[1916-9 台灣教會報 文類-散文 作者--/-]
台島消息 [ Tâi-tó siau-sit ]
台島消息。 1916.9，no.378，pp.12 預防腸病。近來台灣濟濟所在有起腸chek-hu-su ( = 小腸壞)佮赤痢的病。對染這號病，雖然有的打tia̍p有好，毋過死失--的亦袂少。遐的病真厲害，會過人，捌的人真驚。 近來有發現一項藥。人若用彼項藥來注射 (就是入皮)，就會免得腸chek-hu-su的病。這霎官府佇幾若所在有設法咧共人注射，亦無收所費。赤痢亦有注射的藥，毋過是染著了chiàⁿ共伊注射。 猶有閣一項是傳染的腸病，就是Kho-lé-là (就是漏吐的症)。現時佇台灣較無聽見有人染著。可惜佇Hui-li̍p-pin的馬尼拉。支那的廣東日本的神戶，橫濱佮長崎有咧流行...

[1916-9 台灣教會報 文類-散文 作者--/-]
澎湖的消息 [ Phîⁿ-ô͘ ê siau-sit ]
澎湖的消息。 1916. 9，no. 378，pp. 9-10 西曆6月29日大學放假的時，阮有兩人相伴過去澎湖。論彼爿教會的消息，卻是平常。論佈道的消息，卻有所在真好有所在是平常。阮這幫有去東吉，佇遐的機會照看實在袂bái。阮佇遐頭尾10日久，逐暝昏有好機會通佈道。平均扯逐暝昏有70外來致意聽，不止靜。日時有幾若个婦人人致意學字母。實在彼搭的人較有宗教，心愛講究到明白。佇遐甘願去邪歸正的人差不多有20外人。In雖然無拜堂，猶過逐禮拜攏有聚集佇林Chong-kun的厝。阮佇遐的時禮拜日倚100人聚集，大家攏致意聽真靜，實在真通歡喜。 也其餘的所在親像西嶼，頂山，抑是媽宮，這幾若所在是因為...

[1916-10 台灣教會報 文類-散文 作者--/-]
約翰 1：41 [ Iok-hān 1：41 ]
約翰 1：41 1916.10，no.379，pp.1-2 主前倚250年有希臘國大出名的數學師，名阿基米德。伊果然做名聲的發明者，常常咧想出數學的事務，致到袂顧得食。 彼搭的王愛佮伊交陪。有一擺王吩咐某金工師傅，著做一个足分金的冕旒，拄好偌大偌重有約定著。冕旒已經做好，師傅頭提來王宮裡交代王，總是王大僥疑毋是專專金，驚了有摻透。伊就將所僥疑的事來對伊的朋友阿基米德講明，請伊想看有路通知看真正是足金，抑是有將銀摻落去。 阿基米德久久想袂出。拄好彼時有一日伊入去洗浴間欲洗身軀。水佇洗浴桶傷滇，就阿基米德入桶彼時有淡薄水溢出來。伊隨時想設使彼个桶有滿滿的水就伊入去的時所欲流出的水佮伊的...

[1916-10 台灣教會報 文類-散文 作者--/-]
地動火災 [ Tē-tāng Hoé-chai ]
地動，火災。 1916.10，no.379，pp.4 佇8月28日下晡4點外鐘在埔里社地大振動真非常。潘千總今年90歲，伊講猶未捌拄著按呢的大地動。埔里社支廳的衙門倒真傷重，學校也拍歹損害。埔里社的禮拜堂裂獅獅，窗仔輾落來摔到害了了。埔里社街的店頭人家厝倒到東倒西歪；有的走到手chek折；有的著驚仆落地跋倒拍折喙齒；也有-的驚到著病。作田人咧挲草，有的驚到蟯蟯掣走轉來毋敢做工。有人咧拍算敢是欲沉台灣的款。 真佳哉這个地動是日時。設使若是暝時穩當會硩死真濟人，厝倒真濟；有的倒了了，有的倒一半，有的無倒也裂獅獅，東倒西歪。埔社街的拜堂害較傷重。其餘烏牛欄，北山坑，牛睏山，大湳有小可裂nā-t...

