[1963-6 台灣教會公報 文類-散文 作者--/-]
PYUMA教會近況 [ PYUMA KÀU-HOH7 KŪN-HÓNG ]
PYUMA教會近況S.C. Lo̍h1963.06.15 912 期 p.11-12 台東附近所謂彪馬族有分散 tī 8 個鄉社 teh 企起。普通 teh 講『八社』就是 teh 指彪馬族 ê 意思 teh 講。M̄-kú 原來彪馬是指起南王 hit 族 nā 定，以外 iáu 有知本、社馬kan、利加、太平村、上檳榔、下檳榔 kap 初鹿 (Lêng-kè-me̍h 在內) chiah 個鄉社。所以除去南王以外，其他 ê 鄉社 ê 人較無ài hō͘ 人叫做彪馬。總講，in 大家較愛用 『八社』這個名稱，雖罔是 án-ni ，用『彪馬』來代表八社也 m̄ 是不該。因為早 tuì 彪馬這村...

[1929-4 台灣教會報 文類-散文 作者-陳添旺/Tân Thiam-ōng]
台灣一週佮感想 [ Tâi-oân it-chiu kap Kám-sióng ]
台灣一週佮感想1929.04 529卷 p.17-18芥菜子 38號(陳添旺)人講，gâu人遊世界，頇顢行厝內，踮佇小海嶼若厝內一樣。 真久就希望愛四界觀察一遍，船、車有利便；毋過袂得到懸山番界來觀察。 這擺順機會愛赴中會，也愛看東部盡南大武支廳，卻無偌濟人，是50 戶左右若定，倚佇海邊。順路紲對Saⁿ-tiâu-lēng的番界過去透水底寮；第先有朋友約愛做伴，後--來有阻擋煞單身若定。 寫幾項佇下底做參考：1、路站：花蓮港火車透台東，40 sián自動車到知本，有路透大武沿海平平，知本12里外，一日早早，大武有旅館。大武領入番界的證明，沿路有6 位駐在所愛蓋印。台東管 內Ko͘仔崙、出水ph...

[1929-10 台灣教會報 文類-散文 作者--/-]
遊東部所感 [ Iû Tang-pō͘ Só͘-kám ]
遊東部所感1929.10 535卷 p.17-19芥菜子 第 44 號(Tân Khêng-ku)我佮張基全先生佇這擺的歇熱中，就是佇7月30號有對淡水出發去東部。今彼條路徑有經過宜蘭、羅東，亦對蘇澳坐船才去花蓮港。初4的禮拜日有佇花蓮港拜堂佮遐的兄姊相佮守禮拜，亦我有受李傳道拜託做主理，閣彼e晡阮亦有閣佮李傳道、Tām執事佮梁阿標君（伊現時是佇東台灣的新聞社teh做記者），5 人做陣去新設的Ka-lí-oan講義所做禮拜，逐家不止熱心，做禮拜齊整。 佇初3（拜6）有去探幾若家的兄弟，亦有去探1位的醫生，就是南部林燕臣牧師第二令郎林安生先生，伊去遐開業卻猶無偌久，毋過照聽成績可恭。閣一位是對大...

[1929-12 台灣教會報 文類-散文 作者-戴Ek-gî，戴仁理/Tè Ek-gî, Tè Jîn-lí]
批 [ Phoe ]
批1929.12 537卷 p.13芥菜子46號(戴Ek-gî，戴仁理)「這張批是戴醫生的令尊佮令堂寫來共馬偕病院的患者說謝--的；今愛落佇遮，紲予列位知患者的好意。」批寄予踮佇台灣所疼的朋友兄姊收，平安。恁有寄2支真媠金的十字架來送阮，也共阮2人恭賀；阮到極歡喜。這2支金十字架，阮掠做極寶貝，也是通時時顯明恁疼痛的紀念品。對遮通知，恁猶原有teh 疼咱的主耶穌基督，就是獻身做咱極大的救主。今著勇健，也著好膽，因為救主耶穌是恁盡忠的朋友。著舉目看救主講：「主耶穌--ah，阮獨獨teh倚靠你，就是大佮白白的救主；阮倚靠你紅的寶血來得著清氣閣成聖。」設使恁驚，恁的罪過予恁佮聖的上帝相離，著好膽，因...

