[1940-3 台灣教會公報 文類-散文 作者-梁秀德/Niû Siù-tek]
嘉中傳教師送別會 [ Ka-tiong Thoân-kàu-su Sòng-pia̍t-hoē ]
II. 嘉中傳教師送別會 梁秀德報。 194003 660號 p.16-17 佇新曆2月9號，(舊曆1月2日頂晡11點起，有開傳教師送別會佇斗六禮拜堂。因為有4名先生欲離開嘉義中會，就是潘金聲，劉華義，吳德元，許益超。真可惜潘牧師佮許先生，因為都合上，彼日無出席。這4个先生蹛佇嘉義中會的上久的，就是吳先生，有15年久，對袂分中會以來，就相佮拍拚，為著上帝的教會，若論伊的功勞，實在著大大共伊賞。伊欲離開，阮的心真毋甘。總是為著伊的都合，姑不將毋敢挽留。劉先生蹛5年，伊也是真活動，無論伊蹛的教會抑是公的空課，伊無推辭，真歡喜做。特別對主日學，伊真有實地tek的特長，伊欲離開，予阮感覺較無伴，...

[1941-1 台灣教會公報 文類-散文 作者-梁秀德/Niû Siù-tek]
聖冊的由來佮成立 [ Sèng-chheh ê iû-lâi kap sêng-li̍p ]
聖冊的由來佮成立 梁秀德 接11月號第6面 1941年1月 670期 5-8 Taⁿ已經大陸知舊約書的成立是對遐的理由佮時代來完成，就新約書是對怎樣來--ê，也對甚物理由內成立--ê，這也有伊的由來佇teh。 佇現行的新約書攏總是27卷。總是照咱所知，佇chiah 的文書毋是一个人kia̍h筆--ê。佇這27卷，至少有10外人的筆來成的文書；也這27卷以外，猶有幾若分的外典，遐的已經是除外，無算做正典的新約書。所以咱的新約書，會堪得講是一種的全集。當佇基督耶穌傳道的時，集到伊上天的日，毋捌kia̍h筆來寫一句，抑是叫伊的學生著作，通留佇後代。若欲講到切...

[1941-2 台灣教會公報 文類-散文 作者-梁秀德/Niû Siù-tek]
以弗所的批 [ Í-hut-só͘ ê phoe ]
以弗所的批 梁秀德 1941年2月671期 5-7 咱若讀歌羅西4章16節，就知保羅講，「閣恁著讀對Ló-tí-ka來的批」彼句話。佇遮所講，「Ló-tí-ka來的批」是甚物批，對古早以來濟濟學者講是以弗所的批。啥事按呢講？ 若掀開聖冊，讀以弗所1：1 ，佇遐所記彼句「tiàm佇以弗所，」佇siāng早的寫本無彼句話，是kan-ta講，批寄予chiah 的聖徒......。又閣一項，就是保羅蹛佇遐3年久，又閣是真苦戰的生活(行傳20：31)；hōng-kiàm這時佇獄中閣較愛想遐的相識，盡忠著磨的個人，無機會就免講，有機會就順續愛數念in，共in請安，又閣這是寫批的...

[1934-5 台灣教會公報 文類-散文 作者-梁秀德/Niû Siù-tek]
數念郭牧師娘 [ Siàu-liām Koeh Bo̍k-su-niû ]
數念郭牧師娘梁秀德1934.05, no. 590, pp. 14-15 佇新曆2月22號，彼早起接著我的妹婿的批，通知我知郭朝成牧師娘過身。 忽然予我真昂愕，因為taⁿ-chiah teh想講伊佇少年的時勤儉，拖磨，到遮欲出頭天，因為查某囝佮後生較大漢啦。 忽然聽著伊過身，bē免得予我想上帝敢款待人按呢？啊！ 真正是按呢，因為欲煞伊的著磨，轉去安歇，我細漢的教會，彼時牧師娘我就捌--伊。 伊真疼阮，無看輕，不時看著伊的嘴笑笑。 郭牧師佇神學校的時，佮先父是好交陪的朋友；今聽著伊的牧師娘過身，予我真毋甘，boē禁得照所知--的，愛寫幾句：－牧師娘姓蕭，名Gān，是社頭崙仔的人。 佮郭牧師結婚...

