[1897-9 台南府城教會報 文類-傳記 作者--/-]
Sun-tîm-to [ Sun-tîm-to ]
Sun-tîm-to1897.09 150 卷 p.69-70Tī大德國ê南爿撒克斯省德斯丁城，有一人名Sun-tîm-to，伊tī西曆1700年就是中國康熙ê時陣出世。伊ê祖上是做德國ê大官員，入救世教ê人；伊本身自細漢就真敬虔熱心拜上帝。伊也是大才調博學ê人，入出名書院讀冊濟濟年，bat幾若國ê文字腔口；所讀ê冊雖然真濟樣，若是伊致意專就是真理ê冊。伊ê親戚真ài伊著學習國法律例ê冊，thang出身去做官來世襲in序大人ê官爵，得著富貴名聲。若是Sun-tîm-to立志ài傳道救人。到1、20歲就出書院，去法國遊歷；21歲倒轉去in本城德斯丁。當時Mô͘-lia̍p-oá教會ê人，為著道理...

[1901-3 台南府城教會報 文類-傳記 作者--/-]
宋牧師娘ê小傳 [ Sòng Bo̍k-su-niû ê Sió-toān ]
宋牧師娘ê小傳1901.03 192卷 p.19-20 基督女徒以利莎白，就是牧師宋中堅 ê賢內助。當主後1864年4月初3出世佇英國蘇格籣ê Kai-loē-su城。伊所得著ê性質不止伶俐，拄仔5歲就學業；有歷過小，中，大這3間學校；到19歲伊所學習ê就成就。見若歷年考試，出榜攏是排佇懸ê等級。後來就紲入醫院講究醫學，佇遐攏共講究5年久，醫術也有不止精光。到beh卒業ê時男女做伙考試，赴考--ê共有80人，總是考了伊做頭名。Hit時拄仔24歲。Siāng彼年伊有過來台灣，出力學台灣ê腔口；到過年台灣話就不止gâu講gâu聽，人情世事也嶄然知影。為著體貼上帝好生ê恩德致到真無閒，施格外ê恩典致...

[1907-7 台南府城教會報 文類-傳記 作者-趙時回/Tiō Sî-hoê]
來發長老ê小傳 [ Lâi-hoat Tiúⁿ-ló ê Sió-toān ]
來發長老ê小傳1907.07 268卷 p.52-53(趙時回先生記--ê。)長老何來發是東港人；伊佇1844年10月初10出世。到同治9年，hit時伊 27 歲 chiah聽著救世ê道理。是因為福音傳到東港猶未偌久。第一早是李牧師來傳；後來牧師倒去旗後，每佇拜六就差一人來東港講道理。也有稅一間厝通做福音堂。到拜一彼个受差ê人就閣倒去旗後學習道理。所稅ê厝有倩何來發叔顧紲拚掃。伊是不止活動搰力ê人；若做工明白，就學習詩冊佮白話字；無偌久就ē曉讀聖冊。到同治10年6月6日，李牧師來東港巡視聖會，行洗禮予幾nā人，從中來發長老也在內。對伊入教了後，勤勤讀聖冊，致意講究道理；常常用白話聖經佮漢文ê新...

[1907-8 台南府城教會報 文類-傳記 作者--/-]
徐先生春枝ê小傳 [ Chhî sian-siⁿ Chhun-ki ê Sió-toān ]
徐先生春枝ê小傳1907.08 269卷 p.60-61春枝徐先生是鳳山縣，竹仔腳下pho͘庄ê人，細漢死老父，老母koh嫁；hit時無thang依倚，姑不chiong著去佮人toà ，做工趁食，伊ê頭家是竹仔腳庄Hoan-pô-chek (番婆叔)，hit時伊得著道理就續chhoā伊去聽。Tī同治十年也bat讀過小學，拜呂清暉做先生。治1873年3月16號，就是同治12年2月8日，對李牧師受洗禮入聖教；hit時抵20歲。到同治13年台南ê大學欠學生，人看伊是可取，大家舉薦--伊，就hō͘牧師叫伊來府城讀冊，學習道理，資質iáu好，所以比別人不止gâu 讀。光緒6年就出業，hit時先生28歲。...

