[1925-9 台南府城教會報 文類-散文 作者-編輯部/Phian-chip-pō͘͘]
新冊出版 [ Sin-chheh Chhut-pán ]
新冊出版1925.09 486卷 p.4十項管見這本是蔡培火先生新著ê冊，用羅馬字來印。將伊平時ài佮同胞談論，揀較重要ê十項。Hit中間攏分4、5條詳細ê目錄，來淺明hit ê理氣。句句都是tuì伊ê心內透露出--來，會thang叫醒咱ê精神。所講ê話是真pêⁿ-pāng ，所論ê事也是咱每日平常所做。內容充足，材料豐富。若讀著這本冊，無各樣親像當面受伊ê指教，實在是開啟智識，培養道德ê好冊--lah！這本冊已經印好teh佮，是四六版，160外面，66000外字。tī這月半beh發行；每本6角銀，郵費四chiam。若買上10本，郵費m̄免；亦學生聯合買30本以上，beh算減兩割。發行所是蔡培...

[1925-9 台南府城教會報 文類-散文 作者-陳瓊琚/Tân Khêng-ku]
男女對等論 [ Lâm-lú tuì-téng lūn ]
男女對等論1925.09 486卷 p.6-8(京都陳瓊琚)論這個問題是不止複雜，koh亦是真oh得論ê事，koh再論者若無像，就所論ê內容自然亦有各樣。10人ê論有10人ê說，就是逐人有伊ê 方向，有伊ê 目的，有伊ê 意見；親像心理學者，伊就tuì心理hit方面論起，若是生物學者是tuì生物ê方面來論起；其實若beh論這個問題，著ài tuì幾若方面來研究說明，才會用得。譬喻講tuì歷史就說明，抑是用男女ê頭腦佮體格來相比，抑是tuì心理狀態等等來比較說明。總--是若beh親像án-ni說，的確著寫真長，所以tī chia無機會。Tī chia所論--ê,是thang講beh做男女對等ê感...

[1926-2 台南府城教會報 文類-散文 作者-文姑娘/Bûn ko-niû]
文姑娘ê批 [ Bûn Ko͘-niû ê Phoe ]
文姑娘ê批1926.02 491卷 p.2用批寄hō͘ 列位ê 眾兄弟姊妹收知。我離開台灣ê 時，就攏無扑算我bē得thang koh 過去佮lín 逐家相見。聽著英國ê 公會所議定--ê,我ê 心擋bē-tiâu,真m̄ 甘；因為倚40年久，我toà tī lín ê 中間，佮lín 相出入來做主ê 工，續看tī 台灣tuì 東、西、南、北ê 聖會那開闊，亦有那濟人歸服來信耶穌。今tuì tī 所歷過ê 事，我ê 心koh 較特別ê 意思佮lín 相結連，亦m̄ 敢bē 記得 lín 常時ê 好款待，親密ê 疼痛，che 實在到永遠做紀念。所疼ê 好朋友，我抵著這號ê 阻礙，m̄ 敢嫌，就知...

[1926-4 台南府城教會報 文類-散文 作者-蔡椪/Chhoà Phòng]
所數念ê姐妹 [ Só͘ siàu-liām ê Chí-moē ]
所數念ê姊妹1926.04 493卷 p.14-15(蔡椪)姓名清楚林--氏葉，較常人攏叫伊瑞嬸，屬過溝ê教會，企家tī 牛稠溪，離拜堂3里路。伊得著道理頭尾9年實，tī chûn--年kap伊ê女兒李--氏卻，受汪牧師問道理進教。伊出世tī主後1870年，到舊年12 月17日天父揀召伊離開世間，享壽56歲。查考伊ê生平真正有thang可取。1.Hō͘外人o-ló。真好女德，真仁愛，凡事溫柔詳細，好親近，快快受苦勸，勤謹koh 儉樸。一下別世，人人都流目屎、吐氣，講：「可憐--ah！可憐--ah！」2.受家內敬重。M̄ 但本身認真服事主，koh 全家攏敬畏上帝，攏要緊家庭 ê 禮拜kap守安息...

