[1931-2 台灣教會報 文類-散文 作者--/-]
論猶太人 [ Lūn Iû-thài lâng ]
論猶太人陳明清1931.02, no. 551, pp. 9-10 （接12月9面）今愛tuì 18世紀的頭仔來說明猶太人的境遇佮所欲受的福氣來寫佇下底：-1. 欲tuì猶太人的頷頸，除去異邦人的ka-chhia。 （耶利米30:8）。對佇1783年到1800年的中間，奧國、法國、普魯士國遮的，有廢無壓制猶太人攏總的法律。後來俄國的皇帝也有取消放逐猶太人的詔書。所以幾若百萬的猶太人chiah會通自由入去徛起佇俄國。 閣後來意大利，白耳義佮以外遮的國攏有允准猶太人做國民的權利。 英國對佇1830年到1858年的中間有取消反對猶太人攏總的法律。 佇1870年德國佮意大利賞賜猶太人有自由權。 佇1...

[1931-8 台灣教會報/芥菜子 文類-散文 作者-柯設偕/Koa Siat-kai]
論信 [ Lūn "Sìn" ]
論"信"柯設偕1931.08, no. 557 (KCC, no. 67), pp. 12-13 "信"是甚麼？"信"就是所向望的的實在，佮boē看見的事的憑準（希伯來11:1）。Ⅰ. 怎樣"信"是大要緊？1. 若無信，就boē會予上帝歡喜（希伯來11:6）。2. 對信，咱chiah有活（加拉太2:20）。3. 對信，萬項事攏會（馬太17:20；馬可9:23）。Ⅱ. "信"的源頭佮目的是甚麼？1. 上帝是源頭（希伯來12:2；彼得後書1:1）。2. 基督是源頭（行傳3:16；加拉太2:20）。3. 聖神是源頭（哥林多前書 12:9）。4. 人著信上帝（馬可11:22；約翰6:29；行傳 20...

[1931-9 台灣教會報/芥菜子 文類-散文 作者-陳能通/Tân Lêng-thong]
科學佮信仰 [ Kho-ha̍k kap Sìn-gióng ]
科學佮信仰陳能通1931.09, no. 558 (KCC, no. 68), pp. 15-18 （看見濟濟的青年輩，為著現代的科學，致到信仰搖動；所以夯筆來譯寫淡薄）。Tuì 19世紀以來，科學實在有非常的大進步。 已經發見，佇物質內有囥蒸汽，電氣的大氣力；遮的力，今仔日有做了真大的工程。 火車，電車會走；電話，電信會通；電火會光；其他也有無聲電話（ラヂオ）發聲的寫真（トーキー）佮電視（テレヴ井ジヨン）；遮的攏是科學所賞賜的。 閣有天文鏡，會看到幾若億年的遠，也有顯微鏡；會看至微細的細菌。 科學者的手一下摸著物質，宇宙內神秘的真相攏顯出；將來boē明的事件攏tuì in的手來闡明。 實在...

[1931-9 台灣教會報 文類-散文 作者-王守勇/Ông Siú-ióng]
著注意！著謹慎！！莫得受迷！！！ [ Tio̍h chù-ì! Tio̍h kín-sīn!! Bo̍h-tit siū-bê!!! ]
著注意！著謹慎！！莫得受迷！！！王守勇1931.09, no. 558, pp. 3-4 現今的文明世界，第一害的，毋是傢私的利，就是歹思想的厲害。 若是佇信仰生活來講：異端，錯誤的信仰是第一厲害，因為是teh迷惑人離開天國，也直直chhoā in到地獄的所在。近來為著文化的致蔭，交通的利便，時間的縮少，印冊的器具的精工，致到思想的交換，事事的普及真快孔闊。 人的目睭較愛看，愛注意佇萬國--的的事。 總是咱基督徒的信仰，毋是欲屬佇萬國--的，就是愛向佇天國--的，遮的用得。這無偌久，有內地人過來咱台灣teh買萬國聖冊研究會所發行的書類。 這款的冊雖然是宗教冊，總是是異端的冊。 In的研究會...

