[1933-8 台灣教會公報/芥菜子 文類-詩 作者-柯維思/Koa Î-su]
母校所感 [ Bú-hāu Só͘-kám ]
母校所感K. I. S.1933.08, no. 581 (KCC, no. 91), pp. 23-24 1. 回顧早年十成五，頭擺來到砲台埔；路邊真濟的墳墓，野草刺柿滿山埔。2. 若愛行遊亦無路，夏天蠓蟲的艱苦；冬季七週的siān雨，卅八天一的日烏。3. 生徒出門的艱苦，外面攏是土糜路；學生寒熱的艱苦，校長醫術gâu照顧。4. 我愛紹介敝校所，就是起佇砲台埔；順續報恁生徒數，頭回入學四成五。5. 續講彼時的程度，初回生徒共一組；校長本身教地圖，漢文先生教字步。6. 每日學課在學堂，亦捌見學到廈門；有時修學在鄉庄，有時實驗佇田園。7. 恩師有時教天文，予咱知主是至尊；有時講經真慇勤，予咱知...

[1933-8 台灣教會公報/芥菜子 文類-詩 作者-章王由/Chiong Ông-iû]
用耶穌做地基 [ ēng Iâ-so͘ choè toē-ki ]
用耶穌做地基章王由 作1933.08, no. 581 (KCC, no. 91), pp. 28 調用（舊版）讚美歌1291. 聖殿所下的地基，只有耶穌而已。是上帝所歡喜的，以外無人會下。所下的地基堅固，伊永永teh保護。也有交代咱掌管，著保全到永遠。2. 地基頂面咱起造，材料有濟濟號。金，銀，寶石，柴，稻稿，火燒就知結果。是試驗人的工夫，咱的毋通較輸。大家備辦著謹慎，疊佇地基頂面。3. 審判主臨到的時，顯現極大威儀。看逐人所做的工，是屬佇叨一項。就通tuì遮來解決，主就報賞刑罰。記teh聖經的教示，予咱較通注意。 ...

[1933-8 台灣教會公報 文類-詩 作者-王江/Ông Kang]
共神學奶母說謝 [ Kā Sîn-ha̍k Leng-bó Seh-siā ]
共神學奶母說謝旗後：王江1933.08, no. 581, pp. 6 1. 神學聖書深如海，教師是大是先知；卑賤養成成人物，是主忠僕gâu養飼。2. 名聲報揚到真遠，青年男女逐位到；天邊海角起聖堂，男生女生來拜候。3. 男學女學是親家，養飼照顧成男女；完婚承合示天父，同心做工出力舞。4. 養兒待老是鼓勵，守道有孝稱做義；用心記念答上帝，替主救人有福氣。5. 敝人替主寫幾字，天父教示咱著服；Chiah通稱做伊囝兒，到尾穩當入天國。6. 聽主命令照顧羊，兄弟姊妹成聖會；盡力做工有報賞，加添福氣濟--濟濟。（以西結34章；馬可6章）。 ...

[1933-8 台灣教會公報/芥菜子 文類-詩 作者-章王由/Chiong Ông-iû]
西面見著基督 [ Se-biān kìⁿ-tio̍h Ki-tok ]
西面見著基督章王由 作1933.08, no. 581 (KCC, no. 91), pp. 28 調用舊版讚美歌第二篇56番1. 佇上帝的殿內，西面暝日敬拜，伊是義人閣敬虔；向望救主顯現。聖神臨到默示，伊未死會見著伊。西面歡喜呵咾感謝，聽候見救主佇遐。2. 第八日主耶穌，受割禮的禮數，清氣的日期已經滿；父母抱伊做伴，上耶路撒冷城，照摩西的例來行。In入聖殿取簡單禮，用兩隻鴿仔獻祭。3. 西面接著耶穌，感謝主的看顧，呵咾講：通放奴僕；安然免受拘束。這人是你所揀，欲做異邦光燈，以色列人，得著榮光，主疼麼實在齊全。4. 咱著親像西面，常向望主顯現；來到上帝殿內；誠心誠意服事。上帝看咱慇勤，的確歡...

