[1911-10 台南府城教會報 文類-散文 作者-潘道榮/Phoaⁿ Tō-êng]
生番內地觀光 [ Chheⁿ-hoan Loē-tē koan-kong ]
生番內地觀光。 1911.10 319卷 p.84-85 (潘道榮記--ê.) Tī 9月初tuì台灣有兩名 ê 警部chhoā 40 外個生番過來內地觀光。此時大家知咱本島總督府有設法teh平定眾番社；所以in有揀hiah-ê 投降幾若番社ê 頭目hō͘ in來內地。 照政府伊ê意思是ài hō͘ 生番來看濟濟ê 軍器、工廠、兵隊、人土以及文明珍奇 ê 物in所boē bat看--ê;到轉去thang報hō͘ in ê 同胞知kap日本抵敵到尾著認輸。卻有去看幾若所在，然後tuì 東京來。有chhoā in去看動物kap博物館。Tī 動物館內看見象，講是水牛，象ê 鼻，講是水牛尾...

[1911-10 台南府城教會報 文類-散文 作者--/-]
朝見國王 [ Tiâu-kìⁿ Kok-ông ]
朝見國王。 1911.10 319卷 p.88 (接前卷76面。) 停無三月日我koh再hō͘王請m̄-kú這pang是hō͘饒理（George）王請我去Windsor王宮，送伊ê老父Í-oa王出葬，就是我前無偌久有去朝見--ê。這pang文武官員猶原是穿花彩ê公服，m̄-kú我攏穿烏--ê。有奏樂真好聽，也有牧師祈禱，顯明人心也有煩惱也有向望。Í-oa王ê身屍tī棺木內，棺外攏是用旗罩--teh，hō͘人慢慢仔扛入聖饒理ê禮拜堂。饒理王toè tī棺後，正手溫柔牽伊ê老母，亞歷山大皇太后teh送。Koh後面有9個王kap皇帝，以及濟濟王親、大臣、kap外國ê欽差。 禮拜了阮入去屏...

[1911-11 台南府城教會報 文類-散文 作者--/-]
生番ê事故 [ Chhiⁿ-hoan ê sū-kò͘ ]
生番ê事故。 1911.11 320卷 p.93-94 咱知台灣東爿較濟是高山；所企起ê人較濟是生番。生成kap台灣人略仔像；in ê目珠真大蕊、真野、看著真雄惡、頭毛全發、頷頸ài 掛古珠，(一粒有ê值20、30箍)、手指、鍊仔貫歸串來khûn、耳勾、手環等，查甫查某攏ài toà。 查甫人ê下身用2塊細細ê裙來圍頭前kap後壁。查某人就穿衫親像人，圍裙略仔beh親像英國婦人ê款。In ê心思快變遷，耳目真淺；入人ê厝真囉唆，ài kā人討物；設使一個錢hō͘伊，也真歡喜。俗言講：「Ka-lé怨無，無怨少。」伊所 ài ê物若hō͘伊看著，ài用物kā人換，咱若m̄,抑是伊ê物m̄...

[1912-3 台南府城教會報 文類-散文 作者--/-]
明治44年ê回顧 [ Bêng-tī 44 nî ê hoê-kò͘ ]
明治44年ê 回顧京都林Hoâi-hiong-chú kì-ê1912.03 p.9-10明治 44年已經kap咱相辭去-lah！ 當teh 接 伊來ê時就已經知有今á日ê去；伊ê去是無奇怪。M̄-kú若想--著一下去無koh回頭ê時日自然會想無彩。總是若kan-ta吐氣今á日ê白頭殼來欣羨hiàng-tang-時ê hó-hông-chu： ché也是空空。基督教 ê勇士只有無越頭看後面，向前跑走，走到插標 hit-ni̍h nā-tiāⁿ。雖然是án-ni，一年ê代價是年頭，一年ê回顧是年-tau。 回顧會 hō͘人知過去ê 車路-hûn， 會hō͘人生出感恩 ê想念，也會 hō͘人k加倍...

