[1947-8 台灣教會公報 文類-散文 作者-胡文池/Ô͘ Bûn-tî]
歷史：韓文公的佛骨表 [ Le̍k-sú：Hân Bûn-kong ê佛骨表 ]
歷史韓文公的佛骨表1947.08 第704號 p.11-12(胡文池)韓文公的名韓愈（A.D. 768-823）是唐朝的大學者，也是文章家。自細聰明，端正，愛讀冊。無驚權勢，為著義真勇敢，總--是也袂看輕--人。 佛教佇後漢的時傳入中國。佇法翔 (Hoat-siông)的法門寺有塔 (護國真身塔)，塔內有釋迦的指頭仔骨一節，這個塔30年有開一擺。彼時的皇帝憲宗，差人去夯這個佛骨來宮內囥3日。韓文公彼時做刑部侍郎的官。看皇帝所做會害咱中國，所以好膽做奏章干証。後來果然惹皇帝的受氣，受貶去做潮州刺史。彼時是819年正月，過真濟艱苦，過秦嶺的霜雪，所做的詩有佇千家詩咱攏知。今將伊的佛骨表來介紹予逐家...

[1947-8 台灣教會公報 文類-散文 作者--/-]
見學：活物家己保護 [ Kiàn-ha̍k: oa̍h-mi̍h ka-tī pó-hō͘ ]
見學 活物家己保護 1947.08 第704期 p.12 胡蠅、蜘蛛、蟳仔、蛇，以及別物的蟲豕，人若見著，就愛共伊拍死。毋若人愛予伊死，就in家己也會相咬，對按呢逐日有死誠濟。雖罔按呢，無死猶活--的，閣較濟。這，為著啥因端？有兩項。 1.對in的色緻來得著保護。 A.親像佇海沙--裡，有一號蟳仔，較常出來外面，無踮佇空內；伊的殼phú色，也有幼幼的紅點，親像海沙色，真oh得分別通掠伊。 又閣蟳仔踮佇海邊的土糜--裡，色緻烏青，拄拄親像土糜。鳥真愛食in。總是因為in的色佮土糜相同，就看袂真。 B.蜘蛛有的踮佇樹林內，色緻佮焦的樹葉相同。伊若歇佇網--裡，跤手khiû-liû...

[1947-9 台灣教會公報 文類-散文 作者--/-]
見學：火車佇時才有 [ Kiàn-ha̍k: Hoé-chhia tī-sî chiah ū ]
見學 火車佇時才有？ 1947年9月 第705號 p.11-12 台灣北部，清朝時，就有；南部，日本人來管台灣，才看著。世界甚物所在，甚物時，代先有火車？英國的厝，較濟有煙筒，通予灶跤的火薰走出，款式親像細間會社。煙筒--裡，有一枝鐵橫杆；彼枝橫杆，有縛鐵鍊仔，墜--落來，鍊仔尾有縛一个鉤仔，通掛茶kó͘、鼎、鍋仔，佮逐項的器具。遐的物攏有圈仔通掛佇彼个溝。 有一日，一个查甫囡仔teh備辦滾水欲共伊的老母泡茶。水大滾，水煙對茶kó͘蒸--出來。為著水煙的力，茶kó͘就tīn-tōng-hìⁿ，搖來搖去，鐵鍊也綴伊teh搖。彼个囡仔那看就那想，家己講：「愛--啊，彼个茶kó͘若有輪，...

[1949-3 台灣教會公報 文類-散文 作者-梅樂德/Muî Lo̍k-tek]
訪問聖經地（1） [ Hóng-būn Sèng-keng toē (1) ]
訪問聖經地(1)(梅樂德J. Donald Mac Tavish)1949.03 723號 p.2-3佇戰爭中我得著機會訪問聖經內所記濟濟所在，恁的確愛聽。代先愛講Malta，記佇行傳28章。這位是保羅拄著船摃破上陸的地。彼時是叫做Malita（Bí-lī-tāi)。著過海，這个海嶼是低，也真平。佇遐無親像台灣有山，是沙石鬆鬆的地，白、清氣，閣媠。這个海嶼較無台灣的大。我是做保羅拄著船摃破的款來上這个海嶼。佇夏天真熱的一日，我騎我的自轉車經過Valletta的大街路出去到庄社。Bí-lī-tāi的農民艱苦做工，因為園有濟濟石。In種tomato，in叫做「tofca」。In 也有麥園。我行過i...

