[1914-6 台灣教會報 文類-散文 作者--/-]
台北傳道會 [ Tâi-pak Thoân-tō-hoē ]
台北傳道會。 1914.6，no.351，pp.5 佇5月13日頂晡10點半鐘，台北的傳道會有聚集佇中壢禮拜堂。來赴會的牧師5人，傳道師18人。這pang無告示，所以西國牧師無人來。 主理陳清義有chhoā眾人禮拜佮守聖餐。有請中壢的教會來相佮守，後來開會。這pang有舉柯安樂牧師做新主理亦舉張金波佮郭A-cheng兩个傳道師做正副的史記。這擺頭尾有聚集兩日久，大家有相佮議論利益教會的事，亦逐人有講in本堂的消息來相勉勵；大家聽了不止得著有益。暝時有出去街市佈道。有分做五隊，各牧師掌一隊。大家得著不止好機會，兩的昏總共有1100外人聽見道理。中壢的兄弟真出力giâ燈chhoā路，配置所在...

[1914-6 台灣教會報 文類-散文 作者-陳添旺/Tân Thiam-ōng]
南崁的教會 [ Lâm-khàm ê Kàu-hoē ]
南崁的教會。 1914.6，no.351，pp.7 對設教到taⁿ有23年。起頭設佇南崁教會七年。不幸1898年予水流去，就徙去樹林仔借會友的厝聚集一年。閣一齊同心創守求教事會的幫贊，就佇羊寮坑借林日旺長老的山尖起拜堂。到這霎拜堂猶原佇遐。空氣是好，獨獨食水買物較為難，閣異邦人來聽道理較無利便。對幾年前來有拄著會內相爭攪擾的可惜。佳哉近來有拄著和平的款。Taⁿ受洗禮的大細有75人，聽道理無洗禮--ê 28人，會讀聖經45人，每禮拜聚集有60人左右，主日學27人。緣金舊年160箍外。算近來有淡薄進步，所可惜--ê就是男女有的無行主的道理，致到阻擋真理。請看報的兄弟姊妹切替我祈禱，向望主督責，...

[1914-6 台灣教會報 文類-散文 作者-黃俟命/N̂g Sū-bēng]
彰化主日學 [ Chiang-hoà Chú-ji̍t-o̍h ]
彰化主日學。 黃俟命 1914.6，no.351，pp.4 彰化教會佇5年前就有設主日學。彼時學生少少，若是教的人盡力鼓舞，後來學生漸漸加添。總是學生濟濟是教會外的人的囝。彼時較常teh教的先生是林振聲。到佇舊年5月間有閣請10外个先生來教，選舉蘭醫生娘做校長；紲組織一个教員會，對按呢濟濟代誌設備較好勢。現時學生有120外人；這內面會讀聖冊--ê有55个，其餘是讀詩佮字母。 每禮拜頂晡合做伙教詩調，佮萬國主日學課的尪仔圖；下晡是分班，教聖冊，詩佮字母。本然教場是佇禮拜堂；因為有濟濟袂安靜，後來蘭醫生歡喜將醫館的間借阮用，對按呢會得通予每班的學生得著聚集佇一所在，安靜來受教示是真好。...

[1914-6 台灣教會報 文類-散文 作者--/-]
設立兩个牧師 [ Siat-li̍p nn̄g ê Bo̍k-su ]
設立兩个牧師。 1914.6，no.351，pp.5 四月28號中會聚集佇水轉跤來設立葉金木教師做水轉跤教會的牧師。彼日真鬧熱。別所在的教會佮牧師，傳道師有真濟人來赴。閣有支廳長佮幾若个外國的宣教師，姑娘，牧師娘。 本堂的教會佮人客總算計共大概有兩百外人。郭水龍牧師有說教，陳清義牧師有苦勸新的牧師，郭希信牧師有苦勸會友。 五月5號中會有聚集佇三角湧來設立陳清和教師做三角湧的牧師。三角湧是庄裡的所在，拜堂較細間。M̄-kú彼日真好看因為有新修理，閣有結花結樹枝來備辦。葉牧師有說教，蕭牧師有苦勸新的牧師，吳牧師有苦勸會友。苦勸會友的時有勉勵in著出力鍛鍊聖經，紲講起本堂的長老陳成宗已經七十...

