[1899-6 台南府城教會報 文類-散文 作者--/-]
福氣ê根本 [ Hok-khi e kin-pun ]
福氣ê根本1899.07 172卷 p.56前bat有一個富貴大權ê王，總--是伊逐日滿心深深teh掛慮，致到真大煩惱。伊聽人講tī 某山--ni̍h有一個真智慧ê聖人。王去hit個聖人所toà ê山穴chhoē伊，就講：「聖人--ah！我來chhoē你刁持beh請你教我得著福氣ê法度。」聖人就chhoā王去到懸懸ê石khàm。Tī khàm頂有一隻鷹鳥做siū。聖人tuì王問講：「鷹鳥啥事做siū tī hiah-ni̍h懸ê所在？」王應講：「Káⁿ是為著ài閃避風險。」聖人就續應講：「你著看鷹鳥ê樣。Tī 天堂著起你ê厝就滿心會得著平安萬福。」...

[1898-12 台南府城教會報 文類-散文 作者--/-]
深河伯ê 行述 [ Chhim-hô-peh ê Hêng-su̍t ]
深河伯ê 行述1898.12 165卷 P.92-94深河伯是嘉義縣大溪厝庄ê 人。伊做囡仔ê時m̄-ài讀冊，若beh去學--ni̍h讀冊，伊就將冊chhàng hē竹phō內。伊ê老母也是真嚴，若知伊無去讀冊，kā伊扑，若是伊猶原m̄-ài去讀冊。伊到長成，伊ê父母有將所io ê 新婦仔匹配--伊；後--來有生3個查某子，第2個死去，亦有分1個後生。伊少年ê時無惡不作，無1項ê歹伊無做。伊ài交陪poa̍h-kiáu--ê、做賊--ê,伊ê老父hō͘伊氣到擋bē tiâu,就吞烏薰到死；伊ê老母是不止嚴。所以厝--ni̍h伊toà bē-tiâu,就放sak伊ê老母kap某、查某子，大查某...

[1898-10 台南府城教會報 文類-詩 作者--/-]
約瑟歌 [ Iok-sek koa ]
約瑟歌1898.10 163卷 p.79-80(接前卷第72面。) 42.Hit 時逐人家己認罪，反悔前非這時機會；大家就將事實分訴，實在照款難推半步。43.約瑟看了心肝不忍，大聲啼哭真正難禁；Hit 時相認，我是約瑟；逐家gông-ngia̍h心大感激。44.約瑟安慰眾兄莫恨，上帝差伊埃及地面；備辦thang 救埃及通國，續到在地迦南本族。45.就kap眾兄相抱chim嘴，啼哭傷心實在有愧；差in轉--去老父通知，所疼ê子約瑟是伊。46.法老聽知約瑟兄弟，吩咐poaⁿ請老父迎接；Beh 賜好物兼賜土地，享受好報約瑟老父。47.眾子轉--去老父講起，雅各m̄ 信心無歡喜；忽然看著車馬來到；本...

[1898-7 台南府城教會報 文類-散文 作者--/-]
台灣誌 [ Tâi-oân-chì ]
台灣誌1898.07 161卷 p.60-61自台灣歸日本版圖了後，有改換濟濟項，親像縣份ê界限，設辦務署kap批局，攏有要緊ê權係，咱應該著相熟，逐項會利便m̄免費氣。 論早前ê縣份，卻有苗栗、彰化、雲林、安平kap恆春；今hiah ê名做縣無bô teh用。新設ê 縣廳有排列tī下底；總是所記ê里份攏是照日本ê路程來記。Lín學物ê學生若ài科考，著知日本直行ê一里tú清國ê六里連780步ê額；日本四方ê一里tú清國ê 46.24四方里ê額。 1.台北縣。縣廳設tī台北城內，就是總督住tī hia統轄全台ê政事；iáu kú照hit tah ê地理另外有分設基隆kap淡水ê支廳。台北縣東西...

