[1966-1 台灣教會公報 文類-散文 作者-拾穗生/-]
水kap身體 [ Chuí kap Sin-thé ]
水kap身體拾穗生拾麥穗第6期1966.01.15 P.15 水雖然m̄是營養物，對tī咱ê身體是無buē 用得--ê， 佔咱全體重ê三份二。血kap 淋巴液（淋巴液）倚靠水分送營養 liāu到全身軀， siāng-時tuì 逐所在運搬hiah-ê無路用ê物出去。 除這以外， 調節身軀ê溫度hō͘伊平均，大熱á是運動 ê時，伊就變做汗流出來， hō͘體溫 khah kē， koh 會幫贊消化， hō͘大便khah 會通， 逐日有一部分ê水tuì皮膚， 肺，腰子出去。所以咱每日tio̍h ài lim相當ê水來補。照專門家ê研究， 逐日tio̍h ài lim 6杯，有人講lim 7 ha̍p...

[1966-1 台灣教會公報 文類-散文 作者--/-]
台灣民間宗教中ê傳說 [ Tâi-oân Bîn-kan Chong-kàu tiong ê Thoân-soat ]
台灣民間宗教中ê傳說Tī今年咱台灣ê 教會有一個歷史-tek ê大慶祝,就是慶祝福音來台一百週年。Tuì 這個有意義ê 慶祝以後，咱ê總會 kap所配屬ê各中會有為著台灣教會beh進入tī 宣教ê第二世紀teh大準備。這正是總會,中會,傳教者 kap每一個信徒兄弟姊妹tio̍h同心出力奮起 ê大目標.Taⁿ tī 這個真要緊ê 宣教運動ê時，咱tio̍h事先明白咱ê 宣教對象,特別咱台灣ê教會是tī台灣民間宗教ê環境中，án-ni,就這個民間宗教ê 環境正是咱第二世紀ê 宣教對象,因為án-ni,咱tio̍h事先研究chiah ê 民間宗教，而後咱chiah會thang向in 宣教.小弟為著這...

[1966-1 台灣教會公報 文類-散文 作者--/-]
台灣民間宗教ê傳說(2) [ Tâi-oân Bîn-kan chong-kàu tiong ê Thoân-soat (2) ]
台灣民間宗教ê傳說(2) 因為以上有講大道公kap媽祖婆 ê戀愛史,所以這時beh將媽祖婆 kap大道公ê傳說分別來講。關係媽祖ê傳說真濟款，其中有真濟差不多boē相信得ê傳說也boē少。總是小弟chia-nih事先來講出伊真實ê歷史，以後chiah來講伊ê傳說。咱頂面已經有淡薄講過媽祖是出世tī 宋太祖建隆（建隆）元年，就是A. D. 959 î, 到現在tú-好是1006年前，伊出世ê所在是福建省興化莆田縣湄洲島（福建省興化莆田縣湄洲島），伊ê老父是名林Î-khak（林惟？），teh做督巡官.媽祖是伊ê 第 6 ê 查某囝,因為出世以後經過成月日攏無哮，in老父就kā 伊號名做林默（林默...

[1966-1 台灣教會公報 文類-散文 作者--/-]
Tuì puh 新芛講去 [ Tuì puh Sin íⁿ kóng-khì ]
Tuì puh 新芛講去Tân Huī-chhiong1966.01.01 P.10-11 冰凍（冰凍）ê冬天beh過去lah， tī 冰凍 ê冬天，有偌濟 ê事攏boē-thang做，無論農，工，商，家庭等等。又koh冰雪（冰雪）所阻擋to boē-thang做甚麼。總是到tī春天ê聲teh近倚， 雪冰 teh iûⁿ，枯焦ê樹木koh teh puh新芛ê時， hō͘人感覺興奮 koh 抱了希望ê時， 偌濟人to 抱 tio̍h 對新來（新來）ê日子有大ê期待kap beh搶奪過去所失落ê光陰，所以這句話雖然是我國ê一句出名ê俗語， iáu-kú tī別所在雖bóng文字無siāng，也...

