[1917-5 台灣教會報 文類-傳記 作者-劉俊臣/Lâu Chùn-sîn]
陳啟清ê小傳 [ Tân Khé-chheng ê Sió-toān ]
陳啟清ê小傳(劉俊臣記)。1917.05 386卷 p.10-11陳啟清tī 1861年出世tī Jī-pat-chuí街。先生細漢父母就過身，家內散hiong。未聽道理teh賣茶。差不多31歲 tī Jī-pat-chuí聽見iáng 兄講道理。心肝teh想這個道理真好，若hō͘我有趁淡薄錢，我就beh來去禮拜堂聽道理拜上帝。有1擺做生理趁兩箍銀，就果然來禮拜。猶原做賣茶ê生理。有1擺對北港買熟薰入埔里社賣，店內ê伙計加提兩包hō͘伊，到倒來客店算了有加，就liâm-mi koh提去還--伊。這是先生信主ê忠直得著救ê憑據。明治26年，趙 Sî-hoê先生換去崙仔庄做傳道先生，kap伊不止親...

[1918-4 台灣教會報 文類-傳記 作者-陳清義/Tân Chheng-gī]
柯安樂的小傳 [ Koa An-lo̍k ê Sió-toān ]
柯安樂ê小傳1918.04 397卷 p.5-6(陳清義記。)柯牧師是大稻埕下牛磨車街ê人。伊iáu未出世ê時伊ê父母已經是拜上帝，屬大稻程ê教會。伊細漢ê時有讀教會ê義塾。到1894 年有入淡水神學校。1899年有卒業，就受派做傳道師去tiàm 幾若位ê 教會，就是八里岔，圓堀仔、雞籠、奇里岸、南崁、大嵙崁、枋橋、三角埔。1914年有考做教師，同年4 月14日有設立做三角埔同會ê牧師。不幸有染著幾若款ê破病，食藥無應效，就來入tī馬偕醫院治療亦無采工。不幸2月17日e 晡兩點半鐘過往，享壽42歲。後--來有將屍体扛轉去in厝，到19日e晡兩點半鐘有來大稻埕禮拜堂葬式。吳牧師做主理，蕭牧師祈禱...

[1918-6 台灣教會報 文類-傳記 作者--/-]
小傳趙足祥 [ Sió-toān Tiō Chiok-siông ]
小傳趙足祥1918.06 399卷 p.3-4(Phêⁿ Sū-chông記ê)趙足祥先生是台南市ê人。伊出世tī主後1847年。自細漢有讀冊，伊ê大人是做生理。先生兄弟兩人，tī 20歲ê時老母過身。對hit-tia̍p了後心較ài放肆，四界遊賞。Tī 22歲ê時才得著道理，是對伊ê厝邊有1個拜上帝ê人，名叫金生兄招伊去禮拜。Hit-tia̍p拜堂tī亭仔腳街，tut2utī in ê店後。Hit 時先生歡喜kap伊常常去禮拜，主有開伊ê心，道理漸漸明白；總--是伊ê兄無ài伊去，常常譏刺鄙馭伊，也怨恨金生兄，講若無伊招，伊就無去入教。先生攏無掠做要緊，甘願吞忍受辱。到25歲就領洗禮入教，...

[1928-3 台灣教會報 文類-傳記 作者-郭朝成/Koeh Tiâu-sêng]
周Lāu-chài的小傳 [ Chiu Lāu-chài ê Sió-toān ]
周Lāu-chài的小傳 1928. 03 第516期 p. 10 郭朝成 周Lāu-chài叔是草屯教會初代的信徒。忠直殷勤的人，捌做幾若任的執事，盡忠佇上帝的家。當時草屯的人民怨恨基督教，也受濟濟凌辱，Lāu-chài叔無驚惶，對十字架彼方面直直進前，草屯教會有偌濟這款熱心的聖徒，教會也大興；致到所稅的厝坐無路。大家欣慕愛起新拜堂，可惜買無拜堂地。 Lāu-chài叔所有的財產，是幾間破厝，佮一塊厝地。慨然講，我甘願獻拜堂地，眾會友歡喜到極，出力題錢起拜堂佮宿舍。 Lāu-chài叔是將所有的財產，獻一半予上帝。感心啊！伊的年歲老，細漢孫大陣，家庭生活困難，身軀帶積水的...

