[1896-3 台南府城教會報 文類-散文 作者--/-]
論請牧師 [ Lūn Chhiáⁿ Bo̍k-su ]
論請牧師1896.03 132 卷 P20-21 (大會ê 紀錄猶未通印佇遮，著後張ê 教會報chiàⁿ beh 印。 Taⁿ 將一項要緊ê 代志先通知恁。 大會有議論請牧師ê 條款，後來託仗幾nā人將所議論定著ê 來記，通回覆Hō͘大會准。 Taⁿ將大會所定著ê條款印佇遮予恁大家知。請逐所在教會ê兄弟姐妹去想，saⁿ-kap求上帝saⁿ-kap鼓舞勉勵；向望無偌久幾nā位ê教會請牧師去toà tī in中間。) 若會得thang 一所在請一个牧師是較好；若無氣力就幾nā位附近ê教會 通合做伙請。總是毋通傷濟位。論所費是定著牧師ê薪金攏著本地教會擔當。薪金自然著較濟傳道先生ê。 在唐山上少...

[1896-5 台南府城教會報 文類-散文 作者--/-]
論Thái-ko [ Lūn Thái-ko ]
論Thái-ko(看利未記 13, 14 章).1896.05 134卷 p.38-39 佇以色列ê百姓ê中間有時有人染著thái-ko ê病；彼號人ê艱苦真正大，比這爿thái-ko ê人敢有較傷重。人拄著這號病身軀就一直爛--去，ûn-ûn仔落手落跤，到身軀攏害，人就死。 這个病也袂醫--得，較gâu ê醫生攏無法得。卻人有時好，總毋是對食藥ê緣故，算是上帝恩典伊，予伊會家己好。又閣一項ê艱苦是thái-ko ê人予上帝看in做無清氣，毋准伊蹛佇別人ê中間，也毋准伊入殿堂祈禱；的確著蹛佇曠野外無人到ê所在。看利未記13:45, 46，見若患著thái-ko--ê著拆裂衫，露現伊ê頭殼，...

[1896-8 台南府城教會報 文類-散文 作者--/-]
論銅蛇 [ Lūn Tâng-choâ ]
論銅蛇(看民 21:4-9, 約翰5:14, 15.)1896.08 137 卷 P62-63 在早以色列ê百姓經過曠野愛到迦南地，路裡ê中間有時真艱苦行，in常常嫌上帝佮摩西。一擺in褻瀆上帝；伊就差毒蛇佇in ê中間傷害百姓，以色列濟濟人死。 In就反悔，求上帝kā in趕蛇。 上帝命令摩西著做毒蛇ê相，掛佇竹篙--裡，受傷ê人看這个就得著活。救主佮尼哥底母講話ê時將這個銅蛇比並伊本身。我想有差不多5項通比並。1.上帝救伊ê百姓無連鞭kā in趕hiah-ê毒蛇，是設一個法度通救in佇毒蛇ê中間。毒蛇猶過佇teh，毋過百姓毋免驚in，因為靠hit-ê銅蛇chiah妥當。 猶原按呢上帝救有...

[1896-12 台南府城教會報 文類-散文 作者--/-]
論讀聖冊 [ Lūn tha̍k Sèng-chheh ]
論讀聖冊(Chhoà Jio̍k-san記--ê)1896.12 141 卷 p.91-92 這一本聖冊親像高山大海，無一項寶貝毋齊備，就若一時一世人也袂ē一盡攏得著做一下會曉。因為按呢，每拜teh讀ê時kan-ta得著所愛講究ê nā-tiāⁿ。所以讀聖冊著分別歸類，逐pang揀一項ê意思來講究，親像上帝ê 疼，上帝ê義，人心ê 歹，魔鬼ê奸巧，專心來講究，莫得生別物意思。親像按呢用功，紲求聖神引chhoā，到用氣力一下久，就連鞭ē曉上帝ê話明明親像kí手掌，上帝ê命令歡喜來順趁；這通講是得著聖冊真ê意思好ê滋味。雖是偶然拄著oh得解說ê句，也著勤勤講究到ē曉，千萬莫得棄sak。起頭ná-...

