[1921-1 台南府城教會報 文類-散文 作者-文安/Bûn An]
馮玉祥出死入活 [ Pâng Gio̍k-siông Chhut-sí Ji̍p-oa̍h ]
馮玉祥出死入活1921.01 430卷 p.8-10(文--氏安記。)馮玉祥是現時支那出名文明ê將軍。伊已經信主；下底hit層事攏是本身所干証--ê。 真可惜我無出世tī信主ê家，對細漢就怨恨道理。Tī 1900年hit-tia̍p 我當兵，義和團匪類起擾亂，in真兇惡ài滅無基督教。看著in hiah 殘忍?死外國ê牧師、醫生、先生娘、姑娘、以及本底信主ê人，我bē免得体貼in ê 悽慘，總--是硬心m̄ ài降服上帝。 當1901年我到保定府，有一日入拜堂，聽外國牧師teh論馬太 5:39,40。禮拜煞，我即時將1塊桌背tī肩頭頂beh出去。牧師teh問：「你啥事舉我ê桌?」我應伊講:「照...

[1916-9 台灣教會報 文類-小說 作者-文安/Bûn An]
王宮kap御園 [ Ông-kiong kap Gū-hn̂g ]
王宮kap御園1916.09 378卷 p.11-12古早 ê 時陣有一個外國王，伊ê 王宮行伍到極。又koh 近tī 較鬧熱 ê 所在有一區花園，因為hit所在是真寒，所以有將玻璃起厝來顧hit區花木，驚了hō͘霜雪凍死，有用真大 ê 心神teh栽顧，整頓到不止齊cháⁿ 好看；亦有栽種濟濟稀罕 ê 花，以及上等ê 果子，攏是伊調撰意愛--ê。 雖然開費濟濟伊亦甘願出；無嫌園費重，因為teh向望所beh結ê果子kap所會開ê 花，不管時thang去hia gū賞，hō͘心靜歡喜。 Tú遇一擺是冬天ê 時，所以無開花，kan-ta有一欉葡萄，生一穗盡大pha盡suí ê,看見 ê 人無m̄欣羨...

[1921-1 台南府城教會報 文類-散文 作者-杜姑娘/Tō͘ Ko͘-niû]
相共擔擔 [ Saⁿ-kāng Taⁿ-tàⁿ ]
相共擔擔1921.01 430卷 p.10-11(杜姑娘記--ê。)Bat有一個苦力hō͘人倩伊去火車頭，beh kā 一個外國人擔行李。抵好 hit個人客ê 行李是kan-ta一腳重重ê 箱仔nā-tiān,苦力m̄ 愛用舉，亦bē擔--tit，伊就去拾一塊石來thīn 頭thang 擔；伊án-ni做，知雖罔有重倍ê 重，kú是較快活。今咱tī 這世間攏有重擔著擔，亦有時 teh 想若擔咱家己ê 擔就夠額；總是聖經講「Lín逐人ê 重擔著相共擔。」意思就是著將別人ê 擔佮咱ê 相thīn 。有一擺tī 真寒ê 所在有兩個人做夥 teh 行路，因為hit條路有落雪真濟，致到in 寒到beh ...

[1920-1 台南府城教會報 文類-散文 作者-李德章/Lí Tek-chiong]
白話字土想 [ Pe̍h-oē-jī Thó͘-siūⁿ ]
白話字土想1920.01 418卷 p.3(李德章記。)我出世tī 台灣已經50外年，人扑算老--啦，其實iáu未，漢文兄in 有數萬個兄弟，m̄ 值阮數十個，人學漢文一年久，m̄值來chhoē 我4、5日；有人無讀學校一年抑半月日，新舊約會曉讀，詩會曉吟，批會曉寫，這無m̄ 是我牽成--ê。近來用我來著ê 冊，翻譯ê 冊，抑是聖會報，教會報等等，人若tī 拜堂抑是下昏時，將講閒話ê 時間來chhoē 我，的確會bat hiah-ê 冊，得著濟濟學問佮 bat上帝ê 真理。Boē bat我ê 兄弟啊！Lín逐禮拜熱心去聽道理是好，m̄-kú著 koh 來bat 我，我請lín親目看上帝ê 聖經...

