[1890-2 臺灣府城教會報 文類-散文 作者--/-]
論喪事 [ Lūn Song-sū ]
論喪事1890.02 第五十七張 p.11-13舊年教會報有請兄弟做論，就是將喪事做題來議論。頭名beh賞兩箍，二名beh賞一箍；另外兄弟、姊妹ê中間頭名beh淡薄賞in。後來有接--著6篇爾爾。今已經批評明白，將二名內記tī下底： 1、劉茂青，阿里港。2、徐春枝，石牌。 兄弟無人寫；只有姊妹一個寫，就是tiàm tī鹽埔ê根嫂。 今將頭名ê論印tī下底，hō͘ lín大家看。 頭序 平安快樂是眾人所欣慕；病痛死失也是逐人所bē免tit。既然有死，就有埋葬；有埋葬，就有喪事ê禮。喪事ê禮oh-tit稽考到盡，也難tit逐項論到齊著詳細。因為有古早聖賢所定ê禮，號做古禮。也有後世賢人所加ê禮，記...

[1889-8 臺灣府城教會報 文類-小說 作者--/-]
Si̍t-tián-má [ Si̍t-tián-má ]
Si̍t-tián-má1889.08 第五十一張 p.61-64(接前張第五十四面。) 有一日出門行到城牆邊看見人kui陣緊緊 tuì一間破厝入去，有ê tuì 東來，有ê tuì西來。Si̍t-tián-má 看了真奇怪，m̄知是啥事，就問人講，「He是teh啥事？」Hit時人m̄ kā伊講。過兩三日才聽見講是一個出外人tiàm tī hit間厝；hit人是放sak天主教來歸tī耶穌教ê人，大家厭賤伊看輕伊；因為hit所在較濟是天主教，若看見人逐項ê代誌ài 趁聖經就藐視伊，m̄ ài kap伊交陪，人若kap伊交陪亦是不止無穩當。Si̍t-tián-má家己想講，Kiám-chhái ...

[1889-7 臺灣府城教會報 文類-小說 作者--/-]
Si̍t-tián-má [ Si̍t-tián-má ]
Si̍t-tián-má1889.07 第五十張 p.52-54（下面所記載攏是實在ê事） 有一個畫工 名做Si̍t-tián-má， 伊ê年歲boē到中年，若是tī伊本城，就是德國ê La̍t-si̍t-ló͘，名聲已經不止透；bat ê人講，別日伊的確會真出名；總是家己想講，我beh 得著hit個名聲的確著到老年，án-ni到hit時我亦無心thang享受。雖罔 án-ni，iáu-kú伊知到hit時逐項會得意；所以極tuì重這個畫ê代誌。雖然閒ê 時陣有去酒樓、戲場，kap朋友交陪，總是koh較致意這個畫ê事，若親像hō͘畫ê 代誌迷--去一樣，致到除所畫--ê以外，攏m̄知有別物ê代誌...

[1889-6 臺灣府城教會報 文類-散文 作者--/-]
論用鴉片丸ê危險 [ Lūn ēng A-phiàn oân ê guî-hiám ]
論用鴉片丸ê危險1889.06 第四十九張 p.46 因為知tī這個台灣有濟濟人用鴉片丸ài改鴉片，阮論這個代誌愛講一兩項。一項，食鴉片丸比食薰是較傷重。Kiám-chhái有人講，我代先食薰，後來食鴉片丸來解；若是驚了罕tit有án-ni。若ài改鴉片ê人較要緊著照醫館ê法度，就是著來toà醫館內面21日，攏無出門；醫生亦看hit個人有甚物破病，有甚物艱苦，就將應該治ê藥來治伊。人若無thang來醫館改，thang對醫館買改鴉片ê藥，（攏無鴉片tī內面），家己thang改；m̄-thang扑算若無食鴉片丸就bē改--tit。親像香港海嶼是阮外國人管--ê，tī-hia有濟濟唐人，有時犯罪h...

