[1910-3 台南府城教會報 文類-散文 作者--/-]
凌辱成做榮光 [ Lêng-jio̍k chiâⁿ-chò En̂g-kng ]
凌辱成做榮光1910.03 300卷 p.24-25 有時人講話無甚mi̍h tú好，是tuì in無斟酌想，kan-ta看外皮，無救khàm真實 。致到掠見笑做榮顯，掠體面做見笑。在早使徒 hō͘ in ê 序大人掠去關監受扑，in掠做榮顯﹙行傳5：40，41﹚；驚了咱若tú著hit號 ê 代誌就beh掠做真漏氣。當時耶穌死tī 十字架，hit-tia̍p照人看是tú著大見笑極凌辱；伊ê 對敵攏得聖體面倒去 in 厝。總--是究實有án-ni 抑無？咱著斟酌想正知，hit一日只有耶穌有名聲體面，其餘眾人攏見笑落lián。今來想in一人一人ê 情形，看有影是án-ni 抑無 。 ...

[1910-5 台南府城教會報 文類-小說 作者-萬姑娘/Bāng Ko͘-niû]
流傳ê故事 [ Liû-thoân ê Kó͘-sū ]
流傳ê故事(萬姑娘翻譯)1910.05 302卷 p.38-39 倚兩千年前佇猶太國ê耶路撒冷城有兩个囡仔結做好朋友。Chi̍t个是猶太人ê囝，chi̍t个是異邦人ê。猶太人ê是勇健活動，四界thit迌；可惜異邦人ê查某囡仔lám身命，因為跤骨失力，袂行，若beh徙位著倚靠人āiⁿ。伊ê老父開布店，查某囡仔跕厝內keⁿ布；毋過伊ê老父逐項著共伊備辦好好，然後伊慢慢仔keⁿ，是因為跤手無力。伊ê心盡切意ài敬拜上帝，總是hit時ê異邦人較無路通出頭佇拜上帝ê代誌，所以不時teh煩惱驚了in ê人死了後袂得著救。伊ê朋友ta̍uh-ta̍uh來揣伊，若是袂會安慰伊；反轉加添伊ê煩惱致到心肝真鬱卒。...

[1910-6 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.06 303卷 p.47-49(廖三重翻譯。)(接前張第40面。)東西 ê 賢人哲士所thang可取--ê,就是鼓舞勇猛 ê心盡力來閃避罪惡。總--是基督道德 ê 品性是完全瑕痕，m̄-bat有犯罪，也m̄-bat認有罪惡；就雖是著悔悟著赦罪，hit號ê 想念也無；反轉好膽公言有赦人罪 ê 權。親像這款ê 品性 tī 人間ê 歷史boē bat有看見；又koh也無人浮漂 ê 心。 Kiam -chhai 有人beh講，基督雖然知叫有罪，iáu-kú為著別項目的騙家己，誇口講nā -tiāⁿ。總--是無論tuì tó位看是好人無錯ê 基督，kan-ta 這項事來改做，到底b...

[1910-8 台南府城教會報 文類-散文 作者-林茂生/Lîm Bō͘-seng]
盡忠到死 [ Chīn-tiong Kàu sí ]
盡忠到死林茂生記--ê1910.08 305卷 p.64-65 四月十五號，佇廣島(Hiroshima)海灣，艦隊teh操練。戰船中有chi̍t款號做 tiàm-bī船，是匿佇水底 teh 載水雷，抑是放水雷傷害對敵。Hit-tia̍p猶原有chi̍t隊這號船出來teh操。照規矩船若落去tiàm-bī是限定四點鐘久；過時無浮就是有事。到限定ê時到，其中有一隻名叫第六號ê tiàm-bī船無浮起--來。當局ê人接著報操心peh腹，緊派人派船去抄海；到隔轉日下晡三點半chiah揣著所在。giâ浮起--來chiah用別隻船拖轉去呉(Kure) ê軍港。Taⁿ--leh！勇khiàn-khiàn ê鐵...