[1928-8 台灣教會報 文類-傳記 作者--/-]
劉俊臣牧師的小傳 [ Lâu Chùn-sîn Bo̍k-su ê Sió-toān ]
劉俊臣牧師的小傳 卓偉臣 1928.08.01 521卷p.3-4 論劉牧師的小傳通分做三段： 1. 論伊佇會的情形。劉牧師出世佇主後1866年，伊的本居地佇屏東郡，里港庄，伊的老爸劉Bô͘是熱心的長老。劉牧師有四个兄弟仔，伊算是第四个。伊細漢的時就佇教會的學堂讀冊，佇17歲就入台南新樓大學。論伊的資質真好，聰明敏捷，也真好口才。彼tia̍p伊猶佇大學的時陣有予牧師派伊暫時去澎湖傳道理佈道。彼tia̍p予澎湖人真侮辱歹款待，予人揪，cheng，拍，致到有傷著食傷藥。雖是按呢伊也是吞忍無佮人抵手。後來伊就閣倒轉來大學讀冊。到佇21歲伊就卒業，受派去蹛佇Tō͘-kun-eng ...

[1928-9 台灣教會報 文類-傳記 作者--/-]
數念河野牧師 [ Siàu-liām Hô-iá Bo̍k-su ]
數念河野牧師 1928.09.01 522卷p.4-5 佇8：16號河野牧師有過往佇台南病院，享受57歲。 對1914年到1924河野牧師有做台南長老教神學校的先生。起頭是予台南日本基督教會請做牧師，佇神學校做祝託教師。若是後來就全工佇神學校，紲蹛佇遐。 佇1924年就時神學校的工，全心服務佇日本教會。無拍算佇今年5月間起神經疼的病漸漸傷重，就紲予主召倒去。佇破病的時，雖是真艱苦，猶是真gâu吞忍；有朋友去探伊的時，就吟伊身邊的聖經，略仔笑面讀「拄著試來忍受的人有福氣。」 河野政喜 (Kono Masaki)佇1872年出世佇I-ú國吉田村。佇11 歲的時死老爸。佇小學校卒業了...

[1929-4 台灣教會報 文類-傳記 作者-蔡清澤/Chhoà Chheng-te̍k]
黃--氏香ê小傳 [ N̂g--sī Hiong ê Sió-toān ]
黃--氏香ê小傳1929.04 529卷 p.8-9(蔡清澤)黃--氏香是屬大里教會ê老姊妹，人攏叫伊做松茂嬸。企家也是tī大里庄，45歲承受道理。1年前起骨頭痛，到舊年（昭和3年）11月3 日，得著大慈愛ê父，tháu放伊ê艱苦歸天，享受永活，tú 73歲，信主共28年久。稽考伊ê履歷，有下面chiah-ê美點:-- 1.ài佈道: 真愛引chhoā人歸主，四界佈道。Tī路--ni̍h若人問伊，就講beh做天國ê媒人(就是chhoā人hō͘耶穌)。非常好膽：較怨恨道理--ê、抑是富戶家以及甚mih名望人ê所在，亦nǹg入去beh招--伊。人客去伊兜不論是誰，開嘴就是道理。口才是平常。雖是án...

[1929-6 台灣教會報 文類-傳記 作者-卓Uí-sîn/Toh Uí-sîn]
Gî Tiâu-chheng ê小傳 [ Gî Tiâu-chheng ê Sió-toān ]
虞朝清的小傳1929.06 531卷 p.10(卓Uí-sîn)傳道師虞朝清，伊的本所在佇高雄州旗山郡杉林庄新厝仔，伊的父母早早就過身，細漢的時攏是倚靠伊的公牽教。彼霎新厝仔有教會佇遐，伊的公虞生不止熱心拜上帝，就peh-kàu予伊來讀中學。後來拄遇我來佇交坪做傳道，我有設1間教會的小學，彼時我就請伊來教小學，所經過的成積不止好。後--來阮看伊不止關心愛做教會的工，所以有舉薦伊來讀神學。伊卒業就去蹛佇交坪、頭社、關仔嶺、東後寮的教會。佇今年傳道局有派伊欲去蹛佇岡仔林的教會，伊佇4月14 的禮拜有轉任去岡仔林。閣過禮拜倒出來欲設法伊的行李入去，無扑算到新化街，伊就起急性的肺炎，食藥無效。到21日...