[1930-12 台灣教會報 文類-散文 作者-陳瓊琚/Tân Khêng-ku]
看台灣文化300年的紀念會 [ Khoàⁿ Tâi-oân Bûn-hoà 300 nî ê Kì-liām-hoē ]
看台灣文化300年的紀念會1930.12 第549卷 p.19芥菜子 58 號(陳瓊琚)這pang阮淡水中學的學生，約130外名，閣有4 个先生做陣搭10月27 號午前8點，台北發的急行車去台南。我本身有代先去，所以到位的時，我已經佇台南車頭teh 等--in。大家到位，抵是彼e晡4 點較加，我佮台南神學校的先生王守勇，有chhoā in 順路去看產業的展覽會。後--來才chhoā逐家來太平境禮拜堂歇睏。 論睏的所在有分3位，1位是禮拜堂，1位是高再得醫師的舊醫館的樓頂，閣 1位是吳秋微醫師的病院內的日本總舖。食是委託太平境拜堂的牧師，陳思聰先生，所介紹的太平食堂設法。 佇28號早起，有chh...

[1935-6 台灣教會公報 文類-散文 作者-汪宗埕/Ong Chong-thêng]
賑災記 [ Chín-chai-kì ]
賑災記1935.06 第603卷 p.28-30芥菜子113號(汪宗埕)佇主耶穌的閣活節，4月21號午前6點2分，屯仔腳地方有拄著未捌有的大地動。對起頭就真動，約兩秒的中間，規庄的厝全部倒壞，屯仔腳拄拄是佇震帶的中央；人受搖倒，土腳piak裂，有所在沈落約5尺深，屯仔腳一鄉庄受teh死--的千外人，拄著重輕傷--的，袂算得，一間厝teh死7、8名--的也有，實在悽慘到極。 咱教會這pang也拄著損害真大，信者受teh死--的八名，求道者受teh死--的11名，自然會友的厝是攏倒到平地；佇遮有人保存in的生命，通講是神蹟，禮拜堂佮宿舍，對地基倒到平地，阮規家族，攏受teh khàm佇內面，感謝上...

[1935-6 台灣教會公報/芥菜子 文類-散文 作者-吳天命/Gô͘ Thian-bēng]
震災中的教示 [ Chín-chai tiong ê kà-sī ]
震災中的教示1935.06 603號 p.30芥菜子第113號(吳天命)4月21號，台灣中部的大地動，彼个慘狀佇遮我毋免閣講起，照新聞紙上看起來，為著這pang 的地動，表出同情來周助震災中的同胞的人真濟，閣再我也確信，猶有真濟周助，事實無表出佇新聞紙上，這款行為是真好。 今佇遮我愛小可考察，對這个地動，事實咱著怎樣，佇遮有神祕，毋是咱人所通知的所在，全然屬佇上帝的事，對這个災難，我確信，雖然我袂會捌，是上帝攝理的經綸的表現，佇遮上帝有濟濟的意義，總是佇震災欲叫醒咱閣省察人生的真意義，真方針，這个意義的確摻佇濟濟意義的中間；對震災，咱一發感覺人生是眠夢，人生是航海，人生是出外，人生是憂苦，佇遮...

[1954-1 台灣教會公報 文類-散文 作者--/-]
南大 [ LÂM-TĀI ]
南大常委公告1954.01，no.781，pp.05-06十二月15日有開常委。將所辨理的報佇下面。1.恒春風災慰問金共Y5103.20。2.中學紀念日的獻金，事務所取扱的額有Y4834.40。3.傳教者體質給與金的規則，依照前次常委所決議：(三個月的給與金是彼間教會，彼个中會佮大會各負擔1/3)。今加添，若屬佇大會á是機關的，是彼个機關佮大會各負擔1/2 (大會的額是對4中會均分)。4.自動辭職的傳教者的旅費是歸屬彼个教會負擔，教會若袂通負擔，彼个中會著負責設法。5.交代財務局研究自動辭職的旅費支給，著應該服務偌濟年才通合理支給。6.通過選送委員會條例，紲准實施。7.通過事務處理規桯，紲准實...