[1910-8 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.08 305 koàn p.65-66(馬醫生記--ê.)無幾年前，這個寒熱ê 病醫生攏m̄知影àn-choáⁿ起。有--ê teh扑算是食無清氣ê 水，有--ê teh扑算是tuì tâm 濕ê 地發起來，有--ê teh扑算是tuì 曝著日才起，總--是無人的確知。今論這號病阮不止知影，比萬項病較詳細知。卻是真濟醫生同一樣teh 驗hit個病症才知，總--是in中間有一個較 gâu想 --ê,就是hiàng時有bat toà tī 旗後名叫萬醫生﹙Manson﹚。伊teh看起寒熱 ê人ê 血lûn內有真細ê毒珠，好人 ê 血lûn無án-ne-seⁿ。總--是差不多像hit...

[1910-9 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.09 306卷 p.72-73(馬醫生記--ê.)(接前張第66面。)這號代誌就較詳細講。人ê 血有血珠也有血lûn。血lûn也有2款，就是白血lûn kap 紅血lûn。若看tu 著寒熱 ê 人ê 血，著用顯微鏡來看，才會看著紅血lûn有--ê kap 平常 ê 紅血lûn淡薄增差，就是tī hit 中間有1 粒1 粒圓圓，看了真gâu 振動ê 款，chiah ê 就是寒熱ê 毒珠。Chiah ê 毒珠漸漸發較大到攏無看見紅血lûn,kan-ta 看見毒珠nā-tiāⁿ。M̄-nā án-ne koh 變盡大 ê時陣內面會分做濟濟細粒，有時7、8 個，有時 20 外個。到ch...

[1911-2 台南府城教會報 文類-散文 作者--/-]
公共小學 [ Kong-kiōng Sió-o̍h ]
公共小學(Iu-sî Gōng-sióng).1911.02 311卷 p.13-15 頭序。(1)世界事理ê 興衰，實在有對人發出ê關係。(2)用道理倒台，佮日本管台ê對照。(3)道理佇台灣，這tia̍p ê 妙景，驚了人路未就，所以神力無路，用新舊約作證。1.公學ê 著設.(1) 用教會全部ê間額，kap小學ê間額，以及用聖會ê囡仔額，佮學生額來指正。(2)小學ê毋成次序，閣有小可連累先生學生ê因端。(3)公學大利益囡仔，佮全份請本地牧師ê關係。2.設學ê 形勢。(1) 定決責任ê人員，通照次序運動。(2)經營ê體統款式，大概比平常小學著各樣。(3)募集學著用拄好人，題銀著紲題學生，chi...

[1911-3 台南府城教會報 文類-散文 作者--/-]
公共小學 [ Kong-kiōng Sió-o̍h ]
公共小學(Iu-sî Gōng-sióng.)(接前卷13面。)1911.03 312 卷 p.23-26 (i) 公學獲益。因為公學設成，私學停止，就ē學堂免làng，先生接續，師， 徒，興頭，循序漸進，大局好看。又全部通加添幾nā間ê大拜堂。也毋tiāⁿ 按呢，猶有一項大捐募ê地步，就是每縣份若設公學，大半佇得中ê地點；既然通設公學，kiám袂通公請二、三个本地牧師，來tiàm佇彼中間，通 (1)料理學務， (2) 輪巡教會。 若按呢，大面通除先生毋愛考進名，會友毋愛請牧師ê心。因為揣摩現今教會ê 局面，無的確是欠錢項ê緣故；驚了有這層ê阻隔lah！這層因端列位通想來知，毋免我這个用細管看...

