[1954-1 台灣教會公報 文類-散文 作者--/-]
主日學：論主日學聖詩 [ Chú-ji̍t-o̍h:Lūn Chú-ji̍t-o̍h Sèng-si ]
論主日學聖詩1954.01，no.781，pp.26-28佇一生的中間，囡仔時代通講是第一「音樂的」的。In毋若 kan-ta愛唱歌若定，in的全生活就是音樂。因為按呢，有真濟的音樂為著囡仔來生出。搖籃歌，io囝歌，童謠，幼稚園音樂，小學音樂佮主日學音樂等等。所以我想咱若會適用這个囡仔的時代的天性來培養in的宗教心，用信仰內容來配合佇詩佮音樂的內面，就的確彼个效果毋是小可。閣再聖誕是佮音樂亦有非常深的關係，聖誕若無音樂，扑算是親像天頂無月佮星一樣！亦囡仔佮聖誕的關係亦是非常的密切。按呢囡仔佮聖誕佮音樂這三項是未相離得！我向望各方面的當事者佮指導者會理解這个事，來充實in的工作內容佮發揮in的效...

[1954-1 台灣教會公報 文類-散文 作者--/-]
苑裡教會 [ oán-lí kàu-hoē ]
苑裡教會 1954.01 781號p.15 佇10月中得著青年歸主的柯懷理佮潘心恩兩位牧師，佮3 位本省先生，施先生、陳先生，陳永生先生共5 位，對台北坐家己的汽車來苑裡對內、對外講道5日。每日等下晡攏去各鄉村佈道，攏有得聖神的引chhoā大大榮光主。有好的收效。 十一月3－8日，有得著呂牧師到本會開佈道會，下晡時奮興信者，下昏時對外講道，拜堂的內外坐到滿滿，逐暗那聽那濟人，是真好的成績。請看報的兄姊替阮這兩擺工作祈禱。 十一月初8 的聖日有照例年有舉行洗禮佮舉行聖餐式。小會有請呂牧師舉行洗禮予成人21人，小兒15人，共36名。筆者舉行聖餐式。接聖杯來記念主的 118人。彼下晝的中食...

[1954-1 台灣教會公報 文類-散文 作者--/-]
燈的光 [ Teng ê kng ]
燈的光 (卓暉力) 1954.01 781號p.11-13 「光」的字，通聯想暗。因為有暗，人才會欣慕光。人佇暗中欣慕光，是顯明伊的目睭是金，伊有teh活動，閣是屬佇日--時醒醒彼號的人。 主耶穌對學生講，「恁是世間的光。」一面通指明世間是暗，所以主才特別關心學生佇烏暗的世間，會通做世間的光。照生物學者看，人是佮動物無各樣，siâng動物的一種，抑是講siâng祖先來--的。總是文學者所講，「人為萬物之靈」講人會得佮動物各樣的方面，就是對人的精神，抑是心理方面的習性，通揣出人有靈性的特色。結局人佮動物各樣的所在真濟點，其中若論(1)人知死日到，(2)人故意愛自殺。這兩項，通講佇動物，...

[1954-2 台灣教會公報 文類-散文 作者-黃章輝/N̂g Chiong-hui]
講壇：基督是世界ê向望 [ Káng-toâⁿ:Ki-toksī sè-kài ê ǹg-bāng ]
基督是世界的向望(黃章輝)1954.02，no.782，pp.7-9這个是今年8月中佇美國的E-bān-su-tùn (Evanston)欲開的普世教聯第2回總會的主題。也是歷代教會佮信徒的一个根本信仰。深深向望咱的教會也佮通世界的教會時常為著這个欲來的大聚會來祈禱，來想－求上帝予1954年實在成做一个向望的年。向望佮人生有不止密切的關係。　無有無抱向望的人生。　無向望的人生是親像袂鹹的鹽，撿彩ná親像猶teh活，其實是已經死，是「死的活，」是「活的死。」向望是人生的活命。總是人的向望濟濟是虛假的向望。虛假的向望會予人跋落絕望。人生的現實就是佇這个向望－絕望；絕望－向望的動搖中。這个動搖，這个...

