[1941-9 台灣教會公報/北部教會 文類-散文 作者-陳石獅/Tân Chio̍h-sai]
印度人的siáu-sià [ ìn-tō͘ lâng ê siáu-sià ]
印度人的siáu-sià(3) 陳石獅 譯 (接7月第25面) 1941年9月678期 23-24 彼時教主拍手來扼止眾教徒恬靜，講，歐羅巴人無資格通佮Pho-lô-bûn教討論，講了，就做伊越入去內面，眾教徒向博士用真無禮的話直直共伊sau洗。 看見按呢，博士就出殿堂，所囥的向望變做空空。出來外面的時，日頭已經浮佇海面，忽然間天變大各樣，也紲欲起報頭的款。博士愛共in借歇一暗，毋久毋是in的信者，所以隨時受拒絕。彼時感覺真siān，閣真喙乾，孤不將著共in分水啉，啉了，博士提甌仔還in的時，in將甌仔共伊摃破hiat佇外面，因為博士毋是in的信者，所以彼塊甌仔也愛拍l...

[1941-9 台灣教會公報/北部教會 文類-散文 作者-黃六點/N̂g La̍k-tiám]
日本基督教團誕生 [ Ji̍t-pún Ki-tok-kàu-thoân tàn-seng ]
日本基督教團誕生 黃六點 接8月23面 1941年9月678期 24-25 本教團教義大要有按呢制定。 聖書に於て啟示てられたる父、子、聖靈なる三位一体の神は世のため死にて甦り給へる御子イエスキリストの贖によりて信ずる者の罪を赦し之を義としを潔め永遠の生命を與へ給ふ教會はキリストの体にして恩寵によりて召されたる者の禮拜を守り聖禮典を行ひ福音を宣傳へ主の來り給ふ待望を團体なり。 也有宗教局當局的來意，愛予全信徒會通全面的透徹奉國民的意識，所以也有訂親像下面的信徒的生活規定信徒生活綱領。 本教團に屬する信徒は万世一系の天皇を奉載する臣民として皇運を扶翼し...

[1941-10 台灣教會公報/北部教會 文類-散文 作者-吳天命/Gô͘ Thian-bēng]
為著主的活佮死 [ uī-tio̍h Chú ê oa̍h kap sí ]
為著主的活佮死 吳天命 1941年10月679期 18-19 無論甚物人也未拍消死的事實，閣再是第一真實佮悲慘的事件。若是按呢基督教關係死的事有怎樣教示。羅馬5章12節講，「所以親像罪對一人入世間，死也對罪入，按呢死遍遍到佇眾人，因為眾人捌犯罪。」所以基督教神學上的傳統的解釋，就是看死做人類墮落的刑罰。總是這是對全體看的時，的死的解釋，在佇受救贖的人，已經對基督的十字架佮閣活來征服死啦。佇遐已經無刑罰的的意思，顛倒是做受救贖的人的靈魂脫出物質的阻礙的轉機。 若是按呢，在佇信基督的人死是全然佮悲傷無關係的事抑毋是！信基督的人悲傷死是無信仰的結果mah？論這層事咱會通照下面按...

[1941-11 台灣教會公報/北部教會 文類-散文 作者-吳天命/Gô͘ Thian-bēng]
伊的魂猶佇teh [ I ê hûn iáu tī-teh ]
伊的魂猶佇teh 吳天命 1941年11月680期 17-18 保羅佇特羅亞暝時熱心講論福音，因為明仔日欲起身離開遐去別所在。有濟濟兄弟姊妹熱心聽講，其中有一个少年人，聽甲紲啄ka-濟睏去伊是踮佇三樓的窗仔邊，所以就跋落樓跤，人來扶伊，已經死啦。佇遮咱有看著一个熱心迫切的人物佮一个無下落冷淡的人物。就是保羅佮少年人猶推古。保羅傳道理到袂顧得睏，總是teh聽的少年人做伊啄ka-濟睏去。彼个態度精差非常。少年人紲跋倒死去。這个少年人的態度毋知是咱的態度抑毋是，咱來反省的確是無嫌。人熱心為主做工的中間，毋知我有熱心致意抑無。我對上帝所交代我的召命有熱心抑無，我對做基督徒的責成毋...

