[1941-3 台灣教會公報/北部教會 文類-散文 作者-吳天命/Gô͘ Thian-bēng]
信徒的光榮 [ Sìn-tô͘ ê kong-êng ]
信徒的光榮 吳天命 譯 1941年3月672期 18-19 古早大衛有講，「你以外，我無福氣。」這句毋是kan-ta是詩人的思想nā-tiāⁿ，實在是信耶穌基督的人的實驗。大衛閣唱講，「耶和華ah，欲歇佇你的厝的是chī-chuī，」「欲歇佇你的聖山的是chī-chuī。」有耶穌基督的心的人，確實就是歇佇耶和華的厝的人。這號的人，雖然拄著患難又閣患難，苦心慘-tám所壞，致疼痛--ê破病危險；iáu-kú 會信仰主耶穌是佇伊的佮憐憫teh保護伊。信徒就是有「你以外，我無福氣」的實驗的人。這就是人最大的光榮。「Ah，上帝是我的氣力，閣是我逃閃的所在，」這句毋是說教的文句，也...

[1941-3 台灣教會公報/北部教會 文類-散文 作者-卓輝隆/Toh Hui-liông]
聖神充滿 [ Sèng Sîn chhiong-moá ]
聖神充滿 使徒行傳13：52 卓輝隆 1941年3月672期 19-20 「聖神充滿」這是甚物意思？咱的主teh欲離開學生上天的時，in 的心到極「pé縛」，若是主用約翰14：16所記的道理來趕散in 的驚惶。 當主佇世間的時，伊時刻指導，保護，勉勵，看顧學生，taⁿ主已經離開in，若是聖神已經臨到來擔當這个責任。 聖神的工作 聖神的工作佇基督徒的身上有2方面。 1. 伊的工作就是趕逐罪惡。伊的方法就是反對歹的性質(加拉太5：17)。 2. 聖神創造「新的生活」佇基督徒的心。伊的方法就是生出「恩典」的果子佇人的心(加拉太5：22)。 所以「聖神充...

[1941-3 台灣教會公報/北部教會 文類-散文 作者-陳瓊琚/Tân Khêng-ku]
論安樂家 [ Lūn An-lo̍k-ke ]
論安樂家 陳瓊琚 1941年3月672期 21-22 佇世間有濟濟理想的的家庭，實在予人真通欣羨--ê。親像佇家內夫婦和順，大家對序大人有尊敬佮孝心，tang-sāi相疼和心，攏無彼款弄家散宅的事，日日平平安安。總是無tú-tú攏通親像頂面所講彼款家庭。有時拄著歹新婦閣驚某後生，實在真oh過日；有時好新婦拄著ta-ke拄著雜念ta-ke閣無理解的丈夫，抑是ùn-thún 的 chàu喙小姑，實在彼款淒慘的過日；真通同情。俗語講，「食無拍罵有。」按呢對一爿硬心橫行直斷，就按呢會生出種種的悲哀事。 夫婦不和也是按呢。所以有時聽見某甚物婦人人hui-hui出家去t...

[1941-3 台灣教會公報/北部教會 文類-散文 作者-劉約翰/Lâu Iok-hān]
真的建設 [ Chin ê Kiàn-siat ]
真的建設 劉約翰 1941年3月672期 23-25 上帝予咱來這世間，是愛咱逐人著做一个建設佮完成的人，伊有將這款的使命予咱。總是咱袂會盡這款的使命來做成這款的人，m̄-nā袂會，反轉咱是做一个破壞者，為著按呢，主耶穌伊著降臨這世間，伊講，「我來毋是欲廢無，是欲應驗」。換話來講，「我來毋是欲破壞，是欲建設。」主耶穌看咱無力通做一个建設者，完成者，所以伊著來替咱kiat-設，替咱完成，按呢伊來世間毋是做這破壞者，就是做一个建設者。伊講，「我實在共恁講，就到天地廢無，律法的一點，一ui̍h ia̍h決斷袂廢無，到攏總成。」 基督教就是這款的宗教，有人講基督教無合佇咱的...

