[1958-1 台灣教會公報 文類-散文 作者-黃章輝/N̂g Chiong-hui]
社論合群ê服從 [ Siā-lūn Ha̍p-kûn ê ho̍k-chiông ]
合群的服從(總會議長：黃章輝記)1958年1月 第829卷 pp.3-4 仇主秘的交代，叫我佇總會的議長的身分，照例年的慣例，寫一篇佇新年的教會公報。雖然我閣 2，3日(12月15日)，就欲起身去赴佇年底佇阿非利加洲的新國家，Ghana，所欲開的國際宣道協會的總會(International Missionary Co͘ncil-通稱I.M.C.)，所以有較無閒，總是毋敢推辭，佇遮寫幾句請安親愛的同道兄弟姊妹，佮講幾句的感想佮抱負。第一，敬愛的同工，親愛的同道兄姊，新年恭喜。願主耶穌基督的恩典，父上帝的疼痛，聖神的相通，佇這个新年的時加倍佮恁大家佇teh，賞賜恁平安佮歡喜，佇欲來的日子到永遠...

[1958-1 台灣教會公報 文類-散文 作者-編輯部/Phian-chip-pō͘͘]
新年ê感言 [ Sin-nî ê kám-giân ]
新年的感言(編輯人記)1958年1月829期 p.4-6編者擔當兼任主筆寫新年的請安，今是第 3 遍 lah。舊年的正月號，當時的總會議長吳永華牧師有寫講，「今年請閣容允。」伊的意思是講，咱的總會雖然過去無甚物收成，也向望佇今年閣得著主容允，向望有通收成，來感謝主。總會今有正式成立，雖然有濟濟困難不如意，猶過進行倚欲一年的中間，已經有真濟的成果通回顧，實在通歡喜感謝。不過過去佇本報編者所寫兩遍的新年的請安，難免使我佇遮愛閣，回顧。因為主耶穌猶原會來巡咱的果子園，看見無花果樹這3年久攏無結果子，打算愛欲剉起來的時，佳哉接納園主的哀求，才得著容允。親像按呢過去兩擺的過年，咱的主穩當攏有來巡咱的果子...

[1958-1 台灣教會公報 文類-散文 作者--/-]
將上帝ê物hō͘上帝 [ Chiong Siōng-tè ê mi̍h hō͘ Siōng-tè ]
將上帝的物予上帝(江萬里寫)1958年1月829期 p.10-11教會內有真濟人講，十份的一份奉獻是律法，亦咱做基督徒的人是佇恩典下，毋是佇律法下，所以毋免十份一的奉獻。閣有人講，毋免十份一，若有十份一的一半就夠額。兄弟ah，請咱毋通袂記得，咱的主耶穌所講的話，「莫得拍算我來是欲廢無律法，á是先知，我來是欲應驗。到天地廢無，律法的一點，一劃亦決斷袂廢無。」咱的主耶穌不但無廢無律法，伊有強調律法，伊有講，「恁捌聽見有對古早人講，毋通害死人，害死人的，著受審判，總是我共恁講，見若受氣伊的兄弟的著受審判。恁捌聽見有話講，著聽你的厝邊，怨恨你的對敵；若是我共咱講，對敵你的，著疼in；窘逐你的，著替in...

[1958-1 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教周天來1958年1月829期 p.16-17I.日本最初的世界宣教者=(年內，有接著公報的主筆李Ka-siong牧師的批，愛我佇新年號的公報來簡單介紹賀川先生的略歷佮翻譯伊的講道一篇。筆者感覺真恐肅，不配做這个事。總是已經受交託，也毋敢推辭，照所知影淡薄關係賀川先生的人格佮伊所貢獻佇日本偉大的事業排列佇下面；特別對第二厝大戰結束以後，戰敗的日本對伊的努力來得著信仰的復興佮福音的大普遍，這个消息穩當濟濟人愛知。筆者寫這篇文有參考東京約旦社(ヨルダン社)最近出版的 [信仰偉人群像]最後的這篇「賀川豐彥」)=賀川豐彥出世佇 1888年7月10日，佇日本的神戶市。彼時伊的老父有辭元老...

