[1941-11 台灣教會公報 文類-散文 作者-劉主安/Lâu Chú-an]
通俗羅馬書 [ Thong-sio̍k Lô-má-su ]
通俗羅馬書 異邦人的狀況 劉主安 1941年11月680期 5-6 羅馬書1：18到5：21是這張批的中心題目。其中的要點佇teh論稱做義得救的道理，就是論恩典的福音。總是未講恩典著愛代先講起人的罪，予人真實反悔才來得著恩典。若無按呢，是親像起厝佇土沙頂快快搖動，連鞭倒壞。譬喻來講，醫生欲共人醫病，著代先共患者講伊有病，若無醫治，到尾會拄著淒慘。按呢患者才會知影好藥的寶貝。耶穌來世間是欲傳恩典的福音。彼時有行洗禮的約翰代先來準備，佇曠野叫人著反悔罪來得著救。恩典的福音若比並一間厝，反悔罪是親像地基。保羅的目的是愛報人知恩典的道理。總是著愛代先講起人的罪。所以羅馬書1...

[1941-11 台灣教會公報 文類-散文 作者--/-]
高中通訊 [ Ko-tiong Thong-sìn ]
高中通訊 1941年11月680期 7-9 I.死的慰安。 世間有一項予人最大驚惶的事實，就是死失的問題，有人稱做驚惶的王。雖罔人攏有自覺生者必滅的因果，猶過一旦濟歲佇死的時，猶原是加添新的驚惶佮苦痛。雖是壽命已經定著的老人，到欲死的時也是無愛死，有驚惶的所在。雖罔是偉大的哲學家，文學家，科學家偌爾大的英雄，猶過佇死的面前是比食奶囡仔閣較軟弱，只有是驚惶流目屎爾定。 今欲用甚物來安慰這个死失，只有著有信死毋是死，有一个來世幸福的生活的人才毋驚死失。有一个詩人講，看死做無要緊，是世間最大戇的人；看死毋驚，是世間最大有信仰的人。 詩人テニスン到佇欲離別世間的時，有...

[1941-11 台灣教會公報 文類-散文 作者--/-]
南中通訊 [ Lâm-tiong Thong-sin ]
南中通訊 1941年11月680期 9-11 I.木村清祥先生。 木村先生佇明治7年4月7日出世佇新瀉縣。對細漢就真活骨，15歲卒業高等小學。後來有入基督教主義的北越學館讀冊，佇遐得著崛貞一牧師的教示。在校中就愛講道理，愛祈禱。到18歲的時領洗禮，抱大向望愛傳道，祈禱講，「上帝啊！求你予我做日本一的傳道者，若無，你予我是踮遮。」先生捌配達新聞，做苦學，後來因為北越學堂閉所，就轉去仙台東北學院。聽著Bú-sù Tāi-chiòng的道理，就佮東北救世軍合作；毋但廢娼運動，也佇貧民窟設日曜學校。佇這時先生欣慕愛去美國讀冊；因為伊聽著救世軍也聽著Bú-tì先生(ムデー)的名...

[1941-12 台灣教會公報 文類-散文 作者-無有生/Bû Iú-seng]
耶穌出世 [ Iâ-so͘ Chhut-sì ]
耶穌出世 無有生 1941年12月681期 1-2 一个人出世佇地面上，會予全世界的形勢大變化，閣會通大感化全人類的心。這種的實例，無論古早現今，東洋西洋實在是袂少。親像成吉思汗，亞力山大大帝拿破侖。做近代來講，親像Lē-lêng這款的革命家，若無出世佇這个世間，就世界的歷史的確是佮咱今仔日所捌的歷史大大各樣。又閣親像孔子，釋迦，穆罕默德，蘇格拉底若無出世佇這个世間，就對彼時到今仔日，幾十億的人心，的確是益發惡化。總是耶穌的出世佮chiah 的偉大聖人有根本的各樣的意義佇teh。對伊的出世，予咱的靈眼會通看著上帝和。M̄-nā按呢，予宇宙全體會得入佇上帝的平和，予袂通調...