[1925-2 台南府城教會報 文類-戲劇 作者-林茂生/Lîm Bō͘-seng]
戲齣: 路得改教 [ Hì-chhut: Lō͘-tek Kái-kàu ]
戲齣： 路得改教 479卷 1925.02 p.14-15 (林茂生　編) 第三場：oá-tek-pó。 （所在：Bó͘-lûn城外，佮oá-tek-pó城中 [Wartburg]。時日：1521年4月26日，佮5月4日。人物：路得跟隨的人以及山賊一群）。 4月26日路得佮跟隨的人坐馬車起身離開Bó͘-lûn。出城外看見城牆貼一張字白。跟隨的人倚去看，念講︰「4月26日以後閣經過20日了後，對路得馬丁不論是用講話抑是行做，予伊蹛抑是啉食的人，攏著受嚴嚴的刑罰。」路得聽了講︰「Hm̄！最後的手段到了！」閣行拄著一群的山賊，包面，吩咐停車，就將路得共伊拖落車，勉強伊...

[1924-12 台南府城教會報 文類-戲劇 作者-林茂生/Lîm Bō͘-seng]
戲齣: 路得改教 [ Hì-chhut: Lō͘-tek Kái-kàu ]
戲齣： 路得改教 477卷 1924.12 p.11-12 (林茂生 著) ﹙Pit-tian-pek 教會禮拜堂的門口，路得佇遐teh貼一張大大張的字白。Teh貼的時，布簾掀去來。貼了，路得的心神親像真興奮的款，就退--出-去。兩个青年學生某甲佮某乙上場，teh看彼張字白。 學生某甲﹙看彼張字白有遐久，對某乙講﹚。這是咱的先生路得教授簽名的字白，攏總有95條款的文。可惜拉丁話我讀了無甚物會清楚，請你翻譯德國話予我聽。 學生某乙﹙就念﹚：「凡若屬基督的人真心反悔改變，毋免法王的符也會齊全得著脫離罪過的苦通。」Hm̄﹙thìm頭閣讀﹚。「有人造謠言，講，若對法王得...

[1924-11 台南府城教會報 文類-戲劇 作者-林茂生/Lîm Bō͘-seng]
戲齣: 路得改教 [ Hì-chhut: Lō͘-tek Kái-kàu ]
戲齣： 路得改教 476期 1924.11 p.10-11 (林茂生著) 第一齣：賣赦罪符。 所在：近Pit-tian-pek﹙Wittenberg﹚一个庄社的教會。時日：1516年10月。人物：路得﹙Luther﹚、Thiat-chek﹙Tetzel﹚、青年Bí-ko-niû﹙Miconius﹚、司祭、和尚、議員、教師、學生，歸陣的田庄人、查埔、查某。 Thiat-chek做頭前；司祭、和尚、議員、教師、學生，歸陣的田庄人、查埔、查某，做後壁；舉旗、提蠟燭、唱歌、排陣、沿路行到教會的禮拜堂。拜堂口徛兩枝大旗：一枝畫紅的十字架，一枝寫：- 天來萬應膏 一服罪皆赦 快來快...

[1925-1 台南府城教會報 文類-戲劇 作者-林茂生/Lîm Bō͘-seng]
戲齣: 路得改教 [ Hì-chhut: Lō͘-tek Kái-kàu ]
戲齣： 路得改教 478卷 1925.01 p.10-11 (林茂生　著) 第二場：審判。 （布簾掀--起-來。Bó͘-lûn的議事堂。內面查理第五世坐蹛中央。邊仔有遮的諸侯王坐佇雙爿；文武百官排列佇下跤；皇帝面頭前排一塊桌。桌頂有緟真濟緟的冊，是路得所寫--的。桌邊徛--的是 Thô-lí [Trier]的大監督的代理人Ek約翰。 老將軍Hut-bûn-pek徛佇門內。路得對門--裡入來。拄拄入來的時），老將軍Hut-lûn-pek（搭路得的肩頭）。真可憐﹗你今仔日所徛--teh的戰場是我佇千軍萬馬的中間苦戰濟濟年所毋捌經見著的戰場。你若是信講家己的主義是合眾理，著因為...