[1898-11 台南府城教會報 文類-散文 作者--/-]
北京城ê消息 [ Pak-kiaⁿ-siâⁿ ê Siau-sit ]
北京城ê消息1898.11 164 卷 p.83 近來阮有接著北京要緊ê消息，總是猶未通知伊ê詳細。 大概是差不多親像下底；總是這號代誌著真細膩講。前張教會報已經有講起中國beh改換幾nā項ê新法，大家聽了真歡喜，因為前毋捌聽見親像這號ê款。從中有一人不止出力鼓舞這個代誌。伊是廣東省進學ê人姓康名有為。伊卻毋捌去外國，也毋捌外國話，總是有讀人所翻譯ê冊濟濟，也真愛趁西國ê款式來興起本國。伊有去北京chhoē hiah-ê大官，將伊所舉義ê新法排列予in聽。 In有ê紲報皇帝知，皇帝chiàⁿ召伊去見朝，將hiah-ê話講予皇帝聽。聽了真歡喜，呵咾伊ê話真著。總是hiah-ê大官ê中間濟濟毋歡...

[1899-10 台南府城教會報 文類-散文 作者--/-]
過日ê道理 [ Koè-ji̍t ê Tō-lí ]
過日ê道理(潘牧師未過身記--ê.)1899.10 175 卷 p.74-75 聖經講：「應該著常常敬畏耶和華" (箴. 23:17)。」耶和華「就是創造天地萬項物ê主宰獨一真ê上帝。所以咱人ê本份的確著時時存敬愛ê心，愛行上帝所命令，不論出入行做愛聽趁上帝，毋愛犯罪。咱踮世間是無久長，逐人有一擺死，死後著照逐人所行來受審判。佇今--時chiah著保惜光陰，行濟濟好事，備辦死後享受長活ê福氣。Taⁿ來論日過日ê道理。對早起睏起來到ê昏去睏ê事：───1.逐早起睏起來。 Hit時咱著想上帝所賜ê大恩，佇暝時有保護咱ê生命，予咱通過全安無代。因為昨暝beh去睏ê時，有濟濟人安然無事； 毋過到今早...

[1899-10 台南府城教會報 文類-散文 作者--/-]
潘牧師 [ Phoaⁿ Bo̍k-su. ]
潘牧師1899.10 175 卷 p.73-74 舊年三月ê教會報有記講：「Taⁿ咱台南ê教會已經有兩个本地牧師，」就是潘牧師佮劉牧師。 Taⁿ可惜潘牧師已經過往。在八月十一ē晡阮接著電報講伊初10就是拜四ê昏，佇林後過身。 Hit時三禮拜前阮接著消息知伊破病傷重。 宋牧師就落去林後看伊。看了chiah teh想潘先生kiám-chhái ē堪得拖兩三月日久，無辦phoe伊hiah緊就離開世間。論伊ê來歷佮過身ê情形向望別日會得通較詳細記佇教會報。總是佇遮愛講幾句就好。潘Bêng-chu出世佇1865年，本底屬佇Giâm-chêng ê教會。差不多十歲 hit時伊頭一擺聽道理。到十六歲就入大...

[1900-10 台南府城教會報 文類-散文 作者-王培英/Ông Poê-eng]
縛跤ê論(2) [ Pa̍k-kha ê Lūn(2) ]
縛跤ê論1900.10 187卷 p.72-74 II.縛跤ê損害論到縛跤ê損害卻也算袂得了，講袂得盡，taⁿ免詳細，不過大略舉起5項就好：－1.損身體。咱知查某囡仔較常拄仔 3, 4歲á是5, 6歲ê時，伊ê老母，嬸，姆就用跤帛共伊縛跤。當粗粗縛ê時卻小可ân，總是漸縛漸ân，ná縛ná ân，意思是的確beh縛到予伊細細chiah beh放伊煞。當起頭催ân ê時，穩當痛疼難堪，致到查某囡仔伸勻挽頷袂食袂睏得。閣催落去破皮流血，致到查某囡仔啼哭哀叫。又閣chàn落去筋khiû骨折，致到查某囡仔東倒西歪袂行袂走。親像按呢無偌久就將一雙生成媠媠ê跤變做破相ê跤lah。毋-nā按呢，咱知人ê身...