[1941-11 台灣教會公報/北部教會 文類-散文 作者-葉金木/Ia̍p Kim-bo̍k]
北代人士相談部 [ Pak Tāi Jîn-sū siong-tām-pō͘ ]
北代人士相談部 葉金木 1941年11月680期 18-19 人士相談部要緊的目的，是為著北部教會內青年的男女婚姻的問題做中心，現時教會的當局所著關心的也是這个婚姻的問題。教會的興衰也是對遮的起點，有教會的家庭對佇佮會外結婚紲世俗化，若嫁出著趁家風，會受濟濟的壓迫，有時致到拄著自殺也有，有人信仰漸漸墮落，也有的對序大人用穡頭來共伊纏絆，致到無時間通赴禮拜。若有教會的青年娶會外，彼家的信仰有時也會受伊的感化，紲變做世俗化，拄著病痛，抑是喪喜事就有親成會用異端來參插查某囡仔到咱的家庭，咱的家庭若無真熱心，青年的男子常常會受婦人人的支配，信仰也會拄著墮落。聖經有講，莫得佮毋信的...

[1941-11 台灣教會公報/北部教會 文類-散文 作者-吳天命/Gô͘ Thian-bēng]
彼得佮羅馬教會 [ Pí-tek kap Lô-má kàu-hoē ]
彼得佮羅馬教會 吳天命 1941年11月680期 19-21 照使徒行傳所記載，就通知佇基督教會的最初期彼得有做耶路撒冷教會的指導者。彼得這號地位毋知繼紲到甚物時？這个應答卻是真僫得決定的位；毋過咱若看加拉太1：18記講，「三年後我上耶路撒冷，去探磯法，佮伊蹛十五日。」就通推察保羅反悔3年後，彼得猶過踮佇耶路撒冷教會的指導者的地位。閣再活到紀元44年的希律亞基帕王的窘逐的時，彼得佮雅各有平平受掠。對彼得看起來咱通講，保羅反悔後10年的中間，彼得猶過保持做耶路撒冷教會的指導者的地位。 希律亞基帕王窘逐基督教的時，彼得做教會的指導者有受掠，總是對不思議的方法有得著脫走。彼霎了...

[1941-11 台灣教會公報/北部教會 文類-散文 作者-潘道榮/Phoaⁿ Tō-êng]
宗教新聞 [ Chong-kàu Sin-bûn ]
宗教新聞 台北：潘道榮 1941年11月680期 22-23 1.奇異的聖冊：照美國聖冊公會的報告到舊年尾(昭和15年12月)。聖冊已經有翻譯做一千51(1051)款的腔口「這个天國的福音欲傳到通天下做干證佇萬邦；彼時末期就到」(太24：14)。 2.法國佮聖冊：現在佇法國，比戰爭以前，聖冊的賣出有加4倍較加。 3.無上帝：有一个人去蘇連旅行，就問某案內者講，「恁遮的少年人敢teh想，人無上帝會通活，是無？」。無案內者好膽應講，「著，阮無上帝會通活」。 旅行者就閣問講，「若是按呢，恁敢teh想，攏無上帝會通安然離開世間mah？」。某案內者恬恬無話通應。「...

[1941-11 台灣教會公報/北部教會 文類-散文 作者-陳添旺/Tân Thiam-ōng]
活佛 [ oa̍h pu̍t ]
活佛 陳添旺寫 1941年11月680期 23 咱數念活活的上帝，實在是「活」--ê，因為伊所做的攏是活，雖罔大地死死嘛會震動，樹木花草生根也會發葉，顯明in有活。 會外人捌講，「某仙佛siàⁿ到會食飯」，是表明有靈感nā-tiāⁿ。 捌有大仙佛像空殼內面tiàm老鼠，就喊譁是活--ê，毋久家己to空殼，thái會活！查到詳細，是「活命鼠」，毋是活佛。 捌看這本冊，論一个某人，真誠心服事神佛，piàn四界廟門形香hē神明，求平安求福氣，求光明，捌到這位廟內安眠，受指點共伊講。你家內的「活佛」to毋服事，欲求甚物神佛mah？伊就問講，甚物是我家內的活佛mah？就共伊講...

