[1916-10 台灣教會報 文類-散文 作者--/-]
地動火災 [ Tē-tāng Hoé-chai ]
地動，火災。 1916.10，no.379，pp.4 佇8月28日下晡4點外鐘在埔里社地大振動真非常。潘千總今年90歲，伊講猶未捌拄著按呢的大地動。埔里社支廳的衙門倒真傷重，學校也拍歹損害。埔里社的禮拜堂裂獅獅，窗仔輾落來摔到害了了。埔里社街的店頭人家厝倒到東倒西歪；有的走到手chek折；有的著驚仆落地跋倒拍折喙齒；也有-的驚到著病。作田人咧挲草，有的驚到蟯蟯掣走轉來毋敢做工。有人咧拍算敢是欲沉台灣的款。 真佳哉這个地動是日時。設使若是暝時穩當會硩死真濟人，厝倒真濟；有的倒了了，有的倒一半，有的無倒也裂獅獅，東倒西歪。埔社街的拜堂害較傷重。其餘烏牛欄，北山坑，牛睏山，大湳有小可裂nā-t...

[1916-10 台灣教會報 文類-散文 作者--/-]
財團法人 [ Châi-thoân Hoat-jîn ]
財團法人。 1916.10，no.379，pp.5 佇1913年12月2日北部的中會有聚集臨時會來擬定著設財團法人的事，對總督入稟，總是等真久攏袂得通好勢。到舊年10月起傳道局有請Gâm-kî先生做傳道局的囑託，來鬥幫贊所有干涉佇政府彼方面的事。對按呢紲將這个財團法人的代誌交代伊來鬥設法。伊不止出力來鬥幫贊。規則有20條，亦有干涉佇咱教會的憲法。大家有用不止濟工，今已經好勢啦。有得著總督的允准，佇7月5日許可已經出來。台灣人得著財團法人的許可，這个是頭一个。咱教會有這个財團法人，真通歡喜，因為有兩項的大路用： 1. 予政府佮眾人承認咱有團體的資格。 2. 保護教會的財產。按呢的...

[1916-10 台灣教會報 文類-散文 作者--/-]
死人無親 [ Sí lâng bô chhin ]
死人無親。 1916.10，no.379，pp.5-6 俗情的人咧嫌入教的人不孝，死無孝祖宗。今用in咧款待死人的法，排幾項佇下底。 1. 若死落逐項欠，著用錢買水洗身軀，用銀紙買路才會得過，用火把炤路才行有路，隨時著煮一碗跤尾飯，一粒卵，欲予伊食，才有力通過亡魂山，閣備辦一領過山褲，貯庫錢，欲去還前生死所欠的。按呢來想實在是欠缺。 2. 相辭。備辦十二碗共伊相辭，後來隨時落棺材。彼時用一被麻圍佇棺材 kiⁿ墘，所有的親人來牽彼被麻，就予道士來用刀koat斷，用一捻hûn草來斬頭，意思是斬草斷根，割剾斷離離，無冤鬼來交纏。閣用一粒熟的卵，一塊石頭，一寡豆酺佇死人的手，吩咐伊講，...

[1916-10 台灣教會報 文類-散文 作者--/-]
加拿大教會 [ Ka-ná-tāi Kàu-hoē ]
加拿大教會。 1916.10，no.379，pp.7 加拿大長老教會有8个神學校，四千間拜堂。獨立教會的拜堂有兩千四百間。有倚兩千个牧師，亦有一萬一千个長老。長老教的會友總算有十八萬加，清氣名的會友三十三萬三千。主日學的學生大概有三十萬。有七十六个中會，八个大會，一个總會。舊年補助會，慈善會佮宣道會的捐項大概有113萬箍銀。今年總會有議定著佮加拿大的Bî-î-bî會(Methodist)佮組合會(Congregational)聯合。實行的時陣是歐羅巴洲相刣的事煞的時才算起。Bî-î-bî會佮組合會已經有議定愛聯合。三會聯合了後，就名會號做「加拿大聯合的教會」。Bî-î-bî會的人數佮長老會...

