[1926-8 芥菜子 文類-散文 作者-陳清義/Tân Chheng-gī]  (1)
著全家拜上帝 [ Tio̍h choân-ke pài Siōng-tè ]
著全家拜上帝 咱人踮佇這世間，家內的人數不論濟少，要緊著同心敬拜全能的上帝，做咱的天爸；這个是真要緊的事。可惜現今佇咱教會的中間，有濟濟的，猶未全家拜上帝，致到家內的信仰無相同，常常顯出tōng-tu̍t，大欠缺平安，來失落福氣。若會全家敬拜上帝，信仰相同，行siâng條的路，就真有平安，真有福氣。 這tia̍p愛引幾若个古早的信徒，有全家拜上帝，來做咱的模樣： 1、 Lū-tí-a。這个婦人人有全家拜上帝，伊是Chhui-ngá chhui-lat城的人teh做chi-sek-pò͘ 的生理，平素有拜上帝，信道理；主開啟伊的心，予伊全向保羅所講，全家領...

[1926-8 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 （I） Samuel Johnson (1709－1784) O主ah，你的手掌管生佮死，對佇你的氣力我通得著徛在，也對佇你的恩典通得著赦免，求你用憐憫àⁿ落來看我。你所命令我著做的義務，到今我有放做袂要緊，空空過日，全然無勞碌來完成你的旨意，求你赦免我這款貧惰的罪。求你予我會記得逐日是你所賞賜--的，應該著照你的命令來用彼日。所以求你予7我深深反悔貧惰的罪，通對你得著恩典，也通經過，你猶饒我的性命佇世間的中間，也來勤勉勞碌佇你的聖旨，倚靠耶穌基督。心所願。 (II) Anselm (1033－1109) O我的主，我的上帝ah，求你賞賜我全心所意向愛欲得...

[1959-5 台灣教會公報 文類-散文 作者-王英世/Ông Eng-sè]
T.K.C.會員kap孝敬 [ T.K.C. hoē-oân kap hàu-kèng ]
T.K.C會員佮孝敬（王英世）1959年5月845期p.14-15這月日ê討論題目是T.K.C.會員佮孝敬。部會有派我著寫一篇論孝敬。論孝敬通講是咱漢民族自古以來ê固有美德。佇這个地面上無有一國親像咱中國人遮爾尊敬祖宗。中國有出名ê 24孝，這扑算咱攏真熟。孔子先生講，「忠義ê人對有孝敬ê家庭才得會著，」á是「有孝佮有大細，這是做人ê根本。」所以代代ê人攏對重這个孝道。為著欲奉承序大人予伊有體面，祖先猶活ê時做囝孫ê毋敢分開。對遮產生大家族制度，上老ê是彼家ê主，一切ê權攏是佇伊ê手中，若違背伊命令是算做不孝。漢民族ê敬重祖先毋是干焦按呢，古早ê教示講，「若會予逐人會曉謹慎序人人ê末日，閣再數...

[1959-5 台灣教會公報 文類-散文 作者-Ông Eng-sè/Ông Eng-sè]
對教會佮T.K.C.的呼聲 [ Tuì kàu-hoē kap T.K.C. ê ho͘-siaⁿ ]
對教會佮T.K.C.ê呼聲(星中青年部：王英世寫)1959年5月845期p.17列位親愛同屬主ê兄姊，你毋知捌共想現時應召佇軍中teh服務á是訓練ê教會青年有偌濟á無？現時平地佮山地教會攏總有707間。設使一間教會若平均有兩个就1414个，若有5个就3535个lah。按呢kiám毋是真通驚惶ê數字。遮个青年佇禮拜日á是歇睏ê時毋知去tó位？有真濟可取ê青年常常去做禮拜，出入佇教會。總是也有真濟因為地頭生疏無相捌，又閣時間傷濟，所以為著欲消磨遮个時間予無聊ê心得著一時得ê滿足，in就行電影館，lòng球間，á是茶店等等所在。列位這kiám毋是對咱教會真大ê威脅。七星中會青年部因為看過去教會無甚物...

