[1940-2 台灣教會公報 文類-散文 作者-許乃宣/Khó͘ Nái-soan]
聖句的例解 [ Sèng-kù ê Lē-kái ]
聖句的例解 許乃宣 194002 659號 p.9-9 [佇遮所欲寫下，是對彼本「Polished stones and sharpened arrows 的冊來翻譯的：毋是我的著作，亦毋是彼本冊的全部。是干焦我所受感激的若定。彼本冊有24章。頭一章是論基督徒的生活。有將I約翰2：6節「人若家己講踮佇伊，就著照伊所行的去行」做總標語。今以下照所提出的聖句來例解。若會得通小可做大家的參考，是做萬幸。] 基督徒的生活(1) 「著注神看耶穌」(希12：2)。 佇一个落雪的日，有兩个囡仔咧thit迌；這个對彼个講，「咱來踮雪頂行看啥人的跤步較直。」彼个同意，就大家試行。一个注神看伊頭前的仔...

[1940-2 台灣教會公報 文類-散文 作者-顏春和/Gân Chhun-hô]
宗教團體法解釋 [ Chong-kàu thoân-thé-hoat kái-sek ]
宗教團體法解釋 (接1月號第7面) (台南：顏春和) 194002 659號 p.10-11 [等號對第(7)項監督規定的D以下有印錯，所以閣登載出]。 D. 權限委任。主務代神照命令所定著的範圍，會得將伊的權限的一步委任地方長官(第19條)。命令大概是講，本法第16條18條的文部大臣對寺院，教會，抑是教師的監督權限通委任地方長官設法。因為文部省較袂通知逐教會，抑是地方教師的所做，地方長官較知影。在來是巡查咧chhú-thê，今是歸佇地方長官。 (8) 保護，特點（tián）。A. 訴願。第11條第2項，第16條佮第17條的主務大臣，抑是地方長官的處分有不服的時，會得...

[1940-2 台灣教會公報 文類-詩 作者-賴江/Loā Kang]
信徒行為歌 [ Sìn-tô͘ hêng-uî Koa ]
II. 信徒行為歌 草墩：賴江 1940.02 659號 p.17-18 1.我寫信徒行為歌， 濟濟信主無變換， 行為驚人真歹看， 是無聖神佇心肝。 2.咱做基督的學生， 是愛有好的品行， 言語品行著端正， 事事是愛照聖經。 3.可惜有的無實在， 來藏魔鬼佇心內， 行為猶原是歹代， 無惡不作濫參來。 4.有的一款道理精， 人若苦勸專毋聽， 講伊道理偌知影， 歹路做伊直直行。 5.教會有的袂振興， 有的顛倒是較冷， 是對信徒有毛病， 做出濟濟歹風評。 6.近來教會愛佈道， 講信基督會改造， 人的歹行會變好， 信主歹代就會無。 7.總是咱若歹品...

[1940-2 台灣教會公報 文類-散文 作者--/-]
佇主的跤頭趺下 [ Tī Chú ê kha-thâu-u-ē ]
佇主的跤頭趺下 (周吳氏瓊英) 194002 659號 p.19-20 列位親愛的兄弟姊妹平安。我愛紹介一本真寶貝的冊予大家知。我攏毋知有這本遮爾好。有一日，彭Chheng-iok先生有提我所尊敬的孫大先生所著的 「佇主的跤頭趺下」的冊來送我。我就隨時共伊讀，感覺袂捌讀著親像這本冊遮爾好，遮爾寶貝。是孫大先生本身坐佇主的跤頭趺下來問，主耶穌親身咧應的。寫了真明，真合佇現代的時勢佮思想。我掠伊做我的性命的性命，真疼伊，的確欲讀伊到我的一世人才欲煞！若有人猶袂捌讀著，請恁趕緊對公報社注文，一本是4角，郵費3 chiam。若有兄弟姊妹真愛讀，也做袂到的，阮歡喜買送伊，抑是會堪得出一半錢(兩角...