[1931-10 台灣教會報/芥菜子 文類-散文 作者-陳添旺/Tân Thiam-ōng]
嫁娶的風俗 [ Kè-chhoā ê hong-sio̍k ]
嫁娶的風俗陳添旺1931.10, no. 559 (KCC, no. 69), pp. 16-17 Tuì有人類以來就有嫁有娶，原初是造物的主共in匹配，若準老父共囝兒主婚一樣。照看原早嫁娶是真單純的款，無甚麼異端掔損，親像亞伯拉罕差伊的老奴僕轉本鄉共囝以撒娶親，逐聲是講若會成是tuì上帝。按呢in萬事是交代上帝，真有看活的款式。老奴僕到本鄉的地，有牧場的所在，就佇遐有查某囝仔好意用水予 in啉，也予精牲啉，按呢就有定親的思念。後來就用環予伊掛，轉佮父母兄弟的家安身就soà參詳配親的事，毋知囝婿是圓抑是扁就配親，也是講：萬事出佇耶和華，無打緊就按呢佮老奴僕soà做陣去，新囝婿來路頭迎接入房做...

[1931-11 台灣教會報 文類-散文 作者-周惠霖/Chiu Huī-lîn]
奇異 (Kiwi) [ Kî-uí (Kiwi) ]
奇異 (Kiwi)周惠霖1931.11, no. 560, pp. 4-5 佇澳大利亞國有一款的鳥仔名叫做奇異 (Kiwi)。 這號鳥仔，一年的中間干單生一粒卵；毋過兩是真大粒。鳥仔囝tuì出卵殼彼日，就會曉家己照顧，毋免倚靠伊的父母的力。今年的中間有濟濟的患者來入台南新樓醫館，其中有700外人以前攏毋捌聽著道理。 In佇醫館內攏有聽著 - 有的有接納，有的轉去in 兜猶teh想所聽的道理，有的明明拒絕，總是通講已經有掖種子佇in逐人的心內。 可惜，遐的聽道理，接納道理的人毋是親像彼款奇異鳥 - in猶著欠人的照顧。 In欠同伴，in欠好心的人去找 in，佮in相合講話談論上帝的疼佮伊的恩...

[1931-7 台灣教會報/芥菜子 文類-詩 作者--/-]
紀念偕牧師的歌 [ Kì-liām Kai Bo̍k-su ê Koa ]
紀念偕牧師的歌故吳寬裕 傳道1931.07, no. 556 (KCC, no. 66), pp. 14 1. 第一翰才偕叡理，初學吐蔭字；新舊聖經攏總會，教人真理捌天父。2. 開拆道理意思深，男女明白感激心；聲音高低攏教拍，舉手和運腳ná踏。3. 吟詩歡喜合手拍，所講迫切盡力搭；講主模樣勉勵人。進前安慰gâu教示。4. 有時威嚴愛利益，予人關心有道德；有時苦勸兼責備，進前安慰gâu教示。5. 天將夫子為bo̍k-to̍k，開人心門知降服；Tuì來到今數十年，傳報道理無歇時。6. 一生顯出好舉止，所做逐項主歡喜；伊學捕撈佮先知，教示學問無品捧。7. 舉止行動攏四正，教內，教外人人疼；耶穌道理...

[1931-10 台灣教會報/芥菜子 文類-詩 作者-柯設偕/Koa Siat-kai]
個人傳道的工 [ Kò-jîn Thoân-tō ê kang ]
個人傳道的工柯設偕1931.10, no. 559 (KCC, no. 69), pp. 18-19 （Tuì中國雜誌翻譯）1. 個人傳道的工，逐人攏會去傳，不論男婦老幼，逐人攏利便，你去chhoā你朋友，我去chhoā我朋友，一直chhoā到主前，通受主拯救。你去chhoā你朋友，我去chhoā我朋友，一直chhoā到主前，通受主拯救！通受主拯救，通受主拯救，一直chhoā到主前，通受主拯救！2. 個人傳道的工，逐位攏會去傳，不論內面外面，逐位攏利便，你欲chhoā你朋友，我欲chhoā我朋友，一直chhoā到主前，通受主拯救。3. 個人傳道的工，逐時攏會去傳，不論日時暝間，逐時攏利便，你...