[1933-1 台灣教會公報 文類-散文 作者-梁秀德/Niû Siù-tek]
新約書序說 [ Sin-iok-su Sū-soat ]
新約書序說梁秀德1933. 01, no. 574, pp. 12-14 第二章：新約書ê起源　　咱現時ê新約書，佇彼內面攏總是27卷ê文書，這是咱逐人所知。總是遮个文書毋是一个人來舉筆，也毋是聖神牽人ê手來寫--ê。咱信聖冊是上帝ê話；總是也著知有人ê意思來寫：因為若無人ê意思佇彼裡，對佇人是無價值。不過是上帝用伊ê神來感動，合佇彼時，合佇所有ê目的，合佇所欠缺--ê，對早時遐个聖徒來表出上帝ê疼痛，公義，拯救kap目的。既然是按呢，就咱來研究這个...

[1933-2 台灣教會公報 文類-散文 作者-梁秀德/Niû Siù-tek]
新約書序說 [ Sin-iok-su Sū-soat ]
新約書序說(梁秀德)1933. 02, no. 575, pp. 12-14 　　第3章：新約書ê編成。　　佇第2章，我已經有講起新約書ê起源，是對實際tek來生出ê文書；又koh舉筆來寫ê人，也是真濟人。照這个27卷ê文書來看，總算遐个著者嘛無幾個若定。總是事實上，當時ê文書毋若遐个，也寫ê人毋若彼幾人，以外猶有濟濟。若是按呢，啥事kā伊刪除--去，無算做新約書？彼个因端、彼个經過ê歷史，kap 彼个成做今á日ê新約書ê傾向，kap重視ê理由，這...

[1933-4 台灣教會公報 文類-散文 作者-梁秀德/Niû Siù-tek]
新約書序說 [ Sin-iok-su Sū-soat ]
新約書序說（梁秀德）1933. 04, no. 577, pp. 12-13 　　第3章：新約書ê編成（接續）。　　第三站（A. D. 200-400）。　　這个時代thang叫做鑑定kap決定ê時代。因為這時對遐个辯證家，kap教會ê學者，á是異端派ê議論；所看了會使得做經典ê，大半差不多thang定著lah！所趣味一項，就是經典，第一事先編成ê，毋是基督教ê人，反轉是異端派Má-kiò ê人。台灣ê俗語講：「弄假成真」；真正拄是按呢，就是予...

[1941-2 台灣教會公報 文類-散文 作者-彭清約/Phêⁿ Chheng-iok]
福音的意義 [ Hok-im ê ì-gī ]
福音的意義 彭清約 1941年2月671期 7-10 佇旗後修養會得著濟濟先生的指教，予我較明這个問題，不止多謝。有朋友叫我寫落報，起頭毋敢，因為神學這方面我是門外的人；m̄-kú想倒轉，這是我一生的課題，提出予咱大家做伙想。向望會通得著列位看報的先生共我改正佮加添，就是我kia̍h筆的目的。得著洪萬成牧師過看，楊士養牧師贊喙，紲共二位說謝。 為著紙面的關係，聖經只有記章節。請列位，要緊著紲掀做夥讀才會得著彼中間的滋味，若無是kan-ta pō͘ chau-phoh nā-tiāⁿ。 馬可1：15。耶穌講，「恁著反悔來信福音」。到底福音是甚物？Karl Barth講...

