[1937-12 台灣教會公報 文類-散文 作者--/-]
以馬內利的福音 [ Í-má-loē-lī ê Hok-im ]
以馬內利的福音 T. R. S. 1937年12月633期 8-10 「人欲叫伊的名做以馬內利；翻譯就是上帝佮咱佇咧」(馬太1：23)。 「以馬內利」=上帝佮咱佇咧，這是歷史上，前後無比的事實。佇伯利恆的馬槽，用布包做記號的嬰仔，就是「道成肉體，徛起佇咱中間」(約翰1；14)。無歡喜，無平和，踮佇罪惡佮悲哀滿滿的世界，這是真「大歡喜的好消息」(路加2：10)。 原來以馬內利的福音，是佇肉體顯現，化身的結果。上帝欲予人知，伊愛佮人相佮佇咧，所以上帝的囝，出世成做人。化身是上帝的自己啟示=(將本身顯明佇人的中間=)的極頭。除去上帝取人的性質，趁人的條件以外，上帝袂...

[1937-12 台灣教會公報 文類-散文 作者-吳清鎰/Gô͘ Chheng-ek]
毋通個人主義 [ M̄-thang kò-jîn chú-gī ]
毋通個人主義 吳清鎰 1937年12月633期 29-30 世間人隨个有伊的個性，有伊的趣味，有伊天才。人雖然佮咱無siāng款的性格，無siāng款的趣味，無siāng款的所想，咱袂通隨便共伊看輕佮藐視。尊重人的個性，紲共伊晟tî予伊成物，按呢毋但是做彼人的利益，實在亦是做社會的利益。總是有一項咱所著張持--的，就是自己中心的個人主義。個人主義，咱毋免尊重伊，亦毋通共伊晟持，才袂害著社會。 Taⁿ個人主義是甚物？個人主義無拄拄是孤獨的意思。有人伊的性格真孤獨，總是伊無拄拄專專咧想自己個人的利益。檢采伊的方法是孤獨，猶過伊的目的是為著社會亦是無定著。總是個人主義就毋是...

[1937-11 台灣教會公報 文類-散文 作者-吳清鎰/Gô͘ Chheng-ek]
信仰佮生活 [ Sìn-gióng kap Seng-oa̍h ]
信仰佮生活 行傳5：1─11 吳清鎰 1937年11月632期 23-24 1. 生活成聖 咱咧招人來聽道理，拜上帝的時，常常捌拄著人應講，「我愛食薰，愛跋筊，無好品行，我毋敢去佮恁拜上帝」。對這句話，亦予咱通知基督徒著有好品行，連未信道理的人亦按呢咧期待，基督徒的生活著成聖。雖然以前是無惡不作，是真歹品行，總是一旦告白伊的信仰成做基督徒了後，伊的生活著有一變換新，毋通閣照舊時，無好品行的生活。信仰佮生活著有一致。雖然喙gâu告白伊的信仰，gâu排列好聽的信條，若是伊的生活佮伊的信仰無一致，這款毋是真實的基督徒。咱的教會有戒規，就是為著愛整頓教會員的生活會成做...

[1937-12 台灣教會公報 文類-散文 作者-吳清鎰/Gô͘ Chheng-ek]
改譯舊約聖經 [ Kái-e̍k Kū-iok Sèng-keng ]
改譯舊約聖經 吳清鎰 1937年12月633期 30 改譯舊約聖經已經出現3年外久，總是佇今仔日有人舊譯的聖經猶咧用。論用舊譯的聖經卻是出佇個人的自由，無人會阻擋伊；總是佇公眾的面前咧讀聖經的時，應該著讀改譯--的，才是合宜。卻亦有人欲問講漢字的聖經未有改譯--的；總是照鄙人的所想佇公眾的面前較好漢字--的亦毋通用。因為讀漢字--的袂一致，會失落聖經的尊嚴。 舊約改譯的聖經的固有名詞濟濟已經有改換。「Ná-a」換做「Lô-a」，「A-pek-lia̍p-hán」換做「A-pek-la̍h-hán」，「郇城」換做「錫安」；以外猶有真濟。遮的固有名詞咱讀改譯--的的時，自然...

