[1932-9 台灣教會報/芥菜子 文類-散文 作者-柯維思/Koa Î-su]
白話字的歷史 [ Pe̍h-oē-jī ê Le̍k-sú ]
白話字的歷史柯維思1932.09, no. 570 (KCC, no. 80), pp. 23-24 咱現時所teh用的白話字，是tuì甚麼時chiah有？ 是甚麼先生創起頭？ 照我所知，愛寫淡薄來相佮參考。 早前西國牧師來廈門傳教，彼時猶未有聖經予人通讀。 後來佇上海聖冊公會有翻譯漢文的聖經出版。 總是彼時，教育猶未普及，捌字的人也少，無攏總會讀漢文的聖經。 所以彼時西國牧師打馬字 (Talmage)，羅啻二位牧師佮本地羊牧師有想出白話字。 卻打馬字牧師的老母佮羅啻牧師的老母猶原有鬥幫贊。 彼時就是1851年（81年前），總是彼時猶未有印版，實在真不便。 所以攏是用柴板，欲應冊真費氣。 實...

[1932-10 台灣教會報 文類-散文 作者--/-]
隨筆 [ Suî Pit ]
隨筆陳金然1932.10, no. 571, pp. 12-13 1. Chī-chuī的錯？ "聖經是上帝的話"，這句話穩當無人敢否認！ 毋過對這句話的態度有各樣，致到會生起濟濟問題！ 親像日本自由美意美教會對馬場先生的問題，拍算濟濟人攏知！ 彼个問題有遐大。 總是其實是頂面所講彼句話的態度無同若定！ 原來馬場先生是屬自由美意美教會，總是伊的態度無合佇 彼个教會的信條。 就是自由美意美教會是信"聖經是上帝的話"，所以聖經的一點一劃攏無錯誤。 若是馬場先生是猶原信"聖經是上帝的話"，毋過無的確一點一劃攏無錯！ 佇現今猶原有濟濟教派佮自由美意美會相同的，就是遐个叫做聖潔運動的攏是，in的信條是...

[1932-10 台灣教會報/芥菜子 文類-散文 作者--/-]
讀白話字佮教會報的所感 [ Tha̍k Pe̍h-oē-jī kap Kàu-hoē-pò ê só͘-kám ]
讀白話字佮教會報的所感陳Kim-chú1932.10, no.571 (KCC, no.81), pp.27 這塊文是南部郭朝成牧師寫，落佇高雄新報第13面的。 "我本身卻猶通講是一個聽道者若定。 道理猶捌無偌濟，減采寫了有所在較boē抵好亦無定著；所以若有毋著的所在，請赦免。"照敝人所讀，頂面彼篇論，即時感覺著兩項大各樣的思想出來。頭一項，是看彼篇論真感服彼个論者。 感服伊甚麼？ 就是感服伊有致意佇伊甚麼？ 就是感服伊有致意佇上帝盡忠的人的事跡，按呢證明伊本身亦是愛學彼款來行；所以有致意佇彼方面。 親像這款傳教家，來鼓舞教會，的確會興起。 頭一項，是看彼篇論真感服彼个論者。 感服伊甚麼？ ...

[1932-11 台灣教會報 文類-散文 作者-H. T. S./-]
宗教音樂雜感 [ Chong-kàu Im-ga̍k Cha̍p-kám ]
宗教音樂雜感H. T. S.1932.11, no. 572, pp. 17 近來宗教音樂漸漸發達進步，實在通歡喜的現象。 教會有幾若所在嶄然致意佇這層，有組織聖歌隊來teh奉事教會，這實在真通恭喜！ 照所信，教會佮音樂，自然是bē通相分離得的一項。 信仰生活的徹底，敬愛上帝的極致，自然會生出讚美的心，所以著用音樂來表現。 禮拜的大要素的一項，就是吟詩，唱歌呵咾。山田耕作 (Yamada) 先生講："音樂提來入佇日常生活的內面，這是我的念願。" 做信徒的人teh-beh講："音樂提入來宗教生活的內面，這是阮的念願。" 河川豐彥先生 (Kagawa) 講，"鄉村的人減采無米通食teh真艱苦，總...

