[1934-10 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接9月第4面) (賴仁聲) 1934. 10，no. 595，pp. 3-4 3. 爆裂的近因(爆裂的一年前，我就離開聖潔教會，就是真傷心。看本部的不統制，袂顧得台灣的聖潔會，了然就傷心離開)。拄拄破裂，我是無佇彼內面。已經倒來佇母會啦。無直接親目看，抑是徛佇彼个破船的內面。檢采評了較失真，總是照我入佇手裡的材料，佮在來看in的內亂來共伊推理，拍算無錯才著。 (a)監督的著作。監督最近寫一本冊，叫做「對聖冊來看的日本。」彼本冊，政府當局陸軍軍部真歡迎。總是一般的教會，親像長老派現時神學的代表者，Ko-chhong--氏；抑是組合教會的代表者，...

[1934-10 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 10，no .595，pp .4-5 IV. 舊約書的背景 2 . 受巴比倫的影響 以賽亞雖然捌預言耶路撒冷的堅固，若是對in的違背上帝，致到佇尼布甲尼撒的面前是無抵抗；其實是袂會抵抗。佇B. C. 586，遐的百姓無論是有權--的，抑是有學問--的，攏受掠到巴比倫。彼个予大衛興盛的耶路撒冷，今變做荒埔；彼个teh顯明所羅門的行伍彼間聖殿，今變做火灰。昨日猶teh教奴僕行按呢，伊就行按呢，今仔日變做是通可憐的奴隸的地步。 佇這時in的生活閣拄著大變換。佇in的心肝頭不時有這項的大問題。In teh誇口是上帝的選...

[1934-10 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934. 10，no. 595，pp. 6 Chù-ì (注意)：注神的意思。對國語的chūi來，就是英語的careful，take care of，pay attention to。文例：著注意聽先生的話。( = Sensei no yu koto wo chūi shite。= Pay attention to yo͘r teacher)。著注意持防火車來。( = Kisha ni chūi seyo。Look o͘t for the train)。注意人物( = chūi-jinbutsu = a man in the black list)。民...

[1934-10 台灣教會公報 文類-散文 作者-鄭溪泮/Tēⁿ Ke-phòan]
芳味滿厝 [ Phang-bī Moá-chhù ]
芳味滿厝 (約翰12：3) (嘉義鄭溪泮) 1934. 10，no. 595，pp. 7-8 盤過節的六日前，耶穌到伯大尼，受癩ko西門的招待，拉撒路陪席，馬大來伺候，馬利亞暗靜備辦一斤極貴氣，真的ná-ta̍t芳油，來抹耶穌「芳味滿厝。」這層事過一禮拜，耶穌就受難釘死。 彼霎學生有看見，也有鼻見，其中有的就念，猶大貪心，就嫌。主講，「這个婦人人所做，是為著我埋葬的路用。普天下，不論甚物所在傳福音，的確著講起這个婦人人的所行，予人紀念。」講按呢大大呵咾--伊。這層顯明馬利亞3層的可取。 I. 盡心敬主。 II. 盡意疼主。 III. 盡力服事主。 為著...

[1934-10 台灣教會公報 文類-散文 作者--/-]
傳教師娘重大的職務 [ Thoân-kàu-su-niû Tiōng-tāi ê Chit-bū ]
傳教師娘重大的職務 (一記者) 1934. 10，no. 595，pp. 8-10 佇7月的公報有講對修養會的期待，今欲接紲來排列幾句。寫的人無出名，毋是驚人知；是驚了有人誤解，掠做所講--的，是指家己的婦人人，其實毋是：總是攏是事實--的；因為常常出外，有所聽佮所看，抾來做材料。設使若有人的毋好，抑是恁的好予我抾來排佇遮，請恁毋通受氣，也毋通自誇。毋著--的，著緊改；有好模樣著閣勉勵行佇家內，服事教會。 1. 欲怎樣予你明丈夫的目標，紲同心協力佇上帝所交代的使命。上帝的使命是甚物？就是救人的要緊，奉仕教會的精神。請看保羅的模樣(I林9：19-23，10：24，31-33)。無...

