[1905-10 台南府城教會報 文類-散文 作者--/-]
交戰ê消息 [ Kau-chiàn ê Siau-sit ]
交戰ê消息1905.10 247卷 p.105-106近來tī 滿州攏無甚物聽見交戰ê消息。總--是8月30號tī 華太島西爿岸，有一所在號做芝加溝hia有大交戰。日俄相 thâi 五點鐘久。俄死--ê有130名，日死傷7個。日有得著俄ê軍裝不止濟。了後華太島攏安靜。 講和 今日俄兩國已經相 thâi 年半久較加。兩爿了銀佮人ê生命算bē 了，真可惜！到後--來美國ê大統領出來請兩國派全權ê大臣來聚集議和，煞交戰。日俄攏甘願，就派大臣去美國ê京城，華聖頓，聚集議和。 Tuì起交戰到路尾，日見thâi見贏，就照公道來算俄應該著降服tī日所立講和ê條款。Hiah-ê條款，幾若條較要緊--ê有印tī...

[1907-11 台南府城教會報 文類-散文 作者--/-]
殘忍ê童乩 [ Chân-jím ê Tâng-ki ]
殘忍ê童乩1907.11 272卷 p.85(張清俊記--ê。)論中路ê教會，tuì設到今倚有8、9年久；前無拜堂，所聚集就是兄弟 ê厝；也無傳道，是大學ê朋友輪流 teh來禮拜。到今年教士派我來toà,也無長老，只有一個執事；這個教會 是屬台南ê支會，離台南城2舖長長，屬鳳山廳管；倚tī岡山ê所在。每禮拜較常有60 外人禮拜，到今年就起一間拜堂，開千外箍，四圍ê庄頭攏知。現時也有濟濟人ài來看，也有新聽ê人來來去去。 其中離中路倚6里，有一庄名茄苳腳，有3人來新聽，in ê名就是大松、和尚、里泉。In來聽2禮拜，就抵著in庄中ê童乩，上童，攏無過舊曆9月10日就beh燒in ê厝，講in去入...

[1909-9 台南府城教會報 文類-散文 作者--/-]
(無題目) [ (Bô tê-bo̍k) ]
(無題目)1909.09 294卷 p.71-72人若詳細醒察家己ê心liâm-piⁿ知心內有歹tī-teh。若beh除去hit ê歹著用大力才除會離。譬論人有病疼，若是小可ê症頭略仔用藥來醫治就好；設使tú著大症，醫生姑不chiong著扑拚才會tit醫好。論tuì心內除毛病，咱所打算較常會失錯無盡力。詩篇有記講：「我清氣我ê心，洗我ê手。」雅各書也記講：「歹人著洗手，疑ngái ê人著洗心。」 人永teh想若beh除從前所做罪惡ê痕跡卻是容易。親像彼拉多擬定耶穌ê罪，了後當眾人ê面前就去洗手，在伊想án-ni號做洗清伊ê歹。到現今猶原真濟人照親像伊án-ni扑算。iáu-kú洗手ê代誌照看是...

[1909-10 台南府城教會報 文類-散文 作者--/-]
賤反貴 [ Chiān hoán Kuì ]
賤反貴1909.10 295卷 p.85Tī印度國ê海墘濟濟人去hia做拾珍珠ê工藝。Hiah ê珍珠是結tī螺ê殼內。Hiah ê人設使去chhoē suí ê螺就穩當無thang得著珠，因為珠是結tī粗魯ê螺殼。若已經tuì海底糊--起-來，著下tī岸頂kā伊曝到螺肉朽爛。Hit時就漚koà臭，無人ài跟倚去看因為真歹味m̄好看。到後來取起來了洗清氣；hit時寶色燦爛真suí,人提去做珍寶掠做大榮光ê物。Che thang譬喻人原底歹品行，臭名聲，hō͘人厭賤，無ài近倚。若hō͘救主拾起來，牽伊上道岸；雖然底致無路用，iáu-kú tuì hit ê lâ-sâm ê物thang取伊來做...

