[1927-3 芥菜子 文類-散文 作者-陳瓊琚/Tân Khêng-ku]  (6)
論孝行 [ Lūn Hàu-hēng ]
論孝行 古早的聖賢有教示講，「百善孝為先」，實在做人若袂曉有孝佮尊重序大人就通講無有做人的資格。家己的序大人尚且袂曉有孝，欲thài會做社會有德行的人ah？閣再做爸母的人gâu疼家己的囝兒，這是自然的天性。今論序細著會曉孝順序大，佮序大著疼序細，這兩項攏是自然的的天性。毋kú咱常常捌聽著彼款毋若無順趁序大人，反轉佮序大人無同心的囝兒，其中濟濟kiám-chhái是對佇無好的教示佮受著歹環境的影響，總是中間也有為著序大人有缺點的所在，致到予序細袂尊敬--in。因為老爸若毋成老爸，自然囝就毋成囝。頂面若不正，下面自然歪chhoa̍h。總是論序大人疼囝兒有兩款，就是真的疼佮假的疼，所以囝兒的孝順...

[1927-9 芥菜子 文類-散文 作者-陳瓊琚/Tân Khêng-ku]  (6)
世界十二偉人論 [ Sè-kài cha̍p-jī Uí-jîn lūn ]
世界十二偉人論 時代變遷就思想以及逐項攏綴伊變換。所以論對偉人的思想標準也攏變款。Taⁿ佇遮所欲介紹偉人的事是對雜誌譯出的。就是teh論現今一般的青年學生對偉人的觀念甚物款。譬喻早時愛相刣的時代逐人攏用武將親像Ná-phô-lûn，抑是亞歷山大等等做偉人。總是思想的變遷真緊，現時就毋是按呢；taⁿ請來看：-這个問題是美國戰爭Hông-siōng國民委員會對全世界大學生the̍h出偉人投票敬稱的論文發表。實在有來應募的國有三十个以上。總是論關係選擇偉人的事有三項要緊的條件，就是欲投票偉人論的人所著知影的有三條件：-(1)著選彼款品性高潔的。(2)為著正義毋驚死，閣著愛有發揮犧牲的精神彼款人。...

[1927-10 芥菜子 文類-散文 作者-陳瓊琚/Tân Khêng-ku]  (2)
世界十二偉人論 [ Sè-kài Cha̍p-jī uí-jîn-lūn ]
世界十二偉人論 (續接前號) (11). David Livingstone (1813-1873)。論Livingtone m̄-nā kan-ta是宣教師閣亦是大探險家。In一隊毋驚死對熱帶的大樹林直直入去。咱人會得通知影中部亞非利加的人的事就是對佇這个宣教師的致蔭。Taⁿ伊有抱負兩款的目的佇teh，一項是探險佮伊家己所講新天地開發的事業chham愛用神的道理傳予袂開化的人。Taⁿ為著第一的事業伊費了第一濟的時間。彼个因端是鑽入袂捌人到的世界來開新的路予別人通較快綴伊的腳步來行，這款做先鋒是伊的天職。因為這層的事業費了伊的青春佮害著伊的健康，到尾紲連伊的性命亦為著按呢來犧牲。欲做這款...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...

[1932-5 台灣教會報/芥菜子 文類-詩 作者-陳瓊琚/Tân Khêng-ku]
女宣道會歡迎文牧師娘的詩 [ Lú Soan-tō-hoē Hoan-gêng Bûn Bo̍k-su-niû ê Si ]
女宣道會歡迎文牧師娘的詩 1932.05 第566卷，芥菜子76號，p.29 (陳瓊琚 做) 1.逐家歡喜來吟詩， 感謝天父賜福氣； 真理來台六十秋， 福音報傳全地球。 2.起頭馬偕博士來， 報傳道理，除歹事； 親像1粒芥菜子， 興旺大欉，主歡喜。 3.博愛慈悲牧師娘， 母會派你到東洋， 愛祝北部鑽石年， 贊阮信心愈加添。 4.母會恩情真正大， 福音無到，阮袂活； 愛報母恩攏袂會， 表意來開歡迎會。 5.願主耶穌來幫贊， 加添信徒無數萬； 願父祝福這个會， 那久那大，人那濟。...

