[1941-9 台灣教會公報 文類-散文 作者-劉主安/Lâu Chú-an]
通俗羅馬書 [ Thong-sio̍k Lô-má-su ]
通俗羅馬書 (第一回：總論) 劉主安 1941年9月678期 3-4 我捌一擺佇富士山跤一个湖邊赴聖經研究會。彼時捌有一日約五-萬人teh peh 富士山。佇內地常常捌聽見人講，「出世佇咱的國內，若無一擺來peh富士山，是真毋值。」所以逐年有數十萬人teh peh這个山。我常常想講聖經逐本是親像濟濟的山。其中羅馬書通比並富士山，因為這本的程度有較懸，總是也是真奧妙的冊。咱做信徒的確著一擺來研究明白羅馬書所記載福音的真理，若無，是真無彩。我也向望佇逐位的教會有聖經研究的鼓舞佮實行。為著按呢，我無想家己的淺學閣無經驗，愛佇遮來寫通俗的羅馬書。向望得著天父的幫贊佮列位的指教，是心...

[1940-3 台灣教會公報 文類-散文 作者-劉主安/Lâu Chú-an]
以掃佮雅各 [ Í-sò kap Ngá-kok ]
以掃佮雅各 劉主安 194003 660號 p.4-7 亞伯拉罕的囝以撒佇40歲的時有chhoā利百加做某。經過20年久，以撒因為伊的某無生囝，就替伊祈求耶和華，耶和華允准伊的所求，伊的某就懷孕。生產的日到，利百加有生雙生囝。大囝名做以掃，意思就是「門真厚，」因為伊出世的時，通身軀親像皮仔衫。第二囝名做雅各，意思就是「揪跤後tiⁿ，」因為伊出世的時，手有擒以掃的跤後tiⁿ。這兩个出世的時，以撒拄仔60歲。以掃佮雅各雖然是雙生囝，in的性質有大各樣。以掃gâu拍獵，常常佇山野；雅各做人恬靜，常常蹛布棚內。以撒較疼以掃，利百加較疼雅各。對按呢，後來in的家庭有生出大不和，致到雅各著離開故鄉，...

[1941-9 台灣教會公報 文類-傳記 作者-蔡Tō͘-tēng/Chhoà Tō͘-tēng]
數念故許Téng長老 [ Siàu-liān[sic.] kò͘ Khó͘ Téng Tiúⁿ-ló ]
II.數念故許Téng長老 678號1941.09 p.11-12 (蔡Tō͘-tēng) 三十年前道理傳入北港，總是北港媽祖的營寨猶是萬重圍拍袂入。教會愛欲建設，到逐所在無人欲將伊的厝來稅做禮拜堂。直直揣，到最後得著許Téng長老的母親，歡喜將伊的厝來稅做拜堂，甚至閣稅較俗，實在真佳哉。 原來許長老的母親食菜，愛欲求平安的路，佇teh揣活命的本源的人。佇食菜的修行袂通予伊得著甚物。所以一時將伊的厝稅做拜堂，也本身沓沓來聽，來研究。 然後聖神開伊的心門，伊放拺食菜來承受上主的福音。也牽教伊的囝兒紲接佇得救的內面。當時胡Tiâu-ki伯佇遮teh賣冊，紲講道理，雖罔受著濟濟的窘逐，總...

[1941-10 台灣教會公報 文類-散文 作者-安貧生/An-pîn seng]
雜談 [ Cha̍p-tâm ]
雜談 安貧生 1941年10月679期 13-15 教會怎樣會獨立。 幾個關心佇教會的有志者，teh討論教會獨立的事。某人講，教會的財政若充足，教會就會獨立。某人講，著研究發財的良法。某人應講，研究發財的事，結局攏歸佇失敗。真可惜啊！ (1) 養蜂。佇二十外年前，養蜂遍地起，人的宣傳，新聞的廣告；啥人趁幾千，啥人趁幾萬。有心佇教會的，大聲喝講，若欲予教會獨立，著鼓舞信徒養蜂；甚至有人講著設教會大養蜂場。歐洲戰爭煞，蜂失敗；有人幾百櫉蜂hiat佇山野，溪溝據在水流，四散飛。有的了幾萬幾千，有人紲破產，淒慘到極。 (2) 養雞。佇10外年前，養水雞大流行。人的宣...