[1924-2 台南府城教會報 文類-傳記 作者-戴榮旋/Tè En̂g-soân]
小傳黃Bêng-tì長老 [ Sió-toān N̂g Bêng-tì Tiúⁿ-ló ]
小傳黃Bêng-tì長老1924.02 467卷 p.14-15(Tè En̂g-soân記)長老是王長老ê大公子，出世tī 1886 年10月5日。長老ê天資真懸，是台北農業學校ê優等生。卒業後奉職tī恆春做獸醫，後--來做虎頭山ê區長5 年久。改政後做本庄ê助役兼參事協議員。後--來辭組役，出來做實業。 Tī 1917年受設立做執事，也1921年高升做長老。 不幸tī本年5月間起病，tī-hia 打tia̍p無效，去高雄入院，後--來去台南入院。可惜無功效，koh轉--來，到11月14日hō͘主接納去，享壽37歲。遺落兩個後生，4 個查某子佮長老娘。 Tī 15日下午3點舉行葬式，會葬者3...

[1916-9 台灣教會報 文類-傳記 作者-高篤行/Ko Tok-hêng]
小傳 [ Sió-toān ]
小傳。 李長老娘。 (高篤行記的。) 1916.9，no.378，pp.10-11 李長老娘就是萬丹教會李Tiōng義的婦人人。佇咱教會的家庭中有通親像這號的良妻賢母拍算是真少。 1. 論伊做婦人人。伊對做查某囡仔的時gâu疼伊的同伴，就予眾同伴所尊敬。到20歲就入姓李的門予in尊重。伊做李長老的婦人人到伊死有42年久。到伊死李長老悲傷流目屎講，伊入我的家盡本份幫贊我42年久，毋捌一擺講話來予我受氣。 2. 論伊做家庭的主母。 伊引chhoā家內是用治理，親像家內早暗的禮拜攏是伊咧督責引chhoā，聚集大細敬拜上帝予in得著道理的教示，家內完滿大細敬重伊。 3....

[1921-11 台南府城教會報 文類-傳記 作者-李存州/Lí Chûn-chiu]
小傳：澎湖許統執事 [ Sió-toān. Phêⁿ-ô͘ Khó͘ Thóng Chip-sū ]
小傳：澎湖許統執事1921.11 440卷 p.4(李存州記。)統伯是屬西嶼ê教會。1902年受洗禮，今年受揀做執事。對入教會了後，熱心拜上帝，勤守聖日。雖然對著真濟ê khún-tio̍k 也無餒志；有時魚掠掠hō͘世俗人搶搶--去，也無beh佮人計較，做人真親切，厝邊人人好；真正是真ê基督徒。西嶼ê教會攏是倚靠伊1人teh料理設法，本身真甘願做主理，招人來禮拜；真正是西嶼教會ê光燈。今無--lah! 10月7 日，就hō͘主召伊離開世間，享壽51歲。攏總破病20外日久，10外日bē講話。Tī teh-beh 死ê時，iáu會開嘴苦勸會友著熱心拜上帝，著有智識。厝邊聽著伊死，逐人無m̄吐氣流...

[1916-9 台灣教會報 文類-散文 作者-施寬宏/Si Khoan-hông]
後山的消息 [ āu-soaⁿ ê siau-sit ]
後山的消息。 (施寬宏記)。 1916.9，no.378，pp.8-9 佇台灣東爿有紅頭嶼佮火燒島。紅頭嶼是A-mi族踮遐，毋准人佇遐徛起，無通去in遐視察。佇7月21號劉忠堅牧師佮我坐火船到火燒島佈道。這个島無番仔徛起，攏是人佇遐生活。又閣有台灣浮浪者收容所佇遐。這所在是懸山四面大海；有通耕作的平洋毋上20甲。百姓艱苦，人較濟著靠台東本廳的土產。每月火船來往四逝；對卑南到火燒島火船行2點30分久。徛起的百姓計共有1300人，浮浪者90人，派出所一位。 有三个庄社就是南寮，中寮佮北寮。阮去逐庄以及收容所佈道，機會真好。到23的禮拜日有鼓舞南寮的青年者30外人聚集設特別的主日學。彼暝昏中...