[1916-10 台灣教會報 文類-散文 作者--/-]
財團法人 [ Châi-thoân Hoat-jîn ]
財團法人。 1916.10，no.379，pp.5 佇1913年12月2日北部的中會有聚集臨時會來擬定著設財團法人的事，對總督入稟，總是等真久攏袂得通好勢。到舊年10月起傳道局有請Gâm-kî先生做傳道局的囑託，來鬥幫贊所有干涉佇政府彼方面的事。對按呢紲將這个財團法人的代誌交代伊來鬥設法。伊不止出力來鬥幫贊。規則有20條，亦有干涉佇咱教會的憲法。大家有用不止濟工，今已經好勢啦。有得著總督的允准，佇7月5日許可已經出來。台灣人得著財團法人的許可，這个是頭一个。咱教會有這个財團法人，真通歡喜，因為有兩項的大路用： 1. 予政府佮眾人承認咱有團體的資格。 2. 保護教會的財產。按呢的...

[1916-10 台灣教會報 文類-散文 作者--/-]
死人無親 [ Sí lâng bô chhin ]
死人無親。 1916.10，no.379，pp.5-6 俗情的人咧嫌入教的人不孝，死無孝祖宗。今用in咧款待死人的法，排幾項佇下底。 1. 若死落逐項欠，著用錢買水洗身軀，用銀紙買路才會得過，用火把炤路才行有路，隨時著煮一碗跤尾飯，一粒卵，欲予伊食，才有力通過亡魂山，閣備辦一領過山褲，貯庫錢，欲去還前生死所欠的。按呢來想實在是欠缺。 2. 相辭。備辦十二碗共伊相辭，後來隨時落棺材。彼時用一被麻圍佇棺材 kiⁿ墘，所有的親人來牽彼被麻，就予道士來用刀koat斷，用一捻hûn草來斬頭，意思是斬草斷根，割剾斷離離，無冤鬼來交纏。閣用一粒熟的卵，一塊石頭，一寡豆酺佇死人的手，吩咐伊講，...

[1916-10 台灣教會報 文類-散文 作者--/-]
加拿大教會 [ Ka-ná-tāi Kàu-hoē ]
加拿大教會。 1916.10，no.379，pp.7 加拿大長老教會有8个神學校，四千間拜堂。獨立教會的拜堂有兩千四百間。有倚兩千个牧師，亦有一萬一千个長老。長老教的會友總算有十八萬加，清氣名的會友三十三萬三千。主日學的學生大概有三十萬。有七十六个中會，八个大會，一个總會。舊年補助會，慈善會佮宣道會的捐項大概有113萬箍銀。今年總會有議定著佮加拿大的Bî-î-bî會(Methodist)佮組合會(Congregational)聯合。實行的時陣是歐羅巴洲相刣的事煞的時才算起。Bî-î-bî會佮組合會已經有議定愛聯合。三會聯合了後，就名會號做「加拿大聯合的教會」。Bî-î-bî會的人數佮長老會...

[1916-10 台灣教會報 文類-散文 作者--/-]
固執不通 [ Kò͘-chip put-thong ]
固執不通。 1916.10，no.379，pp.7-8 鄭國有一个人欲出去買一雙鞋，代先佇in厝裡，就將伊的跤量看偌長偌大，比較一个樣參跤裡和和，就且下佇桌頂。後來去到佇街裡，才想著袂記得提彼个範來。佇街市裡雖然有真濟的鞋，卻毋肯買，講伊袂記得提彼个樣來比看覓咧。到聽候伊倒去in厝，提彼个樣來的時，都已經散市，店攏關了了啦。因為按呢紲買無鞋。有人共伊講，你thài毋用你的跤落去比，穿到會和和拄好，mih-sái著閣倒去提彼个範？伊就應講，寧可著信彼个範，毋通信這雙跤。 若論世間，也有這款彼號人，專專是信古早的法度，毋信新的法度，毋知到古早的法度，攏是合佇彼个時機咧用。若是干焦知彼个古...