[1941-3 台灣教會公報 文類-散文 作者-曾秀鳳/Chan Siù-hōng]
保羅教會觀的本質 [ Pó-lô kàu-hoē-koan ê pún-chit ]
保羅教會觀的本質 曾秀鳳 1941年3月672期 10-12 咱攏知這時世界teh建設新秩序，咱帝國teh新體制，教會也受這个影響大大teh促進合同！當這時咱袂禁得著閣一番來檢討教會的本質，對教會著再認識。若是欲認識教會的本質，自然著倒轉佇聖經。 佇舊約教會的意思指 「上帝聖的百姓。」這个事實司提反的說教有共咱指明，「這个人就是彼个佇曠野裡的會中......」行傳7：38。「會」字希伯來話Qual就是希利尼會的 Ekklesia(教會)。舊約的先知-以賽亞，Bí-ka，第二以賽亞的思想中有「聖的chhun的百姓」抑是「信的以色列」。這號思想，通講是教會的觀念的先驅。所以通講咱...

[1941-8 台灣教會公報 文類-散文 作者-曾秀鳳/Chan Siù-hōng]
著記得你在生 [ Tio̍h kì-tit lí chāi-seⁿ ]
著記得你在生 路加16：19─31 曾秀鳳 1941年8月677期 2-4 世間無人毋愛享福，人對出世到死，to攏是teh追揣快樂，愛穿媠衫，愛奢華宴樂，毋愛苦痛，iau寒餓，這是人情的常事。這世代黃金是第2个上帝，人人相爭求好額，佮這世間的快樂論到真理，抑是上帝的話，在佇in是不重用--ê。主耶穌佇設富人佮拉撒路的譬喻，來教示；這等號為家己奢華宴樂無揣上帝--ê，現時佮將來的結果。 你看！富人穿埃及產的紫色的袍佮幼tē布的衣裳，盡伊所會來奢華宴樂，奴僕女婢通差kah。若是拉撒路只有破供衣，通遮身軀免露體，富人的媠門是伊唯一的徛家，桌腳所ka-la̍uh 的是伊度活...

[1954-6 台灣教會公報 文類-散文 作者-曾秀鳳/Chan Siù-hōng]
研究：著積聚財寶tī天裡 [ Gián-kiù:Tio̍h chek-chū châi-pó tī thiⁿ-nih ]
著積聚財寶佇天裡(牧師：曾秀鳳)1954. 06, no. 786, pp. 10-11人佇社會teh活動，大部份是為著欲得著錢。已經得著，就想愛積聚。耶穌的時代的社會是按呢，現代社會的傾向閣較是按呢。所以聖經濟濟所在teh警戒積聚財寶的慾念。「若是敬虔兼知足，就是大利路，因為咱出世無帶甚物來，過世也無帶甚物去，若是有通食穿咱就欲知足，獨獨遐的想欲發財--的，就陷落迷惑佮羅網，以及濟濟戇戇有損害的私慾，就是予人陷落佇敗壞佮滅無--的」（I提摩太 6:6-10）。警戒這款的慾望--的，毋若咱基督教若定，凡若道德宗教對佇金錢的慾望也是有teh警戒。雖是按呢，猶過這個慾望是最深刻，最普遍的--的，實...

[1954-10 台灣教會公報 文類-散文 作者-曾秀鳳/Chan Siù-hōng]
真的慈善 [ Chin ê chû-siān ]
真的慈善 (牧師：曾秀鳳)。 1954.10，no.790，pp.8-9 咱若讀山上隨訓的時，就會感覺著耶穌的教示是超越佇普通的道德訓，佇Mt 6：1-4，論做慈善的事若是普通的道德訓，是教示有錢的人著賑濟散鄉人而已。總是耶穌的教示是到佇心的內面，這才是上帝國實現的教示。 咱中國人做慈善的實在真少。耶穌這款的教示ná親像無合的款，毋值著教示人行好事較著。總是耶穌的教示毋是欲勉強人行好事，伊實在是愛改造chèng-hoà人的心，人的心若對心底改造，就自然逐項的好事會做。所以耶穌的教示是道德的根本，毋是枝葉。 1. 愛有疼心。 有人teh做慈善，伊的動機無tú-tú有疼心。好額...