[1941-12 台灣教會公報 文類-散文 作者--/-]
彰化醫館的聲 [ Chiong-hoà I-koáne 5 Siaⁿ ]
彰化醫館的聲 1941年12月681期 2-3 現在的醫館是45年前蘭醫生起的建築物，算是真舊式。對幾若年前有感覺不合路用，愛欲新建築，若是有阻擋iân-chiân到這霎；姑不將暫用，著愛改新予醫外觀較好看，有案3千箍的工事，taⁿ也已經teh欲清楚，嶄然真好看。 有感覺幾若項要緊的事記佇下面：─ 1. 病室著清氣，予患者有好的 ki-mo-chi(氣持)。 2. 職員著愛有宗教道德，親切敏捷。 3. 看護婦著再教育。逐日有2點聽講義內容有解剖學(解剖學)，國文(國文)，修身(修身)，繃帶學(繃帶學)，聖經(聖書)，看護婦學(看護婦學)。暗時著自修無外出...

[1941-12 台灣教會公報 文類-散文 作者-阮德輝/Ńg Tek-hui]
設使逐日是聖誕 [ Siat-sú ta̍k-ji̍t sī sèng-tàn ]
設使逐日是聖誕 曹博士 譯者：阮德輝 1941年12月681期 3-5 「有人擬斷這日贏彼日；有人擬斷日日攏相同；逐人心內著認去真」(羅馬14：5)。 這節就是關係守特別日趣味的議論。猶太人有真濟特別的節期佮祭典。親像咱教會的曆日有著現的日佮紀念日。總是同時咱的教理就是講，拯救無倚靠佇遵守特別日佮節期。這个就是講，佇守節的日的事無有甚物效果；總是會通嚴肅來守，常常是有人擬斷逐日攏相同，也有人議論主張特別日的重要。保羅對這層事有用寬大的看法。伊講，「逐人心內著認去真」。有這tè歌講，「無久逐日欲變做禮拜日」。對按呢予我想，設使逐日是禮拜日，咱就不時佇拜堂吟詩接續服...

[1941-12 台灣教會公報 文類-散文 作者-周文秩/Chiu Bûn-tia̍t]
日本傳教界的大人物 [ Ji̍t-pún thoân-kàu-kài ê toājîn-bu̍t ]
日本基督教傳教界的大人物木村先生 周文秩 1941年12月681期 5-6 佇10月號教會報的公告有寫幾choā報咱台灣教會欲請木村先生的代誌。這个消息予我真gông-ngia̍h，佇心內有袂禁得非常的歡喜佮新的向望；真感謝上主的恩愛無限。因為想起5年前宋博士來台彼時的感動的情境─這个實在是佇台灣教會傳道史上通特記的一項。對宋博士奮興了後的教界有新的活氣滿滿，一時真活動。所hiat落佇這个刺激的教會彼个火有to̍h炎炎；總是到這霎來看，kiám-chhái是人的努力佮工作無夠額也無的確。 論信仰的問題是真困難，iáu-kú極要緊的事。這个信仰的結實無毋是佈道，換話來...

[1941-12 台灣教會公報 文類-散文 作者-劉主安/Lâu Chú-an]
通俗羅馬書 [ Thong-sio̍k Lô-má-su ]
通俗羅馬書 接11月10號 劉主安 1941年12月681期 6-8 前回有寫羅馬書1：18─32的大意這回是愛來想彼中間幾若項的教示。 1.保羅時代的社會：羅馬書1章18─32是teh論保羅時代異邦社會的狀況。這站讀了心真艱苦，因為保羅講in的歹到徹底，閣咱袂免得想講當時社會的道德風俗毋知果然有親像保羅所講按呢無？保羅講了會較過頭袂？照看保羅所講是事實的款。因為咱若詳細查考彼時代歷史的記錄，就知保羅以外也有濟濟學者記載佮保羅siāng款的事實。總是咱著會記得當時異邦社會的中間也有濟濟可取的人物。親像保羅佇羅馬書ta̍uh-ta̍uh有講起異邦人的in通反悔(2...

