[1954-2 台灣教會公報 文類-散文 作者--/-]
查經：對馬太所看ê耶穌 [ Cha-keng:TuìMá-thàisó͘khoàⁿêIâ-so͘ ]
對馬太福音所看的耶穌
(吳天命)。
1954.02，no.782，pp.21-23
賜福音書的目的各無相同，雖然平平是teh傳述耶穌的福音，猶過各福音書的觀點佮目的，無甚物siāng款。就雖然稱做共觀á是Hù-luī福音書的馬太，馬可，路加，也是在佇le̍k-tiau點各無sio-siāng。為著按呢，各福音書所看的耶穌也是無sio-siāng。
馬太福音書是用甚物目的來寫？咱若知伊的目的，就會知伊的特色；倒反來講，咱若知伊的特色，也會知伊的目的。目的若知，就會知伊所看的耶穌是甚物。馬太福音有甚物特色？關係耶穌的族譜，伊有證明耶穌是猶太人所尊敬的兩位祖...

[1954-2 台灣教會公報 文類-散文 作者--/-]
宣道會：珊瑚 [ Soan-tō-hoē:San-ô͘ ]
珊瑚1954.02，no.782，pp.23-24(林照)I.珊瑚是稀世的珍寶，稱做7寶的一項，也是東西洋共通所意愛--的。不但是做裝飾媠的路用，在羅馬佮東洋，甚至流傳做除妖魔佮辟邪的寶貝。為著按呢，閣較濟人愛用珊瑚來裝飾，á是吊佇囡仔的身上。1)珊瑚類14種，若是會通做裝飾佮美術工藝--的，只有3種，最值錢的是桃紅色，紅色是較次，白色做bái。2)世界的產地無濟，以太利，法國，印度，日本，中國，咱台灣，澎湖，也是一位產區。3)論珊瑚樹，是對一種的動物，叫珊瑚蟲來成的，時常對海水中的灰質來養飼，才會日日成長茂盛。II.今澎湖宣道會就是咱母會一欉的珊瑚樹。外面看--來雖然毋是真大，若是主恩典伊的...

[1954-1 台灣教會公報 文類-散文 作者-溫榮春/Un En̂g-chhun]
東中成功教會 [ TANG TIONG Sêng-kong Kàu-hoē ]
東中 1954.01 781號p.21-22 (溫榮春) 1、成功教會。 佇成功鎮新港有兩間的教會。一間是本省的平地教會，猶有一間是山地 Amis 的教會。從前 Amis 的兄弟猶未起禮拜堂的時，是借新港禮拜堂teh聚集禮拜。今 in有簡單起一間禮拜堂佇番社，名叫成功禮拜堂。每禮拜差不多有成人200外人做禮拜，是Amis獨立的教會。這pang有開山地的指導者講習會佇遐，有80外名teh聚集。講師是駱先春牧師佮內地會的 (美籍的) 林寶華牧師，Miss Duncan & Miss Ashby兩位的姑娘，筆者也有機會去參加。這pang 的講習的目的，是予in有閣較深bat主的救恩佮怎樣來...

[1954-2 台灣教會公報 文類-散文 作者-陳添旺/Tân Thiam-ōng]
感謝上帝 [ Kàm-siāSiōng-tè ]
感謝上帝
(陳添旺)
1954.02，no.782，pp.26-28
對舊年新曆11：12－12：16號，為訪問教會，親戚，朋友，有到東部。有濟濟感謝上帝的所在；寫幾字榮光主。
(1)十一月12日到瑞芳，揣一位外省姊妹佮丈夫，囝兒。彼暗談論道理到11點外。有寫批託楊Chiong先生招呼伊，紲替in祈禱。
(2)羅東歇兩暗，拜五予in留到禮拜早起講道。受陳五福先生佮先生娘好款待，送旅費；真感謝。羅東自設教頭擺有起拜堂，設置真好勢，也有主日學教室。陳耀宗牧師佇遐主持；會友稱伊人格者。
(3)蘇澳，南方澳，同屬一位教會；聽講有神跡真濟，有2...