[1927-5 芥菜子 文類-散文 作者-陳瓊琚/Tân Khêng-ku]  (4)
犧牲的人生 [ Hi-seng ê Jîn-seng ]
犧牲的人生 咱大家所teh穿這款的衫褲佮咱一日三頓所teh食的五穀，-論彼个經過的路程毋知有偌濟？閣講較明，農夫對in犁田、掖種起，到成做飯來入到佇咱的喙內，佇這中間通講已經著勞煩幾若十人，kiám-chhái 幾若百人的著磨佮犧牲才會得著按呢。頂面所講論衫褲佮咱所teh徛起的厝，以及以外逐項物攏是按呢。咱人逐个較常 kan-ta愛要求安樂攏無愛犧牲，總是敢毋知影咱徛起佇這个地面上，抑是講咱的人生已經是犧牲的人生mah？ 所以雖罔人愛閃避，毋kú 脫袂離。今簡簡來講，論犧牲至少通分做兩款；-這款就是家己歡喜的，這號叫做自發tek 的犧牲，閣一款是對別人來強制的，這號叫做他動tek 的犧牲...

[1927-6 芥菜子 文類-散文 作者-陳瓊琚/Tân Khêng-ku]  (3)
論佇家庭中祈禱的力 [ Lūn tī Ka-têng-tiong Kî-tó ê La̍t ]
論佇家庭中祈禱的力 論做老母的人彼个責任實在是真大。所以若無得著上主的幫贊，的確無向望會成就做老母彼个重大的使命。上帝佇耶利米33：3，有應允講，「你求我，我的確應，指示你本事，神的奧妙袂測度，恁未捌聽見」。所以親像teh指揮大家族的老母，有時的確有彼款盡oh得辨理的家內事，所以做老母的人的確著欠用料理家內，得當的才情。因為有時著用智識、吞忍、疼痛佮同情等等，就是照彼時彼時所著欠用的法度，因為有是定著會拄著真oh得設法的所在。親像佇這款oh設法的時陣，老母心肝著清靜，也著謹慎本身的舉止行動，閣著不時用對主來祈禱，因為伊是gâu體貼軟弱的，gâu幫贊人的，閣是gâu 慰安佮gâu賞賜智識予人...

[1934-2 台灣教會公報 文類-散文 作者-賴仁聲/Loā Jîn-seng]
著注神看耶穌 [ Tio̍h Chú-sîn khoàⁿ Iâ-so͘ ]
著注神看耶穌 (賴仁聲) 1934. 2，no. 587，pp. 4-5 這句話，是保羅佇希伯來12章第2節所講的話。照聽是平常，總是對佇我有真大的感銘，所以我這霎試寫幾句來做眾所疼的兄姊的參考：- 這句聖經句，你我大家真熟，thái會予我特別深刻，生起大的趣味，紲定記佇心內？原因是按呢：- 我本是佇咱教會中做真受恩，予先輩的指導，做主的工久久，佇咱的教會的人。欲怎樣講？彼時20外歲，通講是為著血氣方剛好動；閣一方面，也是為追揣真理，愛向望做較有利益的工，就忽略眾先生佮好朋友的苦勸，斷然離開本會，去聖潔教會做工，建設苑里，台中兩位的聖潔教會。後來任佳里的聖潔教會半年久，忽然婦人人拄著...

[1934-3 台灣教會公報 文類-散文 作者-賴仁聲/Loā Jîn-seng]
著注神看耶穌 [ Tio̍h chù-sîn khoàⁿ Iâ-so͘ ]
著注神看耶穌 (賴仁聲) (接 2月5面) 1934.3，no.588，pp.6-7 三年前，捌來台灣的中田監督的囝，中田羽後--氏，就離開聖潔會。羽後所，原是美以美會的人。到今年，連心腹的教授也變，通講聖潔會的前途卑觀。量必台灣的聖潔會也大受影響。 我寫遮的，請看報的兄姊，毋通想講我離開聖潔會，才刁持愛講in的歹話，毋是歹話，因為我無艱苦，我向望咱大家攏同心來替in祈禱。 In定teh展，講in的獻金每年30外萬；受洗禮者，每年加算千人。無拍算會來拄著按呢，著共伊想講in猶原平平佇主的名來設立的教會，來拄著彼款破裂，實在是咱基督教界的恥辱。 前年有一派叫做「真....

[1934-6 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (賴仁聲) 1934.6，no.591，pp.6-7 早主的學生對主講，「先生，阮捌看見一人用你的名趕鬼；阮就禁止伊，因為伊無綴咱」。耶穌講，莫得禁伊，因為無有人奉我的名行權能，也會連鞭譭謗我，見若無攻擊咱的就是為咱」。(可9：28-39)。親像這款對別的群，無的確著siāng群，若有奉主的名來做工就好，大家著相寬容；這號寬容大量的話，主常常講出。實在予咱真通學。 閣再來不才對這號感情的教派的相攻擊的意思也是無。反轉是取有熱誠有通學的，我就愛進前去追揣。所以才會遐輕信中田--氏的話，過去聖潔教會。我記得我當時對男子欲離任，初回欲去內地，佇彼年的中...