[1916-10 台灣教會報 文類-散文 作者--/-]
固執不通 [ Kò͘-chip put-thong ]
固執不通。 1916.10，no.379，pp.7-8 鄭國有一个人欲出去買一雙鞋，代先佇in厝裡，就將伊的跤量看偌長偌大，比較一个樣參跤裡和和，就且下佇桌頂。後來去到佇街裡，才想著袂記得提彼个範來。佇街市裡雖然有真濟的鞋，卻毋肯買，講伊袂記得提彼个樣來比看覓咧。到聽候伊倒去in厝，提彼个樣來的時，都已經散市，店攏關了了啦。因為按呢紲買無鞋。有人共伊講，你thài毋用你的跤落去比，穿到會和和拄好，mih-sái著閣倒去提彼个範？伊就應講，寧可著信彼个範，毋通信這雙跤。 若論世間，也有這款彼號人，專專是信古早的法度，毋信新的法度，毋知到古早的法度，攏是合佇彼个時機咧用。若是干焦知彼个古...

[1916-10 台灣教會報 文類-散文 作者--/-]
歐洲戰事 [ Au-chiu Chiàn-sū ]
歐洲戰事。 1916.10，no.379，pp.10 對七月1號起到9月15號止英法佇西戰線有大贏德國。有搶260枝的大銃，600枝的機關銃，也掠著5,5000名兵。論俄佇東戰線對德奧所搶的銃佮所掠著的兵比佇西戰線閣較濟。這馬德國皇帝的孫(就是早前英國女王I-to-lī-a的乾仔孫)有戰死。兩年前I-to-lī-a也有一个乾仔孫猶原戰死。 現時希臘國不止混雜。In的王就是德國皇帝的妹婿，自然毋愛拍德國，總是希臘國的百姓較濟愛倚聯合國。對按呢真混雜。 近來德國的潛航艇猶原有拍沉英，法佮中立國的商船。有一日佇英，法的海峽有拍沉8隻，也siāng彼日佇地中海有拍沉4隻。...

[1916-11 台灣教會報 文類-散文 作者-石安慎/Chioh An-sīn]
蘇，上，福的狀況 [ So͘, Siōng, Hok ê Tsōng-hóng ]
蘇，上，福的狀況。 (石安慎記)。 1916.11，no.380，pp.5-6 頂幫我佮我的家兄An-chiok對6月23號有去福州，上海，蘇州看教會文明的所在。到7月20號才倒來台灣。今愛將所看見的簡略來講，排列佇下底： (1)福州的所在，教會不止活動。街市也不止鬧熱。每日往來的人親像台北共進會往來的人遐濟。約有七，八十萬人。拜堂約有20間。福州城外有一所在是叫做南台的所在，也有拜堂幾若間，有的不止大間。第一大間的會坐得2000人，內面一个風琴4000箍。做禮拜的時有歕笛仔。牧師有予會友念門徒信經，十條誡，祈禱文。來禮拜的人男女不止整齊。穿長衫佮轄裙的人較濟。教會有設學堂不止濟，...

[1916-11 台灣教會報 文類-散文 作者-張金波/Tiuⁿ Kim-pho]
七年的紀念 [ Chhit nî ê Kì-liām ]
七年的記念。 1916.11，no.380，pp.6-7 舊曆8月15暗大甲的會友聚集開設教七週年記念會。這擺是第6回。佇6年前八月15暗黃君Bo̍k-châi佮林Ki-chó長老，將阿muí傳道外三人聚集佇山頂賞月，想著大甲已經設教一年，就佇遐做記念。彼時到今逐年有招集十外人佇寂靜的所在做記念會。今年大家議論著佇拜堂聚集予眾人來赴。彼暗八十外人來聚集敬拜上帝。大家大歡喜感謝上帝疼大甲的百姓。總是設教未久，閣無非常的事通講。這霎略仔講上帝的疼痛：－ 大甲是佇大安溪佮大甲溪的中間，離后里庄鐵路舖七。未有五分車的時算是交通第一不便的所在。閣佇南北教會交界的中央，1909年前罕得傳教師到遮講道...