[1954-3 台灣教會公報 文類-散文 作者-黃章輝/N̂g Chiong-hui]
台南神學院 [ Tâi-lâm Sîn-ha̍k-īⁿ ]
台南神學院3月第3禮拜的感謝佮向望(院長：黃章輝)。1954.03，no.783，pp.5-7閣一擺用感謝的心佮大家迎接咱的神學院紀念日。回顧過去6年久，實在滿心感謝佮感激。頂面感謝天父的照顧引chhoā；下面感謝列位學院的好朋友的祈禱愛護。佇這6年中予我做感激的，就是咱的教會不變的支持，愛護的熱誠，年年的困難攏有得著克服。我確信這个就是做今仔日的進步佮成就的大前提。這點也是咱的母會大歡喜teh感謝的所在。我佇遮深深愛共母會感謝in不變的關心佮幫贊。毋若母會，連美國金陵神學院基金董事會看著咱的努力，對兩年前大大teh幫贊咱的學院。我佇遮愛深深對in表示咱的感謝。總是咱著會記得3項，才袂辜負in...

[1954-3 台灣教會公報 文類-散文 作者-劉約翰/Lâu Iok-hān]
講壇：天國ê鎖匙 [ Káng-toâⁿ:Thian-kok ê só-sî ]
天國的鎖匙(劉約翰)1954.03，no.783，pp.7-8馬太16：19，「我欲用天國的鎖匙予你。」這句是耶穌對彼得講的。耶穌怎樣講這句？因為彼得認主耶穌做「基督真活上帝的囝。」所以耶穌講，「我欲用天國的鎖匙予你。」耶穌捌有兩擺用天國的鎖匙做譬喻(馬太16：19；路加11：52)。佇宇宙中一切最大的神秘是甚物？世間的哲學，科學，宗教無毋是teh揣宇宙中的神秘；古今全世界的學者，博士也攏扑拚teh揣這个宇宙中的神秘。無扑算予一个無學問粗俗的討魚人西門彼得發見著這个「宇宙中一切最大的神秘，」就是「基督真活上帝的囝。」伊得著這款的鎖匙來開宇宙一切的神秘，這款毋是世間所有的學問，智識所會通予人的，...

[1954-3 台灣教會公報 文類-散文 作者--/-]
研究：神學院ê使命 [ Gián-kiù:Sîn-ha̍k-īⁿ ê sù-bēng ]
神學院的使命1954.03，no.783，pp.9-10神學院的重要性。除去設教會以外，基督教上要緊的事業，就是神學校。小學，中學，大學若會通設是真好；醫館，診療所，印書局攏真必要：猶過若孤不將著揀一項若定，咱就的確欲揀神學校。最近佇台灣，咱有看見濟濟新的教派來遮傳道：in來無偌久，就差不多攏有設聖冊學校，用濟濟人才佮財政來經營維持。咱長老教會亦猶原真關心；只有佇南部有七百人逐月日teh獻定著的金-額來援助這个工。按呢神學院的重要性到底事甚物？傳教者的培養？神學院的重要性在佇養成教會的工人；因為教會若欲進步，就的確著培養傳教者。卻有人反對講，初代教會無神學院；使徒無讀神學，會友相勉勵就好。In...

[1954-3 台灣教會公報 文類-散文 作者-陳金然/Tân Kim-jiân]
查經：對馬可所看ê耶穌 [ Cha-keng:Tuì Má-khó só͘ khoàⁿ ê Iâ-so͘ ]
對馬可所看的耶穌(陳金然)1954.03，no.783，pp.20-23馬可是巴拿巴的表小弟(西 4：10)。照當時猶太人的風俗，伊也有兩个名，「約翰稱做馬可」(行傳12：12，25)。約翰自然是猶太人在來的名，馬可是羅馬式的名。聖經無記伊的老爸的事，只有記伊的老母的名馬利亞(行傳12：12)。蹛佇耶路撒冷，也相當好過。主最後的晚餐大概是佇in樓頂(可 14：13-15)。伊本身對主teh欲受掠的事不止關心(可 14：51，52)。主耶穌上天了後，使徒佮其餘的學生也是聚集佇in樓頂(行傳1：13)。彼得予人關監，教會迫切為著伊祈禱，也是佇in樓頂(12：5，12)。按呢伊的家庭通講是初代教會地...