[1958-1 台灣教會公報 文類-散文 作者-邱明忠/Khu Bêng-tiong]
約瑟ê信仰 [ Iok-sek ê sìn-gióng ]
約瑟的信仰 (邱明忠寫) 1958年1月829期 p.21-23 佇聖經人物的中間，無有過失通指責的，除去耶穌以外通講是約瑟。伊戲劇的的生涯有濟濟通做咱的好模樣。 第一：伊有「聖的理想」 咱讀伊的傳記(看創 37：-50)的中間，會發現做有趣味的是伊對做夢開始，也為著達成眠夢受苦，也最後佇圓夢來大成功。按呢通知約瑟是一个有眠夢的青年，換話講是有理想的青年。 「青年ah！著抱大的志氣，」這是出名的クラーク先生所講的。咱的國父也講「當立志做大事」。約珥2：28也講佇末世的時少年欲看異象。約瑟有將上帝佇夢中對伊所指點的來做伊人生的目標。所以伊佇逆境中無餒志失業，也佇得意...

[1958-1 台灣教會公報 文類-散文 作者--/-]
介紹耶魯神學院ê回顧 [ kài-siāu Iâ-ló͘ Sîn-ha̍k-īⁿ ê hoê-kò͘ ]
耶魯神學院的回顧（吳Chín-khun寫）1958年1月829期 p.23-24Chín-khun先生是日本京 都帝國大學的哲學科出身，捌佇東京植川環牧師的教會做傳道者，佇日本神學讀一cha毋，4年前去美國耶魯(Yale耶魯)大學神學院深造。今年歇熱歸國， 今服務佇台南神學院教教理學，倫理學佮哲學。這篇是伊的美國留學回顧談，伊有好的信仰，好的學問佮好的性格，深深希望佇伊的職位gâu利益神學生佮咱的 教會。設使若有人將發生佇熱帶的草木遷徙到佇寒帶地區，的確欲發現著這个草木佇新的環境會無容易活；á是雖然活也無容易生長。雖然發生佇 siāng款的氣候地帶，人若將沙質的地的草木遷徙到土這个地，猶原會發...

[1958-2 台灣教會公報 文類-散文 作者-吳天命/Gô͘ Thian-bēng]
社論請看Nî-hi-bí [ Siā-lūn Chhiáⁿ khoàⁿ Nî-hi-bí ]
請看尼希米--迎接第5屆總會的感想總會副議長：吳天命記1958年2月830期 p.3以色列人受tháu放倒來本國，已經經過倚欲100年。總是猶踮佇種種的困難中，也雖然得著以斯拉倒來復興in的宗教，總是對佇耶路撒冷的修建，in攏無致意，放teh荒廢。尼希米佇彼个時，雖是踮佇波斯國王的得寵下，有極榮顯的生活，想著本國，本族的荒廢，就放棄伊的快樂平安的地位，願負責到本國，佇種種的困難中，用52日來完成修建耶路撒冷城的責任。咱讀尼希米書會通發現伊得著成功的祕訣真濟。我特別愛舉起6項，就是祈禱，勉勵，合作，警醒，克己，出力工作。佇遮的的面前，一切的困難，一切對敵的引誘，攻擊，計謀都攏變做無氣力。台灣教會...

[1958-2 台灣教會公報 文類-散文 作者--/-]
介紹七十古來稀 [ Kài-siāu Chhit-si̍p kó͘-lâi hì ]
七十古來稀(長榮女中的報告)梅 Ka-liân pò本報記者譯。1958年2月830期 p.8-10 (本篇是梅姑娘向英國母會所寫的年度報告，應記者的請求，予我翻譯佇遮，向望讀的人欲加添對女學的了解佮關心就是)。中國有一句話講，「人生七十古來稀」，意思是講，做人自早到今食70歲的真稀罕。毋過今年咱的台南長榮女學有平安達到第70年，也這霎正正有用歡喜佮感謝teh期待今年3月欲舉行的記念典禮。本校是一个先鋒機關，是設立佇本島最早的一間女子的學校。起先開始的時是幾个仔女子的小團體，然後年久月深，發展到今仔日超過 600个學生，濟濟是以前的學生的查某囝，查某孫佇遮teh讀。今1956年到1957年的學...