[1934-7 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接6月第7面) (賴仁聲) 1934.7，no.592，pp.4-5 我試指幾若項佇遮：- (1)論洗禮。伊講見若人志願愛領洗禮，不管伊的品德佮信的程度現時怎樣，攏通即時共伊行洗禮。紲引幾句聖經真通，講，咱是欲共伊行反悔的洗禮，抑是講心信，喙認就得著救，所以喙有認就好。伊紲共我講，若有人佇菜店，手有酒杯，臭酒味袂退，若講希望愛領洗禮，也通行予伊。閣講，有一人刣人，沐血的刀攑佇手裡，走來拄著長老講，今決心愛受洗禮，也通行予伊，這是伊對我講，我到今記得，這是伊對我講，我到今記得，這是非常的禮典的冒瀆，濫用。看報的兄姊，恁通家己想。 (2)論...

[1934-8 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接7月第5面) (賴仁聲) 1934.8，no.593，pp.2-3 總是若論聖潔會，恁無一人比我較知。雖有濟濟長老會的人過去聖潔會，我好膽講，攏是信者(某傳道的以外)。我講按呢，毋是看輕其餘遐的過去聖潔會做工的先生。我知in現時有人真熱心，閣真有研究，有的是真優秀的先生佮信徒，我也是尊敬in。總是我自信講我已經有幾分神學的常識，佮治會，教會政治的常識。閣本身入去佮in做學生，也做in的傳道者頭尾6年，按呢來講in的教會的款，拍算較會對。也照我的良心，我毋是愛排斥，也毋是愛惡評。若是欲濫糝講，我的論文就匿名，我堂堂下我的名佇頂面，是有責任的講話。閣...

[1934-9 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接 8月第2面) (賴仁聲) 1934.9，no.594，pp.3-4 1. 日本聖潔教會的由來：這个事，佇咱的公報捌講，咱佇遮免講詳細；不過講幾句就好。 對這霎算起約30外年前，日本有中田重治--氏去美國留學。伊原是美以美會的人，是真熱心的傳道者。伊受派去極北的千島方面傳道，佮露西亞國境接觸，照伊告白講，伊也去買銃，按算講傳道紲欲誅北番。這是傳道佮愛國的精神並發。(這是今日聖潔會破裂的精神tek做遠因，這是我的評，檢采錯也無的確)。精神照看真媠。伊也捌為辯道佇路邊，佮和尚相拍，致到額頭一裂，彼个疧猶佇teh。對以上，通看伊的情熱的一步。這个...

[1934-10 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接9月第4面) (賴仁聲) 1934. 10，no. 595，pp. 3-4 3. 爆裂的近因(爆裂的一年前，我就離開聖潔教會，就是真傷心。看本部的不統制，袂顧得台灣的聖潔會，了然就傷心離開)。拄拄破裂，我是無佇彼內面。已經倒來佇母會啦。無直接親目看，抑是徛佇彼个破船的內面。檢采評了較失真，總是照我入佇手裡的材料，佮在來看in的內亂來共伊推理，拍算無錯才著。 (a)監督的著作。監督最近寫一本冊，叫做「對聖冊來看的日本。」彼本冊，政府當局陸軍軍部真歡迎。總是一般的教會，親像長老派現時神學的代表者，Ko-chhong--氏；抑是組合教會的代表者，...

[1934-11 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接10月第3面) (賴仁聲) 1934. 11，no. 596，pp. 5-6 (3)對聖潔教會。論聖潔教會佮咱，是比天主教，佮真耶穌教較有相通的點。總是有2，3項，咱大家較無愛--的。(1)傳予未信者是好。伊不論到佗位，毋若台灣，別位也是按呢。有傳予已經信的人，來拍亂人的信。(2)對已經受洗禮的人閣共人行洗禮。(3)排列神癒做得救的一要件。這3點，我佇聖潔會做工的時，也是真共in反對。有人講我去聖潔會有閣領洗禮，彼是絕對無影的事實。因為我掠人閣領洗禮，是忽略上帝三位一體的聖恩，家己藐視以前對主所受贖回的功勞；閣也是家己證明前的反悔是白賊。以上這3...

[1937-7 台灣教會公報 文類-散文 作者-賴仁聲/Loā Jîn-seng]
雜錄：澎湖教聲 [ Cha̍p-lio̍k: Phêⁿ-ô͘ Kàu-siaⁿ ]
雜錄 1937年7月628期 11-14 I. 澎湖教聲。 恭敬請安眾兄姊，這時我愛將5月澎湖的教勢報恁知。總是我愛求恁諒解兩項：- 1. 所寫是親像用我做中心來寫；親像我有做濟濟工，其實毋是。是我的同僚in蹛佇瓦硐，花宅，大事遐的細細的島嶼；是真犧牲，是真勞碌。若是我是定家己見笑，我踮媽宮是無輸踮台灣的大都市，所以攏無犧牲。 2. 我這時咧做工是親像真熱心。總是這是熱天，若到入9月面起到明年的3月，阮是真無機會通做工。因為彼時有大風；in遮的人叫做戇風，親像風颱透袂恬。所以這時加做淡薄工也無通感心。 Taⁿ我將5月--的，記佇遮：- 初4日：佮...

