[1965-11 台灣教會公報 文類-散文 作者--/-]
故Chiong Choân-goân長老 [ Kò͘ Chiong Choân-goân Tiúⁿ-ló ]
故Chiong Choân-goân長老 這篇是鹽埕教會ê 代表tī Chiong Choân-goân長老告別式中所講ê 慰詞。 Chiong Choân-goân長老tī鹽埕教會男婦老幼無一個m̄-bat 伊。是一位熱心可敬ê長老。教會每一件事工，伊 to掠做家己ê，熱心料理； 信徒有甚麼事伊 to十分關-koâi幫忙。伊關心每一個信徒kap每一個家庭。Tī家庭禮拜做主理，tī 週間禮拜做主理，熱心宣講聖經ê道理。伊不但領導全家全守聖日，聘請「勇壯之下無弱兵」「虔誠ê老父，有虔誠ê 兒女。」伊ê囝兒成做教會青年ê中心； tī T. K. C.擔任會長， 委員等，十分活動； tī聖歌隊做...

[1965-12 台灣教會公報 文類-散文 作者--/-]
數念所尊敬ê老師Dr. Copland [ Siàu-liām só͘ chun-kèng ê lāu-su Dr. Copland ]
數念所尊敬ê老師Dr. Copland 我13 歲 tī 民國 17年(1928年) 4月16日，入台南長老教中學一年。我ê老父kā我講：這個學校是英語做準確 ê學校。我有一直讀5年到畢業，因為後來thang koh入神學校。當時ê校長是Bān En̂g-hoâ牧師。當時ê 到頭Ji̍t-jîn 商專 It-jîn，是kà阮英語讀本，林 Têng-chó先生是教阮hù 讀本，林 Bō͘-seng博士bat 教阮第 3 讀本， Bān校長教阮英語 ê 作文，校長娘教阮會話。會記得第二，第三年級 2年久，有hō͘一個宣教師教 英語會話，前bat tī大陸一chām。 Hit次伊是先結婚無joā久...

[1966-11 台灣教會公報 文類-戲劇 作者-蔡愛義/Chhoà ài-gī]
林學恭牧師 [ LÎM HA̍K-KIONG BO̍K-SU ]
話劇 林學恭 牧師 963期 1966.11 p.13-15 蔡愛義 作 第1幕：林學敦秀才的大廳，兼用做私學仔教室。 佈置：八仙桌一塊，椅條3條，學生用的椅頭仔幾若條，教師用的椅桌各一條。板poe一支。孔子遺像一張佇壁裡。學生讀冊聲音真大聲。 學敦：拄才教過去的，恁捌意思無？古之欲明明德於天下者，就是講，古早遐的愛欲將好的道德予天跤下的人會明白的代先，著愛治理國家予好；欲治理國家予好，著代先將家己的家庭顧予伊整齊；若愛予家庭整齊，代先著修養家己，欲修養家己；心肝著愛四正；心肝欲會四正，代先心思著愛誠實；心思欲誠實，著愛用盡伊的智識；智識若到，一切萬項物的情理就會徹底明白。這站就...

[1966-11 台灣教會公報 文類-戲劇 作者-蔡愛義/Chhoà ài-gī]
林學恭牧師 [ LÎM HA̍K-KIONG BO̍K-SU ]
林學恭牧師蔡愛義1966。11。15 P。7-8 第三幕： Ha̍k-kiong牧師80 作壽。牧師客廳。佈置: Kap 第一幕 sio-siāng，增加椅桌幾塊。出場人物: Keh Tiâu-sêng， N̂g Bú-tong 兩牧師， Ha̍k-kiong牧師夫婦，順意， 順愛。大囝婿Iûⁿ Chài-sêng， 二囝婿Gô͘ Kok-phoan， 孫 Tong-bō͘， Khé-bûn。Tong-bō͘:阿公，恭喜生日老康健！ Keh牧師， N̂g牧師平安。阿公，我tuì日本買一su 上好ê羊毛ê內衫褲 轉來hō͘阿公， 寒天穿hō͘ boē 寒。Ha̍k-kiong: àu-lo̍k...