[1954-2 台灣教會公報 文類-散文 作者--/-]
研究：基督徒ê證據 [ Gián-kiù:Ki-tok-tô͘êchèng-kù ]
基督徒的證據
(Chiu Thian-lâi)
1954.02，no.782，pp.9-11
「因為咱的向望在佇真活的上帝，伊是眾人的救主，佇遮的信的人閣較是」(I提4：10)。
保羅佇提摩太前書的批信中有講兩句出名的話。頭一句：「有一句話通信，通齊全接納的，就是基督耶穌臨到世間，欲救有罪的人」(1：15)。閣一句是：「著家己練習到佇敬虔。因為練習身軀彼个利益是小可，若是敬虔就凡事有利益；因為有現時佮將來活命的應允。這句話是通信，通齊全接納的」(4：7－9)。這兩句所包含的意義重大，欲信，毋信，欲接納，毋接納，是關係人的得救佮沉淪。頭一句是信耶穌做救主來...

[1954-1 台灣教會公報 文類-散文 作者--/-]
大灣教會 [ Toā-oan kàu-hoē ]
大灣教會 1954.01 781號p.19 囡仔相拍起大人事，號做大冤；其實毋是按呢，大灣的灣毋是冤家的冤，是水灣入陸地的灣；按呢土地才有潤澤，才gâu生育。事實大灣人口濟，生活好過，有醫生館幾若間，有齒科，有國藥店，有學校，交通利便，近台南。50外年前就有教會，20外年前，人額無偌濟，當局捌鼓舞in著佮永康合併，總是有有志出頭起現在的禮拜堂，就無合。彼中間有幾若位有為的傳教者蹛佇遮牧會，總是無啥物加添人。最近太子廟，土庫仔嶄然有加添幾若戶，加真有活氣，就本庄也teh加添人額。舊年有一時無傳教者佇遮，但是長執大家活動做工，佈道，鼓舞會友，所以教勢無失。這擺有請卓基良先生駐在佇遮，...

[1954-2 台灣教會公報 文類-散文 作者--/-]
查經：對馬太所看ê耶穌 [ Cha-keng:TuìMá-thàisó͘khoàⁿêIâ-so͘ ]
對馬太福音所看的耶穌
(吳天命)。
1954.02，no.782，pp.21-23
賜福音書的目的各無相同，雖然平平是teh傳述耶穌的福音，猶過各福音書的觀點佮目的，無甚物siāng款。就雖然稱做共觀á是Hù-luī福音書的馬太，馬可，路加，也是在佇le̍k-tiau點各無sio-siāng。為著按呢，各福音書所看的耶穌也是無sio-siāng。
馬太福音書是用甚物目的來寫？咱若知伊的目的，就會知伊的特色；倒反來講，咱若知伊的特色，也會知伊的目的。目的若知，就會知伊所看的耶穌是甚物。馬太福音有甚物特色？關係耶穌的族譜，伊有證明耶穌是猶太人所尊敬的兩位祖...

[1954-2 台灣教會公報 文類-散文 作者--/-]
宣道會：珊瑚 [ Soan-tō-hoē:San-ô͘ ]
珊瑚1954.02，no.782，pp.23-24(林照)I.珊瑚是稀世的珍寶，稱做7寶的一項，也是東西洋共通所意愛--的。不但是做裝飾媠的路用，在羅馬佮東洋，甚至流傳做除妖魔佮辟邪的寶貝。為著按呢，閣較濟人愛用珊瑚來裝飾，á是吊佇囡仔的身上。1)珊瑚類14種，若是會通做裝飾佮美術工藝--的，只有3種，最值錢的是桃紅色，紅色是較次，白色做bái。2)世界的產地無濟，以太利，法國，印度，日本，中國，咱台灣，澎湖，也是一位產區。3)論珊瑚樹，是對一種的動物，叫珊瑚蟲來成的，時常對海水中的灰質來養飼，才會日日成長茂盛。II.今澎湖宣道會就是咱母會一欉的珊瑚樹。外面看--來雖然毋是真大，若是主恩典伊的...

