[1886-1 臺灣府城教會報 文類-散文 作者--/-]
白話字ê利益 [ Pe̍h-oē-jī ê Lī-ek ]
白話字ê利益1886.01 第七張 p.42-44 (前第1、第2、第3張ê教會報，有印葉牧師所做論白話字ê利益。今將劉茂清第二名ê論印tī chia hō͘ lín讀。伊所做ê 較短，所以thang做一下印。) 天下逐國ê字無攏像款；到底攏有路用；今製白話字也是文字中ê一類，伊ê 利益人，比別號ê字，iáu有較緊較快。今將伊ê 路用大略來講tī 下底。 白話字會幫贊教會興旺，tú著窘逐bē廢無。教會所以無興旺，因為入教ê人無深知道理；無深知道理，因為家己bē 曉讀聖經；bē 曉讀聖經，因為m̄-bat字。孔子字oh解說，若bat無深，猶原看bē 來；kan-ta聽先生講，就所bat--ê有...

[1886-3 臺灣府城教會報 文類-散文 作者-周步霞/Chiu Pō͘-hâ]
北港媽ê新聞 [ Pak-káng Má ê Sin-bûn. ]
北港媽ê新聞(是周步霞記--ê.)1886.03 第八張 p.51 嘉義屬北港有一間廟，名叫朝天宮，內中有一身二媽，號做天上聖母，是通台灣第一有名聲--ê；人若beh請這身二媽來敬，一日著3箍銀，100日著300箍，濟少日著照算。 舊年8月間，嘉義城內外逐kéng-hūn 有去請，用濟濟故事鬧熱；又暝日做戲孝敬，開錢真濟到bē算--得。嘉義城北門外溫燒厝境是路尾請來敬，敬了著續請去還。 頭一日請，人就做戲雙爿鬥，koh tìm炮城真鬧熱；第2日，第3日也是án-ni；第4日beh送去還北港廟。扛到新港歇睏，轎內佛有tháu開，到koh起身ê時，bē記--得縛。到北港溪ê崁頂，beh落崁下，媽...

[1886-6 臺灣府城教會報 文類-散文 作者--/-]
台灣beh改做行省 [ Tâi-oân beh ké chò Hêng-séⁿ ]
台灣beh改做行省1886.06 第十一張 p.78 咱這台灣ê地方，現時京城不止對重，所以議論beh設做行省；已經行文書hō͘道台，道台也有出告示通知行郊百姓講，是因為beh設行省所費無夠，姑不chiong著就出港口ê 貨物加抽分，拾零聚總，幫贊所費。也有分發委員tī 逐所在，kah人對這4月初一日起，若有beh載貨出口著報委員知，hō͘伊查驗、稅釐，才領單起行。到這4月20日道台有koh出告示講明，前張ê 告示是人看無明白，致到謠言誹謗，實在無影攏總beh抽；論到車載、人擔，以及內港船隻來往，攏無beh抽，若是入港ê 貨物照舊teh抽；獨獨有新設這個法度，就是出港ê 貨物定著一百分beh...

[1886-8 臺灣府城教會報 文類-散文 作者--/-]
皇帝登極 [ Hông-tè teng-ke̍k. ]
皇帝登極1886.08 第十四張 p.101-102六月初10中國皇太后出詔通知，講，「因為皇帝坐位ê時較少歲，在朝的確著有人監督，凡若遇著奏章欽點賜封chiah-ê政事，就thang 料理，所以我不得不著垂簾聽政。前有出詔定規準皇帝學習到國政chiâu bat，才thang 本身治國。到今十數年久，聖上已經日日勤苦年年進德，會曉 tit主裁奏章ê是非，批評古今ê義理，判斷政事。所以今仔日太后宣召皇親來諭旨講今年冬節皇帝teh-beh本身祭告天地，也koh諭欽天監擇選明年ê吉日，thang hō͘聖上登極。今我所諭ê旨意lín各省文武官員著遵趁奉行。」後來皇太后koh出詔講欽天監復奏登極ê吉日...

[1886-10 臺灣府城教會報 文類-散文 作者--/-]
諫諍迎佛骨ê表。 [ Kàn-chèng ngiâ Pu̍t-kut ê Pió. ]
諫諍迎佛骨ê表。1886.10 第十六張 P.117-119阮過來這爿傳道理常常聽見人講是外國教佮in無tī-tāi，有ê 也罵講是番仔教，永愛阻擋人教伊m̄-thang入。Hit號ê話究真是無情理，因為上帝是通天下ê上帝，m̄ 是一國ê上帝，hit號ê話咱m̄-thang聽。又koh hia ê 講ê人家己熱心teh拜佛起廟，攏bē曉想這個佛教其實也是外國教，佮in koh較無干涉。這個話 m̄ 是kan-ta 阮teh參lín辯，就是lín本國ê讀冊人也濟濟人知，lín ê冊也有記載講中國本底是無佛，到漢朝佛教才對印度國來；國王百姓受伊迷惑去趁，iáu-kú從中ta̍uh-ta̍uh有ba...