[1898-8 台南府城教會報 文類-散文 作者--/-]
梅饒理ê來歷 [ Muî Jiâu-lí ê lâi-le̍k ]
梅饒理ê來歷1898.08 161卷 p.63-64主後 1805年，tī大德國有一個囡仔出世，姓梅名饒理，hit時卻無甚mi̍h名聲，總--是後--來差不多通世間看伊ê好所行攏受感激。伊ê父母本是熱心拜上帝，亦向望hit個囡仔長成做學問ê人。所以要緊hō͘伊去學--ni̍h讀冊。Hit時伊10外歲nā-tiāⁿ，iáu-kú無惡不作，有bat食酒、poa̍h-kiáu,放縱結交匪類。 伊ê老母死hit-tia̍p 饒理做伊天天醉，亦無倒去看伊。Koh 1擺kap伊ê同窗出外放蕩，無偌久伊ê錢財匪了，無半圓thang kap店主算數，就hō͘伊掠去關監，好tit伊ê老父替伊還，才放--出來。 ...

[1897-11 台南府城教會報 文類-小說 作者--/-]
莫得掛慮明仔日 [ Bo̍h-tit khoà-lū bîn-á-ji̍t ]
莫得掛慮明仔日1897.11 152卷 p.81-82早前tī 西國有某人，翁某兩個燒火炭teh 渡活；是敬虔服事主，gâu號款待人。已經五十外歲，iáu-boē有子兒。是真散hiong，家內無半項物，只有一塊厝thang企起，約量值600銀nā -tiāⁿ。食穿常常欠缺。Koh tú著飢荒ê 時冬，米貴親像珍珠，柴錢到那準肉桂。就kā人借錢，欠債真濟，日子一下久，債主tuì 官府告--伊，欲估伊ê 厝來還欠。In二個老翁某無法得伊ta-oâ。債主boē來估厝 ê 前一日，是安息日；in翁某就去禮拜堂聽道理；tú好牧師講馬太6章 34 節，將「莫tit 掛慮明仔日」ê 句做題目，來議論道理。I...

[1897-11 台南府城教會報 文類-散文 作者--/-]
狗有智識 [ Káu ū tì-sek ]
狗有智識1897.11 152卷 p.86-88論狗做六畜，有智識 koh有義，che是眾人所知。近來bat 聽見狗有幾若層夠額thang顯出伊有智識。 （1）Tī 英國甘督長所飼 ê狗，名叫「警醒」常常toè 伊 ê 主人到禮拜堂。主人入去講道理，狗就tiàm門外睏 teh 聽候，主人出來狗就toè 尾後佮伊倒--去；逐擺是án-ni，m̄-bat小可 ê錯誤。有一日甘督 teh 講道理，讀約翰 ê 批，從中有兩句講：「我實在 kā 你講，著警醒。」Hit-tia̍p 狗聽見，掠做是teh kho͘伊 ê 名，liâm-piⁿ 搖尾直直入來企tī 台邊。堂內teh坐ê 人看了攏奇怪伊。 （2...

[1897-10 台南府城教會報 文類-詩 作者--/-]
新翻譯ê詩 [ Sin hoan-e̍k ê Si ]
新翻譯ê詩1897.10 151卷 p.801.細子聚會著謙卑，就近咱主o-ló伊，主耶穌至尊至聖，咱著虔心來恭敬。2.咱心肝著數念主，亦想天堂極富裕；咱腳所行，手所做，Hō͘伊teh看thang o-ló。3.榮光燦爛大主宰，看伊細子逐項知，早暗所想ê心念，Hō͘伊省察來過驗。4.求你赦罪，koh施恩，贊阮日日換做新；Chhoā阮行路到天城，o-ló稱呼主大名。...

