[1966-3 台灣教會公報 文類-散文 作者--/-]
台灣民間宗教中ê傳說（6） [ Tâi-oân Bîn-kan Chong-kàu tiong ê thoân-soat (6) ]
台灣民間宗教中ê傳說（6） 論灶君 ê傳說。台灣民間若到每年舊曆 ê 12月24日就稱做送神ê日。照in ê傳說講：tī 這日地面上ê神明攏beh 上天庭去見玉皇上帝，順續去報告人所做ê好歹。所以tī 這日tio̍h備辦三牲酒禮來送所有神明上天。Chiah ê神明上天去以後，in chiah thang隨便將佛像遷soah位， 抑是請來洗（洗）。Chiah ê神明上天去以後，tio̍h 到舊曆ê正月初五chiah有koh 倒轉來。所以這中間連廟寺ê門亦攏關起來，koh用封條封起--來，到正月初五就稱做chih-神（接神）ê日，猶原備辦三牲酒禮來chih接hiah ê神。Taⁿ in teh送...

[1966-4 台灣教會公報 文類-散文 作者--/-]
台灣民間宗教ê傳說（7） [ Tâu-oân Bîn-kan Chong-kàu tiong ê thoân-soat（7） ]
台灣民間宗教ê傳說（7） 擬人化 ê偶像崇拜。當我teh研究「台灣民間宗教」ê時，hō͘我發見著這個擬人化（擬人化）ê偶像思想，tī民間偶像崇拜ê中間，常常照人家己ê生活方式做偶像崇拜ê 標準，親像講"Pu̍t siⁿ-i̍t" lah， 抑是親像「東嶽廟」（東獄廟）ê 嶽帝爺 kap 城隍廟（城隍廟）ê 城隍爺等。照傳說，in是teh執掌陰間（冥司）ê事，總是in廟中ê排設kap 內容ê組織， 正kap 陽間 ê衙門相像，也有判官，也有司屬（司屬）等，花色真濟。郭聖王 chhoā某。咱tī以前bat講到"大道公 kap媽祖婆 ê戀愛史，」以及「上帝公 (是指玄天上帝 玄天上帝) kā 保安...

[1966-5 台灣教會公報 文類-散文 作者--/-]
台灣民間宗教中ê傳說（8） [ Tâi-oân Bin-kan Chong-kàu tiong ê Thoân-soat (8) ]
台灣民間宗教中ê傳說（8）神明官場ê 組織。除了18 司以外，koh有設兩個判官;兩個判官是分做文 kap 武， koh有4 爺，就是牛爺， 馬爺， 枷爺（枷爺），鎖爺（鎖爺），也有二將軍，就是謝必安（謝必安），因為伊排 ti第七ê，所以俗稱七爺; 范無咎（范無咎），因為伊排tī 第八--ê，所以俗稱八爺， án-ni 二判官kap 司爺 kap 二將軍合做夥稱做八爺。以外36 部將是紀仙姑（紀仙姑），連聖者（連聖者），五龍官（五龍官），鎖大將（鎖大將），金舍人（金舍人），倒淘大將（倒淘大將）。李仙姑（李仙姑），馬龍官（馬龍官），劉聖者（劉聖者），枷大將，（枷大將），唐舍人（唐舍人），移山大將...

[1966-6 台灣教會公報 文類-散文 作者--/-]
台灣民間宗教中ê傳說（9） [ Tâi-oân Bin-kan Chong-kàu tiong ê Thoân-soat (9) ]
台灣民間宗教中ê傳說（9） 3) 兩個已經失落去ê小迷信。舊曆ê正月15日，就是上元賜福天官紫徽大帝（上元賜福天官紫徽大帝）ê生日，簡稱上元暝， 抑是講元宵暝。 Tī 這日各地方ê 民間 to有迎花燈， 這時所beh講兩個失落去ê小迷信，是tī 這個元宵暝 teh舉行ê。 根據「台灣史槎錄」 （台灣史槎錄）所記，台灣民間若到元宵暝ê時陣，有一款叫做「偷青」（偷青）ê風俗，這卻是一款 ê迷信。原來「偷青」是對一個bē出嫁ê 少女偷入去人ê園內，偷at人ê花枝 kap 竹葉。假使為著 án-ni hō͘人loé， hō͘人罵，就會嫁著好翁。 Koh bē結婚ê 男青年，tī 這暝偷入去人兜偷th...