[1916-11 台灣教會報 文類-散文 作者--/-]
論羅馬尼亞 [ Lūn Lô-má-nî-a ]
論羅馬尼亞。 1916.11，no.380，pp.8 兩月日前羅馬尼亞有倚聯合軍來參戰。德國真久有計謀愛羅馬尼亞倚德，奧，兩个國。若是羅馬尼亞的官不止gâu，無予德國迷惑。反轉羅馬尼亞看聯合軍直直贏，就決定欲倚聯合軍，佮奧國，Pu̍t-gâ-lī，兩國相刣。 照流傳講羅馬尼亞的人的祖就是古早的羅馬人。大概兩千年前，羅馬尼亞做羅馬的殖民地。彼霎有羅馬的人去彼塊開墾。In的後裔有的到這霎亦佇咧，不過亦有別種類的人相摻。 第15世紀土耳其的人有來拍羅馬尼亞的地，暴虐地方的百姓。對彼霎起四百年的久，羅馬尼亞有降服佇土耳其管，紲常常進貢土耳其。佇主後1877年，羅馬尼亞，俄羅斯，兩國有同...

[1916-11 台灣教會報 文類-散文 作者--/-]
台島消息 [ Tâi-tó Siau-sit ]
台島消息。 1916.11，no.380，pp.11-12 獻金佇學校。這幫佇內地有一个醫生，姓塩見名政次(就是Dr. M. Shiomi)，伊獻金一百萬箍，做伊的母校設理化學的路用。聽見的人，逐个大受感激，大稱讚。 先生佇17年前對大阪高等醫學校(就是現時大阪醫科大學)卒業。幾若年久做醫生拯救濟濟人，對按呢亦趁濟濟錢。後來將所趁的錢去份亞鉛的礦業會社，對按呢閣較發達。現今家事倚三百萬箍。 伊常常掛慮母校欠缺所費通設理化學，到這幫就順機會慷慨將伊的財產三份獻一份來做彼款的路用。 塩見先生今年39歲nā-tiāⁿ，就有這號公益遮大的志氣，就前途的進步毋免卜亦會知。 今反心來想...

[1916-12 台灣教會報 文類-散文 作者-陳添旺/Tân Thiam-ōng]
待身屍風俗 [ Thāi Sin-si Hong-sio̍k ]
待身屍風俗 (陳添旺記)。 1916.12，no.381，pp.6-7 前有寫幾字印佇教會報是簡簡nā-tiāⁿ，(看10月5面)。有人愛知較詳細，所以閣備辦來參考。我是對細漢序大人得著道理，無啥知影，是請教幾若的老人較知。逐所在的無相同。今所寫的若有錯，抑是無夠額，請相指示也寫來補足。雖是舊的咱無用也是有利益。一項通知無信道理的艱苦；閣一項通知in的失迷，紲用in失迷的所在報in知，予in知毋著艱苦，來反悔改變。 人未死有先備辦吩咐伊的囝孫著共伊開魂路，抑是開火光，就是超度做功德。按呢看伊，俗人氣斷逐項欠，閣異端，譴損，驚惶講袂了。死落緊用一塊石頭予伊做枕頭，意思講會保庇囝孫頭殼tī...

[1916-12 台灣教會報 文類-散文 作者--/-]
歐洲戰事 [ Au-chiu Chiàn-sū ]
歐洲戰事。 1916.12，no.381，pp.9-10 近來有幾若个台灣朋友對我講，德國的皇帝咒誓講伊這霎愛講和，毋過英國免講伊猶原著出力佮in相刣。這句卻通講是有影。今來想現時英國佮其餘遐的聯合國毋肯講和是為著甚物因端。 代先想德國現時愛和是啥事？是因為這幾月日的中間伊嶄然大輸。佇1914年7月尾彼霎德國啥事出頭插奧國佮Sek-ní-î這層事，紲勉強通歐洲列國著相刣？是因為伊向望快快贏法佮俄羅，到尾會贏英國。德愛管通歐洲，所以破壞協約去拍白耳義。若毋是這个代誌檢采英國攏無份佇現時的交戰。德，英，法，俄佮別國攏有立約頓印欲看顧白國，予伊自主。到時德背約，愛過白的土地來去拍法。英守約所以...