[1932-11 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.11, no. 572 (KCC, no. 82), pp. 22-23 (1) 古早雅典閣有一個哲學者叫做Epictetus講，"人若想愛做好人，著代先信講家己是歹人。" 閣一個哲學者Seneca講："若會曉為著家己的罪來煩惱的人，通講彼个人得欲近佇無罪啦。" 中國的聖人講：若有過失，就毋通貧惰改。 總是佇世間有一款人，不時找空找縫，謠言造語，都是欲害別人，開嘴就是呵咾家己的好，抑講別人的歹，照頂面的教示來看，抵是愈顯明家己的歹愈現，所以信主的，的確毋通學按呢。 (2) 英國有一個出名的詩人叫做Coleridge講："咱世間人的心內，逐人都有濟濟親像下等動物的...

[1932-12 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.12, no. 573 (KCC, no. 83), pp. 25 （接11月22面）(5) Martin Luther講："有一擺，魔鬼近倚來講，‘你是大罪人，所以你的確會滅無。' 總是伊講，"照你所講：我實在是大罪人，毋過耶穌抵抵是落來世間，欲拯救有罪的人，所以我倚靠伊毋免抵著沉淪。" 魔鬼到尾無法度，就離開伊。 今仔日亦有一款teh做魔鬼的跤手的人，真愛批評人的歹，卻gâu吞忍，來受批評的人有福氣，因為咱的主若無嫌咱就好，予魔鬼嫌無關係，到尾顛倒彼款人家己著受責罰。 (6) 古早人有一句教示的話講："查甫囝若出到門口，就著想講有七個對...

[1934-1 台灣教會公報/芥菜子 文類-散文 作者-李水車/Lí Chuí-chhia]
極小可的物 [ Ke̍k sió-khoá ê mi̍h ]
極小可的物李水車 譯1934.01, no. 586 (KCC, no. 96), pp. 25-26 照東京鐵道局所發表--的，每日若一人會節儉米一粒，就全國一年會節儉得3千外石的米。 東京的鐵道局捌調查Niáu-tin，Ú-to͘-kiong，Ko-kî，Suí-hō͘，Chhian-ia̍p各車頭，將便當所棄sak粘著的飯粒，拾起來算，佇10日的中間所計算--的，最多--的，一盒有4千8 百10粒，最少--的，亦有22粒，共伊平均，每盒有3百50粒，若用一年來計算就有11億8千2百41萬粒，若是一升chiah有7萬8千粒若定。 按呢干單頂面所講彼幾所在，就一年久會拾得一百57石3斗 5...

[1932-1 台灣教會報/芥菜子 文類-散文 作者--/-]
人類的日頭 [ Jîn-luī ê Ji̍t-thâu ]
人類的日頭陳瓊琚1932.01, no. 562 (KCC, no. 72), pp. 17-18 這句話是世間人teh稱讚彼个大發明王愛迪生 (Edison) 的。 1847年2月11號，佇美國‘Ohio'州的小庄社，叫做Milan遐，伊有出世。 伊的祖是做製薰業者，閣亦是長壽佮勇健。 伊的老父是teh做木材商佮五穀的生理。 伊的老母叫做Nancy Elliot是蘇格蘭的人。 總是受教育佇加拿大，是準備欲做先生，所以有受相當的教育，閣性質是真溫純佮儉僕。 愛迪生入學校干單兩月日若定，就予學校革出學，閣宋凶，所以以後攏是受老母的教示若定。 伊的老母致意引chhoā伊會...