[1900-11 台南府城教會報 文類-散文 作者--/-]
清國戰事 [ Chheng-kok Chiàn-sū ]
清國戰事1900.11 188 卷 p.85-86 現時北京清國ê權柄無一定甚乜人teh掌，親像鬆鬆散散ê款式。論西國in決意beh將皇太后，端親王，佮義和團匪黨首hiah-ê來辦罪。又閣in要緊beh扶助光緒君猶原予伊登極。論到光緒君咱無的確知現今ê蹤跡怎樣。卻有日報teh講西國兵若出北京就光緒君連鞭ē倒去。現時李鴻章佮外國ê欽差teh議和，日報也講中國願賠出銀4,0000,0000。論到土匪刣死教會中外國ê人氏，咱已經知差不多有八十个大人，三十个囡仔ê人命。在地信主ê人也失幾nā千條ê人命。有幾省ê總督究實是做義和團匪ê主。親像山西ê總督用計去引誘幾nā十外國教士佮先生娘，騙in講beh...

[1900-11 台南府城教會報 文類-散文 作者-王培英/Ông Poê-eng]
縛跤ê論(3) [ Pa̍k-kha ê Lūn(3) ]
縛跤ê論1900.11 188卷 p.89-90 4.傷人倫。論到一家ê內面姑嫂協力，tâng-sāi和平，翁某相疼，ka koaⁿ公平，母囝慈孝，這是人倫要緊ê道理。人若無按呢，就是傷著家內ê恩義。Taⁿ對重這號縛跤ê人kiámē免得傷著這幾項ê恩義mah？我拍算斷斷是袂ē。且就母囝一兩項ê恩義來論伊就好。聖人講：「做人ê父著有慈愛ê心。」這句毋免講逐人也ē曉行。常常看見囡仔佇手裡抱ê時，若拄著頭燒耳熱，做老母ê人就青狂走chông，目澹目滴。到ē行ē走ê時，人若小可共伊kāng著，連鞭就嚷噴噴，心肝niû疼tiuh-tiuh。獨獨佇這個縛跤ê時陣，就甘願家己殘害攏無憐憫ê心；雖然囡仔好嘴...

[1900-12 台南府城教會報 文類-散文 作者-萬姑娘/Bāng Ko͘-niû]
火車ê起因 [ Hoé-chhia ê Khí-in ]
火車ê起因萬姑娘記--ê1900.12 189卷 p.96-97 台灣算是有一項ê福氣；有火薰車通坐，ē得通省時，省工，省所費。這是台灣人久久所向望--ê。 佇十外年前有得著銅線批；hit-tia̍p有ê望火薰車也會連鞭設。卻北路著有，南路等到taⁿ目睭chiàⁿ看會著。濟濟人有出來看，毋知捌想hit个器具原本佇tó位出。卻論逐項ê大代誌較常有小可ê起因；火薰車也是按呢。照阮祖家逐間厝有煙筒通予灶腳ê火薰透出。 灶ê款式佮恁無siāng，是煙筒內有一支鐵橫桿連佇hit支鐵有鐵鏈仔墮落來縛吊鈎通掛烘爐ê茶kó͘，鼎，鍋仔，逐項ê器具攏有圈通掛佇hit个鉤--裡。有一日有一个查某囡仔teh備辦滾...

[1900-12 台南府城教會報 文類-散文 作者-王培英/Ông Poê-eng]
縛跤ê論(4) [ Pa̍k-kha ê Lūn(4) ]
縛跤ê論1900.12 189卷 p.98（接前卷第90面）IV. 縛跤的確著除 論到改除縛跤這層代誌照我舊底teh拍算，咱教會佮世俗cheng差真濟；因為看見有ê甘願無共伊ê查某囝縛跤，也有ê本身甘願liû跤。總是到後來將教會內ê人家己相比，chiàⁿ知其實cheng差無偌濟；因為無縛跤ê查某囡仔較濟是屬傳道先生ê家，本身甘願liû跤--ê較濟是傳道娘á是老姐妹，屬佇兄弟ê家--ê也有，總是較少。論到兄弟ê查某囝猶原teh縛跤ê因端，較大面是因為草地所在無赤跤ê伴，無人出力teh chhoā頭。總是濟濟因為姐妹無明白道理，固執。In拍算縛跤是風俗無縛袂做得，所以無論大雙細雙攏好。設使有人勸伊...