[1886-11 臺灣府城教會報 文類-散文 作者--/-]
恩義兩全 [ IN Gī Lióng-choân. ]
恩義兩全1886.11 第十七張 p.125-126 屬tī希臘國有一個小邦國，名做羅傑，所在較僻，近倚山腳。國內淫亂ê風俗真盛，國王不止痛恨--in，就設嚴謹ê禁令，來通知hiah-ê百姓講，若有人犯著淫亂ê罪beh扑in兩蕊目珠，無beh赦--伊。國王有一個太子，面貌四pang厚重，生成不俗，人攏向望伊會成大器來接位。Tī一日太子忽然犯著這個禁令，hō͘人kā伊出破，查考hit個事果真有影。國王即時beh照國法辦--伊；轉想講，我只有這一條ê血脈，斷斷m̄-thang 絕了祖宗ê後嗣；m̄-kú 國法又bē使--tit逃走，若因為私事來廢無公義，beh án-choáⁿ設立法度？因為溺愛...

[1886-12 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1886.12 第十八張 p.132-134今有接著廈門來ê批，前ê木主論已經批評定著。今照次序排列tī 下底：- 1.葉漢章，小溪。2.盧三元，鼓浪嶼。3.李超然，廈門。4.李記際，廈門。5.蔡天賞，泉州。 阮看chiah-ê論真大路用thang利益人，向望別日beh將頭幾若篇印規本。現時請將頭名ê論印tī 下底。 做論ê因端 舊年尾，有接--著台灣牧師一個題目，吩咐唐山台灣教會內ê先生，以及會友，著做一篇論來辯明神主ê意義。我是淺學ê人，詳細想這個事誌不止oh得推考到明，本然m̄ 敢做論，總是這個事誌盡在要緊，因為中國人，對古早就hō͘ 這號服事神主ê風俗所縛，那久那深，若無辯明，...

[1887-1 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.01 第十九張 p.3-5(接前張第135面。)所以人死，就著買一仙神主，不論男女，攏著照伊ê 名姓來寫tī 神主--ni̍h。譬喻查甫人姓陳，中央著寫，顯考陳公諱某名神主；若是婦人人譬喻姓林，著寫，妣林--氏某名神主。右爿著寫孝男ê名。神主是兩爿來合--ê，內面寫死人ê生時日月，佮過往ê年、月、日、時，葬tī 甚物山，以及分金 字向。 到tī 出葬ê 時將神主chhāi tī 魂亭 --ni̍h，佮棺材扛上山，買一隻白雞角hē tī 棺材頂；若是富貴ê家，就請一個有爵位ê人tī beh進葬ê 時將白雞去刺血，點tī 神主--ni̍h，號做點主，意思是beh hō͘ 死人ê神...

[1887-2 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.02 第二十張 p.11-13(是葉牧師做--ê。)(接前張第5面。) 第三段 古早帝王設立神主ê緣故 今古早ê人設立神主，就是beh獻祭祀；因為中國是不止早ê國，對堯帝ê 時已經有祭祀ê法度，就是有祭天地，號做郊社ê禮：看中庸，第十九章有記載，「郊社之禮所以事上帝」ê句。Koh看書經，舜典有「肆類於上帝」ê句。Koh有祭名山大川ê神，號做「柴望秩于山川」；koh 有六宗ê祭，號做「禋于六宗」，就是尊敬ê祭；因為所祭有六項，第一四時，第2祭寒暑，第3祭日，第4祭月，第5祭星辰，第6祭水旱。 Koh有祭百神，號做「遍于群神」，就是祭山頭、墳墓、水邊，佮古早聖賢ê神。 Koh有...

[1887-2 臺灣府城教會報 文類-散文 作者--/-]
佇恆春縣行遊傳道 [ Tī Hêng-chhun-koān kiâⁿ-iû thoân-tō ]
佇恆春縣行遊傳道1887.02 第二十張 p.15-16(是巴先生記--ê。)舊年12月17，就是拜一，hit暝我對安平落船去東港，tī-hia chham Tong先生，洪醫生，Keng先生取齊。（宮先生就是祖家聖冊公會差--ê，來中國料理賣聖冊ê事；hit-tia̍p chham Keng先生娘有來府城相探。）到拜三暝昏，阮4個koh再搭一隻商船beh 去南路尾，看hia hit個燈樓，也beh chhoē hit所在ê傀儡。拜五早起到tè，代先去看燈樓，也有人叫做燈臺。這間樓是起tī鵝鸞鼻，就是台灣海嶼極南ê所在，三面向海，一面靠山。樓是圓圓，差不多8丈懸，丈外闊，無人teh toà，刁...