[1941-10 台灣教會公報 文類-散文 作者-曾秀鳳/Chan Siù-hōng]
保羅的基督觀 [ Pó-lô ê Ki-tok-koan ]
保羅的基督觀 曾秀鳳 1941年10月679期 4-7 1.猶太教所倚靠律法的義，實在袂會予人稱做義(羅1：3─21)。因為趁律法佇上帝的面前；因為對律法是予人知有罪。今佇律法以外有上帝的義已經顯明(羅3：20─26)。今律法時代已經過去，這霎是信仰時代啦，因為上帝的義對基督，到佇攏總信的人，所以通講是基督時代啦。 上帝為著欲救罪人，就對基督來顯明伊的義。這不但是保羅的福音，也是基督教的中心真理。所以咱愛小可相佮來想保羅的基督觀。 2.歷史tek的耶穌。保羅基督觀的出發點，自然是佇伊帶殺氣騰騰的大馬色路上的經驗。(行傳9：3─15；這佮II哥4：6，加1：16...

[1941-3 台灣教會公報/北部教會 文類-散文 作者-卓輝隆/Toh Hui-liông]
聖神充滿 [ Sèng Sîn chhiong-moá ]
聖神充滿 使徒行傳13：52 卓輝隆 1941年3月672期 19-20 「聖神充滿」這是甚物意思？咱的主teh欲離開學生上天的時，in 的心到極「pé縛」，若是主用約翰14：16所記的道理來趕散in 的驚惶。 當主佇世間的時，伊時刻指導，保護，勉勵，看顧學生，taⁿ主已經離開in，若是聖神已經臨到來擔當這个責任。 聖神的工作 聖神的工作佇基督徒的身上有2方面。 1. 伊的工作就是趕逐罪惡。伊的方法就是反對歹的性質(加拉太5：17)。 2. 聖神創造「新的生活」佇基督徒的心。伊的方法就是生出「恩典」的果子佇人的心(加拉太5：22)。 所以「聖神充...

[1941-8 台灣教會公報/北部教會 文類-散文 作者-上山清志/Siōng-san Chheng-chì]
將來的教會 [ Chiong-lâi ê Kàu-hoē ]
將來的教會 上山清志 1941年8月677期 23-25 今仔日所屬的教會，是理想的教會抑毋是？親像共伊反省的結果，主耶穌的教會應該是著真理想，總是現實的教會實在有濟濟缺陷缺點的所在。Taⁿ為著咱所屬的教會有缺陷，所以咱走來去入別的教派，好mah？我想，毋通。若是為著按呢來轉去別教派，結局亦是著閣轉；因為逐教派to有缺陷不完全。M̄-nā按呢，雖然咱所屬的是不完全，上帝統計咱所屬的教會來揀召咱，就是愛咱做工奉事佇咱的教會內，予伊成做較完全。對按呢來想的時，予咱通在咱所屬的教會啥款，是咱逐人的責任。教會雖然有這項彼項的不完全，欠點，咱毋通kan-ta坐teh批評，咱著出力奉...

[1941-8 台灣教會公報/北部教會 文類-散文 作者-上山生/Siōng-san seng]
台北神學校後援會 [ Tâi-pak Sîn-ha̍k-hāu Hō͘-oān-hoē ]
台北神學校後援會 上山生 1941年8月677期 18 古早的先知為著欲廣闊in 的事業，有創設先知的學校主耶穌為著福音的事業，招人來做學生。偕博士來台灣設教，siāng時紲開設神學校。若有教會，就的確亦著有神學校通養成人物來做傳教的工。主的福音真的道理會救人。總是若無人傳thài有人會聽見，若無人會聽見，thài有人會信來承受伊。按呢通知教會佮神學校有真大密接的關係，今仔日佇咱教會有一間神學校佇teh，實在是真通大感謝的事。這間神學校對開設到今仔日六七十年久，攏是宣教師teh經營。論神學校的事，咱本島教會信徒攏無teh關心，實在有大大失落咱的本份，卻佇近年才有ná teh...

