[1900-10 台南府城教會報 文類-散文 作者-王培英/Ông Poê-eng]
縛跤ê論(2) [ Pa̍k-kha ê Lūn(2) ]
縛跤ê論1900.10 187卷 p.72-74 II.縛跤ê損害論到縛跤ê損害卻也算袂得了，講袂得盡，taⁿ免詳細，不過大略舉起5項就好：－1.損身體。咱知查某囡仔較常拄仔 3, 4歲á是5, 6歲ê時，伊ê老母，嬸，姆就用跤帛共伊縛跤。當粗粗縛ê時卻小可ân，總是漸縛漸ân，ná縛ná ân，意思是的確beh縛到予伊細細chiah beh放伊煞。當起頭催ân ê時，穩當痛疼難堪，致到查某囡仔伸勻挽頷袂食袂睏得。閣催落去破皮流血，致到查某囡仔啼哭哀叫。又閣chàn落去筋khiû骨折，致到查某囡仔東倒西歪袂行袂走。親像按呢無偌久就將一雙生成媠媠ê跤變做破相ê跤lah。毋-nā按呢，咱知人ê身...

[1900-11 台南府城教會報 文類-散文 作者--/-]
清國戰事 [ Chheng-kok Chiàn-sū ]
清國戰事1900.11 188 卷 p.85-86 現時北京清國ê權柄無一定甚乜人teh掌，親像鬆鬆散散ê款式。論西國in決意beh將皇太后，端親王，佮義和團匪黨首hiah-ê來辦罪。又閣in要緊beh扶助光緒君猶原予伊登極。論到光緒君咱無的確知現今ê蹤跡怎樣。卻有日報teh講西國兵若出北京就光緒君連鞭ē倒去。現時李鴻章佮外國ê欽差teh議和，日報也講中國願賠出銀4,0000,0000。論到土匪刣死教會中外國ê人氏，咱已經知差不多有八十个大人，三十个囡仔ê人命。在地信主ê人也失幾nā千條ê人命。有幾省ê總督究實是做義和團匪ê主。親像山西ê總督用計去引誘幾nā十外國教士佮先生娘，騙in講beh...

[1900-11 台南府城教會報 文類-散文 作者-王培英/Ông Poê-eng]
縛跤ê論(3) [ Pa̍k-kha ê Lūn(3) ]
縛跤ê論1900.11 188卷 p.89-90 4.傷人倫。論到一家ê內面姑嫂協力，tâng-sāi和平，翁某相疼，ka koaⁿ公平，母囝慈孝，這是人倫要緊ê道理。人若無按呢，就是傷著家內ê恩義。Taⁿ對重這號縛跤ê人kiámē免得傷著這幾項ê恩義mah？我拍算斷斷是袂ē。且就母囝一兩項ê恩義來論伊就好。聖人講：「做人ê父著有慈愛ê心。」這句毋免講逐人也ē曉行。常常看見囡仔佇手裡抱ê時，若拄著頭燒耳熱，做老母ê人就青狂走chông，目澹目滴。到ē行ē走ê時，人若小可共伊kāng著，連鞭就嚷噴噴，心肝niû疼tiuh-tiuh。獨獨佇這個縛跤ê時陣，就甘願家己殘害攏無憐憫ê心；雖然囡仔好嘴...

[1900-12 台南府城教會報 文類-散文 作者-萬姑娘/Bāng Ko͘-niû]
火車ê起因 [ Hoé-chhia ê Khí-in ]
火車ê起因萬姑娘記--ê1900.12 189卷 p.96-97 台灣算是有一項ê福氣；有火薰車通坐，ē得通省時，省工，省所費。這是台灣人久久所向望--ê。 佇十外年前有得著銅線批；hit-tia̍p有ê望火薰車也會連鞭設。卻北路著有，南路等到taⁿ目睭chiàⁿ看會著。濟濟人有出來看，毋知捌想hit个器具原本佇tó位出。卻論逐項ê大代誌較常有小可ê起因；火薰車也是按呢。照阮祖家逐間厝有煙筒通予灶腳ê火薰透出。 灶ê款式佮恁無siāng，是煙筒內有一支鐵橫桿連佇hit支鐵有鐵鏈仔墮落來縛吊鈎通掛烘爐ê茶kó͘，鼎，鍋仔，逐項ê器具攏有圈通掛佇hit个鉤--裡。有一日有一个查某囡仔teh備辦滾...