[1888-12 臺灣府城教會報 文類-散文 作者--/-]
論設教著本國人擔當 [ Lūn Siat-kàu tio̍h Pún-kok lâng tam-tng ]
論設教著本國人擔當1888.12 第四十二張 p.87-88(San牧師記--ê.)(接前張第80面。)咱不止要緊著hō͘人 知咱所服事攏m̄是私ê上帝，是公正--ê，就是天地ê 真主，一個ê上帝。Koh伊已經是天地ê主較贏萬有，就伊 ê旨意的確著成。天良人人平平有，chiah著平平同心服事主耶和華。人人平平受伊ê報賞，刑罰。Che m̄是看輕世間ê序大。Tī 天竺國擾亂ê時教會人第一好款。逐所在也是 án-ni。世間ê序大是上帝設立。不過伊所料理就是身軀 ê代誌，也boē會知心。上帝知人ê心底。伊就是萬有ê 主。 咱常常tú著無知ê人 喉叫講，番仔教，就是看上帝做外國ê主，kap中國無干涉。...

[1888-11 臺灣府城教會報 文類-散文 作者--/-]
論設教著本國人擔當 [ Lūn Siat-kàu tio̍h Pún-kok lâng tam-tng ]
論設教著本國人擔當1888.11 第四十一張 p.78-80(San牧師記--ê.)咱要緊著明白這號ê 代誌，因為幾那項ê緣故：一、就是會用智識，tú好ê法度 做代誌；二、會順逐項ê機會；三、會免危險。有人講，蜈蚣、蛤仔 、蛇，三不合，chiah-ê話；就是講，外國人、百姓、官府oh-tit三和。咱 ài除去這個意思。近來只三等號ê人有加添sio-bat相信。咱真正ài大家那久那和平。別國大變有經過大攪擾。有人打算tī中國看會免。看現時中國漸漸興，teh建置濟濟項有益ê代誌；thang 向望逐項ê好事án-ni勻仔 成，人漸漸明白，慣勢，就m̄使紛亂。 咱著想tuì教會建置到 今，咱tī ch...

[1888-3 臺灣府城教會報 文類-散文 作者--/-]
論救少年人 [ Lūn kiù Siàu-liân lâng ]
論救少年人(San牧師記--ê.)1888.03 第三十三張 p.13 Hiah久有幾若人致意想怎樣thang救少年人免tit嫖、賭、鴉片、戲，kap攏總私慾。舊年祈禱會hit禮拜也有想。今年較詳細想。今年扑算thang學西國法，來建置救少年ê會。佳哉，有羅牧師對大英國來，排列西國ê消息。廈門中外ê牧師幾若人聚集，代先想chiah-ê 代誌，略仔扑胚模thang hō͘ 人想。後來，到正月23日，就聚集tī 鼓浪嶼，tī 山雅各ê厝，來交陪，議論代誌。聚集ê人，有本地少年人濟濟。老人也有。Koh有外國人，就是牧師，kap伊ê 親人、朋友。本地人有80。外國人18。逐家代先食茶。後來同心聚集有...

[1888-1 臺灣府城教會報 文類-散文 作者--/-]
論救食阿片ê人 [ Lūn kiù chia̍h A-phiàn ê lâng ]
論救食阿片ê人1888.01 第三十一張 p.100(Chit篇是San先生對新聞翻譯--ê。)內省公會ê監督，有到山西省，講tú著本地ê兄弟家己了錢，設改鴉片局。伊到某城，看見有八九十人拜上帝，攏是對這個改鴉片局得著救。 有一個本地牧師家己出錢，總當改鴉片局ê責成。這個牧師ê心真好，已經設一個局tī某所在，koh愛計謀設一所在；逐早起禮拜ê時，一日過一日，常常將這個代誌祈禱。到尾伊ê婦人人kā伊講，你啥事常常因為這所在祈禱，啥事m̄去設，親像別所在一樣？應講，我ê錢攏了，無別項錢thang 做這個路用，著聽候上帝賞賜。婦人人講，Ho͘N7！著用偌濟才會設？講，Hāiⁿ！若beh設著有二三十千...