[1937-11 台灣教會公報 文類-散文 作者-賴仁聲/Loā Jîn-seng]
歐美宗教現勢 [ Au Bí Chong-kàu Hiān-sè ]
歐美宗教現勢 賴仁聲 1937年11月632期 5-6 講歐、美的宗教現勢，自然是指拜上帝的事來講。(卻毋是講歐、美的人攏有拜上帝，也毋是講除拜上帝以外攏無別款的宗教。雖然是有別款宗教，是極毋成物。雖然有人無拜上帝，總是in大概也無拜偶像)。我所講的拜上帝，是包涵天主公教會，佮新教的眾教派來講。 論欲講遮的事，佇我的頂面有宣教師，in是對遐來--的，穩當比我較知。閣佇我的同輩佮後輩的先生，比我較通光世界的大勢的人，穩當真濟。何物苦著我這个西瀛珊瑚岩石，洘燥不毛的小島的這个無學的浪人來寫咧。 無別項啦。是因為我的教會總數不出20連戶。傳道地不出直兩舖連，橫毋知有7、8...

[1937-12 台灣教會公報 文類-散文 作者-賴仁聲/Loā Jîn-seng]
非常時佮信仰 [ Hui-siông Sî kap Sìn-gióng ]
非常時佮信仰 賴仁聲 1937年12月633期 4-6 序言：─這篇論佇10月24號「皇軍武運長久禱願禮拜」的時佇敝會有講。彼日官廳方面有澎湖廳警務課佮馬公支廳警察課，馬公憲兵隊的官員佮軍人來臨席。做真嚴肅有意義的期願禮拜。 閣這篇論佇未講的代先，論教理我卻幾分有自信。總是對拜引大帝之御製佮恩賜之御勅語佮和歌就驚了有失錯的所在。所以當當局來外遮奉茶的時，我就有先讀予in聽來請教in。In不止鼓舞這个思想著分予較濟人知，所以才好膽寫佇遮做列位的參考。 咱的主耶穌講，「恁的心莫得擘腹；恁著信上帝，也著信我」(約翰14：1)。閣對腓力講，「我踮佇爸，爸亦踮佇我，恁著信我；若...

[1939-2 台灣教會公報 文類-散文 作者-賴仁聲/Loā Jîn-seng]
宣道會通訊 [ Soan-tō-hoē Thong-sìn ]
宣道會通訊 澎湖教區政治管見 (接1月21面) 1939.02 647期 13-15頁 2. 宣道新方面活動。我看澎湖的傳道，男傳道方面不及女傳道方面的活動。試講幾句。因為遮的迷信真重。毋但遮，不論佗位，若講場海邊的迷信攏較重。開講場，佮島嶼的酒，女的消費也較大。這款事，媽宮佮Chū-lī島也僫出這个例。迷信，酒，女色這3項。廟媠，坐宮；差不多逐鄉里有。遮的信仰，「天公」佮台灣同；其他為海面生活就特別崇奉觀音，媽祖。總是以外猶大對重灶文公，城隍爺。不知不覺對島嶼來，遮的婦女自卑講in女性是驚人，污穢。拍算這是對遮的儒學發達的所致；所以濟濟女性有傾向佇食菜。佇3，6，9；1，4，7；閣...

[1939-2 台灣教會公報 文類-小說 作者-賴仁聲/Loā Jîn-seng]
逐人毋免絕望，的確有向望 [ Ta̍k lâng m̄-bián choa̍t-bāng, tek-khak ū ǹg-bāng ]
逐人毋免絕望，的確有向望 (對天國新聞，賴仁聲試譯) 1939.02　647期　16-20頁 300年頭擺生後生 佇內地東海道的靜岡市，有一个百萬的員外，就是有300年歷史的大門風，武藤漆器店。 這个武藤家的第14代孫，掌家伙的單生囝武藤孫右衛門氏佇49年前的明治23年出世。 足奇怪--的，就是這个家連連300年毋捌生後生，代代都是生查某囝。代代都是分後生來接。這擺會得生查埔--的，毋但爸母就歸宗族，佮近附的人都攏掠做神跡來歡喜。 ài oh！金--的，玉--的，寶貝ni-ni。受爸母的福蔭，疼惜來培養，彼都免講--的。可惜一項，就是出世就軟弱。到佇欲入小學校的時，就著骨膜炎，脊...