[1933-10 台灣教會公報 文類-詩 作者-章王由/Chiong Ông-iû]
牧者見耶穌 [ Bo̍k-chiá kìⁿ Iâ-so͘ ]
牧者見耶穌章王由 作。 FLOREN, WILLIAMS, FALCONER。1933.10, no. 583 (KCC, no. 93), pp. 25 調用舊版讚美歌第二篇71番1. 早佇伯利恆的曠野，有濟濟牧者；為著照顧in的羊群，暗時輪流巡。忽然天使降臨地面，用光來照in ；奇怪的時，有聽著聲， 叫in 毋免驚。2. 牧者就好膽斟酌聽，知天使的聲；In就kia̍h頭來ǹg天頂，也看著天兵。大家齊聲呵咾上帝，差救主降世；報in 著緊去伯利恆，看遐的事情。3. 到位抵著馬寮所在，牧者就入內；看見嬰仔包布做號，來囥佇馬槽。伊的榮光照佇周圍，In近倚拜跪；大家感謝救主耶穌，來報in活路。4....

[1933-11 台灣教會公報/芥菜子 文類-詩 作者-章王由/Chiong Ông-iû]
清氣心肝 [ Chheng-khí Sim-koaⁿ ]
清氣心肝Rev， WALTER， G， Smith。 FRED， H， BYSHE，章王由 譯1933.11, no. 584 (KCC, no. 94), pp. 23 1. 我的身軀，有bak土糜，主歡喜來洗我到白，或是用火，或是用水，洗我清氣，白白媠媠。和。 求主洗我心肝內外，因為我心罪惡滿滿，用火來燒雨伊清氣，甘願犧生為著我死。2. 注意閃避土糜的路，阻止邪念罪惡腳步，我有努力總是空空，家己boē會救主相幫。3. 看著清白，靈魂形狀，我著歡喜感恩敬奉，毋通貧惰推辭無閒，大家的確毋通無情。4. 我的心肝已經清靜，內面白白攏無毛病，家己照見斟酌觀看，是受耶穌共我改換。(A clean h...

[1933-11 台灣教會公報/芥菜子 文類-詩 作者-章王由/Chiong Ông-iû]
用目屎滴澹耶穌的腳 [ ēng ba̍k-sái tih-tâm Iâ-so͘ ê Kha ]
用目屎滴澹耶穌的腳章王由 作1933.11, no. 584 (KCC, no. 94), pp. 25 1. 城中有一個婦人，看主就反省本身，平素是行歹品行，懺悔來到主面前，手提玉盒貯香油，為著罪罫來憂愁，目屎滴澹主的腳，用頭毛拭予伊乾。2. 請主的法利賽人，觀看婦人行這項。講耶穌若是先知，穩當的確會捌伊，伊就是歹的婦人，啥事容允伊倚身，耶穌知in的心意，設一個譬喻教示。3. 主講有某个債主，伊欲討數項的事，欠輕債佮重債的，兩人攏無通還債，債主有憐憫施恩，赦免in所欠的銀，甚麼人較疼債主，耶穌問西門這句。4. 講赦免較濟的人，心就存大的疼痛，主講你所應就是，恁著常常數念伊，傳道理佇逐所在，...

[1933-11 台灣教會公報 文類-詩 作者--/-]
父母教囝歌 [ Pē-bó kà kiáⁿ koa ]
父母教囝歌萬丹 T. L. T.1933.11, no. 584, pp. 7 1. 上帝交代咱囝兒，受伊交託無稀奇，盡心教囝是義務，囝gâu父母得名譽。2. 致意chhoā囝守主日，後來子弟變誠實，不論內外成好名，別日見主免驚惶。3. 真主愛人順服伊，佇家教囝學吟詩，囝兒是咱活財產，父母教督無懶thán。4. 序大行為若歪斜，序細學伊無精choa̍h，日後囝兒變不良，父母歹名是平常。5. 父母差教，囝推託，囝毋行，父母失督，雖然放刁亦無驚，囡仔後來會變精。6. 以後愛解亦無效，行歹益發ná深厚，父母道理無明白，害囝靈魂到地獄。 ...