[1887-5 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.05 第二十三張 p.35-37(是葉牧師做--ê。)(接前張第29面。)第七段 耶穌ê學生著tuì重真孝。頂面所論服事神主是欺騙祖宗，koh得罪上帝；總是信主ê人已經受聖神ê感化改舊換新，凡事tuì重真，棄絕假，歡喜執守上帝ê戒命，盡心疼上帝，koh疼人親像家己．這個疼人親像家己，著掠疼父母做第一要緊；所以第五條戒講，敬lín-ê父母。án-ni孝敬父母，是做人ê子兒要緊ê本分；大約有三層thang議論。 第一層：論著孝敬父母ê緣故。因為父母生咱、養飼咱、抱咱、照顧咱、教示咱；伊疼子ê心無所m̄ 到，劬勞ê深恩講boē盡。親像詩經蓼莪ê篇有講，「欲報之德，昊天罔極；」親像á...

[1887-4 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.04 第二十二張 p.27-29(是葉牧師做--ê。)(接前張第24面。) 第六段 獻祭神主ê m̄ 著 今這個服事神主大略有3項ê無合情理。第一項；人ê祭獻神主是扑算死ê人有來享受，來鑑納，攏無想神主是這片柴tiāⁿ-tiāⁿ，beh thái會lim 食？試看獻祭明白，物猶原tī-teh，攏無小可減，猶原是活人收去食，佮神主攏無干涉；是空空獻祭，攏無利益祖宗。稽考上帝創造萬物，獨獨因為活人ê路用，到死後就 m̄ 使用物；因為肉身歸土，神魂入陰間，這世間ê事誌攏總明白。親像俗語講，三寸氣一下斷，萬項事誌煞了了；beh thái會享受祭物ah？親像án-ni，人ê獻祭神主，...

[1887-4 臺灣府城教會報 文類-散文 作者--/-]
迎佛冤家 [ Ngiâ-pu̍t Oan-ke ]
迎佛冤家1887.04 第二十二張 p.29 每年3月23日就是媽祖生；tī府城有一間大媽祖廟，是祀大媽參二媽。後來有分二媽ê神像去北港奉事，號做北港媽；幾若年以來，有風聲伊ê名興到南北二路，四圍ê男女不止熱心服事，有ê去北港燒金，有ê來府城，無定著。北港ê二媽有時三月面著來府城，探大媽。今年3月14日，有入府內；未到城門ê時，城內外ê廟有十外頂大輦出城去等接--伊。Teh-beh相近ê時，大家相爭愛先接--著，搶頭香較有名聲，走到冤家，三老爺宮較處頭鏢，大旗舉無抵好，hō͘普濟殿境ê人lì-lì破，tuì hit-tia̍p就拾恨。抵抵入城ê時大家就相扑--lah，chham賣物ê擔續lò...

[1887-3 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.03 第二十一張 p.23-24 (是葉牧師做--ê。)(接前張第13面。)第五段 設立神主ê m̄ 著 今古早帝王設立神主有兩號，一號是尸主，一號是木主；這兩號攏無合情理，大約有兩層。第一層，論尸主有兩項ê無合情理。第一項，就是到獻祭ê 時用伊ê大孫裝做祖宗ê尸像正正teh坐，hō͘ 同族ê人排祭物獻祭跪拜，表明孝敬ê意思；koh有異姓ê親戚朋友thang來助祭。所以古早極tuì重這號尸主，親像程子有講，「古人祭祀用尸，極有深意」。因為人死，魂氣已經散，孝子求伊ê祖宗ê神來獻祭，若無尸像就boē會享受，因為死ê人boē會食；所以用尸像替伊享受。親像詩經生民鳧鷖ê篇有講，「...