[1959-6 台灣教會公報 文類-散文 作者-孫雅各/Sun Ngá-kok]
轉變中的山地教會 [ Choán-piàn tiong ê san-tē kàu-hoē ]
轉變中ê山地教會（山地宣道處長：孫雅各）1959年6月846期 p.3-4山地教會ê每一个款式攏親像teh經過一站轉變ê階段。撿彩現今所發生做有意義ê改變，就是在佇指導者彼个範圍。佇過去這兩年來阮已經有任命二十外位有望，有前途ê指導者來擔當「教職」，這是一項進入合宜方向ê開始。因為咱會通養成閣較有才能，適當ê指導者，就咱ê教會會通建立佇閣較堅固ê石磐頂，這款所teh致意，自重ê現象ê一項，就是玉山神學書院ê改善。阮有teh進行計劃beh佇這位美麗ê場所建築一間建構堂皇ê學府，閣有土地予學生佇求學期間通佇遐做工幫贊支持in家己。教員陣容著愛加強提高。按呢咱會通期待佇未來養成閣較濟，有才能ê指導者...

[1959-7 台灣教會公報 文類-散文 作者-Khó͘ Chuí-lō͘/Khó͘ Chuí-lō͘]
研究 信仰偉人林肯大統領 [ Gián-kiù Sìn-gióng uí-jîn Lîm Khéng Tāi-thóng-léng ]
信仰偉人林肯大統領Abraham Lincoln (A. D. 1809-1865)Khó͘ Chuí-lō͘1959年7月847期 p.13-141.伊的出世佮父母。伊佇主後1809年出世佇美國的Kiàn-ta̍t-ki州（Kentucky）的Hā-tiān郡（Hadin），極偏僻的草地。伊的老父名叫多馬林肯（Thomas Lincoln）是一个樸實散鄉的作穡人。伊的生母名叫Lân-chí Hán-su，真熱心的女信徒。亞伯拉罕林肯細漢的時，就教伊道理，讀聖經，做禮拜，讀天路歷程佮其餘的宗教冊予伊聽。也紲教伊著讀，著祈禱。親像聖保羅講，毋通放拺聚會（希伯來10:25）。著大家相眷顧，來激起仁...

[1959-7 台灣教會公報 文類-散文 作者--/-]
青年T.K.C.會員kap勤勞 [ Chheng-liân T.K.C. hoē-oân kap khîn-lô ]
T.K.C.會員佮勤勞1959年7月847期 p.17-19對經濟學的立場來講勤勞是生產所袂通無得的，因為若無勤勞真無有生產，無生產就袂通供給需要，袂通應付需要，經濟就徛袂牢，經濟若徛袂牢，彼个人生就發生問題lah！所以無論佇社會，á是個人，勤勞是袂通缺少的，勤勞是人為著事業來用心神，平常簡稱勞心佮勞神。勤勞是基督教的特徵，其他的宗教也講起仁愛慈悲，總是大半是主張出世消極的，若是基督教是入世的積極的，看見社會的腐敗，人人沉落佇罪惡中，基督教毋是搖頭嘆息來閃避，就是傳福音來搶救，為著按呢，基督徒著照主的教示做光，做鹽佇家己的職域做利益人，服務人的工作。所以勤勞通講是基督教宗旨一个部份。1.近代的...

[1959-7 台灣教會公報 文類-散文 作者-賴仁聲/Loā Jîn-seng]
宣道會Bē得thang無講 [ Soan-tō-hoē Bē tit thang bô kóng ]
袂得通無講1959年7月847期 p.19-20因為我親目看見彼个大奇妙的作為；是上帝的榮光，所以袂得通無講。小弟佇23年前去媽宮做巡迴牧師。然後就職佇當時的澎湖廳，頭尾佇澎湖滿10年。後來離開澎湖諸教會。有發現3大奇妙的事佇現在的澎湖，一項是交通的大進步，第二項是文化的大進步。今交通佮交化請按下，佇遮愛講起教會的進步。落車代先到媽宮媽宮的拜堂我頭尾踮倚10年。拜堂的前面真面熟。徛佇拜堂前迎接人，濟濟是生份人。拜堂宿舍攏擴大，全會迎接人客真有活氣。到位彼日的下晡就坐車去巡視鎮海，許Pêng-jîn先生新來赴任，紲選定鎮海欲起新拜堂的地。後來去看巡迴牧師紀牧師的駐在地赤崁，這間拜堂是新起的，真合...