[1941-9 台灣教會公報 文類-傳記 作者-安貧生/An-pîn seng]
數念洪Lâm執事 [ Siàu-liām Âng Lâm Chip-sū ]
II.數念洪Lâm執事 678號1941.09 p.15 (安貧生 記) 洪Lâm執事生長佇草屯街的過溪仔。家族的傳統是耕農。伊細漢的時，有入書房讀漢文，後來也佮人研究看風水的術，就是耕農兼看風水。彼時草屯起初設教會，黃烏皮長老來做頭任的傳教者，伊是熱心的人，四界佈道。Lâm仔叔一日去街裡，聽著烏皮長老teh講道理，受感動，自遮起，暗靜常常到拜堂禮拜，紲引chhoā伊的老爸，三个小弟，以及伊的親戚幾若戶來敬拜上帝。伊的小弟，Bō͘-tek，Kim-kang攏當長老。對伊引chhoā的親族，現時大細有百外人，是草屯教會的信徒數，四份一較加。 Lâm仔叔所引chhoā的親人濟濟攏入聖會了...

[1941-2 台灣教會公報 文類-散文 作者-安貧生/An-pîn seng]
信仰美談 [ Sìn-gióng Bí-tâm ]
信仰美談 故 陳闖伯 安貧生記 1941年2月671期 10-11 陳闖伯生長佇南投家，體材懸大，性情烈，看著予人會驚，愛得著厚利的事業，佇壯年的時就入王祿派。[人若欲入王祿派，著咒誓孤(孤)孤獨，貧(貧) 散赤，夭(夭)短歲壽]。這3項著領一項，暗號的用語是用高深的王祿白，王祿派以外無人會捌。事業分做兩種。 (1) 經商性質。販賣丹(丹)膏(膏)丸(丸)散(散)，假鞭，假茸，假參，錢若the̍h 會來就好，毋管人用了按怎。 (2) 恐嚇性質。畫符，念咒，chhāi-koā，一般的迷信者真驚伊。In若拄著siāng途事業的人，就用高深的王祿白來問，若袂...

[1941-9 台灣教會公報 文類-散文 作者-許乃宣/Khó͘ Nái-soan]
高中通訊：III.基督來日本 [ Ko-tiong Thong-sìn: III. Ki-tok lâi Ji̍t-pún ]
高中通訊：III.基督來日本 (許乃宣) 幾年前佇某雜誌有發表佛教的開祖釋迦，是日本人。Taⁿ又出基督過來日本的風說。講青年的時來研究神道，才轉去傳道理；後來欲受釘十字架的時，伊的小弟替伊死，本身閣走來日本，蹛佇青森縣三戶郡戶耒村，食106歲，死，埋佇十來塚。 亦有幾若个學者共鳴講有影，致到一般真注目。所以咱做基督徒，袂免得愛來想這个事。 1.救主耶穌基督受釘死佇十字架，約3日閣活的事實有予全世界的歷史大變遷。經過濟濟對敵的迫害佮毀讖，猶過儼然做基督教的根本信條，做信者的原動力。若是基督無真正死，三日閣活，亦上天(照聖經所記)，就無遮大的影響。若是伊的小弟替伊受釘(其...

[1940-2 台灣教會公報 文類-散文 作者-許乃宣/Khó͘ Nái-soan]
聖句的例解 [ Sèng-kù ê Lē-kái ]
聖句的例解 許乃宣 194002 659號 p.9-9 [佇遮所欲寫下，是對彼本「Polished stones and sharpened arrows 的冊來翻譯的：毋是我的著作，亦毋是彼本冊的全部。是干焦我所受感激的若定。彼本冊有24章。頭一章是論基督徒的生活。有將I約翰2：6節「人若家己講踮佇伊，就著照伊所行的去行」做總標語。今以下照所提出的聖句來例解。若會得通小可做大家的參考，是做萬幸。] 基督徒的生活(1) 「著注神看耶穌」(希12：2)。 佇一个落雪的日，有兩个囡仔咧thit迌；這个對彼个講，「咱來踮雪頂行看啥人的跤步較直。」彼个同意，就大家試行。一个注神看伊頭前的仔...