[1954-1 台灣教會公報 文類-散文 作者--/-]
消息 [ Siau-sit ]
消息1954.01，no.781，pp.25-26T.K.C.欲派代表去赴世界總會á無？近來有收著世界長老會總幹事的 批，問看台灣T.K.C.欲派人去赴第17回的總會(7月27-8月5日，佇美國Princeton神學院) á無？猶原對普世聯盟的總幹事收著批，問看咱T.K.C.欲派代表去赴第二回的總會(8月14-31日，佇美國Evanaton) á無？收著這兩張批，咱袂免得著想看有法度通去赴á無？毋免講，咱攏知這是真必要的事；若有法度，對台灣派去是第一理想；若無，撿彩通派一个台灣人現時佇美國teh讀冊的，去赴亦是會用得。總是無論甚物人欲去，...

[1954-1 台灣教會公報 文類-散文 作者--/-]
傳道局 [ Thoân-tō-kio̍k ]
傳道局1954.01，no.781，pp.06各位傳道局員，各位中委，各教會以及傳教師平安。聖誕恭喜，新年恭喜。願主祝福大家，得著新的能力，會得加倍為主勤勞。1.第94次的傳道局會，決定佇1954年1月7號(拜四)頂晡10點30分，欲聚集佇南大事務所議事。2.各中委，各教會，á是傳教師，若有關係傳教師欲異動的事，á是其他的thêng-chhéng事項，限到1月5日(拜二)以前，對該屬的中委 (常設部)經由，送交本局。3.請各位傳道局員，到期準時撥假出席。緊用按呢通知，順筆請安大家。A.D 1953年，12月15日。南大傳道局，局長：An Bō͘-lí。書記：許水露。...

[1954-2 台灣教會公報 文類-散文 作者--/-]
竹中的危機 [ Tek Tiong ê guî-ki ]
竹中的危機
頭序
1954.02，no.782，pp.13-15
(Tīⁿ Chìn-teng)
編輯竹中通訊一年久，得著十二位主的工人鬥執筆，分擔寫出新鮮的消息，予我通盡每月的責任，是真感謝。
今愛歇筆的時，將心中難告常常掛慮的竹中危機寫淡薄來數念早的聖徒，呼籲大家的關心，通相佮警醒，也同時懇求天父憐憫。
迮四兔的竹中
日本的俗語講，迮兩隻兔的，連一隻也袂得著。
若是竹中有(1)山地。(2)客莊。(3)Hō-ló。(4)外省，四方面的工著做，閣是攏著做成功才會用得。
竹中的人口有百外萬，也面積鎮三縣...

[1954-4 台灣教會公報 文類-散文 作者--/-]
Ah！23年的久！ [ Ah! 23 nî ê kú! ]
Ah！23年的久！
1954.04，no.784，pp.13-14
蔡重義
二十三年久，撿彩有人看做平常，無甚物通感嘆的所在。毋過在佇小弟，實在是真著大感嘆。因為對出世到神學院畢業，受派去東部接收對南部教會移交予北部的玉里教會，初婚，就是23年的事。又閣對萬華轉任來桃園到今，也是23年的久。比並讀者諸位聽著一个傳教的蹛一位23年，穩當也會感覺真久，23年久，佇桃園濟濟人大成功，卻也有一半人失敗。23年久，佇桃園教會濟濟人成功，總是無半人失敗。
前任傳教師蹛遮11年半，小弟希望蹛12年，無扑算加蹛遐久。今愛勇退，讓賢，決定佮新莊劉牧師對換。毋是毋愛走，是候...