[1941-12 台灣教會公報/北部教會 文類-散文 作者-郭和烈/Keh Hô-lia̍t]
迎接聖誕 [ Ngiâ-chih Sèng-tàn ]
迎接聖誕 郭和烈 1941年12月681期 17 救主聖誕到lah，全地面上的教會不論男女老幼，逐个攏真歡喜。主耶穌出世當時天使，天軍吟詩呵咾，顧羊的歸榮光呵咾上帝，東方的博士也「歡喜到袂顧得。」佇聖誕的時，囡仔歡喜賞品佮聖誕樹的媠，生理人歡喜聖誕大賣出的鬧熱，有人歡喜聖誕的送物，總是咱是歡喜「以馬內利」翻譯就是上帝佮咱佇teh。對以馬內利咱起頭才看著上帝本身。伊佇耶穌基督來揣咱，伊無要緊家己著佇卑微來可憐咱，為著欲替咱的罪受刑罰，差遣耶穌基督來到世間佮咱佇teh。這是咱最大的歡喜。用這款歡喜來迎接聖誕的人有福氣！ 咱的主耶穌基督出世當時有天使佮濟濟天兵呵咾上帝，有kut...

[1941-12 北部教會 文類-散文 作者-上山生/Siōng-san seng]
教會諸機關teh活動 [ Kàu-hoē chu ki-koan teh oa̍h-tāng ]
教會諸機關teh活動 上山生 1941年12月681期 19-20 宣教師已經轉去了，taⁿ咱的教會的諸機關怎樣teh活動。傳道局啥款？神學校啥款？馬偕醫館？欲對tó位通得著錢來維持chiah 的事業？咱的全教會teh關心teh掛慮。有人teh拍算宣教師敢有留寡現金通做幾若年的路用，亦teh拍算宣教師無偌久欲閣來，kan-ta掛慮這兩三年的事，kan-ta teh chip守舊時的事，看會閣倒轉佇舊時的狀態，攏無欲奮發來應今仔日的時勢。Kan-ta越頭看後面，無欲向前照上帝的恩賜，照上帝所共咱定著，所共咱安排的來換新進步。有人thiau-tî毋四正認識今仔日的時勢，四界宣傳...

[1941-12 台灣教會公報/北部教會 文類-散文 作者-黃六點/N̂g La̍k-tiám]
教會的練成 [ Kàu-hoē ê Liān-sêng ]
教會的練成 黃六點 1941年12月681期 20-24 今仔日的時代「練成的問題」，真對重有青年的練成，指導者的練成，宗教家的練成，相佮聚集佇一所在幾若日久受訓練。練成的問題通講是國民的再教育，指導者的再訓練，因為佇這个時國民著把握日本精神的精髓，來做一个無見笑的皇國民。向國家所囥的理想佮目標來進行，所以才著聚集chiah 的中心人物，chheng-chòng-chiá佇一所在來相佮食，相佮睏，相佮受教示，受造就得著liân-moâ人格。學堂，會社，團體，抑是保甲真對重勤勞奉事，也是欲涵養這款的精神，也這个是欲入佇新時代無袂用得的精神，因為舊的時代，舊有勢力佮思想te...

[1941-12 台灣教會公報/北部教會 文類-散文 作者-黃六點/N̂g La̍k-tiám]
內外的消息 [ Lāi-goā ê Siau-sit ]
內外的消息 黃六點 1941年12月681期 24-25 1. 新的傳教者欲入教界。本12月尾對日本神學校有徐謙信君佮林明理君欲卒業，穿錦伊轉來台灣。也對台北神學校有張豐昌君欲卒業，這3个有為的青年正月會受傳道局派遣佇教會來強化咱北部的傳道戰線。 2. 大村校長9月尾有去內地視察。11月3號閣倒轉來，伊去內地的時也有代學校要務去做工，佮彼爿的學校連絡。中間一項是交涉今年才新設的神學校高女部，連絡彼爿有資格受任考的女學。就是京都同志社女學，名古屋今生女學，東京Chu-iû學園，若咱遮4年卒業通去入in 的 5年，閣進步較懸的學校，這對咱教會的學堂是真歡喜的消息。Ta...