[1959-8 台灣教會公報 文類-散文 作者-高瑞士/Ko Suī-sū]
祈禱 [ Kî-tó ]
祈禱高 Suī-sū(接前月號11面)1959年8月848期 p.11-12總謝文----Thanksgiving General Thanksgiving無所不能的主，賞賜萬項恩典的天父，阮是小可無路用的奴僕，攏用謙卑誠心感謝主，因為主有賞賜恩惠仁慈予阮，也有賞賜予萬人。閣感謝主，因為主有創造阮，保護阮，閣將今世逐樣的福氣賞賜阮。閣較感謝主，因為主將第一大的仁愛，對阮的主耶穌基督，來救贖世間人，閣用得著恩典的法度賞賜阮，也予阮有向望後來的榮光。懇求主，予阮紀念主一切的仁慈，用盡心感謝主，讚美主，閣予阮顯明主的聖德，毋若用喙講，也著用所做的事，就是一心服侍主一生做清氣，善良的代誌，這攏是倚靠阮...

[1959-8 台灣教會公報 文類-散文 作者-編輯室/Phian-chhip-sek]
見證台灣ê信仰 [ Kiàn-chèng Tâi-oân ê sìn-gióng ]
台灣的信仰編輯室1959年8月848期 p.15-16遮有介紹幾篇台灣的好的信仰實例。台灣傳教到今已經90外年，自前就已經真濟信仰上英勇的故事，到今若欲寫起來，穩當是已經通做幾若本冊；總是本編輯室見聞無濟，想愛寫，也猶未有偌濟通寫。佇遮先報這2篇，範圍內也有濟濟這款好的信仰實例。這款的例明明是台灣所產生的信仰，所以叫做「台灣的信仰」，也是實在的見證。若有人歡喜寫來出佇本報，閣毋是kan-ta為著欲替人宣傳好名聲，就是愛對按呢來報揚台灣所出產偉大的信仰通榮光主的名，就是編者的大幸福lah！用扁擔柄阻止問神明。佇彰化縣員林佮花壇中間，有一所在叫做中莊，莊頭相當中，大部份是姓李。總是攏無人信主，只有...

[1959-8 台灣教會公報 文類-散文 作者-胡Bō͘-seng/Ô͘ Bō͘-seng]
青年T.K.C.會員kap傳道 [ Chheng-liân T.K.C. hoē-oân kap thoân-tō ]
T.K.C. 會員佮傳道。胡Bō͘-seng1959年8月848期 p.17-19(1)頭序基督教是傳道的宗教，傳報福音做咱的活命佮特色。傳道是上帝本身的工作，上帝差伊所有一个囝來世間也是只有為著傳道，閣為著傳道放拺性命。閣再主的遺言也是叫咱著傳道（馬可16:15）。咱看對原始基督教到現在有教會，有信徒，就有人無停接紲傳十字架拯救的福音做in唯一的使命　耶穌為著傳道理，雖罔有上帝的形狀榮耀，總是無掠佮上帝平等，謙卑屈低，拼空家己，取奴僕的形狀，才會通完成。咱T.K.C.會員若欲傳道理，這个根本精神毋通袂記得，這个精神若無-去，就是袂通傳道理。現在台灣的信徒差不多猶袂到2%，98%的人欲沈淪，彼...

[1959-8 台灣教會公報 文類-散文 作者-紀溫柔/Kí Un-jiû]
宣道會澎宣ê奇蹟 [ Soan-tō-hoē Phîⁿ Soan ê Kî-chek ]
澎宣的奇蹟1959年8月848期 p.20-21感謝主的恩待，有閣行神蹟奇事佇咱澎宣的所在。1.佇咱澎湖西北方偏僻迷信的所在Thong-niû，主有大做工。遮有一位兄弟陳Choân 47歲，專門研究跋繳，做跋繳的老闆，開繳間30年。這pang主的光照入伊的心，知影過去的錯誤，明白跋繳是害人的職業。所以佮全家共3名就決心來歸主聖別。現在真致意teh研究道理。感謝主。閣有一位鄭Iú-liōng兄弟36歲，看著陳Choân兄弟的改變木受主的神感動，歡喜接納耶穌做伊的救主。伊20外年攏是用跋繳做職業。今甘願放拺一切的歹，佮全家共8名聖別歸主。今已經閣認真teh做伊所學習的木工。閣一个兄弟鄭Liân也受...