[1954-1 台灣教會公報 文類-散文 作者-溫榮春/Un En̂g-chhun]
東中成功教會 [ TANG TIONG Sêng-kong Kàu-hoē ]
東中 1954.01 781號p.21-22 (溫榮春) 1、成功教會。 佇成功鎮新港有兩間的教會。一間是本省的平地教會，猶有一間是山地 Amis 的教會。從前 Amis 的兄弟猶未起禮拜堂的時，是借新港禮拜堂teh聚集禮拜。今 in有簡單起一間禮拜堂佇番社，名叫成功禮拜堂。每禮拜差不多有成人200外人做禮拜，是Amis獨立的教會。這pang有開山地的指導者講習會佇遐，有80外名teh聚集。講師是駱先春牧師佮內地會的 (美籍的) 林寶華牧師，Miss Duncan & Miss Ashby兩位的姑娘，筆者也有機會去參加。這pang 的講習的目的，是予in有閣較深bat主的救恩佮怎樣來...

[1954-2 台灣教會公報 文類-散文 作者-陳添旺/Tân Thiam-ōng]
感謝上帝 [ Kàm-siāSiōng-tè ]
感謝上帝
(陳添旺)
1954.02，no.782，pp.26-28
對舊年新曆11：12－12：16號，為訪問教會，親戚，朋友，有到東部。有濟濟感謝上帝的所在；寫幾字榮光主。
(1)十一月12日到瑞芳，揣一位外省姊妹佮丈夫，囝兒。彼暗談論道理到11點外。有寫批託楊Chiong先生招呼伊，紲替in祈禱。
(2)羅東歇兩暗，拜五予in留到禮拜早起講道。受陳五福先生佮先生娘好款待，送旅費；真感謝。羅東自設教頭擺有起拜堂，設置真好勢，也有主日學教室。陳耀宗牧師佇遐主持；會友稱伊人格者。
(3)蘇澳，南方澳，同屬一位教會；聽講有神跡真濟，有2...

[1954-3 台灣教會公報 文類-散文 作者-黃章輝/N̂g Chiong-hui]
台南神學院 [ Tâi-lâm Sîn-ha̍k-īⁿ ]
台南神學院3月第3禮拜的感謝佮向望(院長：黃章輝)。1954.03，no.783，pp.5-7閣一擺用感謝的心佮大家迎接咱的神學院紀念日。回顧過去6年久，實在滿心感謝佮感激。頂面感謝天父的照顧引chhoā；下面感謝列位學院的好朋友的祈禱愛護。佇這6年中予我做感激的，就是咱的教會不變的支持，愛護的熱誠，年年的困難攏有得著克服。我確信這个就是做今仔日的進步佮成就的大前提。這點也是咱的母會大歡喜teh感謝的所在。我佇遮深深愛共母會感謝in不變的關心佮幫贊。毋若母會，連美國金陵神學院基金董事會看著咱的努力，對兩年前大大teh幫贊咱的學院。我佇遮愛深深對in表示咱的感謝。總是咱著會記得3項，才袂辜負in...

[1954-3 台灣教會公報 文類-散文 作者-劉約翰/Lâu Iok-hān]
講壇：天國ê鎖匙 [ Káng-toâⁿ:Thian-kok ê só-sî ]
天國的鎖匙(劉約翰)1954.03，no.783，pp.7-8馬太16：19，「我欲用天國的鎖匙予你。」這句是耶穌對彼得講的。耶穌怎樣講這句？因為彼得認主耶穌做「基督真活上帝的囝。」所以耶穌講，「我欲用天國的鎖匙予你。」耶穌捌有兩擺用天國的鎖匙做譬喻(馬太16：19；路加11：52)。佇宇宙中一切最大的神秘是甚物？世間的哲學，科學，宗教無毋是teh揣宇宙中的神秘；古今全世界的學者，博士也攏扑拚teh揣這个宇宙中的神秘。無扑算予一个無學問粗俗的討魚人西門彼得發見著這个「宇宙中一切最大的神秘，」就是「基督真活上帝的囝。」伊得著這款的鎖匙來開宇宙一切的神秘，這款毋是世間所有的學問，智識所會通予人的，...