[1900-12 台南府城教會報 文類-散文 作者-王培英/Ông Poê-eng]
縛跤ê論(4) [ Pa̍k-kha ê Lūn(4) ]
縛跤ê論1900.12 189卷 p.98（接前卷第90面）IV. 縛跤的確著除 論到改除縛跤這層代誌照我舊底teh拍算，咱教會佮世俗cheng差真濟；因為看見有ê甘願無共伊ê查某囝縛跤，也有ê本身甘願liû跤。總是到後來將教會內ê人家己相比，chiàⁿ知其實cheng差無偌濟；因為無縛跤ê查某囡仔較濟是屬傳道先生ê家，本身甘願liû跤--ê較濟是傳道娘á是老姐妹，屬佇兄弟ê家--ê也有，總是較少。論到兄弟ê查某囝猶原teh縛跤ê因端，較大面是因為草地所在無赤跤ê伴，無人出力teh chhoā頭。總是濟濟因為姐妹無明白道理，固執。In拍算縛跤是風俗無縛袂做得，所以無論大雙細雙攏好。設使有人勸伊...

[1900-11 台南府城教會報 文類-散文 作者-甘牧師/Kam Bo̍k-su]
林紅兄 [ Lîm Âng-hiaⁿ ]
林紅兄(甘牧師記--ê.)1900.11 188卷 p.87-88 近來阮聽見在新港街佇9月22日，傳道先生林紅(就是林朝魁)離開世間。佳哉，因為上帝ê大恩，hit个人真正通可取。十數年前，伊對寶斗仔落來醫館予醫生táⁿ-tia̍p目睭，總是袂通照原，所以伊順hit-tia̍p來學讀膨字ê冊；閣，因為伊無偌久不止慣熟，也因為人有好模樣，阮請伊做Chheⁿ-mê學ê工。 伊卻不止進步來料理，就有利益hiah-ê目花ê學生。在1891年，Lé姑娘請伊過去泉州來設青盲學。伊佇遐蹛九月日久，hit時教幾nā人ē曉讀，也ē曉做 in teh用ê 膨字冊。倒轉來，伊猶原佇府城做這號ê工。 五年前台灣大擾...

[1908-3 台南府城教會報 文類-散文 作者--/-]
勉勵ê譬喻 [ Bián-lē ê Phì-jū ]
勉勵ê譬喻1908.03 276 卷 p.22 捌有姊妹栽一叢花，幾nā禮拜久真gâu栽培照顧，毋過攏無開花。Hit叢有近倚牆壁，也花栽倚佇壁腳。 壁裡有空縫，也hit叢有chi̍t支chhoàn透過hit空，踮佇hit爿e 壁，發生開花真媠。姊妹佇chit爿沃伊ê花，不過攏無看見開一蕊，致到伊真餒志。有一日伊過去hit爿壁，忽然間看伊ê花佇遐真茂盛真好看，心真歡喜，知伊ê著磨無空空。咱做主ê工猶原是按呢。 佇咱家己所踮ê教會，kiám-chhái看無甚麼功效紲較餒志。兄弟ah，著受勉勵，你盡忠ê工程究真毋是歸佇空虛。 Kiám-chhái 恁家己看無甚麼功效，總是別人會看見，也上帝穩當看ē...

[1908-5 台南府城教會報 文類-散文 作者--/-]
節氣 [ Cheh-khì ]
節氣1908.05 278 卷 p.45-46 天中節。中壢每年五月初有看見人teh縛鹼粽，扒龍船，也囡仔結五色線。 Taⁿ來查看是為著甚乜因端chiah有這風俗。照冊裡所講在早楚國有一個大夫官名號做屈原，也名叫屈平。 伊服侍楚懷王因為予奸臣造歹話致到貶去江南。 屈原hit時心真餒志憂悶，有做一篇離騷ê賦。 佇江邊teh吟，吟了就投汨羅江淹死。Hit時楚國ê人用細隻船仔相爭beh去救伊，總是救袂得著。後來每年若到hit時節人用竹管仔貯米， hiat佇水裡予伊流，意思是beh祭獻伊。 到漢朝恭武帝， hit時有一个長沙ê官，名區回看見一个人共伊講，我是三廬ê大夫，恁所祭獻ê米可惜予蛟龍食去。...