[1941-3 台灣教會公報/北部教會 文類-散文 作者-柯設偕/Koa Siat-kai]
研究教會歷史 [ Gián-kiù kàu-hoē le̍k-sú ]
研究教會歷史 柯設偕 1941年3月672期 25 研究教會歷史，是真要緊閣有益的事。佇2月號，有寫傳教佮植物(植物)傳闊的事。 北部設教了後，偕牧師有對島外the̍h高麗菜，菜khok菜花，敏豆，外國紅柿等來分予會友眾，久久的中間逐年替會友注文菜籽來予in。 敏豆，彼个「敏」是英語「bean」(豆)，也外國紅柿，是tomato，彼時真罕得講tomato，攏是講外國紅柿，因為款式真親像紅柿。 南部的宣教師也有the̍h別款的豆來予會友種。 (向望南部較知影--的，列位會報我知較詳細。) 荷蘭豆是荷蘭人the̍h來傳--ê ，是300年前的事。有人講...

[1941-4 台灣教會公報/北部教會 文類-散文 作者-葉金木/Ia̍p Kim-bo̍k]
教會的消息 [ Kàu-hoē ê Siau-sit ]
教會的消息 葉金木 1941年4月673期 24 基隆教會 1. 正月5日，禮拜頂晡有有開和會來聽報告舊年度教會的狀況。領洗禮大人2名，囡仔9名，接入聖餐3名，過往大人7名，新聽道理12名。舊年度收入獻金Y. 1,968.60，支出Y. 1,968.11 差in殘金Y. 49 sen。這日有紲toê新年的大iân，大家攏真歡喜有加添進步，實在通感謝主。 同日下晡3點，小會有佇暖暖支會聚集，接納大人一个，囡仔3个洗禮，也有基隆的任職者佮會友去赴，大家同守聖餐，15名獻金Y. 1.78，補助福音社。 2. 正月12日頂晡9點，小會有聚集佇本堂，接納3个大...

[1941-5 台灣教會公報/北部教會 文類-散文 作者-柯設偕/Koa Siat-kai]
用語的整頓 [ iōng-gú ê Chéng-tùn ]
用語的整頓 柯設偕 1941年5月674期 22 佇教會內外，用語(所teh用的字句)，有的較無tú-tú合，若會整頓是真好。 馬太傳，馬可傳，路加傳。 Kan-ta按呢，濟濟人常常想是馬太的傳，馬可的傳，路加的傳，約翰的傳。(照咱所在，毋是遐的人的傳，是遐的人所記的耶穌基督的傳)。所以講較明，馬太福音傳，馬可福音傳，路加福音傳，約翰福音傳。 信徒，聖徒。 這兩句，常常用做siâng款。若是指起教會內的會友講信徒，也稱呼古早較特別的人講聖徒。 主日，禮拜日。 主日是咱的主日。禮拜日是著禮拜的日。 這兩个字句對表現內容來講，是比日曜日較有合。 保羅先生。 ...

[1941-6 台灣教會公報/北部教會 文類-散文 作者-吳天命/Gô͘ Thian-bēng]
神學生熱天的做工 [ Sîn-ha̍k-seng joa̍h-thiⁿ ê choè kang ]
神學生熱天的做工 吳天命 1941年6月675期 21 突然的中間，感覺著寫論siú-to的 的件。鄙人是擔當神學生每聖日teh做工的責成，所以感覺責任上著寫幾字報列位知。算學校猶未正式決定甚物條件，所以佇遮無通講甚物，閣再也毋知南部神學生養成部會的意見，所以攏袂通講甚物佇遮。不過kan-ta報咱知，今年熱天有十外名的神學生通予全台灣欠工的教會用。若有欠用的人，才來照會本校，就會將較有決定的具體的條件佮列位參詳，打合。所以若看著報紙的時，著緊來照會，因為上慢佇6月中旬著愛最後的決定。若有來照會的教會，才有將所teh欲決定的具體案報in知。 致意用按呢報這个不...