[1966-1 台灣教會公報 文類-散文 作者--/-]
一年之計在於春 [ Chi̍t nî chi kè chāi u chhun ]
一年之計在於春"實實在在" ê事張Khun-oán1966。01。01 P。9-10 這個題目是咱人不時teh提起題目，特別是咱漢民族掠做人生中第一重要ê 問題，無時teh講：不時teh論，不時teh聽， thang算做是第一通俗，又koh是第一tio̍h看做"最嚴重" ê 問題，是因為無時teh講：不時teh聽，致到soà變做"to͘是實實--ê，在在-ê"靠屬ê情形，也soà跋落tī "無關心，" "無重視" 這款嚴重ê錯誤感。 "實實，在在" ê心情，soà 妨害思考（思考）ê機會，也就無有"計畫" kap 進取" ê實現。事實上， ta̍k項to͘知影一年ê中間所tio̍h做， á是...

[1966-1 台灣教會公報 文類-散文 作者-拾穗生/-]
水kap身體 [ Chuí kap Sin-thé ]
水kap身體拾穗生拾麥穗第6期1966.01.15 P.15 水雖然m̄是營養物，對tī咱ê身體是無buē 用得--ê， 佔咱全體重ê三份二。血kap 淋巴液（淋巴液）倚靠水分送營養 liāu到全身軀， siāng-時tuì 逐所在運搬hiah-ê無路用ê物出去。 除這以外， 調節身軀ê溫度hō͘伊平均，大熱á是運動 ê時，伊就變做汗流出來， hō͘體溫 khah kē， koh 會幫贊消化， hō͘大便khah 會通， 逐日有一部分ê水tuì皮膚， 肺，腰子出去。所以咱每日tio̍h ài lim相當ê水來補。照專門家ê研究， 逐日tio̍h ài lim 6杯，有人講lim 7 ha̍p...

[1966-1 台灣教會公報 文類-散文 作者--/-]
台灣民間宗教中ê傳說 [ Tâi-oân Bîn-kan Chong-kàu tiong ê Thoân-soat ]
台灣民間宗教中ê傳說Tī今年咱台灣ê 教會有一個歷史-tek ê大慶祝,就是慶祝福音來台一百週年。Tuì 這個有意義ê 慶祝以後，咱ê總會 kap所配屬ê各中會有為著台灣教會beh進入tī 宣教ê第二世紀teh大準備。這正是總會,中會,傳教者 kap每一個信徒兄弟姊妹tio̍h同心出力奮起 ê大目標.Taⁿ tī 這個真要緊ê 宣教運動ê時，咱tio̍h事先明白咱ê 宣教對象,特別咱台灣ê教會是tī台灣民間宗教ê環境中，án-ni,就這個民間宗教ê 環境正是咱第二世紀ê 宣教對象,因為án-ni,咱tio̍h事先研究chiah ê 民間宗教，而後咱chiah會thang向in 宣教.小弟為著這...

[1966-1 台灣教會公報 文類-散文 作者--/-]
台灣民間宗教ê傳說(2) [ Tâi-oân Bîn-kan chong-kàu tiong ê Thoân-soat (2) ]
台灣民間宗教ê傳說(2) 因為以上有講大道公kap媽祖婆 ê戀愛史,所以這時beh將媽祖婆 kap大道公ê傳說分別來講。關係媽祖ê傳說真濟款，其中有真濟差不多boē相信得ê傳說也boē少。總是小弟chia-nih事先來講出伊真實ê歷史，以後chiah來講伊ê傳說。咱頂面已經有淡薄講過媽祖是出世tī 宋太祖建隆（建隆）元年，就是A. D. 959 î, 到現在tú-好是1006年前，伊出世ê所在是福建省興化莆田縣湄洲島（福建省興化莆田縣湄洲島），伊ê老父是名林Î-khak（林惟？），teh做督巡官.媽祖是伊ê 第 6 ê 查某囝,因為出世以後經過成月日攏無哮，in老父就kā 伊號名做林默（林默...