[1897-2 台南府城教會報 文類-散文 作者--/-]
中學較好，á是日本學較好？ [ Tiong-o̍h khah hó, á-sī Ji̍t-pún-o̍h khah-hó? ]
中學較好，á是日本學較好？1897.02 143卷 p.15(Ko Thian-sù寫)。近來有人giâu疑中學無甚mi̍h路用，扑算子兒hō͘伊入日本學較有路用；所以我愛寫幾字報做父母ê人知，ho͘īn較好扑算。照我想中學是不止較好。學日本話是真好，總是做父母ê人著代先扑算幾若項。1.著向望子兒好子。子兒若歹，日本話gâu講有甚mi̍h路用？Kiám m̄是hō͘父母koh較煩惱mah?Beh hō͘子兒好子，著hō͘伊入中學，tī hia逐日教示道理，不時有好ê先生，好ê朋友thang交陪，án-ni不止較有利益tī品行。日本學是世俗學，學生攏是世俗人，會引chhoā咱ê子兒學歹。雖罔先生...

[1897-1 台南府城教會報 文類-散文 作者--/-]
總督ê告示 [ Chóng-tok ê kò-sī ]
總督ê告示1897.01 142卷 p.6-7近來台灣ê總督，就是乃木大人，召chiah-ê大官去台北thang聽伊講治理台灣ê規矩。後--來出一個告示通知官員kap百姓，實在是真好意，hō͘ 人看了thang歡喜。咱著求上帝hō͘ hiah-ê文武官員攏照án-ni行，向望台灣ê海嶼大興旺，百姓逐所在安穩快活。今將這個告示解說白話字，來印tī 下底hō͘ lín看。 興起政事ê總頭緒 舊年6月建置台灣ê總督府tī 這個土地，當hit時逐所在bē免tithō͘ 殘忍ê兵、匪類ê賊苦楚，通海嶼較濟是變做戰場。到今年3月就議定總督府ê律例條款；今有略仔興起來經營做成這個代誌；卻是驚了百項事攏亂亂，...

[1896-10 台南府城教會報 文類-小說 作者--/-]
提防甜言蜜語 [ Ti-hông(sic) tiⁿ-giân bi̍t-gí ]
提防甜言蜜語1896.10 139 koàn p.76(看對面ê圖。)有一隻烏鴉得肉tī樹頂teh-beh 食，有一隻山狗看見，就走來樹腳pho͘-tháⁿ--伊，講：「Chēng我一生m̄-bat看見鳥ê毛親像烏鴉兄你chiah 白chiah suí,你ê身軀亦不止整齊、標緻。今chiah-ê m̄ 免koh講，總--是你ê聲敢嶄然好聽，你ê聲若親像你ê身軀hiah suí,我扑算無半隻鳥敢佮你比。」Hit個烏鴉聽見伊ê甜言蜜語，腹肚內攏phū-phū滾，腳手ngia̍uh-ngia̍uh動，歡喜到擋bē-tiâu 。若是teh想，這隻山狗敢會lî-lî-á僥疑我ê聲無到極好？想著哮hō͘伊...

[1896-10 台南府城教會報 文類-散文 作者--/-]
周添佑ê批 [ Chiu Thiam-iū ê Phoe ]
周添佑ê批1896.10 139卷 p.76舊年屬咱教會兩個少年人有hō͘日本ê 朋友請in去日本讀冊。從中一個是tiàm tī 澎湖馬宮ê陳清江；一個是周添佑，就是傳道先生周步霞ê後生。現今in兩人tiàm tī 東京讀冊，所費攏是日本ê朋友擔當。近來阮有接著添佑ê批；今將伊ê 消息印tī 下底：我tī 8月8日就是拜六有去Yokohama ( 橫濱 ) chhoē 細村先生。禮拜日tī hia禮拜，hit間拜堂是倚tī 海墘名叫「海雁教會」。Hit暝昏有koh聚集，總--是無猶原tī hit所在；是tī 別所在，名山手共立女學校；有5、60人tī hia聚集。Teh禮拜ê時細川先生有教我吟...