[1941-7 台灣教會公報/北部教會 文類-散文 作者-潘道榮/Phoaⁿ Tō-êng]
新體制下的基督者 [ Sin Thé-chè ē ê Ki-to̍k-chiá ]
新體制下的基督者 潘道榮 1941年7月676期 21-22 今仔日咱大家徛佇變轉期(變轉期) 的時代。全國中社會的各層，攏向佇新體制teh進行。所以佇這个新時代，咱眾基督者著做甚物款的基督者？ 1. 內部tek改新的基督者。 清水博士所寫彼篇「新體制佮文化的人」的論文中，有按呢講：「若欲真正會通實行新體制就是咱逐人著閣換新。」基督教就是新人的創造(新人創造，2林 5：17)佇咱的心內，若猶有不平，不滿利己主義，小膽，怨妒，批評，無相疼......佇teh；就著學親像大衛祈禱講，求上帝共我創造新的心。 ヨーク大監督講，「英國的百姓ah！著反悔」。會曉家己反省...

[1941-7 台灣教會公報/北部教會 文類-散文 作者-陳石獅/Tân Chio̍h-sai]
印度人的siáu-sià [ ìn-tō͘ lâng ê siáu-sià ]
印度人的 siáu-sià(2) 陳石獅 1941年7月676期 24-25 佇遐有濟濟婆羅門教的學者佇teh，所以對逐國有真濟的學者來遮研究。因為按呢博士隨時對カルガツタ出發，去請印度總督的時，紲得著總督的好意，坐真媠的花轎，閣有真濟跟隨的人保護伊，親像新總督的行列。 佇印度有這款的風俗就是欲見尊貴的人的時，是無空手去，著蹛禮物去送伊。做總督是欲得著蹛禮物，m̄-kú去。博士佇路中teh想講，taⁿ欲對tá一條問題代先來問，敢著代先來問婆羅門教的主僧(主僧)講：1. 欲用甚物法度來發見真理？2. 對甚物所在通來發見著真理？3. 若是得著拍算敢著這3條代先來問是較好。 ...

[1941-8 台灣教會公報/北部教會 文類-散文 作者-吳天命/Gô͘ Thian-bēng]
佮基督相佮艱苦 [ Kap Ki-tok saⁿ-kap kan-khó͘ ]
佮基督相佮艱苦 吳天命 1941年8月677期 17 毋捌父母心的囝兒是無價值的囝，信徒若毋是有份佇基督的艱苦，通講毋是有價值的信徒。保羅是幸福的人，因為伊捌基督的苦難，也捌基督深的仁愛。若毋是捌基督的苦難，就袂明白基督的仁愛。今仔日的台灣教會講有真濟假的信徒，是甚物因端。就是因為雖然in捌論基督的事真濟iáu-kú論基督的苦難捌真少的因端所致。自然論基督的仁愛也是捌真少。這款信徒是kan-ta享受主基督的安慰的時欲呵咾主nā-tiāⁿ；kan-ta愛食筵席，無愛禁食的信徒。這款的信仰態度著大反省。保羅捌基督的苦難的時，就隨時予人用石tìm到予人看做親像死。明白基督的仁愛...

[1941-8 台灣教會公報/北部教會 文類-散文 作者-上山生/Siōng-san seng]
台北神學校後援會 [ Tâi-pak Sîn-ha̍k-hāu Hō͘-oān-hoē ]
台北神學校後援會 上山生 1941年8月677期 18 古早的先知為著欲廣闊in 的事業，有創設先知的學校主耶穌為著福音的事業，招人來做學生。偕博士來台灣設教，siāng時紲開設神學校。若有教會，就的確亦著有神學校通養成人物來做傳教的工。主的福音真的道理會救人。總是若無人傳thài有人會聽見，若無人會聽見，thài有人會信來承受伊。按呢通知教會佮神學校有真大密接的關係，今仔日佇咱教會有一間神學校佇teh，實在是真通大感謝的事。這間神學校對開設到今仔日六七十年久，攏是宣教師teh經營。論神學校的事，咱本島教會信徒攏無teh關心，實在有大大失落咱的本份，卻佇近年才有ná teh...