[1908-11 台南府城教會報 文類-散文 作者-梅監務/Muî kàm-bū]
新ê心 [ Sin ê Sim ]
新ê心(Muî Kam-bū siá)1908. 11 284卷 p.102-104 世間逐國逐所在凊彩人較愛新ê物。時行ê衫，新款ê器具，是逐人所對重。過年就愛換新ê門聯，新ê 觀音擦，穿新ê衫，新ê鞋，結新ê頭鬃尾。逐項愛換新，毋過無通換本身ê性。舊年愛poa̍h-kiáu，今年亦是愛poa̍h-kiáu；舊年愛食鴉片，今年亦是按呢。平時歹性地，到這tia̍p猶原是歹性地；平素是貧惰，現時亦是貧惰。早是愛貪心，心這馬猶貪。Beh換所在，換厝，換衫，換物，hit个較快；換本性較oh得。親像俗語講：原性不改。卻有時人講著做好心。毋過hit个好心是人所oh得做。一半擺仔做好事較快，鋪橋造路，施...

[1909-8 台南府城教會報 文類-散文 作者--/-]
論世界 [ Lūn Sè-kài ]
論世界1909.08 293 卷 p.67-68 人數佮方里論全地球ê內面有分做 6 个大部洲。Taⁿ排列各洲 ê方里佮人數佇下底：I.亞細亞洲：一千六百五十萬，九百三十六个方里。人數：八億三千四十八萬，四千人。II.亞非利加洲：一千一百五十萬，兩千四百九十方里。人數：一億八千兩百七十一萬，八千人。III.歐羅巴洲：三百八十一萬，三百三十五方里。人數：三億六千五百十萬，三千人。IV.北阿美利加洲： 七百九十一萬，七千兩百三十八方里。人數：九千五百三十六萬，九千人。V.南阿美利加洲：七百五十萬，七千兩百十九方里。人數：三千六百二十萬，九千人。VI.A-sè-a-nî-a洲：四百七十萬，一千一百...

[1910-7 台南府城教會報 文類-散文 作者--/-]
埔里社ê消息 [ Po͘-lí-siā ê Siau-sit ]
埔里社ê消息(曾牧師記--ê.)1910.07 304 卷 p.57-58 近來佇遮無甚麼好消息通講。現時佇遮久久無落雨，米粟大起價；金chi̍t箍糴米chi̍t斗；蕃薯chi̍t箍銀150斤nā-tiāⁿ。閣現時佇埔社ê官府佮百姓真大無閒，teh出力設法兩項大要緊ê工。(1)盡力設法beh予生番降服歸順，所以著用隘勇佮百姓ê工真濟。(2)對舊年年尾行工teh開chi̍t條ê輕便鐵路，對埔里社街南門起點，beh開透二八水。這頭鐵路是對五城，水社Ô͘-ē，蓮花池，水里坑，集集chiah-ê所在經過；到二八水接火車ê大路。這條鐵路ê工是對埔社支廳所管ê百姓，照家甲逐戶著出一人輪流做工：著做15日...

[1910-9 台南府城教會報 文類-散文 作者--/-]
美國ê大洞 [ Bí-kok ê Toā-tōng ]
美國ê大洞1910.09 306 卷 p.73 (早年有一位先生去美國旅行， 倒轉來將幾nā項ê消息印上報， taⁿ將hit中間翻譯一項佇下底分大家聽。) 讀美國地理冊ê人諒必敢猶ē記得Kan-tak-kí省ê大洞。我對細漢ê時讀地理，猶ē記得hit个是世界極大出名ê所在，所以到紐約，就是美國第一鬧熱ê城市ê時，隨時就去看。Hit个洞是佇恬靜ê樹林內，紐約ê西南旁，約略離紐約有240舖路；佇洞ê邊仔有一間旅館teh予去遐chhit迌ê人通歇，咱若beh去看佇遐也隨便通請一人chhoā咱去四界看。我對早起時九點鐘入去，到ê昏七點鐘chiah出來，佇洞內十點鐘久。Hit个洞內闊ê所在盡闊，e̍...

