[1934-11 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934. 11，no. 596，pp. 9 Tōng-ki (動機)：佇心內代先所咧想的念頭來振動人去做某項代誌，叫做動機。對國語的dōki來，就是英語的motive。文例：你的動機是真好。( = Anata no dōki wa taihen kekko desu。= Yo͘ have acted from worthy motive)。小小可可的代誌，會變成國際戰爭的動機。(= Chotto shita koto de kokusai senso no dōki ni naru koto ga aru。= A mere incident may c...

[1934-11 台灣教會公報 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 (偕叡廉) 1934.11，no.596，pp.22-23 (1)佇印度Kashimis省有一間基督教的中學校。四十年前，生徒咧讀冊的時，有聽見一个婦人人佇外面出聲咧哮。學生對窗仔門看見一个少年人，將跤直直踢這个婦人人。外面看的人講，無啥代誌，是Ram Chand 咧踢in老母若定。小可事。 現時怎樣？現時對年頭到年尾，遮的學生的後裔，囝佮查某囝，時時出去外面幫贊，照顧，養飼，艱苦，予人暴辱的婦人人；予in食，予in穿；攏是用仁愛來款待。猶久遮的學生的囝兒家己是散赤的駛船人。怎樣欲按呢？In有得著主的疼痛，in順命令，也疼痛別人親像家己。 (2) 西班牙，就是天主教...

[1934-11 台灣教會公報 文類-散文 作者-林茂生/Lîm Bō͘-seng]
附錄：英台俗語對照 [ Hū-lio̍k: Eng Tâi Sio̍k-gú Tuì-chiàu ]
附錄：英台俗語對照 (林茂生) 1934. 11，no. 596，pp. 10 頭序：一句話淺淺現現鬥句鬥句來講破人情事理的奧妙，這叫做「俗語」。不論佗一國，佗一所在，都有俗語咧流通。上第一心適--的，就是英國的俗語的中間，也有濟濟有佮台灣的俗語相同--的：有的是全然siāng意思，有的是暗合。這是咧證明這兩所在的人情事理猶原有相同的所在。今我佇遮有聚集淡薄，來做這个「新台灣話」欄的「附錄」，予列位做參考；若有翻毋著，也求列位指教。 All is well that ends well。(這句俗語是對Shakespeare的一个戲齣的名來--的。意思是講，煞尾若好，就萬事攏好)...

[1934-11 台灣教會公報 文類-散文 作者-劉振芳/Lâu Chín-hong]
我的熱望 [ Goá ê jia̍t-bōng ]
我的熱望 (在北美：劉振芳) 1934. 11，no. 596，pp. 4-5 中國聖賢所講，「人生70古來稀。」抑是「70而不惑。」這無毋是咧形容彼个稀罕，佮時間相當的久。猶過檢采有人欲想，對佇個人有限的生涯來看是長，毋過對佇無限的教會，國家的歷史來講，70年是過去的昨暮日。 雖然是按呢，佇這个過去的七十年，代先對世界形勢的大觀上來看，也是不止有非常的變遷！科學的發明，發見。機器，物質文明更異tek的進步。國家國運的推移，社會團體，階級多角形的變化。是歷史的，文獻的所咧證明。 佇這中間，閣一面越倒轉來看咱台灣基督教史按怎？七十年前英國母會，派有信仰，前途有為的牧師，姑娘...

[1934-11 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接10月第3面) (賴仁聲) 1934. 11，no. 596，pp. 5-6 (3)對聖潔教會。論聖潔教會佮咱，是比天主教，佮真耶穌教較有相通的點。總是有2，3項，咱大家較無愛--的。(1)傳予未信者是好。伊不論到佗位，毋若台灣，別位也是按呢。有傳予已經信的人，來拍亂人的信。(2)對已經受洗禮的人閣共人行洗禮。(3)排列神癒做得救的一要件。這3點，我佇聖潔會做工的時，也是真共in反對。有人講我去聖潔會有閣領洗禮，彼是絕對無影的事實。因為我掠人閣領洗禮，是忽略上帝三位一體的聖恩，家己藐視以前對主所受贖回的功勞；閣也是家己證明前的反悔是白賊。以上這3...

[1934-11 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第5面) IV. 舊約書的背景 1934. 11，no. 596，pp. 6-8 3. 受希利尼人的影響 佇B. C. 第4世紀，亞力山大對馬其頓的一角興起，紲收入當時世界的大帝國波斯的大版圖 (B. C. 332)。伊對佇伊所佔領的地，有用巧妙的政策；對按呢希利尼的文化普及佇逐所在；深入佇逐方面。 猶太人對受掠以後，四散徛起佇埃及的各地方。這霎散散踮佇地中海的沿岸；其中亞歷山大，倚有25萬人佇遐徛起。In在來有漸漸棄拺家己國語，總是對希臘文化的進入，紲漸漸用希利尼的俗語，風俗也受不止大的影響。 Taⁿ這擺的影響實在無較輸第1所講「...