[1925-11 台南府城教會報 文類-散文 作者-王守勇/Ông Siú-ióng]
罕有 [ Hán-iú ]
罕有1925.11 488卷 p.9-10(王守勇)日本thang 講是佛教國，總--是tuì 明治初代就淡薄仔bat 耶穌基督。Tuì hit-tia̍p了後受基督教ê 影響實在oh 得測度。第一 hō͘ 咱thang 注目--ê,就是tī 5 年前咱有開世界日曜學校大會（第8回世界主日學大會）tī 東京，有大大影響tī 佛教。 Tuì hit 時以後in 有大覺醒，知著教示囡仔來bat in ê 道理ê 要緊。所以就趁咱基督教ê 法度，設日曜學校（照佛教teh講，in ê 日曜學校tuì 第6世紀就已經有，m̄-kú ...？）In teh進步ê 聲，實在hō͘ 咱聽了到會驚。譬論來講，現...

[1925-9 台南府城教會報 文類-傳記 作者-陳Su-chhong/Tân Su-chhong]
故顏洪--氏先河 [ Kò͘ Gân Âng--sī Sian-hô ]
故顏洪--氏Sian-hô1925.09 486卷 p.14-15(陳Su-chhong)洪--氏Sian-hô 1名叫Eńg 嬸，現時人稱呼伊做顏先生媽。 Tī 1846 年4月8 日出世tī 台南市南和街，老父洪乾興，老母莊--氏。父母做船頭行ê職業；細漢ê時父母家計較艱苦。伊有兩個兄，兩個小弟，28歲ê時嫁hō͘ 磁仔巷街顏永成叔，後--來就生1個查埔佮兩個查某子。 Tī 37歲ê時對1個姊妹陳--氏蓮(Koè姆) 得著道理。因為永叔做生理tī 灣裡街（善化），永嬸著佮伊企起tī hia。雖然toà 灣裡街離真遠，iáu-kú常常來台南禮拜。 當時頭社佮番仔田也設拜堂，總--是無先生to...

[1925-8 台南府城教會報 文類-散文 作者-林--氏安/Lîm--sī An]
教白話字ê方法 [ Kà Pe̍h-oē-jī ê Hong-hoat ]
教白話字ê方法1925.08 485卷 p.9-10(林--氏安)Tī 這暫beh接續頂月所記--ê;chím仔beh講起教字母ê法度。 教員應該著一枝鉛筆做伊ê 伴！伊所著做記號--ê,就是學生所讀到hia ê所在；若是甚物choā ê字iáu-boē十分熟，m̄-thang做記號。趁這個法度有兩項ê利益。學生知伊著tuì佗位koh備辦，亦教員若beh koh再授伊ê 字母，抑是讀本、詩冊、聖經，kan-ta著看伊路尾擺ê記號就tuì hit choā來聽伊讀。第2項ê好：這個法度是激學生愛競爭ê心；先生若限伊著讀偌濟，驚了較無愛出力。論教員iáu有一項：較常我看教員teh教白話字ê時，in...

[1925-6 台南府城教會報 文類-傳記 作者-潘水土/Phoaⁿ Chuí-thó͘]
秦Hi-kia̍t ê小傳 [ Chîn Hi-kia̍t ê Sió-toān ]
秦Hi-kia̍t ê小傳1925.06 483卷 p.8-9(潘水土)Hi-kia̍t君是艋舺ê會友，也是獨身ê青年。伊ê原籍tī大溪。伊細漢就讀漢文，後--來koh 公學校卒業，了後就來艋舺hō͘伊ê阿叔牽成，若是伊ê身体衰弱，常常詖病，經過濟濟醫生ê手頭也是平常。不幸tī 舊年7 月koh發病就入松山病院，攏無較好，然後koh轉入台北病院，若是伊ê病症日日那重，到2月28號就別世。享壽24歲。 Hit e 晡我chhoā會友10外人到赤十字社ê葬式場執行葬式ê禮拜，也濟濟人送到?埔--ni̍h。 Chit 個Hi-kia̍t君照我查考有thang做咱ê好模樣。 (1) 論伊ê性質。對細漢...