[1954-3 台灣教會公報 文類-散文 作者--/-]
研究：神學院ê使命 [ Gián-kiù:Sîn-ha̍k-īⁿ ê sù-bēng ]
神學院的使命1954.03，no.783，pp.9-10神學院的重要性。除去設教會以外，基督教上要緊的事業，就是神學校。小學，中學，大學若會通設是真好；醫館，診療所，印書局攏真必要：猶過若孤不將著揀一項若定，咱就的確欲揀神學校。最近佇台灣，咱有看見濟濟新的教派來遮傳道：in來無偌久，就差不多攏有設聖冊學校，用濟濟人才佮財政來經營維持。咱長老教會亦猶原真關心；只有佇南部有七百人逐月日teh獻定著的金-額來援助這个工。按呢神學院的重要性到底事甚物？傳教者的培養？神學院的重要性在佇養成教會的工人；因為教會若欲進步，就的確著培養傳教者。卻有人反對講，初代教會無神學院；使徒無讀神學，會友相勉勵就好。In...

[1954-3 台灣教會公報 文類-散文 作者-陳金然/Tân Kim-jiân]
查經：對馬可所看ê耶穌 [ Cha-keng:Tuì Má-khó só͘ khoàⁿ ê Iâ-so͘ ]
對馬可所看的耶穌(陳金然)1954.03，no.783，pp.20-23馬可是巴拿巴的表小弟(西 4：10)。照當時猶太人的風俗，伊也有兩个名，「約翰稱做馬可」(行傳12：12，25)。約翰自然是猶太人在來的名，馬可是羅馬式的名。聖經無記伊的老爸的事，只有記伊的老母的名馬利亞(行傳12：12)。蹛佇耶路撒冷，也相當好過。主最後的晚餐大概是佇in樓頂(可 14：13-15)。伊本身對主teh欲受掠的事不止關心(可 14：51，52)。主耶穌上天了後，使徒佮其餘的學生也是聚集佇in樓頂(行傳1：13)。彼得予人關監，教會迫切為著伊祈禱，也是佇in樓頂(12：5，12)。按呢伊的家庭通講是初代教會地...

[1954-3 台灣教會公報 文類-散文 作者-蔡長義/Chhoà Tiông-gī]
佈道：人ê祕密 [ Pò͘-tō:Lâng ê pì-bi̍t ]
人的秘密(蔡長義)1954. 03, no. 783, pp. 26-27祕密是甚物？「祕密是毋愛予人知，反轉人愛知，有時是人所袂會知，á是猶未知--的。」最近常常聽見一句「原子彈的祕密；」這个祕密，美國毋愛對敵知，德國愛知：十外年前人猶毋知，猶有別項祕密，現代人毋知，也袂會知。人的祕密是甚物？人有分男性，女性；男性的祕密佮女性的祕密無拄拄相同。男性的丈夫有時有祕密；女性的太太有時也有祕密。有時pa-pah有祕密，有時ma-mah有祕密；有時後生有祕密，有時查某囝有祕密。社會各界－政治，外交，經濟，教育，科學，藝術，醫學。宗教－各方面常常有祕密存在：俗語講，「江湖一點訣，妻子不敢說，」這是人有...

[1954-4 台灣教會公報 文類-散文 作者-林再添/Lîm Chài-thiam]
研究：基督ê詩 [ Gián-kiù:Ki-tok ê sí ]
研究基督的死(牧師：林再添)，1954.04，no.784，pp.7-9耶穌基督是上帝的囝，臨到世間成做人，做人類的救主。伊毋若用真理教示人，chhoā人捌天父。伊有用伊的死來贖回凡若信伊的人的罪，予人脫離罪佮上帝閣和，成做上帝的囝，閣佇上帝的面前算做義。佇腓立比人書第2章6節以下講，「伊本有上帝的形狀，無掠佮上帝平等，成做人的樣相......就屈家己到佇死，甚至死佇十字架。」閣佇羅馬人書 3章24節以下講，「對佇基督耶穌的贖回，就是上帝所顯然設立做挽回的祭的，對信，在佇伊的血，欲顯明伊家己的義，因為上帝有寬容，無歸咎前代的罪；佇現今的時代愛顯明伊的義，予伊本身做義，閣稱彼个信耶穌的人做義。」...