[1966-1 台灣教會公報 文類-散文 作者--/-]
Tuì puh 新芛講去 [ Tuì puh Sin íⁿ kóng-khì ]
Tuì puh 新芛講去Tân Huī-chhiong1966.01.01 P.10-11 冰凍（冰凍）ê冬天beh過去lah， tī 冰凍 ê冬天，有偌濟 ê事攏boē-thang做，無論農，工，商，家庭等等。又koh冰雪（冰雪）所阻擋to boē-thang做甚麼。總是到tī春天ê聲teh近倚， 雪冰 teh iûⁿ，枯焦ê樹木koh teh puh新芛ê時， hō͘人感覺興奮 koh 抱了希望ê時， 偌濟人to 抱 tio̍h 對新來（新來）ê日子有大ê期待kap beh搶奪過去所失落ê光陰，所以這句話雖然是我國ê一句出名ê俗語， iáu-kú tī別所在雖bóng文字無siāng，也...

[1966-2 台灣教會公報 文類-散文 作者-拾穗生/-]
醫事衛生 [ I-sū oē-seng ]
醫事衛生拾穗生1966.02.01 [拾麥穗]第7期，P. 16-17 性格kap食物照專門家ê研究，食物kap性格真大關係， 譬喻 愛食肉ê人， khah 濟是好膽，有進取ê氣慨，食菜食長齋ê人，伊ê性格khah保守-tek，心神khah鎮靜（沉靜）。 愛講話(厚話) ê人，是伊ê大腦（大腦）欠缺Vitamin B， ài lim khah 濟牛奶，蜜水，小麥（胚芽米）。精神無安定ê人，是欠用鈣質kap燐質ê食物。鈣質：就是土豆，豆仔， poê-lêng-菜， 蝦， 芋仔，魚子，牛奶。燐質：就是雞， 雞蛋， 蟳， 馬鈴薯，葡萄，杏仁，栗子。依賴性重ê人: Kan-ta 倚靠食物無夠額， à...

[1966-2 台灣教會公報 文類-散文 作者--/-]
台灣民間宗教ê傳說(3) [ Tâi-oân Bîn-kan Chong-kàu tiong ê Thoân-soat (3) ]
關係大道公ê傳說大道公也稱做保生大帝。咱tī以上也有講過是一個醫生，關係伊有真心適ê傳說。採藥中途救人收徒弟有一日，有一個叫做江仙官（江仙官）ê 書生teh-beh去上京科考， 當伊行來半路 ê時，soah去遇著虎， 虎將江仙官ê一個書僮仔 kā 伊kā-去，因為án-ni， 江仙官就ná行ná哭。正tī 這個時陣， 這個保生大帝正坐雲beh去河南（河南）ê 柔林（柔林）採藥 tuì hia 過， 忽然間看見地裡有一堆散散ê骨頭，知是江仙官ê 書僮仔 ê骨頭，就將hiah ê骨頭khioh-khioh 排排 leh， chiah發見減一支左pêng ê腳骨，就隨便at一支柳樹枝來代替，而後用咒...

[1966-2 台灣教會公報 文類-散文 作者--/-]
台灣民間宗教中ê傳說(4) [ Tâi-oân Bîn-kan Chong-kàu tiong ê Thoân-soat (4) ]
台灣民間宗教中ê傳說 五府千歲 ê傳說台灣ê風俗真迷信，因為án-ni，廟寺特別濟。Tī 民國 19年12月，日本人有調查全台灣寺廟ê所額，計共有3661間，照所記錄伊ê 分類親像下面:服祀福德正神（福德正神），就是土地公ê有674 間， kan-ta 台南縣ē已經有258間。服祀王爺ê王爺廟(就是服祀五府千歲ê廟)，有534間。服祀天上聖母（天上聖母）就是媽祖ê廟，有300 goā 間。 Chiah ê 統計數字雖然有khah 舊 lah，總是真確實。光復後民間宗教有大興起，到現時iáu bē有新ê全盤-tek ê 統計， 只知影tī 民國53年7月15日以前，tuì 台南市政府所登記ê寺...

