[1941-9 台灣教會公報 文類-散文 作者--/-]
一體攻破難關 [ Chi̍t-thé kong-phoà lân-koan ]
一體攻破難關 1941年9月678期 1-2 關--字的解說，動詞是關，名詞是門。聲有時也叫做koan，親像對岸西北爿的地方，有函谷關，武關，散關，蕭關。國境的要塞猶原叫關；代誌歹辦，號難關。今欲對聖冊中的歷史，摘出幾若站的難關，閣一擺覆述佇列位的面前，希望咱會通照按呢來攻陷種種的難關。 三千外年前，以色列人進兵過約旦河，入迦南欲得好土地，頭前有迦南的要塞耶利哥窒路。這个城真堅固，若無攻破，有阻擋。上帝吩咐in用稀奇的戰術，in的兵隊若使逐日去踅耶利哥一擺，teh踅的時，全軍攏著恬恬，無講一句話；到第7日踅7擺，然後祭司歕號頭，兵隊著齊聲喝喊，城就會倒。In照按呢行，...

[1941-9 台灣教會公報 文類-散文 作者--/-]
罪惡擦消 [ Choē-ok chhat-siau ]
罪惡擦消 1941年9月678期 5 早前有一个俄國的兵，行路siān就坐teh歇睏，伊的身軀厭倦，閣心內掛慮，因為伊收入的少少，家內開費大，致到欠人真濟錢。伊對袋仔提出一張紙，用筆寫欠人偌坐銀，面憂憂，路尾寫一句講，「啥人欲還遮的債。」因為身軀siān，心大憂悶，無睏的時有一个好額人佮兩个奴僕騎馬經過這條路，好額人忽然看見路邊有一个人teh睏，手提紙，就kah伊的奴僕提彼張，提來就讀到路尾句就是講，「啥人欲還遮的祭。」好額人看了，就用筆寫家己的名(就是皇帝的名)，吩咐奴僕閣再下佇兵的身邊，三个人就起身去。無偌久兵睏醒，欲收這張紙，連鞭看見皇帝的字，就真奇怪，ngia̍uh-...

[1941-9 台灣教會公報 文類-散文 作者--/-]
十花五色 [ Cha̍p-hoe gō͘-sek ]
十花五色 1941年9月678期 5-6 1.西洋一个維新的偉人名Khek-lîm-uí-ní。一日拄著大交戰的時，忽然有銃子拍著胸坎，總是無傷著部位。交戰煞褪衫看著銃子，鑽過外衫，牢佇胸前，所勸彼本細本的聖冊內，設使無這本冊性命就咻。當伊teh想來想去的時，汗流滿尻脊，驚惶佮歡喜的了後，詳細看銃子牢的所在，拄好是佇傳道11：9。遐的話是講，少年人啊，你佇少年的時著快樂，佇少年的日子予你的心安慰你，亦著照你的心所愛的佮目睭所看見的來行；總是著知為著這一切的事，上帝欲審判你。這个偉人讀了大驚，這世人毋敢袂記得遮的事。 2.猶太的先生有伊的學生來問伊講，耶和華啥事逐...

[1941-9 台灣教會公報 文類-散文 作者--/-]
羅馬城的紀錄 [ Lô-má siâⁿ ê kì-lio̍k ]
羅馬城的記錄 1941年9月678期 6-7 羅馬是Í-tāi-lī的京城。周圍有47里外，城門有15个，其中兩个關teh無出入。內面徛起的百姓倚70萬。這个城是起佇Tāi-bí河邊，離海墘50里。有一个平洋圍這个城，人毋敢遐徛起因為厚破病。夏天時城內亦歹徛起，因為濟病疼；若是寒天時，對幾若所在蓋濟人來蹛遐，為著城內較燒烙人愛閃避寒。 論這个城內徛起的百姓，較濟是料理國政，料理羅馬法王的事，當兵--的佮出外人，閣有真濟做工的人，是來予頂面所講遐的人倩。其中雖然有開店做生理 ，是無甚物大。 羅馬比別的城較濟古蹟，就是有古早的大間廟，大戲園，大的洗浴間，遮的物有的大崩倒，有的小...