[1954-4 台灣教會公報 文類-散文 作者-明有德/Bêng Iú-tek]
世界消息 [ SÈ-KÀI SIAU-SIT ]
世界消息(牧師：明有德)。1954.04，no.784，pp.7-9日本。照日本1953年的報告，基督教佇社會的力量有比戰爭前較有，總是教會的會友無加添偌濟人。戰爭後有加添真濟款新教教派的宣教師，總是以前大教派所派來日本做宣教師的有較少。照報告，佇日本有17萬外的天主教的會友；新教有較濟，有23萬外。天主教的宣教師有1695的；新教的宣教師有較少，有984个。英國。佇倫敦的教會濟濟大的教派，近來有感覺使命著特別關心佇破病人的中間。in有常常開祈禱會，為著破病的人祈禱，也常常去探in。舊年秋天的時，英國聖公會有備辦一本細本冊，來應答羅馬天主教批評新教的事。彼本冊一部分的內容是關係天主教今年「馬利...

[1954-4 台灣教會公報 文類-散文 作者--/-]
北中：牧師會 [ PAK TIONG: Bo̍k-su-hoē ]
北中 I.牧師會 1954.04 784號 p.11 台北近郊的傳教者每月日有聚集一擺的牧師會，這月日(3月8號)，有聚集佇草山的陳Hōng-goân先生的厝(華南銀行的常務董事)。彼日有得著華南銀行的交通車chhoā赴會的人一同到草山清靜的所在，赴會者有23名，會長吳天命牧師chhoā眾人禮拜，也得著許Hiàn-chong先生的勉勵。第二步有聽明有德牧師的世界消息，得著真好的勉勵。蘇Ka-ô͘先生夫婦的好招待，(伊是華南銀行的經理)逐人不止感謝，講，後擺猶有機會，然後有閣坐車到公園欲觀賞花，總是拄tn̄g彼日有罩濛霧，無達目的。...

[1954-4 台灣教會公報 文類-散文 作者-吳清鎰/Gô͘ Chheng-ek]
消息 [ Siau-sit ]
消息1954.04 784 hō p.10-11(吳清鎰)(1) 北部大會女宣道會真希望愛閣創設親像前淡水彼款的婦女義塾。總是因為種種的關係，真oh實現。今佇台北聖經學院有teh計畫欲應這款的要求，新設一个婦女科，通予較濟歲的婦人人，á是愛揀幾若科目來讀的人通讀。目的就是愛予人捌聖經。修業年限兩年。畢業了後，會通做女宣道婦，幫贊傳道理的工作。在近的人會得通學，較遠的人會得通踮宿舍。總是費用愛家己設法。有按算佇今年9月欲招生。定員大概是15至20个。入學資格，小學畢業以上；年歲限50歲以下，總是著受嚴格的身體檢查。以上所講遮的是消息若定，猶未正式決定。若有人對這个婦女科有甚物希望，á是愛知影較詳...

[1954-4 台灣教會公報 文類-散文 作者-莊丁昌/Chng Teng-chhiong]
長老會青年聯誼所 [ Tiúⁿ-ló-hoē Chheng-liân Liân-gî-só͘ ]
長老會青年聯誼所1954.04 784 hō p.11(莊丁昌)光復後佇台北有濟濟教派來做工，中間有南美，北美的長老會，in家己無設教會，是佮咱相佮做工。中間有幾若位佇台北設一間「基督教長老會聯誼所，(Friendship Corner)。佇舊年10月，有佇台灣大學身邊起一間會所。有英語查經，英語會話(談論道理)，有運動設備。原來是為著台灣大學的學生設--的，總是也真歡迎其他的大專學生來參加。最近有角的真濟對國地方來的會友學生，去佇別教派參加英語查經，á是英語禮拜，致到有時信仰搖動，本-所有想閣較著積極的幫贊遐的基督徒學生，有欲加強做工，也欲新設英語禮拜，真向望各位相替祈禱佮協力。1.請咱通知...