[1954-4 台灣教會公報 文類-散文 作者--/-]
北中：牧師解任式 [ Pak Tiong: Bo̍k-su kái-jīm-sek ]
北中II.牧師解任式。1954.04，no.784，pp.11-13因為咱佇教會請牧師是真歡喜閣鬧熱，總是牧師離任攏按呢恬恬離開，這pang有舉行牧師的解任典禮，意思亦是歡喜伊離開。新店教會牧師解任典禮，佇3月15日上午10點有舉行，赴會者也不止濟。中會議長張Khun-oán牧師chhoā眾人開會，有得著北大議長陳Khoe-chùn牧師的頌詞，亦有有志者的祝詞，然後有郭水龍牧師的離任詞。這陣淡薄來介紹咱教會的老將軍，也是老元老的傳教生活。郭水龍牧師牧會的工到今年的7月，就滿54年，是通講台灣教會史上 罕有--的，彼中間攏無折chām繼續到今仔日，伊有兩个同期的牧師，現時猶佇teh，猶teh做工...

[1954-4 台灣教會公報 文類-散文 作者-郭東榮/Koeh Tong-èng]
查經：對路加所看ê耶穌 [ Cha-keng:Tuì Lō͘-ka só͘ khoàⁿ ê Iâ-so͘ ]
對路加福音所看的耶穌(牧師：郭東榮)1954. 04, no. 784, pp. 20-23路加的目的：路加福音首要的目的，是對一个異邦人紹介主耶穌。這个異邦人叫做Thê-o-hui-lô（華譯：提阿非羅）大人，是踮佇羅馬的大官，是一个新悔改的信徒。但是雖然一个人做對象，路加是猶過有意思對一个人來對一切的異邦人紹介主耶穌是無通giâu疑的所在。路加的人物：路加佮馬太á是約翰無共款，毋是十二使徒的一个。伊寫聖經的才調，完全是倚靠對使徒聽見，ia̍h閣自己有得著聖神的充滿來寫，伊的祖公是猶太人，職業是醫生，常常有用醫生的專門語，久久佮保羅做伙傳道，使徒行傳也是伊寫--的。路加的寫法：文章美麗流暢，...

[1954-4 台灣教會公報 文類-散文 作者--/-]
佈道：天堂kap地獄 [ Pò͘-tō:Thian-tông kap Tē-ge̍k ]
佈道天堂佮地獄1954.04 784號 p.24-25 人踮世間第一愛--的，就是平安、快樂、好額、勇健、長歲壽、子孫濟、地位懸。就是愛得滿意的人生。也第一毋愛--的，就是悽慘、艱苦、散hiong、衰荏、夭折、孤單、卑微。就是毋愛不如意的生活。為著按呢，咱就用盡所有的智慧佮氣力，來追求第一好的人生，也盡量愛避免一切第一毋好的生活。今若人人所teh追求--的，攏達成，就世間是無甚乜艱苦，抑是困難。總是事實報咱知「人生」並毋是遮爾簡單，因為一面果然世間有濟濟人得著滿意的人生，siâng時閣一面也是有濟濟人teh經過不如意的生活。就siâng一个人也會經驗著這兩種的境遇，親像走馬燈，來閣去，去閣來...

[1954-4 台灣教會公報 文類-散文 作者--/-]
實行ê基督徒 [ Si̍t-hêng ê Ki-tok-tô͘ ]
實行的基督徒1954. 04, no. 784, pp. 27-28林Io̍k-lí先生是霧峰教會的會員，伊的令尊故林Chuí-lâi先生，是出名的醫師，雖然毋是會員，歷代的傳教者攏受伊的厚待，教會慈善的機關，若有去共伊募款，伊就盡所會貢獻。Io̍k-lí先生，公學校畢業就去長榮中學校讀冊。佇遐接受基督的救恩，決心受洗進教。後來去日本留學，對昭和醫專畢業，蹛病院實習幾nā年，內科，外科，產科，真特色高妙。就倒來霧峰幫贊伊的老爸。大東亞戰爭就受召去南洋。一擺十三个醫師做伙，聯軍的飛機來掃射，死十二个，kan-ta Io̍k-lí先生生存。伊就感覺，上帝留伊的性命，是愛伊著盡力做有價值的人。日本降...