[1941-12 北部教會 文類-散文 作者-上山生/Siōng-san seng]
馬偕醫院新院長 [ Má-kai I-īⁿ Sin ĪN-tiúⁿ ]
馬偕醫院新院長 上山生 1941年12月681期 25 北部教會所經營唯一的醫療機關，馬偕醫院對接收以來，雖然無有一時tek 的變化，總是漸漸有teh發展的勢面。照院長李達莊先生佇10月中已經辭職，理事會慎重chhoan-hêng 的結果，滿場一致決定愛聘請本院理事稻田天來(稻田天來)先生做後任院長。交涉的結果有得著伊歡喜承諾。佇10月25日已經就任，稻田先生對大正六年有去南洋英領北ボルネオ得著倫敦政府的免許任命，總督府病院醫官佮做タワオ政府病院的院長。後來有家己開業，得著真大的成功，到佇滿州事變的時才轉來台灣開業同仁醫院佇台北市太平町 ，亦是真有人氣，伊的專門是內科佮小兒...

[1891-5 臺灣府城教會報 文類-散文 作者--/-]
代先升天無失落 [ Tāi-seng seng Thian bô sit-lo̍h ]
代先升天無失落1891.05 第73張 p.34 西國有一個讀冊人，生兩個囝，一查甫，一查某。查某大查甫--ê兩歲；大姊小弟十分ê相疼，父母看見歡喜，無拍算查某囝七歲就死。彼時查甫--ê只有五歲，查某--ê既然死，父母不止傷心；彼个查甫--ê無看見伊-ê大姊亦是一樣ê憂悶。後來照規矩埋葬出山；有一日讀冊人chhoā彼个查甫囝去山裡栽花種樹；到墓裡彼个小弟無看見伊-ê大姊，四界teh揣，老父就kā伊講，「囝 ah，beh見你ê姊妹，見袂著lah」。查甫囡仔聽見這話出聲大哭，想伊ê姊妹已經失落。伊ê父就kā伊安慰講：「你ê姊妹毋是失落，是beh閣活，ē閣相見，現在不過代先上去天堂nā-tiāⁿ」...

[1891-7 臺灣府城教會報 文類-散文 作者--/-]
玉皇，天后，城隍ê來歷 [ Gio̍k-hông,Thian-hō͘,Sêng-hông ê lâi-le̍k ]
玉皇，天后，城隍ê來歷1891. 7 第七十五張 p.51-52 查考宋朝ê史記，玉皇出世佇漢朝尾，姓張名儀，就是真定府行唐縣ê人；伊對細漢學習老君 ê教，隱居佇武當山採藥煉丹醫治病人。到宋朝徽宗ê時，有司公林靈素亦學習老君 ê教；伊用白賊話騙聖上。徽宗受伊ê 迷惑，就策封張儀做玉皇上帝，向望伊保佑國運久長；若是對策封張儀ê了後，無偌久徽宗父子，大某，細姨攏予金國 ê人掠--去，受凌辱極慘，死佇五國城。Hāiⁿ ah！對古早虔心敬玉皇ê人，毋值著徽宗ê實心:若是伊喪失國，紲失落身軀。玉皇怎樣無救伊ah！今敬玉皇ê人著掠這來做鑑戒。天后就是興化府莆田縣 ê人，林--氏ê 查某囝；家世sòng-...

[1891-8 臺灣府城教會報 文類-散文 作者--/-]
嫁娶著好規矩 [ Kè chhoā tio̍h hó kui-kí ]
嫁娶著好規矩1891.8 第七十六張 p.58 凡若做耶穌ê學生著較各樣眾人，著趁真實，毋通趁世俗，因為咱佮世俗人無相同。世俗有相爭相冤，毋是怨恨人，其實是怨恨咱無趁世俗，無合in ê心nā-tiāⁿ。耶穌講「恁應我無屬佇世間，所以世間人怨恨恁。」按呢做耶穌 ê學生徛起這世間無予歹風俗拍亂，無予私欲迷--去，這chiah是合道理；看I約翰5:5，有講："Chī-chuī-á ē 較贏世俗？獨獨信耶穌做上帝ê囝 ê人ē。」親像娶某鬧新娘房，本是無合道理ê事，所以屬主ê人猶過袂曉脫離這號歹樣，是毋對。男女配合是人ê大人倫，賀喜ê人毋是親戚就是朋友，攏歡喜in teh嫁娶，相親相疼。當hit時人客...