[1917-3 台灣教會報 文類-散文 作者--/-]
酒精 [ Chiú-cheng ]
酒精1917.03 384卷 p.8-9百姓社會ê幸福是在tī身軀，精神kap品德ê培養。愛百姓興旺著減少破病、貧窮、無覺、犯罪種種。 論破病。病毒有真濟款，食酒ê人較無hit 個抵抗ê力，就較快染著破病。Tī 英國有真濟病院。Bat toà倫敦病院20冬久ê醫生，不止出名--ê講：「Hit 個病院年年所有ê 病人每100人有70人破病是為著酒精。」伊koh講：「我 m̄ 是講hit 70人是醉漢。」可見伊所講--ê若是實，就英國ê病院10間ê 7間是 m̄ 免，thang用hit 個費用來贊成國ê別項事，也thang免hiah ê人ê艱苦。 Tī 1903年有一間大間ê醫館，hiah-ê 帶...

[1917-4 台灣教會報 文類-散文 作者--/-]
酒精 [ Chiú-cheng ]
酒精1917.04 385卷 p.9-10II幾若十年前一位醫生寫批hō͘ 伊ê 朋友講：「你若beh食淡薄酒，著認這個物是奢侈，也著出hit 個價值。較常hit個價值是淡薄失落健康，抑是智慧，抑是好性情hit號。」伊所講--ê今過濟濟試驗thang知是有影。酒àn怎樣無利益身軀，頂月也有講。iáu有幾若項thang想。Tī 西國有真濟生命保險會社；看in ê總計就知禁酒家比無禁--ê平均有較長歲壽，koh有ê 准禁酒ê人出保險料比無禁酒--ê較少。不但án-ni；賣酒ê商業家in beh去保險，所著納--ê錢比別人較重，又koh保險會社有ê m̄ 收--伊。Che是因為in死亡ê數額比別人較...

[1917-5 台灣教會報 文類-散文 作者--/-]
酒精 [ Chiú-cheng ]
酒精1917.05 386卷 p.9-10III論品德，差不多 m̄ 免講。咱大家知醉漢--ê 愛變憨、相扑、開錢、m̄ 愛做工。Tī 英國有一個官做辯護士40年，做判官10年久，tī 1909年伊講本國每100個定罪ê人90個是為著酒ê害才犯著國法。 百姓ê貧窮濟濟也是對酒。近來俄羅斯所經過ê事大家káⁿ知。本然in ê百姓真濟 m̄ bat字，做工艱苦，天氣寒，只有一項thang hō͘ in歡喜，就是去酒店鬧熱ê所在食酒，那食那愛食，所以真oh改良。In ê酒號做vodka。十外年前政府得著專賣權，總是皇帝bat講用hit號hō͘ 百姓受害ê代誌來hō͘ 國家長錢是無合宜。後--來起交戰...

[1917-8 台灣教會報 文類-散文 作者-楊連福/Iûⁿ Liân-hok]
戇湯 [ Gōng Thng ]
戇湯1917.08 389卷 p.7-11(楊連福半譯)。酒最害就是古早kap現今ê人所明知。現今ê人逐個會曉鴉片做害，會hō͘人傾家蕩產，會hō͘ 人ê人格趨下。看鴉片做囚仇物kap毒藥相同。殊不知酒ê做害kap鴉片不輸上下。現時人叫酒做戇湯，無 m̄ 是知人若食酒，雖然能達，iáu-kú hō͘ 酒性壓制ê時就變成愚蠢，無廉恥，粗俗，所以才號酒做憨酒。M̄-kú人teh叫伊做戇湯，反轉常常kap戇湯分bē離。若是án-ni 敢是酒teh憨，愚見扑算是人憨。因為酒若是戇湯，就食ê人的確是憨人。 今為著酒ê事，照鄙人所知kap對別位所得著ê大略寄幾句tī 下底，向望看著ê君子無棄嫌來相kap斟...

