[1930-8 台灣教會報 文類-傳記 作者--/-]
郭Sò͘-ngô͘小傳 [ Koeh Sò͘-ngô͘ Sió-toān ]
郭素娥小傳1930.08 545卷 p.10
郭素娥就是草屯貴堂會郭朝成牧師的大令嬡，今年19歲。3月尾佇咱台南長老教女學校卒業，倒去厝--裡順孝伊的父母，友愛伊的小弟、小妹只有3月日久若定。對破病到臨終頭尾11日，佇祈禱中歸天。今e晝是禮拜日，學校接著1張端書，報郭素娥佇新曆17號過往，攏猶未捌聽見有破病，忽然聽見按呢，袂免得真gông-ngia̍h閣真同情伊的父母，相佮傷心流目屎--ah！平時閣是身體健康，有青年的氣慨，親像草木當茂盛teh-beh puh芛的氣象一樣，無扑算的中間聽見這號消息，袂禁得攑筆寫淡薄來歷予列位朋友知，有通予咱想出新進行的行為，信仰、理想也kú敢。1.論伊的生成...
|
 |
[1930-9 台灣教會報 文類-小說 作者--/-]
母囝攏認錯 [ Bó-kiáⁿ lóng jīn chhò ]
母囝攏認錯1930年9月546卷p.8-9
梅蘭的老母提1塊布，想欲共in查某子梅蘭鉸衫褲；總--是佇遐無鉸刀，就叫梅蘭趕緊將鞋kám仔的鉸刀攑--來。梅蘭做伊恬恬，若親像無聽見一樣。老母就閣叫講：「梅蘭--ah！你有聽--見無？趕緊攑鉸刀來予--我。」梅蘭照舊毋振毋動，家己專心做伊teh 畫伊的圖畫。老母受氣了！閣叫講：「梅蘭--ah！你無聽見--mah？叫你共我攑鉸刀，且放下你的圖畫，趕緊去攑，按怎教攏袂振袂動--ah ！」梅蘭照舊無去攑，若親像無代誌的款，做伊蹛遐畫。老母大受氣，走到梅蘭的面前，就對梅蘭的手 ńg khiú teh，講：「趕緊去共我攑。」梅蘭驚一下，攑頭對伊的老母看看-...
|
|
[1931-3 台灣教會報 文類-詩 作者-蔡培火/Chhoà Poê-hoé]
基督教青年歌 [ Ki-tok-kàu Chheng-liân Koa ]
基督教青年歌
1931.03 第552卷 p.4
(蔡培火)
Key C.
1.西方救星出現，東爿博士發見，
人若目金看會出，即時得救免死滅，
耶穌正是救世主，地上天國伊建設，
水若清魚就現，慾念死信心堅，
基督青年好朋友，福音宣傳著向前，
基督青年好朋友，福音宣傳著向前。
2.春風動、樹開花、聖靈降、人悔罪，
咱若會通家己救，冬天礁樹攏開花，
記得早前五旬節，靈光發現親像火，
主的杯、咱的血，同一體，相交陪，
基督青年好朋友，永遠佇主相聚會，
基督青年好朋友，永遠佇主相聚會。
3.天頂日光月明、地面花紅草綠，
上帝特別施恩典，予咱佮伊同模型，
遍地江山...
|
|
[1931-3 台灣教會報 文類-散文 作者-陳明清/Tân Bêng-chheng]
論猶太人 [ Lūn Iû-thài lâng ]
論猶太人陳明清1931.03, no. 552, pp. 9-10 （接2月10面）3. 異邦人的金銀財寶，佇猶太人受懇著的路尾，欲予猶太人討倒轉。 （以賽亞60:6-10, 33:1）。現時teh轉去巴勒斯坦的猶太人，in毋是空手轉去，大家攏有帶in的金銀寶貝轉去。 現時世界所有的好額人，較濟是猶太人。 閣咱也有聽見講：歐洲大戰的時，濟濟國有tuì猶太人來借錢。 閣現時歐洲遮的國的中間，teh借人大注錢的人，較濟也是猶太人。 會社的株券大多數攏歸佇猶太人的手。 閣遮的國的大生理場，亦是銀行撩是受猶太人的管轄較濟。4. 猶太人欲得著呵咾。 （西番亞3:19, 20）。5. 猶太人的數額，佇受懇...