[1941-11 台灣教會公報 文類-散文 作者--/-]
無久beh結算 [ Bô kú beh kiat soàn ]
無久欲結算 1941年11月680期 1-2 日月如梭，光陰似箭，時日快過，一年欲了，猶賰一月爾定。店頭，會社，以及其他團體攏知後月近啦，所有出入的數項佮種種的事業，攏欲結算，來看彼个進退。店員，社會員也結算，看in工作的成績，來定著年尾的賞金。 人生也有結算。佇時才是囡仔，青年中年，無久變老人。閣一下仔無看著啦。總是無的確，少年勇健無疑語，較早老人會歸土。咱袂會知拄拄甚物時，是咱的路尾日獨獨知一日一日近。彼个路尾日，就是咱逐人結算的日。這有兩款。 1.今世結算。 有人離開世間，送葬的日，屬這人的血統講百人，留teh的田園幾若千甲，建置會社毋但一所在也有婦人人過身，厝...

[1941-11 台灣教會公報 文類-散文 作者--/-]
高中通訊 [ Ko-tiong Thong-sìn ]
高中通訊 1941年11月680期 7-9 I.死的慰安。 世間有一項予人最大驚惶的事實，就是死失的問題，有人稱做驚惶的王。雖罔人攏有自覺生者必滅的因果，猶過一旦濟歲佇死的時，猶原是加添新的驚惶佮苦痛。雖是壽命已經定著的老人，到欲死的時也是無愛死，有驚惶的所在。雖罔是偉大的哲學家，文學家，科學家偌爾大的英雄，猶過佇死的面前是比食奶囡仔閣較軟弱，只有是驚惶流目屎爾定。 今欲用甚物來安慰這个死失，只有著有信死毋是死，有一个來世幸福的生活的人才毋驚死失。有一个詩人講，看死做無要緊，是世間最大戇的人；看死毋驚，是世間最大有信仰的人。 詩人テニスン到佇欲離別世間的時，有...

[1941-11 台灣教會公報 文類-散文 作者--/-]
南中通訊 [ Lâm-tiong Thong-sin ]
南中通訊 1941年11月680期 9-11 I.木村清祥先生。 木村先生佇明治7年4月7日出世佇新瀉縣。對細漢就真活骨，15歲卒業高等小學。後來有入基督教主義的北越學館讀冊，佇遐得著崛貞一牧師的教示。在校中就愛講道理，愛祈禱。到18歲的時領洗禮，抱大向望愛傳道，祈禱講，「上帝啊！求你予我做日本一的傳道者，若無，你予我是踮遮。」先生捌配達新聞，做苦學，後來因為北越學堂閉所，就轉去仙台東北學院。聽著Bú-sù Tāi-chiòng的道理，就佮東北救世軍合作；毋但廢娼運動，也佇貧民窟設日曜學校。佇這時先生欣慕愛去美國讀冊；因為伊聽著救世軍也聽著Bú-tì先生(ムデー)的名...

[1941-12 台灣教會公報 文類-散文 作者--/-]
彰化醫館的聲 [ Chiong-hoà I-koáne 5 Siaⁿ ]
彰化醫館的聲 1941年12月681期 2-3 現在的醫館是45年前蘭醫生起的建築物，算是真舊式。對幾若年前有感覺不合路用，愛欲新建築，若是有阻擋iân-chiân到這霎；姑不將暫用，著愛改新予醫外觀較好看，有案3千箍的工事，taⁿ也已經teh欲清楚，嶄然真好看。 有感覺幾若項要緊的事記佇下面：─ 1. 病室著清氣，予患者有好的 ki-mo-chi(氣持)。 2. 職員著愛有宗教道德，親切敏捷。 3. 看護婦著再教育。逐日有2點聽講義內容有解剖學(解剖學)，國文(國文)，修身(修身)，繃帶學(繃帶學)，聖經(聖書)，看護婦學(看護婦學)。暗時著自修無外出...