[1941-10 台灣教會公報 文類-散文 作者--/-]
一體的雨傘蔭 [ Chi̍t-thé ê Hō͘-soàⁿ-ńg ]
一體的雨傘蔭 1941年10月679期 1-2 一陣人teh行路，忽然落西北雨，大家展雨傘。一个查某囡仔無雨傘，喝講，阿兄啊！就有一人走倚，趕緊分伊遮。因為in是siāng姓，閣siāng爸，所以會通png伊的雨傘蔭。 Taⁿ佇創世記一站有記，列國大飢荒，只有埃及有米糧，人規群攏去埃及糴米糧，雅各遮的囝也去。市場的大頭家是宰相，認得in是伊的兄弟，就是早年欲害死伊的性命--的，teh想著好款待in，總是著警戒。拘留一人，放9人，粟糶in，銀暗靜還in。命令著帶證據，來證明in是老實人，才通閣相見。 九人倒去，後來果然帶證據品來見宰相。彼日中晝，宰相佇宰相府開桌請in；佇遮的糴米糧...

[1941-10 台灣教會公報 文類-散文 作者-劉主安/Lâu Chú-an]
通俗羅馬書 [ Thong-sio̍k Lô-má-su ]
通俗羅馬書 (第二回：頭序) 劉主安 1941年10月679期 3-4 羅馬書第1章1─17節是這張批的頭序。佇這站所記的大意通分做5項。(1)保羅紹介伊本身予羅馬的信者通較捌伊，做伊欲到的準備。(2)保羅講起伊久久有聽著羅馬教會的消息，心肝不止數念，欣慕愛到羅馬傳道理，總是為著種種的阻擋致到袂通實現。(3) 猶過保羅暝日祈禱向望無久的得著天爸開路來到羅馬-宣傳得救的福音。不但號羅馬人會得著利益，就伊本身也通相佮得著利益。(4)保羅講，無論猶太人，抑是異邦人，伊攏有欠in的債。意思就是伊有感覺使命著傳福音佇普天下。(5)保羅講伊無掠福音做見笑，因為是上帝的氣力欲救攏總...

[1947-1 台灣教會公報 文類-散文 作者--/-]
見學：毋免錢的好藥 [ Kiàn-ha̍k: M̄-bián chîⁿ ê Hó-io̍h ]
見學 毋免錢的好藥 1947.01 第697號 p.12 我無講恁敢臆會著？會--lah。 就是日光。對源起頭到今仔日。太陽發射光，有千千萬萬的馬力，來利益這個世界，咱的生活，對物質方面來看，專專是倚靠--伊。今簡略記幾項佇遮，向望有心適。 1.逐日著開睏房的窗，予日光照--入來。就房內有臭味、生ko͘、臭殕佮空氣中有傳染人的bái-khéng (日語借詞：黴菌)，親像感冒出癖、出珠、thái-ko、癆傷，種種的病菌，若拄著日光，就會滅無。 2.蚊罩、被單、棉績，tah-tah-bih，著常常搬出來曝日。若無，睏了會骨頭痠，風痛。病人所用的寢具，閣較著日光消毒。 3.身軀著曝...

[1947-3 台灣教會公報 文類-散文 作者--/-]
見學：地thài會振動 [ Kiàn-ha̍k: Tē thài ê tín-tāng ]
見學 地thài會振動 1947.03 第699號 p.11-12 調查地動的發生，世界逐國的普遍極無平等；所發現的回數佮伊的強弱，逐所在chám然無像。親像佇日本佮南亞美利加的西爿岸，地動最第一濟。俄羅斯西比利亞的北部佮阿非利加中部是最少；就若有，也是真微弱。所以U-te̍k-su先生，將世界的地振動，分做三大區域。 1.濟震（多震）。發生地動最第一濟的所在。 2.少震(寡震)。發生地動最第一少的所在。 3.無震(無震)。是無地動的所在。 地動最第一濟閣強的所在是太平洋的周圍，佮橫過奧國歐洲佮中美的地中海。世界的地動，統計做十份。地中海全体約佔5份。太平洋周圍約佔4份，其餘...