[1932-2 台灣教會報/芥菜子 文類-散文 作者--/-]
人類的日頭 [ Jîn-luī ê Ji̍t-thâu ]
人類的日頭陳瓊琚1932.02, no. 563 (KCC, no.73), pp. 17-18 （續接前號）閣論伊的食，亦是真簡單，閣無偌濟。 照伊所想逐人攏有食傷過頭。 閣伊定著若食飽，隨時就離開食飯桌，毋捌閣坐佇遐來講話。 伊一世人無啉酒，不過愛食薰，亦閣愛啉厚的咖啡茶。 照頂面所講來看， 減采有人想講：愛迪生生涯的確是親像機器tek--的，其實抵是對反，因為伊猶原gâu講笑，是不止心適的人。 閣伊身軀的重量幾若十年久亦是175磅，攏無變換，這个是tuì佇伊gâu節制伊的食物所致。 伊捌講伊tuì大漢了， 予洋服店量身體做衫褲干單一擺若定，以後攏是用舊的衫攇去比若定，因為伊的身體攏無...

[1932-11 台灣教會報 文類-散文 作者--/-]
安然歸國 [ An-jiân Kui-kok ]
安然歸國旗後教會1932.11, no. 572, pp. 7 林天國佇1923年，5月9日出世佇澎湖東吉島嶼。 伊是林Têng兄的長男， 6、7年前，林Têng兄有搬徙伊的家眷來踮佇旗後。 林天國佇1928年， 昭和2年8月21號，tuì蘇育才牧師領先做小兒會員。 5 歲入幼稚科，常列優等，今已經進入中等科甲組。 人才出眾，品行高潔，一舉一動，攏是大人氣慨，內親外戚，會內會外不止呵咾。可惜佇8月21號，負病以來，入佇海老明醫院治療，兩禮拜外有較好；總是後來忽然患盲腸炎，日日沉重，西、漢醫請真濟，無法可救。 入院中，本堂的許牧師ta̍uh-ta̍uh去安慰伊，著伊祈禱，看伊的面攏無一屑仔哀...

[1933-3 台灣教會公報 文類-散文 作者--/-]
母性的模範者Mô͘-nî-ka [ Bú-sèng（母性）ê bô͘-hoān-chiá ]
母性的模範者 Mô͘-nî-ka1933.03 576 卷 p.29-30 自古至今，人類所會予女性的最懸的稱讚，扑算是「良妻賢母」這句。咱看，佇各方面的gâu人的後面，大概都有老母的氣力變遷。總是老母的疼，會到完全的款式，是對直接á是間接，有行欲貢獻佇人類的路。教會歷史上的大偉人Ò-kó͘-sū-teng，扑算咱攏捌伊。總是造成伊的，就是伊的老母。Mô͘-nî-ka。咱通講，因為有Mô͘-nî-ka才有咱所捌的 Ò-kó͘-sū-teng。將放縱的囝造成到信仰的大偉人，佇遮伊的苦心講袂盡。伊的生涯，就是流目屎的生涯。伊的生涯，就是搥胸來對上帝哀求的生涯。伊的經過完全通做咱的模範，也特別做「...

[1933-5 台灣教會公報 文類-散文 作者--/-]
故萬姑娘的來歷 [ Kò͘ Bān Ko͘-niû ê Lâi-le̍k ]
故萬姑娘的來歷羅仁愛1933.05, no. 578, pp. 10-11 萬珍珠姑娘，佇1862年12月16日，出世佇蘇格蘭的北爿。 伊猶細漢的時，in父母搬去Aberdeen，就是蘇格蘭文墨的所在；敢是愛護in的囝兒有較好的學校通勉強。 因為萬姑娘有一個阿兄佮一個小弟，也有一個小妹。 萬姑娘佇遐讀小學校卒業。 後來有去倫敦城讀高等學校，也有入神學。 佇1888年，就是伊25歲的時，就tuì英國女宣道會志願過來台灣。 奉女宣道會的命令，佇彼个冬尾11月間，有tuì安平港上陸到台南府城。 聽見講：上台灣山一禮拜久，有接著厝裡的批講：in阿兄佮小弟有染著tn̂g-chek-hu-su的病攏過往...