[1966-3 台灣教會公報 文類-散文 作者--/-]
共同進入第二世紀 [ Kiōng-Tông Chìn-Ji̍p Tē 2 Sè-Kí ]
共同進入第二世紀En̂g-lîm1966、03、15 P12 今年總會開會ê第二日下午八ê 友好教會 ê代表來向大會請安， tī chiah-ê請安ê話， hō͘人印象khah深ê是oē-lí公會ê Ury牧師（吳銳牧師）。伊強調第二世紀ê宣教最要緊，是tio̍h強調合一做工，伊用一個真有意思ê 譬喻 án-ni講，有兩個男女朋友相招去kò船仔，忽然女子soà跋落水內bo̍k-bo̍k泅，這個男ê隨時kā伊講將你ê手伸來hō͘我，我kā你牽起來，伊隨時伸手hō͘伊牽，無拍算只有拖一隻手起來nā-tiāⁿ，身軀無起來，因為hit支手是義手（義手）， 男ê隨時koh對伊ê嘴beh kā giú起...

[1966-3 台灣教會公報 文類-散文 作者-拾穗生/-]
聖德太子 [ Sèng-tek Thài-chú ]
聖德太子拾穗生拾麥穗第10期1966.03.15 P.18-19 用明天皇（用明天皇）ê 皇后穴穗部皇女（穴穗部皇女），有一暝夢見看著一個黃金色ê 和尚，我有一個階段beh來救這世間，你ê內面暫時借我toà。 皇女問伊，你是甚麼人？我是救世ê 菩薩， toà tī 西方， 隱居572年，正月初一日tī 宮內ûn-á散步，行到馬寮ê時陣，腹肚直直催陣親像beh生ê款，快快生出來ê就是廄戶皇子（廄戶皇子），後來叫做聖德太子。跟隨ê人就趕緊抱入去睏房（寢殿）。忽然間榮光燦爛，芳味滿取， 4月日講話就親像大人。隔年ê 2月15日早起， ǹg東爿，手合合念南無阿密陀佛。八歲 ê時， tuì 朝鮮來一個...

[1966-3 台灣教會公報 文類-散文 作者--/-]
台灣民間宗教中ê傳說(5) [ Tâi-oân Bîn-kan Chong-kàu tiong ê Thoân-soat（5） ]
台灣民間宗教中ê傳說(5) 福德正神（福德正神）土地公以上已經有講過 tī台灣ê 民間宗教中所teh服祀ê "福德正神」ê 數量是排第一濟ê， kan-ta 台南縣轄 ê 土地公已經有258 身 ê濟，到底福德正神甚麼？Nā講明就無甚麼稀奇lah，這就是tī大略各地方所teh拜土地神，tī台灣也稱做土地公。雖然講tī台灣服祀土地公廟只是起tī田邊，抑是路邊，是真細間，有ê to無一間雞tiâu ê大間 leh。 Tī 台灣關係土地公ê傳說是非常濟款，總講歸結起來，就是講土地公ê 生前是一個為民除害，家己soah不幸來死去ê人，死後伊ê靈魂上天，受玉皇上帝 kā 伊封做土地神。Chiah ê傳...

[1966-3 台灣教會公報 文類-散文 作者--/-]
台灣民間宗教中ê傳說（6） [ Tâi-oân Bîn-kan Chong-kàu tiong ê thoân-soat (6) ]
台灣民間宗教中ê傳說（6） 論灶君 ê傳說。台灣民間若到每年舊曆 ê 12月24日就稱做送神ê日。照in ê傳說講：tī 這日地面上ê神明攏beh 上天庭去見玉皇上帝，順續去報告人所做ê好歹。所以tī 這日tio̍h備辦三牲酒禮來送所有神明上天。Chiah ê神明上天去以後，in chiah thang隨便將佛像遷soah位， 抑是請來洗（洗）。Chiah ê神明上天去以後，tio̍h 到舊曆ê正月初五chiah有koh 倒轉來。所以這中間連廟寺ê門亦攏關起來，koh用封條封起--來，到正月初五就稱做chih-神（接神）ê日，猶原備辦三牲酒禮來chih接hiah ê神。Taⁿ in teh送...