[1930-6 台灣教會報 文類-傳記 作者--/-]
陳天賜ê小傳 [ Tân Thian-sù ê Sió-toān ]
陳天賜的小傳1930年6月 543卷 p.10 新巷陳天賜出世佇主後1873年。伊蹛佇草地，有5个兄弟，伊是大子，in老父有教伊讀冊，字捌真深。伊未得著道理的時，庄中的人來央伊看日、搬時，伊也真勤快，無趁人的錢，庄中的人不止謳咾伊的好央倩。 到佇帝國來管台灣，設伊做土地委員，監督造大路，盡力扑拚傷過頭紲致身命。到佇1906年來台南醫身命，佇遐 得著道理。後--來轉--來，彼 時阮這庄裡猶未有人聽道理，in 老父真窘逐，內底毋予伊蹛,將伊的聖冊放火燒，共伊褻瀆，伊也無失志。 閣有 1擺in小弟將伊的眠床共伊拆--出去，伊到欲睏的時才閣 夯入去扑，顛倒歡喜。到後--來in老父漸漸較袂窘逐--伊，...

[1930-7 台灣教會報 文類-傳記 作者--/-]
黃執事ê小傳 [ N̂gChip-sūêSió-toān ]
黃執事的小傳1930.07 第544卷 p.3 黃君名漲。台南東門教會的執事，新樓冊房印刷部的主任--lah。原籍是北門郡，佳里庄，埔頂寮黃姓的大族。當明治36年(28年前)，來新樓共甘牧師做工。因為伊溫純勤勉，不止予甘牧師謳咾，才舉薦伊入冊房做抾字印刷的工。對按呢才搬請伊的老母來蹛台南，建立家後，紲接到這霎，欲到30年。 黃君對受甘牧師用道理引chhoā了後，就放sak伊以前假的信仰，專心來歸服佇主。因為伊所做的工，也比別人加得著濟濟道理的教示。每禮拜日就幫贊東門教會主日學的工，後來紲任東門教會的執事。 不幸佇今年5月尾染病，1日1日較重，後--來檢查，知叫是染著中脊hû-su的症，就去入...

[1930-8 台灣教會報 文類-傳記 作者--/-]
郭Sò͘-ngô͘小傳 [ Koeh Sò͘-ngô͘ Sió-toān ]
郭素娥小傳1930.08 545卷 p.10 郭素娥就是草屯貴堂會郭朝成牧師的大令嬡，今年19歲。3月尾佇咱台南長老教女學校卒業，倒去厝--裡順孝伊的父母，友愛伊的小弟、小妹只有3月日久若定。對破病到臨終頭尾11日，佇祈禱中歸天。今e晝是禮拜日，學校接著1張端書，報郭素娥佇新曆17號過往，攏猶未捌聽見有破病，忽然聽見按呢，袂免得真gông-ngia̍h閣真同情伊的父母，相佮傷心流目屎--ah！平時閣是身體健康，有青年的氣慨，親像草木當茂盛teh-beh puh芛的氣象一樣，無扑算的中間聽見這號消息，袂禁得攑筆寫淡薄來歷予列位朋友知，有通予咱想出新進行的行為，信仰、理想也kú敢。1.論伊的生成...

[1932-8 台灣教會報 文類-傳記 作者-蘇育才/So͘ Io̍k-châi]
小傳陳乞食長老 [ Sió-toān Tân Khit-chia̍h Tiúⁿ-ló ]
小傳 陳乞食長老1932.08 569卷 p.6-7(屏東：蘇育才)陳長老是屏東歸來庄的人。佇少年就失落父母的栽培；總--是勤勉經營來起家；佇in庄--裡的人，看伊做有名望的人。為著伊來拜上帝，庄民對伊講，前看你做大頭拇，今就看你做尾指仔的人。陳長老真歡喜承受這號凌辱的話。閣有1擺庄民招集幾10人扛1頂輦轎關予伊起輦；有的 攑火把，有的喝咻，直直欲去lòng歹伊的厝，入去佇in廳--裡，亂亂chông；陳長老用溫柔的聲共in 講：「恁著細膩，若火燒厝就歹勢；對按呢輦轎煞袂 hián，大家退走。」對伊的做人雖罔一時受凌辱，後來庄民猶原真尊敬伊；路尾眾人揀伊當保正幾若任。這是伊信主對外的成功。 佇...