[1966-6 台灣教會公報 文類-散文 作者--/-]
台灣民間宗教中ê傳說（10） [ Tâi-oân Bin-kan Chong-kàu tiong ê Thoân-soat (10) ]
台灣民間宗教中ê傳說（10） 3)是對故事中造出來ê，雖然是漢明帝（漢明帝）ê時真正有派蔡金（蔡金）kap秦景（秦景）去印度ê天竺國請佛骨kap 佛經入來咱中國，總是到清朝有翰林用這個做背景寫一本西遊記ê 小說，當時寫西遊記 ê時，聽講是佛教 kap道教 teh論爭ê時，因為寫西遊記ê記者是屬佛教，所以所寫ê 內容攏是佛祖 khah贏hiah ê 妖道， tī hit個小說中有西王母（西王母），有如來佛（如來佛），有濟天大聖，是猴濟天， koh有二郎神（二郎神），koh有十殿閻羅（十殿閻羅），有靈宮（靈宮），真君（真君），普賢（普賢），文珠菩薩（文珠菩薩）等。 Chiah ê 並m̄是歷史上...

[1966-8 台灣教會公報 文類-散文 作者--/-]
論講話 [ Lūn kóng-oē ]
論講話拾穗生1966。08。01拾麥穗第20期 P。19 "咱眾人tī 濟濟項跋倒， tī講話無跋倒ê，就是最完全ê人，也會約束伊thong身軀。咱hē馬咬韁tī 馬 ê 喙， hō͘ in順thàn咱，就管轄in thong身軀" (雅各3:2，3)。講話有親像騎馬， tī 馬頂若，無將馬索giú hō͘ ân，就會跋--落來。 Koh頭一擺騎馬ê人總ài將馬索giú真ân，總是siuⁿ ân也boē用得， 馬會 m̄走，所以一個gâu騎馬ê人，伊也boē將馬索放siuⁿ lēng，也boē giú siuⁿ ân，伊知影怎樣操縱， hō͘ 馬走真緊。咱講話也有兩種極端，就是siuⁿ lē...

[1966-9 台灣教會公報 文類-散文 作者--/-]
長榮中學ê現在kap將來 [ Tiong-êng Tiong-ha̍k ê hiān-chāi kap Chiong-lâi ]
長榮中學ê現在kap將來 主內ê兄弟姊妹平安！本校後81週年ê 校慶日( 9月21日) koh再teh-beh到lah，過去一年久koh得著恁ê關懷代禱，支持kap援助，佳哉thang koh平安經過，深深感謝。咱ê教會當tī慶祝百週年ê時陣，本校也進入80年ê校慶。當咱教會議訂新ê傳教方策teh-beh實施ê時陣，本校也相kap進入新ê階段，已經tī 80歲以上ê時代，應該也有新ê方策， hō͘學校ê建設ê精神會thang復興 chiah對。總是當tī教會倍加運動進入高潮ê時，本校真可惜boē thang配合大專醫校ê完成ê計畫， 來做koh-khah大ê貢獻，實在感覺真遺憾。 這中間自然...

[1966-10 台灣教會公報 文類-散文 作者--/-]
人生最大ê幸福（上） [ Jîn-seng choè toā ê hēng-hok（上） ]
人生最大ê幸福（上） 舊約hit本傳道ê冊kap箴言是屬tī智慧文學，是kì所羅門王寫--ê，但是tuì 這本傳道ê冊ê思想，言語，社會ê 狀態， kap政治背景來看， thang知m̄是所羅門王寫--ê，是因為所羅門王有智慧， koh真出名，所以chiah 藉伊ê名nā-tiāⁿ。傳道ê 著者，有真濟說， boē-thang容易決定是甚麼人寫--ê，總是tuì 這本冊ê內容來判斷， 會thang知寫這本傳道ê人是toà tī耶路撒冷，也有四界去旅行，是一個身分真koân， koh有福份ê人，也是有教養學識真深ê老人。 這個老人tuì少年到老，一生ê經驗幸福ê鎖匙tī tó位， beh傳hō...