[1933-11 台灣教會公報 文類-詩 作者--/-]
朴子青年會歌 [ Phoh-chú Chheng-liân-hoē Koa ]
朴子青年會歌作者：S. T. Niû1933.11, no. 584, pp. 16 （調是用舊的Sanbika 451）1. 博愛，犧牲，是主十架聲，拍破魔王大本營，平和，團結，願主聖旨成，引chhoā馬羊予主疼。強志壯心，吟詩出大聲，閣活聖主佮阮相同行；抱主正義做阮護心鏡，進前無驚，日日較贏。和。 青年兵丁著好膽省勢，向前跑走靠天父；著警醒進步祈禱無退，正是這傳朴子Y. M. C. A.。2. 慈悲，善良，是主所承認，建設神國佇地面；歡喜，平安，願主施大恩，拯救弱者出迷陣。對敵狠惡無論遠佮近，穩當得勝，是阮所確信；抱主疼痛做阮的文憑，進前出陣，日日換新。3. 獨一無二，是主聖名號，完成大...

[1933-11 台灣教會公報 文類-詩 作者-吳萬生/Gô͘ Bān-seng]
大衛凱旋歌 [ Tāi-pi̍t Khái-soân koa ]
大衛凱旋歌吳萬生1933.11, no. 584, pp. 8 1. Gâu做良木心抱犧牲，捌羊欠缺為羊捨命；早日大衛救羊脫獅，這號故事真濟人知。2. 奉遣軍營打探兄哥，耳聞敵將誇口自高；將軍想計都無奈何，大衛仰天祕密祈禱。3. 對敵勇猛大家免驚，倚靠上帝必定較贏；聖上胞兄極力挽留，心堅志決為國報仇。4. 照佮軍器用不自由，毋值提石若拋繡球；敵將倒地敵軍逃走，一時若準溪水嘩吼。5. Koāⁿ頭高唱將近營城，元帥軍官整列歡迎；步進王宮拜見陛下，聲聲句句呵咾有抱。6. 大衛受褒攏無嬌態，太子看了戀慕意愛；結交知己相敬如賓，較好滿漢海味山珍。7. 這號朋友世間難得，鑑觀古今堪列第一；凡事尊榮全歸上...

[1933-11 台灣教會公報 文類-詩 作者--/-]
斗六青年會歌 [ Táu-la̍k Chheng-liân-hoē Koa ]
斗六青年會歌作者：陳Ka-tek1933.11, no. 584, pp. 16 （調是用聖詩54首）1. 血氣風光的青年，ǹg主十架直向前；大啊！ 無換的上帝，造成雲林青年會。和 著向前，緊緊向前，主所揀召雲林青年；著呵咾，閣再呵咾，主的光逐位teh照。2. 雲林青年囝天路，Chhoā人緊來獸耶穌；無論神靈佮德行，智，體，日日ná堅定。3. 基督精銳的兵丁，雲林健兒志堅定；瞭望救主的十架，拍破撒旦的營寨。4. 雲林青年著歡喜，耶穌身軀替咱死；殿內門帳裂做爿，到尾穩當上天庭。 ...

[1933-12 台灣教會公報/芥菜子 文類-詩 作者-柯維思/Koa Î-su]
天飼人 [ Thiⁿ chhī Lâng ]
天飼人柯維思1933.12, no. 585 (KCC, no. 95), pp. 24-25 1. 天是無限的所在，古今賢人攏毋知，不比眼前的世界，通用機器teh推排。2. 天是屬神的天界，地是人歇的所在，周圍七萬五千你，直徑只有二萬四。3. 至細人類好新奇，亦敢將地佮天比，囡仔佇墳teh釣魚，毋知洋海的位置。4. 天是上帝的座位，無數星辰伊分開，至細地球鎮一位，曾孫，曾祖，相比對。5. 離開地求的所在一近是月咱所知，離地七萬四千里，尚且無人會探伊。6. 肉心肉目的人意，微細地球佮天比，天是無限的年數，人事塵埃mo͘h佇土。7. 現今聚集佇路邊，明日予水流溪墘，塵埃極細地上物，Thài會佮...