[1931-1 台灣教會報 文類-傳記 作者-陳添旺/Tân Thiam-ōng]
陳萬連的小傳 [ Tân Bān-liân ê Sió-toān ]
陳萬連的小傳陳添旺 記1931.01, no. 550 (KCC, no. 59), pp. 19-20 看死若睏，臨終免驚。 雖然老弱病真久，總是看伊死真正看活；佮孫仔講話，講到身軀無力偃頭來死。 彼早起就共伊的婦人人講：我今仔日免到暗就欲予伊好勢；真正安然歸天。伊是主後1863年；10月10日出世，今年享壽67 歲。 伊有4个查甫囝，5个查某囝，tuì阿兄來算，有到五代孫。伊的來歷是無啥好聽，毋過也有可取，所以寫淡薄佇紙面予咱知。伊的祖先是耕農做業，繼續無làng。 前時踮保長坑，屬水返腳教會，1918年兩兄弟徙來鳳林，1921年閣徙來頭人埔（徛佇大庄）。 信道理有徛45年；1889年t...

[1931-3 台灣教會報 文類-傳記 作者--/-]
羅文德的小傳 [ Lô Bûn-tek ê Sió-toān ]
羅文德的小傳Soaⁿ-pà B. Ch. L.1931.03, no. 552, pp. 10 長老出世佇1865年8月15日，本鄉是佇新化郡左鎮庄山豹，父母生in兄弟仔 5人，小妹兩人，長老擺第二。 佇十數歲就予伊入漢學，到16歲就予伊佇現時的新化做人的數櫃，20歲就轉來設法家內的事。佇日本領台的時，伊就信主，tuì信主了後就真致意道理。佇1896年，伊就倡守起拜堂佇山豹的大寮，盡力設法到完成。佇1897年，就領洗禮入教，到1899年4月16日受會友選舉做執事4年久，會友看伊盡忠，就共伊高升做長老，連連留29年，計共當職33年，不幸佇昭和5年12月14日，禮拜下晡就起肺炎的病，食醫學無功效...

[1931-6 台灣教會報 文類-傳記 作者--/-]
朱姑娘小傳 [ Chu Ko͘-niû Sió-toān ]
朱姑娘小傳佚名1931.06, no. 555, pp. 1-3 佇1851年，朱姑娘 (Miss Stuart) 佇蘇格蘭出世，細漢的時父母徙去英國北爿一個城名叫S. Shields佇遐徛起。 伊有四個大姐，一個兄，伊是煞尾囝。 猶boē過來這爿teh 教學校，閣禮拜日teh幫贊in本所在的主日學，兼彈琴。 佇 1885年的年尾佮文姑娘作伙來台灣。 到1887年，新曆2月14號，in就開設女學校。 Tuì彼霎就盡力教育女子，以及巡視會友，去教會教姊妹捌聖經。 1891年歇任轉去，可惜無看著老父佮一個大姊，伊佇這爿的時，in已經過身。伊感覺台灣人的欠缺，就是助產，所以應用歇睏的時間去學，到成...

[1931-10 台灣教會報 文類-傳記 作者--/-]
高姑娘的小傳 [ Ko Ko͘-niû ê Sió-toān ]
高姑娘的小傳K. Y. C. 記1931.10, no. 559, pp. 8-9 高姑娘名Hap-ná (Miss Haⁿah Coⁿell) 佇1869年1月6號，出世佇加拿大的A-lí-su-tun城 (Aliston, Ontario, Canada)。伊tuì音樂學校出身，有得著音樂家的資格；所以音樂是伊所貫串，是音樂界的女名人。1905年11月3號，就是明治38年的天長節日，伊有佮金仁理姑娘 (Miss J. M. Kiⁿey) 做北部第一會的姑娘來台灣。伊濟濟年做淡水婦學的校長，鬥教聖經；兼女學的音樂；當時神學生也濟濟人捌受著伊教示ji̍h風琴佮ピアノ。1928年11月欲佮金姑...