[1966-10 台灣教會公報 文類-散文 作者--/-]
台灣民間宗教中ê傳說(11) [ Tâi-oân Bîn-kan Chong-kàu tiong ê Thoân-soat(11) ]
台灣民間宗教中ê傳說 Tī世界上每一個國家，每一個民族to有in ê民間傳說，假使咱若會thang先研究in ê民間傳說，就會thang明白in ê傳統-tek思想kap in宗教-tek生活。親像án-ni， tī咱台灣裡，也有真濟對古早就傳落--來ê民間傳說。小弟tī前已經有借咱ê教會公報來發表「台灣民間宗教ê傳說，」共有10期，小弟想講tī台灣裡有真濟ê「民間傳說，」是kap以前所發表 ê「台灣民間宗教」有真大ê關係，因為án-ni，小弟想講beh繼續來發表寡「民間傳說，」thang hō͘咱koh-khah明白beh怎樣來向咱ê 同胞進行宣教第2世紀ê工作。總講：tī民間ê傳說中有表...

[1966-10 台灣教會公報 文類-散文 作者--/-]
台灣民間宗教中ê傳說(12) [ Tâi-oân Bîn-kan Chong-kàu tiong ê Thoân-soat(12) ]
台灣民間宗教中ê傳說 採掘土炭kap龍脈（採掘煤炭與龍脈）看台灣開始採掘土炭ê期間，是對主後1626年，是當時佔領基隆ê 西班牙人事先開始。總是到鄭成功來台灣ê時，有頒佈禁止採掘， hit個原因是講：山地是會左右人ê運命ê力量，因為tī 山裡建築墓地，會thang hō͘死人得著冥福（冥福）。在生 ê人也thang 對 án-ni得著福氣。換話來講：是根據會破壞龍脈 ê迷信，這樣ê迷信無形中影響到tī人心，大家就相信，驚了傷害龍脈， hō͘ 吉地（吉地）變成凶地（凶地），來tú-著災害。雖然是án-ni，咱若看tī 康熙（康熙）56年出版ê "諸羅縣志"（諸羅縣志），就thang看著自現在起...

[1966-11 台灣教會公報 文類-散文 作者--/-]
人生最大ê幸福（下） [ Jîn-seng choè toā ê hēng-hok（下） ]
人生最大ê幸福（下） 3. 最大事業， 趁大錢。"我為著家己興起大ê工程，為家己起厝，為家己知葡萄園，為家己修造花園，果子園， tī hí內面栽種逐號ê 果子樹；為家己開水池來灌ak培養發生樹ê樹林。我也買奴僕女婢......也有濟濟牛群，羊群，贏過我以前tī耶路撒冷hiah-ê人所有ê。我為家己積聚金銀， kap列王以及逐聖ê財寶......"(2:4-14)。 這個老教師beh tuì最大事業來得著幸福，就開工去工廠， kap栽種逐項ê果子， kap樹木，也開水池，來灌ak果子樹木，也買奴僕女婢來做工，也設牧場來飼牛， 羊。伊最大事業了後， 也感覺空虛。 "我看我ê手所做一切ê工，以及我...

[1966-11 台灣教會公報 文類-散文 作者--/-]
台灣民間宗教中ê傳說(13) [ Tâi-oân Bîn-kan Chong-kàu tiong ê Thoân-soat(13) ]
台灣民間宗教中ê傳說 Beh toà學校埕起廟。Tī最近ê中華日報有報，講tī 雲林縣口湖鄉海墘ê 台子村，有一間台興國民學校，講這間學校ê 家長ê 90%以上是討魚人，生活水準kē，知識水準也真kē。講chiah ê人tī頂月尾 (民國55年ê 9月尾)，台子村ê 村民代表 幾nā人來到學校，講：「因為有神明指點，講著tī學校ê運動埕中央起一間廟，chiah會thang保庇全村ê平安，」講了就即時動工起廟，因為校長先生阻擋in無法得，就呈報上級有關ê機關處理。隔-tńg-日ê報紙地方論壇裡即時講：Tī今仔日ê科學時代，iáu-kú發生這款ê迷信，甚至chiàm學校ê地beh 起廟，這款侵佔...