[1934-11 台灣教會公報/芥菜子 文類-散文 作者-郭水龍/Keh Chuí-lêng]
哭春美 [ Khàu Chhun-bí ]
哭春美 (郭水龍) 1934. 11，no. 596，pp. 29-30 我所疼的春美，你是老母孤生的囝，你母守節，盡心栽培你，到台南女學卒業了，奉職佇新營幼稚園，盡你的義務做工。1933年8月，對高雄恁四舅張任貴先生紹介，我探聽蘇楊--氏謙美執事，照伊證明，佮你4年做同窗，四德齊備，恬靜，溫純，好性情，gâu疼人，做工敏捷有次序，盡力贊成，是真好。 今年正月佇新店結婚，一禮拜久就來屏東。6月16日倒轉來台北，佇台北病院就醫。7月去樂山園thái-ko病院轉地療養，對家庭的序大人有孝，gâu順趁，對大細照禮數平和過日。10月6日佮大細相辭，歡喜就車去屏東。10月13日早起4點鐘...

[1934-11 台灣教會公報 文類-散文 作者--/-]
刣贏亞瑪力 [ Thâi-iâⁿ A-má-le̍k ]
刣贏亞瑪力 (出17：11-13) (I. S. I. ) 1934。11，no。596，pp。11-12 以色列百姓對出埃及了後，有拄著幾若款的艱苦。有時喙焦，無水通啉；腹肚枵，無物通食。遮的艱苦，上帝攏有設法幫贊in。總是做第一予in驚惶--的，就是對敵。起頭佇後面有法老的軍兵咧追，到後來佇前面有迦南的本地人咧阻擋。遮的對敵的中間，予in真艱苦--的，就是亞瑪力人。 摩西chhoā百姓佇Lí-hui-thêng佮亞瑪力族交戰。彼時約書亞咧督戰。摩西上山，手若攑懸，以色列人就贏；手若放低，百姓就輸。因為摩西，手若酸，就放低，所以亞倫戶珥徙石予伊坐，紲扶伊的手。對按呢百姓大刣贏亞...

[1934-11 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 (陳鳩水) 1934. 11，no. 596，pp . 12-13 第三章：肺結核佮胸膜炎 甲. 肺結核 (1)症狀 肺結核的症狀，有的是對肺組織的改變，有的是對結核菌的毒素入佇血內。前的症狀，叫做局部--的；後--的，叫做全身--的。 局部症狀 結核菌入體後，所生成的結核，起頭是微細，袂會致病，局部全身攏無症狀。然後結核漸漸大，症狀發現。彼个發病，大概真慢；毋過有急性--的，這是佮慢性--的，有無相同的所在。 結核病的初起佮症狀的發現；彼个款式無相同，有的干焦局部--的，有的全身--的。毋過大多數，局部佮全身的症狀siāng時發出。 咳嗽 ...

[1934-11 台灣教會公報 文類-散文 作者-康佳音/Khng Ka-im]
和尚 [ Hoê-siūⁿ ]
和尚 (康佳音) 1934. 11，no. 596，pp. 13-14 1. 我捌一擺佮一个和尚談論道理，我有問伊「和尚」的意思。伊講，「這个是阮出家人的理想，其實無一个人會堪得稱做和尚，只有釋迦摩尼若定。」「Hê」是和合。「Siūⁿ」是至尊至上的神明(至尊至尚)。意思是「和合至大的神明的人，」這是佛家無上的理想。」 基督徒應該著有「和尚」的理想，總是咱理想的解釋，著進一步，就是毋若佮上帝和，純全親像天爸的純全若定；也著報傳救世的真道，來予民生高尚，道德高尚(進而尚化天下)。因為基督教是入世tek宗教，欲拯救萬民。耶穌講，「我毋是求你予in出世間，就是保守in脫離歹--的......

[1934-11 台灣教會公報 文類-小說 作者-王守勇/Ông Siú-ióng]
教話 [ Kàu-oā ]
教話 (王守勇) 1934. 11，no. 596，pp. 14 (2) Phoe命守約束 人為著朋友獻性命，疼無比這个較大(約翰 15：13)。 佇史記有記載講，尾生捌佮一个女子約束，佇彼暗欲橋跤相揣。無拍算，彼暗有落大雨；彼个女子紲無來，總是伊踮佇橋跤直直等，攏毋敢走。閣霎仔久水直直漲懸，起頭淹著跤，後來到跤頭肤，到下腰，也到胸坎；為著毋敢失約，致到攬牢佇橋柱予水浸死；對按呢通知，伊疼彼个女子到怎樣？ 聖冊有表明主耶穌是信徒的新囝婿，伊有約束欲救咱，佇十字架跤欲佮咱相揣，咱攏失約，主為著咱的罪來死佇十字架頂，疼敢猶有比這个較大--的mah？...