[1947-4 台灣教會公報 文類-散文 作者--/-]
見學：地thài會振動？ [ Kiàn-ha̍k：Tē thài ē tín-tāng? ]
見學地thài會振動？1947.04 第700號 p.11本應該著連鞭印清楚，總是為著欲予所應答的刊明，較有趣味。所以著先講遐的佮地動有干涉--的記佇遮。頂面有講：「地震帶」彼句話，愛來講較詳細。地球面有一choā極大的pit裂，佇時才pit，袂通稽考。這choā的pit裂，差不多佇地球的半面劃一choā，拄好成做一條大溝。這个pit裂的所在，每擺若崩--落去，地殼的確因為按呢來搖泏。閣逐擺，彼條溝的全體，就是對地球的半面，傳伊的振動到別所在。地震學的先生，稱這條大溝號做地震帶。這choā地震帶，延長到甚物所在？就是順南阿美利加的西海岸，到北阿美利加的阿拉斯加，經過海底上北，對倒爿越--過，經...

[1947-5 台灣教會公報 文類-散文 作者--/-]
見學：地，thài會振動？ [ Kiàn-ha̍k：Tē, thài ē tín-tāng? ]
見學地，thài會振動？1947.05 第701號 p.11-121.地球teh 勼。極古早，地球是熱phok-phok，親像火爐。後來漸漸冷，就變做兩款，就是土佮水。土，勻勻仔硬。土硬，就成做一煙5一煙5，這號做地層。堅硬的土，包地球，叫做地殼。.地球冷，就會勼，予地殼jiâu閣pit裂。地層順pit裂的choā，有的chhèng 懸，有的落低，抑是pit-choā相磕，攏會振動，對按呢，才有地動。以後地若閣勼，會閣pit裂，地動就閣起。2.洞空lap--落去。佇地層內，有大的洞空。 地面的水，浸入洞空。洞溶--去。頂面的地，大力teh--落去，洞殼袂thìⁿ力，對按呢 洞殼lap，地就振動...

[1947-8 台灣教會公報 文類-散文 作者-胡文池/Ô͘ Bûn-tî]
歷史：韓文公的佛骨表 [ Le̍k-sú：Hân Bûn-kong ê佛骨表 ]
歷史韓文公的佛骨表1947.08 第704號 p.11-12(胡文池)韓文公的名韓愈（A.D. 768-823）是唐朝的大學者，也是文章家。自細聰明，端正，愛讀冊。無驚權勢，為著義真勇敢，總--是也袂看輕--人。 佛教佇後漢的時傳入中國。佇法翔 (Hoat-siông)的法門寺有塔 (護國真身塔)，塔內有釋迦的指頭仔骨一節，這個塔30年有開一擺。彼時的皇帝憲宗，差人去夯這個佛骨來宮內囥3日。韓文公彼時做刑部侍郎的官。看皇帝所做會害咱中國，所以好膽做奏章干証。後來果然惹皇帝的受氣，受貶去做潮州刺史。彼時是819年正月，過真濟艱苦，過秦嶺的霜雪，所做的詩有佇千家詩咱攏知。今將伊的佛骨表來介紹予逐家...

[1947-8 台灣教會公報 文類-散文 作者--/-]
見學：活物家己保護 [ Kiàn-ha̍k: oa̍h-mi̍h ka-tī pó-hō͘ ]
見學 活物家己保護 1947.08 第704期 p.12 胡蠅、蜘蛛、蟳仔、蛇，以及別物的蟲豕，人若見著，就愛共伊拍死。毋若人愛予伊死，就in家己也會相咬，對按呢逐日有死誠濟。雖罔按呢，無死猶活--的，閣較濟。這，為著啥因端？有兩項。 1.對in的色緻來得著保護。 A.親像佇海沙--裡，有一號蟳仔，較常出來外面，無踮佇空內；伊的殼phú色，也有幼幼的紅點，親像海沙色，真oh得分別通掠伊。 又閣蟳仔踮佇海邊的土糜--裡，色緻烏青，拄拄親像土糜。鳥真愛食in。總是因為in的色佮土糜相同，就看袂真。 B.蜘蛛有的踮佇樹林內，色緻佮焦的樹葉相同。伊若歇佇網--裡，跤手khiû-liû...