[1912-4 台南府城教會報 文類-散文 作者--/-]
公禁罷工 [ Kong-kìm Pā-kang ]
公禁罷工1912.04 p.3大英國所出ê物中間土炭也是大對重，年年所出有兩萬萬tun， (一tun差不多16擔)，攏是對地礦掘起來。做這號工 ê人嶄然艱苦，卻也是好-趁；一個人每日有時趁三四個銀錢。因為有kin有錢掘有khah 濟--ê是趁 khah濟。M̄-kú有所在真歹掘，人嫌掘少soà 趁無oā。 Hiah ê 做工 ê人有設公會，通國掘土炭ê人差不多攏有入會；若tú-著甚麼公事in ê 幹事員thang聚集議論代誌，hō͘ in大家相照顧，bē 失了大局.現今幹事員對頭家講：若遇著歹掘 ê所在bē 比得好掘--ê算有kin有錢，總著有一個kài-ān，一日siāng-少定著是幾個圓，...

[1912-4 台南府城教會報 文類-散文 作者--/-]
中國ê政事 [ Tiong-kok ê Chèng-sū ]
中國ê 政事1912.04 p.5袁世凱參詳beh保護皇帝bē-得-thang因為眾人主義beh設立民主。皇帝也知無法得伊 ta-oâ，就tī 2月第12號有出詔甘願退位，來順百姓ê意思。大家願 准伊有皇帝ê 名色nā-tiāⁿ，政事無chhap，也bē koh傳位 hō͘ 伊ê 囝孫得，猶原toà tī 京城thang kò͘伊ê 宗廟，每年四百萬銀hō͘皇帝做所費。hit時soà hō͘袁世凱 kap 黎元洪 做 正副 ê 統領；其餘ê大官也攏是革命 ê人。從中孫逸仙無做官，伊m̄是好命 ê人，若會得-thang國家興旺，伊就歡喜做百姓。可惜tī 2月29 暝北京有攪擾；是軍兵心肝m̄願s...

[1912-5 台南府城教會報 文類-散文 作者-林茂生/Lîm Bō͘-seng]
內地宗教界近聞 [ Loē-tē Chong-kàu-kài kīn-bûn ]
內地宗教界近聞京都林茂生記--ê1912.05 P.8-9三教會同。 內務省內務大臣Goân Kèng hit-pang有寫批請基督教， 佛教，神道， 這三教ê 逐派ê 代表者 tī 2月25日去Hoa-cho̍k 會館 hō͘ 伊請。咱基督教 ê 代表者是Pún-to͘ Iông-it (Bí-í-bí派)，Chéng-chhim Bí-chì-chō͘ (長老派)，Kiong-chhoan Keng-hui (組合派)，Goân-tiân Chok-chi-chìn (Kam-tok派)，kap其餘4 位，計共7 位 ê 名士去赴。 席中Goân Loē-bū 大臣有演說講明這三教有不止替...

[1912-8 台南府城教會報 文類-散文 作者-梅牧師/Muî bo̍k-su]
Bat家治 [ Batka-tī ]
Bat 家治梅牧師記--ê 有一頂號ê人常常出外beh看外國ê光景，亦本國ê光景無甚麼bat看。有一頂號ê人ta̍uh-ta̍uh tī國內四界行chhit-thô，亦罕得tńg--來kap本所在 ê人盤-noá。有一頂號ê人kap本庄 ê人真熟似，亦kap本身攏m̄ sio-bat。 按怎樣kap本身m̄ sio-bat？設使咱若問伊講：「某人是做甚麼款？」伊會曉得thang kā咱講明庄裡隨人ê款式，koh會曉--得thang分別隨人ê性情，就是講：伊 khah詭譎，亦伊 khah老實，koh 伊 khah 躁性，亦伊 khah 貧憚， 伊 khah 孤-ta̍k，亦伊 khah 愛 k...