[1966-12 台灣教會公報 文類-散文 作者--/-]
台灣民間宗教中ê傳說(14) [ Tâi-oân Bîn-kan Chong-kàu tiong ê Thoân-soat(14) ]
台灣民間宗教中ê傳說 看風水 ê人去看。後來講有一個看風水 ê人聽著這個傳說，就poah-工到hit個所在去實地cha看風水，照hit個看風水 ê人所講：hit個所在除了有兩隻石燭以外，也有石桌，石椅， koh有一身對天然ê石所形成ê 觀音佛像khiā tī 溪中，koh tī水尾有石龜 kap石獅khiā相-ǹg， 這個款風水 ê人講：原來這個所在是一個觀音穴，正是hit兩個囡仔所應該得ê 風水，無拍算其中ê一個受人tàn落溪中死，這個穴ê 風水soà khih-角， 到後來第二ê也死，對án-ni 這個 風水soà 敗去。Koh講：若有人koh再埋葬親人tiàm tī 這個 穴中，會ko...

[1966-1 台灣教會公報 文類-小說 作者-拾穗生/-]
故事:賣火柴ê查某囡仔 [ KÒ͘-SŪ:Boē hé-chhâ ê chá-bó͘ gín-ná ]
故事:賣火柴ê查某囡仔拾穗生翻譯1966。01。15拾麥穗第6期 P。14-15 舊曆 ê 過年beh到，我翻譯アンデルヤン這篇故事。 賣火柴ê 查某囡仔。二九暝真寒 koh落大seh，日beh暗， 一個可憐查某囡仔頭殼攏無包甚麼， 褪赤腳， tī街路teh行，出門ê時有穿in老母ê淺拖，真大雙，有兩張馬車， 駛真緊對伊身邊過。伊趕緊走閃，soà失落一腳。 揣攏無，是hō͘一個查某 囡仔 提去收 leh，伊想別日若生嬰仔 會 thang做搖籃， taⁿ 這個 查某 囡仔soà 褪赤腳teh行，一雙腳 寒到烏-le̍k-le̍k，細細ê手la̍k一把火柴， kuī 圍裙(Apron) ê內面...

[1966-4 台灣教會公報 文類-小說 作者-拾穗生/-]
故事:三個醫生 [ Kò͘-sū: saⁿ ê i-seng ]
故事：三個醫生 三個外科醫生，大家參詳beh用in ê 技術來遊世界，就出發，到暗，歇tī一間旅社，主人問in tuì tó位來， beh去tó位？ In應，阮beh用阮ê手腕來遊世界。主人講：Taⁿ將lín ê 技術 hō͘阮看，頭一個講:我手蹄仔 斬起來， 明仔早起會 koh接好好。 第二個講:我ê心肝挖起來，明仔日會 koh入好好。 第三個講:我ê目睭仁挖起來， 明仔日koh入落去，也會猶原好好。 chiah會外科伊逐人有chah一罐 細罐 ê藥油，無論甚麼傷，抹隨時好。三人攏照in所講：手蹄仔，心肝，目睭仁，攏the̍h出來hē tī盤裡， 旅館ê主人，伊就命令差用ê 查某囡仔， t...

[1966-4 台灣教會公報 文類-小說 作者--/-]
事實小說：求職記 [ SŪ-SIT SIÁU-SOAT: KIÛ CHIT-KÌ ]
事實小說：求職記 I. 好消息我忽然tī報紙看著一個好消息，非常ê歡喜，即時將hit張報紙用走--ê the̍h來到禮拜堂beh報林牧師。"牧師，牧師！我已經有頭路lah。""有影！ 按怎得著？""你看這張報紙所刊ê， tú-tú是我這幾年來逐日teh夢想ê條件。" 林牧師將hit張報紙the̍h起來看，急徵業務員啟事（急徵業務員啟事）: "政大化工有限公司（政大化工有限公司），為著 beh 擴充業務， beh 招募業務員10名， 待遇每月2000 箍以上，若是初中畢業程度， 有意應徵者請寄履歷書附限時郵票寄來台南郵箱3856號，業務處收。若審查合格即通知面協。""我看這個啟事有淡薄giâu...