[1958-2 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教 「耶穌的社會運動的本質」 (路加4：17，18) 周天來 1958年2月830期 p.11-13 1.上帝是比社會運動較大。 上帝比社會主義較大。上帝的意思是全體，社會主義的意思是全體的一部分若定。因為按呢，咱著愛知耶穌的運動是比社會運動閣較大規模。耶穌的努力是佇密房，伊透早，天猶不止暗，就去山裡祈禱，捌通暝佇山頂祈禱。社會毋是伊的全部，個人主義的神秘主義而已；按呢是大錯誤。伊的運動。所以毋是kan-ta關係個性的運動，就是予個性會連結的社會運動。因為佇福音書的內面已經有記真濟，我所著「聖冊社會學的研究，」雖然無徹底，猶過我有簡單講了，總是...

[1958-2 台灣教會公報 文類-散文 作者-張信德/Tiuⁿ Sìn-tek]
查經雅哥ê生涯kap信仰 [ Cha-keng Ngá-kok ê seng-gâi kap sìn-gióng ]
雅各的生涯佮信仰(張信德寫)。1958年2月830期 p.13-14[編者註：自舊年來就有將舊約列祖的信仰繼續介紹佇本報，這次有請新進的張牧師寫本篇佇遮，伊有清新有力的信仰佮文章，量必欲利益大家真濟才著]。雅各，佇舊約若聽著這个名，就隨時想著這个奸詐閣佇伊的生涯中有經過濟濟患難的人。雅各佇晚年，徛佇埃及法老面前的時，伊家己也按呢講，「我一生的年日亦少亦艱苦......」「雅各」意思是「擒跤後tiⁿ--的。」這个名十分表現伊的做人。伊對未出世就佮伊的兄以掃計較(創世記25：22)。後來用一碗的紅豆湯對以掃買大囝的名份；用一碗的羊肉湯騙以撒，得著大囝所應得的祝福。然後為著閃避以掃的受氣，到巴旦亞蘭...

[1958-3 台灣教會公報 文類-散文 作者-黃章輝/N̂g Chiong-hui]
社論Thàu開hō͘伊行 [ Siā-lūn Thàu-khui hō͘ I kiâⁿ ]
社論Tháu開予伊行(約翰11：44)三月第3禮拜：台南神學院記念日(院長：黃章輝)1958年3月831期 p.3-5 列位敬愛的同工佮列位親愛的兄姊。三月第3禮拜，就是咱的神學院的記念日欲到lah。今年的記念日有一个特別的所在，就是咱的神學院再開辦的第10週年。回顧過去10年久咱神學院的歷史，總講一句就是感謝。頂面感謝上主奇妙的鴻恩，攝理，佇地面感謝內外好朋友熱切的祈禱佮支持。佇這10年久「主的恩賜你著算著數，主的恩賜你敢算未了：主的恩賜逐項算來記，穩當滿心感謝上帝大慈悲」Kan-ta舉幾項來講明這个「算未了」的「主的恩賜。」佇1948年3月16號，咱台南神學院通講是「死閣活，失落閣得著。...

[1958-3 台灣教會公報 文類-散文 作者-編輯部/Phian-chip-pō͘͘]
特別消息對非洲toà轉來ê消息 [ Te̍k-pia̍t siau-sit Tuì Hui-chiu toà tńg-lâi ê siau-sit ]
特別消息對非洲帶轉來的消息(編輯人報)1958年3月831期 p.10-12 台南神學院長黃章輝牧師佇舊年的年底去亞非利加洲西爿獨立國Ghana(Ga-ná) 赴會議，1月15轉來到厝，這个消息佇本報12月號，1月號有出了。今伊是去創甚物？會了有甚物消息，濟濟人穩當真愛知。今本號有將伊佇遐所翕的像出佇第二面，閣章輝牧師有打算欲將會議內容此去報較詳細佇本報；這擺記者將所聽著的幾項消息先報予大家知希望予讀者加添明瞭台灣的教會已經是世界的教會的一部分。所以咱若有甚物款的消息liâm-piⁿ傳到世界去。今佳哉這幾年來，咱的教會所傳出去的較濟是有進步的好消息。這次佇非洲Ghana的會議是叫做國際宣教會...