[1931-1 台灣教會報 文類-傳記 作者-陳添旺/Tân Thiam-ōng]
陳萬連的小傳 [ Tân Bān-liân ê Sió-toān ]
陳萬連的小傳陳添旺 記1931.01, no. 550 (KCC, no. 59), pp. 19-20 看死若睏，臨終免驚。 雖然老弱病真久，總是看伊死真正看活；佮孫仔講話，講到身軀無力偃頭來死。 彼早起就共伊的婦人人講：我今仔日免到暗就欲予伊好勢；真正安然歸天。伊是主後1863年；10月10日出世，今年享壽67 歲。 伊有4个查甫囝，5个查某囝，tuì阿兄來算，有到五代孫。伊的來歷是無啥好聽，毋過也有可取，所以寫淡薄佇紙面予咱知。伊的祖先是耕農做業，繼續無làng。 前時踮保長坑，屬水返腳教會，1918年兩兄弟徙來鳳林，1921年閣徙來頭人埔（徛佇大庄）。 信道理有徛45年；1889年t...

[1932-1 台灣教會報/芥菜子 文類-散文 作者-陳能通/Tân Lêng-thong]
向望的源頭 [ ǹg-bāng ê Goân-thâu ]
向望的源頭陳能通1932.01, no. 562 (KCC, no. 72), pp. 11-12 "有向望咱的主耶穌基督，就吞忍。"老人的特色是回顧過去的事；青年的特色就是囥向望佇將來。 這是人人所承認的真理。 總是有人觀察現代的時勢講，"現代的青年無囥向望；無論是趨向佇社會主義--的，抑是沉溺佇享樂主義--的，原因攏是在佇遮。" 實在是按呢，這个歹景氣，oh得著職業，佇遐有生活的困難。 Chī-chuī欲指示in活命的路，chī-chuī欲予in有氣力？ 有時正當的言論也受金錢勢力的壓迫，致到soà毋知是為著甚麼因端來得著學問。 所以有氣力的就想講：著用革命tek的手段來改造這號社會狀態...

[1931-3 台灣教會報 文類-傳記 作者--/-]
羅文德的小傳 [ Lô Bûn-tek ê Sió-toān ]
羅文德的小傳Soaⁿ-pà B. Ch. L.1931.03, no. 552, pp. 10 長老出世佇1865年8月15日，本鄉是佇新化郡左鎮庄山豹，父母生in兄弟仔 5人，小妹兩人，長老擺第二。 佇十數歲就予伊入漢學，到16歲就予伊佇現時的新化做人的數櫃，20歲就轉來設法家內的事。佇日本領台的時，伊就信主，tuì信主了後就真致意道理。佇1896年，伊就倡守起拜堂佇山豹的大寮，盡力設法到完成。佇1897年，就領洗禮入教，到1899年4月16日受會友選舉做執事4年久，會友看伊盡忠，就共伊高升做長老，連連留29年，計共當職33年，不幸佇昭和5年12月14日，禮拜下晡就起肺炎的病，食醫學無功效...

[1931-5 台灣教會報/芥菜子 文類-傳記 作者-周桃/Chiu Thô]
王--氏勤小傳 [ Ông--sī Khûn Sió-toān ]
王--氏勤小傳周--氏桃1931.05, no. 554 (KCC, no. 64), pp. 20 王--氏勤是踮佇大甲街，頂店庄的人。 對教會來講：伊是屬佇大甲教會的女信徒。 伊是佮故陳其祥先生有親戚關係，閣伊本身會信道理佮伊的大家官，大家會入教攏是tuì佇Kî-siông先生佮先生娘的熱心引chhoā的結果。 所以咱若數念伊，就自然亦著數念其祥先生佮先生娘。 伊tuì 21年前就信道理，亦其祥先生soà鼓舞設法予伊來讀婦學。 論伊的天資不止好，boē輸當時的窗友，伊讀六個月就著轉去厝裡料理家事。論伊的聖是恬靜，罕得凊采講話，亦佮人不幸，真正是通做一个模範值的女信徒。 伊頭尾14年久佇...