[1887-3 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.03 第二十一張 p.23-24 (是葉牧師做--ê。)(接前張第13面。)第五段 設立神主ê m̄ 著 今古早帝王設立神主有兩號，一號是尸主，一號是木主；這兩號攏無合情理，大約有兩層。第一層，論尸主有兩項ê無合情理。第一項，就是到獻祭ê 時用伊ê大孫裝做祖宗ê尸像正正teh坐，hō͘ 同族ê人排祭物獻祭跪拜，表明孝敬ê意思；koh有異姓ê親戚朋友thang來助祭。所以古早極tuì重這號尸主，親像程子有講，「古人祭祀用尸，極有深意」。因為人死，魂氣已經散，孝子求伊ê祖宗ê神來獻祭，若無尸像就boē會享受，因為死ê人boē會食；所以用尸像替伊享受。親像詩經生民鳧鷖ê篇有講，「...

[1887-4 臺灣府城教會報 文類-散文 作者--/-]
迎佛冤家 [ Ngiâ-pu̍t Oan-ke ]
迎佛冤家1887.04 第二十二張 p.29 每年3月23日就是媽祖生；tī府城有一間大媽祖廟，是祀大媽參二媽。後來有分二媽ê神像去北港奉事，號做北港媽；幾若年以來，有風聲伊ê名興到南北二路，四圍ê男女不止熱心服事，有ê去北港燒金，有ê來府城，無定著。北港ê二媽有時三月面著來府城，探大媽。今年3月14日，有入府內；未到城門ê時，城內外ê廟有十外頂大輦出城去等接--伊。Teh-beh相近ê時，大家相爭愛先接--著，搶頭香較有名聲，走到冤家，三老爺宮較處頭鏢，大旗舉無抵好，hō͘普濟殿境ê人lì-lì破，tuì hit-tia̍p就拾恨。抵抵入城ê時大家就相扑--lah，chham賣物ê擔續lò...

[1887-4 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.04 第二十二張 p.27-29(是葉牧師做--ê。)(接前張第24面。) 第六段 獻祭神主ê m̄ 著 今這個服事神主大略有3項ê無合情理。第一項；人ê祭獻神主是扑算死ê人有來享受，來鑑納，攏無想神主是這片柴tiāⁿ-tiāⁿ，beh thái會lim 食？試看獻祭明白，物猶原tī-teh，攏無小可減，猶原是活人收去食，佮神主攏無干涉；是空空獻祭，攏無利益祖宗。稽考上帝創造萬物，獨獨因為活人ê路用，到死後就 m̄ 使用物；因為肉身歸土，神魂入陰間，這世間ê事誌攏總明白。親像俗語講，三寸氣一下斷，萬項事誌煞了了；beh thái會享受祭物ah？親像án-ni，人ê獻祭神主，...

[1887-5 臺灣府城教會報 文類-散文 作者--/-]
辯神主論 [ Piān Sîn-chú Lūn ]
辯神主論1887.05 第二十三張 p.35-37(是葉牧師做--ê。)(接前張第29面。)第七段 耶穌ê學生著tuì重真孝。頂面所論服事神主是欺騙祖宗，koh得罪上帝；總是信主ê人已經受聖神ê感化改舊換新，凡事tuì重真，棄絕假，歡喜執守上帝ê戒命，盡心疼上帝，koh疼人親像家己．這個疼人親像家己，著掠疼父母做第一要緊；所以第五條戒講，敬lín-ê父母。án-ni孝敬父母，是做人ê子兒要緊ê本分；大約有三層thang議論。 第一層：論著孝敬父母ê緣故。因為父母生咱、養飼咱、抱咱、照顧咱、教示咱；伊疼子ê心無所m̄ 到，劬勞ê深恩講boē盡。親像詩經蓼莪ê篇有講，「欲報之德，昊天罔極；」親像á...