[1933-8 台灣教會公報 文類-散文 作者-陳添旺/Tân Thiam-ōng]
追念故吳威廉博士 [ Tui-liām kò͘ Gô͘ Ui-liâm Phok-sū ]
追念故吳威廉博士陳添旺1933.08, no. 581 (KCC, no. 91), pp. 21-22 六月13號暗，雙連教會主催追悼會，來數念伊別世10周年，有200外人赴會。 逐人用真虔誠的心，真濟人講伊生前的所做，真正會感激人。 有一位講：死人會講話，今ê昏就是。 有的講伊遺言徛在佇主，所起的厝嘛真堅固自在，實在有影。 做神學校長的時代1901年，故偕博士別世，就續接教伊所留的學生。 1902年9月，就閣拾學生，彼暗同入學有32人，後來因為個人的都合，緊轉，到去踮拜堂11名若定，敝人在內。 Tuì入學到伊別世有22年的久，真受伊指導，今只有4名在職中若定。 Gâu吞忍雖然為著甚麼艱苦...

[1934-5 台灣教會公報 文類-散文 作者-梁秀德/Niû Siù-tek]
數念郭牧師娘 [ Siàu-liām Koeh Bo̍k-su-niû ]
數念郭牧師娘梁秀德1934.05, no. 590, pp. 14-15 佇新曆2月22號，彼早起接著我的妹婿的批，通知我知郭朝成牧師娘過身。 忽然予我真昂愕，因為taⁿ-chiah teh想講伊佇少年的時勤儉，拖磨，到遮欲出頭天，因為查某囝佮後生較大漢啦。 忽然聽著伊過身，bē免得予我想上帝敢款待人按呢？啊！ 真正是按呢，因為欲煞伊的著磨，轉去安歇，我細漢的教會，彼時牧師娘我就捌--伊。 伊真疼阮，無看輕，不時看著伊的嘴笑笑。 郭牧師佇神學校的時，佮先父是好交陪的朋友；今聽著伊的牧師娘過身，予我真毋甘，boē禁得照所知--的，愛寫幾句：－牧師娘姓蕭，名Gān，是社頭崙仔的人。 佮郭牧師結婚...

[1955-1 台灣教會報 文類-散文 作者--/-]
怎樣心不安？ [ Cháiⁿ-iūⁿ sim put-an? ]
怎樣心不安？ 十二月4 抑5日，接著主筆ê批， ài我寫「基督教安心論，」到15號以前寄交伊:其實4-15號tú-tú是我逐日無閒ê 時間， koh 對這號論我無把握，所以不時有一項事掛tī心裡，就是「無安心。」所以「安心論」我bē曉論，只有寫幾句所感，來完我ê責任。請讀者kap主筆原諒。古早人所teh講ê「心，」kap現代人所想有各樣，不過心是思想ê機關(Cg 23:7; Mk 2:6)。有關係驕傲(Isk 28:2)。知識(Hs7:11)。意志(S51:10)。七情(S 104:15; I 30:29; Sb 19:6; Lb 19:17)。總是所講ê「心」tú-tú親像咱teh講「心...

[1955-1 台灣教會報 文類-散文 作者--/-]
人生kap宗教 [ Jîn-seng kap Chong-kàu ]
人生kap宗教 人生kap宗教ê問題是真要緊，別項會thang減少，這項boē-thang無--tit。宗教有真濟種，若得著真實ê，利益人真大;若是假--ê， hit個損害也真大。ài 分3 段來想。I. 人生kap宗教ê追求。人出世看見萬物ê奇妙，bē免得生出敬畏kap驚惶ê心，就知影有比人koh-khah有氣力ê神，因為無氣力ê人，beh 追求神ê能力，正thang講是宗教。咱台灣所有ê， thang講iáu是真原始tek，親像拜"有應公，也thang知影。佛教ê教祖是釋迦， 伊為beh 追求koh-khah平安ê生活，脫出皇宮，甘願受萬般ê痛苦，求道， 伊看人生有生老病死(生，老，病，...