[1925-3 台南府城教會報 文類-傳記 作者-潘道榮/Phoaⁿ Tō-êng]
小傳陳鹿先生 [ Sió-toān Tân Lo̍k Sian-siⁿ ]
小傳陳鹿先生1925.03 480卷 p.11-13(潘道榮)先生是澎湖湖西庄西溪ê人，出世tī明治23年。伊ê 祖上濟濟攏有進學，所以伊tī 細漢ê 時父母就送伊入書房講究漢學。 後--來有去讀公學校6年久，伊著優等 ê 卒業。學校ê先生愛惜伊ê才調，就留伊tiàm本校做教員。伊是真誠心敬神明ê人；每日對學--ni̍h 歇工轉--來，就隨時去燒香點燭。 雖然身居教育ê職，為著hiah-ni̍h 熱心teh敬重神明，總--是tī 伊ê 心內不時有teh 掛慮1項，就是：「人到死後m̄知啥款?」所以有1擺bat決心beh 離開某子去做菜友。 抵好有一年ê夏期休夏中，受上官派過來台灣赴教員ê 講習...

[1924-5 台南府城教會報 文類-散文 作者-黃Siū-huī/N̂g Siū-huī]
理想tek ê婦人 [ Lí-sióng-tek ê Hū-jîn ]
理想的ê婦人1924.05 470卷 p.10-11(黃Siū-huī)Tī主前百三、四年ê時，羅馬國不止興，m̄-kú hit時ê社會是上腐敗，有分二階段，就是貴族佮庶民。Hiah ê貴族in號名叫「法族」。Chiah ê有ê事業抑是「元老院」ê議員俗高等官攏是「法族」ê人佔teh。Tuì án-ni那久上下貧富那分那離，煞變做2個階段，中等階段煞無去。 Tī hit時hiah ê法族，真富有，hiah ê貴婦人煞有hit號風俗，就是常常逐家做影teh展所有chng-thaⁿ ê裝飾品；看啥人有金手指，啥人有鑲金、鋼石ê耳釣，啥人有上值錢koh suí ê物，逐家看來看去；án-ni做快樂，...

[1921-1 台南府城教會報 文類-傳記 作者--/-]
小傳 [ Sió-toān ]
小傳吳寬裕1921.01 430卷 p.7(蕭An-ki記)吳寬裕傳道，tī今年新11月14號有過身，15號有出葬。有西國牧師、姑娘、先生佮本地牧師、傳道師，以及會友幾若百人kā伊送葬。享?78 歲。北部設教ê時，有5個人第一第先來領洗禮，伊是hit中間ê 1個。其餘hit 4人攏已經相續過身了。只有吳傳道食到今年。Thang 講伊不止有福氣。Tī教會中也thang講伊是第一早入教ê人。伊未聽道理;以前，是teh做油漆ê經紀，真出名，有不止濟人請伊四界去做工。伊也有來滬尾油漆。所以tī主後1872年10月有聽著主ê道理。伊隨時反悔來信主，經過1年是1873年3月9 號，就領受洗禮。對án-ni...

[1918-5 台灣教會報 文類-散文 作者-朱姑娘/Chu Ko͘-niû]
乞丐 [ Khit-chia̍h ]
乞食1918.05 398卷 p.4(朱姑娘譯。)有一個外國人toà tī 中國，某一日有聽見扑門聲，差伊ê 煮食去看是甚物人。煮食kā 伊講：「是一個求乞ê 人，講是beh 餓死，愛kā 你討物，我thang hō͘伊抑m̄ -thang?」頭家講：「Thang啊！你今仔日有做麵包，提一磅hō͘伊。」煮食應伊講：「M̄-kú人食這號麵包m̄ 慣勢，kiám-chhái m̄ 食，伊較愛食飯。」頭家講：「總是我罕得食飯，所以這陣不便，無thang hō͘伊。伊若beh 餓死就穩當愛食麵包來止饑。」 煮食ê 就提一塊麵包hō͘伊；若是 hit個乞食kā 伊看，kā 伊鼻鼻--咧，就hiat-ka...