[1937-12 台灣教會公報 文類-散文 作者-吳天命/Gô͘ Thian-bēng]
關係祝聖誕的感想 [ Koan-hē chiok Sèng-tàn ê Kám-sióng ]
關係祝聖誕的感想 吳天命 1937年12月633期 27-29 近來咱教會內以及教會-外，對救主聖誕漸漸較有關心；我做囡仔的時差不多無聽見這个事。總是近來咱教會濟濟所在真鬧熱舉行祝賀，致到南部教會當局，今年苦勸各教會毋通傷鬧熱這个事。佇教會外，咱若行到台北市，台南市，台中市遮的所在，佇12月尾，就通感覺一款的聖誕氣氛，一般的商行，食店，thit迌的所在，攏有咧利用聖誕。對這款的情勢，我感覺也好，也歹。好--者，就是聖誕的事淺薄，總是廣闊有漸漸到佇一般的民眾。歹--者，就是聖誕的真意義那失落，毋知聖誕的深意。咱教會若過頭親像做鬧熱的款來祝聖誕，我想是害啦！ 我想咱欲祝聖誕，...

[1937-12 台灣教會公報 文類-散文 作者-蔡受恩/Chhoà Siū-un]
改革主義的信仰(2) [ Kái-kek chú-gī ê Sìn-gióng (2) ]
改革主義的信仰(2) 蔡受恩 1937年12月633期 26-27 前回的事業所講起改革主義信仰的出發，是根據佇聖冊所顯出的上帝的實在(Actual Existence)。萬項事攏是上帝做中心，是為著伊本身來存在。對信仰來認識上帝的實在性。這个カルヴイン主義的信仰，是注重佇神觀念的重要性。ウアーフイールド(B. B. Warlfield)有論起這个主義的特點，講「カルヴイン主義者的信仰就是看所有的現象的背後有上帝的支配佇咧，所拄著的事情逐項攏是伊所允准來指揮--的，是欲實現伊的旨意。所以對咱的祈禱，來予咱的信心對上帝的態度有絕對依賴的信憑，通予咱一生的活動有四正佮久長...

[1939-1 台灣教會公報 文類-散文 作者--/-]
迎接新年 [ Ngiâ-chih Sin-nî ]
迎接新年 1939.01 646 期 1-2頁 昭和13年taⁿ已經過去啦！永遠過去啦！！若親像眠夢做伊過去啦！！！哲學家Se-nî-ka按呢講：「咱攏是咧吐氣時間真短；總是咱有真濟的時間，也咱攏袂曉用--伊。佇咱的生涯中全然無利益；抑是攏無意無思；又閣應該做--的毋去做；按呢咧經過。雖然沓沓咧吐氣時間真短，猶久逐日咧做代誌，是親像時間無限量一樣。」 遮的話，敢毋是予咱真通深想--伊嗎？佇新年，咱若親像peh上懸山咧看頭前的路途；有媠媠希望的光咧照，也有滿滿的歡喜佮進取的精神咧衝起來；總是一旦越頭一下看，才知哲學者Se-nî-ka所講--的是事實，未免得生出一種悲傷佇咧。 一年久...

[1939-1 台灣教會公報 文類-散文 作者-潘道榮/Phoaⁿ Tō-êng]
赴總會佮協議會感想 [ Hù Chóng-hoē kap Hia̍p-gī-hoē kám-sióng ]
赴總會佮協議會感想 潘道榮 1939.01 646期 5-7頁 1. 鄙人這擺去赴聯盟總會佮全國基督教協議會；心肝第一滿足--的，就是看著上帝無限量的疼。無論佇路中佮在驚中，到逐位，都是受上帝用伊疼痛的聖手咧指導，攏免驚惶掛慮甚物。特別佇聚會中，赴會的代表者攏是真出名的先生，猶久逐个真好交陪，萬項無感覺一屑仔不自由，不時是流感謝的目屎。因為鄙人是一个極微細--的，猶久受著in遐爾好的款待。彼日受歡迎的時，連宗教局長松尾(Matsuo)博士，也用握手的禮，來表敬意。議長釘宮(Kugimiya) 監督，請鄙人坐佇歡迎式的頭位(再三推辭，毋肯予鄙人坐別位)，紲牽手對眾議員紹介，予鄙人徛佇台頂來...