[1955-4 台灣教會報 文類-散文 作者--/-]
憐憫人ê人有福氣 [ Lîn-bín lâng ê lâng ū hok-khì ]
憐憫人ê人有福氣 上帝賞賜人有憐憫ê心，總是逐人也有利己ê心；所以憐憫人ê心若beh活動ê時，beh hō͘ 自己慾望ê滿足ê 利己心就來jia-pè伊， 甚至若利己心khah狂ê人，為著beh利益本身，soà 害別人ê也無少。總是也有一款真gâu同情gâu憐憫人，家己做會到ê程度來做好事ê人。耶穌所教示憐憫人ê人有福氣，m̄是親像世間人teh o-ló ê慈善家無影響著伊ê生活ê程度來憐憫人nā-tiāⁿ，若是kan-ta án-ni，就耶穌ê教示是真pêng-hoān。耶穌ê教示hit個意思是koh-khah深，koh-khah koân ê程度，是tio̍h親像上帝ê憐憫。1. 憐憫散...

[1955-5 台灣教會報 文類-散文 作者-高安賜/Ko An-sù]
兒童宗教教育ê重要性 [ Jî-tông chong-kàu kàu-io̍k ê tiōng-iàu-sèng ]
兒童宗教教育ê重要性 高安賜 作2。主日學教師ê使命。咱知主日學beh施行宗教教育ê時，最重要ê問題，就是教師ê問題。中間農村ê教會，教師ê欠缺koh-khah是濟。佳哉，聽講南中教育部有teh考慮; ài beh養成濟濟好ê主日學教師。甚麼叫做好ê主日學教師？使徒若thang譬喻作主日學教師，就thang講：in是主日學歹ê教師。使徒怎樣成做主日學歹ê教師？一，是iáu-boē 明主ê心; 二，是iáu-boē經驗著koh活ê主;三，是iáu-boē 經過五旬節聖神ê充滿，所以in 做細囝就近主ê阻擋(Khó 10:13)。主大無歡喜in講：「容允細囝就近我，莫得禁in，因為天國是in ê"...

[1955-5 台灣教會報 文類-散文 作者-劉約翰/Lâu Iok-hān]
活是甚麼？ [ oa̍h sī sím-mi̍h? ]
活是甚麼？ 究竟活是甚麼？這個問題是每一個有思想ê人所ài提出--ê。答案雖然有真濟，但是有最濟m̄是基督徒所會thang接受tit--ê。咱知活命是一件無價ê寶， 是真奇異， 難解，奧妙--ê......，無論咱beh享受甚麼權利kap機會，若m̄是事先有活命就boē會。但是咱tio̍h知這個活命是tuì上帝所賞賜ê，上帝是活命ê父，伊將活命賞賜hō͘ 植物 kap動物，賞賜hō͘天使，也賞賜hō͘人類。伊所賞賜hō͘人類ê活命，是一切活命中第一完善(完善) ê，因為人類ê活命有toà。上帝ê形象tī-teh。只有人類會kap上帝ê神有第一密切ê交通，所以人類tuì出世就有宗教思想，會曉得...

[1955-6 台灣教會報 文類-散文 作者--/-]
基督教貞節論 [ Ki-tok-kàu Cheng-kiat lūn ]
基督教貞節論 起頭上帝創造一男, 一女,配合夫婦，設立人倫, 建設健全ê家庭，ko͘-sêng純潔ê社會。若是人離開上帝，亂用上帝所賞賜人ê神聖，愛情ê恩賜，做情樂ê奴才，世間就成做姦淫，腐敗ê社會。社會罪惡中最第一複雜koh嚴重ê問題，就是男女道德ê混亂。「萬惡淫為首，」「最大ê罪就是姦淫。」這是先賢ê 教示。十條誡進一步講：「M̄-thang行姦淫，」這只有tī上帝觀念ê下面chiah 會thang守。世間對tī 男女道德ê 標準thang 分做兩款。第一，就是一般社會ê 標準: (a)對未婚ê 男女無有甚麼道德上ê規定。(b) 對ta-po͘人ê貞潔觀念攏無講起。(c) 對女性ê貞節不...