[1909-10 台南府城教會報 文類-散文 作者--/-]
感恩ê心 [ Kám-in ê Sim ]
感恩ê心1909.10 295卷 p.79-80亞伯拉罕較贏對敵了後，就將所爭奪ê物十份抽一份獻hō͘默基洗德，做敬奉ê禮物。Che是顯明亞伯拉罕有感恩ê心因為上帝助伊得勝。人若真知上帝ê仁愛自然ài獻禮儀來表明感謝ê虔意。Tuì人teh獻禮儀ê款式，就thang看出hit ê人實在熱心teh服事上帝抑--無。 論亞伯拉罕所獻ê可堪做眾信徒進獻ê規例。論希伯來人ê產業，或是tuì田園，或是tuì精牲，或是tuì戰勝所得著財物，永著先10份踏一份獻hō͘上帝，後來將其餘--ê來家己用。論in家己用hit 9份果然thang得著大福氣，因為已經代先抽10份一起來。在in卻常常想，若無án-ni先抽...

[1909-10 台南府城教會報 文類-散文 作者--/-]
上帝ê織工 [ Siōng-tè ê Chit-kang ]
上帝ê織工1909.10 295卷 p.80人活tī世間一生ê履歷是親像teh織布ê款式。若beh織布著有布規kap逐項ê機器。論上帝hō͘咱所經過ê時候，譬論親像布規一經一緯teh織。人ê心teh應接代誌是親像線索teh經過經緯。所用ê線有烏kap白兩式。烏--ê是那準人tú著煩惱，白--ê是親像得著歡喜。織工著有一個版thang看樣。論teh織beh成做叨一樣，人看bē見，kan-ta上帝知nā-tiāⁿ。有時hit號心ê線索纏著濟濟條烏線，也咱m̄知是àn怎樣。著聽候到著án-ni。因為有時著配白線親像hō͘人歡喜，也有時該得著kah較濟烏線親像hō͘人煩惱；若無án-ni就bē tit...

[1910-2 台南府城教會報 文類-散文 作者--/-]
Sòng-hiong變好額 [ Sòng-hiong pìⁿ hó-gia̍h ]
Sòng-hiong變好額1910.02 299卷 p.15救主降生1909 年7 月間有1 個乞食，姓洪名Phauh仔，遇著落大雨來Hoan-oah ê 拜堂分。傳道就問伊ê 因由，講道理hō͘ 伊聽，引起路加16：20。22 節。伊就講20 外年前伊ê 親人bat 講道理hō͘ 伊聽，hit tia̍p 伊躊躇﹔伊做乞食20 外年久。 Tuì án-ni 傳道kah 伊著決斷，到禮拜日果然逐禮拜來﹔傳道看伊來就giâ the椅hō͘ 伊坐﹔坐tī 台桌ê 身邊，因為耳空盡重，有75 歲。 來禮拜ê 時伊真歡喜﹔禮拜日m̄-bat kā 人分，伊ê ka-chù 竹管寄伊ê親人 ﹔kah 傳...

[1910-5 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok kàu ê Uí-tāi ]
基督教ê偉大1910.05 302卷 p.40-41(廖三重翻譯。)神學博士鵜崎﹙Uzaki﹚講：基督教是掠拯救人類做目的，贏過平常 ê 宗教；伊ê 起源發達kap感化感化 tī 天下ê 來歷無一號教thang kap伊比並。基督教m̄是講鬼話抑小說；是確實 ê歷史有憑據 ê 實事。Tī基督教有tuì 2000年間人ê講究kap 進步所證明ê記錄tī -teh。阮chiah-ê 講這個教贏過平常，m̄是sai-khia ê意見，是有內外ê 事teh干證。今我扑算ài 將歷史上ê 事情做根本來論基督教偉大ê 所以然。 講起基督教偉大ê 第一要端就是教祖 ê 人品。論基督 ê 人pān已經有定著ê...