[1896-9 台南府城教會報 文類-散文 作者--/-]
埔社土匪 [ Po͘-siā Thó͘-huí ]
埔社土匪1896.09 138卷 p.68埔社有變遷，就是西曆7月11日埔社ê日本官員kap軍夫透暝攏有逃走去北港溪，是因為對所在ê地方有濟濟ê土匪來愛beh thâi in;也tī集集街有憲兵18名做一時攏hō͘土匪thâi 死，也倚埔社ê五城堡有守備隊ê巡sàu兵hō͘土匪thâi死7人，koh憲兵chô長一名受重傷。對chiah ê代誌埔社ê官府就攏放sak inê物件做in透暝逃走。án-ni-seⁿ埔社真亂，土匪真濟來搶日本人ê物，續拆衙門，也電線批攏斬斷扑壞，凡若官府所有--ê攏受毀壞。到7月17日，日本軍隊，大隊到埔社城土匪有hō͘日本兵thâi 死約略120人，其餘ê土匪敗陣四...

[1896-9 台南府城教會報 文類-散文 作者--/-]
鳳山土匪 [ Hōng-soaⁿ Thó͘-huí ]
鳳山土匪1896.09 138卷 p.67Tī 6月23日11點鐘有一個日本恒春民政支部官員beh去枋寮，離東港差不多舖半路in到一所在號做Chhek-khut，tī hia tú著50個土匪，hō͘ in搶＄2000，人續hō͘ in thâi 死，亦斬伊ê頭殼koāⁿ 四界teh ûn庄派好額人ê銀，有ûn對竹仔腳庄續hia隔暝，實在真可惜，有連累善良ê百姓。大學學生王叢寫批講：「阮看這號危險ê勢面卻有想beh且閃別位，m̄-kú這庄裡扑鑼m̄ 准人走，講著生同生，死同死。人若走物beh搶，kiám-chhái 續受害也káⁿ。阮對án-ni bē tit走，若beh走卻猶原會離，總是驚了...

[1896-8 台南府城教會報 文類-散文 作者--/-]
余先生離別ê批 [ Î Sian-seⁿ lī-pia̍t ê phoe ]
余先生離別ê批1896.08 137卷 p.61-62我所疼所欣慕ê 兄弟姊妹以及少年ê 朋友，請你准我對lín講起幾若句話。 照lín知先生娘來台灣不止愛toà tī lín chia ，iáu-kú有犯著重病到應該著倒去祖家，因為向望伊若toà tī 唐山會較勇健，英國ê 教會有派我徙去tī 汕頭較 內山ê 所在，就是客人ê 中間，tī hia做主ê 工。我離開台灣其實m̄ 是本意，算是姑不chiong，就是合tī 上帝ê 旨意。 我toà 台灣已經十數年，當chiah 久捷捷有佮lín交陪，是hō͘我ê 心歡喜到bē 顧--tit。lín常常疼痛我，對重上帝准我傳ê 教示，我應該著kā ...

[1896-8 台南府城教會報 文類-散文 作者--/-]
雲林ê土匪 [ Hûn-lîm ê Thó͘-huí ]
雲林ê土匪1896.08 137卷 p.59-60四月間雲林縣ê土匪真盛，有成千人聚集tī山內，常常出來cheng-piàng。斗六街日本人ê店也hō͘ in cheng。五月初三日本兵1、20名去beh掠賊，顛倒hō͘賊圍，扑死2、3人，也著傷4、5個。後來日本聚集in ê兵成千名，去燒庄，計共燒差不多30庄；米、粟、ke-si濟濟hō͘ in燒--著，也有扑死兩、三百人。對hit tia̍p 土匪愈盛，到5月18扑林杞埔。Hit時有一個外國人hō͘賊扑死，就是Bông-bâi人，Khèng-kì ê頭家，差不多70歲ê人，hit早起有對林杞埔起身愛去集集，路--裡tú著賊，káⁿ是看伊做日...