[1949-6 台灣教會公報 文類-散文 作者-梅樂德/Muî Lo̍k-tek]
訪問聖經地（2） [ Hóng-būn Sèng-keng toē [2] ]
訪問聖經地[2]{梅樂德Rev. J. Donald Mactavish}1949.06 726號 p.4-5二--月我寫Bí-lī-tāi海嶼的經驗佇咱的報紙了後，我有讀H. V. Morton的冊。照保羅的路，我知伊有訪問Bí-lī-tāi，總--是毋是保羅拄著船破的海嶼。伊講：「親像我若照我所會看近佇港灣的北爿的石巖的路落--去，我會通落去到海嶼對面的海墘，也檢彩猶原會經過--去，因為彼个距離不過是親像跳遠若定。行過兩、三英哩了後，我離開車，直直對火山巖落去到沙埔的海岸，總--是佇遐一條闊的溝佇我佮細細無liâu的石巖的中間，溝深、流緊，欲經過是袂會。海湧溢這ng著石壁，所以變做一逝的白...

[1949-8 台灣教會公報 文類-散文 作者-梅樂德/Muî Lo̍k-tek]
訪問聖經地（3） [ Hóng-būn Sèng-keng toē [3] ]
訪問聖經地 [3]{梅樂德Rev. J. Donald Mactavish}1949.08 728號 p.4-5第2項罕得有的經驗，是我佇Bí-lī-tāi的中間，行Bí-lī-tāi的海底。這位佇戰爭中是做鑽水船的基地。若是潛水艇有故障，袂得浮起來的時，佇船內的人穿藏水服，叫做Davis Escape Apparatus，in佇水內會得喘氣，按呢in會通閃避死。我有一个朋友teh按這個機關，予我穿一領潛水衫。代先，我掛一个喙頭，掛耳仔choān，也下一條大條管佇我的喙內。這條管是透佮一个桶相連絡（酸素桶）我通chūn來調節，後--來我掛一條皮帶，入14斤的鉛佇我的腹肚邊，予我較袂浮--起來，...

[1949-9 台灣教會公報 文類-散文 作者-董大成/Táng Tāi-sêng]
討論教育kap羅馬字運動ê私言 [ Thó-lūn Kàu-io̍k kap Lô-má-jī ūn-tōng ê su-giân ]
討論「教育佮羅馬字運動」的私言(董大成)1949.09 729 7 p.13-14對初代教會基督教，真注重文字。若毋捌字，家己袂曉讀聖經。基督教的信仰就oh得徛在佮進步。 通講，文字是傳道上最要緊的武器。佇1934年的Chinese Recorder，Thomas Barcley (巴博士)有講：「教會的會友無論查甫、查某，攏總佇in的家庭，暝日家己著愛讀聖經。這个是信仰生活上最要緊的代誌。你若用漢字，你永遠袂通得著這款的結果。毋過若是用彼地方的腔口的羅馬字，你就容易閣真緊得著這款的結果。佇台灣的會友已經舊約對創世記到瑪拉基，新約對馬太到啟示錄，順順利利攏家己會曉讀。這个結果攏是採用羅馬字，才...

[1950-10 台灣教會公報 文類-散文 作者--/-]
研究：宗教改革家略傳 [ GIÁN-KIÙ：Chong-kàu Kái-kek-ka Lio̍k-toān ]
研究宗教改革家略傳1950.10 742號 p.8-10（這月號宗教改革號。愛各位讀者數念當時遮的改革家。這霎終止的改革家的遺像佮略傳介紹佇遮，予各位讀者閣一擺來帶念in的遺業，來喚起咱的改革精神。）1、路德馬丁（Martin Luther）1483-1546。德國的宗教改革家。伊佇A. D. 1483年11月10日出世佇德國的Ai-su-lé-bián，散hiong作穡的家庭。老父誠實，老母敬虔，21歲畢業大學，本立志欲做法律家，總--是有一日佮伊的好朋友佇tân雷佮落大雨的時teh行路，伊看著朋友予雷拍--死，就改心欲做宗教家，1505年7月17日入Ò-kó͘-su-teng的修道院。15...