[1934-1 台灣教會公報 文類-詩 作者-賴江/Loā Kang]
草墩青年會一週年會紀念歌 [ Chháu-tun Chheng-liân-hoē it chiu-nî Kì-liām Koa ]
草墩青年會一週年會紀念歌賴江 記1934.01, no. 586, pp. 16 Ⅰ. 農村佈道會草墩青年眾會員，一週紀念大宣傳；本庄所有的館內，欲傳道理奉齊知。愛趁救主的吩咐，宣報道理逐位有；會長就是火土sàng，不止甘願犧牲工。牧師長執也出陣，報傳道理真認真；有夠逐庄去講演，宣傳福音無嫌siān。講員有時十數名，摃鑼叫人著來聽；會長是做司會者，會員種子直直掖。聽眾逐暗有講百，講員一人講一pha；有時會場人設備，予阮teh講真舒適。雖然紳士倚來聽，阮也直講攏無驚；排斥迷信不止鹹，大家都也是無嫌。徛到半暝愛閣聽，講比看戲猶較贏；有時著去鋪外路，講員分做兩三組。雖有山嶺的艱苦，無嫌歹行的路途；...

[1933-1 台灣教會公報 文類-傳記 作者-施寬宏/Si Khoan-hông]
小傳故潘長老 [ Sió-toān Kò͘ Phoaⁿ Tiúⁿ-ló ]
小傳故潘長老施寬宏 記1933.01, no. 574, pp. 26 Má-lio̍k長老是潘金聲牧師的令先父，享壽74 歲。 佇12月5號別世，11號下晡3點舉行葬式。 會葬者，tuì近鄰4位教會來的，共有500外名。 弔竹40外支，弔電40外通，花環5組。 葬式頭到尾不止嚴肅；聽伊的履歷不止有感動人的心，今舉幾項佇下底：－1. 奉事國家。 (1) 明治33年，日本領台無偌久，無論佇平洋，抑佇內山，猶有擾亂的事真濟。 其中埔里山內的地方，是不止紛亂，為著按呢，有鎮靜的必要。 其中Má-lio̍k長老為著善良民的性命。 伊歡喜聽官令，放下某囝，冒險出門援助鎮靜罪徒的作亂，到成功的時，有得著...

[1933-4 台灣教會公報 文類-傳記 作者--/-]
小傳 [ Sió-toān ]
小傳簡Thn̂g執事郭朝成1933.04, no. 577, pp. 19 簡Thn̂g執事，是南投教會初代的信徒，也是南投教會的地基。 佇三十年前，南投猶未有拜堂，伊的老父阿扁叔，著盤過牛港嶺山到大庄禮拜。 後來簡執事順趁老父命令，同心一意做基督徒。 論伊的做人，是社會，教會的模範者，通予咱久長數念。 1. 伊當執事幾若任，盡忠盡職，tuì金錢，以及一切無予人僥疑。 2. 有孝父母，疼小弟，佮人和平。 3. 性情溫柔，信用，毋捌批評人。 4. 熱心敬上帝，祈禱會以及家庭禮拜攏有出席。 近來伊的身體漸漸lám，佇11月19號，猶teh做生理的中間，無艱苦就睏--去，安然轉去天父兜，享壽53歲...

[1933-5 台灣教會公報 文類-散文 作者--/-]
故萬姑娘的來歷 [ Kò͘ Bān Ko͘-niû ê Lâi-le̍k ]
故萬姑娘的來歷羅仁愛1933.05, no. 578, pp. 10-11 萬珍珠姑娘，佇1862年12月16日，出世佇蘇格蘭的北爿。 伊猶細漢的時，in父母搬去Aberdeen，就是蘇格蘭文墨的所在；敢是愛護in的囝兒有較好的學校通勉強。 因為萬姑娘有一個阿兄佮一個小弟，也有一個小妹。 萬姑娘佇遐讀小學校卒業。 後來有去倫敦城讀高等學校，也有入神學。 佇1888年，就是伊25歲的時，就tuì英國女宣道會志願過來台灣。 奉女宣道會的命令，佇彼个冬尾11月間，有tuì安平港上陸到台南府城。 聽見講：上台灣山一禮拜久，有接著厝裡的批講：in阿兄佮小弟有染著tn̂g-chek-hu-su的病攏過往...