[1907-9 台南府城教會報 文類-傳記 作者--/-]
台南長老黃月德ê小傳 [ Tâi-lâm Tiúⁿ-ló N̂g Goa̍t-tek ê Sió-toān ]
台南長老黃月德ê小傳1907.09 270卷 p.67台南城黃月德去天--裡--啦！雖然人咱無koh看著，總是伊ê模樣iáu tī--teh。伊有來聽道理，tī 1881年，hit時38歲，甘牧師行洗禮hō͘伊；到1896年hō͘兄弟姊妹揀伊做執事，後來高升長老。滿任，眾人留伊，伊就koh盡長老ê職到一世人。近來起胃病傷重，就tī西曆8月2日離開世間，享壽65歲。這人無tī--teh，實在 thang煩惱，伊盡忠服事教會，教會失落伊ê幫贊，常常暗chīⁿ 幫助散hiong人，今hiah-ê人無thang koh受伊ê好款待--啦！In家內自然iáu有憂悶，thang歡喜thang受安慰--ê,...

[1908-1 台南府城教會報 文類-傳記 作者--/-]
羅Khèng-hoâi先生小傳 [ Lô͘ Khèng-hoâi Sian-siⁿ Sió-toān ]
羅Khèng-hoâi先生ê小傳1908.01 274卷 p.5-6 佇1870年伊出世佇台中ê潭仔墘ê大埔厝莊。細漢ê時老父是作穡人；伊13歲有讀3年ê冊，十六歲就佮老父作穡。到20歲有搬落來邱厝仔莊徛起chi̍t年；就閣紲佇橋仔頭莊作田耕穡。Hit年伊22歲，真慘；3月死老父，8月死chi̍t个第二ê小弟，12月死老母。對按呢就無作穡。佇hit時兄弟七人伊是siāng-大ê，第四个予人過房siāng厝內；其餘5个小弟攏伊chhiâⁿ-tî ê。對 hit時嫌厝歹蹛，就閣徙佇公館仔莊，徛佇遐嫌無趁錢，就徙來東大墩Khó-pîⁿ蹛。拄著日本人beh來，就毋敢蹛佇公所ê所在；就閣徙過莊去，就徙來...

[1908-2 台南府城教會報 文類-傳記 作者--/-]
傳道先生ê小傳 [ Thoân-tō Sian-siⁿ ê Sió-toān ]
傳道先生ê小傳(N̂g Sìn-kî先生記ê.)1908.02 275卷 p.10 1. 黃Chok-pang先生屬佇嘉義ê教會，大溪厝莊ê人，出世佇1869年，自幼無父，七八歲就無母。 佮伊ê胞兄出外佮人蹛，予人倩做小可工。 捌chi̍t擺拄著較重ê病，僕ê先父chhoā伊去醫館就近醫生醫治；醫好倒來，先父切意苦勸伊反悔歸主。先生本是靈巧ê人，就hit時反悔決意綴主，也殷勤學習羅馬文佮漢文。聽道理無偌久，就熱心服事主。先父看伊信主ê模樣，知伊m̄是親像平常信主ê人，對hit時就舉薦伊入大學讀冊，備辦通做主ê工。先生ê做人佮人無仝，伊ê年歲雖然是少，品行端方氣慨。對伊入學就殷勤讀冊暝日無厭，...

[1909-5 台南府城教會報 文類-傳記 作者--/-]
梁沈先生小傳 [ Niû Tîm Sian-seⁿ Sió-toān ]
梁沈先生小傳1909.05 290卷 p.38先生是屬彰化教會秀水庄ê人。出世tī明治11年。老父是作穡人，所以先生自細也是作穡，m̄ bat讀冊。到16歲ê時得著道理，是因為穡場kap信主ê人ê穡場做伙；tuì án-ni聽著基督ê福音就反悔來拜上帝。20歲入教會，21歲娶先生娘。Tī教會不止熱心，續hō͘會友敬伊當長老ê職。後來人看伊真活動，就舉薦伊入大學。Tī學內受教示3年就出來做灣裡家教會傳道理kap教學ê工一年久；也不止有利益教會kap hia ê學生--仔。自koh入大學一年久，chiah卒業去做坑口教會ê先生。Toahià年半久就染著肺病，食藥無啥功效。教師會派伊去toà鹿港，是...