|
|
[1931-4 台灣教會報 文類-散文 作者--/-]
普天下孤單一個 [ Phó͘ thiⁿ-ē Ko͘-toaⁿ chi̍t-ê ]
普天下孤單一個佚名1931.04, no. 553, pp. 8 新疆是中國18省外的大省，tú佇亞西亞的中心。 佇遐罕罕得有人teh傳福音。 佇這幾年來有三個姑娘四界去佇遐傳。 這擺到一所在全全是回回教；聽人講有一個人teh信耶穌；無偌久伊有來找姑娘，共in講："我做囝仔的時有一位宣教師tuì阮遐經過。我toè伊行行看看，tuì按呢我聽著基督的消息。 到別日我去佇埠頭入學，抵著是伊所toà的所在。 我彼時決意欲做基督徒。 起頭我猶原去赴禮拜時（就是回回教）的禮拜式；親人雖然知我teh聽道理，猶久無甚麼攪擾我。 到後來我明白知無佮舊的衫割離bē做得，就一日，回回教的禮拜煞，我起來，行咧佇A-h...
|
|
[1931-5 台灣教會報 文類-詩 作者-許水露/Khó͘ Chuí-lō͘]
基督的兵 [ Ki-tok ê Peng ]
基督的兵
1931.05 第554卷 p.4
(許水露)
Key BÞ.
這首的詩調，就是借讚美歌下篇217首的調。
1.號頭著大霆求主來幫贊，
對敵已經近前欲害咱，
戰旗攑--起-來，用信做籐牌，
身軀整齊向前佮伊刣，
Chorus
Ti-tah，ti-tah，號頭teh大霆lah
對敵刣輸四散teh走lah
Ti-tah，ti-tah，著齊唱和撒那
呵咾主耶穌贊咱好膽
2.向前著向前好膽直向前，
受主揀選勇敢的兵丁，
今日teh艱苦，明日teh得勝，
感謝救主賜咱大太平。
3.懇求主耶穌贊咱好膽戰，
暝日為主phoe命無嫌siān，
...
|
|
[1931-7 台灣教會報 文類-詩 作者-鄭溪泮/Tēⁿ Ke-phòan]
青年會歌 [ Chheng-liân-hoē-koa ]
青年會歌
1931.07 第556卷 p.5
(鄭溪泮做)
Doh = C 3/4 用愛情佮輕快
1.佇主山邊，我心hiahⁿ醒，
宛然若靜水邊；
花木茂盛，青翠長年，
鳥隻吟詩歡喜。
有主男女，青年揚聲，
天吟地和，團體結成，
報傳：靈、智、德、體齊備，
為主，為我佮你。
2.青年男女，聲音齊吟，
和諧山懸海深；
佮主結連相疼無盡，
靈魂，智慧日新。
天國智慧，活命本源，
迫切懇求，主賜完全，
深知世界奧妙無盡，
為主，為咱島民。
3.德行對主聖潔完成，
身體平安勇健，
協力同心，顯出相疼，
那久那好名聲。
願咱逐家，心同一體，
...
|
|
[1931-7 台灣教會報 文類-散文 作者-劉良泰/Lâu Liông-thài]
李Hok-sêng君 [ Lí Hok-sêng kun ]
李Hok-sêng君劉良泰1931.07, no. 556, pp. 10 李Hok-sêng過身啦。 捌伊的人，聽著無毋傷心。君tuì出世就無見著老父的面。 自幼艱苦。 老母共人煮，伊有佮伊的阿伯toà。 真得人疼。君5，6歲的時，就會顧豬、顧牛。 也7，8歲的時，有來禮拜一擺。 到13歲chiah入公學。 彼時有續來讀主日學。 連鞭會讀聖經，也會看羅馬字批。君佇學校真勉強，佇厝內骨力。 有鬥幫贊煮食，也會做生理。 捌一擺佇熱熱的時，一日賺有60园。公學卒業了，就佇關廟佮公醫toà，做調劑兩年久。 總是嫌無通禮拜，就去台南學裁縫。 倒來厝裡年外，正式做李清標長老的長男，soà結婚。 佇這霎有...