[1934-10 台灣教會公報 文類-散文 作者-雪峰逸嵐/Soat-hong Iat-lâm]
上帝的權能 [ Siōng-tè ê koân-lêng ]
上帝的權能 (雪峰逸嵐) 1934. 10，no. 595，pp. 10-11 晉江南門外，有一個叫做金井。四十外年前是拋荒的曠野，後來有一位先生佇遐搭草厝來傳教。這个教會的源母，是咱台灣早阿猴教會一个長老(施金川)倒來遮，逐禮拜六著行路(7舖外路)到安海禮拜，拜一才倒來，往復15舖。百年久的了後，才得著一个伴相佮行，也是對台灣倒來--的，後來才得著一塊草厝佇金井通禮拜；也得著許牧師佇遮，(彼時的許牧師21歲nā-tiāⁿ)，到現時金井的禮拜堂，已經起5層的西洋式。佇1933年10：19號，做獻堂式，有請中國總會的會長來行開門的禮，逐省都派代表來赴，一時偏僻的平洋，變成榮光的天堂。現...

[1934-10 台灣教會公報 文類-散文 作者--/-]
斗六教會略史 [ Táu-la̍k Kàu-hoē lio̍k-sú ]
斗六教會略史 (劉Iú-tēng) 1934. 10，no. 595，pp. 18-19 論斗六有教會以來到佇這時，原始的信者以外，後輩的人無甚物知彼个由來佮沿革；若是做會友應該有知的必要。毋知教會的歷史，那親像毋知樹的頭，水的源流一樣。有人看教會的歷史是必要的一項，所以著編成來予後代的人通知。現時本教會猶有一個元老，就是劉萬劍長老，伊有當職49年久；佇教會的經過伊有較知影。所以對伊所查考的，愛記淡薄來數念先輩的人對教會的著磨。請兄姊替阮祈禱，予斗六教會會較活動來歸榮光上帝。 1. 教會的設立。佇1883年，就是明治16年4月間，斗六街的黃Hō͘-seng佮西螺街茄苳仔的周Ú，...

[1934-10 台灣教會公報 文類-散文 作者-林金柱/Lîm Kim-thiāu]
舊城的神蹟 [ Kū-siâⁿ ê Sîn-jiah ]
舊城的神蹟 (林金柱) 1934. 10，no. 595，pp. 15-16 (接前號第17面) 4. 痟，死，活，好。王Chheng-suí兄，三年前拄才信道理無偌久，信仰熱熱，可惜老爸阻擋。若順道理就逆老爸，若順老爸就逆天爸；佇去倒兩難受窘逐的中間，真激心治病紲痟 (狂是為著上帝II林5：13)。當顛狂的時，佇岡山街仔佮舊城庄，干證耶穌是救主，勸人反悔除去罪惡。伊的祈禱，伊的演說真壯嚴，真迫切，予人會生出敬畏上帝的心。伊的親人毋歡喜，強共伊掠轉去，用4 條鐵鏈共伊鎖跤手，縛佇大柱跤，嚴禁毋予會友佮伊相見，問佛，下符，食藥無功效。Chheng-suí兄反轉用真理勉勵，苦勸伊的老爸...

[1934-10 台灣教會公報 文類-散文 作者--/-]
聯合任職會 [ Liân-ha̍p Jīm-chit-hoē ]
聯合任職會 1934. 10，no. 595，pp. 19 牛擔灣（翻寫註：長老教會寫做牛挑灣）屬的聯合任職會 (牛擔灣，東後寮，鹹水，新營，朴子，下半天遮的教會) 佇9月18日，頂晡10點起，欲聚集佇下半天禮拜堂。這个會，對較早因為相佮請牧師，佮相提攜起拜堂的因端來設--的。到現時拜堂隨人也攏起好，牧師也隨人請；所以有人講著廢。總是我想猶有必要佇teh。現時這个教會內容攏猶未充實：就是教會全體觀念，有的人真少；教會統一思想，知的人也是少；也生活宗教化的問題，這是現時做要緊的實際問題，事實實行的人真少。所以我想，雖然無過去的問題，猶久有現在要緊的工著做。向望時到大家gâu想，gâu議論...

[1934-10 台灣教會公報 文類-散文 作者-劉振芳/Lâu Chín-hong]
啊！陳先生娘！ [ Ah! Tân Sian-siⁿ niû! ]
啊！陳先生娘！ 1934. 10，no. 595，pp. 20-21 劉振芳 今早起(7：23)，有收著對日本來的定期船，所配達的台灣便幾若張。從中一張較重，較大張的批，是台中教會林出泉長老寄--的。幾日前，才接著伊通知閣設立3名的新長老的批，taⁿ閣再寄--來；忽然生出一種不吉的預感。到拆開一下看，才知台中教會，醫師陳Sok-hong夫人；原教會女執事周--氏惜，別世的通知。佇台灣正月日前過身的事是舊，毋久批到我遮正月日後是新。為著是無拍算事變，一時彷彿掠做是眠夢；教會也是嚴肅的事實。嗚呼！陳先生娘taⁿ做他界的人。離開現世美滿的家庭，放所疼有孝四个lēng-jiōng；佮唯一的同...