[1916-10 台灣教會報 文類-散文 作者--/-]
歐洲戰事 [ Au-chiu Chiàn-sū ]
歐洲戰事。 1916.10，no.379，pp.10 對七月1號起到9月15號止英法佇西戰線有大贏德國。有搶260枝的大銃，600枝的機關銃，也掠著5,5000名兵。論俄佇東戰線對德奧所搶的銃佮所掠著的兵比佇西戰線閣較濟。這馬德國皇帝的孫(就是早前英國女王I-to-lī-a的乾仔孫)有戰死。兩年前I-to-lī-a也有一个乾仔孫猶原戰死。 現時希臘國不止混雜。In的王就是德國皇帝的妹婿，自然毋愛拍德國，總是希臘國的百姓較濟愛倚聯合國。對按呢真混雜。 近來德國的潛航艇猶原有拍沉英，法佮中立國的商船。有一日佇英，法的海峽有拍沉8隻，也siāng彼日佇地中海有拍沉4隻。...

[1916-11 台灣教會報 文類-散文 作者-石安慎/Chioh An-sīn]
蘇，上，福的狀況 [ So͘, Siōng, Hok ê Tsōng-hóng ]
蘇，上，福的狀況。 (石安慎記)。 1916.11，no.380，pp.5-6 頂幫我佮我的家兄An-chiok對6月23號有去福州，上海，蘇州看教會文明的所在。到7月20號才倒來台灣。今愛將所看見的簡略來講，排列佇下底： (1)福州的所在，教會不止活動。街市也不止鬧熱。每日往來的人親像台北共進會往來的人遐濟。約有七，八十萬人。拜堂約有20間。福州城外有一所在是叫做南台的所在，也有拜堂幾若間，有的不止大間。第一大間的會坐得2000人，內面一个風琴4000箍。做禮拜的時有歕笛仔。牧師有予會友念門徒信經，十條誡，祈禱文。來禮拜的人男女不止整齊。穿長衫佮轄裙的人較濟。教會有設學堂不止濟，...

[1916-11 台灣教會報 文類-散文 作者-張金波/Tiuⁿ Kim-pho]
七年的紀念 [ Chhit nî ê Kì-liām ]
七年的記念。 1916.11，no.380，pp.6-7 舊曆8月15暗大甲的會友聚集開設教七週年記念會。這擺是第6回。佇6年前八月15暗黃君Bo̍k-châi佮林Ki-chó長老，將阿muí傳道外三人聚集佇山頂賞月，想著大甲已經設教一年，就佇遐做記念。彼時到今逐年有招集十外人佇寂靜的所在做記念會。今年大家議論著佇拜堂聚集予眾人來赴。彼暗八十外人來聚集敬拜上帝。大家大歡喜感謝上帝疼大甲的百姓。總是設教未久，閣無非常的事通講。這霎略仔講上帝的疼痛：－ 大甲是佇大安溪佮大甲溪的中間，離后里庄鐵路舖七。未有五分車的時算是交通第一不便的所在。閣佇南北教會交界的中央，1909年前罕得傳教師到遮講道...

[1916-11 台灣教會報 文類-散文 作者--/-]
論羅馬尼亞 [ Lūn Lô-má-nî-a ]
論羅馬尼亞。 1916.11，no.380，pp.8 兩月日前羅馬尼亞有倚聯合軍來參戰。德國真久有計謀愛羅馬尼亞倚德，奧，兩个國。若是羅馬尼亞的官不止gâu，無予德國迷惑。反轉羅馬尼亞看聯合軍直直贏，就決定欲倚聯合軍，佮奧國，Pu̍t-gâ-lī，兩國相刣。 照流傳講羅馬尼亞的人的祖就是古早的羅馬人。大概兩千年前，羅馬尼亞做羅馬的殖民地。彼霎有羅馬的人去彼塊開墾。In的後裔有的到這霎亦佇咧，不過亦有別種類的人相摻。 第15世紀土耳其的人有來拍羅馬尼亞的地，暴虐地方的百姓。對彼霎起四百年的久，羅馬尼亞有降服佇土耳其管，紲常常進貢土耳其。佇主後1877年，羅馬尼亞，俄羅斯，兩國有同...