[1940-3 台灣教會公報 文類-散文 作者--/-]
客西馬尼的苦痛 [ Khek-se-má-nî ê khó͘-thàng ]
客西馬尼苦痛 194003 660號p.1-2 咱的主佮11个學生相佮吟最後的晚餐的詩了後，大家靜靜行對耶路撒冷城外出去，也行過汲倫溪到佇橄欖山的一所在，叫做客西馬尼(檢采是馬可的園)，就是前沓沓佮學生相佮去佇遐交陪上帝的所在。彼暗，是盤過節暝，應該月著圓，著媠，著光，猶過咱通想像天然界有為著伊的主顯出悲哀的現象；親像主受釘佇十字架的時遍地烏暗，也地大振動，這揲檢采有忽然起濟濟烏雲來遮閘媠媠的月，閣有大風哀傷的款咻咻吼，來益發加添客西馬尼的慘境。 咱的主有留8个學生佇較口面，也親像佇黑門山等的款式，有另外chhoā 3个學生較近佇身邊，向望通對in得著同情佮安慰，也家己入去較後面來爭...

[1940-3 台灣教會公報 文類-散文 作者-劉主安/Lâu Chú-an]
以掃佮雅各 [ Í-sò kap Ngá-kok ]
以掃佮雅各 劉主安 194003 660號 p.4-7 亞伯拉罕的囝以撒佇40歲的時有chhoā利百加做某。經過20年久，以撒因為伊的某無生囝，就替伊祈求耶和華，耶和華允准伊的所求，伊的某就懷孕。生產的日到，利百加有生雙生囝。大囝名做以掃，意思就是「門真厚，」因為伊出世的時，通身軀親像皮仔衫。第二囝名做雅各，意思就是「揪跤後tiⁿ，」因為伊出世的時，手有擒以掃的跤後tiⁿ。這兩个出世的時，以撒拄仔60歲。以掃佮雅各雖然是雙生囝，in的性質有大各樣。以掃gâu拍獵，常常佇山野；雅各做人恬靜，常常蹛布棚內。以撒較疼以掃，利百加較疼雅各。對按呢，後來in的家庭有生出大不和，致到雅各著離開故鄉，...

[1940-3 台灣教會公報 文類-散文 作者-陳金然/Tân Kim-jiân]
哈巴谷的冊 [ Hap-pa-kok ê chheh ]
哈巴谷的冊 陳金然 194003 660號 p.7-9 1.哈巴谷是小先知的第8本，共3章57節，無偌大本的冊，總是相當有問題，咱無欲議論啥物，不過3：1 「用Si-kî-o-lo̍k調」是後代禮拜式用一款的讚美歌，略仔仿Tí-pho-la̍h的歌士5：4以下，抑是摩西的祝福歌申32：2以下。總是全體來看，不止有合哈巴谷的精神。所以第三章是編輯這看做有合佇哈巴谷的精神紲共編入佇遮，這是今仔日舊約的常識，甚至有先生講3：13所講「受抹油的」是指祭司頭，所以這章是屬Má-ka-pí時代的，這是較極端的見解。其餘佇1，2章猶原有種種的議論，大概一面主張講，「只有1：5-11是哈巴谷的親筆」...

[1940-3 台灣教會公報 文類-散文 作者-顏春和/Gân Chhun-hô]
宗教團體法解釋 [ Chong-kàu thoân-thé-hoat kái-sek ]
宗教團體法解釋 接2月號第11面 台南：顏春和 194003 660號 p.9-10 第三章：法則的規定 (1) 制限，禁止的違背。教師抑是佈教師若違逆第16條所講的主務大臣的制限，禁止，抑是業務停止遮的處分，著受處罰6月日以下的懲役，禁錮抑是500箍以下的罰金；也知影宗教團體抑是宗教結社有受著第16條所講的主務大臣的制限，抑是禁止的處分，遐的代表者，佇機關的人抑是教師遮的若無順趁，違逆的時也著受siāng彼款的處罰(26條)。這條規定的意思，是教義的宣佈佮執行遮的若有違背安寧秩序，神民的義務，法令抑是害著公安的時有受著主務大臣的制限抑是禁止，猶過教師抑是佇機關的人無欲遵趁閣...