[1917-9 台灣教會報 文類-散文 作者--/-]
菸害 [ Hun-hāi ]
菸害1917.09 390卷 p.7-9I.菸ê款式。 1.菸ê來歷。西班牙ê gâu人科倫布，chhē 著亞美利加州ê 時，才起頭看著hit款ê物。Hit所在ê生番有teh食菸。Koh無偌久，有一個英國ê大臣去hia，續帶兩項ê物倒轉，就是菸kap蕃薯。今這兩項款ê厲害是大各樣。菸是第一陷害人；蕃薯是第一利益人。生番本然扑算食菸是會醫好人ê病，到路尾就知食菸是hō͘ 人ê病較傷重，可惜文明國ê百姓，去趁野蠻人ê歹風俗，致到萬國ê人大半已經入這個羅網。 2.菸ê食法。( 1 ) 用suh--ê:是平常ê法度。 ( 2 ) 用食--ê:是親像台灣人食檳榔ê款；che是第一粗俗ê法度。( 3 ) ...

[1918-1 台灣教會報 文類-散文 作者-偕叡廉/Kai Jōe-liâm]
眠夢 [ Bîn-bāng ]
眠夢1918.01 394卷 p.6人暝時睏常常愛夢--見。有時所夢見ê 不止心適，也有時實在hō͘人thang驚。有人扑算人會眠夢是因為靈魂離開身軀，四界去旅行，kiám-chhái 去到遠遠外國ê 所在。所以人teh 睏m̄ thang雄雄kā 伊扑醒，驚了靈魂倒來chhoē 無人。今人會眠夢m̄ 是因為án-ni。咱ê 靈魂其實攏無離開身軀；若有，咱的確死。咱睏落眠ê 時較罕得夢--見。第一常夢是眯--去，抑是抵beh精神ê 時。 Koh 再咱若大煩惱，抑是大歡喜，抑是身軀較無快活，也會較捷夢見。這是因為咱ê 肉體佮咱ê 心神有相聯絡ê 所在tī--teh 。 譬喻一個人teh 睏，也伊...

[1918-1 台灣教會報 文類-散文 作者-戴仁壽/Tè Jîn-siū]
台南病院 [ Tâi-lâm Pīⁿ-īⁿ ]
台南病院1918.01 394卷 p.12(戴仁壽記。)前--月日有講咱台南醫館ê學生煞工 m̄ koh做。阮beh趁這個機會設新ê法度。醫生館算m̄是醫學校。人若beh做醫生著經過政府ê醫學校。總是咱有好機會thang教看護婦。也這號ê工較合tī婦人人，in ê款式是較慈心，較斟酌看護病人。後來阮beh將台南看護婦，做看護患者，男女攏有，親像日本抑是英國相像 ê法度。向望祖家ê宣教師會派1、2個看護婦來鬥設一間看護學校。Hit-tia̍p beh先教看護學，親像記所備辦hit本冊「內外科看護學」。 這本是用白話字來印； 內面m̄ 若講起看護學、解剖學、生理學，普通ê醫學也有記teh。讀差不多...

[1918-5 台灣教會報 文類-散文 作者-朱姑娘/Chu Ko͘-niû]
乞丐 [ Khit-chia̍h ]
乞食1918.05 398卷 p.4(朱姑娘譯。)有一個外國人toà tī 中國，某一日有聽見扑門聲，差伊ê 煮食去看是甚物人。煮食kā 伊講：「是一個求乞ê 人，講是beh 餓死，愛kā 你討物，我thang hō͘伊抑m̄ -thang?」頭家講：「Thang啊！你今仔日有做麵包，提一磅hō͘伊。」煮食應伊講：「M̄-kú人食這號麵包m̄ 慣勢，kiám-chhái m̄ 食，伊較愛食飯。」頭家講：「總是我罕得食飯，所以這陣不便，無thang hō͘伊。伊若beh 餓死就穩當愛食麵包來止饑。」 煮食ê 就提一塊麵包hō͘伊；若是 hit個乞食kā 伊看，kā 伊鼻鼻--咧，就hiat-ka...