[1933-5 台南府城教會報 文類-傳記 作者--/-]
小傳 [ Sió-toān ]
小傳（三則）K. H. B.（一則） 謝清議（二則） 1933.05, no. 578, pp. 18-19 施--氏Niû（K. H. B. 記）冊記，"人生七十古來稀"，若是施--氏Niû食到92 歲。 伊是和美教會的長老，黃Lò的老母。 1841年，1月9日，出世佇鹿港，69 歲聽道理，77 歲受高金聲牧師的洗禮，今年92 歲。 佇 2月27日，午前4點45分，主召伊轉去天堂。 三月7日，頂晡10點，佇和美拜堂舉行盛大的葬式。 鹿港劉Kî-suí先生做司會者；大甲庄Sè-kó͘牧師說道；本堂許Hông-bô͘先生講戮力。 弔辭弔電40外通。 Tuì彰化，鹿港，台中，溪湖，大肚，花壇，以...

[1933-6 台灣教會公報 文類-傳記 作者-林照/Lîm Chiàu]
小傳：女長老升天 [ Sió-toān: Lú Tiúⁿ-ló seng-thian ]
小傳 女長老升天 林照 記 1933.06, no. 579, pp. 18-19 林--氏貴妹是豐原教會的女長老，也是豐原女界的名星。 佇3月18號，有傳達講，"主的天使真濟欲來chih我，若來的時，毋通直直共我叫，來予我艱苦離開。" 竟然到22號拜三暗，受主接納上天，享壽63歲。 伊的離開，宛然失落一粒的光星，予教會，社會毋甘，街頭巷尾，大大細細念伊的名佮伊的做人。 啊！ 伊的死，真正是勝利的死，莫怪主愛伊轉去來享受天的生活。 若是伊過去的所做，實在成做現在佮將來的數念。 寫淡薄紹介伊的生平，做人親切，仁愛，疼主，疼教會，gâu接待人，成做這个。 ...

[1933-7 台灣教會公報 文類-傳記 作者-林安/Lîm An]
盧姑娘的小傳 [ Lô͘ Ko͘-niû ê Sió-toān ]
盧姑娘的小傳林--氏安1933.07, no. 580, pp. 5-6 盧仁愛姑娘佇1870年5月28日出世佇Bala的城市。 Bala是佇威力士國，就是英國隔壁國。 彼族的百姓猶有家己的話，盧姑娘若講伊本鄉的腔口，阮就聽攏無。 總是tuì 囡仔的時較毋捌用。 伊的老父是做牧師，亦仁愛細漢的時，全家有搬佇英國的大埠頭，叫做Liverpool。 伊佇遐讀小學校，高等學校。 後來有入Liverpool的一間出名的 師範學校，就是Edgehill Training College。 卒業了，就去英國一個大都市，叫做Leeds教公學校，也後來有做校長。 這時伊有真熱心佇教會，也到時上帝開伊的路，予...

[1933-8 台灣教會公報 文類-傳記 作者-陳思聰/Tân Su-chhong]
小傳 [ Sió-toān ]
小傳陳思聰1933.08, no. 581, pp. 7 故蕭--氏Kam，劉茂清先生娘。 伊是崗仔林的人，20歲的時入劉先生的家庭；24歲的時，就tuì陳 Soan-lēng牧師領洗禮。 少年的時，有toè茂清先生去toà幾若位的教會。 就是崗仔林，台南，杜君英，溪州，加吶埔，後來就倒來toà里港。 無拍算佇昭和6年，頷頸生癌，到今年4月30日午後6點半，予主召伊轉去天堂。 享壽76歲。 佇5月4號午前10點，佇伊家己的本所在舉行葬式。 會葬者300外人。 伊一生做人真勤儉，gâu粒積。 堅心信主，有始有終。 佇病床中常常祈禱。 臨終的時，面顯出快樂，歡喜的榮光。 ...