[1941-10 台灣教會公報 文類-散文 作者--/-]
一體的雨傘蔭 [ Chi̍t-thé ê Hō͘-soàⁿ-ńg ]
一體的雨傘蔭 1941年10月679期 1-2 一陣人teh行路，忽然落西北雨，大家展雨傘。一个查某囡仔無雨傘，喝講，阿兄啊！就有一人走倚，趕緊分伊遮。因為in是siāng姓，閣siāng爸，所以會通png伊的雨傘蔭。 Taⁿ佇創世記一站有記，列國大飢荒，只有埃及有米糧，人規群攏去埃及糴米糧，雅各遮的囝也去。市場的大頭家是宰相，認得in是伊的兄弟，就是早年欲害死伊的性命--的，teh想著好款待in，總是著警戒。拘留一人，放9人，粟糶in，銀暗靜還in。命令著帶證據，來證明in是老實人，才通閣相見。 九人倒去，後來果然帶證據品來見宰相。彼日中晝，宰相佇宰相府開桌請in；佇遮的糴米糧...

[1947-1 台灣教會公報 文類-散文 作者--/-]
見學：毋免錢的好藥 [ Kiàn-ha̍k: M̄-bián chîⁿ ê Hó-io̍h ]
見學 毋免錢的好藥 1947.01 第697號 p.12 我無講恁敢臆會著？會--lah。 就是日光。對源起頭到今仔日。太陽發射光，有千千萬萬的馬力，來利益這個世界，咱的生活，對物質方面來看，專專是倚靠--伊。今簡略記幾項佇遮，向望有心適。 1.逐日著開睏房的窗，予日光照--入來。就房內有臭味、生ko͘、臭殕佮空氣中有傳染人的bái-khéng (日語借詞：黴菌)，親像感冒出癖、出珠、thái-ko、癆傷，種種的病菌，若拄著日光，就會滅無。 2.蚊罩、被單、棉績，tah-tah-bih，著常常搬出來曝日。若無，睏了會骨頭痠，風痛。病人所用的寢具，閣較著日光消毒。 3.身軀著曝...

[1947-3 台灣教會公報 文類-散文 作者--/-]
見學：地thài會振動 [ Kiàn-ha̍k: Tē thài ê tín-tāng ]
見學 地thài會振動 1947.03 第699號 p.11-12 調查地動的發生，世界逐國的普遍極無平等；所發現的回數佮伊的強弱，逐所在chám然無像。親像佇日本佮南亞美利加的西爿岸，地動最第一濟。俄羅斯西比利亞的北部佮阿非利加中部是最少；就若有，也是真微弱。所以U-te̍k-su先生，將世界的地振動，分做三大區域。 1.濟震（多震）。發生地動最第一濟的所在。 2.少震(寡震)。發生地動最第一少的所在。 3.無震(無震)。是無地動的所在。 地動最第一濟閣強的所在是太平洋的周圍，佮橫過奧國歐洲佮中美的地中海。世界的地動，統計做十份。地中海全体約佔5份。太平洋周圍約佔4份，其餘...

[1947-4 台灣教會公報 文類-散文 作者--/-]
見學：地thài會振動？ [ Kiàn-ha̍k：Tē thài ē tín-tāng? ]
見學地thài會振動？1947.04 第700號 p.11本應該著連鞭印清楚，總是為著欲予所應答的刊明，較有趣味。所以著先講遐的佮地動有干涉--的記佇遮。頂面有講：「地震帶」彼句話，愛來講較詳細。地球面有一choā極大的pit裂，佇時才pit，袂通稽考。這choā的pit裂，差不多佇地球的半面劃一choā，拄好成做一條大溝。這个pit裂的所在，每擺若崩--落去，地殼的確因為按呢來搖泏。閣逐擺，彼條溝的全體，就是對地球的半面，傳伊的振動到別所在。地震學的先生，稱這條大溝號做地震帶。這choā地震帶，延長到甚物所在？就是順南阿美利加的西海岸，到北阿美利加的阿拉斯加，經過海底上北，對倒爿越--過，經...