|
|
[1931-8 台灣教會報/芥菜子 文類-傳記 作者-吳萬生/Gô͘ Bān-seng]
旗後莊Hoat長老小傳 [ Kî-āu Chng Hoat Tiúⁿ-ló Sió-toān ]
旗後莊Hoat長老的小傳吳萬生1931.08, no. 557 (KCC, no. 67), pp. 12-13 Hoat長老tuì我捌伊到今知影以前伊來聽道理已徛30年啦。 前teh聽道理是奉行故事，雙腳踏雙船，上帝也好，王爺，媽祖也是好，Pi-lia̍t好，基督嘛好；有時來禮拜，有時出去燒香，身軀為著致病，艱難過日，所以有食鴨片來減輕艱苦，有時受苦勸就減食淡薄。 到這成十年來就嶄然解換，續一時就按呢決心毋食，這敢毋是基督的大氣力，大權能麼？ 我信是基督的疼teh催逼伊的心，若無是bē hiah緊解，因為伊的病症是ná久ná傷重，猶久外身予伊艱苦，刻己來toè基督的腳步。 雖然身軀真衰lám...
|
|
[1932-2 台灣教會報 文類-散文 作者--/-]
誠實 [ Sêng-sit ]
誠實
陳--氏碧鳳
1932.02, no. 563, pp. 5（這篇是本人佇嘉義基督教青年會例會的講演）。
誠實，是現代青年所-要緊；另外老人teh看咱青年，是用這个誠實做標準。
咱若聽著人teh講：某青年是誠實，某女子是可取，敢無歡喜麼？
因為誠實的人予咱真會信賴--得；毋旦按呢，閣予咱會誠實，是真好啦！
愛講濟濟；可惜因為今日的環境，無啥順事，精神bē統一。 所想淡薄來相勉勵。 遮講兩項就好。
1. 誠實是敬虔。 誠實的人佇上帝的面前會顯出敬虔的意思。 這款，毋是法利賽人的敬虔。 佇"佮上帝同行的一日"有一暫...
|
|
[1932-3 台灣教會報 文類-散文 作者-李傳/Lí Thoân]
宗教佮音樂 [ Chong-kàu kap Im-ga̍k ]
宗教佮音樂李傳1932.03, no. 564, pp. 8-9 音樂是甚麼？ 音樂就是tuì聲音來生出快感得通歡喜快樂，he叫做音樂。換話來講：有人欲想這號音樂是一種的娛樂機關若定，he實在真大錯誤。 毋過若是有影予這款講音樂娛樂機關若定的人來想，彼个時代通講是音樂藝術墮落的時代啦。 若是彼个時代的音樂者佮聽者，只有干單予in所生出的快感來醉，閣soà滿足he實在是夠額墮落的時代。 若是親像這款的時代，音樂毋知失落偌濟偉大的力佮職份啊？所以佇下面咱愛小可來相佮想，音樂有甚麼職份佮力啊。論音樂愛研究彼个始原，he是boē hiah快的事，照咱所知，音樂tuì起頭就有一款的職份，he就是teh表...
|
|
[1932-4 台灣教會報 文類-散文 作者-李傳/Lí Thoân]
宗教佮音樂 [ Chong-kàu kap Im-ga̍k ]
宗教佮音樂李傳1932.04, no. 565, pp. 3-4 （接前號）咱對家己的經驗，有時若聽著好的音樂的感動力偌大啊！咱對聽好的聲音，致到來流目屎抑是反悔，這款的例毋是一兩擺若定。 佇雙面來看，這个音樂的力是予宗教佮音樂通結聯的緣啦。 所以tuì歷史tek來看，原來宗教佮音樂是相牽手來發達--的，親像希臘，抑是希伯來，抑是初代，到中世的基督教國，抑是東洋的各國，博敢亦是按呢。 若是音樂tuì宗教來獨立彼个宗教儀式，通講是小部分，亦無過頭。對這个結局，音樂就是宗教tek禮拜最有效的藝術的事。 咱大家無意思中攏有經驗的事啦。 就是咱欲對全能的上帝有彼款信心，抑是求念所出的宗教禮拜。 通講就...