[1941-8 台灣教會公報/北部教會 文類-散文 作者-蕭樂善/Siau Lo̍k-siān]
Oh閣要緊的事 [ Oh koh iàu-kín ê sū ]
Oh閣要緊的事 蕭樂善 1941年8月677期 18-19 1. 咱的信仰常常複雜，想真濟項的事，較無teh想oh閣要緊的一項。宣教師引揚，上帝愛咱想甚物？的確是愛咱想奉獻的事。佇這个時代全地是戰爭的聲，也咱擔當教會大的責任，有種種的困難。欲佇這个時代大大榮光主，無毋是閣想奉獻的事。 2. 咱濟濟年久讀濟濟冊，聽濟濟說教，講究濟濟聖經；有時咱幾若年久毋捌想我的奉獻有進步無？這就是保守無健全的信仰，毋是上帝所予咱的信仰。信仰佮奉獻袂通相分開。疼人佮獻家己，也袂通相分開。好膽想濟濟項，毋敢想獻家己的事，是無勇氣佮無忠實的信徒。傳教師閣較是按呢。 3. 佇過去咱有經...

[1941-8 台灣教會公報/北部教會 文類-散文 作者-吳天命/Gô͘ Thian-bēng]
著做上帝的囝兒 [ Tio̍h choè Siōng-tè ê kiáⁿ-jî ]
著做上帝的囝兒 吳天命 譯 1941年8月677期 20-21 人若無做到變做基督所指示的天父的囝，就是無的價值。人若毋是對基督來活領受對頂面來的恩惠，學習真實的小弟心，小妹心，大兄心，大姊心，囝孫，父母心，到得著用聽父的心做iáu-kú是天地間的放蕩兒。雖然得著學習攏總的學問，iáu-kú是對人的khuí-tō脫線的。雖然得著攏總的藝術，iáu-kú是真下級--ê，袂做甚物路用。在佇這款人，chiah 的多數是予伊驕傲，紲惹出變做天父的對敵的不幸。 著怎樣才會做上帝的囝。He實在是非常大的問題，總是咱對基督的教示，知影只有若sái做一項事就到額，就是疼對敵。「對敵恁的...

[1941-8 台灣教會公報/北部教會 文類-散文 作者-柯設偕/Koa Siat-kai]
用語的整頓 [ iōng-gú ê chéng-tùn ]
用語的整頓 柯設偕 1941年8月677期 21 佇5月號有寫淡薄關係教會內外用語(所teh用的字句)，整頓的事，愛閣寫做參考。 這禮拜，頂禮拜，後禮拜 Chiah的用語，常常有人用了糊混。這禮拜，是對禮拜日起，到拜六；頂禮拜，是對頂的禮拜日起，到彼个拜六；後禮拜，是對後的禮拜日起，到彼拜六。 佇禮拜日講，這禮拜，是指起禮拜日起，到拜六；講頂禮拜，是指起前的禮拜日起到前的拜六；講後禮拜，是指起後的禮拜日起，到後的拜六。 佇禮拜日講，這禮拜拜五，是指起閣5日，彼个拜五；講等禮拜拜五，是指起兩日前彼个拜五；講後禮拜拜五，是指起閣這个禮拜日了後5日的拜五。 佇拜三講...

[1941-8 台灣教會公報/北部教會 文類-散文 作者-陳石獅/Tân Chio̍h-sai]
主的學生 [ Chú ê ha̍k-seng ]
主的學生 陳石獅 1941年8月677期 22 咱著怎樣做，才會通成做主的學生；也會予人知咱是主耶穌的學生。有聽見做主的學生拍算真為難，敢著真有學問抑是著研究深深的神學，才會成做主的學生。親像毋免想到hiah-nih oh。因為主有教咱一條真快的路予咱行，伊有講，「我用新的誡命予恁，就是恁著相疼。恁若相疼，眾人欲按呢知恁是是我的學生」。這條誡命，通講是基督教的根本，精神，所以咱若失落這條誡命，就是失落做主的學生的資格。親像保羅先生有講，「信，向望，仁愛，chí三項，其中第一大的是仁愛。」按呢予咱通知，仁愛就是通促進信仰佮向望，也會予咱通得著做主的學生的資格。 Taⁿ咱今...