[1910-7 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.07 304卷 p.57(廖三重翻譯。)(接前張第40面。)以上是基督教主義，現今實行tī 世界。看最近 100 年間基督教 ê 活動koh較 thang 驚--著：-- 親像設主日學；外國宣教ê事業；青年會；救世軍；共勵會；禁酒會；改良監獄；保護出監人；救濟貧民；其餘向望 改良社會 ê 宗教運動；計謀做世界 ê 福氣hiah ê 事照現今ê 實情是人人所知。主 ê 祈禱文講：「你ê 國臨到」，今確實有teh應驗。 總--是beh 總結來論，著將攏總事情來參考，若ài 明基督教偉大 ê性質：kan-ta 將基督 ê 品性，伊ê 事業kap事業ê 外部所顯明ê,beh來齊知...

[1910-10 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.10 307卷 p.80-82(馬醫生記--ê.)(接前張第72面。)照我teh 講這號熱病是tuì 蚊咬才起，若無蚊的確bē án-ne。今著想看有甚mih方法thang來持防伊。卻有幾若個法度；中央會分別2款；頭一款就是著阻擋蚊hō͘ 伊bē-tit近倚咱 ê 身軀；koh一款著滅無生蚊ê 所在，hō͘ 蚊攏無。若beh 阻擋蚊m̄ hō͘伊近倚身軀，尚好ê 法度著歸間厝圍鐵網仔紗；若用這個法，雖然1半隻蚊有時會入來，iáu-kú 較大面m̄是hit號有毒ê 蚊，若有hō͘ 伊咬著也bē 起寒熱。 可惜這個法度，著開真濟錢，驚了人做bē到。總--是若圍一二間 ê 房也是有路...

[1910-10 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.10 307卷 p.78-80(高金聲牧師記--ê.)蟲有真濟種，大概來講有2類。親像水雞食稻仔蟲，tō͘-kún 會hō͘ 土鬆，蠶會吐絲，蜂會放蜜，chiah ê 號做有利益ê 蟲。草蜢會害所種ê 五穀，白蟻會車柴，chián-hî食冊，蚊仔會釘人，chiah ê 號做害蟲。論時日 ê 中間kiám也有害蟲？細膩來想，m̄-nā 一種；排列 tī 下面。 1.破病。病痛m̄是咱所ài,總--是人bē 免tit 會病。早時孟擭雖然猛，孔明7 擺放伊去，猶原koh掠著。崑崙關卻堅固，更鼓扑3下hit時，就hō͘ Te̍k-chheng 佔去。若是破病一下到，隨是有智識 ê...

[1910-11 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.11 308卷 p.89-91(高金聲記--ê).(接前張第80面).6.做工無定著ê 心。Bat看著學仔ê 學生teh 讀冊，tiap仔久仔so腳pê手，tiap仔久仔iúⁿ 水灌tō͘猴，tiap仔久仔hiat 球鬥輸贏，tiap仔久仔樹腳拾果子，延chhiân真久，一本冊讀才會熟。Koh有人bat 學國語，半路煞去，倒去作穡。到後--來kap 日本人交陪，嘴開thi̍h-thu̍h哮，才反悔beh koh 學國語。總--是前所學ê,今bē 記tit，不得已著tuì 初學扑起。又koh咱若做工無定著ê 心，自然無定著ê 工，歸日所做無次無序，不tap不chhi̍t,l...