[1926-5 台南府城教會報 文類-散文 作者-王守勇/Ông Siú-ióng]
北部事務：九州傳道旅行 [ PAK-PŌ͘ SŪ-BŪ:Kiú-chiu Thoân-tō Lú-hêng ]
九州傳道旅行1926.05 494卷 p.5-6(王守勇)致意請安同屬主tī 台灣ê 兄姊。這pang 受著主ê 恩惠，得著lín 列位ê 致蔭，tī 3月20號，我已經tuì 京都同志社神學部卒業，所以ài 佮逐家相佮感謝上主，也敬意kā lín 說謝，向望將來猶原會得著lín ê 指導、牽成，是我ê 萬幸。 Tuì 3月3號到17號，神學部ê 卒業生有受先生ê 指導，去九州傳道。所經過不止濟位，總--是紙面有限，tī chia boē得thang 講到詳細，所以簡單ài 紹介幾項較有關係宗教--ê,就好。 1.Tī 熊本ê 所感 (4號) 九州ê 氣候燒lō,人ê 性質小可粗暴、言語粗魯、...

[1926-6 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.06 495卷 p.5-6(王守勇)(接5月第5面)4 .Tī 都城禮拜說教（7號） 今早起是禮拜，所以我佮同伴離開，孤單去赴禮拜做主理。落車ê 時m̄-bat 半人，總--是有差1人來等接，隨時就佮伊去。到極歡喜，thang 看見79個主日學ê學生teh 等接，愛聽主ê道理。就隨時講半點鐘hō͘ in 聽，逐家致意注神來聽，真恬靜，到極ê好品行。 後--來續接禮拜，我就說教「上帝是愛。」逐家敬虔疼上帝，亦聽伊ê 真理。逐家真虔誠，堂內到極靜，歡喜聽趁上帝ê命令，專心守禮拜點外鐘。 Hit e晝坐桌tī Ki-pún牧師ê家。伊有8 個子，1陣kah-ná戲班笑gī-gī...

[1926-8 台南府城教會報 文類-散文 作者-王Khèng-hun/Ông Khèng-hun]
停一刻仔！ [ Thêng chi̍t khek-á! ]
停一刻仔！1926.08 497卷 p.11-12(王Khèng-hun)近年中，美國有1個真出名ê囡仔名叫約翰。伊真勇敢koh 真gâu,無論甚物合理ê事，伊攏歡喜去做。總--是可惜後--來有染著歹習慣ê病「停tiap-仔久！」hō͘ 伊漸漸變相。 Bat 一擺伊ê 老母叫伊去學校讀冊。伊應講：「好，總--是請慢--一下--ah！」án-ni 以後歹ê勢力日日較贏，時間無赴、出席無齊、學課荒廢、校規無守，chiah-ê 魔鬼也同時倚--來lah！甚至看輕學業、藐視先生、夜郎自大、倒行逆施chiah-ê;也一波boē平，一波又起。做到án-ni，致到先生棄sak 伊，同學無認伊做朋友，校長亦無...

[1926-9 台南府城教會報 文類-散文 作者-張基全/Tiuⁿ Ki-choân]
酒kap健康 [ Chiú kap Kiān-khong ]
酒kap健康1926.09 498卷 p.7-9(張基全)人活tī 這世間逐人有伊ê 趣味，有人愛扑獵，有人愛掠魚，有人愛看好看ê物，有人愛聽好聽ê聲音，有人愛鼻芳ê味，有人嘴愛食好食ê物。論食物種類真濟。直接會做咱小體 ê滋養--ê大概thang分做兩項： 1.有機性物質，就是有包含炭素ê物，親像： (a)卵白質，伊ê 成分是炭素，水素 ，酸素 ，窒素 ，伊ê 路用是會hō͘ 人ê身軀得著勢力，也是hō͘ 細胞加添新--ê。 (b)含水炭素。 (c)脂肪：in ê成分平平是炭素，水素，酸素，三項合成chiah-ê ；(b) 佮 (c) boē會hō͘ 細胞新生，總--是會hō͘ 人加添勢力。...