[1939-1 台灣教會公報 文類-散文 作者--/-]
我的聲明 [ Goá ê Seng-bêng ]
我的聲明 彰化醫館院長事務取扱：蘇振輝 1939.01 646期 8-9頁 佇10月13號，接著南部大會的公文書佮議長劉振芳牧師的來訪，交涉講陳宗惠先生為著家事上的都合，限到10月20日，愛辭彰化醫館院長的職，所以愛我著暫時來擔當這个工，到新任院長的出世。總是我知家己的不才，毋是會做這个工的器具，也家己有一間病院都合上也是袂拄好，又閣佇病床的家父聽著這个消息，數次寫批來表示反對，所以就對大會議長告辭。 毋過後來閣得著議長以外數名牧師，宣教師的激勵講，「舊年你佇死線的中間得著上主的恩惠來復生，佇這時上主欲用你，敢通推辭？」然後閣想著： (1) 來年南部大會的平和； (2) 彰化教會佮醫館...

[1939-1 台灣教會公報 文類-散文 作者-高金聲/Ko Kim-seng]
救主聖誕 [ Kiù-chú Sèng-tàn ]
救主聖誕 高金聲 1939.01 646期 9-11頁 今仔日甚物代誌？就是咧數念救主耶穌出世。這个代誌記佇路加第2章；請讀8-14節就好，若愛讀較加，也是好。 當基督出世的時，雖然是佇烏暗暝，總是主的榮光照佇地裡無各樣日時。願聖神上帝照光咱的心，予咱的心清，有看著主耶穌來；心清會接納主入咱的心房。 彼暝天使徛佇牧者的身邊，牧者大驚。天使報in好消息，救主出世佇Tāi-pi̍t城。願咱大人佮囡仔會親像天使身穿白衫，面有光彩，行為清潔，來徛佇世間人的身邊，予in大搖choah；也願個人個人好膽對遐的心向俗情的人，宣傳福音予in攏親像牧者來揣耶穌，大家相佮講，「Taⁿ咱來去伯利恆，看所成...

[1939-1 台灣教會公報 文類-散文 作者-王守勇/Ông Siú-ióng]
宗教教育講座 [ Chong-kàu Kàu-io̍k Káng-chō ]
宗教教育講座 中中：王守勇 第6講：貫徹法 1939.01 646期 11-13頁 主耶穌不時留心佇伊的教示，著貫徹才會用得。教育毋是一時的的工，是全生涯的代誌；所以所學習--的著愛貫徹到一世人。咱知，伊的目的毋是干焦欲闡明道理nā定，就是實現佇生活，到徹底才會用得。佇遮咱愛看，耶穌愛貫徹伊的教示，所取的方法是甚物？ (1) 交陪 耶穌費了真濟時間佮學生交陪，佮in相佮生活。學生不時佇耶穌的身邊，佮伊交陪，來聽伊的教示，in的生活受伊的感化真大。耶穌較常佮學生相佮蹛，去學生的厝，抑是chhoā in去肅靜的所在，抑是入會堂相佮禮拜，不論甚物時，伊都佮學生相佮佇咧。按呢，耶穌不時接...

[1939-1 台灣教會公報 文類-傳記 作者-潘道榮/Phoaⁿ Tō-êng]
故周示先生 [ Kò͘ Chiu Sī Sian-siⁿ ]
故周示先生 潘道榮 1939.01 646期 13-14頁 先生是台中州鹿港人；出世佇明治25年8月2日。爸母早過世，較無通受教育。細漢的時，有入書房研究漢學，不止gâu做漢詩。青年時代有學淡薄國語；紲志願做巡查幾若冬久。離開官界了後，就入佇商界，開洋裁店真久。不幸伊的元配別世佇彼一時。有留一个查某囝，一个後生。佇這時陣，精神真受打擊；佳哉有得著基督福音的教示，就反悔來信主。信主了後，就決心欲獻予主，才志願入台南神學校。所以佇1918年，就入神學校。四年久，受校長故宋中堅牧師，教師故黃信期先生，牧師故和野先生的栽培；佇學中慇勤勉強，好品行，親切好交陪。伊的性質較恬，總是朋友大家攏尊敬--...