[1958-3 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教「耶穌的社會運動的本質」(路加4：17，18)chiap前月號13面周天來1958年3月831期 p.16-17 猶有不可思議的就是耶穌的十字架。十字架的問題毋是kan-ta講犧牲的流血就會得解決。耶穌知行洗禮約翰受刣了後，伊的運命猶原佮伊共方向；因為耶穌家己預言，學生雖然阻擋，若是耶穌向佇真理有忠實，所以伊的決心就ná堅定。耶穌知本身的受難是應驗聖經，因為先知攏有讖語義人的死，。以賽亞53章佮詩篇22篇攏有描寫義人的死。所以伊知影這个事，就決心順從，家己意識佇燒祭的壇著獻羊羔的血，就是伊本身的血；也有意識這个血是欲清氣人類的罪惡，義人的死是贖罪的死；所以佇最後的晚餐耶穌講...

[1958-3 台灣教會公報 文類-散文 作者-張信德/Tiuⁿ Sìn-tek]
查經 雅各的生涯佮信仰 [ Cha-keng Ngá-kok ê seng-gâikapsìn-gióng ]
雅各的生涯佮信仰(張信德寫)(接前月號第14面)1958年3月831期 p.17-18 I.伯特利的經驗(創世記28：10-22)。 伯特利本名路斯。當雅各為著欲閃避以掃的受氣，欲去巴等亞蘭的路中佇遮歇暝。夢見有梯徛佇地裡，梯頂拄天，有上帝的使者佇梯裡teh上落。也有聽見上帝的應允，「我是耶和華......，你無論去tah落，我欲保護你......」對這个號雅各有一個經驗，就是「耶和華真正佇遮，我竟然毋知。」雅各原來所信的就是伊所敬拜的上帝，是亞伯拉罕的上帝，以撒的上帝。這个上帝。這个上帝是踮佇伊的家庭teh保護in的上帝。今雅各佇路斯感覺伊的孤單，毋若kan-ta離開父母若定；也ná親像離...

[1958-3 台灣教會公報 文類-散文 作者--/-]
P.A.R.S. 佮Ecumenical Fellowship [ "P.A.R.S." kap Ecumenical Fellowship ]
「P. A. R. S.」佮ECUMENICAL FELLOWSHIP 普世教會宗教高及研究班佮名譽獎學金 (在美國Khó͘ Heng-jîn報) 1958年3月831期 p.20-21 序言： 耶穌基督的福音毋是kan-ta欲予特選的民族，á是一部分特殊階級的人享受。是欲予全世界普天下，萬百姓攏有份(路加2：10)。耶穌講，「恁著去招萬百姓來做學生，共 in行洗禮，予in歸佇父，囝，聖神的名」(馬太28：20)。設使做耶穌的學生是kan-ta為著個人的幸福，平安á是欲閃避將來的審判。按呢是真可憐，會予社會討厭，利己主義袂發光，是無作用的基督徒。按呢就是無明白...

[1958-4 台灣教會公報 文類-散文 作者-周天來/Chiu Thian-lâi]
主內的交陪佮相疼 [ Chú-lāi ê kau-poê kap saⁿ-thiàⁿ ]
主內的交陪佮相疼 約翰13：34，35；I約翰 1：7 周天來 1958年4月832期 7-9 近來教會倍加運動逐所在teh推行，教會數佮信徒數也自然增加，所以同信屬主的兄姊，無論個人抑是團體，相佮聚集交陪，敬拜上帝的機會那濟，實在是真通歡喜的現象。主耶穌「已經廢無死，閣對福音予活命佮未敗壞的攏顯明」(II Thê 1：10)。上帝的囝，耶穌基督替咱死，有閣活；thâi贏魔鬼，罪惡，死失的權勢；對伊的寶血來建設地上的天國，就是聖會，佇遐有充滿基督的活命佮未敗壞的= 仁愛；證明信徒若結寮佇教會，就是予你通承受基督的活命佮未敗壞的相疼。「見若用未敗壞的疼，來疼咱的...