[1947-5 台灣教會公報 文類-散文 作者--/-]
見學：地，thài會振動？ [ Kiàn-ha̍k：Tē, thài ē tín-tāng? ]
見學地，thài會振動？1947.05 第701號 p.11-121.地球teh 勼。極古早，地球是熱phok-phok，親像火爐。後來漸漸冷，就變做兩款，就是土佮水。土，勻勻仔硬。土硬，就成做一煙5一煙5，這號做地層。堅硬的土，包地球，叫做地殼。.地球冷，就會勼，予地殼jiâu閣pit裂。地層順pit裂的choā，有的chhèng 懸，有的落低，抑是pit-choā相磕，攏會振動，對按呢，才有地動。以後地若閣勼，會閣pit裂，地動就閣起。2.洞空lap--落去。佇地層內，有大的洞空。 地面的水，浸入洞空。洞溶--去。頂面的地，大力teh--落去，洞殼袂thìⁿ力，對按呢 洞殼lap，地就振動...

[1947-8 台灣教會公報 文類-散文 作者--/-]
見學：活物家己保護 [ Kiàn-ha̍k: oa̍h-mi̍h ka-tī pó-hō͘ ]
見學 活物家己保護 1947.08 第704期 p.12 胡蠅、蜘蛛、蟳仔、蛇，以及別物的蟲豕，人若見著，就愛共伊拍死。毋若人愛予伊死，就in家己也會相咬，對按呢逐日有死誠濟。雖罔按呢，無死猶活--的，閣較濟。這，為著啥因端？有兩項。 1.對in的色緻來得著保護。 A.親像佇海沙--裡，有一號蟳仔，較常出來外面，無踮佇空內；伊的殼phú色，也有幼幼的紅點，親像海沙色，真oh得分別通掠伊。 又閣蟳仔踮佇海邊的土糜--裡，色緻烏青，拄拄親像土糜。鳥真愛食in。總是因為in的色佮土糜相同，就看袂真。 B.蜘蛛有的踮佇樹林內，色緻佮焦的樹葉相同。伊若歇佇網--裡，跤手khiû-liû...

[1947-9 台灣教會公報 文類-散文 作者--/-]
見學：火車佇時才有 [ Kiàn-ha̍k: Hoé-chhia tī-sî chiah ū ]
見學 火車佇時才有？ 1947年9月 第705號 p.11-12 台灣北部，清朝時，就有；南部，日本人來管台灣，才看著。世界甚物所在，甚物時，代先有火車？英國的厝，較濟有煙筒，通予灶跤的火薰走出，款式親像細間會社。煙筒--裡，有一枝鐵橫杆；彼枝橫杆，有縛鐵鍊仔，墜--落來，鍊仔尾有縛一个鉤仔，通掛茶kó͘、鼎、鍋仔，佮逐項的器具。遐的物攏有圈仔通掛佇彼个溝。 有一日，一个查甫囡仔teh備辦滾水欲共伊的老母泡茶。水大滾，水煙對茶kó͘蒸--出來。為著水煙的力，茶kó͘就tīn-tōng-hìⁿ，搖來搖去，鐵鍊也綴伊teh搖。彼个囡仔那看就那想，家己講：「愛--啊，彼个茶kó͘若有輪，...

[1950-10 台灣教會公報 文類-散文 作者--/-]
研究：宗教改革家略傳 [ GIÁN-KIÙ：Chong-kàu Kái-kek-ka Lio̍k-toān ]
研究宗教改革家略傳1950.10 742號 p.8-10（這月號宗教改革號。愛各位讀者數念當時遮的改革家。這霎終止的改革家的遺像佮略傳介紹佇遮，予各位讀者閣一擺來帶念in的遺業，來喚起咱的改革精神。）1、路德馬丁（Martin Luther）1483-1546。德國的宗教改革家。伊佇A. D. 1483年11月10日出世佇德國的Ai-su-lé-bián，散hiong作穡的家庭。老父誠實，老母敬虔，21歲畢業大學，本立志欲做法律家，總--是有一日佮伊的好朋友佇tân雷佮落大雨的時teh行路，伊看著朋友予雷拍--死，就改心欲做宗教家，1505年7月17日入Ò-kó͘-su-teng的修道院。15...