|
|
[1932-5 台灣教會報 文類-散文 作者-馬大闢/Má Tāi-pit]
新船進水 [ Sin-chûn chìn-chuí ]
新船進水馬大闢1932.05, no. 566, pp. 5 這擺新的船，就是教會公報，有開帆欲行佇社會的海裡。 佇伊的頭前有濟濟 猶boē抵著的海湧真濟問題。 伊teh出港的時，咱大家未免得搭手送伊去。咱講是新的船，總是其實毋是抵抵按呢。 坐這个船的人算是不止有經驗。 佇大會內猶原有真濟人tuì經驗，tuì研究，了解冊房的事。 彼个船毋是空空teh行 － 猶原有載物tī-teh。 有印刷的器具，夠額通用-猶原有冊真濟。 咱的希望，就是這个教會公報欲得著上帝的恩賜，致到tuì基督教的教育 － tuì報揚教會的消息佮問題，逐方面欲做真有路用的器具，欲做教會團結的機關。
...
|
|
[1932-6 台灣教會報 文類-散文 作者-王守勇/Ông Siú-ióng]
恁有聽見伊來 [ Lín ū thiaⁿ-kìⁿ i lâi ]
恁有聽見伊來王守勇1932.06, no. 567, pp. 1-3 這句"恁有聽見伊來"的話是記載佇約翰一書第四章第3節，teh代表假的神的名詞，因為有濟濟假先知出來日佇世間，現在伊也佇世間。 咱知假的先知逐時代攏有，就佇現今也是有彼款的人，自稱耶和華的證者，teh傳假的道理。 佇舊年有人過來台灣賣宗教的冊，佬的信徒濟濟人共伊買。 後來一下詳細看，chiah知是teh破壞咱的信仰的冊。 這幫閣過來，毋限定 teh賣冊，soà佇逐所在teh講演"基督教文明的崩壞"。 這不過是teh騙遐的毋捌的若定，若是tuì捌的人來看，實在是好笑若定。 In的宣傳是自稱耶和華的眾者，攏無講起in是甚麼教。 I...
|
|
[1932-7 台灣教會報 文類-散文 作者--/-]
山佮水 [ Soaⁿ kap Chuí ]
山佮水佚名1932.07, no. 568, pp. 1 夏天日頭，光明無比；山頂，海面，真有人氣。 古早猶未開化的百姓，徛起海墘佮山坑，現時亦是按呢。上帝恩典極大，不論海口、山間，涼風活氣通透。 今仔日文化生活，漸漸teh進步；總是濟濟人teh倒轉去行早時原始生活的舊路。 咱知近來人起厝ná工夫，不止堅固，致到阻擋空氣流通的路。 按呢文化的厝宅，亦是毋值著山間、海墘自然的徛起。早前耶穌佇世間的時，山頂、海邊伊常去，若毋是傳道理，就是愛閃避攪擾的街市，佇遐通佮上帝徛起。 後代熱心信徒有按呢tè伊，實在通歡喜。熱天，島內男女青年欲叨去？ 濟濟無毋是欲去山頂抑是海墘。 佇遐通得新鮮空氣，來培養元氣...
|
|
[1932-7 台灣教會報 文類-散文 作者-楊註/Iûⁿ Chù]
論成聖 [ Lūn Chiâⁿ-sèng ]
論成聖傳道師，劉其水講--的編輯部員，楊註譯--的1932.07, no. 568, pp. 16-17 成聖是啥貨，就是聖人成佛，得道，聖徒，清氣相，毋過真oh。 儒教的冊講，"聖人亦是有過失"。 佛是知捌若定。 干單耶穌成聖：主講，"上帝好若定，看見我，就是看見上帝。" 伊自然成聖（約翰1:9-18)。 所以：-1. 耶穌本然成聖（翰1:9-18)。 2. 耶穌吩咐學生，著放sak心中的心，著齊全好，親像天父（馬太5:48)。 3. 保羅講，"心中的罪惡著佮主相合埋" （羅6:6)。 今欲將基督教的歷史，聖經所注意的，講兩點：-1. 上帝的恩典佮人的信仰。 2. 成聖佇世間的實現程度到叨位...