[1927-3 台南府城教會報 文類-散文 作者-蔡安定/Chhoà An-tēng]
人生ê雙叉路 [ Jîn-seng ê Siang-chhe-lō͘ ]
人生ê雙叉路1927.03 504卷 p.9(Chhoà An-tēng)有1个少年人；伊抵tn̄g teh 想博士論文、好額，佮伊ê 愛人ê 時，死人ê 骨頭借大鼓ê 形狀hō͘ 伊看見。Hit 時伊就問--伊，講：「你是甚物？」大鼓就應，講：「我ê 職務就是teh 管理人ê 活命，我這个大鼓若摃1下，世間ê 人就死1个。Koh 1點鐘，就beh 摃1下。」伊án-ni 應答。少年人就續接koh 問：「m̄ 知是beh 為著甚物人？」應，講：「就是beh 為著你。」Ah！hit 時少年人驚1下，吐大氣，講：「偆1點鐘ê 活命！」Hit 時抵抵有1个朋友來beh 探伊，kā 伊講：「好朋友，你...

[1927-9 台南府城教會報 文類-散文 作者-陳瓊琚/Tân Khêng-ku]
論婦人將來ê使命 [ Lūn Hū-jîn Chiong-lâi ê Sú-bēng ]
論婦人將來ê使命1927.09 510卷 p.10-11(接8月第6面)(陳瓊琚)今來論淡薄東洋ê婦人人ê狀況。雖然tī印度，tī古早女子是做家庭中ê女王，真有權、真自由，佮男女攏平平，koh女子ê教育亦真致意。若看hit本聚集出名ê女王，抑是gâu ê女士所the唱ê歌集「Veda」就知影。雖是án-ni，女子ê地位到後來漸漸低，koh為著hō͘波羅門教ê僧侶ê專制壓迫，致到婦女ê自由佮權利漸漸無--去，到後來齊全變做男子ê奴隸。若看hit本《Maun》聖典就知影，有記載真濟看輕女子ê事tī-teh。 Koh tī波斯國，為著受回教規則ê束縛，現時猶原論女子攏無一肖仔ê權利，koh一世人伊絕...

[1927-9 台南府城教會報 文類-散文 作者-王守勇/Ông Siú-ióng]
兒童教育ê一方向 [ Jî-tông Kàu-io̍k ê Chi̍t-hong-hiòng ]
兒童教育ê一方向1927.09 510卷 p.11-12(王守勇)囡仔有兩款ê性，抑是講有兩款ê傾向（tendency）。就是有會學--得ê性（learned tendency）佮boē會學--得ê性，（unlearned tendency）。若換話來講，就是囡仔有著教佮m̄免教ê性 tī-teh。譬論來講，囡仔出世了後，無久就會曉suh乳，老母敢有教伊著怎樣suh?伊攏m̄免人教，出世就會曉。這就是boē會教--得ê性。Koh一項就是著教，才會曉。親像學讀冊、學寫字、學算數，這攏著教才會曉。所以教育ê義務就是tī chia。著培養這款會教--得ê性，hō͘伊得著發達，thang來得完全，就是...

[1927-9 台南府城教會報 文類-散文 作者--/-]
故潘打眉先生 [ Kò͘ Phoaⁿ Táⁿ-bî Sian-seⁿ ]
故潘打眉先生1927.09 510卷 p.14(勝輝)潘--先生出世tī 1894 年。細漢ê時父母立志beh將伊獻hō͘上帝做主ê工。所以公學校卒業後就入台南長老教中學校。後--來卒業了koh入神學校，畢業是tú 22歲ê時。Tī 1916年4 月1 號受派tiàm Soaⁿ-pà教會約3 年久。後--來轉任去草屯、埔里、大湳、牛困山chiah-ê教會。頭尾為主做工著磨約8年久。後--來為著家庭ê都合，辭任倒來伺候父母。不幸tī 8月1號受主揀召接納上天，享壽34歲。會內ê兄姊宛然hō͘ 烏雲jia 密，無m̄為著伊痛切啼哭。初二tī伊ê本厝舉行葬式，會眾者約400名，thang 講極其盛況...