[1931-6 台灣教會報 文類-傳記 作者--/-]
朱姑娘小傳 [ Chu Ko͘-niû Sió-toān ]
朱姑娘小傳佚名1931.06, no. 555, pp. 1-3 佇1851年，朱姑娘 (Miss Stuart) 佇蘇格蘭出世，細漢的時父母徙去英國北爿一個城名叫S. Shields佇遐徛起。 伊有四個大姐，一個兄，伊是煞尾囝。 猶boē過來這爿teh 教學校，閣禮拜日teh幫贊in本所在的主日學，兼彈琴。 佇 1885年的年尾佮文姑娘作伙來台灣。 到1887年，新曆2月14號，in就開設女學校。 Tuì彼霎就盡力教育女子，以及巡視會友，去教會教姊妹捌聖經。 1891年歇任轉去，可惜無看著老父佮一個大姊，伊佇這爿的時，in已經過身。伊感覺台灣人的欠缺，就是助產，所以應用歇睏的時間去學，到成...

[1931-8 台灣教會報/芥菜子 文類-傳記 作者-郭水龍/Keh Chuí-lêng]
張海水的小傳 [ Tiuⁿ Hái-chuí ê Sió-toān ]
張海水的小傳郭水龍1931.08, no. 557 (KCC, no. 67), pp. 20 木柵教會的長老張海水是貧寒的家庭出身，細漢的時父母就過身，伊予人倩做看牛囝仔，較大漢就共張弘做長工，伊看張Hông長老的熱心受感，後來娶某建立新家庭，果然熱心佇教會，勤免佇家庭，淡薄講較詳細。1. 伊對教會，熱心守禮拜，題捐攏是愛做模樣，所行守道理，教會就揀伊做長老，伊閣較盡職，會友若有破病逐日去看伊，幫贊伊，踮遐鬥照顧，閣較無閒亦撥工去，行到伊的病好chiah煞。 會友若有不和伊盡力勤和，有少年人去放蕩，伊去勸勉伊到家己流目屎；為著教會的事閣較無閒亦放工去做，若會友冷心，伊常常去引chhoā，若...

[1931-9 台灣教會報/芥菜子 文類-傳記 作者-陳添旺/Tân Thiam-ōng]
陳鄧--氏Chhoā小傳 [ Tân Tēng--sī Chhoā Sió-toān ]
陳鄧--氏Chhoā小傳陳添旺1931.09, no. 558 (KCC, no. 68), pp. 20 這人是故陳Kim-khit長老娘，是故陳Sêng-chong (Hàn) 長老的大新婦，陳文贊長老的老母。 文贊醫生娘也是長老。 In是真久的會友，也通講：三角湧教會的功勞者；西仔反的時，予人懇著真悿，總是無放sak，到長老娘的囝，in有三代接續長老的職份，今兩代煞in的著磨向望現代猶較盡力。長老娘22歲入in門，後來順從信天道，1960年34歲受洗禮入教會，過往享壽是59歲，遺下三個囝攏成器，有8个甫孫，5个查某孫。 一個大囝過世，第二--个是醫生，第三--个作穡，算是真好命，親族真...

[1931-10 台灣教會報 文類-傳記 作者--/-]
高姑娘的小傳 [ Ko Ko͘-niû ê Sió-toān ]
高姑娘的小傳K. Y. C. 記1931.10, no. 559, pp. 8-9 高姑娘名Hap-ná (Miss Haⁿah Coⁿell) 佇1869年1月6號，出世佇加拿大的A-lí-su-tun城 (Aliston, Ontario, Canada)。伊tuì音樂學校出身，有得著音樂家的資格；所以音樂是伊所貫串，是音樂界的女名人。1905年11月3號，就是明治38年的天長節日，伊有佮金仁理姑娘 (Miss J. M. Kiⁿey) 做北部第一會的姑娘來台灣。伊濟濟年做淡水婦學的校長，鬥教聖經；兼女學的音樂；當時神學生也濟濟人捌受著伊教示ji̍h風琴佮ピアノ。1928年11月欲佮金姑...