[1909-6 台南府城教會報 文類-傳記 作者--/-]
許進傳ê小傳 [ Khó͘ Chìn-thoân ê Sió-toān ]
許進傳Ê小傳1909.06 291卷 p.45-46長老出世tī 1840年12月26日，企起tī彰化街。長老自細做工就不止殷勤，也盡有孝父母。Bat一擺老母病沈重偌久，伊就服事無離身邊，進奉茶湯。有時捧藥beh hō͘老母食，老母的確m̄食；伊看老母hiah艱苦，家己想beh kā伊分hit ê艱苦是bē會，就續替伊食藥；是beh hō͘老母ê心歡喜。也食初一、十五齋，kiám大頓hō͘老母食，是因為家內散hiong。較早tang時伊bat聽見傳道吳文彬講道理，伊ê心想ài beh趁，m̄-kú老母teh阻擋，所以m̄敢koh去。差不多hit時tú著家內kāu病痛續死3、4個囡仔，bē免ti...

[1909-9 台南府城教會報 文類-傳記 作者--/-]
顏清華ê小傳 [ Giâm Chheng-hoâ ê Sió-toān ]
嚴清華Ê小傳1909.09 294卷 p.73清華亦名佛仔，伊tī細漢ê時有入小學讀冊，家事不止散，所以到16歲，姑不chiong著退學去hō͘人chhiàⁿ。有佮伊ê頭家相佮去廣東，無久就koh轉--來。到20歲就娶某，hit年偕牧師抵到淡水，伊就去探伊愛討看有頭路抑無。偕牧師chhiàⁿ--伊，hit-tia̍p伊攏m̄ 知聖教ê道理是甚物款。後來漸漸得著偕牧師ê教示，就反悔改變來信主，而且洗禮入教會。án-ni算是北部第一個入教--ê。 後來偕牧師接納伊做學生教示道理，無久就去做傳道，有tiàm 幾若位ê拜堂。到26歲ê時合偕牧師四界設教；到31歲就鬥教大學，做大學ê先生；到34歲有升做...

[1911-7 台南府城教會報 文類-傳記 作者--/-]
黃嘉智ê小傳 [ N̂g Ka-tì ê Sió-toān ]
黃嘉智ê 小傳 四十六年前，tī主後1865年，馬醫生kap 杜牧師對廈門過來台灣傳道設教。 hit時有一個少年人姓黃名嘉智kap in來； 伊本是漳州石馬 ê人，對打馬字牧師受洗禮。 Hit-霎 ê時陣，台灣ê人iáu-boē有人拜上帝。為著 hit時馬醫生被人革逐soá去打狗設醫館， 黃先生也kap伊去，iú-goân 做伊ê 助手，禮拜日續講道理hō͘人聽。三四年後馬醫生koh 倒轉來台南府， 打狗行--裡 ê人就央託伊請一個萬醫生來打狗替伊ê缺。 萬醫生歡喜來咱ê 醫館行醫； m̄-kú 醫館內ê代誌攏是黃先生料理。無loā-久萬醫生去廈門，kah伊ê小弟來接伊ê 缺；有人稱呼伊做小萬...

[1920-8 台南府城教會報 文類-傳記 作者--/-]
洪Tek-sin小傳 [ Âng Tek-sin Sió-toān ]
洪Tek-sin小傳1920.08 425卷 p.4(Û-seng記。)君是Hoan-oah 教會ê會友。Tī 11、12歲ê時，去Sin-kiat庄ê小學佮黃Chok-pang先生讀。16歲入中學，20歲入大學，24歲卒業神學。了後受派toà北港、鹽水港、鳳山。今過身29歲。七月4號ê主日tī鳳山高升做長老，也koh無偌久kiám-chhái會做牧師。無扑算5號早起10點起寒熱，6號早起8點就寒到哭。對án-ni舊年ê舊hek-suí 熱ê症koh 起。本身就唸講，「世間是苦海，著轉--來去較著，我ê心已經便。」先生娘應伊講，「你轉--去阮beh 按怎?」君無應。後--來請彭清約醫師調治，總...