[1933-10 台灣教會公報/芥菜子 文類-散文 作者-李水車/Lí Chuí-chhia]
是贏抑是輸 [ Sī iâⁿ á-sī su ]
是贏抑是輸？ 李水車 1933.10 芥菜子 p.26-27 外國某所在有一個博士，常常誇口天下中伊是第一博學的人，不論啥物貨，伊講逐項知，逐項會。有一日拄佇街市的路邊咧開講的時，講天文說地理，聽見的人無毋扑手歡迎伊的博學。拄當彼時有一個真phok-khiat 的少年人，聽見伊談天說地，大聲咧開講，非常的誇口，就擋袂tiâu，爬起來共伊問講，博士先生啊，較失禮咧，因為我拄仔聽見你逐項知，逐項會，實在真感服先生的博學多；試問你一項，你毋知有啥物方法通予世界的海水攏焦抑無？彼時博士咧想，若共伊講無方法，就真見笑，失體面，伊所誇口的博學紲變做矛盾，就應彼个少年人講，欲予世界的海水...

[1934-11 台灣教會公報 文類-散文 作者-許水露/Khó͘ Chuí-lō͘]
孤兒院的開祖梅叡廉 [ Ko͘-jî-īⁿ ê khai-chó͘ Muî Joē-liâm ]
孤兒院的開祖梅叡廉 (ジョージ、ミユーラー) (許水露) (接前號第12面) 1934. 11，no. 596，pp. 14-15 In的集會特別注重聖神的感動。In聚會的形式，較親像祈禱會的款，毋限定司會者家己講若定；就是不論甚物人若受聖神的感動，攏通自由徛起來講，抑是欲chhoā人祈禱，也是好。 伊決心無欲提一定的薪金。因為伊決意萬事欲倚靠上帝，無欲倚靠人。伊不論欲做甚物事，攏代先問上帝的意志，然後才問人的意見來做參考。上帝若指示伊著做的事，雖然頭前有真濟的難關，伊也無忍neh，專靠上帝的大權能，好膽直向前。雖是按呢，伊沓沓拄著魔鬼的刺。捌一擺伊的心內咧想，「雖然佇18...

[1934-11 台灣教會公報 文類-散文 作者-林清廉/Lîm Chheng-liâm]
助成宣道婦的必要 [ Chō͘-sêng Soan-tō-hū ê Pit-iàu ]
助成宣道婦的必要 (林清廉) 1934. 11，no. 596，pp. 25-26 現時咱北部的教會漸漸teh進步，總是慢慢仔行，無甚物大步。咱毋通掠按呢做滿足，著向望閣較大進步興起。照我teh看，若欲予咱的教會較大進步，著養成較濟的宣道婦來鬥做工。若是論牧會，著傳教師；若是欲招人來信道理，猶著宣道婦較有力。 今照我所經驗--的，寫淡薄佇下底：- 我踮玉里4年久，所加添的信者真少，也以前所有的會友攏是別位搬來--的。後來我看鳳林教會有得著一宣道婦 (就是劉--氏幼)來鬥做工，也伊佇鳳林6月日久，就引chhoā幾若家來聽道理。後來伊轉去台東教會做工，也佇台東6月日久，照台東...

[1934-11 台灣教會公報/芥菜子 文類-散文 作者-陳清義/Tân Chheng-gī]
腓力佮太監 [ Hui-le̍k kap Thài-kàm ]
腓力佮太監 (陳清義) 1934. 11，no. 596，pp. 21-22 使徒8章26-40節，讀這幾節的聖經，不止有所敢，就知是個人佈道的事實，就是腓力chhoā太監來歸主。今將in的狀況，對三方面來研究，排列佇下底：- 頭一方面：論腓力 腓力是甚物人，就是使徒所設立7个執事的中間的一个，因為司提反拄著迫害，四散徛起。腓力就去傳道理佇撒馬利亞的頂厝，用撒馬利亞做永遠徛起的所在。後來伊有對Ai-thê-o-pek的太監傳道理，紲共伊領洗禮。按呢腓力算是亞非利加洲佈道的頭一人。因為Ai-thê-o-pek就是亞非利加東北的國，對猶太來看，就是西南爿的港地。咱攏深知腓力算...

