[1927-2 台南府城教會報 文類-傳記 作者-黃Siù-hui/N̂g Siù-hui]
黃誌誠牧師ê小傳 [ N̂g Chì-sêng Bo̍k-su ê Sió-toān ]
黃誌誠牧師ê小傳1927.02 503卷 p.3-4(黃Siù-hui)黃--先生，乳名號做能吉，jū名號做誌誠；本籍地是屬tī 東港ê教會。伊出世tī 1853年。當boē信主ê時，是teh做法官，不止有法術。因為子兒生了攏扑損--去，伊就醒悟伊所尊敬ê佛無法力，bē會保庇--人。所以就發心來信主。對信--了後，熱心toè 主，決心beh替主做干証，就獻心來做主ê工。第先tī 1885年入神學校，講究聖冊兩年久，就去tiàm教會。過無偌久，甘牧師teh 想ài去澎湖設教。伊本身先去tiàm 1 choā。倒轉--來就派黃深河kap先生本身去hia傳，去無偌久就有誠功效。後--來倒來搬家眷搭船...

[1927-3 台南府城教會報 文類-散文 作者-蔡安定/Chhoà An-tēng]
人生ê雙叉路 [ Jîn-seng ê Siang-chhe-lō͘ ]
人生ê雙叉路1927.03 504卷 p.9(Chhoà An-tēng)有1个少年人；伊抵tn̄g teh 想博士論文、好額，佮伊ê 愛人ê 時，死人ê 骨頭借大鼓ê 形狀hō͘ 伊看見。Hit 時伊就問--伊，講：「你是甚物？」大鼓就應，講：「我ê 職務就是teh 管理人ê 活命，我這个大鼓若摃1下，世間ê 人就死1个。Koh 1點鐘，就beh 摃1下。」伊án-ni 應答。少年人就續接koh 問：「m̄ 知是beh 為著甚物人？」應，講：「就是beh 為著你。」Ah！hit 時少年人驚1下，吐大氣，講：「偆1點鐘ê 活命！」Hit 時抵抵有1个朋友來beh 探伊，kā 伊講：「好朋友，你...

[1926-10 芥菜子 文類-散文 作者-蔡安定/Chhoà An-tēng]  (1)
聖冊 [ Sèng-chheh ]
聖冊。 I、詩人佮聖冊。 佇世間無有一本冊比聖冊較奇怪，kan-ta對文藝彼爿共伊看起來，也無半本佮伊會比對得。這是歐美的文學者佮詩人所證明--的。詩人コリンス到老的時有放sak一般的研究，逐擺攏是kan-ta 帶一本新約出外旅行。 II、文士佮聖冊。 早時佇法國一个反對基督教的讀冊人，佇伊的桌屜仔內揣著幾若張毋捌冊名佮彼个著者的斷片。伊本身 tú-tú是親像別的反對者攏是攻擊聖經，所以家己也攏毋捌讀。伊所揣出的紙片所印的就是Khap-pa-kok 的祈禱。 III、食人島的人佮聖冊。 早前是人所驚畏的食人種族，現時有得著基督教的感化，所以in 的性質攏變換了了，做一个成做溫和，...

[1926-12 芥菜子 文類-散文 作者-蔡安定/Chhoà An-tēng]  (2)
信仰佮行為 [ Sìn-gióng kap hêng-uî ]
信仰佮行為 1、 無言的感化。 有一个無神論的人佮ヘネロンsaⁿ-kap蹛三日久，伊本身無欲承認有這个真神，所以伊想伊的確袂變做基督教的信者。總是佇佮伊做陣的中間，有予伊的人款佮信仰拍著伊的心肝。後來伊才講「若閣蹛佇遮較久，我雖然無teh希望，毋kú袂免得著變做基督教的信者。」 ヘネロン無用言詞來苦勸伊著來信，也無佮伊議論信仰上的問題，總是伊家己驚了著放sak伊平生的無神論來信真神。這就是對ヘネロン恬恬的感化。 講話來傳傳道理，的確是要緊，毋kú無言的感化也有大氣力。 2、 親切的感動。 有一个勞動者teh拖車peh上kiā，因為貨物真重，所以才袂照所愛通peh上去。...

[1928-4 台灣教會報 文類-散文 作者-陳金然/Tân Kim-jiân]
束縛才是自由 [ Sok-pa̍k chiah sī chū-iû ]
束縛才是自由 陳金然 1928.04.01 517卷p.4-5 自由人人愛，若是無逐个得著，有的親像自由，其實是無。普通人teh講自由，敢是講跤手無掛鎖鏈號做自由，較少人teh想意志有夯枷抑無？近來有自稱新思想家teh主將自由是衝動的滿足，致到濟濟人掠放縱做自由，因為按呢紲掠濟濟號的事來做犧牲，親像戀愛抑是結婚chiah 的重要的代誌，人倫的大事in亦the̍h彼兩字自由來加tì-leh，紲將自由戀愛做自由亂愛，抑是做自由亂來，亦用自由結婚做自由亂婚，抑是做自由亂倫，實在真可惜，將神聖的人倫予伊成做野獸的衝動滿足的機關。 總是有較深想的人in就無掠彼號做自由，是掠靈性的發動，抑是...