[1900-11 台南府城教會報 文類-散文 作者-甘牧師/Kam Bo̍k-su]
林紅兄 [ Lîm Âng-hiaⁿ ]
林紅兄(甘牧師記--ê.)1900.11 188卷 p.87-88 近來阮聽見在新港街佇9月22日，傳道先生林紅(就是林朝魁)離開世間。佳哉，因為上帝ê大恩，hit个人真正通可取。十數年前，伊對寶斗仔落來醫館予醫生táⁿ-tia̍p目睭，總是袂通照原，所以伊順hit-tia̍p來學讀膨字ê冊；閣，因為伊無偌久不止慣熟，也因為人有好模樣，阮請伊做Chheⁿ-mê學ê工。 伊卻不止進步來料理，就有利益hiah-ê目花ê學生。在1891年，Lé姑娘請伊過去泉州來設青盲學。伊佇遐蹛九月日久，hit時教幾nā人ē曉讀，也ē曉做 in teh用ê 膨字冊。倒轉來，伊猶原佇府城做這號ê工。 五年前台灣大擾...

[1896-3 台南府城教會報 文類-散文 作者--/-]
總督ê告示teh禁鴉片 [ Chóng-tok ê Kò-sī teh kìm A-phiàn ]
總督ê告示teh禁鴉片1896.03 132卷 p.21台灣總督海軍大將伯爵（Pek-chiok）樺山。因為出告示通知人知ê 事；照得今按大日本帝國佮外洋逐國所議現定條約，本海嶼也著照án-ni辦。將來台灣所有進入海口ê 鴉片塗，應該照條約一概嚴禁。總是鴉片慣勢用到chiah濟年久bē堪得做一時絕斷，驚了有關礙人ê 生命，對今了後一概鴉片塗攏歸官府，著聽候斟酌定著ê 章程，準in頂替藥做路用，佮額通知hō͘人知，為著這告示向望lín百姓眾人一體攏知，逐人著遵趁，刁持指示。明治29年2月24日。...

[1896-3 台南府城教會報 文類-散文 作者--/-]
日本話ê根底 [ Ji̍t-pún oē ê kin-té ]
日本話ê根底1896.03 132卷 p.22-23(余先生記--ê.)咱屬 tī 台南教會ê兄弟姊妹濟濟個已經bat學白話字。Tī 日本國亦有人愛用這號ê字，總是in加用幾若個各樣ê字，就是： z，是屬 tī s --字ê聲類。 d，是屬 tī t --字ê聲類。 f，是屬 tī h--，(ph-- )字ê聲類。 y，是屬 tī i-- 字ê聲類。 w，是屬 tī u--，o--字ê聲類。 r，唐人講這個 r--字親像l--字ê聲音，m̄-kú是大各樣。 Tī i--字ê頭前r--字ê音是若親像d--字ê款式。 日本人所用ê字是分別做兩類，就是： I. 主音字(主＝主人)，－a, i ,u ...

[1896-4 台南府城教會報 文類-散文 作者--/-]
論火薰車路 [ Lūn Hoé-hun-chhia lō͘ ]
論火薰車路1896.04 133卷 p.27-28現時大英國ê火薰車路計共5, 0000哩，攏是百姓提來做ê,m̄是屬tī官府ê。本錢總共有90萬萬銀。每年載人客10萬萬人，百姓合股來成這號事叫做公司。阮祖家料理火薰車路ê公司有差不多百五個，從中4個較大。今將上大公司ê情形記tī下底。伊ê本錢差不多十萬萬銀，所開ê鐵路倚5,000哩ê長，每日收銀30萬。伊倩工，或是粗工，抑是管車，抑是寫字，總共6,000人，每日載15,6000 個人客。Hit個所費也傷重。Teh照顧路ê所費，工kap料每日著20000外銀，伊ê車teh載人客ê有5000外張，每年修理hiah ê車ê所費倚300萬銀。另外細張...