[1954-3 台灣教會公報 文類-散文 作者-蔡長義/Chhoà Tiông-gī]
佈道：人ê祕密 [ Pò͘-tō:Lâng ê pì-bi̍t ]
人的秘密(蔡長義)1954. 03, no. 783, pp. 26-27祕密是甚物？「祕密是毋愛予人知，反轉人愛知，有時是人所袂會知，á是猶未知--的。」最近常常聽見一句「原子彈的祕密；」這个祕密，美國毋愛對敵知，德國愛知：十外年前人猶毋知，猶有別項祕密，現代人毋知，也袂會知。人的祕密是甚物？人有分男性，女性；男性的祕密佮女性的祕密無拄拄相同。男性的丈夫有時有祕密；女性的太太有時也有祕密。有時pa-pah有祕密，有時ma-mah有祕密；有時後生有祕密，有時查某囝有祕密。社會各界－政治，外交，經濟，教育，科學，藝術，醫學。宗教－各方面常常有祕密存在：俗語講，「江湖一點訣，妻子不敢說，」這是人有...

[1954-4 台灣教會公報 文類-散文 作者-林再添/Lîm Chài-thiam]
研究：基督ê詩 [ Gián-kiù:Ki-tok ê sí ]
研究基督的死(牧師：林再添)，1954.04，no.784，pp.7-9耶穌基督是上帝的囝，臨到世間成做人，做人類的救主。伊毋若用真理教示人，chhoā人捌天父。伊有用伊的死來贖回凡若信伊的人的罪，予人脫離罪佮上帝閣和，成做上帝的囝，閣佇上帝的面前算做義。佇腓立比人書第2章6節以下講，「伊本有上帝的形狀，無掠佮上帝平等，成做人的樣相......就屈家己到佇死，甚至死佇十字架。」閣佇羅馬人書 3章24節以下講，「對佇基督耶穌的贖回，就是上帝所顯然設立做挽回的祭的，對信，在佇伊的血，欲顯明伊家己的義，因為上帝有寬容，無歸咎前代的罪；佇現今的時代愛顯明伊的義，予伊本身做義，閣稱彼个信耶穌的人做義。」...

[1954-4 台灣教會公報 文類-散文 作者--/-]
北中：牧師解任式 [ Pak Tiong: Bo̍k-su kái-jīm-sek ]
北中II.牧師解任式。1954.04，no.784，pp.11-13因為咱佇教會請牧師是真歡喜閣鬧熱，總是牧師離任攏按呢恬恬離開，這pang有舉行牧師的解任典禮，意思亦是歡喜伊離開。新店教會牧師解任典禮，佇3月15日上午10點有舉行，赴會者也不止濟。中會議長張Khun-oán牧師chhoā眾人開會，有得著北大議長陳Khoe-chùn牧師的頌詞，亦有有志者的祝詞，然後有郭水龍牧師的離任詞。這陣淡薄來介紹咱教會的老將軍，也是老元老的傳教生活。郭水龍牧師牧會的工到今年的7月，就滿54年，是通講台灣教會史上 罕有--的，彼中間攏無折chām繼續到今仔日，伊有兩个同期的牧師，現時猶佇teh，猶teh做工...

[1954-4 台灣教會公報 文類-散文 作者-郭東榮/Koeh Tong-èng]
查經：對路加所看ê耶穌 [ Cha-keng:Tuì Lō͘-ka só͘ khoàⁿ ê Iâ-so͘ ]
對路加福音所看的耶穌(牧師：郭東榮)1954. 04, no. 784, pp. 20-23路加的目的：路加福音首要的目的，是對一个異邦人紹介主耶穌。這个異邦人叫做Thê-o-hui-lô（華譯：提阿非羅）大人，是踮佇羅馬的大官，是一个新悔改的信徒。但是雖然一个人做對象，路加是猶過有意思對一个人來對一切的異邦人紹介主耶穌是無通giâu疑的所在。路加的人物：路加佮馬太á是約翰無共款，毋是十二使徒的一个。伊寫聖經的才調，完全是倚靠對使徒聽見，ia̍h閣自己有得著聖神的充滿來寫，伊的祖公是猶太人，職業是醫生，常常有用醫生的專門語，久久佮保羅做伙傳道，使徒行傳也是伊寫--的。路加的寫法：文章美麗流暢，...