[1934-12 台灣教會公報 文類-散文 作者-主筆/Chú-pit]
基督聖誕節 [ Ki-tokSèng-tàncheh ]
基督聖誕節 (主筆) 1934.12，no.597，pp.1-2 天使的傳報 水蒸氣真少的猶太國曠野的暝時，空中清靜，星辰燁燁熾。彼ê昏，加添一層的神祕。遐的咧顧羊的牧者，忽然看著天頂毫光燦爛，就驚到神佛附體。咧驚惶的中間，有天使叫in免ngông-ngia̍h，紲共in講，今仔日基督出世佇大衛的城啦。閣霎仔久就有真濟天軍來佮遐的天使唱歌講：「佇極懸的位，榮光歸佇上帝；地上和平佇伊所歡喜的人的中間。」 無平和的世界 對彼霎了後，經過兩千外年久。雖然科學大發達，會通發見所毋捌的世界，以及透徹濟濟的奧妙；實在彼个文化的精華，是做20世紀大的誇耀。猶久天使所吟「地上和平」有臨...

[1934-12 台灣教會公報/芥菜子 文類-散文 作者-葉金木/Ia̍p Kim-bo̍k]
信的人有神跡綴伊 [ Sìn ê lâng ū sîn-jiah tè i ]
信的人有神跡綴伊 (馬太16章17節) (葉金木) (接11月23面) 1934.12，no.597，pp.24-25 佇4年前，有一位兄弟葉心東先生，佮家內的人攏共15人來信道理，真熱心，總是試煉相紲到。信道理後無久，伊有娶一个新婦生孫，總是有拄著產後熱，非常的危險，有入專門產科病院；照醫生看，是真僫得的病，總是伊佮先生娘暝日懇切祈禱。我佮長執，會友也逐日去替伊祈禱，後來果然得著主的憐憫，來饒伊的活命。後來有一个細漢查某囝2歲，有拄著破病，非常的傷重，照in看，是無向望，葉Sim-tong先生有請我著去替伊祈禱，我有用道理安慰in，講人袂會，上帝無毋會；對彼霎了後，看有淡薄向望...

[1934-12 台灣教會公報 文類-散文 作者--/-]
斗六教會略史 [ Táu-la̍k Kàu-hoē lio̍k-sú ]
斗六教會略史 1934.12 597卷 p. 18 (劉Iú-tēng) (接10月18面) 佇1902年，林育奇先生的時代，得著梅監務牧師，劉萬劍長老，吳鹿長老娘in 3人的錢，劉長老對in內姪女張--氏英，佮in姪仔張添丁買一塊厝地佇斗六堡番社裡。彼塊地叫做溪仔墘，彼塊地大約有3分。佇1903年，登記做「斗六耶穌教會的禮拜堂地。」經過4年久，官廳有欠用一部分，所以斗六衛生會，將舊市場(現時的拜堂地)，1分9釐 5毛5絲，佇1907年2月4日，登記交換。總是賰的額有賣予盧嬰。 佇1911年，黃獻章先生的時代，長執有議定欲起禮拜堂。到隔年，張Tiāu-siông先生的時，...

[1934-12 台灣教會公報 文類-散文 作者--/-]
論教會功業的由來 [ Lūn kàu-hoē kong-gia̍p ê iû-lâi ]
論教會功業的由來 1934.12，no.597，pp.18-19 舊嘉義廳打貓南堡，有姓劉的功業，彼个業主是劉玉公，有土地佇大崙洋。佇大崙庄有劉玉公的派下劉Chhàu-hiàn，劉Lâu-pa̍k佇teh。帝國領台了後，有勘丈到大崙，有查出劉玉公的派下無納大崙洋，崙仔崗的地租，致到官廳有共伊賣。彼時有叫劉萬清著買，總是萬清無愛。若是官廳有再三叫伊買，後來無ta何有共伊買。買了後，有有力者出來假做彼塊土地的相續者，愛欲奪彼塊地。看這个勢面彼款，就佮伊的小弟萬劍參詳。伊的小弟共伊講，若是按呢，將這塊地來獻予斗六教會。萬清有歡喜，就隨時去拜堂揣林育奇先生；in兩人設法彼塊地，佮討予人收--去...

[1934-12 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934.12，no.597，pp.9 To̍k-oá-su (毒瓦斯)：有毒的氣，用做交戰的武器，來予對敵中毒。對國語的dokugasu來，就是英語的poison-gas。民國有用。 To̍k-sin (獨身)：未做客，抑是未娶。對國語的dokushin，就是英語的celibasy。複合名詞，獨身者 ( = dokushin-sha an unmarried person)。民國有用。 Tōng-sán (動產)：Dōsan；movable property。屬佇法律上咧用的話：會得徙所在的財產，親像現金，株券，厝內的傢俬，物件彼款。佮不動...