[1951-5 台灣教會公報 文類-散文 作者--/-]
論說："老母ê日"ê由來 [ Lūn-soat："Lāu-bó ê ji̍t" ê iû-lâi" ]
論說：「老母的日」的由來1951.05 749號 p.4(T.K.J.)佇美國的東爿海墘，ブァジニア州的草地，有一个細細的鄉社叫做ウェブスター，有一个熱心信主的婦人人，名叫ヂァルブヰス。佇教會做主日學的教員26年久，有一个禮拜日teh教十條誡，拄teh說明第5誡，就是著敬你的父母的教示，特別講起老母的疼怎樣的大，紲講：「向望佇恁中間，有甚物人會通想出好的方法，通予現代的人，對遮大的疼，對心底表出感謝。」 拄好伊的查某子アンナ也佇這班teh做學生，總--是無偌久，ヂァルブヰス夫人煞死--去。Nā是アンナ將老母所講彼句話記牢牢。後--來in的教會遐的婦人人，用心計較為著ヂァルブヰス夫人開一个追悼會...

[1951-6 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.08 750 hō p.4-5(黃丁旺譯)(對巴博士的日記)佇杜君英隔壁的庄社--裡，捌幾若年久一間拜堂佇遐。原底彼間是本地人teh禮拜，卻亦有淡薄客人來參加。以後有一年，杜君英的庄社予水流--去，彼間拜堂紲廢棄。禮拜就分開，本地人彼爿將in的拜堂設佇中林；客人這爿姑不將亦著閣揣一位新地點。為著欲愛一位拜堂地，in經過真濟的艱難，因為客庄講通和，毋准in中間一人將地賣咱做拜堂的路用。In貼告示，明明講：「若準人佇遐起教堂，就是外國欲來統治的前兆，有危險性佇-leh。」有一人打算欲地賣咱，為著按呢煞無成，錢閣還--咱。彼時有一位信徒，叫做張阿金，是二崙的人，將伊的厝賣咱...

[1951-7 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.07 751號 p.7-8(黃丁旺譯)(接前號第5面)代誌做了，in隨人就轉--去，kan-ta留一陣閒人teh看我，我歸身軀污穢滿滿。來禮拜的人攏四散，總--是猶有幾位婦人人佮厝主幾位未信主的親人佮我相佮佇--leh。我就用水淋身軀，卻無換衫，只有穿睏衫，亦食淡薄物過中晝頓。我卻無轉--去，杜君英原在蹛遐，這是欲予in知阮無放棄起教會的決心。佇彼e晡我坐佇一間細細間的厝內的時，有真濟人出佇好奇心，出來看所拄著的事。當受攻擊的時陣，我有帶一張護照（旅行券）佇身軀--裡，彼張無各樣別項物，亦攏予in潑到澹lok-lok，我就共伊thí開，下佇床頂來聽候伊礁。佇彼時我有講...

[1951-8 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat: Jī-lūn pek-hāi-kì ]
論說：二崙逼害記1951.08 752號 p.6-7(黃丁旺譯)(接前號第7面)以後阮卻有平安到杜君英的所在。幾日後我轉來到府城，才知影我的工人已經代先我對二崙轉--來，有將所經過的事報告教士會。教士會有將代誌報告官府（清朝政府），有人共我講，官府對這層事真憤慨，in有派一位特任委員落去埤頭欲協助遐的地方官相佮辦理這層事。這兩位到二崙欲調查的時，猶原拄著這款的侮辱，就無得著結果，空空轉--來。官府共領事講：「若無派兵是無法inta何。」阮佮領事同意，講：「按呢辦較無合宜。」後來in中間有一、兩人受警戒，我的錶仔佮鏈仔原物還我，閣賠我淡薄錢，代誌就解決。政府有出告示責備遐的人的歹所行，亦有聲明講...