[1914-10 台灣教會報 文類-散文 作者--/-]
敬弔廖三仲君 [ Kèng-tiàu Liāu Sam-tiōng kun ]
敬弔廖三仲君1914.10 355卷 p.3-4林茂生記。廖君三仲，字名道修，是嘉義廳西螺教會廖承丕長老ê第3小弟。 君自細無父，受寡母kap大兄用基督教家庭ê教育。12歲就入新樓中學，歷年考試攏列優等，在學中受洗禮。君天資明敏，議論縱橫，hō͘當時ê先生kap朋友所器重。不才kap君同窗兩年久，受著無棄嫌看做知己，m̄但疼惜君ê才情，也一發敬服君ê做人。君15歲失落第一疼ê寡母，16歲卒業中學。Hit-tia̍p心有所感動，看破世情，決意入新樓福音書院，講究神學beh備辦做傳教ê工。是知ài拯救同胞、振興文化，無m̄是beh鼓舞基督教ê精神，君ê心志對án-ne顯明。 君在神學中家己知iáu...

[1914-11 台灣教會報 文類-散文 作者--/-]
和平kap戰爭 [ Hô-pêng kap Chiàn-cheng ]
和平kap戰爭1914.11 356卷 p.1-2交戰ê危險世間人攏知thang驚，所以若抵著列國kháu-khì ê時，抑是因為抵著相爭權利，就in當職ê人熱心去研究，盡力來推排，的確向望hō͘ 伊和平結局。有時請出別國來做公親，的確 m̄ 肯無斟酌，濫糝惹動干戈，陷害國家tī 危險ê所在，續牽連著世界ê大局，che是tuì古早無 m̄ 是án-ne來行。 Tī 西爿歐羅巴州hiah-ê 較強ê國，雖然in teh相爭真久，m̄-kú in逐國有ê 相佮聯盟，有ê 做夥協約。就in ê氣力beh差不多，勢面也beh平抵pheng，又koh hit號軍器銃藥ê類，有發明hit款厲害；就是飛船、...

[1914-11 台灣教會報 文類-散文 作者-郭水龍/Keh Chuí-lêng]
斯文kap衛生 [ Su-bûn kap oē-seng ]
斯文kap衛生1914.11 356卷 p.8-9時勢變遷，文化日日進步，台灣ê人情風俗、道路、市區，合20年前大各樣。其中大進步就是斯文合衛生；百姓受文明ê教化那到，文明ê地位就衛生愈bat，亦政府衛生真嚴重。今好膽用這個大略來議論。 論斯文有內外ê分別；內是學問，外是外觀。舊清ê時代將漢學ê儒者叫做斯文，現時就bē堪--得講，且將學問下teh，免論，來論外觀ê斯文。1.言語世界中是台灣人ê粗嘴歹話thang推做第一歹。Tī講話ê時，歡喜ê時，受氣ê時，口頭語攏是歹話；談論ê時大聲喧嚷；無聽候別人講了就進前講，這是歹習慣無斯文。保羅講，聖徒無講姦淫浮漂戲hiauh ê話是合宜（以弗所5：4，...

[1914-11 台灣教會報 文類-散文 作者--/-]
蟲擋火車 [ Thâng Tòng Hoé-chhia ]
蟲擋火車1914.11 356 koàn p.3Tī 英國有一早起火車ê人客搭到滿滿，beh 去倫敦。車抵好出力teh走ê時，忽然間機關手看見前面路邊ê信號有報m̄ 通--過去。因為án-ne火車liâm-piⁿ choān hō͘ 停。Koh無偌久，後壁來ê火車也tù--leh ，那積那濟，攏擋--teh m̄ 敢過去，搭客攏真驚惶，m̄ 知beh怎樣。 起頭鐵路ê職員攏m̄ 知án-choáⁿ信號會報án-ne ，到差人詳細調查，chiàⁿ知 是一款ê蟲行m̄ 著路ê緣故。 在英國有一種ê蟲親像káu-hiā ê款，平素真畏光，所以暝--時才出來討食，日--時就匿 tī 塗空內，來閃避日ê...