[1966-2 台灣教會公報 文類-散文 作者-拾穗生/-]
醫事衛生 [ I-sū oē-seng ]
醫事衛生拾穗生1966.02.01 [拾麥穗]第7期，P. 16-17 性格kap食物照專門家ê研究，食物kap性格真大關係， 譬喻 愛食肉ê人， khah 濟是好膽，有進取ê氣慨，食菜食長齋ê人，伊ê性格khah保守-tek，心神khah鎮靜（沉靜）。 愛講話(厚話) ê人，是伊ê大腦（大腦）欠缺Vitamin B， ài lim khah 濟牛奶，蜜水，小麥（胚芽米）。精神無安定ê人，是欠用鈣質kap燐質ê食物。鈣質：就是土豆，豆仔， poê-lêng-菜， 蝦， 芋仔，魚子，牛奶。燐質：就是雞， 雞蛋， 蟳， 馬鈴薯，葡萄，杏仁，栗子。依賴性重ê人: Kan-ta 倚靠食物無夠額， à...

[1966-2 台灣教會公報 文類-散文 作者--/-]
台灣民間宗教ê傳說(3) [ Tâi-oân Bîn-kan Chong-kàu tiong ê Thoân-soat (3) ]
關係大道公ê傳說大道公也稱做保生大帝。咱tī以上也有講過是一個醫生，關係伊有真心適ê傳說。採藥中途救人收徒弟有一日，有一個叫做江仙官（江仙官）ê 書生teh-beh去上京科考， 當伊行來半路 ê時，soah去遇著虎， 虎將江仙官ê一個書僮仔 kā 伊kā-去，因為án-ni， 江仙官就ná行ná哭。正tī 這個時陣， 這個保生大帝正坐雲beh去河南（河南）ê 柔林（柔林）採藥 tuì hia 過， 忽然間看見地裡有一堆散散ê骨頭，知是江仙官ê 書僮仔 ê骨頭，就將hiah ê骨頭khioh-khioh 排排 leh， chiah發見減一支左pêng ê腳骨，就隨便at一支柳樹枝來代替，而後用咒...

[1966-2 台灣教會公報 文類-散文 作者--/-]
台灣民間宗教中ê傳說(4) [ Tâi-oân Bîn-kan Chong-kàu tiong ê Thoân-soat (4) ]
台灣民間宗教中ê傳說 五府千歲 ê傳說台灣ê風俗真迷信，因為án-ni，廟寺特別濟。Tī 民國 19年12月，日本人有調查全台灣寺廟ê所額，計共有3661間，照所記錄伊ê 分類親像下面:服祀福德正神（福德正神），就是土地公ê有674 間， kan-ta 台南縣ē已經有258間。服祀王爺ê王爺廟(就是服祀五府千歲ê廟)，有534間。服祀天上聖母（天上聖母）就是媽祖ê廟，有300 goā 間。 Chiah ê 統計數字雖然有khah 舊 lah，總是真確實。光復後民間宗教有大興起，到現時iáu bē有新ê全盤-tek ê 統計， 只知影tī 民國53年7月15日以前，tuì 台南市政府所登記ê寺...

[1966-3 台灣教會公報 文類-散文 作者--/-]
共同進入第二世紀 [ Kiōng-Tông Chìn-Ji̍p Tē 2 Sè-Kí ]
共同進入第二世紀En̂g-lîm1966、03、15 P12 今年總會開會ê第二日下午八ê 友好教會 ê代表來向大會請安， tī chiah-ê請安ê話， hō͘人印象khah深ê是oē-lí公會ê Ury牧師（吳銳牧師）。伊強調第二世紀ê宣教最要緊，是tio̍h強調合一做工，伊用一個真有意思ê 譬喻 án-ni講，有兩個男女朋友相招去kò船仔，忽然女子soà跋落水內bo̍k-bo̍k泅，這個男ê隨時kā伊講將你ê手伸來hō͘我，我kā你牽起來，伊隨時伸手hō͘伊牽，無拍算只有拖一隻手起來nā-tiāⁿ，身軀無起來，因為hit支手是義手（義手）， 男ê隨時koh對伊ê嘴beh kā giú起...