[1951-9 台灣教會公報 文類-散文 作者--/-]
客莊：讀「二崙迫害記」 [ Kheh-chng: Tha̍k "Jī-lūn" pek-hāi-kì" ]
客莊讀「二崙迫害記」1951.09 753號 p.19佇教會報對6~8月連載巴牧師佇二崙的迫害記。所講彼个二崙，毋是teh指佇西螺附近的大庄社，是teh指佇屏東縣屬客庄的小鄉社。筆者因為是二崙附近的人，也是客人的一个，對這個記事不止關心來讀。過頭的感激，予我的心一面真見笑，一面是講袂出的感謝。遐的一陣人一時的的爽快成做客人永遠的見笑；但是巴牧師所拄著的見笑成做上帝的榮光。當1948年5月，內埔設教50週年禮拜式上，高篤行牧師的祝詞有講：「早年佇二崙的臭味成做永遠的芳香，遍滿佇全客庄。」也萬牧師（Rev. Edsuerd Band）所著的巴牧師傳記中也有幾若頁二崙迫害的記錄。這 敢毋是台灣傳教歷...

[1952-2 台灣教會公報 文類-散文 作者--/-]
地動 [ Tē-tāng ]
地動1952.02 758號 p.19-20對10月22號的地動以來，東部到今仔日逐日teh地動，遐的人攏疏開佇空地搭草寮teh過日，真通同情。今愛介紹關係地動的常識。一、地動的原因。大概有四款的原因：（1）火山性的地動，是對火山爆發所生起的地動。這款的地動較袂影響到真遠，總--是因為所chhèng出的火灰佮滾chhiâng-chhiâng的塗糜，附近受災害真悿，親像A. D. 79年，Be-su-bia（Vesuvius威蘇威）火山爆發，致到Póng-pe（Pompeii龐貝）城攏埋--落去。（2）地lap--落去的地動。地殼內石灰性的大石，予地下的水溶--去，生起空洞，地殼lap--落去，...

[1952-4 台灣教會公報 文類-散文 作者-董大成/Táng Tāi-sêng]
羅馬字運動 [ Lô-má-jīūn--tōng ]
羅馬字運動1952.04 760號 p.18-19(董大成)T. K. C.佇1949年的總會有派一個部會，叫做羅馬字推行部會。彼个目的是欲閣較積極的推行羅馬字佇教會內。這个部會過去兩年久雖然有拜託真濟位的先生用羅馬字著作冊，因為經濟的佮印刷的技術的的困難，到現在攏猶未通實現，致到予人感覺這个部會攏無teh做甚物。佇嘉義今年度T. K. C. 總會有檢討這个部會，逐家認定羅馬字是佇台灣傳福音最要緊的器具。彼个理由就是：(1)羅馬字 (白話字) 是會通表現咱的白話的唯一文字。欲傳福音著愛用彼地方的白話，這个是宗教改革以來的原則，尤其是對外國傳道的現代史所得著的結論。(2)照統計，台灣人的八成以上...

[1952-5 台灣教會公報 文類-散文 作者--/-]
主日學：老母ê日 [ Chú-ji̍t-o̍h：Lāu-bú ê ji̍t ]
主日學老母的日1952.05 761號 p.20-21列位小朋友，5月第二禮拜日，濟濟人欲結剪絨花佇in的胸前來禮拜。有的人結白色--的,有的人結紅色--的。是因為teh紀念慈愛的老母。少年到老，逐人攏有一個老母。有的人的老母猶活佇世間，有的人的檢彩已經佇天頂。總--是平平來teh數念。這是一個真好閣媠的所做。老母猶活的人結紅花，過身的人結白花來分別。這是甚物意思--lè？美國東海岸一個細細的庄社--nih，有一個婦人人，做主日學的教員26年久。伊真熱心，閣gâu引chhoā細囝捌道理。伊捌一擺說明十條誡的第5條「著孝敬父母」的時，有講起向望對恁中間會想出一個法度來紀念老母的大疼痛。彼時伊的查...