[1896-6 台南府城教會報 文類-散文 作者--/-]
獻聖冊予皇太后 [ Hiàn Sèng-chheh hō͘ Hông-thài-hō͘ ]
獻聖冊予皇太后1896.06 135卷 p.44Chûn年中國信主ê姊妹有提銀備辦一本新約獻hō͘皇太后，愛kā 伊后壽祝福，獻了卻有應效，因為皇帝本身有差人koh 買一抱thang家己看。照人講這本真suí真好看，會堪tit送入皇宮。總是別位ê人無機會thang看，所以hit時有續印幾若百本像hit款，平平用hit個版印--ê,也平平hiah 大本，thang hō͘人看樣；卻是無hiah suí,金墘換紅墘，也是用皮kap--ê,m̄ 是用金銀kap--ê。iáu-kú也是好看；阮tī chia買一本，lín若愛看，到府城ê時thang hō͘ lín看。近來阮有接--著這本號做朱女士獻經...

[1896-5 台南府城教會報 文類-散文 作者--/-]
對時鐘ê法 [ Tuì Sî-cheng ê Hoat ]
對時鐘ê法1896.05 134卷 p.37-38 頂年教會報有印一張單，記日出日落ê時，hō͘人thang看來chhiâu in ê時鐘。這張大路用，總是有所在較bē 用tit,人若toà tī內山，無看見日出日落，hit張單較無路用。所以koh 加一個新單，hō͘人chhìn-chhái 所在攏會tit對時鐘。 日頭是東爿起，西爿落，到中晝ê時日頭對南。所以人若是用日規抑是別物法度知日頭對南ê時，伊就知日中晝ê時。總是日頭tú-tú對南ê時，無的確是12點鐘，有時是12點出，有時iáu-boē 12點。今下底印一張hō͘ lín 知日頭對南ê時是tú-tú幾點鐘，總m̄ 免將逐日攏印，那...

[1896-4 台南府城教會報 文類-散文 作者--/-]
論火薰車路 [ Lūn Hoé-hun-chhia lō͘ ]
論火薰車路1896.04 133卷 p.27-28現時大英國ê火薰車路計共5, 0000哩，攏是百姓提來做ê,m̄是屬tī官府ê。本錢總共有90萬萬銀。每年載人客10萬萬人，百姓合股來成這號事叫做公司。阮祖家料理火薰車路ê公司有差不多百五個，從中4個較大。今將上大公司ê情形記tī下底。伊ê本錢差不多十萬萬銀，所開ê鐵路倚5,000哩ê長，每日收銀30萬。伊倩工，或是粗工，抑是管車，抑是寫字，總共6,000人，每日載15,6000 個人客。Hit個所費也傷重。Teh照顧路ê所費，工kap料每日著20000外銀，伊ê車teh載人客ê有5000外張，每年修理hiah ê車ê所費倚300萬銀。另外細張...

[1896-3 台南府城教會報 文類-散文 作者--/-]
日本話ê根底 [ Ji̍t-pún oē ê kin-té ]
日本話ê根底1896.03 132卷 p.22-23(余先生記--ê.)咱屬 tī 台南教會ê兄弟姊妹濟濟個已經bat學白話字。Tī 日本國亦有人愛用這號ê字，總是in加用幾若個各樣ê字，就是： z，是屬 tī s --字ê聲類。 d，是屬 tī t --字ê聲類。 f，是屬 tī h--，(ph-- )字ê聲類。 y，是屬 tī i-- 字ê聲類。 w，是屬 tī u--，o--字ê聲類。 r，唐人講這個 r--字親像l--字ê聲音，m̄-kú是大各樣。 Tī i--字ê頭前r--字ê音是若親像d--字ê款式。 日本人所用ê字是分別做兩類，就是： I. 主音字(主＝主人)，－a, i ,u ...