[1891-8 臺灣府城教會報 文類-散文 作者--/-]
老母替囝死 [ Lāu-bó thè kiáⁿ sí ]
老母替囝死1891.8 第七十六張 p.58 舊金山佇美國ê西爿，出金第一濟。美國東爿ê百姓起頭聽著金山出金ê消息，一時人心pho̍k-pho̍k-chhéng，逐人攏想愛到西爿去發財。內中有一人放拺伊ê某囝佇厝裡，單身去金山掘金。Beh起身佮伊ê某囝約，若掘著金發財，就beh寫批請in某囝去。無料去真久攏無音信，伊ê某佇家內萬分ê著急；因為無通知伊ê丈夫死á活。後來接著伊丈夫ê批，講：伊已經發財lah，請伊ê某囝趕緊搭船去。伊ê某接著批歡喜到極，趕緊chhoā伊ê細囝到紐約買船票搭貨船beh去金山佮伊ê丈夫相會。Hit隻船駛到大海中，忽然船中發火，通船ê人驚到跤浮手sih，知船內有濟濟火藥...

[1891-9 臺灣府城教會報 文類-散文 作者--/-]
論上帝註定ê時 [ Lūn Siōng-tè chù-tiāⁿ ê sî. ]
論上帝註定ê時(翻譯英國新聞報。)1891.9 第 77張 p.67~70 約翰2:4 記主耶穌ê話講：「我ê時猶未到」。擱記兩koè，講：「因為伊ê時猶未到，所以無人掠伊。(約翰7:30 ； 8:20)」。到後來擱記，「耶穌知伊ê時到」(約翰 13:1)；擱siāng hit ê昏耶穌也祈禱，講：「父ah，時到lah」(約翰17:1)。今chit-ê時是甚麼？就是上帝註定ê時，予一世人ê遭遇，不論歡喜憂悶，拖磨苦痛攏是配到拄拄好。Ē得顯明上帝ê榮光，這正是基督終身要緊ê事業。第一重 ê時候就是佇髑髏予人釘死hit-tia̍p，所以teh講起「伊ê時猶未到」，較常是指佇 chit-ê 代誌。...

[1891-11 臺灣府城教會報 文類-散文 作者--/-]
買魚毋免錢 [ Bē-hî m̄-bián chîⁿ ]
買魚毋免錢1891.10 第 78章 p.75~76 佇阮祖家有一个牧師teh傳道理真正熱心；常常家己煩惱。伊所講ê道理親像無盡力，chiah 予人無beh信伊。有一日去佇拜堂，猶原是這个款式。伊所講ê話人kā掠做無要緊；所以對禮拜堂倒--來不止鬱卒，家己 teh想世間各項事亦攏是按呢。湊巧佇街路頭拄著一个賣魚--ê。就問伊講，近來有生理 á無？伊講，無，今仔日攏無人買。牧師擱問伊講，這擔魚beh 賣偌濟錢？賣魚--ê kā伊講幾圓。牧師就攏 kā伊買，續講，Chiah-ê魚我家己攏無要用，我毋tihN8，你著擔去大路，大聲kā人講，有兩尾魚beh 予人，恁若愛，就來提。賣魚--ê講，按呢，...

[1892-1 台南府教會報 文類-散文 作者--/-]
論教會報 [ Lūn Kàu-hoē-pò ]
論教會報1892.1 第 81 卷 p.3 凡關心teh做生理 ê人，的確愛知各港口出入ê貨件，各埠頭當銷ê物，以及起落ê行情，想安怎樣通從中取利；何況關心佇教會ê兄弟姊妹kiám無愛看會報知各教會ê情境，看有甚乜通利益本身勉勵別人。人ê身軀跤手喙目百體各有路用，所以ē活動鬥搭，是倚靠腦髓通報各部位，予伊知通振動出力；教會報也通借比是教會ê腦髓，kiám毋著對重？今將彼个路用排列tī下面:－1. 教會報會結聯各位遠近ê教會親像一家。教會ná設ná開闊，聖徒愈久愈加添。聖徒ê境遇不同，所結ê果子也各樣。人不論踮佇佗位，所看所聽逐項事，不過是近附四位ê消息nā-tiāⁿ；愛知較遠教會ê情形，著對...