[1913-6 台南府城教會報 文類-散文 作者-何希仁/Hô Hi-jîn]
北港ê Tí-bí-tiu搖chhoah [ Pak-káng ê Tí-bí-tiu iô-choah ]
北港ê Tí-bí-tiu 搖-chhoah何希仁--ê1913.06 P.4-6 敝人對英國宣道會稟請建置一領布棚 thang 做咱台灣佈道ê路用。前一月日就到位。因為北港是出名ê hu-hoa-市，又koh tī 4月間對南對北 e-e tīn-tīn，來燒金還香，有時一日所燒 ê 金紙值有幾若千箍。隔壁庄來買賣 ê人也是真鬧熱，就預備對支廳長稟， 準咱搭布棚tī廟口市場三禮拜久，就是新曆 4月初8 到 30日(3: 2--23)，tī-hia全工佈道。得著伊歡喜鼓舞 kap市長參詳好勢，阮就去募集傳道師 8人kap會友幾若人鬥佈道，也新港ê兄弟歡喜輪流顧布棚 chhòng 東 chhò...

[1913-8 台南府城教會報 文類-小說 作者--/-]
復到原質 [ Ho̍k-tò Goân-chit ]
復到原質1913.08 P.9-10 早年有一個朋友得著兩粒大粒柑，食了涼 koh 甜，就想beh chhoē 柑叢來種。Tú-tú teh想就m̄-ta̍t將所食ê 柑仔來tiām， tiām-了有出，就小心照顧，經過幾若年就開花結果子，種ê人心不止得意。總是所結ê 果子 m̄是柑，有ê 生 香圓，有ê 生 酸 koh 細粒 ê 桔仔。 Tiām 柑籽 ê人真奇怪，m̄-若khó͘-chheh伊ê用工，是goân-ngia̍h hit個理氣不明，後來有tú-著 熟行ê朋友就請教伊講：我有tiām 柑籽， 因何生香圓， 生桔仔？ Hit個朋友就kā伊講，你所講kài親像我有一位朋友，伊 tī...

[1913-9 台南府城教會報 文類-散文 作者--/-]
鄭成功ê祠 [ Tēⁿ Sêng-kong ê Sû ]
鄭成功ê祠1913.09 P.1-2 「聽上帝比聽眾人khah 過頭，che是合宜」。近來台灣官議定beh 修理鄭成功ê 祠。有保正也bat有警察分hit 間祠ê符， 教人tah tī 壁裡hō͘ in全家平安，受好年冬，對 án-ni kā in拾三占錢。亦分號信主ê人，教 in 貼 tī厝內十條誡ê中央。會友從中有ê攏m̄知影就趁命令，有ê知是符就m̄ 貼亦m̄出hit個三占錢。M̄-nā分符，又koh將修理成功祠 ê通知書分hō͘信者教 in 著出錢，有ê 著出幾角銀，有ê幾若箍，也有 ê 幾若十箍。台灣khah濟會友攏發了，kan-ta 台南市ê教會無甚麼甘願。m̄是m̄甘願出hit...

[1914-1 台灣教會報 文類-散文 作者--/-]
約翰3：6節 [ Iok-hān 3：6 chat ]
約翰3：6節 1914.01 346卷 p.1 上帝將獨生的囝賞賜世間予信伊的人免沉lîm，會得著永遠活；伊疼世間到按呢。 咱若摃電報著簡簡，也著chiâu備。翰3：16是親像上帝摃電報予人知伊的福音的簡捷。雖是簡iáu-kú是齊備：攏無人chām。 有記四項：第一就是上帝的仁愛。無幾十年前法國的皇后派伊獨生的囝去南亞非利加佮英國兵鬥拍對敵。皇后的意見是拍算伊的囝若大出力顯明伊的本事，才調就kiám-chhái法國的百姓欲閣請伊倒來做in 的皇帝。到亞非利加就予彼tah 的青番拍死。皇后若先知代誌致到按呢伊穩當毋甘願予伊的囝去遐。上帝大各樣。伊無保惜獨生的囝。這是福音的原起頭，就是上...