[1934-11 台灣教會公報 文類-散文 作者-主筆/Chú-pit]
生活佮宗教 [ Seng-oa̍h kap Chong-kàu ]
生活佮宗教 (主筆) 1934. 11，no. 596，pp. 1-2 宗教佮生活，應該一致；按呢宗教以及人生才有意義。這是近代宗教思想中，一種真普遍的理論；自然基督徒閣較是按呢主張。 基督徒啥事著有這款思想？啥事著按呢來主張？彼个原因是極簡單。因為基督的教訓佮言論，毋是一種的空談。基督的言論，是對伊日常的生活中所生出的結果。親像伊捌教示人，「著疼別人親像家己」彼條道理，伊本身果然有照按呢實行；所以聽的人無毋受伊的感化，紲表現佇in的實生活。按呢通知，基督徒的行為，佮基督的教訓，應該相合。換話來講，宗教佮生活，應該一致；才合道理。 可惜有濟濟基督徒毋是按呢想。In攏拍算，宗教...

[1934-11 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934. 11，no. 596，pp. 9 Tōng-ki (動機)：佇心內代先所咧想的念頭來振動人去做某項代誌，叫做動機。對國語的dōki來，就是英語的motive。文例：你的動機是真好。( = Anata no dōki wa taihen kekko desu。= Yo͘ have acted from worthy motive)。小小可可的代誌，會變成國際戰爭的動機。(= Chotto shita koto de kokusai senso no dōki ni naru koto ga aru。= A mere incident may c...

[1934-11 台灣教會公報 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 (偕叡廉) 1934.11，no.596，pp.22-23 (1)佇印度Kashimis省有一間基督教的中學校。四十年前，生徒咧讀冊的時，有聽見一个婦人人佇外面出聲咧哮。學生對窗仔門看見一个少年人，將跤直直踢這个婦人人。外面看的人講，無啥代誌，是Ram Chand 咧踢in老母若定。小可事。 現時怎樣？現時對年頭到年尾，遮的學生的後裔，囝佮查某囝，時時出去外面幫贊，照顧，養飼，艱苦，予人暴辱的婦人人；予in食，予in穿；攏是用仁愛來款待。猶久遮的學生的囝兒家己是散赤的駛船人。怎樣欲按呢？In有得著主的疼痛，in順命令，也疼痛別人親像家己。 (2) 西班牙，就是天主教...

[1934-11 台灣教會公報 文類-散文 作者-林茂生/Lîm Bō͘-seng]
附錄：英台俗語對照 [ Hū-lio̍k: Eng Tâi Sio̍k-gú Tuì-chiàu ]
附錄：英台俗語對照 (林茂生) 1934. 11，no. 596，pp. 10 頭序：一句話淺淺現現鬥句鬥句來講破人情事理的奧妙，這叫做「俗語」。不論佗一國，佗一所在，都有俗語咧流通。上第一心適--的，就是英國的俗語的中間，也有濟濟有佮台灣的俗語相同--的：有的是全然siāng意思，有的是暗合。這是咧證明這兩所在的人情事理猶原有相同的所在。今我佇遮有聚集淡薄，來做這个「新台灣話」欄的「附錄」，予列位做參考；若有翻毋著，也求列位指教。 All is well that ends well。(這句俗語是對Shakespeare的一个戲齣的名來--的。意思是講，煞尾若好，就萬事攏好)...

[1934-11 台灣教會公報 文類-散文 作者-劉振芳/Lâu Chín-hong]
我的熱望 [ Goá ê jia̍t-bōng ]
我的熱望 (在北美：劉振芳) 1934. 11，no. 596，pp. 4-5 中國聖賢所講，「人生70古來稀。」抑是「70而不惑。」這無毋是咧形容彼个稀罕，佮時間相當的久。猶過檢采有人欲想，對佇個人有限的生涯來看是長，毋過對佇無限的教會，國家的歷史來講，70年是過去的昨暮日。 雖然是按呢，佇這个過去的七十年，代先對世界形勢的大觀上來看，也是不止有非常的變遷！科學的發明，發見。機器，物質文明更異tek的進步。國家國運的推移，社會團體，階級多角形的變化。是歷史的，文獻的所咧證明。 佇這中間，閣一面越倒轉來看咱台灣基督教史按怎？七十年前英國母會，派有信仰，前途有為的牧師，姑娘...