[1887-8 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.08 第二十六張 p.59-61(Un Sam-goân做--ê.)有一日日頭得beh落山，陸道恆先生tiàm tī學房窗仔邊teh看冊，有一個人名Khiat-khiat子是博學人，扑門入來。行禮明白，陸道恆先生問講，我無路用，先生來到我ê所在，m̄ 知有甚物 beh教示我？Khiat-khiat子講，我kap你平平出世tī 中國，做讀冊人，見若我所有讀--ê你攏讀過了了；總是我不過是用chiah-ê 冊做趁食ê本錢，道理無講究，品行無tú好；先生你是teh傳耶穌教，明理達道，án-ni 就所傳--ê應該著無背謬孔孟ê冊。iáu-kú聽你ê教示竟然大違ke̍h聖賢ê意思，án...

[1887-9 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.09 第二十七張 P.68(Un Sam-goân做--ê.)(接前張第61面。)4. 你講耶穌ê功勞是親像女媧kap祝融，濛渺無人看見。Hài ah！先生盡chhìn-chhái講。論女媧祝融攏是荒唐boē信--得；耶穌ê代誌，齊備記tī 聖冊，明明thang查考，是先生bē bat讀--著，thái-thó 無thang查考？若講阮ê聖經boē信--得，就天下攏無thang信ê冊。 5.你講人愛有子是向望活thang飼--伊，死thang祭--伊；若無就人攏m̄ 嫁子娶新婦，為子孫來經營計較。試問孟子所講無埋父母ê世代，父母死有祭--無？無埋的確亦無祭，既然無祭，就hit...

[1887-10 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.10 第二十八張 p.75-78(Un Sam-goân做--ê.)(接前張第70面。)2. 照禮法，天子7間廟，服事7代；諸侯5間廟，服事5代；大夫3間廟，服事3代；德士兩間廟，服事兩代；官師一間廟，服事一代，亦續准百姓人祭一代，總是boē得thang有廟。天子、諸侯、大夫，in ê祖公若過7代、5代、3代，就無chhāi tī廟--ni̍h，不過是chhāi-------------------------------------- *這層ê內面所引起冊--ni̍h 幾若句話，驚了無讀冊ê兄弟看了，bē明白，今beh開拆大略hō͘ lín聽。因為hit-tia̍p列國ê時...

[1887-11 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.11 第二十九張 P.85-86(Un Sam-goân做--ê.)(接前張第78面。)4. 論chhāi木主，孝木主ê不通 論不通有幾若項ê緣故。神魂boē得thang來附tī 神主--ni̍h。人tiàm-teh講有神tiàm tī 神主--ni̍h，m̄ 是 m̄ 知講神魂著去陰間；伊是講，人有三魂七魄。七魄免講，kan-ta論三魂就好。今人講三魂就是講，一條去陰間，一條tiàm墓內，一條附神主；今人thái-thó有3條神魂？若真正有3條神魂，就Kiám-chhái這條魂愛beh食，hit條魂 m̄愛食，抑是無beh liâm-piⁿ 食；抑是這條魂愛beh睏，hit...

[1887-12 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.12 第三十張 p.92-94(Un Sam-goân chò--ê.)(Chiap chêng tiuⁿ tē 86 bīn.)5. 論無chhāi木主，無祭木主是攏無thang嫌。人嫌阮入教ê人無chhāi木主是無祖無公，事不知阮無chhāi無祭是有著ê緣故，hit個緣故有兩項。 1.祖公boē來食。 查考早聖王聖人設這個祭ê法度，本 m̄ 是為祖公，實在是為著子孫；孝經講，「去宗廟--ni̍h致敬，是beh無boē記得父母。」檀宮講，「起頭死，用肉脯酸醋來貫奠 ，得beh去埋ê 時，用五牲來祭，埋了倒--來，koh再孝，(che是日中晝tī 伊死ê房內孝，) bē ba...

[1888-1 臺灣府城教會報 文類-散文 作者--/-]
論救食阿片ê人 [ Lūn kiù chia̍h A-phiàn ê lâng ]
論救食阿片ê人1888.01 第三十一張 p.100(Chit篇是San先生對新聞翻譯--ê。)內省公會ê監督，有到山西省，講tú著本地ê兄弟家己了錢，設改鴉片局。伊到某城，看見有八九十人拜上帝，攏是對這個改鴉片局得著救。 有一個本地牧師家己出錢，總當改鴉片局ê責成。這個牧師ê心真好，已經設一個局tī某所在，koh愛計謀設一所在；逐早起禮拜ê時，一日過一日，常常將這個代誌祈禱。到尾伊ê婦人人kā伊講，你啥事常常因為這所在祈禱，啥事m̄去設，親像別所在一樣？應講，我ê錢攏了，無別項錢thang 做這個路用，著聽候上帝賞賜。婦人人講，Ho͘N7！著用偌濟才會設？講，Hāiⁿ！若beh設著有二三十千...