[1896-3 台南府城教會報 文類-散文 作者--/-]
論請牧師 [ Lūn Chhiáⁿ Bo̍k-su ]
論請牧師1896.03 132 卷 P20-21 (大會ê 紀錄猶未通印佇遮，著後張ê 教會報chiàⁿ beh 印。 Taⁿ 將一項要緊ê 代志先通知恁。 大會有議論請牧師ê 條款，後來託仗幾nā人將所議論定著ê 來記，通回覆Hō͘大會准。 Taⁿ將大會所定著ê條款印佇遮予恁大家知。請逐所在教會ê兄弟姐妹去想，saⁿ-kap求上帝saⁿ-kap鼓舞勉勵；向望無偌久幾nā位ê教會請牧師去toà tī in中間。) 若會得thang 一所在請一个牧師是較好；若無氣力就幾nā位附近ê教會 通合做伙請。總是毋通傷濟位。論所費是定著牧師ê薪金攏著本地教會擔當。薪金自然著較濟傳道先生ê。 在唐山上少...

[1896-5 台南府城教會報 文類-散文 作者--/-]
論Thái-ko [ Lūn Thái-ko ]
論Thái-ko(看利未記 13, 14 章).1896.05 134卷 p.38-39 佇以色列ê百姓ê中間有時有人染著thái-ko ê病；彼號人ê艱苦真正大，比這爿thái-ko ê人敢有較傷重。人拄著這號病身軀就一直爛--去，ûn-ûn仔落手落跤，到身軀攏害，人就死。 這个病也袂醫--得，較gâu ê醫生攏無法得。卻人有時好，總毋是對食藥ê緣故，算是上帝恩典伊，予伊會家己好。又閣一項ê艱苦是thái-ko ê人予上帝看in做無清氣，毋准伊蹛佇別人ê中間，也毋准伊入殿堂祈禱；的確著蹛佇曠野外無人到ê所在。看利未記13:45, 46，見若患著thái-ko--ê著拆裂衫，露現伊ê頭殼，...

[1896-8 台南府城教會報 文類-散文 作者--/-]
論銅蛇 [ Lūn Tâng-choâ ]
論銅蛇(看民 21:4-9, 約翰5:14, 15.)1896.08 137 卷 P62-63 在早以色列ê百姓經過曠野愛到迦南地，路裡ê中間有時真艱苦行，in常常嫌上帝佮摩西。一擺in褻瀆上帝；伊就差毒蛇佇in ê中間傷害百姓，以色列濟濟人死。 In就反悔，求上帝kā in趕蛇。 上帝命令摩西著做毒蛇ê相，掛佇竹篙--裡，受傷ê人看這个就得著活。救主佮尼哥底母講話ê時將這個銅蛇比並伊本身。我想有差不多5項通比並。1.上帝救伊ê百姓無連鞭kā in趕hiah-ê毒蛇，是設一個法度通救in佇毒蛇ê中間。毒蛇猶過佇teh，毋過百姓毋免驚in，因為靠hit-ê銅蛇chiah妥當。 猶原按呢上帝救有...

[1896-12 台南府城教會報 文類-散文 作者--/-]
論讀聖冊 [ Lūn tha̍k Sèng-chheh ]
論讀聖冊(Chhoà Jio̍k-san記--ê)1896.12 141 卷 p.91-92 這一本聖冊親像高山大海，無一項寶貝毋齊備，就若一時一世人也袂ē一盡攏得著做一下會曉。因為按呢，每拜teh讀ê時kan-ta得著所愛講究ê nā-tiāⁿ。所以讀聖冊著分別歸類，逐pang揀一項ê意思來講究，親像上帝ê 疼，上帝ê義，人心ê 歹，魔鬼ê奸巧，專心來講究，莫得生別物意思。親像按呢用功，紲求聖神引chhoā，到用氣力一下久，就連鞭ē曉上帝ê話明明親像kí手掌，上帝ê命令歡喜來順趁；這通講是得著聖冊真ê意思好ê滋味。雖是偶然拄著oh得解說ê句，也著勤勤講究到ē曉，千萬莫得棄sak。起頭ná-...