[1966-3 台灣教會公報 文類-散文 作者-拾穗生/-]
聖德太子 [ Sèng-tek Thài-chú ]
聖德太子拾穗生拾麥穗第10期1966.03.15 P.18-19 用明天皇（用明天皇）ê 皇后穴穗部皇女（穴穗部皇女），有一暝夢見看著一個黃金色ê 和尚，我有一個階段beh來救這世間，你ê內面暫時借我toà。 皇女問伊，你是甚麼人？我是救世ê 菩薩， toà tī 西方， 隱居572年，正月初一日tī 宮內ûn-á散步，行到馬寮ê時陣，腹肚直直催陣親像beh生ê款，快快生出來ê就是廄戶皇子（廄戶皇子），後來叫做聖德太子。跟隨ê人就趕緊抱入去睏房（寢殿）。忽然間榮光燦爛，芳味滿取， 4月日講話就親像大人。隔年ê 2月15日早起， ǹg東爿，手合合念南無阿密陀佛。八歲 ê時， tuì 朝鮮來一個...

[1966-3 台灣教會公報 文類-散文 作者--/-]
台灣民間宗教中ê傳說(5) [ Tâi-oân Bîn-kan Chong-kàu tiong ê Thoân-soat（5） ]
台灣民間宗教中ê傳說(5) 福德正神（福德正神）土地公以上已經有講過 tī台灣ê 民間宗教中所teh服祀ê "福德正神」ê 數量是排第一濟ê， kan-ta 台南縣轄 ê 土地公已經有258 身 ê濟，到底福德正神甚麼？Nā講明就無甚麼稀奇lah，這就是tī大略各地方所teh拜土地神，tī台灣也稱做土地公。雖然講tī台灣服祀土地公廟只是起tī田邊，抑是路邊，是真細間，有ê to無一間雞tiâu ê大間 leh。 Tī 台灣關係土地公ê傳說是非常濟款，總講歸結起來，就是講土地公ê 生前是一個為民除害，家己soah不幸來死去ê人，死後伊ê靈魂上天，受玉皇上帝 kā 伊封做土地神。Chiah ê傳...

[1966-3 台灣教會公報 文類-散文 作者--/-]
台灣民間宗教中ê傳說（6） [ Tâi-oân Bîn-kan Chong-kàu tiong ê thoân-soat (6) ]
台灣民間宗教中ê傳說（6） 論灶君 ê傳說。台灣民間若到每年舊曆 ê 12月24日就稱做送神ê日。照in ê傳說講：tī 這日地面上ê神明攏beh 上天庭去見玉皇上帝，順續去報告人所做ê好歹。所以tī 這日tio̍h備辦三牲酒禮來送所有神明上天。Chiah ê神明上天去以後，in chiah thang隨便將佛像遷soah位， 抑是請來洗（洗）。Chiah ê神明上天去以後，tio̍h 到舊曆ê正月初五chiah有koh 倒轉來。所以這中間連廟寺ê門亦攏關起來，koh用封條封起--來，到正月初五就稱做chih-神（接神）ê日，猶原備辦三牲酒禮來chih接hiah ê神。Taⁿ in teh送...

[1966-4 台灣教會公報 文類-散文 作者--/-]
台灣民間宗教ê傳說（7） [ Tâu-oân Bîn-kan Chong-kàu tiong ê thoân-soat（7） ]
台灣民間宗教ê傳說（7） 擬人化 ê偶像崇拜。當我teh研究「台灣民間宗教」ê時，hō͘我發見著這個擬人化（擬人化）ê偶像思想，tī民間偶像崇拜ê中間，常常照人家己ê生活方式做偶像崇拜ê 標準，親像講"Pu̍t siⁿ-i̍t" lah， 抑是親像「東嶽廟」（東獄廟）ê 嶽帝爺 kap 城隍廟（城隍廟）ê 城隍爺等。照傳說，in是teh執掌陰間（冥司）ê事，總是in廟中ê排設kap 內容ê組織， 正kap 陽間 ê衙門相像，也有判官，也有司屬（司屬）等，花色真濟。郭聖王 chhoā某。咱tī以前bat講到"大道公 kap媽祖婆 ê戀愛史，」以及「上帝公 (是指玄天上帝 玄天上帝) kā 保安...