[1910-10 台南府城教會報 文類-散文 作者--/-]
日本水災 [ Ji̍t-pún Chuí-chai ]
日本水災(Liāu Sam-tiōng記--ê.)1910.10 307卷 p.82-83 日本稱做海國，其實也是山ê國；中央濟濟山脈膨懸；若落大雨山水流落，埤圳漲滿，溪河氾濫，平iûⁿ ê鄉社街市年年受伊ê陷害。近來人ná濟，農業ná開墾開山，害樹木，所以袂擋水；閣街市ná興旺，填舊 溝路做厝地，若落雨水袂得tháu；hit个害閣較傷重。早時反轉較有設法佇水ê事。這tia̍p做一等國，猶過佇水ê法度無完全，人講是國ê恥辱。雖是天災猶過通盡人事予伊少陷害。八月8日到16：日本關東 (大阪京都以東)落雨做大水。這pang ê水災毋是舊存年所通比。照所講：日本300年以來除安政年間ê地動海漲以外...

[1910-9 台南府城教會報 文類-散文 作者--/-]
八罩 [ Peh-tàu ]
八罩(許Sin-teng，王oá tông記--ê)1910.09 306卷 p.73 澎湖另外有chi̍t个海嶼叫做八罩；算是無偌大。長差不多5里路，闊chiàⁿ有2里；有分做3社，計共倚 700 戶。佇遮ê百姓真信佛，in ê佛服侍真濟，每戶至少也有十外身。Thài有hiah濟？因為in內面若有大人抑是囡仔死，也內面湊巧有人破病，in就講是hiah ê死ê beh討雕金身，in就裝一身佛。娶某ê號做客官，囡仔號做五才；婦jîn人號做夫人，查某囡仔號做娘囝。佇遮ê尪姨真濟，差不多倚20人。In遮ê人若病疼罕得請醫生，食藥，攏是問佛，燒銀紙hē豬羊。總算in ê童 法官尪姨足足有百外人，想了...

[1910-12 台南府城教會報 文類-散文 作者--/-]
葡萄牙設民主國 [ Phô-tô-gâ siat Bîn-chú-kok ]
葡萄牙設民主國1910.12 309卷 p.97-98 佇歐羅巴洲ê西南角，有一國號做Phâ-tô-gâ，(Portugal)是佮西班牙 (大呂宋)隔壁國。毋是大國，百姓ê人額計共差不多500,0000。近來佇遐猶原有國王佮議事會。總是百姓久久毋甘願降服；兩年前teh夯鬧熱ê時陣有人開銃拍死國王佮伊ê大囝。後來第二ê囝坐位，hit時伊20歲nā-tiāⁿ。佇今年10月初百姓忽然間反叛，陸軍佮海軍較濟攏綴 in 反。國王無法得，無甚乜佮in計較，予人chhoā伊走；後來佮王后王太后到大英國，現今蹛佇遐。有人講in beh去比利時國蹛。拍算無beh討國位倒轉。因為百姓較濟攏歡喜降服民主。從中有c...

[1911-9 台南府城教會報 文類-散文 作者--/-]
欲就會，毋就袂 [ Beh chiū ē, m̄ chiū bē ]
欲就會，毋就袂1911.09 318卷 p.73 這兩句話teh講，其實有影；按怎樣會知？親像細細ê果子，人提去踮佇土裡，到一下出離土面ê時陣， 插一支竹仔beh予伊soan上棚頂，伊若beh soan就穩當上去，若毋soan就袂當起去。抑是chi̍t塊石頭niau-niau chiù-chiù真歹看；若beh予伊光光金金真媠，著來tok來鑿來磨，然後就好看；若毋，猶原是粗phia̍h-phia̍h。抑是某所在有五金ê礦，人已經明知有，若beh開從來就ē得著，若毋去做就到尾也bē 會得著。抑是人想愛beh做博智ê賢人，著代先勤苦受學規ê把縛；若beh守hit號規矩就果然ē博智；若毋，就袂ē。...