[1951-5 台灣教會公報 文類-散文 作者--/-]
論說："老母ê日"ê由來 [ Lūn-soat："Lāu-bó ê ji̍t" ê iû-lâi" ]
論說：「老母的日」的由來1951.05 749號 p.4(T.K.J.)佇美國的東爿海墘，ブァジニア州的草地，有一个細細的鄉社叫做ウェブスター，有一个熱心信主的婦人人，名叫ヂァルブヰス。佇教會做主日學的教員26年久，有一个禮拜日teh教十條誡，拄teh說明第5誡，就是著敬你的父母的教示，特別講起老母的疼怎樣的大，紲講：「向望佇恁中間，有甚物人會通想出好的方法，通予現代的人，對遮大的疼，對心底表出感謝。」 拄好伊的查某子アンナ也佇這班teh做學生，總--是無偌久，ヂァルブヰス夫人煞死--去。Nā是アンナ將老母所講彼句話記牢牢。後--來in的教會遐的婦人人，用心計較為著ヂァルブヰス夫人開一个追悼會...

[1951-9 台灣教會公報 文類-散文 作者--/-]
客莊：讀「二崙迫害記」 [ Kheh-chng: Tha̍k "Jī-lūn" pek-hāi-kì" ]
客莊讀「二崙迫害記」1951.09 753號 p.19佇教會報對6~8月連載巴牧師佇二崙的迫害記。所講彼个二崙，毋是teh指佇西螺附近的大庄社，是teh指佇屏東縣屬客庄的小鄉社。筆者因為是二崙附近的人，也是客人的一个，對這個記事不止關心來讀。過頭的感激，予我的心一面真見笑，一面是講袂出的感謝。遐的一陣人一時的的爽快成做客人永遠的見笑；但是巴牧師所拄著的見笑成做上帝的榮光。當1948年5月，內埔設教50週年禮拜式上，高篤行牧師的祝詞有講：「早年佇二崙的臭味成做永遠的芳香，遍滿佇全客庄。」也萬牧師（Rev. Edsuerd Band）所著的巴牧師傳記中也有幾若頁二崙迫害的記錄。這 敢毋是台灣傳教歷...

[1952-2 台灣教會公報 文類-散文 作者--/-]
地動 [ Tē-tāng ]
地動1952.02 758號 p.19-20對10月22號的地動以來，東部到今仔日逐日teh地動，遐的人攏疏開佇空地搭草寮teh過日，真通同情。今愛介紹關係地動的常識。一、地動的原因。大概有四款的原因：（1）火山性的地動，是對火山爆發所生起的地動。這款的地動較袂影響到真遠，總--是因為所chhèng出的火灰佮滾chhiâng-chhiâng的塗糜，附近受災害真悿，親像A. D. 79年，Be-su-bia（Vesuvius威蘇威）火山爆發，致到Póng-pe（Pompeii龐貝）城攏埋--落去。（2）地lap--落去的地動。地殼內石灰性的大石，予地下的水溶--去，生起空洞，地殼lap--落去，...

[1952-5 台灣教會公報 文類-散文 作者--/-]
主日學：老母ê日 [ Chú-ji̍t-o̍h：Lāu-bú ê ji̍t ]
主日學老母的日1952.05 761號 p.20-21列位小朋友，5月第二禮拜日，濟濟人欲結剪絨花佇in的胸前來禮拜。有的人結白色--的,有的人結紅色--的。是因為teh紀念慈愛的老母。少年到老，逐人攏有一個老母。有的人的老母猶活佇世間，有的人的檢彩已經佇天頂。總--是平平來teh數念。這是一個真好閣媠的所做。老母猶活的人結紅花，過身的人結白花來分別。這是甚物意思--lè？美國東海岸一個細細的庄社--nih，有一個婦人人，做主日學的教員26年久。伊真熱心，閣gâu引chhoā細囝捌道理。伊捌一擺說明十條誡的第5條「著孝敬父母」的時，有講起向望對恁中間會想出一個法度來紀念老母的大疼痛。彼時伊的查...