[1921-1 台南府城教會報 文類-傳記 作者--/-]
小傳 [ Sió-toān ]
小傳吳寬裕1921.01 430卷 p.7(蕭An-ki記)吳寬裕傳道，tī今年新11月14號有過身，15號有出葬。有西國牧師、姑娘、先生佮本地牧師、傳道師，以及會友幾若百人kā伊送葬。享?78 歲。北部設教ê時，有5個人第一第先來領洗禮，伊是hit中間ê 1個。其餘hit 4人攏已經相續過身了。只有吳傳道食到今年。Thang 講伊不止有福氣。Tī教會中也thang講伊是第一早入教ê人。伊未聽道理;以前，是teh做油漆ê經紀，真出名，有不止濟人請伊四界去做工。伊也有來滬尾油漆。所以tī主後1872年10月有聽著主ê道理。伊隨時反悔來信主，經過1年是1873年3月9 號，就領受洗禮。對án-ni...

[1924-2 台南府城教會報 文類-傳記 作者-戴榮旋/Tè En̂g-soân]
小傳黃Bêng-tì長老 [ Sió-toān N̂g Bêng-tì Tiúⁿ-ló ]
小傳黃Bêng-tì長老1924.02 467卷 p.14-15(Tè En̂g-soân記)長老是王長老ê大公子，出世tī 1886 年10月5日。長老ê天資真懸，是台北農業學校ê優等生。卒業後奉職tī恆春做獸醫，後--來做虎頭山ê區長5 年久。改政後做本庄ê助役兼參事協議員。後--來辭組役，出來做實業。 Tī 1917年受設立做執事，也1921年高升做長老。 不幸tī本年5月間起病，tī-hia 打tia̍p無效，去高雄入院，後--來去台南入院。可惜無功效，koh轉--來，到11月14日hō͘主接納去，享壽37歲。遺落兩個後生，4 個查某子佮長老娘。 Tī 15日下午3點舉行葬式，會葬者3...

[1924-8 台南府城教會報 文類-傳記 作者--/-]
悲慘ê小傳 [ Pi-chhám ê Sió-toān ]
悲慘ê小傳1924.08 473卷 p.16(Siāu-hong)廖oa̍t是西螺教會ê會友。9 歲就無老父；老母甘願守寡來牽子。到大漢ê時，有去台南佮甘牧師、巴牧師、廉牧師toà。品行端莊，熱心信主。Tī 安歇日常常暗靜去台南附近ê支會做主理，chhoā兄弟禮拜。佇大正8年辭頭路，轉來西螺做生理。性情活動，tī社會中有信用；tī教會中擔當主日學ê 教員。Ta̍uh-ta̍uh出門佈道，道理老練 所講hō͘人ài聽。雖然近來生理失敗，家事困難，iáu-kú做教會ê工無較退步。無扑算tī 6月26號去拋魚，煞hō͘水激--死。當tī危險ê時，我泅倚去救；可憐tī三條水相佮ê所在，水深koh急流，...

[1925-1 台南府城教會報 文類-傳記 作者--/-]
北部事務：李長老ê小傳 [ PAK-PŌ͘ SŪ-BŪ:Lí Tiúⁿ-ló ê Sió-toān ]
李長老ê小傳1925.01 478卷 p.5(一大稻埕教會ê信者記)李長老ê諱名叫做春生，是閩ê 路工人。伊ê老父有4個子；伊是煞尾ê。細漢ê時就不止靈巧，koh有大志氣，真勤就近先生勉目1 ；所以有体得中外ê學問，佮通曉古今ê事理。長老tī少年ê時就信仰基督教；人格真懸，濟濟人尊敬伊。Tī同治7年來台灣經營茶商。當時抵仔台灣佮外國貿易最盛；長老m̄-nā努力tī商界，koh常常著書寄去上海ê報館，統論清朝帝政ê失策。Koh一面對伊ê信德生出虔誠ê心，攏無見笑伊是做當代一般民眾所輕視ê基督徒。也佮當時ê官府鬥鼓舞社會ê公益事業，以及風俗ê改良等等。Tī北部初代ê教會，長老是真熱心ê一個。對台灣...