[1898-11 台南府城教會報 文類-散文 作者--/-]
北京城ê消息 [ Pak-kiaⁿ-siâⁿ ê Siau-sit ]
北京城ê消息1898.11 164 卷 p.83 近來阮有接著北京要緊ê消息，總是猶未通知伊ê詳細。 大概是差不多親像下底；總是這號代誌著真細膩講。前張教會報已經有講起中國beh改換幾nā項ê新法，大家聽了真歡喜，因為前毋捌聽見親像這號ê款。從中有一人不止出力鼓舞這個代誌。伊是廣東省進學ê人姓康名有為。伊卻毋捌去外國，也毋捌外國話，總是有讀人所翻譯ê冊濟濟，也真愛趁西國ê款式來興起本國。伊有去北京chhoē hiah-ê大官，將伊所舉義ê新法排列予in聽。 In有ê紲報皇帝知，皇帝chiàⁿ召伊去見朝，將hiah-ê話講予皇帝聽。聽了真歡喜，呵咾伊ê話真著。總是hiah-ê大官ê中間濟濟毋歡...

[1899-10 台南府城教會報 文類-散文 作者--/-]
過日ê道理 [ Koè-ji̍t ê Tō-lí ]
過日ê道理(潘牧師未過身記--ê.)1899.10 175 卷 p.74-75 聖經講：「應該著常常敬畏耶和華" (箴. 23:17)。」耶和華「就是創造天地萬項物ê主宰獨一真ê上帝。所以咱人ê本份的確著時時存敬愛ê心，愛行上帝所命令，不論出入行做愛聽趁上帝，毋愛犯罪。咱踮世間是無久長，逐人有一擺死，死後著照逐人所行來受審判。佇今--時chiah著保惜光陰，行濟濟好事，備辦死後享受長活ê福氣。Taⁿ來論日過日ê道理。對早起睏起來到ê昏去睏ê事：───1.逐早起睏起來。 Hit時咱著想上帝所賜ê大恩，佇暝時有保護咱ê生命，予咱通過全安無代。因為昨暝beh去睏ê時，有濟濟人安然無事； 毋過到今早...

[1899-10 台南府城教會報 文類-散文 作者--/-]
潘牧師 [ Phoaⁿ Bo̍k-su. ]
潘牧師1899.10 175 卷 p.73-74 舊年三月ê教會報有記講：「Taⁿ咱台南ê教會已經有兩个本地牧師，」就是潘牧師佮劉牧師。 Taⁿ可惜潘牧師已經過往。在八月十一ē晡阮接著電報講伊初10就是拜四ê昏，佇林後過身。 Hit時三禮拜前阮接著消息知伊破病傷重。 宋牧師就落去林後看伊。看了chiah teh想潘先生kiám-chhái ē堪得拖兩三月日久，無辦phoe伊hiah緊就離開世間。論伊ê來歷佮過身ê情形向望別日會得通較詳細記佇教會報。總是佇遮愛講幾句就好。潘Bêng-chu出世佇1865年，本底屬佇Giâm-chêng ê教會。差不多十歲 hit時伊頭一擺聽道理。到十六歲就入大...

[1900-10 台南府城教會報 文類-散文 作者-王培英/Ông Poê-eng]
縛跤ê論(2) [ Pa̍k-kha ê Lūn(2) ]
縛跤ê論1900.10 187卷 p.72-74 II.縛跤ê損害論到縛跤ê損害卻也算袂得了，講袂得盡，taⁿ免詳細，不過大略舉起5項就好：－1.損身體。咱知查某囡仔較常拄仔 3, 4歲á是5, 6歲ê時，伊ê老母，嬸，姆就用跤帛共伊縛跤。當粗粗縛ê時卻小可ân，總是漸縛漸ân，ná縛ná ân，意思是的確beh縛到予伊細細chiah beh放伊煞。當起頭催ân ê時，穩當痛疼難堪，致到查某囡仔伸勻挽頷袂食袂睏得。閣催落去破皮流血，致到查某囡仔啼哭哀叫。又閣chàn落去筋khiû骨折，致到查某囡仔東倒西歪袂行袂走。親像按呢無偌久就將一雙生成媠媠ê跤變做破相ê跤lah。毋-nā按呢，咱知人ê身...