[1914-11 台灣教會報 文類-散文 作者-林燕臣/Lîm Iàn-sîn]
追悼傳 [ Tui-tō-toān ]
追悼傳1914.11 356卷 p.2-3林燕臣記。廖君三仲，字名Tō-siu，就是我所疼所向望ê賢友。「語云知弟莫若師，」解說講，知學生ê款式，獨獨是先生。對明治30年教士會請我入中學助教，伊就屬二年生，hit時差不多13歲，資質聰明，亦奮志勤讀，真欣慕漢學，見若所考ê攏是3名內。Tī中學讀到卒業，hit時費先生有請伊幫贊教一年久，後來立志beh做傳教ê工，就入神學校，時間內勤勤講究逐項ê學問，時間外真熱心佈道，真好口才，讀到卒業然後koh去東京入明治學院做四年生，卒業了koh入早稻田大學，可惜讀無偌久舊時ê腦病koh起，就轉來台灣歇睏。到這 pang koh去日本調養，無扑算去大阪ê海面洗...

[1915-10 台灣教會報 文類-散文 作者--/-]
謹慎所行 [ Kín-sīn Só͘-kiâⁿ ]
謹慎所行1915.10 367卷 p.8三國冊記一chām關雲長保護in 2個兄嫂beh合曹操上京去，tī路裡曹操tiâu故意用一間房hō͘ in 三人住，意思是beh 紛亂in 君臣ê禮數。總是關雲長做伊點蠟燭出來厝外看冊到天光，攏無小可厭懶ê面色。曹操看見án-ne，那koh較敬重伊。 關雲長ê所做算是君子ê所行四正功明；攏無故意裝做。看三國冊ê人攏講伊是愛故意做君子ê名聲，才án-ne來閃避嫌疑，若是在關雲長ê意思就無án-ne講，因為關雲長所顧就是劉備ê面上，佮in 兄嫂ê德行，眾人ê濫糝講著m̄著伊攏無掛意。 照án-ne kā伊想，咱教會內ê會友若會照伊ê法度來行，有君子ê腳步ki...

[1916-10 台灣教會報 文類-散文 作者--/-]
學白話字 [ o̍h Pe̍h-oē-jī ]
學白話字1916.10 379卷 p.8-9(宋牧師娘記)教kap學白話字有好法度也有 m̄ 好法度。好法度不但會hō͘ 學生較快熟koh會誠好教育種種ê目的，親像hō͘ 囡仔學順趁，致意kap專心。M̄ 好ê法度不但hō͘ 囡仔oh熟，koh會hō͘ in學無趁，無致意，kap貧憚。 Tī 主日學教白話字ê應用是beh hō͘ 學生thang bat聖經，後--來tī 聖冊班來講究上帝ê教示。Chiah ê學生濟濟tī in厝無受教示，只有一禮拜一擺nā-tiāⁿ。所以教ê人著真切意hō͘ in來較快進步免得kan-ta sô。今tī 下底記hit ê教法hō͘逐家來參考。 1.教台南ê字母...

[1918-10 台灣教會報 文類-散文 作者-黃俟命/N̂g Sū-bēng]
家庭族譜 [ Ka-têng Cho̍k-phó͘ ]
家庭族譜1918.10 403卷 p.12(黃俟命記)。咱若入無聽道理ê 人ê 家，就liâm-piⁿ會看見in ê 廳堂有濟濟木主，寫in 祖公父母ê 名，佮簡簡ê 來歷世系。可惜in 對重過頭，續用chiah-ê 來跪拜敬奉，為著án-ni就信主ê 人有除去。因為咱ê 聖教有教示人m̄-thang做像跪拜，總是咱kan-ta攏除去，祖公父母ê來歷世系咱攏m̄ 知，也無地thang 查考，án-ni也是無抵好。近來有人翕序大人ê 相來做紀念；m̄-kú濟濟無利便thang 翕相。 Koh 若kan-ta相，無略仔記載伊ê 來歷、世系，過兩三代也是攏m̄ 知。 Tī 幾若年前有一人名叫王金龍，...