[1954-4 台灣教會公報 文類-散文 作者--/-]
佈道：天堂kap地獄 [ Pò͘-tō:Thian-tông kap Tē-ge̍k ]
佈道天堂佮地獄1954.04 784號 p.24-25 人踮世間第一愛--的，就是平安、快樂、好額、勇健、長歲壽、子孫濟、地位懸。就是愛得滿意的人生。也第一毋愛--的，就是悽慘、艱苦、散hiong、衰荏、夭折、孤單、卑微。就是毋愛不如意的生活。為著按呢，咱就用盡所有的智慧佮氣力，來追求第一好的人生，也盡量愛避免一切第一毋好的生活。今若人人所teh追求--的，攏達成，就世間是無甚乜艱苦，抑是困難。總是事實報咱知「人生」並毋是遮爾簡單，因為一面果然世間有濟濟人得著滿意的人生，siâng時閣一面也是有濟濟人teh經過不如意的生活。就siâng一个人也會經驗著這兩種的境遇，親像走馬燈，來閣去，去閣來...

[1954-4 台灣教會公報 文類-散文 作者--/-]
實行ê基督徒 [ Si̍t-hêng ê Ki-tok-tô͘ ]
實行的基督徒1954. 04, no. 784, pp. 27-28林Io̍k-lí先生是霧峰教會的會員，伊的令尊故林Chuí-lâi先生，是出名的醫師，雖然毋是會員，歷代的傳教者攏受伊的厚待，教會慈善的機關，若有去共伊募款，伊就盡所會貢獻。Io̍k-lí先生，公學校畢業就去長榮中學校讀冊。佇遐接受基督的救恩，決心受洗進教。後來去日本留學，對昭和醫專畢業，蹛病院實習幾nā年，內科，外科，產科，真特色高妙。就倒來霧峰幫贊伊的老爸。大東亞戰爭就受召去南洋。一擺十三个醫師做伙，聯軍的飛機來掃射，死十二个，kan-ta Io̍k-lí先生生存。伊就感覺，上帝留伊的性命，是愛伊著盡力做有價值的人。日本降...

[1954-5 台灣教會公報 文類-散文 作者-吳永華/Gô͘ Eńg-hoâ]
社論：感謝母親 [ Siā-lūn:Kám-siā Bú-chhin ]
感謝母親1954. 05, no. 785, pp. 3-4(牧師：吳永華)有一所在一个家庭，有一个大姊佮小弟。伊的父母留這兩个無通依倚的小朋友，相紲離開世間。無依倚的這兩个小朋友就予伊的阿叔收留來養育。伊的阿叔也是有通食佮穿燒，猶過in實在是袂通過著真的家庭的快樂，因為in阿嬸有時無甚物好款待in。因為伊家己有囝兒佇teh。有一日，這个阿叔買一隻三輦的囡仔車轉去予伊的囝thit-thô。這个孤兒in大姊已經得著阿叔的疼，佇初中teh讀冊，伊的小弟猶是國民學校的 一年生。看著阿叔的囝有三輦車通thit-thô，欲共伊借，也無通分伊thit-thô，徛teh戇戇看，也毋敢對阿叔討。想講，阮阿母若...

[1954-5 台灣教會公報 文類-散文 作者--/-]
公告：普世教聯主席團 [ Kong-kò:Phó͘-sè Kàu Liân Chú-se̍k-thoân ]
普世教聯主席團的批1954. 05, no. 785, pp. 4-5阮普世基督教聯合會主席團，佇這个主曆1954年五旬節的日請安屬佇普世教會團契眾教會佮恁的眾會友。阮愛恁特別佇這時為著全世界的教會以及佇今年8月佇Evanston欲開的第2次普世教聯總會來祈禱。咱的主對使徒約束：「恁欲佇耶路撒冷遍猶太撒馬利亞直到地極做我的干證。」五旬節的日通講是表明這个約束teh應驗的日。以後濟濟世紀，無管罪惡佮分裂偌厲害，佇教會基督的工程一直開闊到通世界。第一，咱著為著這日來感謝上帝，續做伊的干證到地極。今年第2次普世教聯總會欲重新宣言講，基督是世界唯一个向望。照新約所記的教會的合一佮向望咱saⁿ-kap有...