[1928-10 台灣教會報 文類-散文 作者-陳金然/Tân Kim-jiân]
關仔嶺的一日 [ Koan-á-niá ê Chit-ji̍t ]
關仔嶺的一日 陳金然 1928.10.01 523卷p.6-7 若捌到關仔嶺--ê無一个無予遐的 san-chí水明驚--著，也濟濟穩當想起古早希臘國也是相siāng佇這款的環境來造成in 的國度佮in 的文明。希臘的國是建設佇島嶼的所在，四圍景緻真好，天產極豐富。人攏看現世做樂園，in較無對重宗教，是對重智識佮藝術，in 的神明是in想袂到--ê，in 的上帝是袂捌的上帝(行傳17：23)，所以對佇宗教in不止冷靜。In 的宗教心無親像埃及，印度，巴比倫，亞述，chiah 的國，有的受尼羅河佮Sa-oah-lah沙漠的壓迫，有的受Pek-lat抑是Hi-tí-kiat大河佮A-l...

[1934-5 台灣教會公報 文類-散文 作者-陳金然/Tân Kim-jiân]
聖經 [ Sèng-keng ]
聖經 1934.05 590卷 p.10 (陳金然) 論今仔日的聖經，有新約，舊約，總稱叫做聖經。這兩字 「聖經，」大概是對英語的 「The Bible」抑是「Holy Scripture」翻譯--的。 總是「Bible」是對希利尼話 「Ta Biblia」(冊)提來用；但是用這句做聖經的意思，是用佇舊約外典Ben Sirach智慧的冊的頭序--裡做第一早。到舊新約合做一本的時，也猶原是按呢咧用。這句雖然袂通十分表明聖冊的意思，猶過其實「Bible」佇今仔日是成做「冊中的冊」啦！ 「Holy Scripture」是希利尼話的 「Hogia Grapha，」拄拄是聖經的意思，請看太...

[1934-6 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.06 591卷 p.7-8 (陳金然) [接紲5月號的第10面「聖經」彼篇。彼篇「聖經」是欲做這个序說的頭序]。 I. 舊約書的話語 舊約書的母胎自然是希伯來(以色列)民族，所以in的話叫做希伯來話，到耶穌以前人猶咧用；總是後來是做學者研究的對象nā-tiāⁿ。現今Pa-le̍k-su-thèng所有咧用的「新希伯來話，」自然佮這有多少各樣。論這款話，亞述人共號做「西國的話」，聖冊記者自稱做「迦南的腔口」(賽18：18)，抑是「猶大的話」(II王18：26，28；尼13：24)。總是拉比是稱伊做「聖語」(Targum是「經語」經學士的話，律法的話」)。若是P...

[1934-7 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) 1934.7，no.592，pp.6-7 II. 希伯來字佮抄寫的材料 舊約書的話語既然是希伯來話，就所用的文字自然是希伯來字。所以咱袂免小可知這个希伯來字的經過。人teh議論古早以色列人所用的文字有兩款：(1) 140 B. C.--135 A. D.猶太人所用的「錢」的字，就是in在來的字；摩西的律法也是用這寫--的。摩西的律法也是用這寫--的。(2)舊約的抄本所用彼號「角字」(角文字)原來是亞述的文字，Í-sū-lat傳入佇猶太人的中間--的(Green)，Talmud也按呢傳。總是後來這號「角字」那有勢力，人紲講這个是希伯來的文字。 照H. W...

[1934-8 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.08 593卷 p.5-7 (陳金然) (接前號第6面) III. 經學士 - 書記官 佇新約裡有時人稱呼叫經學士，教法師(教律法的先生)，博士；其實這3个名，攏siāng一項的意思。有時特別尊稱做法利賽的經學士(可 2：16)，猶過其實就是法利賽人。總是毋通拍算新約時代的經學士，拄拄佮起初的經學士攏siāng款。因為經學士的工，是(1)研究猶太人的律法，(2)解釋律法，(3)抄寫律法來流傳正本佇後代。按呢，就是新約時代的經學士是律法家，若是初初的經學士是咧 (1)抄寫(編輯)宗教文學(聖經 - 律法)，(2)學者，(3)是解釋家。Taⁿ咱暫時來想這个書記官...