[1911-4 台南府城教會報 文類-散文 作者--/-]
公共小學 [ Kong-kiōng Sió-o̍h ]
公共小學(Iu-sî Gōng-sióng.)(接前卷26面。)1911.04 313卷 p.35-36 又前俄國有一個大富翁看著本國ê人民， 腦力人才袂贏過全球；就用伊兩百萬 ê 銀建所在，買國中勇壯ê人才，出色ê男女，共 in匹配，意思愛改良彼號人種予成物。這號事就有人肯為國圖謀lah；何況咱ê主hiah仁慈，這號事毋肯為伊說法？又當時耶穌佇世間，有歹婦人人甘願用幾若十箍 ê香油抹耶穌，又用無價 ê目屎，頭毛，喙，來獻予伊。 (路 7:37, 38。) 又有耶穌ê假朋友西門甘願開錢辦一塊桌來請耶穌(路 7:36)。何況咱是耶穌ê真朋友lah (翰. 15:14)。Kài-歹ê撒該一下交陪著...

[1911-5 台南府城教會報 文類-散文 作者--/-]
教育ê好法 [ Kàu-io̍k ê Hó-hoat ]
教育ê好法1911.05 314卷 P.37-38 孟子ê冊有講：「逸居而無教，則近有禽獸」；意思就是講百姓有閒，若無教伊，就親像禽獸ê款。但是這個教--ê毋是kan-ta教伊人倫niā-tiāⁿ， 猶著教伊讀冊捌字。俗語有teh講：字是隨身報。這個讀冊毋是kan-ta讀親像古早ê 四書五經nā-tiāⁿ，猶過著看外冊佮新聞報，捌本國以及外國ê代誌；若ē 按呢，見識著會較開闊，袂聽人風聲，心肝疑惑，就免得予人欺騙。親像十外年前，日本beh來拍台灣ê時，百姓有時風聲東，風聲西，致到佮日本相刣，刣ê時陣庄頭予伊燒毀，也百姓予in刣死，真大可憐；這个因端攏因為毋知各國ê代誌ê緣故。設使hit時若有看...

[1911-5 台南府城教會報 文類-散文 作者-陳春和/Tân Chhun-hô]
北港 [ Pak-káng ]
北港(陳春和記ê)1911.05 314 卷 p.43-44 捌聽見世間有濟濟出名聲ê所在。怎樣會出名？卻有幾若項ê因端。因為國若出名，較常是對彼國內所出ê物件。親像美國ê 金山所出名--ê就是金。在早ê 巴別出名ê就是大塔。以弗所有出名亞底米ê廟。耶路撒冷有出名所羅門 ê殿堂。Taⁿ佇台灣ê北港第一出名--ê就是媽祖。論佛ê代誌世界逐國有；逐國有逐款ê 佛，有ê大sian，有ê細sian。親像巴比倫Thó͘-lat平埔 ê金像，抑是日本國佛廟ê銅像這thang講是大仙 ê 佛；其餘親像清國，印度以及台灣有種種ê 佛算bē了講bē盡。Taⁿ 北港雖然m̄是親像hiah-ê，總是我beh講淡薄。...

[1911-6 台南府城教會報 文類-散文 作者-甘為霖/Kam Uî-lîm]
論白話字 [ Lūn Pe̍h-oē-jī ]
論白話字。 1911.06 315卷 p.47-48 (甘為霖記--ê。) 前卷ê報有講咱ê漢字kap日本字是無甚mih合庄社人ê路用，反轉教會內teh用ê外國字真正會做tit。講起了，hit篇論有舉議咱著將先生ê氣力kap教會ê錢財設一個外國字ê新聞報，也有請看報ê列位著罔來參詳這層事。*今我ài講幾句。 I.論漢字。(1)英國人iáu做生番ê時陣，這號字已經有大功效；(2)現今tī歐羅巴kap大美洲ê大學有差不多30個博學先生teh教漢文；(3)清國近來ê大興較大半是出tuì百姓真保惜in本地ê學校，的確m̄是因為外國字有開路來牽伊。設使會友ài辯駁講，屬漢文無甚mih利便ê字...