[1959-9 台灣教會公報 文類-散文 作者-王oá/Ông oá]
雜錄個人消息 [ Cha̍p-lio̍k Kò-jîn siau-sit ]
個人消息一喙咬斷4條藤的和美故黃福長老的小傳王oá1959年9月849期 p.26七月13號，屬和美教會長老黃福79歲過身。伊21歲信道理，伊所蹛是線西鄉ùn-á，當時和美猶未設教會著愛教會彰化禮拜；對ùn-á到彰化愛行路2點鐘欠，雖然路遠若是每禮拜是比在彰化的人代先到。25歲佇彰化對林學恭牧師領洗禮；30歲當執事，15年久，45歲當長老，10年久，55歲來彰化醫館做工極搰力認真，對患者極親切，61歲入做彰化客運線路夫，平常60歲就退役，伊61受採用，通知伊身體的健康佮做工的盡忠，66歲予伊的囝孫ko͘-chiâⁿ伊退休，對66歲起蹛家庭就是每早起到拜堂掃地，種花沃水，所以13年久每日是按呢拜...

[1926-1 芥菜子 文類-散文 作者-吳清鎰/Gô͘ Chheng-ek]  (4)
小事的要緊 [ SIÓ-SŪ Ê IÀU-KÍN ]
小事的要緊 看輕小事是親像一塊大石，為著一塊石，人類的大多數有拄著滅無。人的一生是相接紲的小事來成立--的，逐項逐項，比較的是無甚物要緊，猶過逐人的幸福佮成功是照彼的人看小事的款式來決定。 人格是對小事來造成--的－就是gâu尊重小事也gâu實行。人佇事業上的成功是照伊注意佇小事的態度。一家的安樂是對gâu整理小事，gâu準備小事的結果來得著。 有價值，大的智識佮經驗攏是對佇細細的智識，少少的經驗，斟酌來積蓄的結果。佇一生的中間未曉積蓄半項物的人，通看伊做這世間的失敗者－因為in有看輕小事。撿彩in teh想這世間是teh反對in；若是事實，彼的災厄是in家己惹--的。 佇久久的中間...

[1926-1 芥菜子 文類-散文 作者-蔡Tiōng-kú/-]  (3)
白蟻的社會 [ Pe̍h-hiā ê siā-hoē ]
白蟻的社會 人所知佇動物中經營社會生活的昆蟲有3種類。就是蚼蟻，蜂佮白蟻。論in的社會，有相同的所在－有公蟲，母蟲，佮做工的蟲。若是蚼蟻佮白蟻，做工的蟲普通有分兩款－平常做工的頭佮做兵-的。閣較複雜的種類有兩三款的做兵的蟲－有的顧守毋免予對敵來深入，有的去攻擊對敵。 這3款的中間，社會生活最發達-的就是白蟻。伊的岫內照種類有無相同。一般代先一對王佮女王踮做伙，家己漸漸成長；以外猶有in的細細做工的蟲佮做兵的蟲仔囝佇teh。做工的蟲生做siâng款，若是做兵的蟲伊的牙槽是長閣大。牙槽齒較大的是持防，佮拍對敵的職務；較細-的是踮佇岫內行-去監督做工的蟲做工。做兵的蟲有一款頭殼頂有一支真長的器...

[1926-7 芥菜子 文類-散文 作者-陳清忠/Tân Chheng-tiong ]  (4)
著怎樣來受聖神 [ Tio̍h cháiⁿ-iūⁿ lâi siū Sèng Sîn ]
著怎樣來受聖神？ I 上帝約束欲予人。上帝是靈，是人格；上帝是hùn出的思想。所以著顯現佇伊本身以外。彼个就是默示，就是天的啟示。若是按呢伊怎樣來發表？是用雷tân？抑是用野獸？毋是。上帝用人將伊的喙來顯出。伊揀第一聖，第一溫純的人做器具來指示伊的所想，伊的熱情，伊的計畫佮將來所欲生起的事。 先知就是伊的器具，伊的通譯；所講kan-ta上帝nā-tiāⁿ。伊佇以西結(36章有約束欲用清的水hiù--咱）：－ 「用清水hiù恁，予恁成清氣，見若拜偶像，行污穢的代誌，攏總洗除去。」以賽亞35章有用真媠的話講出：－ 「曠野無水的所在欲put-íⁿ，親像山chû-ko，的確有歡喜唱歌...