[1941-10 台灣教會公報 文類-散文 作者-黃六點/N̂g La̍k-tiám]
教會佮神學校 [ Kàu-hoē kap Sîn-ha̍k-hāu ]
教會佮神學校 黃六點 1941年10月679期 17-19 重擔著相仝擔 佇舊約的歷史中上帝有照伊的意思揀選來做先知。耶穌本身也有揀12个使徒來做伊的全權大使，差in去傳上帝的道理，來設立教會佇逐所在。佇教會歷史中上帝的猶原佇逐時代揀召人來照顧料理伊的教會。 撒母耳有開先知學校來訓練青年人通做上帝的器具。今仔日的神學校，就是接紲早時先知學校彼款的精神，欲養成濟濟合用的人才來料理教會。 咱這時teh準備明年設教70年的記念會。神學校到明年是設60年啦。南部的神學校是比咱的較早設6年久，到舊年in有廢校，所以台灣只有賰北部這間的神學校爾定。南部對廢校就將in的學...

[1964-1 台灣教會公報 文類-散文 作者-陳聰發/Tân Chhong-hoat]
白話字的歌 [ Pe̍h-oē-jī ê Koa ]
白話字的歌 1964.01 第925號 p.17 (陳聰發) 列位兄姊。咱自到今猶無白話字的歌，敢無感覺對教白話字有困難--mah？我真感激過去的先輩佮老師的偉大，毋若予我會曉白話字，閣予每一个親近白話話字的人攏予伊佮in相捌，佇遮愛表幾句對in說謝。 我捌想講，別个民族 (如日本、英國) 攏有in的字母歌，也真愛這个歌，感覺對教學上加真利便，也予細子抑是拄才來學讀的人快記佇腦內，閣向望彼个效果愈好。拄拄teh想這个代誌，阮有chhoā主日學的學生去柳原教會遠足，看見in有按呢做，也彼个成績比過去加真有看見進步，後--來阮也按呢實行，果然有影。今我愛將對柳原教會所學彼个歌分予逐家...

[1967-12 台灣教會公報 文類-散文 作者-Ló-hu/Ló-hu]
讀「咱的白話字」所感 [ THA̍K “LÁN Ê PE̍H-OĒ-JĪ” SÓ͘ KÁM ]
讀「咱的白話字」所感1967.12 第1019， 1020號 p.17-18Ló-hu舊事重提，再論白話字的重要性。佇幾年前已經有強調teh呼籲講， 白話字毋通廢；毋過最近事實上是漸漸teh荒廢的款。雖然有真濟因素teh受影響，總是相信白話字猶原會繼續存在，咱愛共同來努力維持。咱知，日人時代，用同化政策強制統一台灣的時，咱都攏認定白話字是咱教會需要的文字，所以保存到今。論白話字對咱台灣基督教會來看，是文化的功臣，對教會的建立是有真大的幫贊力量。台灣初代教會的時，捌字的人真少，佳哉對捌白話字會讀聖經，會吟詩，通遍傳道理佇各地方，來興起教會佇逐所在。白話字的貢獻也有教會公報，有以外的刊物抑是冊，其...

[1957-11 台灣教會公報 文類-散文 作者-李嘉嵩/Lí Ka-siong]
數念蘭醫生 [ Siàu-liām Lân I-seng ]
數念蘭醫生1957.11 第827號 p.6-7(李嘉嵩寫)若講著蘭醫生就欲講數念感恩的話，感覺講攏袂了的人穩當非常濟。有的是受著伊救著生命起死回生，有的是伊公然抑是暗靜疼痛幫贊牽成來得著生計活路抑是提拔發展。有人對佇捌伊，予伊人格信仰的感化來奮發立志綴伊的跤步來做主的學生。有所在教會受伊克己奉獻，得著差不多全額的建築費。有人對伊的事業受感動得著道理，得著捌主的疼，得著信仰的鼓勵。總--是這个親像聖人的蘭醫生今去世--lah！的確有人感覺猶有濟濟擺猶未共伊表感恩，共伊表感謝，毋過今已經過身--lah。蘭醫生佇87年前出世佇蘇格蘭一位牧師的家。年青的時受召命愛做主的工，人鼓舞伊讀神學；伊家己固謙...