[1914-1 台灣教會報 文類-散文 作者--/-]
教會的消息 [ Kàu-hoē ê siau-sit ]
教會的消息。 張有民 /潘清課記的 1941.01 346卷P.2 噍吧哖。傳道士賴臨寫批講，論台南廳屬的教會，頭社的支會，噍吧哖的教會，對設教會到taⁿ有四年外前是共人買三khám店面，攏是草厝。舊年in予風颱拍歹，到taⁿ猶未有修理，是因為會友散鄉，提錢項真少，致到無通修理，猶原是破厝，無門無予，閣內面盡污穢。這層真正大見笑，閣近佇支廳的門口，予支廳長常常嫌基督教佮人無相siâng，著趕緊修理。 Taⁿ我有切切勉勵會友，也有提300箍。總是若欲修理彼三khám店面來做禮拜堂至少著1000箍。按呢就猶欠700。Taⁿ請有心疼主做會得到的會友，望恁大家來鬥贊成這層的好事...

[1914-1 台灣教會報 文類-散文 作者--/-]
做醮 [ Tsoè-chiō ]
做醮 1914.01 346卷 P.7 這pang佇桃園街有做醮，頭尾5日久真鬧熱，家家戶戶真誠心，開錢真濟；每家約略有開 Y80.00。閣有提公緣Y7000外箍來作公費，亦有結8个壇，搬62 pîⁿ 的戲。閣有刣3000外隻的大豬，in有稱呼伊的名做豬公用紅頭鬃尾共伊piⁿ佇尾溜。第一大隻的有605斤，聽見講猶未刣的時，真照顧伊，儉物予伊食，有的 3日無食將遐的物予伊食。有的無錢通掠豬，借銀ka-gō͘內來掠；亦有的將賣查某囝的銀來用。 佇彼5日中間逐家有人客不斷；因為有濟濟人對四方來看鬧熱。照人teh共in算，這pang in最少所開的經費，攏總著Y30,0000(三十萬)以上。...

[1914-1 台灣教會報 文類-散文 作者--/-]
生番的人物 [ Chhiⁿ-hoan ê Jîn-bu̍t ]
生番的人物 1914.01 346卷 P.7 這pang我佮偕先生，王傳道有去角板山，見著一位生番的古朋友，名叫Kim-soán。伊佇10外年前捌來Tamsui神學校讀冊，伊會曉講咱的腔口，ia̍h捌漢文。是因為清國時代，劉欽差有設一間學校佇台北南門teh教示生番囡仔，彼霎Kim-soán ia̍h佇teh。伊對8歲讀到15歲。後來去踮佇唭哩goān幾若年久，紲佇遐予人招，亦有常常去唭哩goān的拜堂禮拜。 彼霎是林清火傳道師佇遐，Kim-soán佮伊不止熟。後來拄tn̄g偕牧師去遐巡教會，Kim-soán就對偕牧師講伊愛去Tamsui神學校讀冊。偕牧師有接納伊。 讀無偌久，伊的大兄有...

[1914-1 台灣教會報 文類-散文 作者--/-]
論豬 [ Lūn Ti ]
論豬 1914.01 346卷P.10 猶太人掠豬做可惡。佇眾驚人的活物in第一怨恨豬，kiám-chhái是因為豬愛食lâ-sâm物(利未記)。猶太人決斷毋食豬肉。到in四散佇逐國的時in 的對敵捌勉強in食豬肉苦楚in，愛予in bak著lâ-sâm。有的經過真濟艱苦也毋食；連欲予in死in也毋食。 猶太人也毋通飼豬。遐的Ka-tāi-lia̍p 的地方的人teh飼豬( )是犯法。In teh 飼敢是欲賣予異邦人。主耶穌有准遐的鬼剿滅in 的豬。 按呢通知放蕩囝若甘願飼豬( )實在是因為艱苦到極。親像按呢人離開上帝也是拄著大淒慘的苦境。 佇聖冊有記三个俗語teh講起豬...