[1941-8 台灣教會公報 文類-散文 作者-洪萬成/Âng Bān-sêng]
高中通訊：心適的東西 [ Ko-tiong Thong-sìn: Sim-sek ê tang-sai ]
高中通訊：心適的東西 洪萬成 1941年8月677期 8-9 II. 心適的東西 1. 積聚財寶佇天裡。 有聽著對岸中國的消息，佇皇軍袂佔領地帶(皇軍未占領地帶)，遐的好額人，in無愛積聚本國的錢財佇重慶政府的銀行，攏是換美國金抑是外國金來儲蓄佇外國銀行，因為伊知重慶政府的運命是無久長lah！In 的錢佮銀行攏靠袂住，所以換外國金來儲蓄佇外國銀行，m̄-nā無利息，反轉著納保管料，這是中國人一流的經濟智識(經濟知識)，m̄-kú換做外國金來儲蓄佇外國銀行，若拄著死失來離開世間的時，也著放拺伊的財寶，空手去，這毋是最善策(最善策)。做安全的路，就是積聚財寶佇天裡。主...

[1941-6 台灣教會公報 文類-散文 作者-洪萬成/Âng Bān-sêng]
悼慰主筆高先生 [ Tiau-uì Chú-pit Ko Sian-siⁿ ]
Normal 0 0 2 false false false MicrosoftInternetExplorer4 st1\:*{behavior:url(#ieoo͘i) } /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colb...

[1940-2 台灣教會公報 文類-詩 作者-賴江/Loā Kang]
信徒行為歌 [ Sìn-tô͘ hêng-uî Koa ]
II. 信徒行為歌 草墩：賴江 1940.02 659號 p.17-18 1.我寫信徒行為歌， 濟濟信主無變換， 行為驚人真歹看， 是無聖神佇心肝。 2.咱做基督的學生， 是愛有好的品行， 言語品行著端正， 事事是愛照聖經。 3.可惜有的無實在， 來藏魔鬼佇心內， 行為猶原是歹代， 無惡不作濫參來。 4.有的一款道理精， 人若苦勸專毋聽， 講伊道理偌知影， 歹路做伊直直行。 5.教會有的袂振興， 有的顛倒是較冷， 是對信徒有毛病， 做出濟濟歹風評。 6.近來教會愛佈道， 講信基督會改造， 人的歹行會變好， 信主歹代就會無。 7.總是咱若歹品...

[1941-4 台灣教會公報 文類-散文 作者-許有才/Khó͘ Iú-châi]
聖句解說 [ Sèng-kù Kái-soat ]
聖句解說 許有才 1941年4月673期 6-7 「是賊，是強盜」(約翰10：1，8) 約翰第9章，主耶穌行為夠額顯明伊是好的牧者，也法利賽人的態度夠額顯出in是歹的牧者。續接第10：1-18，主閣說明欲對怎樣來認識真e牧者佮假的牧者。佇這chām主有用兩个譬喻來比並伊本身。1)伊是羊tiâu 的門。2)伊是好的牧者。1-5是講彼个大要，7-18是閣說明較詳細。Taⁿ論耶穌是羊tiâu 的門抑是好的牧者，請按下，愛來想佮這个對反的歹牧者的方面。 聖經ta̍uh-ta̍uh稱百姓或是信者的指導者做牧者。牧者若是歹，彼个陷害無較輸賊抑是強盜。 1.「入羊ti...

[1941-3 台灣教會公報 文類-散文 作者-許有才/Khó͘ Iú-châi]
聖句解說 [ Sèng-kù Kái-soat ]
聖句解說 許有才 1941年3月672期 7-8 「就離開猶太」(約翰4：3)。 若看約翰2：13-3：24，就知主耶穌受洗禮了轉去加利利，然後閣來猶太，佇耶路撒冷赴Poâⁿ-koè節，佇遐傳道，所做的工真成功；雖是清氣聖殿有予一部分的人反感，若是有濟濟人看見伊所行的神跡來信(2：23)。也有Nî-ko-tí-bó hiah-nih有力的人來信，m̄-nā城內nā-tiāⁿ，閣佇草地傳道，真濟人反悔，佇近Ai-loán 的所在受洗禮--ê真濟( 3：23)。通講是真大成功。應該著趁這个好機會，直直閣傳才合式。總是佇4：1講...