[1931-10 台灣教會報 文類-傳記 作者--/-]
劉牧師娘的小傳 [ Lâu Bo̍k-su-niû ê Sió-toān ]
劉牧師娘的小傳卓偉臣1931.10, no. 559, pp. 9-10 劉俊臣牧師娘姓陳名水良。 伊的出生地佇台南市紅公祠邊；in老父人叫伊六叔，tuì in老父就得著道理。 今論伊的戮力我愛講3項：-1. 論對教會內外的待遇。 牧師娘細漢的時有讀女學，初時代也捌教女學。 論伊佮劉牧師去toà幾若位的教會做工，toà傷第一久的就是toà佇木柵14年久。 劉牧師娘性情好，無論教內教外人人好，予人真呵咾。 我猶會記得，有一個秀才（陳Tiong-siu）佮一個憲兵（Mô͘-lí sàng）捌對我講，這个劉牧師娘真賢閣真好心，按呢通知，伊佇教內教外真正好名聲，也無重富輕貧，真疼惜散凶人，若看著散凶...

[1932-8 台灣教會報 文類-傳記 作者--/-]
吳Lo̍k長老的小傳 [ Gô͘ Lo̍k Tiúⁿ-ló ê Sió-toān ]
吳Lo̍k長老的小傳郭朝成 記1932.08, no. 569, pp. 18-19 吳Lo̍k叔，出世佇斗六平民的家庭，歷過真濟艱苦。 到壯年的時，賺歹風俗，嫖、賭、飲，三字全，也學做戲，伊的弦仔遐gâu挨，是tuì做戲得著的。對伊的放蕩，身軀帶症頭，經過偌濟醫生，無法得，腹肚脹大若準婦人人有娠。 有人報伊去茄苳仔（西螺）拜堂，買西藥，聽道理就會好。 一下聽著道理真歡迎。 逐禮拜往回4鋪路去禮拜，身軀雖是帶病也無嫌艱苦，歡喜去。 彼時吐瀉的症大流行，濟濟人染著，續死。 Lo̍k叔也著，毋旦無死，腹肚續消消去，無久身體勇健。 決心做主的學生，Lo̍k嬸也做熱心的基督徒。近來伊的身體較lám...

[1932-12 台灣教會報 文類-傳記 作者--/-]
朱朝來長老的小傳 [ Chu Tiâu-lâi Tiúⁿ-ló ê Sió-toān ]
朱朝來長老的小傳郭朝成 記1932.12, no. 573, pp. 21 朱朝來長老，早前toà佇霧峰庄的萬斗六耕農。 佇29年前來草屯教會，受梅甘霧牧師洗禮。 因為湖溪阻擋，較常去大里教會禮拜。 佇26年前做大里教會的執事。 後來搬徙toà佇北山坑耕農。 無偌久，北山坑設教會，伊也接續做執事，續升做長老。伊的做人是中直，溫柔，熱心敬拜上帝，gâu做教會的工。 伊toà北山坑幾十年久，家庭la̍p-kha̍p，物質方面通講是失敗，家庭散赤，婦人人失明，囝一個做勞工，一個細漢，本身代積水的病幾若年久。 實在是通可憐的家庭。 若是朱長老，是安貧樂道，不時笑容，無僥疑上帝，無嫌人。這幾年北山坑教...

[1914-10 台灣教會報 文類-傳記 作者--/-]
陳雲程小傳 [ Tân Hûn-thêng Sió-toān ]
陳雲程小傳1914.10 355卷 p.7陳雲程傳道是同安屬，金敦鄉ê人，出世tī A.D. 1852。伊3歲ê時父母有移居來台灣，企起tī Gō͘ -khó͘ -khiⁿ庄長成，伊21歲ê時有去做偕牧師ê學生，後來伊就做傳道，toà tī幾若所在ê拜堂，án-ni做工有26年久，以後有歇兩年外，到華牧師到台灣ê時，伊有來教示伊ê土音，對hit-tia̍p有接續教宋醫生ê土音，也有幫贊醫館佮女學堂ê工，koh常常傳道理，對hit時伊ê身體捷捷有抵著破病，就boē會koh擔當較濟e工程，後來伊有受派去傳道理tī士林街ê禮拜堂。伊有抵著心臟病就忽然暈去不止久才知人，對án-ni身體就koh較衰lá...