[1914-6 台灣教會報 文類-散文 作者-林清廉/Lîm Chheng-liâm]
宜蘭教會 [ Gî-lân Kàu-hoē ]
宜蘭教會 林清廉 1914.6，no.351，pp.6-7 現時宜蘭街的教會有幾若位來相佮，真是Pái-lî，Sin-ná-hán，Bú-loán按呢就較鬧熱，也較活動。閣佇兩三年的中間有加添10外个漢人來聽道理，幾若人已經領洗禮。禮拜日頂晡佇本拜堂做禮拜平均有60左右人，中間4份3份是平埔，1份是漢人。下晡時一禮拜佇Pái-lî，一禮拜佇Sin-ná-hán佮Bú-loán 5所在佮in 聚集。 論Bú-loán佮Sin-ná-hán這兩所在的教會有倚30戶，大細有百外人，現時真冷淡，無幾人欲來宜蘭街做禮拜。下晡時若去欲佮in聚集禮拜，著逐綴厝去叫in，有的喙應好，跤也毋行倚。Teh...

[1914-6 台灣教會報 文類-散文 作者--/-]
傳道師的批 [ Thoân-tō-su ê Phoe ]
傳道師的批。 苑裡的教會。 1914.6，no.351，pp.6 「好好做到歹，歹歹又閣好」。上帝成苑裡的教會，是佇chûn年春季：就是對劉中堅宣教師佇彼年的春間到苑裡佈道兩擺，不止濟人來聽。了後郭希信牧師也常常到苑裡佮Bâ-û佈道，看見好機會，郭牧師就出伊的名對官品赴考。到佇同彼年十一月，才設立講義所佇苑裡街，逐項創到便，才叫我去蹛。我實在無出力去佈道；kan-ta是上帝感化人來信道理，到舊年舊曆五月，會友就歡喜擔當傳道會佇苑裡講義所；到八月聽道者的總數，有130左右人。 彼時會友就愛起拜堂；我佇禮拜日連續禮拜攏是講獻錢予上帝，積聚錢財佇天裡。教會的人有的出300箍，有的出200...

[1914-6 台灣教會報 文類-散文 作者-郭水龍/Keh Chuí-lêng]
苦是樂的種 [ Khó͘ sī Lo̍k ê chéng ]
苦是樂的種。 1914.6，no.351，pp.8 美國人Bo̍k-ní-su就是發明電報的頭一--的，出世佇1791年，死佇1872年。伊有一日坐船欲去別所在佮siāng船的人談論磁，鐵，佮電氣的性會對這个質，透到彼个質。其中有一定的理，Bo̍k-ní-su講將來通用電遍傳地球。談論了the̍h紙kia̍h iân筆欲寫批予伊的某，因為伊的某破病。Teh寫的時心想這張批著幾若日才會到厝；設使會創一个寄批的器具予這張批隨時會到厝是真好。彼張批到厝伊的某果然死。伊閣想7年前I-ngô͘建築水溝愛予人第一緊知完工的消息，tiap-á久會對Pò͘-hut-lô (Buffalo)到Giûⁿ-io...

[1914-6 台灣教會報 文類-散文 作者--/-]
恆春佮台東 [ Hēng-chhun kap Tâi-tong ]
恆春佮台東。 1914.6，no.351，pp.9-10 佇2月23號馬醫生，郭東河，陳有成，對台南起身坐火車到阿猴就坐五分火車到東港。二四號坐輕便到枋寮，佇遐有屬萬丹的教會的兄弟黃Teng-hûn君做公醫，予伊真好款待；也好機會通佈道施賑人恬恬聽後來共107人醫病。二五號就閣起身沿海墘行，佇路裡的中間離枋寮約成舖路一庄叫平埔厝，有3，4戶是信主的人對小琉球，東港遷徙去遐作穡做生理。佇遐無拜堂iáu-kú in有家己早暗禮拜。阮到遐in不止好禮接納阮；所以請in大家做伙聚集來禮拜。後來阮閣起身，佇路裡所經過的路免驚青番。Taⁿ遐的番攏歸順，阮行到楓港庄予楓港的區長王福真好禮接納阮蹛伊的所在...