[1934-11 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接10月第3面) (賴仁聲) 1934. 11，no. 596，pp. 5-6 (3)對聖潔教會。論聖潔教會佮咱，是比天主教，佮真耶穌教較有相通的點。總是有2，3項，咱大家較無愛--的。(1)傳予未信者是好。伊不論到佗位，毋若台灣，別位也是按呢。有傳予已經信的人，來拍亂人的信。(2)對已經受洗禮的人閣共人行洗禮。(3)排列神癒做得救的一要件。這3點，我佇聖潔會做工的時，也是真共in反對。有人講我去聖潔會有閣領洗禮，彼是絕對無影的事實。因為我掠人閣領洗禮，是忽略上帝三位一體的聖恩，家己藐視以前對主所受贖回的功勞；閣也是家己證明前的反悔是白賊。以上這3...

[1934-11 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第5面) IV. 舊約書的背景 1934. 11，no. 596，pp. 6-8 3. 受希利尼人的影響 佇B. C. 第4世紀，亞力山大對馬其頓的一角興起，紲收入當時世界的大帝國波斯的大版圖 (B. C. 332)。伊對佇伊所佔領的地，有用巧妙的政策；對按呢希利尼的文化普及佇逐所在；深入佇逐方面。 猶太人對受掠以後，四散徛起佇埃及的各地方。這霎散散踮佇地中海的沿岸；其中亞歷山大，倚有25萬人佇遐徛起。In在來有漸漸棄拺家己國語，總是對希臘文化的進入，紲漸漸用希利尼的俗語，風俗也受不止大的影響。 Taⁿ這擺的影響實在無較輸第1所講「...

[1934-11 台灣教會公報 文類-散文 作者--/-]
刣贏亞瑪力 [ Thâi-iâⁿ A-má-le̍k ]
刣贏亞瑪力 (出17：11-13) (I. S. I. ) 1934。11，no。596，pp。11-12 以色列百姓對出埃及了後，有拄著幾若款的艱苦。有時喙焦，無水通啉；腹肚枵，無物通食。遮的艱苦，上帝攏有設法幫贊in。總是做第一予in驚惶--的，就是對敵。起頭佇後面有法老的軍兵咧追，到後來佇前面有迦南的本地人咧阻擋。遮的對敵的中間，予in真艱苦--的，就是亞瑪力人。 摩西chhoā百姓佇Lí-hui-thêng佮亞瑪力族交戰。彼時約書亞咧督戰。摩西上山，手若攑懸，以色列人就贏；手若放低，百姓就輸。因為摩西，手若酸，就放低，所以亞倫戶珥徙石予伊坐，紲扶伊的手。對按呢百姓大刣贏亞...

[1934-11 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 (陳鳩水) 1934. 11，no. 596，pp . 12-13 第三章：肺結核佮胸膜炎 甲. 肺結核 (1)症狀 肺結核的症狀，有的是對肺組織的改變，有的是對結核菌的毒素入佇血內。前的症狀，叫做局部--的；後--的，叫做全身--的。 局部症狀 結核菌入體後，所生成的結核，起頭是微細，袂會致病，局部全身攏無症狀。然後結核漸漸大，症狀發現。彼个發病，大概真慢；毋過有急性--的，這是佮慢性--的，有無相同的所在。 結核病的初起佮症狀的發現；彼个款式無相同，有的干焦局部--的，有的全身--的。毋過大多數，局部佮全身的症狀siāng時發出。 咳嗽 ...

[1934-11 台灣教會公報 文類-散文 作者-康佳音/Khng Ka-im]
和尚 [ Hoê-siūⁿ ]
和尚 (康佳音) 1934. 11，no. 596，pp. 13-14 1. 我捌一擺佮一个和尚談論道理，我有問伊「和尚」的意思。伊講，「這个是阮出家人的理想，其實無一个人會堪得稱做和尚，只有釋迦摩尼若定。」「Hê」是和合。「Siūⁿ」是至尊至上的神明(至尊至尚)。意思是「和合至大的神明的人，」這是佛家無上的理想。」 基督徒應該著有「和尚」的理想，總是咱理想的解釋，著進一步，就是毋若佮上帝和，純全親像天爸的純全若定；也著報傳救世的真道，來予民生高尚，道德高尚(進而尚化天下)。因為基督教是入世tek宗教，欲拯救萬民。耶穌講，「我毋是求你予in出世間，就是保守in脫離歹--的......