[1887-2 臺灣府城教會報 文類-散文 作者--/-]
佇恆春縣行遊傳道 [ Tī Hêng-chhun-koān kiâⁿ-iû thoân-tō ]
佇恆春縣行遊傳道1887.02 第二十張 p.15-16(是巴先生記--ê。)舊年12月17，就是拜一，hit暝我對安平落船去東港，tī-hia chham Tong先生，洪醫生，Keng先生取齊。（宮先生就是祖家聖冊公會差--ê，來中國料理賣聖冊ê事；hit-tia̍p chham Keng先生娘有來府城相探。）到拜三暝昏，阮4個koh再搭一隻商船beh 去南路尾，看hia hit個燈樓，也beh chhoē hit所在ê傀儡。拜五早起到tè，代先去看燈樓，也有人叫做燈臺。這間樓是起tī鵝鸞鼻，就是台灣海嶼極南ê所在，三面向海，一面靠山。樓是圓圓，差不多8丈懸，丈外闊，無人teh toà，刁...

[1887-2 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.02 第二十張 p.11-13(是葉牧師做--ê。)(接前張第5面。) 第三段 古早帝王設立神主ê緣故 今古早ê人設立神主，就是beh獻祭祀；因為中國是不止早ê國，對堯帝ê 時已經有祭祀ê法度，就是有祭天地，號做郊社ê禮：看中庸，第十九章有記載，「郊社之禮所以事上帝」ê句。Koh看書經，舜典有「肆類於上帝」ê句。Koh有祭名山大川ê神，號做「柴望秩于山川」；koh 有六宗ê祭，號做「禋于六宗」，就是尊敬ê祭；因為所祭有六項，第一四時，第2祭寒暑，第3祭日，第4祭月，第5祭星辰，第6祭水旱。 Koh有祭百神，號做「遍于群神」，就是祭山頭、墳墓、水邊，佮古早聖賢ê神。 Koh有...

[1887-1 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.01 第十九張 p.3-5(接前張第135面。)所以人死，就著買一仙神主，不論男女，攏著照伊ê 名姓來寫tī 神主--ni̍h。譬喻查甫人姓陳，中央著寫，顯考陳公諱某名神主；若是婦人人譬喻姓林，著寫，妣林--氏某名神主。右爿著寫孝男ê名。神主是兩爿來合--ê，內面寫死人ê生時日月，佮過往ê年、月、日、時，葬tī 甚物山，以及分金 字向。 到tī 出葬ê 時將神主chhāi tī 魂亭 --ni̍h，佮棺材扛上山，買一隻白雞角hē tī 棺材頂；若是富貴ê家，就請一個有爵位ê人tī beh進葬ê 時將白雞去刺血，點tī 神主--ni̍h，號做點主，意思是beh hō͘ 死人ê神...

[1886-12 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1886.12 第十八張 p.132-134今有接著廈門來ê批，前ê木主論已經批評定著。今照次序排列tī 下底：- 1.葉漢章，小溪。2.盧三元，鼓浪嶼。3.李超然，廈門。4.李記際，廈門。5.蔡天賞，泉州。 阮看chiah-ê論真大路用thang利益人，向望別日beh將頭幾若篇印規本。現時請將頭名ê論印tī 下底。 做論ê因端 舊年尾，有接--著台灣牧師一個題目，吩咐唐山台灣教會內ê先生，以及會友，著做一篇論來辯明神主ê意義。我是淺學ê人，詳細想這個事誌不止oh得推考到明，本然m̄ 敢做論，總是這個事誌盡在要緊，因為中國人，對古早就hō͘ 這號服事神主ê風俗所縛，那久那深，若無辯明，...