[1940-3 台灣教會公報 文類-散文 作者-梁秀德/Niû Siù-tek]
嘉中傳教師送別會 [ Ka-tiong Thoân-kàu-su Sòng-pia̍t-hoē ]
II. 嘉中傳教師送別會 梁秀德報。 194003 660號 p.16-17 佇新曆2月9號，(舊曆1月2日頂晡11點起，有開傳教師送別會佇斗六禮拜堂。因為有4名先生欲離開嘉義中會，就是潘金聲，劉華義，吳德元，許益超。真可惜潘牧師佮許先生，因為都合上，彼日無出席。這4个先生蹛佇嘉義中會的上久的，就是吳先生，有15年久，對袂分中會以來，就相佮拍拚，為著上帝的教會，若論伊的功勞，實在著大大共伊賞。伊欲離開，阮的心真毋甘。總是為著伊的都合，姑不將毋敢挽留。劉先生蹛5年，伊也是真活動，無論伊蹛的教會抑是公的空課，伊無推辭，真歡喜做。特別對主日學，伊真有實地tek的特長，伊欲離開，予阮感覺較無伴，...

[1940-3 台灣教會公報 文類-散文 作者-郭朝成/Koeh Tiâu-sêng]
會友對傳教者 [ Hoē-iú tuì Thoân-kàu-chiá ]
I.會友對傳教者 郭朝成 194003 660號 p.18-18 中會的時，我看著彰化的姓名簿，記不明。我問王牧師，伊講，「幾若年久，毋知in搬對佗位去，調查無？彼个賴--氏金蓮，前是草屯的會員，今搬去台中，彼个李--氏巧，敢是竹山的人，轉去竹山。王牧師聽了真歡喜。」 Siāng這款，毋但彰化教會有，拍算別位的教會也有，我所希望的。 1. 入聖會的會員，若搬去別位，決定毋閣搬倒轉，著對母會討移居照，通屬佇所蹛的教會。 2. 會友若欲搬徙去別位，佇最後的禮拜日，著佮傳教者，長執，會友相辭。若都合袂得佮眾人相辭，也著佮傳教者相辭，講明欲去的所在，正有盡會友的禮數。聽見內地一部分的教會，...

[1940-3 台灣教會公報 文類-散文 作者-楊雲龍/Iûⁿ Hûn-liông]
醫院通訊 [ I-īⁿ Thong-sìn ]
醫院通訊 台南新樓病院 楊雲龍 194003 660號 p.20-20 感謝上主的恩典，照顧病院經過4年外久真順序。閣再受著無上的光榮，就是佇2月11日(皇紀2600年的紀元節)午前10點40分，在知事公室有舉行御下賜金的傳達式，咱病院有閣得著恩賜，我有拜受御下賜金一封，實在至極的光榮，也感覺真恐俗的所在，對心底真大感謝皇恩普遍到佇咱，予咱閣較著奮勵努力，予這个好的事業閣較有意義的進步發達，通報答皇恩萬份的一份。這號恩賜自大會承接以來，逐年有得著。 閣一个歡喜的消息，就是siāng日佇市役所也有得著州知事閣下的獎勵金，深深感謝無煞。今閣較著覺悟決心來前進盡瘁佇咱的事業，大向望大家閣較...

[1940-3 台灣教會公報 文類-散文 作者-施鯤鵬/Si Khun-phêng]
內地見聞記 [ Loē-tē Kiàn-bûn-kì ]
內地見聞記 施鯤鵬 194003 660號 p.21-21 (接1月號20面) 1. 佇日本基督教會大會期間中，有聽著文部省宗教局長閣下的講演不止感服，伊對宗教有實在的了解，對基督教也抱真好意，佇講演中有發揮伊的 雄辯才，雖然2點鐘久全會無一个厭siān，攏傾耳咧聽。佇文部當局有這款的為政者，咱宗教團體通真安心來信賴，照閣下所允准的來享受信教的自由。 2. 佇10月10日下晡，有去富士見町教會聽龜谷凌雲先生的見證。 這个會是富士見町教會婦人會主推的傳道會，不止盛況。龜谷凌雲先生是明治21年出世的人，是富山市外新市町出名寺院住持的囝，是佛教的大和尚的後繼者。為著研究學...