[1941-8 台灣教會公報/北部教會 文類-散文 作者-黃六點/N̂g La̍k-tiám]
日本基督教團誕生 [ Ji̍t-pún Ki-tok-kàu-thoân tàn-seng ]
日本基督教團誕生 黃六點 1941年8月677期 22-23 世界的所注目的日本新教倚40个教派，合同做一个教團，照所預定佇6月24，25有開歷史tek創立總會，佇東京日支富士見町教會。這个合同教團，除聖公會以外，新教各派大概有參加。 這个合同，毋是做一時大家成做白紙用一个統理這个機構(機構)這个信條(信條)彼款實質tek 的合同，因為各派有各樣的歷史佮特色，所以毋敢做一時kái-hoè，有暫時容允各教派的傳統佮信仰的特色。 聖公會無參加是真殘念，救世團因為是社會事業團體佮事業團體佮聖禮的關係，起頭想無欲參加佇這个教團，若是後來也有正式參加。這个教團起頭是欲設10部的教會...

[1941-8 台灣教會公報/北部教會 文類-散文 作者-上山清志/Siōng-san Chheng-chì]
將來的教會 [ Chiong-lâi ê Kàu-hoē ]
將來的教會 上山清志 1941年8月677期 23-25 今仔日所屬的教會，是理想的教會抑毋是？親像共伊反省的結果，主耶穌的教會應該是著真理想，總是現實的教會實在有濟濟缺陷缺點的所在。Taⁿ為著咱所屬的教會有缺陷，所以咱走來去入別的教派，好mah？我想，毋通。若是為著按呢來轉去別教派，結局亦是著閣轉；因為逐教派to有缺陷不完全。M̄-nā按呢，雖然咱所屬的是不完全，上帝統計咱所屬的教會來揀召咱，就是愛咱做工奉事佇咱的教會內，予伊成做較完全。對按呢來想的時，予咱通在咱所屬的教會啥款，是咱逐人的責任。教會雖然有這項彼項的不完全，欠點，咱毋通kan-ta坐teh批評，咱著出力奉...

[1941-8 台灣教會公報/北部教會 文類-散文 作者-潘道榮/Phoaⁿ Tō-êng]
傳道報國 [ Thoân-tō Pò-kok ]
傳道報國 台北：潘道榮 1941年8月677期 25 今仔日的傳教者，眾信者，若袂通用傳道來報國，就彼个期會永遠無閣來ah！「傳福音，傳福音，無傳有災厄：咱的同胞日日沉淪，聽候你拯救」 欲怎樣來傳道？ 1. 感化的傳道：逐个信徒一言一行(一言一行)，逐時攏通獻予主，來救人。 2. 教育的傳道：對主日學的教育，著加倍關心。「倒轉佇福音的的使命」：這是現代S.S.當局者著對這方面，再考究--伊。 3. 文化的福音事業：就是內地現時所teh ko-tiāu精神的社會業： 1) 保育事業(保育事業) 2)健康相談事業(健康相談事業) ...

[1941-9 台灣教會公報/北部教會 文類-散文 作者-陳石獅/Tân Chio̍h-sai]
印度人的siáu-sià [ ìn-tō͘ lâng ê siáu-sià ]
印度人的siáu-sià(3) 陳石獅 譯 (接7月第25面) 1941年9月678期 23-24 彼時教主拍手來扼止眾教徒恬靜，講，歐羅巴人無資格通佮Pho-lô-bûn教討論，講了，就做伊越入去內面，眾教徒向博士用真無禮的話直直共伊sau洗。 看見按呢，博士就出殿堂，所囥的向望變做空空。出來外面的時，日頭已經浮佇海面，忽然間天變大各樣，也紲欲起報頭的款。博士愛共in借歇一暗，毋久毋是in的信者，所以隨時受拒絕。彼時感覺真siān，閣真喙乾，孤不將著共in分水啉，啉了，博士提甌仔還in的時，in將甌仔共伊摃破hiat佇外面，因為博士毋是in的信者，所以彼塊甌仔也愛拍l...