[1931-10 台灣教會報 文類-傳記 作者--/-]
劉牧師娘的小傳 [ Lâu Bo̍k-su-niû ê Sió-toān ]
劉牧師娘的小傳卓偉臣1931.10, no. 559, pp. 9-10 劉俊臣牧師娘姓陳名水良。 伊的出生地佇台南市紅公祠邊；in老父人叫伊六叔，tuì in老父就得著道理。 今論伊的戮力我愛講3項：-1. 論對教會內外的待遇。 牧師娘細漢的時有讀女學，初時代也捌教女學。 論伊佮劉牧師去toà幾若位的教會做工，toà傷第一久的就是toà佇木柵14年久。 劉牧師娘性情好，無論教內教外人人好，予人真呵咾。 我猶會記得，有一個秀才（陳Tiong-siu）佮一個憲兵（Mô͘-lí sàng）捌對我講，這个劉牧師娘真賢閣真好心，按呢通知，伊佇教內教外真正好名聲，也無重富輕貧，真疼惜散凶人，若看著散凶...

[1931-12 台灣教會報/芥菜子 文類-散文 作者--/-]
詹德建君死啦！ [ Chiam Tek-kiàn kun Sí-lah! ]
詹德建君死啦！張崑遠1931.12, no. 561 (KCC, no. 71), pp. 19-20 A. D. 1931，昭和6年， 9月7日，下晡6點，詹德建傳道師，佇台北市宮前町馬偕病院別世。佇A. D. 1907，明治40年7月29日，故詹德建君出世佇新竹州苗栗郡，公館庄福基，伊是故詹A-bián長老的長男。 Tuì細漢的時就讀冊，到今年tuì台北神學校卒業，彼个期間抵抵15年，公學校6年，中學校5年，神學校4年。 今年3月tuì台北神學校卒業，同時受任北部傳道師的職，續受派去中壢教會就任，伊做傳道著只有5月日若定，就完伊的工，按呢予通知伊 - 除去5月日的公人生活 - 是佇私人生...

[1931-12 台灣教會報/芥菜子 文類-傳記 作者--/-]
李文斯頓的傳 [ Lī-bîn-sū-tùn ê toān ]
李文斯頓的傳佚名1931.12, no. 561 (KCC, no. 71), pp. 14-15 李文斯頓．大衛 (David Livingstone) 佇1813年出世，1873年過往。 伊的父母散凶，是熱心服事上帝的人，對重祈禱，閣是真謙卑。 伊10歲，就無通讀公學校，姑不將佇織工場予人倩。 所賺的錢，ná 積囥teh。 後來有學做醫生兼牧師。 伊有欣慕愛到阿非利加就做主的奴僕引chhoā人捌天父。1840年受派，搭船3月日久chiah到位。五大洲的中間，阿非利加洲是第一熱帶地，總是李文斯頓毋驚地氣的熱，會予人真艱苦，百姓較濟是烏面人。李文斯頓到位，就學遐个腔口，後來四界傳福音，教示人...

[1935-10 台灣教會公報/芥菜子 文類-傳記 作者-潘毛里/Phoaⁿ Mô͘-lí]
數念故吳添友長老 [ Siàu-liām kò͘ Gô͘ Thiam-iú Tiúⁿ-ló ]
數念故吳添友長老1935.10 第607卷 p.40-42芥菜子第117號(潘毛里)南崁教會的吳添友長老，佇8 月25日有受主揀召離開世間倒去天堂，享壽81歲。吳長老的做人是樸實忠厚，對教會、對國家真出力奉事，有頭、有尾，真誠實清廉、清氣，熱誠信主；予人人所數念，一下聽見伊離開世間，真毋甘。1 3歲的時就無老爸，得著賢母的牽成，到9 歲的時，有入書房讀冊。到14 歲的時就出佇社會來擔當1家的生計，踮佇南崁店仔做淡薄的生理。到26歲的時，有轉業來佇現時的所在經營農業，直直到佇伊過身的日，做1个篤農家佇南崁。論吳長老對國家、對教會、對家庭的貢獻，我愛排列淡薄，通予咱相佮榮光上帝的名。 A.對國家的...