[1914-1 台灣教會報 文類-散文 作者--/-]
角板山 [ Kak-pán-soaⁿ ]
角板山 1914.01 346卷 P.6 佇桃園廳的館內，對大箍hām入山坐輕便4點鐘久，有一個所在名叫角板山。本然是生番teh徛起，現今是官吏佮百姓teh蹛。彼个所在景色不止好，山水亦齊備總督府有起一間太子亭佇遐，亦有設一間番堂學校teh教示生番囡仔。閣有創製造所予生番teh學做物件。 近來彼的所在漸漸teh進步，有生理店，亦有本地酒樓，閣有日本旅館，亦輕便車日日有往來予人上落不止利便。西洋人常常有去遐看生番。現時佇台灣欲看生番，敢是職位第一利便，佇路邊thèng看生番的厝佮伊種作的所在。佇角板山的館內，聽起講有倚3000个生番，現時較濟已經歸順。政府有創一間交換所予生番日日來遐交換物...

[1914-1 台灣教會報 文類-散文 作者--/-]
生番的信 [ Chhiⁿ-hoan ê Sìn ]
生番的信 1914.01. 346卷P.7 照人teh拍算，生番是戇戇ná親像動物一樣，袂曉信甚物。其實毋是按呢，in 的信有幾若款，信天真大有神佇teh。閣信有靈魂，若死了in 的靈魂著對虹經過，亦信佇虹的中間有3个神佇teh。一个佇這爿的彎，閣一个佇彼爿的彎，猶一个佇中央。In 的靈魂欲經過虹的時，到佇頭一个彎，彼个神欲牽in 的手起來看，看有紅佮血抑無，意思是看有刣人抑無。若是有，經過到彼爿彎的時就有大間媠的厝通踮；若是無，經過到佇中央的時，就予中央的神chhia落海沉落海底。按呢in有這款的信，所以無奇怪in愛刣人，刣愈濟人in愈歡喜。 聽見in講佇in生番的中間，有一个刣第一濟...

[1914-1 台灣教會報 文類-散文 作者-郭朝成/Koeh Tiâu-sêng]
論女工 [ Lūn Lú-kang ]
論女工1914.01 346卷 p.8-9 (郭朝成記)古早上帝創造亞當來管理世界。後來就koh創造夏娃來幫贊亞當。Tuì án-ni就成做完全ê家。亞當盡伊ê職。夏娃盡伊ê工，來料理上帝所組suí-suí ê世界。可惜現今濟濟婦人人，放sak有路用ê工，來做有害tī社會ê風俗ê事志。有ê家內m̄治理，子兒無盡本份教示；不過食飽四界走，來學歹風俗，修整本身，大家衫鬥 suí。Che m̄-nā有礙著風俗，實在有礙著婦人人ê天性，今咱基督教專專是愛改良社會風俗，chhoā人去邪歸正。所以tī教會內ê女工m̄-thang m̄研究。 一、家內ê女工 (1)著用婦人人ê好模樣感化子兒。用好德行好模樣...

[1914-1 台灣教會報 文類-散文 作者-廉德烈/Liâm Tek-lia̍t]
後山消息 [ āu-soaⁿSiau-sit ]
後山消息。 1914.01 346卷 P.10 (廉德烈記的) 西曆11月19日(10：22)我對打狗落船欲去後山，佇船裡閣暝天光就到卑南上陸。佇遐歇暝就起身欲去石雨傘 ；路中日本官佮警察gâu替人設法倩工。有一暝佇派出所歇睏，受in好款待。欲暗就到石滬山，無機會通問道理，所以不得已著加蹛佇遐一禮拜。 在11月30佇石雨傘行洗禮予兩个大人，也有接納兩个自細漢已經領洗禮--ê。 又閣有行洗禮予兩个囡仔。 十二月第一號起行，代先佇石-lêng-pō͘過暝，後來過山到大庄，第三日早起就到石牌過一禮拜。佇安息日行洗禮予3个大人，也有接納兩个自細漢受洗禮--ê；紲行洗禮予8个囝仔。 閣一禮...