[1939-1 台灣教會公報 文類-散文 作者--/-]
宣道會通訊 [ Soan-tō-hoē Thong-sìn ]
宣道會通訊 宣道會澎湖教區的政治管見 1939.01 646期 20-21頁 論遮的代誌敢別人毋捌，抑是別人無想著？毋是按呢，捌的人濟濟，想著的人無少。若是按呢別人thài會無講？毋愛得失人，按算無大利害關係。若按呢賴某你thài著講？你毋驚得失是抑毋是？毋是按呢，我猶原毋愛得失人。若大家無歡喜--我，我也是艱苦，所以我猶原愛講好聽話，毋過可惜有兩个因端。(1)在其位必謀其政。我踮澎湖的確著想澎湖的興起才好。我有想著毋講，對澎湖無盡忠。(2)若干焦驚人，無驚上帝，按呢較好我著辭職。我受上帝疼，我也著疼伊的教會，姑不將我著講。若講毋著，我便便欲領教，願負荊請罪。若講著，請恁毋通看做無要緊。...

[1939-1 台灣教會公報 文類-散文 作者-郭朝成/Koeh Tiâu-sêng]
中中通訊 [ Tiong Tiong Thong-sìn ]
中中通訊 擊之成之 (郭朝成記) 1939.01 646期 19-20頁 樹木經過霜雪，伊的質，正會堅定。人著經過苦難，伊的心志正會奮發。教會著經過打擊，會友的信仰正會堅固。海底的螺仔，沙石走入肉內，受非常的痛苦，伊就生一款的汁來抵抗，後來沙石紲變做貴氣的珍珠。 約瑟受一切的危險苦難，後來做埃及的宰相。韓信予人壓迫，nǹg人的跤縫下，後來做兵馬大元帥。 佇遮記中中幾間教會，對苦難來結果。 1. 和美教會：十外年前，有會友去支那提真耶穌教的種子來掖，會友約三分二去信真耶穌教。拜堂也予in買去，害啦無拜堂，也無會友。照人看，這間教會會滅。無拍算咱媠媠的拜堂落成；會友禮拜比前也無啥減。...

[1939-2 台灣教會公報 文類-散文 作者--/-]
教會的權柄 [ Kàu-hoē ê Koân-pèng ]
教會的權柄 1939.02 647期 01-02頁 本月，各中會攏欲開會來辦理教務。也佇3月，南部大會愛招集來議決通南部所著進行--的。記者猶未寫，本社說的代先，致意愛敬請屬主的列位兄姊，逐日撥時間，迫切替大中會來祈禱。古早人講，國家的興衰，匹夫有責。換話來講，教會的進步佮倒退；眾信徒攏著擔當彼个責任。 試想，初代耶路撒冷的教會，敢毋是真理想的教會嗎？(1)有好的牧師：親像主的兄弟雅各，是一个內外有名望的人格者，做真好的大會議長，gâu辦代誌。(2)閣有好的傳道師：就是遐的12使徒(馬提亞補猶大的缺)好膽熱心傳教。雖然較濟，是干焦記彼得的事，猶久咱通對伊來推測其他的使徒，in定著有得著非...

[1939-2 台灣教會公報 文類-散文 作者-王守勇/Ông Siú-ióng]
宗教教育講座 [ Chong-kàuKàu-io̍k Káng-chō ]
宗教教育講座 (中中：王守勇) 1939.02 647期 06-09頁 第7 講：路邊教授 1. 路邊教授的要緊 主耶穌行路的時，佇路邊，佇同行的人的中間，逐擺揣機會來教示。因為這款的機會無較輸佇室內的教示。親像佇敘加的古井邊，抑是佇樹跤看見撒該佇桑材樹頂，抑是拄著法利賽人的西門，佇彼時有掠著真好的時間來開喙教示。總講，耶穌對這个傳道佇欲去別个所在，佇路中，抑是佇無按算的機會，佇路邊伊就開喙教示。 親像這款的方法，不止有通做咱的模樣。咱做到教師的責任毋是干焦佇教室內nā-tiāⁿ；其實佇路裡，佇街裡佮生徒接觸的時，教師的感化，抑是教示佮佇教室內的教示，平價值。咱不時著存這款的心，...