[1940-6 台灣教會公報 文類-傳記 作者--/-]
南中通訊 洪--氏真的小傳 [ Lâm Tiong Thong-sìn Âng--sī Chin ê Sió-toān ]
南中通訊II.洪--氏真的小傳1940.06 第663號 p.16洪--氏真較常叫做Ho͘姆，是戴返牧師的令先母。主後1854年出世，到今年（＝1940年），拄享壽86歲。46歲的時信主，共40年久經過信的生活。會來就近主的動機，是對佇拄著病痛，感覺平時所崇拜的神佛，袂通予伊的心平安，就受苦勸決心尊趁道理入信仰敬拜上帝。伊真照本份服事上帝，上帝施恩賜福予伊，予伊子孫真興旺，子兒新婦，內外孫總算成百人。論到伊的生平真可取，有濟濟美點。這霎記幾若項予咱做數念：-- 1、信仰堅固：信主了，隨受人攻擊，鄙薄，厭賤，譏刺，以及拄著患難困苦，也是有進無退。 2、致意家庭：真奇妙！！！子孫大多數佮伊同心敬拜...

[1940-7 台灣教會公報 文類-傳記 作者-林學恭/Lîm Ha̍k-kiong]
故梅監務牧師ê小傳 [ Kò͘ Muî Kam-bū Bo̍k-su ê Sió-toān ]
故梅監務牧師的小傳1940.07 第664號 p.9-12(斗六：林學恭) 幾日前，忽然間聽著我所數念的老朋友梅監務牧師離開世間。心真艱苦。有人愛我公佈予人通數念--伊。我也不止意愛。可惜袂通寫真詳細。較要緊，將伊佇台灣的事，照我所知--的，記淡薄，向望會通佮列位相佮數念--伊。1. 青年的時到獻身 牧師出世佮長成佇敬虔的蘇格蘭。讀格拉斯高的大學，勤勤勉強，成績優秀，常常做大學優等生的代表佇學界討論。到大學卒業了，心立志愛做宣教師去外國傳道。總是時機未到，就暫時佇本國的教會做工。有一暝昏，去赴一个宣教師的講演會，講起宣道會的欠工。這个宣教師，就是佇台灣傳道的巴克禮牧師。聽伊講起台灣海嶼的...

[1940-7 台灣教會公報 文類-傳記 作者--/-]
故梅監務牧師的略歷 [ Kò͘ Muî Kam-bū Bo̍k-su ê Lio̍k-le̍k ]
故梅監霧牧師的略歷1940.07 第664號 p.12A.D. 1866年。出世佇蘇格蘭敬虔的家庭。A.D. 1890年。卒業格拉斯高（Glasgow）的大學，得著M.A.的學位，也特別研究古典學佮哲學有得著這兩科的名譽學位。A.D. 1889--90年。是伊佇格拉斯高神學校（Glasgow Free Church College）讀冊的路尾年，在校中有受揀做學生會的會長。A.D. 1890--95年。有佇格拉斯高城一個說教所（Gallowgate Mission） 來為著一般的平民階級傳道理。A.D. 1895年12月18日。有佮蘭大衛醫生，連德烈牧師來到台灣，踮台南學台灣話。A.D. 18...

[1941-1 台灣教會公報 文類-散文 作者--/-]
約拿單的囡仔 [ Iok-ná-tan ê Gín-ná ]
約拿單的囡仔 1941年1月 670期 1-2 總是囡仔毋知這是甚麼意思，只有約拿單佮大衛知這个代誌(I撒母耳 20：39)。 掃羅真怨恨大衛，愛陷害伊，m̄-kú伊的囝約拿單疼大衛親像疼家己的性命。對按呢約拿單真致意報大衛知甚物時老父生氣--伊。約拿單就佮大衛約束，伊欲出去田裡射箭，也欲chhoā一个囡仔去拾箭，閣講，我若共彼个囡仔講，「看ah，箭佇你這爿」，就是teh指這款意思，也若共囡仔講，「看ah，箭佇你彼爿，」就是teh指閣一款意思。親像按呢，佇一早起約拿單果然chhoā一个囡仔出去田裡，伊就射箭，也彼个囡仔有去拾箭。聖冊記講，「總是囡仔毋知這是甚物意思。」 ...