[1912-2 台南府城教會報 文類-散文 作者--/-]
假基督 [ Ké Ki-tok ]
假基督 有一人假冒耶穌ê名求財利，講伊倚靠耶穌四界行各樣ê權能，無論醫病趕鬼攏會。幾-nā擺來新市 打-tia̍p症頭，攏是用檳榔葉做茶頭；無論貧富， 至少著一箍 teh tī 檳榔盤做先生ê 禮。 Tī boē 見證ê時，事先吟詩祈禱。到 soah就the̍h 檳榔葉起來ut； teh ut ê中間就念講：荖葉ut 荖葉，斷你症頭斷著著， kā 二位邪神相tú-著， 先先 m̄-thang食醫生ê藥。若 遇著 chhiok-亂ê症，無論膨風飽漲， 抑是大腸閉結， 小腸 té-chhiah，亦是對重薰煙。照看用hit個法度不止通。聽伊ê 口頭語亦不止心適； kâm一嘴ê kāu-bun-ia...

[1912-2 台南府城教會報 文類-散文 作者--/-]
看所在號名 [ Khoàⁿ só͘-chāi hō miâ ]
看所在號名 論牛罵頭ê景緻，按怎叫牛罵頭？就是山形一隻親像牛ê款，牛頭ǹg 北；牛嘴口，一khûn草，叫做草-khûn-山。 Koh 對山頂來有一隻虎 tī頭前，叫做虎頭-kia̍h，牛驚就哮。所以叫牛罵。Soà放一pû糞，叫伊牛屎山。 Koh 馬後有一尾鯉魚beh來食牛糞，叫伊鯉魚山。 Chiah ê山對 Soaⁿ-lak-ke 到牛罵頭相連有5里路。牛頭兩叢大叢chhêng，叫做牛角。 Tī牛-phīⁿ有一條ê牛索 牽縛tī後車路，政府kap百姓建置ê 開oá 3000 外箍，就是持防溪水厲害ê石岸。牛腹-ē一káng泉水，真清真大káng，食田約有500甲，叫伊是牛尿水。全 窟內人擔石...

[1912-6 台南府城教會報 文類-散文 作者--/-]
驚地獄 [ Kiaⁿ Tē-ge̍k ]
驚地獄1912.06 P.6-7前年有一個傳道先生佈道ê中間是講一句話，就是講：「我若無驚地獄ê艱苦，我也beh去行歹。」hit時阮將這句話問人看講了tio̍h 抑 m̄-tio̍h.有一個高 Thian-sù 做一篇論來批評這句話。Taⁿ將伊ê論soà引tī 下底 hō͘ 恁看。論hit個傳道--ê teh議論天堂地獄ê道理，ài hō͘人信，來講hit個話，我想是m̄-tio̍h，怎樣ah？人tī世間攏有驚地獄ê艱苦，總是猶原beh去做歹； ná親像人知跋-kiáu 會 hō͘官府刑罰，總是猶原有hit號跋-kiáu ê人。Kiám-是地獄ê艱苦會阻擋人行歹 mah？ m̄是； ná親像聖...

[1912-6 台南府城教會報 文類-散文 作者--/-]
攻破大船 [ Kong-phoà Toā-chûn ]
攻破大船1912.06 P.3Khah oá 北極hia有落雪 ná-chún tī khah南旁有落雨ê款。論hit個雪有所在是真深，頂面ê 雪有teh 下底--ê，致到硬 khok-khok，成做冰。 Hit號冰有漸漸流落kē ná親像做一條冰 ê河。Hit號冰河有慢慢進前到海裡。已經到海口冰就鑽入水裡，chhun khah長就大塊冰chi̍h-斷去浮 tī海裡。所chi̍h-斷 ê 冰，人叫做冰山；有時嶄然大塊， 離海面幾十丈 koân，也tī海內幾-nā 百丈深。論hiah ê 冰山 hō͘水流，也hō͘ 風拍到khah南旁， tú-著 khah 燒烙 ê所在就勻勻-á熔去。Boē 溶...