[1914-6 台灣教會報 文類-散文 作者--/-]
論烏鴉，雀鳥仔佮鷹 [ Lūn O͘-a, Chhek-chiáu-á kap Eng ]
論烏鴉，雀鳥仔佮鷹。 1914.6，no.351，pp.10-11 烏鴉咱大家捌看，若是佇較無燒熱的所在，烏鴉有較大隻，有的是兩尺長。烏鴉是長命的鳥隻有捌八十年久的烏鴉。有的愛食活的物親像雞仔囝，鳥鼠。 烏鴉佇聖經攏總有記烏鴉10擺，咱來揣四位就到額。「放烏鴉出去，烏鴉飛來飛去聽候水焦」( )。「著試想烏鴉，in無播田，無割稻，無有積siāⁿ，上帝iáu-kú養飼in」。( )。「烏鴉無通食，伊的囝踮頂面teh哮，chī-chuī 會予伊食mah！」( )，意思是指有上帝會養飼。烏鴉有時真惡，「騙爸逆母的人，伊的目睭予烏鴉所teh」( ) 雀鳥仔亦攏...

[1914-6 台灣教會報 文類-散文 作者--/-]
台島消息 [ Tâi-tó siau-sit ]
台島的消息。 1914.6，no.351，pp.12 討伐生番。佐久間總督到任以來，普通行政以外，掠理番做第一關心。捌按算5年久欲平定生番。今年算是第5年。 伊有用兩款的法度欲予生番歸順。一款就是用軟法；親像chhoā in生番去大城市抑是內地外國觀光，或是予in看就是用硬法；親像派軍隊抑是警察去硬拍彼號。 對用頂面彼兩法已經大受功效，大半有來歸順。從中有一族，名叫太魯閣番非常狠惡，攏無欲降服。Taⁿ已經路尾年，無通閣容允，姑不將著派陸軍佮警察來大討伐。就佇5月20號的左右來拍in。 這pang總督閣下做總指揮官，民眾張官做副總指揮官；以下將官兵士警察，不記其數。其他免講，kan-t...

[1914-7 台灣教會報 文類-散文 作者--/-]
台島消息 [ Tâi-tó Siau-sit ]
台島消息。 1914.7，no.352，pp.11 慰問討番。為著大討番生番的事，皇帝佮皇后兩陛下有派逐艦侍從武官做慰問書來台灣慰問佐久間總督以及部下的勞苦。毋若頒書聖旨亦有下賜物品真濟。這是顯明感恩的心，有進呈感恩的奏章。 欽差佇6月19號佮總督會面了後，tiâu-tî巡視番界討伐的狀況。 照所經過的形勢，討伐的工程不止有進步。到佇6月21號已經收入生番所繳的千五百外支。...

[1914-8 台灣教會報 文類-散文 作者-高金聲/Ko Kim-seng]
活台中 [ oa̍h Tâi-tiong ]
活台中。 1914.8，no.353，pp.1-3 台中的所在景緻真媠，現時台灣第一好看的公園是佇遮，chhī-ku改正也不止有次序，咱的教會佇遐直直teh興旺。 台中的堂會有3个支會，A-tà-bū，烏日庄，Tāi-lí-khi̍t。本堂12年前會友有100外，taⁿ加添4倍，有500外人，其餘支會的無算在內。 有7執事，4个長老，大家真活動teh料理教會。執事盡力鼓舞緣項，長老慇勤巡視會友，閣有Ki傳道teh注意教會的事務；將來的好果子實在袂通測度。 會友佮當職的人出力招呼人禮拜。每擺月光常常幾若暝昏佇台中市佮附近的庄頭佈道。兄弟佮當職的成十人相佮去，輪流講，也扛風琴去彈，通招人...