[1954-5 台灣教會公報 文類-散文 作者-郭朝成/Koeh Tiâu-sêng]
研究：孝道kap基督教 [ Gián-kiù:Hàu-tō kap Ki-tok-kàu ]
孝道佮基督教(牧師：郭朝成)人類自始祖背逆上帝，不孝天爸，人格墮落，品行變歹，不孝的風吹到全世界。上帝就嚴嚴垂訓，「著孝敬你的老爸、你的老母，予你的日子佇耶和華你的上帝所賞賜你的土地得著久長」（出 20:12）。上帝對行孝道的人是何等的寬心，欲賞賜in有土地，也欲予in長歲壽。保羅也大關心佇孝道。「做囝兒的，恁踮佇主，著順趁恁的爸母，因為這是應該的，著尊敬你的爸母，這是頭一條有kâⁿ應允的戒，欲予你亨通，長歲壽佇世間」（弗6:1-3）。基督教是有倫理的宗教。是重孝道的宗教。對舊約佮新約，以及現今的世界來抄揣行孝道的人物，來做咱大家的模範。咱中國是重孝道的邦國，孝道分做3等：(1) 大孝：尊親。...

[1954-5 台灣教會公報 文類-散文 作者--/-]
世界消息：別國教會 [ Sè-kài Siau-sit:Pa̍t kok kàu-hoē ]
世界消息1954. 05, no. 785, pp. 11-13(1)英國聖經會。照這个會的報告，舊年1953年是真好的年。這个聖經會有用真濟款完全猶毋捌做字來寫的腔口印聖經。佇亞非利加12款，南亞美利加3款，亞細亞15款，南洋13款。(2)瑞西國。佇國內一省的教會的大會近來聚集的時，有得著 Karl Barth神學博士的指導講演。伊的題目是關係今年欲聚集佇美國普世教會第二總會所欲拄著的問題。伊講，照伊看，彼个會看現代的使命對一方面著對聖經所有的教示講。也閣一方面著看現世的人所會曉疼的話語來講。伊問講，有向望無？應講，有，向望是佇耶穌基督。因為佇基督所有的向望有較進步的所在。世界的人有大向望：...

[1954-6 台灣教會公報 文類-散文 作者--/-]
社論：容允細囝就近主 [ Siā-lūn:Iông-ún soè-kiáⁿ Chiū-kūn Chú ]
容允細囝就近主(牧師：張Hông-chhiong)。1954. 06, no. 786, pp. 3-4[本月頭一禮拜的主日是聖神降臨節，第二个主日是兒童節。這霎特別愛來想兒童的事。]無論耶穌在世當時á是現代，細囝常常提出問題予社會。也是常常成做問題的中心。當時按呢，現時也是按呢。細囝是予人看做費氣閣麻煩的存在者。所以常常予人對這个社會共伊除外。細囝是不斷teh進步的，無論是精神á是肉體；所以不時teh求刺激，袂通靜靜，伸腳出手，哭，嚷，拍，舂，不時都予人罵，喝，拍，趕出去。若是佇內面mī嫌chhò耳，趕出去外面mī有車ê危險。所以趕遮，趕遐，in毋知欲去tó位？毋知欲怎樣做才好？實在細囝今仔...

[1954-6 台灣教會公報 文類-散文 作者-陳溪圳/Tân Khe-chùn]
講壇：上帝是疼 [ Káng-toâⁿ:Siōng-tè sī thiàⁿ ]
上帝是疼(接5月第9面)(牧師：陳溪圳)。1954. 06, no. 786, pp.9上帝是全能，總是kan-ta全能毋是伊的特性；移山倒海毋是伊所歡喜。上帝是全智，總是kan-ta全智也毋是伊的特性。因為記載講，「我欲滅無智慧的人的智慧，也欲棄拺聰明的人的聰明。」「上帝是疼，」是盤過全能，全智以上的疼。這个疼是伊所歡喜，所愛，所誇口的榮耀。因為疼才是上帝的本體，權能是伊的衣服（詩篇65:6）。智慧是伊的裝thāⁿ若定。假使智慧佮權能共伊提走，伊猶原是天爸上帝的存在，猶原也是萬物的頭。上帝是疼，毋是權能，毋是智慧，總是對伊的疼有紲顯出伊的全能佮全智。若對上帝共伊除去權能佮智慧，kan-ta賰...