[1941-12 北部教會 文類-散文 作者-上山生/Siōng-san seng]
教會諸機關teh活動 [ Kàu-hoē chu ki-koan teh oa̍h-tāng ]
教會諸機關teh活動 上山生 1941年12月681期 19-20 宣教師已經轉去了，taⁿ咱的教會的諸機關怎樣teh活動。傳道局啥款？神學校啥款？馬偕醫館？欲對tó位通得著錢來維持chiah 的事業？咱的全教會teh關心teh掛慮。有人teh拍算宣教師敢有留寡現金通做幾若年的路用，亦teh拍算宣教師無偌久欲閣來，kan-ta掛慮這兩三年的事，kan-ta teh chip守舊時的事，看會閣倒轉佇舊時的狀態，攏無欲奮發來應今仔日的時勢。Kan-ta越頭看後面，無欲向前照上帝的恩賜，照上帝所共咱定著，所共咱安排的來換新進步。有人thiau-tî毋四正認識今仔日的時勢，四界宣傳...

[1941-12 北部教會 文類-散文 作者-上山生/Siōng-san seng]
馬偕醫院新院長 [ Má-kai I-īⁿ Sin ĪN-tiúⁿ ]
馬偕醫院新院長 上山生 1941年12月681期 25 北部教會所經營唯一的醫療機關，馬偕醫院對接收以來，雖然無有一時tek 的變化，總是漸漸有teh發展的勢面。照院長李達莊先生佇10月中已經辭職，理事會慎重chhoan-hêng 的結果，滿場一致決定愛聘請本院理事稻田天來(稻田天來)先生做後任院長。交涉的結果有得著伊歡喜承諾。佇10月25日已經就任，稻田先生對大正六年有去南洋英領北ボルネオ得著倫敦政府的免許任命，總督府病院醫官佮做タワオ政府病院的院長。後來有家己開業，得著真大的成功，到佇滿州事變的時才轉來台灣開業同仁醫院佇台北市太平町 ，亦是真有人氣，伊的專門是內科佮小兒...

[1941-10 台灣教會公報 文類-散文 作者-上山生/Siōng-san seng]
馬偕醫院現況 [ Má-kai I-īⁿ Hiān-hóng ]
馬偕醫院現況 上山生 1941年10月679期 20 北部教會的醫療機關，馬偕醫院佇舊年宣教師欲引揚歸國的時有獻予北部大會。現時就大會做主體teh經營。大會有派9名理事：陳Bûn-chàn，李Suī-hàn，吳Eńg-hoâ，林iān-chong，鄭Chhong-kok，福山春雄，稻田天來，賀川信彥(理事長)。上山清志(書記)組織理事會佇teh料理。向望此去的經營逐項會合理化，予本院會通發揮基督教的精神的醫療奉仕。論這點，大大希望列位看報的兄姊替祈禱佮院內職員一致的協力。本院佇今年6月20日，已經得著監督官廳許可予咱大會，所以此去咱著負全責任來經營。現時的分科，有內科，外...

[1920-1 台南府城教會報 文類-散文 作者-李德章/Lí Tek-chiong]
白話字土想 [ Pe̍h-oē-jī Thó͘-siūⁿ ]
白話字土想1920.01 418卷 p.3(李德章記。)我出世tī 台灣已經50外年，人扑算老--啦，其實iáu未，漢文兄in 有數萬個兄弟，m̄ 值阮數十個，人學漢文一年久，m̄值來chhoē 我4、5日；有人無讀學校一年抑半月日，新舊約會曉讀，詩會曉吟，批會曉寫，這無m̄ 是我牽成--ê。近來用我來著ê 冊，翻譯ê 冊，抑是聖會報，教會報等等，人若tī 拜堂抑是下昏時，將講閒話ê 時間來chhoē 我，的確會bat hiah-ê 冊，得著濟濟學問佮 bat上帝ê 真理。Boē bat我ê 兄弟啊！Lín逐禮拜熱心去聽道理是好，m̄-kú著 koh 來bat 我，我請lín親目看上帝ê 聖經...