[1966-5 台灣教會公報 文類-散文 作者--/-]
台灣民間宗教中ê傳說（8） [ Tâi-oân Bin-kan Chong-kàu tiong ê Thoân-soat (8) ]
台灣民間宗教中ê傳說（8）神明官場ê 組織。除了18 司以外，koh有設兩個判官;兩個判官是分做文 kap 武， koh有4 爺，就是牛爺， 馬爺， 枷爺（枷爺），鎖爺（鎖爺），也有二將軍，就是謝必安（謝必安），因為伊排 ti第七ê，所以俗稱七爺; 范無咎（范無咎），因為伊排tī 第八--ê，所以俗稱八爺， án-ni 二判官kap 司爺 kap 二將軍合做夥稱做八爺。以外36 部將是紀仙姑（紀仙姑），連聖者（連聖者），五龍官（五龍官），鎖大將（鎖大將），金舍人（金舍人），倒淘大將（倒淘大將）。李仙姑（李仙姑），馬龍官（馬龍官），劉聖者（劉聖者），枷大將，（枷大將），唐舍人（唐舍人），移山大將...

[1966-6 台灣教會公報 文類-散文 作者--/-]
台灣民間宗教中ê傳說（9） [ Tâi-oân Bin-kan Chong-kàu tiong ê Thoân-soat (9) ]
台灣民間宗教中ê傳說（9） 3) 兩個已經失落去ê小迷信。舊曆ê正月15日，就是上元賜福天官紫徽大帝（上元賜福天官紫徽大帝）ê生日，簡稱上元暝， 抑是講元宵暝。 Tī 這日各地方ê 民間 to有迎花燈， 這時所beh講兩個失落去ê小迷信，是tī 這個元宵暝 teh舉行ê。 根據「台灣史槎錄」 （台灣史槎錄）所記，台灣民間若到元宵暝ê時陣，有一款叫做「偷青」（偷青）ê風俗，這卻是一款 ê迷信。原來「偷青」是對一個bē出嫁ê 少女偷入去人ê園內，偷at人ê花枝 kap 竹葉。假使為著 án-ni hō͘人loé， hō͘人罵，就會嫁著好翁。 Koh bē結婚ê 男青年，tī 這暝偷入去人兜偷th...

[1966-6 台灣教會公報 文類-散文 作者--/-]
台灣民間宗教中ê傳說（10） [ Tâi-oân Bin-kan Chong-kàu tiong ê Thoân-soat (10) ]
台灣民間宗教中ê傳說（10） 3)是對故事中造出來ê，雖然是漢明帝（漢明帝）ê時真正有派蔡金（蔡金）kap秦景（秦景）去印度ê天竺國請佛骨kap 佛經入來咱中國，總是到清朝有翰林用這個做背景寫一本西遊記ê 小說，當時寫西遊記 ê時，聽講是佛教 kap道教 teh論爭ê時，因為寫西遊記ê記者是屬佛教，所以所寫ê 內容攏是佛祖 khah贏hiah ê 妖道， tī hit個小說中有西王母（西王母），有如來佛（如來佛），有濟天大聖，是猴濟天， koh有二郎神（二郎神），koh有十殿閻羅（十殿閻羅），有靈宮（靈宮），真君（真君），普賢（普賢），文珠菩薩（文珠菩薩）等。 Chiah ê 並m̄是歷史上...

[1966-8 台灣教會公報 文類-散文 作者--/-]
論講話 [ Lūn kóng-oē ]
論講話拾穗生1966。08。01拾麥穗第20期 P。19 "咱眾人tī 濟濟項跋倒， tī講話無跋倒ê，就是最完全ê人，也會約束伊thong身軀。咱hē馬咬韁tī 馬 ê 喙， hō͘ in順thàn咱，就管轄in thong身軀" (雅各3:2，3)。講話有親像騎馬， tī 馬頂若，無將馬索giú hō͘ ân，就會跋--落來。 Koh頭一擺騎馬ê人總ài將馬索giú真ân，總是siuⁿ ân也boē用得， 馬會 m̄走，所以一個gâu騎馬ê人，伊也boē將馬索放siuⁿ lēng，也boē giú siuⁿ ân，伊知影怎樣操縱， hō͘ 馬走真緊。咱講話也有兩種極端，就是siuⁿ lē...