[1916-11 台灣教會報 文類-散文 作者--/-]
台島消息 [ Tâi-tó Siau-sit ]
台島消息。 1916.11，no.380，pp.11-12 獻金佇學校。這幫佇內地有一个醫生，姓塩見名政次(就是Dr. M. Shiomi)，伊獻金一百萬箍，做伊的母校設理化學的路用。聽見的人，逐个大受感激，大稱讚。 先生佇17年前對大阪高等醫學校(就是現時大阪醫科大學)卒業。幾若年久做醫生拯救濟濟人，對按呢亦趁濟濟錢。後來將所趁的錢去份亞鉛的礦業會社，對按呢閣較發達。現今家事倚三百萬箍。 伊常常掛慮母校欠缺所費通設理化學，到這幫就順機會慷慨將伊的財產三份獻一份來做彼款的路用。 塩見先生今年39歲nā-tiāⁿ，就有這號公益遮大的志氣，就前途的進步毋免卜亦會知。 今反心來想...

[1916-12 台灣教會報 文類-散文 作者-陳添旺/Tân Thiam-ōng]
待身屍風俗 [ Thāi Sin-si Hong-sio̍k ]
待身屍風俗 (陳添旺記)。 1916.12，no.381，pp.6-7 前有寫幾字印佇教會報是簡簡nā-tiāⁿ，(看10月5面)。有人愛知較詳細，所以閣備辦來參考。我是對細漢序大人得著道理，無啥知影，是請教幾若的老人較知。逐所在的無相同。今所寫的若有錯，抑是無夠額，請相指示也寫來補足。雖是舊的咱無用也是有利益。一項通知無信道理的艱苦；閣一項通知in的失迷，紲用in失迷的所在報in知，予in知毋著艱苦，來反悔改變。 人未死有先備辦吩咐伊的囝孫著共伊開魂路，抑是開火光，就是超度做功德。按呢看伊，俗人氣斷逐項欠，閣異端，譴損，驚惶講袂了。死落緊用一塊石頭予伊做枕頭，意思講會保庇囝孫頭殼tī...

[1916-12 台灣教會報 文類-散文 作者--/-]
歐洲戰事 [ Au-chiu Chiàn-sū ]
歐洲戰事。 1916.12，no.381，pp.9-10 近來有幾若个台灣朋友對我講，德國的皇帝咒誓講伊這霎愛講和，毋過英國免講伊猶原著出力佮in相刣。這句卻通講是有影。今來想現時英國佮其餘遐的聯合國毋肯講和是為著甚物因端。 代先想德國現時愛和是啥事？是因為這幾月日的中間伊嶄然大輸。佇1914年7月尾彼霎德國啥事出頭插奧國佮Sek-ní-î這層事，紲勉強通歐洲列國著相刣？是因為伊向望快快贏法佮俄羅，到尾會贏英國。德愛管通歐洲，所以破壞協約去拍白耳義。若毋是這个代誌檢采英國攏無份佇現時的交戰。德，英，法，俄佮別國攏有立約頓印欲看顧白國，予伊自主。到時德背約，愛過白的土地來去拍法。英守約所以...

[1917-2 台灣教會報 文類-詩 作者--/-]
食薰歌 [ Chia̍h-hun Koa ]
食薰歌 1917.02 第383卷 p.9 1.苦勸同胞眾逐家， 莫得食薰害身體； 向望身軀勇健健， 自然濟濟食長命。 2.薰有毒素幾若種， 第一就是尼古丁； 尼古丁毒真厲害， 三滴落喉死就來。 3.莫得看輕毒小可， 講捌食薰無按怎； 猶過若食冬過冬， 發毒起病敢無望。 4.勸恁青年的時代， 莫得食薰家己害； 人對細漢若食薰， 薰毒入腦慘歸群。 5.頭腦所想無精英， 身體無力真無能； 讀冊頇慢輸別人， 作穡貧憚收無工。 6.毋愛做工無半步， 生理袂做無頭路 ； 教會國家對重恁， 若做按呢真可憐。 7. 勸恁逐家莫食薰， 婦人女子攏...