[1926-7 芥菜子 文類-散文 作者-章王由/Chiong Ông-iû]  (3)
向望 [ ǹg-bāng ]
向望 予咱通gông-ngia̍h佮奇怪的，就是聖保羅有論及這兩字「向望」的要緊。伊囥向望佇道德kong-léng 的內面，就是囥佇信，佮愛，同列。總是保羅先生有伊深深的理想佇teh。 今咱會看見伊所發見這兩字的效用。人若捌常常讀伊的批佮三思伊的道理就欲得著知。 我小可看著這兩字的形影nā-tiāⁿ，袂會tú-tú通及著保羅先生的理想因為是極深沉的道理。 咱通對反來看就會知這兩字的要緊。 嗚呼哀哉！人若失落攏總的向望的時淒慘到怎樣？我拍算就是到佇死的地步，所以通講我佮恁攏活佇向望的內面。咱已經知失落向望的時毋好，按呢向望是好，是道德，是創造tek進化。 若...

[1926-7 芥菜子 文類-散文 作者-蕭樂善/Siau Lo̍k-siān]  (2)
用血成就和平 [ ēng huih sêng-chiū hô-pêng ]
用血成就和平 歌羅西1：20 保羅講和平的工已經成了。佇遮伊毋是愛干證人佮上帝和的事，就是愛報咱知成和平是用啥物法度。這句和平就是親像朋友為著事拍歹感情紲無往來，咱牽in 的手予in相牽，怨恨煞，朋友情閣生起。今上帝無要緊人的陷落罪，伊歡喜將伊十字架的血做和平的法度。咱通想兩項： 1、 怎樣上帝歡喜用伊的囝的血佮死來成就和平。 2、 怎樣用十字架的死。 3、 怎樣上帝歡喜將伊的囝的血佮死來成和平。這款的法度tú-tú是合佇上帝的心肝。伊是慈悲的上帝，也是公義的上帝。伊照公義治理天下。人已經陷落罪，今愛成和平的事，無比用伊的囝的血佮死閣較好較合的法度。所以伊歡喜將完全的...

[1926-7 芥菜子 文類-散文 作者-陳瓊琚/Tân Khêng-ku]  (3)
良妻賢母 [ Liông-chhe Hiân-bió ]
良妻賢母 所講「良妻」是啥物？「賢母」是啥物？啥物等號的某通叫做好的某，抑啥物等號的老母通稱做gâu 的老母？Kiám-chhái有人欲應講，稱做好某--的，是gâu有孝ta-ke-koaⁿ，佮齊全順服伊的丈夫；閣通叫做gâu 的老母--的，是gâu養飼、照顧囝兒佮會曉用嚴hat的法度來教示囝兒。照頂面所開拆的卻有理氣；總是真無完全。若是按呢，kiám-chhái有人欲來反問我的意見也敢！ 凡事聽說明毋達著看證明較要緊。閣再愛知我的意見的兄姐，恁若看這篇到路尾自然會明白，因為我的思想是包含佇遮个故事的內面。 我講請看證明的意思，是愛chhiau揣古早的烈婦來予咱做模範。總是欲寫到chi...

[1926-7 芥菜子 文類-散文 作者-郭水龍/Keh Chuí-lêng]  (3)
愚民迷信 [ Gû-bîn bê-sìn ]
愚民迷信 1、 台北市原怡和巷有一叢古樹有真濟人去拜，謠言講有一个老婦人人暝時受著一个人託夢對伊叫救，隔日彼个婦人人用牲禮銀紙共伊拜，厝邊的人拄著破病也去用牲禮菜飯拜，也好，對按呢謠言愈 hán，一禮拜久就真濟人去hē去求；查埔查某不時oe-oe khoeh，紲有賣金銀紙十外个佇遐teh賣，衙門知，警察隨時去擋止，百姓毋聽閣去拜，後來警察官用pang 共伊釘去來毋准人拜才煞。 2、 桃園近八塊厝共同墓地，有一个墓牌刻 (德來公 的盆墓) 謠言一禮拜前有行路祈禱得著好，近來這个消息一个傳無數的病人相爭去祈禱，桃園中壢楊梅壢，湖口各方面的人去拜，逐日幾若千人紲有臨時的生理金銀紙kiam ...