[1966-9 台灣教會公報 文類-散文 作者--/-]
長榮中學ê現在kap將來 [ Tiong-êng Tiong-ha̍k ê hiān-chāi kap Chiong-lâi ]
長榮中學ê現在kap將來 主內ê兄弟姊妹平安！本校後81週年ê 校慶日( 9月21日) koh再teh-beh到lah，過去一年久koh得著恁ê關懷代禱，支持kap援助，佳哉thang koh平安經過，深深感謝。咱ê教會當tī慶祝百週年ê時陣，本校也進入80年ê校慶。當咱教會議訂新ê傳教方策teh-beh實施ê時陣，本校也相kap進入新ê階段，已經tī 80歲以上ê時代，應該也有新ê方策， hō͘學校ê建設ê精神會thang復興 chiah對。總是當tī教會倍加運動進入高潮ê時，本校真可惜boē thang配合大專醫校ê完成ê計畫， 來做koh-khah大ê貢獻，實在感覺真遺憾。 這中間自然...

[1966-10 台灣教會公報 文類-散文 作者--/-]
人生最大ê幸福（上） [ Jîn-seng choè toā ê hēng-hok（上） ]
人生最大ê幸福（上） 舊約hit本傳道ê冊kap箴言是屬tī智慧文學，是kì所羅門王寫--ê，但是tuì 這本傳道ê冊ê思想，言語，社會ê 狀態， kap政治背景來看， thang知m̄是所羅門王寫--ê，是因為所羅門王有智慧， koh真出名，所以chiah 藉伊ê名nā-tiāⁿ。傳道ê 著者，有真濟說， boē-thang容易決定是甚麼人寫--ê，總是tuì 這本冊ê內容來判斷， 會thang知寫這本傳道ê人是toà tī耶路撒冷，也有四界去旅行，是一個身分真koân， koh有福份ê人，也是有教養學識真深ê老人。 這個老人tuì少年到老，一生ê經驗幸福ê鎖匙tī tó位， beh傳hō...

[1966-10 台灣教會公報 文類-散文 作者--/-]
台灣民間宗教中ê傳說(11) [ Tâi-oân Bîn-kan Chong-kàu tiong ê Thoân-soat(11) ]
台灣民間宗教中ê傳說 Tī世界上每一個國家，每一個民族to有in ê民間傳說，假使咱若會thang先研究in ê民間傳說，就會thang明白in ê傳統-tek思想kap in宗教-tek生活。親像án-ni， tī咱台灣裡，也有真濟對古早就傳落--來ê民間傳說。小弟tī前已經有借咱ê教會公報來發表「台灣民間宗教ê傳說，」共有10期，小弟想講tī台灣裡有真濟ê「民間傳說，」是kap以前所發表 ê「台灣民間宗教」有真大ê關係，因為án-ni，小弟想講beh繼續來發表寡「民間傳說，」thang hō͘咱koh-khah明白beh怎樣來向咱ê 同胞進行宣教第2世紀ê工作。總講：tī民間ê傳說中有表...

[1966-10 台灣教會公報 文類-散文 作者--/-]
台灣民間宗教中ê傳說(12) [ Tâi-oân Bîn-kan Chong-kàu tiong ê Thoân-soat(12) ]
台灣民間宗教中ê傳說 採掘土炭kap龍脈（採掘煤炭與龍脈）看台灣開始採掘土炭ê期間，是對主後1626年，是當時佔領基隆ê 西班牙人事先開始。總是到鄭成功來台灣ê時，有頒佈禁止採掘， hit個原因是講：山地是會左右人ê運命ê力量，因為tī 山裡建築墓地，會thang hō͘死人得著冥福（冥福）。在生 ê人也thang 對 án-ni得著福氣。換話來講：是根據會破壞龍脈 ê迷信，這樣ê迷信無形中影響到tī人心，大家就相信，驚了傷害龍脈， hō͘ 吉地（吉地）變成凶地（凶地），來tú-著災害。雖然是án-ni，咱若看tī 康熙（康熙）56年出版ê "諸羅縣志"（諸羅縣志），就thang看著自現在起...