[1952-6 台灣教會公報 文類-散文 作者-高守仁/Ko Siú-jîn]
介紹聖畫 [ Kàisiāu Sèng-oē ]
介紹聖畫「最後的晚餐」1952.06 762號 p.19-20(接前號19面)(高守仁譯)佇這款放縱奢華的環境，真會通產生燦爛新的時代。Leonar do da Vinci（達文西）是一位大畫家、音樂家、建築家兼哲學家，自然愛佇宮內表現伊才能。伊寫一張批予米蘭公爵介紹家己講：「我會做各種戰爭武器，畫家族的像，佇和平時代會建築紀念埤，開運河。」這款有才，閣有藝的人，拄拄是米蘭公爵所欠用--的；馬上叫伊坐宮內大位，真緊伊變做一位有名的人，真濟學生就近伊，伊所畫的圖，抑是其他設計，予人真呵咾。彫刻、牆城、戰爭武器、做一條運河、米蘭公爵夫人（Beatrics）佮伊子兒的像，以及宮內貴夫人的像，攏是伊一...

[1952-8 台灣教會公報 文類-散文 作者-高守仁/Ko Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.08 764號 p.23-24(接7月22面)。這張圖到底完成了抑未？根據歷史的記載，佇1499年，法國Lo͘is有進軍入意大利，對米蘭趕出公爵，彼時文西先生猶過teh修整這張名畫，無偌久伊也予人趕出米蘭，所以這張圖佇文西先生的心中是猶未完成。Lo͘is到米蘭就隨時走去聖瑪利亞修道院看這張聖畫「最後的晚餐」，看真久，毋甘離開；就叫伊的部下共in講：「將這个掘轉來法國。」佇這个破壞工作以前，有出一个神跡，就是有人對伊忠告，伊就保全這个無予人破壞，毋過其他米蘭城內的好物攏搶到空空。雖罔文西用特別的才調來繪，米蘭的氣候真濕，所以後--來漸漸生出一層白膜。圖的色彩也失光...

[1953-2 台灣教會公報 文類-散文 作者--/-]
除偶像 [ Tû ngó͘-siōng ]
除偶像1953.02 770號 p.7-8欲拜上帝的人，佇伊的厝猶有偶像，敢通紲共伊拜？上帝敢有歡喜人拜伊，像時也拜偶像？聖經記載上帝毋准人去拜伊 (申命記4:16， 5:8；出埃及記20:4)。因為偶像是人製造的，毋是偶像創造人。見若人製造偶像，刻--的，鑄--的，彼人著受咒詛 (申命記27:15；以賽亞44:9)。因為人所鑄的偶像攏是風，攏是空虛的(以賽亞41:29)。In有嘴，袂講話；有目珠，袂看；有耳空，袂聽 (詩篇115:5， 135:15-21)。Khap-pa-kok講：「彫刻的像有甚物利益，才予造伊的人彫刻伊--ah？」對柴頭講，著醒；對啞口的石頭講，起--來，彼號人有災厄--...

[1953-2 台灣教會公報 文類-散文 作者--/-]
講壇：福氣是sím-mi̍h？ [ Káng-toâⁿ:Hok-khì sī sím-mi̍h? ]
福音講壇「福氣」是甚物？1953.02 770號 p.8-9(胡文池)農曆的新年若到，家家戶戶有用「福」這字貼佇in的門斗頂。有人寫「五福臨門」貼佇門頂。按呢人攏teh向做有福氣的人。雖然是按呢，猶久真濟人無十分明白「福氣」是甚物。山地的人無「福氣」這句話。因為這句有真複雜閣包含的意思佇--leh。至少福氣有三款的意思佇--leh。I. 物質方面的福氣。較常人若有錢，濟囝，做官，長歲壽，按呢就叫伊做有福氣。「福」這字是對「示」佮「畐」來做成的，「示」是「神」的意思，就是講，「福氣」是神的賞賜，「畐」是物質充滿，抑是每一人有田的意思。實在咱中國人攏是信「天賜平安福」，所以常常人愛號名叫「天福」。...