[1911-6 台南府城教會報 文類-散文 作者--/-]
飛行機 [ Hui-hêng-ki ]
飛行機1911.06 315卷 P.54 坐風蹛半天飛，不過是兩千年前列子ê空想；龍宮thit迌kan-ta是笑談孽語。總是佇這20世紀，科學界ê大進步，實在是予人聽著ē驚，看著會chhoah。自古以來，人類是踮佇地上ê活物，若是對知識ê精進，理論加添，實用發現，就人毋若會得做魚踮bī佇水內，也ē學鳥飛佇半空中。潛航艇 (就是海內ê船)久久就teh實用；飛行機 (就是飛船)是近來chiàⁿ發明。佇日本雖未偌大成功，佇歐美是已經出對試用界入佇實用界lah。伊ê作法毋若一款，有雙葉式，單葉式，各發明家攏有伊ê名，oh得一一記載明白。大阪朝日新報社，對美國聘請飛行家三名帶飛行機兩張來，三月12日佇大...

[1911-7 台南府城教會報 文類-散文 作者-穆清潔/Bo̍k Chheng-kiat]
魁儡反亂 [ Ka-lé Hoán-loān ]
傀儡反叛(穆清潔記--ê.)1911.07 316卷 P.62 佇幾nā日前傀儡山 Tó-ku-hu̍t ê 衙門 hō͘ But-lái ê 傀儡攻，人無損傷，衙門予in燒去；也濟濟擺予in攻。後來hiah ê日本人就來Kháu-siā-á。 佇今仔日，新曆6月24號，大社 ê 支廳長，警部保，佮1个巡察，以及警部 ê 囝，共4名，佇遐予傀儡刣死。警部 ê 某佇 Kháu-siā-á猶佇teh。 Ê昏阮遮亂chhau-chhau，阮ê心肝pho̍k-pho̍k chhéng，毛管giâ幾若寸；心內不止無平安。有召規區ê壯丁透暝 欲去Kháu-siā-á. 佇遐猶有日本巡察1名，台灣巡察 1...

[1911-7 台南府城教會報 文類-傳記 作者--/-]
黃嘉智ê小傳 [ N̂g Ka-tì ê Sió-toān ]
黃嘉智ê 小傳 四十六年前，tī主後1865年，馬醫生kap 杜牧師對廈門過來台灣傳道設教。 hit時有一個少年人姓黃名嘉智kap in來； 伊本是漳州石馬 ê人，對打馬字牧師受洗禮。 Hit-霎 ê時陣，台灣ê人iáu-boē有人拜上帝。為著 hit時馬醫生被人革逐soá去打狗設醫館， 黃先生也kap伊去，iú-goân 做伊ê 助手，禮拜日續講道理hō͘人聽。三四年後馬醫生koh 倒轉來台南府， 打狗行--裡 ê人就央託伊請一個萬醫生來打狗替伊ê缺。 萬醫生歡喜來咱ê 醫館行醫； m̄-kú 醫館內ê代誌攏是黃先生料理。無loā-久萬醫生去廈門，kah伊ê小弟來接伊ê 缺；有人稱呼伊做小萬...

[1911-8 台南府城教會報 文類-散文 作者--/-]
長衫 [ Tn̂g-saⁿ ]
長衫 近來chhiap想台頂穿衫短短m̄是禮就是。諒必有甚麼khah好ê禮法 thang 趁。就án-ni熱天穿禮服真熱。定著 bē用得。M̄-kú 西國人所穿ê熱衫m̄ bat穿長--ê。穿長--ê kài無時-行。想來想去，拍算khah好著對英國買這領輕薄ê衫，照英國牧師tī 台頂穿ê款。Taⁿ現時有買--來，逐禮拜台頂講道理有teh穿。m̄知台灣ê傳道師有甚麼khah好ê 禮法 mah？現今有傳道師台頂平平是穿短衫。或者講："M̄-kú現時先生攏teh剪髮。先生若是剪髮put kái chong， 不但若禮拜日也逐日出門合額穿長衫。剪髮連穿台灣人ê短衫會hō͘人看輕。倒反想換新款愛照禮法...