[1966-4 台灣教會公報 文類-小說 作者--/-]
短篇小說 [ Té-phiⁿ Siáu-soat ]
短篇小說下面ê故事信不信由你，總是m̄-thang無謹慎 1. 不速之客（不速之客）Hit日我坐tī辦公廳teh整理教會書類。"平安，" 忽然有一個人khiā tī門口teh kā我請安，我kia̍h頭一下看， m̄是我ê會友，也m̄是我所bat ê信徒，對這款生份人光臨ê經驗，教示我雖然tio̍h表示歡迎，總是也tio̍h存淡薄ê戒心，因為我已經hō͘真濟人騙ê騙，了ê了，了去無數ê錢lah，所以逐擺若看這chiah-ê不速之客（不速之客）入來， boē免得hō͘我寒心。總是這位兄弟身軀穿西裝，手koāⁿ飽飽ê皮包，tuì 這款穿插kap面容看來，無thang僥疑是一個流浪者teh做騙仙ê人...

[1966-5 台灣教會公報 文類-小說 作者-拾穗生/-]
故事：獅kap青iok仔（水雞） [ KÒ͘-SŪ:SAI KAP CHHIN-IOH-Á (Suí-koe). ]
故事：獅kap青iok仔（水雞） 古早有一個皇帝kap王后生一個王子kap一個王女，兩個兄妹仔真相好，王子真愛出去拍獵， (去山裡拍鳥， 拍鹿)，有時bat tiàm樹林內真久，有一擺去真濟日攏無倒來， in小妹真傷心，哮到兩蕊目睭ham-ham，路尾tòng boē tiâu，就去樹林內beh chhē in兄哥，行真遠， 會行行到boē行， khiā teh四界看，忽然間一隻獅走來khiā tī伊身邊， hit隻獅真乖koh真親切，伊就kā peh去胛脊頂坐，獅將伊ê馬kā醫熱。日頭照tī王女ê嘴phoé，伊就kā伊ia̍t風，行有hiah遠，到一個洞穴ê門口，伊就行入去，獅真親切，所以...

[1966-6 台灣教會公報 文類-小說 作者-拾穗生/-]
故事:水雞變皇帝 [ KÒ͘-SŪ:Suí-koe pìⁿ Hông-tè ]
故事：水雞變皇帝 古早古早有一個皇帝，伊ê 查某囝攏真suí其中soah尾查某囝第一suí。 宮城ê附近有一個真暗ê大樹林，樹林內有一叢真老古樹菩提樹（菩提樹），樹頭hia有一窟水泉，若天氣熱ê時， 這個細查某囝就去樹林內，坐tiàm水泉邊秋凊，若無聊ê時，就the̍h用黃金所做hit粒球hiat koân hiat kē來sîn，伊真愛這款ê thit-thô。有一擺sîn了liù手， ka-la̍uh tī土腳，soà lìn tuì水窟落去，目睭金金看伊沉落去，水真深， 底看boē tio̍h。 王女tiàm hia哮， ná哮ná大聲，哮攏boē soah。忽然間有一個聲對王女講:是...

[1966-7 台灣教會公報 文類-小說 作者--/-]
婚姻ê悲劇(下) [ Hun-in ê pi-ke̍k (Hā) ]
婚姻ê悲劇（下） "你講án-ni也有影，總是我詳細kā統計， 這款ê例真少，十個無一個，其他ê 9個， m̄-nā boē引chhoā丈夫，連伊家己ê信仰to tè伊去，你kiám會確信你有法度thang引chhoā伊。若無自信，絕對m̄-thang beh試主你ê上帝。"老父也無歡喜， án-ni應我。這時我chiah感覺，有影宗教會束縛人， tú-tú照文傑所講ê。我m̄聽父母ê話，決心beh愛伊。阮ê交陪經過兩月日，愛情ê溫度達到沸點（沸點）。 文傑是一個老實ê青年， 至少tī我ê印象中是thang倚靠ê人。就tī伊beh退伍ê前日，阮約束tī國校ê教室見面， hit暗伊對我求婚講：...