[1917-3 台灣教會報 文類-散文 作者--/-]
酒精 [ Chiú-cheng ]
酒精1917.03 384卷 p.8-9百姓社會ê幸福是在tī身軀，精神kap品德ê培養。愛百姓興旺著減少破病、貧窮、無覺、犯罪種種。 論破病。病毒有真濟款，食酒ê人較無hit 個抵抗ê力，就較快染著破病。Tī 英國有真濟病院。Bat toà倫敦病院20冬久ê醫生，不止出名--ê講：「Hit 個病院年年所有ê 病人每100人有70人破病是為著酒精。」伊koh講：「我 m̄ 是講hit 70人是醉漢。」可見伊所講--ê若是實，就英國ê病院10間ê 7間是 m̄ 免，thang用hit 個費用來贊成國ê別項事，也thang免hiah ê人ê艱苦。 Tī 1903年有一間大間ê醫館，hiah-ê 帶...

[1917-4 台灣教會報 文類-散文 作者--/-]
酒精 [ Chiú-cheng ]
酒精1917.04 385卷 p.9-10II幾若十年前一位醫生寫批hō͘ 伊ê 朋友講：「你若beh食淡薄酒，著認這個物是奢侈，也著出hit 個價值。較常hit個價值是淡薄失落健康，抑是智慧，抑是好性情hit號。」伊所講--ê今過濟濟試驗thang知是有影。酒àn怎樣無利益身軀，頂月也有講。iáu有幾若項thang想。Tī 西國有真濟生命保險會社；看in ê總計就知禁酒家比無禁--ê平均有較長歲壽，koh有ê 准禁酒ê人出保險料比無禁酒--ê較少。不但án-ni；賣酒ê商業家in beh去保險，所著納--ê錢比別人較重，又koh保險會社有ê m̄ 收--伊。Che是因為in死亡ê數額比別人較...

[1917-5 台灣教會報 文類-散文 作者--/-]
酒精 [ Chiú-cheng ]
酒精1917.05 386卷 p.9-10III論品德，差不多 m̄ 免講。咱大家知醉漢--ê 愛變憨、相扑、開錢、m̄ 愛做工。Tī 英國有一個官做辯護士40年，做判官10年久，tī 1909年伊講本國每100個定罪ê人90個是為著酒ê害才犯著國法。 百姓ê貧窮濟濟也是對酒。近來俄羅斯所經過ê事大家káⁿ知。本然in ê百姓真濟 m̄ bat字，做工艱苦，天氣寒，只有一項thang hō͘ in歡喜，就是去酒店鬧熱ê所在食酒，那食那愛食，所以真oh改良。In ê酒號做vodka。十外年前政府得著專賣權，總是皇帝bat講用hit號hō͘ 百姓受害ê代誌來hō͘ 國家長錢是無合宜。後--來起交戰...

[1917-5 台灣教會報 文類-傳記 作者-劉俊臣/Lâu Chùn-sîn]
陳啟清ê小傳 [ Tân Khé-chheng ê Sió-toān ]
陳啟清ê小傳(劉俊臣記)。1917.05 386卷 p.10-11陳啟清tī 1861年出世tī Jī-pat-chuí街。先生細漢父母就過身，家內散hiong。未聽道理teh賣茶。差不多31歲 tī Jī-pat-chuí聽見iáng 兄講道理。心肝teh想這個道理真好，若hō͘我有趁淡薄錢，我就beh來去禮拜堂聽道理拜上帝。有1擺做生理趁兩箍銀，就果然來禮拜。猶原做賣茶ê生理。有1擺對北港買熟薰入埔里社賣，店內ê伙計加提兩包hō͘伊，到倒來客店算了有加，就liâm-mi koh提去還--伊。這是先生信主ê忠直得著救ê憑據。明治26年，趙 Sî-hoê先生換去崙仔庄做傳道先生，kap伊不止親...