[1911-8 台南府城教會報 文類-小說 作者-林茂生/Lîm Bō͘-seng]
雪子救人 [ Soat-chú kiù lâng ]
雪子救人。 1911.08 317卷 p.68 (林茂生譯述。) [佇內地有發行一款的雜誌名叫「日曜世界」，每月一擺，是專專teh 予主日學的先生佮學生讀的。Chit-pang這个雜誌的主-筆有去台灣巡視；轉來了就用六月號的雜誌做台灣號來講起台灣教會的消息hông聽。中間有記偕牧師建置教會的事，以及偌濟好聽的代誌。有一篇是台北一個糖務係的官吏，菅井(Sugai)君所記teh講起台北一個信主的查某囡仔的好心。我讀了teh想若翻譯這chām 予列位看會相佮得著利益。] 我是台灣總督府內砂糖系的當差。也有teh教一班主日學，佮偌濟囡仔平平teh受上帝的教示。有一日出差去...

[1911-8 台南府城教會報 文類-散文 作者--/-]
製鹽的機器 [ Chè-iâm ê Ki-khì ]
製鹽ê機器。 1911.08 317卷 p.70 自早前以來每所在teh曝鹽攏是將鹹水曝礁，較濟位是用日曝--ê:總--是英國kap 美國 ê 日無hiah炎，正用土炭焚鼎來煮。M̄-kú hit個土炭較貴，鹽ê 價錢較俗，較無啥趁。 近來英國有人激出一個機器，雖然猶原是用土炭來煮，m̄-kú 所用ê 土炭極省，一灶ê 土炭會煮得幾若鼎ê 鹽；本錢較省，趁錢較濟。照hit爿ê 國法若有激出新機器ê 去稟報官府，官府m̄准別人做kap伊相像ê。別人若ài做kap伊相像，著講錢hō͘ hit個人歡喜，正beh准伊做。 Chim-má有美國製鹽ê 會社kap hit個激機器ê 人立約，這個...

[1911-8 台南府城教會報 文類-散文 作者-P. Ch. H./P. Ch. H.]
路途寬窄論 [ Lō͘-tô͘ Khoan-chek Lūn ]
路途寬窄論。 1911.08 317卷 p.71-72 看馬太第7上 13、14節講：「著tuì 隘門入；chhoā人到死hit個門是闊，hit個路是大條，入ê 人濟濟；chhoā人到活，hit個門是隘，hit個路是細條，入ê 人少。」 頂面這2節是聖ê 話，咱著節節記心來想，因為有好kap歹 ê 路 ê 分別；親像13 節頭一句講：「著tuì 隘門入」；àn怎樣著tuì 隘門入；門若隘，路自然也是隘，án-ni 路途穩當難行。聖經也有記講，難行的確亦著趁來行，到尾m̄-kú 有永永是歡喜kap 快樂tī-teh。 若是hit個第2句講：「Chhoā人到死hit個門是闊，hit...

[1911-9 台南府城教會報 文類-散文 作者--/-]
朝見國王 [ Tiâu-kìⁿ Kok-ông ]
朝見國王。 1911.09 318卷 p.76-78 [大英國 ê 國王ài顯明伊有尊重咱ê 聖教，正召大會ê 會眾入朝去朝見。前年祖家 ê長老教請汕頭ê Khip牧師做會證；所以舊年伊也有去朝見。後--來將伊所經過ê 代誌寫一張批hō͘英國主日學 ê 學生。Chím仔翻譯台灣話，印tī 下底；hō͘咱主日學ê 學生thang看。] 我今年hō͘ 我 ê 王 I-oa 召我去朝見；tuì án-ni-siⁿ 我得著幾若項ê 教示，hō͘我較會知你我怎樣會tit 親近咱主耶穌，就是通天腳下ê 大君王。今ài將我所得著幾若項ê 教示講hō͘ lín 聽。 頭一項就是接著一張帖，這張帖看...