[1966-4 台灣教會公報 文類-散文 作者--/-]
台灣民間宗教ê傳說（7） [ Tâu-oân Bîn-kan Chong-kàu tiong ê thoân-soat（7） ]
台灣民間宗教ê傳說（7） 擬人化 ê偶像崇拜。當我teh研究「台灣民間宗教」ê時，hō͘我發見著這個擬人化（擬人化）ê偶像思想，tī民間偶像崇拜ê中間，常常照人家己ê生活方式做偶像崇拜ê 標準，親像講"Pu̍t siⁿ-i̍t" lah， 抑是親像「東嶽廟」（東獄廟）ê 嶽帝爺 kap 城隍廟（城隍廟）ê 城隍爺等。照傳說，in是teh執掌陰間（冥司）ê事，總是in廟中ê排設kap 內容ê組織， 正kap 陽間 ê衙門相像，也有判官，也有司屬（司屬）等，花色真濟。郭聖王 chhoā某。咱tī以前bat講到"大道公 kap媽祖婆 ê戀愛史，」以及「上帝公 (是指玄天上帝 玄天上帝) kā 保安...

[1966-5 台灣教會公報 文類-散文 作者--/-]
台灣民間宗教中ê傳說（8） [ Tâi-oân Bin-kan Chong-kàu tiong ê Thoân-soat (8) ]
台灣民間宗教中ê傳說（8）神明官場ê 組織。除了18 司以外，koh有設兩個判官;兩個判官是分做文 kap 武， koh有4 爺，就是牛爺， 馬爺， 枷爺（枷爺），鎖爺（鎖爺），也有二將軍，就是謝必安（謝必安），因為伊排 ti第七ê，所以俗稱七爺; 范無咎（范無咎），因為伊排tī 第八--ê，所以俗稱八爺， án-ni 二判官kap 司爺 kap 二將軍合做夥稱做八爺。以外36 部將是紀仙姑（紀仙姑），連聖者（連聖者），五龍官（五龍官），鎖大將（鎖大將），金舍人（金舍人），倒淘大將（倒淘大將）。李仙姑（李仙姑），馬龍官（馬龍官），劉聖者（劉聖者），枷大將，（枷大將），唐舍人（唐舍人），移山大將...

[1966-6 台灣教會公報 文類-散文 作者--/-]
台灣民間宗教中ê傳說（9） [ Tâi-oân Bin-kan Chong-kàu tiong ê Thoân-soat (9) ]
台灣民間宗教中ê傳說（9） 3) 兩個已經失落去ê小迷信。舊曆ê正月15日，就是上元賜福天官紫徽大帝（上元賜福天官紫徽大帝）ê生日，簡稱上元暝， 抑是講元宵暝。 Tī 這日各地方ê 民間 to有迎花燈， 這時所beh講兩個失落去ê小迷信，是tī 這個元宵暝 teh舉行ê。 根據「台灣史槎錄」 （台灣史槎錄）所記，台灣民間若到元宵暝ê時陣，有一款叫做「偷青」（偷青）ê風俗，這卻是一款 ê迷信。原來「偷青」是對一個bē出嫁ê 少女偷入去人ê園內，偷at人ê花枝 kap 竹葉。假使為著 án-ni hō͘人loé， hō͘人罵，就會嫁著好翁。 Koh bē結婚ê 男青年，tī 這暝偷入去人兜偷th...

[1966-6 台灣教會公報 文類-散文 作者--/-]
台灣民間宗教中ê傳說（10） [ Tâi-oân Bin-kan Chong-kàu tiong ê Thoân-soat (10) ]
台灣民間宗教中ê傳說（10） 3)是對故事中造出來ê，雖然是漢明帝（漢明帝）ê時真正有派蔡金（蔡金）kap秦景（秦景）去印度ê天竺國請佛骨kap 佛經入來咱中國，總是到清朝有翰林用這個做背景寫一本西遊記ê 小說，當時寫西遊記 ê時，聽講是佛教 kap道教 teh論爭ê時，因為寫西遊記ê記者是屬佛教，所以所寫ê 內容攏是佛祖 khah贏hiah ê 妖道， tī hit個小說中有西王母（西王母），有如來佛（如來佛），有濟天大聖，是猴濟天， koh有二郎神（二郎神），koh有十殿閻羅（十殿閻羅），有靈宮（靈宮），真君（真君），普賢（普賢），文珠菩薩（文珠菩薩）等。 Chiah ê 並m̄是歷史上...