[1896-5 台南府城教會報 文類-散文 作者--/-]
對時鐘ê法 [ Tuì Sî-cheng ê Hoat ]
對時鐘ê法1896.05 134卷 p.37-38 頂年教會報有印一張單，記日出日落ê時，hō͘人thang看來chhiâu in ê時鐘。這張大路用，總是有所在較bē 用tit,人若toà tī內山，無看見日出日落，hit張單較無路用。所以koh 加一個新單，hō͘人chhìn-chhái 所在攏會tit對時鐘。 日頭是東爿起，西爿落，到中晝ê時日頭對南。所以人若是用日規抑是別物法度知日頭對南ê時，伊就知日中晝ê時。總是日頭tú-tú對南ê時，無的確是12點鐘，有時是12點出，有時iáu-boē 12點。今下底印一張hō͘ lín 知日頭對南ê時是tú-tú幾點鐘，總m̄ 免將逐日攏印，那...

[1896-6 台南府城教會報 文類-散文 作者--/-]
獻聖冊予皇太后 [ Hiàn Sèng-chheh hō͘ Hông-thài-hō͘ ]
獻聖冊予皇太后1896.06 135卷 p.44Chûn年中國信主ê姊妹有提銀備辦一本新約獻hō͘皇太后，愛kā 伊后壽祝福，獻了卻有應效，因為皇帝本身有差人koh 買一抱thang家己看。照人講這本真suí真好看，會堪tit送入皇宮。總是別位ê人無機會thang看，所以hit時有續印幾若百本像hit款，平平用hit個版印--ê,也平平hiah 大本，thang hō͘人看樣；卻是無hiah suí,金墘換紅墘，也是用皮kap--ê,m̄ 是用金銀kap--ê。iáu-kú也是好看；阮tī chia買一本，lín若愛看，到府城ê時thang hō͘ lín看。近來阮有接--著這本號做朱女士獻經...

[1896-8 台南府城教會報 文類-散文 作者--/-]
雲林ê土匪 [ Hûn-lîm ê Thó͘-huí ]
雲林ê土匪1896.08 137卷 p.59-60四月間雲林縣ê土匪真盛，有成千人聚集tī山內，常常出來cheng-piàng。斗六街日本人ê店也hō͘ in cheng。五月初三日本兵1、20名去beh掠賊，顛倒hō͘賊圍，扑死2、3人，也著傷4、5個。後來日本聚集in ê兵成千名，去燒庄，計共燒差不多30庄；米、粟、ke-si濟濟hō͘ in燒--著，也有扑死兩、三百人。對hit tia̍p 土匪愈盛，到5月18扑林杞埔。Hit時有一個外國人hō͘賊扑死，就是Bông-bâi人，Khèng-kì ê頭家，差不多70歲ê人，hit早起有對林杞埔起身愛去集集，路--裡tú著賊，káⁿ是看伊做日...

[1896-8 台南府城教會報 文類-散文 作者--/-]
余先生離別ê批 [ Î Sian-seⁿ lī-pia̍t ê phoe ]
余先生離別ê批1896.08 137卷 p.61-62我所疼所欣慕ê 兄弟姊妹以及少年ê 朋友，請你准我對lín講起幾若句話。 照lín知先生娘來台灣不止愛toà tī lín chia ，iáu-kú有犯著重病到應該著倒去祖家，因為向望伊若toà tī 唐山會較勇健，英國ê 教會有派我徙去tī 汕頭較 內山ê 所在，就是客人ê 中間，tī hia做主ê 工。我離開台灣其實m̄ 是本意，算是姑不chiong，就是合tī 上帝ê 旨意。 我toà 台灣已經十數年，當chiah 久捷捷有佮lín交陪，是hō͘我ê 心歡喜到bē 顧--tit。lín常常疼痛我，對重上帝准我傳ê 教示，我應該著kā ...