[1939-2 台灣教會公報 文類-散文 作者-賴仁聲/Loā Jîn-seng]
宣道會通訊 [ Soan-tō-hoē Thong-sìn ]
宣道會通訊 澎湖教區政治管見 (接1月21面) 1939.02 647期 13-15頁 2. 宣道新方面活動。我看澎湖的傳道，男傳道方面不及女傳道方面的活動。試講幾句。因為遮的迷信真重。毋但遮，不論佗位，若講場海邊的迷信攏較重。開講場，佮島嶼的酒，女的消費也較大。這款事，媽宮佮Chū-lī島也僫出這个例。迷信，酒，女色這3項。廟媠，坐宮；差不多逐鄉里有。遮的信仰，「天公」佮台灣同；其他為海面生活就特別崇奉觀音，媽祖。總是以外猶大對重灶文公，城隍爺。不知不覺對島嶼來，遮的婦女自卑講in女性是驚人，污穢。拍算這是對遮的儒學發達的所致；所以濟濟女性有傾向佇食菜。佇3，6，9；1，4，7；閣...

[1939-2 台灣教會公報 文類-小說 作者-賴仁聲/Loā Jîn-seng]
逐人毋免絕望，的確有向望 [ Ta̍k lâng m̄-bián choa̍t-bāng, tek-khak ū ǹg-bāng ]
逐人毋免絕望，的確有向望 (對天國新聞，賴仁聲試譯) 1939.02　647期　16-20頁 300年頭擺生後生 佇內地東海道的靜岡市，有一个百萬的員外，就是有300年歷史的大門風，武藤漆器店。 這个武藤家的第14代孫，掌家伙的單生囝武藤孫右衛門氏佇49年前的明治23年出世。 足奇怪--的，就是這个家連連300年毋捌生後生，代代都是生查某囝。代代都是分後生來接。這擺會得生查埔--的，毋但爸母就歸宗族，佮近附的人都攏掠做神跡來歡喜。 ài oh！金--的，玉--的，寶貝ni-ni。受爸母的福蔭，疼惜來培養，彼都免講--的。可惜一項，就是出世就軟弱。到佇欲入小學校的時，就著骨膜炎，脊...

[1939-2 台灣教會公報 文類-散文 作者--/-]
用母心的教育 [ ēng Bó-sim ê Kàu-io̍k ]
用母心的教育 (接舊年12月12面) 1939.02 647期 　21-21頁 3. 赦免的老母，才是好的老母 1. 對囡仔的期待。 老母對囡仔的期待有真濟款，其中第一下等的期待，就是為著伊本身的名譽，叫囡仔著比別人較gâu，通予別人呵咾，講伊真gâu教育囡仔。對按呢，囡仔就姑不將，不得已著提比別人較好的成績，才會用得。 設使若提比別人較bái的成績，伊就真失望，為著失落伊的名譽，所以真毋願，致到大大責備囡仔。 也閣若老爸有比別人佇較好的地位的時，伊就想講，也著為著老爸的名譽......所以就閣那加添囡仔的負擔。親像按呢，囡仔著為著爸母的名譽來犧牲，受艱苦。 這个是用囡仔...

[1940-1 台灣教會公報 文類-散文 作者-梁秀德/Niû Siù-tek]
以弗所的批 [ Í-hut-só͘ ê Phoe ]
以弗所的批 梁秀德 1940.01 658號 p.3-5 今講到遮，就著想猶閣一面的主張，就是講，保羅佇以弗所的獄中寫的，就是腓立門，歌羅西佮以弗所這3張的批。主張這面的先生，in是講啥物理由？ 1)這3張的批，攏有相關連，有種種密接的關係佇咧，若設使彼中間的一張，是佇以弗所寫的，就自然其餘的，也通共承認是按呢。 2)佇腓立門的批中，保羅有共腓立門講，「著備辦所在予我蹛」(22節)。這句話，聽著真自然，若親像明明知佇明仔日à是閣2，3日，我欲受敨放，欲去見。你的面，佮你講濟濟話，又閣我是老人，閣欠用安靜的場所，所以著備辦所在予我蹛。親像這款的情形來攏，就若欲想是佇彼個1...