[1914-8 台灣教會報 文類-散文 作者--/-]
振替郵便 [ Chín-thè Iû-Piān ]
振替郵便 郭東洋記。 1914.8，no.353，pp.3 振替的路用是予人寄錢去別所在買物較利便較省數。咱愛對別所在的店頭買物的時，較常對郵便局買為替單(就是匯單)，後來將銀單封佇批內寄書留 (就是保險)去予伊。書留4錢重以內郵便錢是一角。總是hoē sîn有兩款。一款叫做小郵替；伊的銀額一張定著是五箍以內；買一張的時著三chiam予郵便做銀單的錢閣一款是通常郵替，伊的銀額一張定著是一百箍以內。設使愛買一張十箍以內的，著六chiam 的銀單錢予郵便，以上若加十箍，銀單錢著加四chiam；親像按呢一百箍，銀單錢著四角二。 若是振替郵便的銀額無限，ná濟ná便宜。若寄一箍以內kan-...

[1914-8 台灣教會報 文類-散文 作者--/-]
宜蘭花蓮港 [ Gî-lân Hoe-lêng-káng ]
宜蘭，花蓮港。 1914.8，no.353，pp.6-7 新曆5月22號羅先生佮我有起身去基隆，想欲搭火船去蘇澳。到基隆就去火船的事務所欲拆單。會社就通知講因為拍青番載軍伕的因端就彼tsoā船欲直透到花蓮港，無歇佇蘇澳。阮就不得已著對路，因為我已經有約24號欲守晚餐佇宜蘭街。現時輕便車有到瑞芳nā-tiāⁿ。對瑞芳到大里港著坐轎佮行路。對大里港到宜蘭有輕便車通坐。彼日阮有透到Thn̂g-á-城隔暝。禮拜早起七點外就到宜蘭街。彼日有佇遐守晚餐。宜蘭街的教會有漸漸teh進步。 這擺守晚餐有幾若的人救洗禮。有接lia̍p一个大人佮幾若的囡仔受洗禮。閣有一个，細漢的時受洗禮，彼日予督會問道理...

[1914-8 台灣教會報 文類-散文 作者--/-]
論黃Chiong-goân的墓 [ Lūn N̂g Chiong-goân ê bōng ]
論黃Chiong-goân的墓 (陳Khêng-iâu記) 1914.8，no.353，pp.7-9 信主的heng-chí ah！恁捌聽見黃Chiong-goân靈顯的事mah？我這霎愛將所聽著佮親目所看見--的，寫報恁知：- 佇4月28號阮去赴Tsuí-tńg-kah牧師的上任式；後來有幾若个牧師先生佮窗友，愛順路去看黃Chiong-goân的墓。就坐3點18分的車去錫口，對遐換坐輕便車直直到彼塊(這所在叫做三張犁庄；離錫口無幾里路。)到位一下看看，就知這所在本無甚物人家teh徛起；佇較倚墓彼位，只有一口灶nā-tiāⁿ。總是現時已經有tah20左右間的草寮佇遐賣物食以及金香紙燭逐...

[1914-8 台灣教會報 文類-散文 作者--/-]
澎湖消息 [ Phêⁿ-ô͘ Siau-sit ]
澎湖消息。 李福慶記。 1914.8，no.353，pp.9 佇6月初7日澎湖屬有透真大的北風，彼霎lō͘-sé拄拄出chê，攏予風拍害；chhé-ûn較lím十份一通收，若是其餘通向望就是塗豆，番薯較大頭nā-tiāⁿ。無拍算大風傷袂著的就出草蜢真濟teh食，若去園裡看無看見甚物，專專是草蜢鋪地。此時警官吩咐逐戶出一跤布袋拆開，用濟濟跤接做一領親像圍魚的網，cha̍h佇園頭園尾用竹篙趕，一pó一pó掠幾若布袋，對我出世到taⁿ未捌看見遐爾非常濟。 到7月7號(論5：15)有做大風颱；頭日北風就紲起鹹水，到吹8號轉東南，不止透會予人驚，到半暝才煞。厝頂有小可傷害，有兩隻大帆船破去。若是...