[1925-3 台南府城教會報 文類-傳記 作者-潘道榮/Phoaⁿ Tō-êng]
小傳陳鹿先生 [ Sió-toān Tân Lo̍k Sian-siⁿ ]
小傳陳鹿先生1925.03 480卷 p.11-13(潘道榮)先生是澎湖湖西庄西溪ê人，出世tī明治23年。伊ê 祖上濟濟攏有進學，所以伊tī 細漢ê 時父母就送伊入書房講究漢學。 後--來有去讀公學校6年久，伊著優等 ê 卒業。學校ê先生愛惜伊ê才調，就留伊tiàm本校做教員。伊是真誠心敬神明ê人；每日對學--ni̍h 歇工轉--來，就隨時去燒香點燭。 雖然身居教育ê職，為著hiah-ni̍h 熱心teh敬重神明，總--是tī 伊ê 心內不時有teh 掛慮1項，就是：「人到死後m̄知啥款?」所以有1擺bat決心beh 離開某子去做菜友。 抵好有一年ê夏期休夏中，受上官派過來台灣赴教員ê 講習...

[1925-6 台南府城教會報 文類-傳記 作者-潘水土/Phoaⁿ Chuí-thó͘]
秦Hi-kia̍t ê小傳 [ Chîn Hi-kia̍t ê Sió-toān ]
秦Hi-kia̍t ê小傳1925.06 483卷 p.8-9(潘水土)Hi-kia̍t君是艋舺ê會友，也是獨身ê青年。伊ê原籍tī大溪。伊細漢就讀漢文，後--來koh 公學校卒業，了後就來艋舺hō͘伊ê阿叔牽成，若是伊ê身体衰弱，常常詖病，經過濟濟醫生ê手頭也是平常。不幸tī 舊年7 月koh發病就入松山病院，攏無較好，然後koh轉入台北病院，若是伊ê病症日日那重，到2月28號就別世。享壽24歲。 Hit e 晡我chhoā會友10外人到赤十字社ê葬式場執行葬式ê禮拜，也濟濟人送到?埔--ni̍h。 Chit 個Hi-kia̍t君照我查考有thang做咱ê好模樣。 (1) 論伊ê性質。對細漢...

[1925-6 台南府城教會報 文類-傳記 作者-楊世註/Iûⁿ Sè-chù]
黃執事ê小傳 [ N̂g chip-sū ê Sió-toān ]
黃執事ê小傳1925.06 483卷 p.16(楊世註)歸仁北 ê執事黃Pi-hiaⁿ,3月日前有生肺癰，醫了無好，tī 4月26日離開世間，享壽55歲。論伊ê事簡略講淡薄:---1. Kài早。Kài早聽道理，就是歸仁北未成教會伊就信主，是黃振德先生tī山仔腳teh傳ê時到今。伊亦kài早做執事。2.著磨。20外年前bat受派toà新樓醫館做工。Bat佮Tio̍h仔叔去四界賣冊佈道。若請伊講道理，伊無推辭，若無破病伊kài常來禮拜，守兩晡。赴送葬會，伊kài 搰力，鬥設法攏無驚。3.題iân。伊不止ài。起禮拜堂，伊獻幾若百箍。伊講久久才起chit間，若m̄ 獻，以後驚了無機會。4.Kài好...

[1925-9 台南府城教會報 文類-傳記 作者-陳Su-chhong/Tân Su-chhong]
故顏洪--氏先河 [ Kò͘ Gân Âng--sī Sian-hô ]
故顏洪--氏Sian-hô1925.09 486卷 p.14-15(陳Su-chhong)洪--氏Sian-hô 1名叫Eńg 嬸，現時人稱呼伊做顏先生媽。 Tī 1846 年4月8 日出世tī 台南市南和街，老父洪乾興，老母莊--氏。父母做船頭行ê職業；細漢ê時父母家計較艱苦。伊有兩個兄，兩個小弟，28歲ê時嫁hō͘ 磁仔巷街顏永成叔，後--來就生1個查埔佮兩個查某子。 Tī 37歲ê時對1個姊妹陳--氏蓮(Koè姆) 得著道理。因為永叔做生理tī 灣裡街（善化），永嬸著佮伊企起tī hia。雖然toà 灣裡街離真遠，iáu-kú常常來台南禮拜。 當時頭社佮番仔田也設拜堂，總--是無先生to...