[1934-9 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 9，no. 594，pp. 6-8 IV. 舊約書的背景 我信聖經是上帝的話，是人的經驗最高懸位的記錄。佇彼背後，有活活的上帝的啟示佇teh。因為按呢，自然有時代的表現，閣也有穿環境的衫佇teh。所以咱著知上帝的話對甚物人，對甚物機因來啟示佇歷史裡！這是咱欲明白上帝的啟示的本旨，第一重要的問題。 原來時代有時代特殊的話語，親像現代逐項攏要緊充實，所以不論甚物，都著究勘到彼个長，闊，懸，深 (弗 3：13)。換話來講，就是著立体的的看法。 宗教欲表現伊的思想，猶原著借用時代的話語。對按呢實在欲研究聖經，愛了解彼內...

[1934-10 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 10，no .595，pp .4-5 IV. 舊約書的背景 2 . 受巴比倫的影響 以賽亞雖然捌預言耶路撒冷的堅固，若是對in的違背上帝，致到佇尼布甲尼撒的面前是無抵抗；其實是袂會抵抗。佇B. C. 586，遐的百姓無論是有權--的，抑是有學問--的，攏受掠到巴比倫。彼个予大衛興盛的耶路撒冷，今變做荒埔；彼个teh顯明所羅門的行伍彼間聖殿，今變做火灰。昨日猶teh教奴僕行按呢，伊就行按呢，今仔日變做是通可憐的奴隸的地步。 佇這時in的生活閣拄著大變換。佇in的心肝頭不時有這項的大問題。In teh誇口是上帝的選...

[1934-11 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第5面) IV. 舊約書的背景 1934. 11，no. 596，pp. 6-8 3. 受希利尼人的影響 佇B. C. 第4世紀，亞力山大對馬其頓的一角興起，紲收入當時世界的大帝國波斯的大版圖 (B. C. 332)。伊對佇伊所佔領的地，有用巧妙的政策；對按呢希利尼的文化普及佇逐所在；深入佇逐方面。 猶太人對受掠以後，四散徛起佇埃及的各地方。這霎散散踮佇地中海的沿岸；其中亞歷山大，倚有25萬人佇遐徛起。In在來有漸漸棄拺家己國語，總是對希臘文化的進入，紲漸漸用希利尼的俗語，風俗也受不止大的影響。 Taⁿ這擺的影響實在無較輸第1所講「...

[1934-12 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-suSū-soat ]
舊約書序說 陳金然 (接前號第8面) 1934.12，no.597，pp.7-8 V. 舊約書的分類佮順序 咱今仔日咧讀的舊約，是對濟濟種的冊來成立，攏總是39卷。人大概共伊分做3類：- 1)歷史(17卷)創世記-以斯帖。 2)文學(5卷)約伯-雅歌。 3)預言(17卷)以賽亞-瑪拉基。 咱知彼中間有的分前後，抑是上下，- 撒母耳，列王，歷代。-總是希伯來原文無按呢分；閣以斯拉，尼希米是合做一本，也12小先知也是做一本。對按呢自然譯本佮本文有無相同的所在。這款的各樣，是對LXX (70士譯) 起，這大概是趁當時亞力山大智識社會的風俗。這个城最初的圖書館...

[1937-2 台灣教會公報 文類-散文 作者-陳金然/Tân Kim-jiân]
這月著做恁的正月 [ Chit goeh2 tio̍h chò lín ê chiaⁿ-goe̍h ]
這月著做恁的正月 出12：1 1937年2月623期 4-5 前做奴才，連六日無自主。Taⁿ上帝來敨放，來救贖。這霎了後是國民，是自主，六日也愛獨立自主，實在是乾坤一轉啦！因為上帝有換新萬物。就是換六日，「這月著做恁的正月。」換奴才做子民─出埃及。換罪人做伊的後嗣。實在是驚天動地的事實啦！ 關係「這月」的歷史，咱免議論。「這月」就是得救出埃及的記念啦！是以色列宗教史上的一轉機，也是咱信仰生涯的界線。信仰實在是咱的生涯的出發點，是咱信仰的正月！因為對罪惡得救毋是結尾，是新生涯的頭一步，是新活命的起頭，是信仰生活的正月啦！ 「這月」是記念上帝用伊的大權能來審判遐的壓...