[1886-11 臺灣府城教會報 文類-散文 作者--/-]
恩義兩全 [ IN Gī Lióng-choân. ]
恩義兩全1886.11 第十七張 p.125-126 屬tī希臘國有一個小邦國，名做羅傑，所在較僻，近倚山腳。國內淫亂ê風俗真盛，國王不止痛恨--in，就設嚴謹ê禁令，來通知hiah-ê百姓講，若有人犯著淫亂ê罪beh扑in兩蕊目珠，無beh赦--伊。國王有一個太子，面貌四pang厚重，生成不俗，人攏向望伊會成大器來接位。Tī一日太子忽然犯著這個禁令，hō͘人kā伊出破，查考hit個事果真有影。國王即時beh照國法辦--伊；轉想講，我只有這一條ê血脈，斷斷m̄-thang 絕了祖宗ê後嗣；m̄-kú 國法又bē使--tit逃走，若因為私事來廢無公義，beh án-choáⁿ設立法度？因為溺愛...

[1886-10 臺灣府城教會報 文類-散文 作者--/-]
諫諍迎佛骨ê表。 [ Kàn-chèng ngiâ Pu̍t-kut ê Pió. ]
諫諍迎佛骨ê表。1886.10 第十六張 P.117-119阮過來這爿傳道理常常聽見人講是外國教佮in無tī-tāi，有ê 也罵講是番仔教，永愛阻擋人教伊m̄-thang入。Hit號ê話究真是無情理，因為上帝是通天下ê上帝，m̄ 是一國ê上帝，hit號ê話咱m̄-thang聽。又koh hia ê 講ê人家己熱心teh拜佛起廟，攏bē曉想這個佛教其實也是外國教，佮in koh較無干涉。這個話 m̄ 是kan-ta 阮teh參lín辯，就是lín本國ê讀冊人也濟濟人知，lín ê冊也有記載講中國本底是無佛，到漢朝佛教才對印度國來；國王百姓受伊迷惑去趁，iáu-kú從中ta̍uh-ta̍uh有ba...

[1886-9 臺灣府城教會報 文類-詩 作者--/-]
新名（看默示錄 2：17） [ Sin miâⁿ (Khoàⁿ Be̍k-sī-lio̍k ii:17.) ]
新名（看默示錄 2：17）1886.09 第十四張 p.103新名咱beh得著新名tī hit 地， Tī hit 地，hit 光光明明地， 永kap聖ê天使bē lán-sē ，Tī hit 光明地。Hit 新名：hit 新名 咱beh 得著hia， Hit 新名：hit 新名 是咱主所寫。 咱beh 得著新名tī hit 地， Tī hit 地，hit 清清爽爽地， 永kap聖ê天使bē lán-sē，Tī hit 光明地。 名是耶穌記tī 白石面， 若無家己受就bat bē 真，主所hō͘ ê人，伊允會認， 因為咱較贏。 Hit 塊石：hit 塊石 咱beh得著hia； Hit 塊石：h...

[1886-9 臺灣府城教會報 文類-詩 作者--/-]
明宮好地 [ Bêng-kiong Hó-tē ]
明宮好地1886.09 第十五張 p.1111.我心思想tī 天頂好地， 天使聚集tiàm hia; 朋友濟濟先到快活， 無勞無苦無驚。（每節著續吟下面4 choā ） 攏無koh相離， 攏無koh相離， 攏無koh相離， Tī hia 永bē 相離。2.我心思想tī 天頂好地，基督做王坐位； 贏歹ê人齊聲o-ló, 無了時做1堆。（Koh吟hit 4 choā ） 3.我心思想tī 天頂好地， 聖徒永做鄰右； 白衫冕旒攏bē敗壞， 快樂相tâng享受。（Koh吟hit 4 choā ） 4.我心思想tī 天頂好地， 親戚瞭望致心； 彈琴吟詩咱攏有份， 所行ê路鋪金。（Koh吟hit 4 ch...