[1914-9 台灣教會報 文類-散文 作者-巴克禮/Pa-khek-lé]
論祭司 [ Lūn Chè-si ]
論祭司。 巴克禮記。 1914.9，no.354，pp.1-2 佇舊約的時陣上帝命令伊的百姓著共伊創一个會幕，予伊有所在通蹛佇in中間(出25：8)。摩西趁命令去造；到完全彼个工，會tah好的時「才有雲蓋會幕，耶和華的榮光充滿彼个厝」(出40：34)。這是顯明上帝甘願來蹛佇以色列人的中間。 雖然是按呢百姓iáu-kú袂得通隨便入去見上帝會幕分做兩間；頭一間叫做聖所，是平常人所毋通入的。上帝揀摩西的兄亞倫佮亞倫的囝孫久長做祭司，容允in逐日通入聖所，來做in服事上帝的工；別人攏毋通。 總是閣較內面猶有一間，用帳籬來隔斷--的；這間號做至聖所；這間連祭司也毋通入。只有祭司的頭人每年一擺通...

[1914-9 台灣教會報 文類-散文 作者-郭東洋/Koeh Tang-iûⁿ]
主的貴言 [ Chú ê Kuì-giân ]
主的貴言。 郭東洋記。 1914.9，no.354，pp.3 佇咱台島的中間人的性質通講saⁿ親像。對前到taⁿ較濟人學儒教的款，無毋照序大的教示來行，這是做序細的所著行所著做毋敢違逆。序大欲永永離別的時所講的話佮吩咐的事我看人攏較要緊。佇法律上猶原不止重用，這攏是為世間肉體的關係，伊iáu-kú不止要緊保守，無毋用心神來數念。 咱的主為著咱的沉淪臨到這世間，伊有用濟濟法度叫醒咱也不止溫柔，吞忍抑是褒唆安慰仁愛的行踏，款待人的好模樣，這咱不時to有讀，到予咱通綴，主佇受釘的時所講，「父ah！眾人毋知所做著赦免伊。」(路 23：34。)這句予咱知主的盡心。總是咱毋限定佇對敵的刀下，仇人的...

[1914-9 台灣教會報 文類-散文 作者--/-]
起厝佇石磐頂 [ Khí Chhù tī Chio̍h-poâⁿ-téng ]
起厝佇石磐頂。 1914.9，no.354，pp.5-6 屬佇北部某所在有一個姊妹，伊平素是拜偶像的人，初一15著去6位的宮廟燒金，也閣予清水祖師做契查某囝。初一15著食規日的清菜，若到這日，就早早起來，去水港頭koāⁿ清水，sa̍h逐項的器具，然後才煮飯，煮熟著用新的碗箸。伊的 ta-ke 的忌辰若到，teh孝的時著跋二三十杯，才煞。Hài--ah！伊予魔鬼苦楚到按呢。佳哉慈悲的天父佮主耶穌，有開活路，賞賜聖神來感化伊的心，予伊佇明治39年10月16日得著道理。聽道理是1年閣8月日就忽然間身體染著病，真食力，袂食袂行也袂chhan叫，獨獨艱苦的時，心內祈禱上帝，求憐憫伊，予伊會吞忍，經過...

[1914-10 台灣教會報 文類-散文 作者-巴克禮/Pa-khek-lé]
論祭司 [ Lūn Chè-si ]
論祭司 (接前月的第二面。) 1914.10，no.355，pp.1-2 前月的教會報有講起祭司的事；舊約的時陣有另外設立彼等號的人佇上帝百姓的中間；佇新約的時攏無設立；因為咱信主的人攏是祭司，通好膽親近上帝，毋免倚靠甚物人做咱的中保。佇新約的中間若排列教會所有的職份攏無講起祭司的 名目。教會原本也無算in。 可惜後來道理傳了有較偏，ná久ná毋著。今仔日希利尼教佮天主教攏有設立祭司。照天主教的道理teh講，人若犯罪，後來反悔，靠耶穌，求上帝赦免，是袂得著赦罪；的確著對神父認罪；神父若看伊有誠實，就欲共伊赦罪。這个道理真錯誤，有大的陷害；請大家毋通聽伊。新約濟濟所在辯駁這个道理；通看加...