[1958-4 台灣教會公報 文類-散文 作者-Dr.MacLeod/-]
選民的責任 [ Soán-bîn ê chek-jīm ]
選民 的責任 阿摩司3：2 Dr.MacLeod寫 1958年4月832期 9-10 這篇是母會的代表劉博士(Dr.MacLeod)，佇長榮女中70週年校慶記念禮拜的時所講的。記者對伊的 原稿翻譯，出佇遮，諒必毋但女學會通得著勉勵，眾讀者也欲得著教示才著。 今仔日我有份通佇遮參加這間女學校70 週年的 盛典，感覺真榮幸。對英國母會來的請安，本日會另外讀，不過我愛表示我個人親愛的請安佮我所代表的英國濟濟恁的好朋友的好意來予恁。 佇這70年校慶的時，用禮拜來開始實在是應該的。咱所 teh慶祝的學校毋是人的所做，實在是上帝的恩賜。咱佇遮毋是kan-ta欲數念人的成就，是...

[1958-4 台灣教會公報 文類-散文 作者-許德謙/Khó͘ Tek-khiam]
祝禱的意義 [ Chiok-tó ê ì-gī ]
祝禱的意義 許德謙 1958年4月832期 11-12 [許牧師是日本神學院的出身，教會報算是頭擺的執筆。總是因為伊勤學 虔敬，歷任屏東，斗六佮屏東 的和平教會，成績顯著，現任高中的議長，通講是教界 的中堅牧師。所寫本篇，若斟酌讀，就欲知影伊好的 學識佮信仰。] 每聖日禮拜teh欲煞的時，吟siōng-êng 的詩了後，牧師祝禱講，「願咱大家得著主耶穌基督的 恩典，上帝的疼痛，聖神的相通，佮恁眾人佇teh。阿們。」然後會眾就散會。這个代誌每禮拜攏是按呢teh反覆直到代代。今這个祝禱有甚物意義？是只有做禮拜的結束，抑是禮拜煞一款的暗號抑毋是？ ...

[1958-4 台灣教會公報 文類-散文 作者-吳Le̍k-chì/Gô͘ Le̍k-chì]
數念米珍珠姑娘 [ Siau-liām Bí Chin-chu Ko͘-niû ]
數念米珍珠姑娘 吳 Le̍k-chì記 1958年4月832期 12-13 本篇是吳 Le̍k-chì 姑娘佇長榮女中70週年校慶舉行米姑娘記念圖書館獻館式的時講的。有米姑孃好的 功績，閣有吳姑娘好的 評價，所記遮个相信欲利益大家真濟才著。 今仔日咱數念米珍珠姑娘，真有才能閣盡忠佇這間學校服務。 伊的爸母是英國長老教會著名的會員。伊的老爸是細菌學 的教授；老母是一位佇基督教佮教育的工真活動的人。我這擺未離開英國以前有接著伊的老母米博士娘的批，叫我替伊共恁請安，也講伊今仔日的確欲數念咱。伊不時替這間學校祈禱，也用關心佮疼情teh看這間學校的 進步。 米...

[1958-4 台灣教會公報 文類-散文 作者-曾榮旭/Chan En̂g-hiok]
烏腳病患者興起教會 [ O͘-kha-pēⁿ hoān-chiá heng-khí kàu-hoē ]
烏跤病患者興起教會 曾榮旭 1958年4月832期 13-14 主內的兄姊願恁平安。佇咱所關心的 學甲教會會友邱義兄弟已經得主的恩典煞伊世間的工佮苦痛，佇2月22號上午兩點離開世間。為著榮光上帝的名的緣故，特別佇遮報告這位患著烏腳怪病 4年久，佇學甲鄉 61 个患者中是最厲害最嚴重。又閣伊的獨生囝榮霖君患著最嚴重的 T.B.，肺已經chhun一爿，婦人人又閣失明。筆者最初接著伊的時，予我感覺伊是一个道理精；我欲勉勵伊，反轉受說教。經過有兩禮拜了後，才露現伊的 假面具；因為僥疑上帝的公義，不平伊所拄著的試煉是過份。 後來感謝上帝，予我好膽對伊干證不平，僥疑...