[1937-5 台灣教會公報 文類-散文 作者-陳金然/Tân Kim-jiân]
疼的創造 [ Thiàⁿ ê Chhòng-chō ]
疼的創造 陳金然 1937年5月626期 7-9 咱知雞卵摃破，只有卵仁佮卵清nā-tiāⁿ，攏無頭無面，總是雞母用疼痛的翼來孵燒伊，就漸漸變化，到20日足，就有媠媠通疼古錐的雞仔囝走出--來！宇宙的源起頭也是渾沌烏暗，若是上帝的疼來共伊孵-sio，就有秩序(創1：2)。按呢這个宇宙是對烏暗成光明，對絕望變成有向望。日落西山啦！雖然是烏烏暗暗，總是咱的新紀元也到啦！因為歡喜，光明的早起來啦！所以講，「有ê-hng，有早起啦」(創1：5，8，12，19，23，31)。論宇宙的起源有偌濟的學說，咱不管伊，因為咱的聖經所要緊--的，是人類得救的歷史啦！所記，就是上帝創造人，完...

[1937-6 台灣教會公報 文類-散文 作者-陳金然/Tân Kim-jiân]
你佇toh-loh？ [ Lí tī toh-lo̍h ? ]
你佇toh-lo̍h？ (創 3：9) 陳金然 1937年6月627期 6-8 民報連載小說，「凌辱之道」，所描寫許約翰因為失戀，紲自暴自棄，墮落，行衛不明，不知去向，總是伊的老母逐時數念伊；紲致病，到欲死的時也猶咧叫「約翰，你佇toh-lo̍h？」死目毋願瞌，咧揣伊的囝。我想路15章，彼个放蕩子的老母穩當佮這个相siāng症頭來早過世，所以賰伊的老爸咧瞭望「我的囝，你佇toh-lo̍h？」leh！這攏有表明疼囝的情有偌切，偌深。Taⁿ上帝因為人類墮落，犯罪家己覕咧，走遠遠，毋敢見上帝。伊就出聲來揣彼人講，「你佇toh-lo̍h？」 佇這時來想彼个情境：「........

[1937-9 台灣教會公報 文類-散文 作者-陳金然/Tân Kim-jiân]
人的活，毋但倚靠餅 [ Lâng ê oa̍h, m̄-nā oá-khò piáⁿ ]
人的活，毋但倚靠餅(太4：4) 陳金然 1937年9月630期 12-13 俗語講，「第一食，第二穿」，按呢敢有影食是第一要緊的款。上帝未創造人類，就先創逐項的物質攏齊備。也照人類逐時代的欠用來應允食物。「園內逐號樹的果子，通隨意來食」(創2：16)；閣「見若活的動物攏做恁的食物」(創9：3)。因為按呢彼个唯物論者Feuerbach紲講「人就是食物的動物」；事實上帝眷顧伊的百姓，用大的指導者救in出埃及，免受酷刑，免做奴才。這in攏袂曉感謝，所帶的食物略仔較少欲了連鞭nga̍uh-nga̍uh念，嫌上帝，心肝倒轉去埃及！咱看in佇汛的曠野的情境(出16：1─)，不止通做咱的教...

[1940-2 台灣教會公報 文類-散文 作者-陳金然/Tân Kim-jiân]
那鴻的冊 [ Ná-hông ê chheh ]
那鴻的冊 陳金然 194002 659號 p.3-6 1. 那鴻意思是安慰的人，伊的冊是小先知的第7本，關係伊的事，聖冊攏無記載，佇舊約別位也無記這个名，外典II I-su-la̍h 1：40佮約瑟-hut的冊有記載。後來的歷史家有講起偌濟人有這个名，親像耶穌的養爸約瑟的祖先也有這个名(路3：25)。(新約是照舊翻譯的讀做Ná-ong(hông))伊是伊勒歌斯人，這个所在是佇佗位僫得知，有幾若說。 1)十六世紀以後有傳說，講亞述的境內有基督徒咧蹛的庄社叫做アルクス(Arukus)，講佇遐有那鴻的墓。2)對伊守賞用的地方名-黎巴嫩，迦密，巴珊1：4-來看是佇巴勒斯坦(Pa-le̍k-su-...

[1940-3 台灣教會公報 文類-散文 作者-陳金然/Tân Kim-jiân]
哈巴谷的冊 [ Hap-pa-kok ê chheh ]
哈巴谷的冊 陳金然 194003 660號 p.7-9 1.哈巴谷是小先知的第8本，共3章57節，無偌大本的冊，總是相當有問題，咱無欲議論啥物，不過3：1 「用Si-kî-o-lo̍k調」是後代禮拜式用一款的讚美歌，略仔仿Tí-pho-la̍h的歌士5：4以下，抑是摩西的祝福歌申32：2以下。總是全體來看，不止有合哈巴谷的精神。所以第三章是編輯這看做有合佇哈巴谷的精神紲共編入佇遮，這是今仔日舊約的常識，甚至有先生講3：13所講「受抹油的」是指祭司頭，所以這章是屬Má-ka-pí時代的，這是較極端的見解。其餘佇1，2章猶原有種種的議論，大概一面主張講，「只有1：5-11是哈巴谷的親筆」...