抗爭艱難的一項，就是佇加拉太4：13-15佮哥林多後書12：7-9所記載的事。這兩張批是佇伊的生涯中同一个時期所寫的 ，所以所論的事，通講是關係siāng款的困難。 有讀著美國長老教會的神學評論，內面有Philip Schaff博士咧論起保...

[1937-4 台灣教會公報/芥菜子 文類-散文 作者-吳清鎰/Gô͘ Chheng-ek]
總督視察樂山園 [ Chóng-tok sī-chhat Ngāu-san-oân ]
總督視察樂山園 1937年4月625期 29-30 小林總督，秘書官，秘書係長，台北就知事，以及其他總督府的要人，佇3月4日去八里岔視察樂山園。巡視園內逐項的設備佮恩賜的記念式。不止同情佮表敬意佇這款癩救治的事業。亦有送患者一人一領毛毯，眾犯者受著這款的疼痛，真正受感激。 (吳清鎰報)。...

[1937-5 台灣教會公報/芥菜子 文類-散文 作者-蔡受恩/Chhoà Siū-un]
上帝的能力 [ Siōng-tè ê lêng-le̍k ]
上帝的能力 蔡受恩 1937年5月626期 22-23 人佇甚物時會體驗上帝的能力？敢毋是對信，佇基督來祈禱的時mah？實在是對咱佇靜聽的時，來應答伊的聖意去行。這就是能力的工作。 耶穌捌chhoā學生上山祈禱，佇彼時伊的面貌變做榮光燦爛。爸的能力充滿。後來落山，佇山跤有甚物事？「就看見規大陣人圍in......」咧創甚物？伊的學生咧予人質問，咧相辯論。會做工mah？袂啦。 有甚麼工通做，「有一人chhoā伊的囝患著鬼的神」......流瀾，顛倒，咬齒。欲來予學生共伊醫，有法得mah？無啦。「請你的學生趕伊，也袂會」。佇這山跤的事，敢毋是今日現實的問題mah？現代的社會，...

[1937-5 台灣教會公報/芥菜子 文類-散文 作者-明有德/Bêng Iú-tek]
恁有餅偌濟？ [ Lín ū piáⁿ loā-chē? ]
恁有餅偌濟？ 明有德 1937年5月626期 24-26 I. 主張 寫三年運動的事，若無寫聖經就無甚物通寫，因為若無聖經就袂會運動甚物。無聖經就欲怎樣捌主耶穌基督？無聖經就欲怎樣佮主交陪來祈禱？無祈禱欲怎樣實行主的路？ 這月日(4月份) 3年運動的聖經研究，就是主耶穌將5个餅兩尾魚予5000人食彼站。寫這篇的時，有咧看約翰福音傳6：1-15。猶未讀一站的代先，愛讀馬可6：32-46；馬太14：13-23；路加9：10-18。若是代先讀這幾站，就較會明白約翰所記的。 「有濟濟人綴伊，是因為看見伊所行佇病人的神蹟。耶穌上山，就佮伊的學生坐佇遐。」遐的人若是干焦因...