[1947-9 台灣教會公報 文類-散文 作者--/-]
見學：火車佇時才有 [ Kiàn-ha̍k: Hoé-chhia tī-sî chiah ū ]
見學 火車佇時才有？ 1947年9月 第705號 p.11-12 台灣北部，清朝時，就有；南部，日本人來管台灣，才看著。世界甚物所在，甚物時，代先有火車？英國的厝，較濟有煙筒，通予灶跤的火薰走出，款式親像細間會社。煙筒--裡，有一枝鐵橫杆；彼枝橫杆，有縛鐵鍊仔，墜--落來，鍊仔尾有縛一个鉤仔，通掛茶kó͘、鼎、鍋仔，佮逐項的器具。遐的物攏有圈仔通掛佇彼个溝。 有一日，一个查甫囡仔teh備辦滾水欲共伊的老母泡茶。水大滾，水煙對茶kó͘蒸--出來。為著水煙的力，茶kó͘就tīn-tōng-hìⁿ，搖來搖去，鐵鍊也綴伊teh搖。彼个囡仔那看就那想，家己講：「愛--啊，彼个茶kó͘若有輪，...

[1949-3 台灣教會公報 文類-散文 作者-梅樂德/Muî Lo̍k-tek]
訪問聖經地（1） [ Hóng-būn Sèng-keng toē (1) ]
訪問聖經地(1)(梅樂德J. Donald Mac Tavish)1949.03 723號 p.2-3佇戰爭中我得著機會訪問聖經內所記濟濟所在，恁的確愛聽。代先愛講Malta，記佇行傳28章。這位是保羅拄著船摃破上陸的地。彼時是叫做Malita（Bí-lī-tāi)。著過海，這个海嶼是低，也真平。佇遐無親像台灣有山，是沙石鬆鬆的地，白、清氣，閣媠。這个海嶼較無台灣的大。我是做保羅拄著船摃破的款來上這个海嶼。佇夏天真熱的一日，我騎我的自轉車經過Valletta的大街路出去到庄社。Bí-lī-tāi的農民艱苦做工，因為園有濟濟石。In種tomato，in叫做「tofca」。In 也有麥園。我行過i...

[1949-6 台灣教會公報 文類-散文 作者-梅樂德/Muî Lo̍k-tek]
訪問聖經地（2） [ Hóng-būn Sèng-keng toē [2] ]
訪問聖經地[2]{梅樂德Rev. J. Donald Mactavish}1949.06 726號 p.4-5二--月我寫Bí-lī-tāi海嶼的經驗佇咱的報紙了後，我有讀H. V. Morton的冊。照保羅的路，我知伊有訪問Bí-lī-tāi，總--是毋是保羅拄著船破的海嶼。伊講：「親像我若照我所會看近佇港灣的北爿的石巖的路落--去，我會通落去到海嶼對面的海墘，也檢彩猶原會經過--去，因為彼个距離不過是親像跳遠若定。行過兩、三英哩了後，我離開車，直直對火山巖落去到沙埔的海岸，總--是佇遐一條闊的溝佇我佮細細無liâu的石巖的中間，溝深、流緊，欲經過是袂會。海湧溢這ng著石壁，所以變做一逝的白...

[1949-8 台灣教會公報 文類-散文 作者-梅樂德/Muî Lo̍k-tek]
訪問聖經地（3） [ Hóng-būn Sèng-keng toē [3] ]
訪問聖經地 [3]{梅樂德Rev. J. Donald Mactavish}1949.08 728號 p.4-5第2項罕得有的經驗，是我佇Bí-lī-tāi的中間，行Bí-lī-tāi的海底。這位佇戰爭中是做鑽水船的基地。若是潛水艇有故障，袂得浮起來的時，佇船內的人穿藏水服，叫做Davis Escape Apparatus，in佇水內會得喘氣，按呢in會通閃避死。我有一个朋友teh按這個機關，予我穿一領潛水衫。代先，我掛一个喙頭，掛耳仔choān，也下一條大條管佇我的喙內。這條管是透佮一个桶相連絡（酸素桶）我通chūn來調節，後--來我掛一條皮帶，入14斤的鉛佇我的腹肚邊，予我較袂浮--起來，...