[1941-1 台灣教會公報 文類-散文 作者-顏振聲/Gân Chín-seng]
南部教會醫療傳道史 [ Lâm-pō͘ Kàu-hoē I-liāu Thoân-tō-sú ]
南部教會醫療傳道史 接10月第8面 顏振聲 1941年1月 670期 3-5 Hông-kí 2595年(A.D. 1935) 6月24日頂晡10點鐘，佇東門教會堂開會。 教士會李醫生，劉中堅外數名出席。臨時大會議長高金聲外佮大議員多數出席。 代先對常委報告新樓醫院廢院的經過佮說明，後來議論講醫院是真久做傳教的補助，來廢院是南部教會信徒的見笑。所以對改革的費用著歡喜出。協議的結果。新樓醫院存屬滿場一致。宣教師方面，若是欲存屬，in毋閣經營欲賣，將彼筆錢欲the̍h去彰化合做伙起新病院。按呢廢院佮存屬對立，到下晡一點閣開會議；猶原是論戰。議長用裁決的方法...

[1941-1 台灣教會公報 文類-散文 作者-梁秀德/Niû Siù-tek]
聖冊的由來佮成立 [ Sèng-chheh ê iû-lâi kap sêng-li̍p ]
聖冊的由來佮成立 梁秀德 接11月號第6面 1941年1月 670期 5-8 Taⁿ已經大陸知舊約書的成立是對遐的理由佮時代來完成，就新約書是對怎樣來--ê，也對甚物理由內成立--ê，這也有伊的由來佇teh。 佇現行的新約書攏總是27卷。總是照咱所知，佇chiah 的文書毋是一个人kia̍h筆--ê。佇這27卷，至少有10外人的筆來成的文書；也這27卷以外，猶有幾若分的外典，遐的已經是除外，無算做正典的新約書。所以咱的新約書，會堪得講是一種的全集。當佇基督耶穌傳道的時，集到伊上天的日，毋捌kia̍h筆來寫一句，抑是叫伊的學生著作，通留佇後代。若欲講到切...

[1941-1 台灣教會公報 文類-散文 作者-許有才/Khó͘ Iú-châi]
聖句解說 [ Sèng-kù Kái-soat ]
聖句解說 許有才 1941年1月 670期 8-9 「萬物對Tō來創造；見若受創造的，無一項毋是對；內創造。活命佇伊的內面；這个活命是人的光。」 4. 道 (「話」的工作) (1)伊是造物主。天第萬物對伊來創造(參看箴言8：22─30)。創世記第1章也有記載，上帝有用伊的「話」來創造天，地，海以及萬物。親像「上帝講，著有光，就有光......」攏是用伊的喙所出的 「話」對無來創造有。所以這个道(「話」)就是造物主。就是舊的世界的造物主。M̄-nā按呢到伊成做肉體來世間，就是欲對這个沉淪，渾沌的世界造出新天，新地(啟21：1)。對無向望予咱有向望，對...

[1941-1 台灣教會公報 文類-散文 作者-阮德輝/Ńg Tek-hui]
活命的燈 [ oa̍h-miā ê teng ]
活命的燈 阮德輝 譯 1941年1月 670期 9-12 「半暝，有大聲叫講。新囝婿來lah；恁出來接伊」(馬太25：6) 我愛恁佇這个風琴前的壁召主耶穌所畫舊的圖。圖的正爿就是新娘的厝，伊佇遐teh等所疼的人；倒爿就是新囝婿的厝，也伊佇遐teh備辦欲去chhoā伊的新娘。也圖的中央就是棕樹的坑溝蔭影的所在。Tú好欲暗，新娘的朋友來到半路較ke，佇遮聚集欲迎接新囝婿。到更深的時「in攏tuh-ka-choē teh睏」。這是照本文字義tek 的解說。也時間直直過，差不多半暝星的光霧霧teh照地上的烏暗，忽然新囝婿對彎越的路出來，有伊的火把的光，也有伊的同伴出...