|
|
[1932-8 台灣教會報 文類-傳記 作者-蘇育才/So͘ Io̍k-châi]
小傳陳乞食長老 [ Sió-toān Tân Khit-chia̍h Tiúⁿ-ló ]
小傳 陳乞食長老1932.08 569卷 p.6-7(屏東：蘇育才)陳長老是屏東歸來庄的人。佇少年就失落父母的栽培；總--是勤勉經營來起家；佇in庄--裡的人，看伊做有名望的人。為著伊來拜上帝，庄民對伊講，前看你做大頭拇，今就看你做尾指仔的人。陳長老真歡喜承受這號凌辱的話。閣有1擺庄民招集幾10人扛1頂輦轎關予伊起輦；有的 攑火把，有的喝咻，直直欲去lòng歹伊的厝，入去佇in廳--裡，亂亂chông；陳長老用溫柔的聲共in 講：「恁著細膩，若火燒厝就歹勢；對按呢輦轎煞袂 hián，大家退走。」對伊的做人雖罔一時受凌辱，後來庄民猶原真尊敬伊；路尾眾人揀伊當保正幾若任。這是伊信主對外的成功。 佇...
|
|
[1932-8 台灣教會報 文類-散文 作者--/-]
受調出故鄉 [ Siū-tiàu chhut kò͘-hiong ]
受調出故鄉K. J. C.1932.08, no. 569, pp. 13-14 1. 對信，亞伯拉罕受召的時，就順命令出去。 這個亞伯拉罕遮呢理想的人物，敢有實在聖？考古學家有找著B. C. 2200漢摩拉比王的公的時代的契約書裡，有亞伯蘭的名tī-teh。 按呢亞伯蘭敢有實在啦！ 伊受召出故鄉，伊的故鄉是偶像的國。 無論珥城抑是哈蘭，攏是服事月做in的神明。2. 著出本所在！ 欲純粹保存上帝的真智識，著離開異教tek的環境。 耶穌teh著伊的學生求，毋是欲予in出世間，毋過láu有一面通講也是佮世間分離。 你欲順上帝的命令，著出你的所在，來行信的路，欲按呢著有佮故鄉親戚，親人絕斷的勇敢。3...
|
|
[1932-8 台灣教會報 文類-散文 作者-陳川芎/Tân Chhoan-kiong]
真佮假 [ Chin kap Ké ]
真佮假陳--氏川芎1932.08, no. 569, pp. 14-15 我看世間的物，逐項有真假。 今欲講的，就是人的真假。頭一項是假.1. 面前的假做。 咱濟濟青年兄姊，出佇社會teh活動，經營事業；有食頭路--的，也有佇學校中teh勉強--的，各人盡in的義務。 若是有一款的青年，佇主人的面前，抑是佇先生的面前，親像聖人；總是佇無人看著的中間，無惡不做。 俗語講：（賊仔假聖人）；我講這款是面前的假做。2. 資格的假做。 列位青年兄姊，咱做基督徒，就是天父的囝，咱的資格boē通濫用。 可比來講：有一個皇帝，伊的囝就是歹子，in老父所設的法律若犯著，伊毋旦予in老父的法律boē通予人驚畏，也...
|
|
[1933-10 台灣教會公報 文類-散文 作者-洪拓/Âng Thuh]
喪喜事改良 [ Song Hí-sū Kái-liông ]
喪喜事改良
(清水：洪拓)。
1933.10 (583卷) P.17-18
現時社會逐方面攏有咧改良，換新。咱做基督徒，的確毋通綴社會的尾後，因為咱是社會的光燈，有chhoā眾人類向上的責任佇咧。所以見若關係社會的歹風俗，無合道理的 ，咱著好膽改良。
論喪喜事，有濟濟所在改良了，不止理想。總是猶有人無啥物贊成。照我的愚見，寫幾句佇下面予大家做參考：─
1.喜事
1.毋通做餅分予人，因為分餅予人，就是咧共人討添妝。若是有人來賀禮的，過了才拍算。較好，親戚以外毋免。
2.聘金毋免講偌濟，由在伊來，出在咱去。較好，衣裳嫁妝毋通做傷濟，因為布類，服裝，逐年...
|
|
|
|
影像