[1941-2 台灣教會公報 文類-散文 作者-許有才/Khó͘ Iú-châi]
聖句解說 [ Sèng-kù Kái-soat ]
聖句解說 許有才 1941年2月671期 4-5 Teh叫--ê 的聲 「我就是teh叫佇曠野--ê 的聲」(參看約翰1：19-28) 佇約翰第1章有記兩个趣味的譬喻。第一，就是譬喻耶穌基督是上帝的話(=道)。第二，是行洗禮約翰家己講，伊是佇「曠野teh叫--ê 的聲」。是一對有意思的對照。這个話是teh報人捌上帝，也這个聲是teh報人捌上帝的話。話若無聲就人袂得聽見。總是聲出了就無去，若是予彼句話記tiâu佇人的心內。 1. 怎樣約翰講這句話？ 以色列人對久久teh待望有一個基督欲臨到來救in，因為逐个先知攏有共in講無久欲到。最後的先知的冊Má-la̍...

[1941-1 台灣教會公報 文類-散文 作者-許有才/Khó͘ Iú-châi]
聖句解說 [ Sèng-kù Kái-soat ]
聖句解說 許有才 1941年1月 670期 8-9 「萬物對Tō來創造；見若受創造的，無一項毋是對；內創造。活命佇伊的內面；這个活命是人的光。」 4. 道 (「話」的工作) (1)伊是造物主。天第萬物對伊來創造(參看箴言8：22─30)。創世記第1章也有記載，上帝有用伊的「話」來創造天，地，海以及萬物。親像「上帝講，著有光，就有光......」攏是用伊的喙所出的 「話」對無來創造有。所以這个道(「話」)就是造物主。就是舊的世界的造物主。M̄-nā按呢到伊成做肉體來世間，就是欲對這个沉淪，渾沌的世界造出新天，新地(啟21：1)。對無向望予咱有向望，對...

[1937-6 台灣教會公報 文類-散文 作者-許有才/Khó͘ Iú-châi]
稱基督做主 [ Chheng Ki-tok chò Chú ]
稱基督做主 許有才 1937年6月627期 6 耶穌講，「見若稱呼我講，主啊，主啊的，無一盡入天國。」稱呼若是佇喙裡若-tiāⁿ，佇主的面前無通受接納。咱咧講主啊，主啊，是著對真實的心底衝出--來，有充滿信，愛，的內容佮敬，服，的心tek態度(心的態度)，才通向望主的 祝福。試分兩項講較明：─ 第1。喙咧稱呼「主啊」，就是著佇心內有深信耶穌基督，已經為著咱做完全挽回的祭物；替咱受死，對死人中上帝予伊閣活；因為上帝予伊閣活，通知上帝有歡喜監納這个祭祀。所以基督為著咱有成贖罪的功勞。Taⁿ咱對信伊，脫離罪的死無，白白稱做義，做上帝的囝兒，通承接永遠活；總講，就是信耶...

[1937-5 台灣教會公報 文類-散文 作者-許有才/Khó͘ Iú-châi]
傳教者所毋通--的 [ Thoân-kàu-chiá Só͘ m̄-thang--ê ]
傳教者所毋通--的 許有才 抄譯 1937年5月626期 6-7 傳教師的異動已經好勢，教會眾項事對遮起，通向望順調進展。下面的文，本人讀了不止有受著勉勵，這時抄譯佇遮，獻做同僚者他山的幫助，拍算是有合佇時宜。 1. 毋通佮舊任地的會友繼續通訊。反轉著苦勸in，凡事佮新任的傳教師參詳。 2. 毋通插舊任地的會友的事。雖然有人來拜託，也毋通。 3. 毋通隨便嫌新任地的教勢。檢采會嫌著前任者。譬喻講，「這个教會真衰微」。抑是報告講，「Taⁿ直直咧進步啦！」。 4. 毋通傷引起家己的家族的事。親像講，「我的婦人人......」抑是「我的囡仔......」...

[1937-3 台灣教會公報/芥菜子 文類-散文 作者-卓恆利/Toh Hêng-lī]
偉人的名訓 [ Uí-jîn ê bêng-hùn ]
偉人的名訓 卓恆利 1937年3月624期 22-23 スマイルス講，「看輕小可代誌的人，袂通成做大人物」。按呢通知，雖然是小可的事，猶過毋通看做無要緊，因為古今的大人物無毋是對重細細項的事。 西諺講，「想的時間著較久，欲講的話著較慢，總是一旦想了佮講出著毋通閣躊躇延延」。若是世間人濟濟無想，隨便講，致到講佮所行--的濟濟毋著跋倒。 ジヨンソン講，「身軀若是有直，就彼个身軀所照的影無曲。」Taⁿ身軀就是指起人的心肝，影是譬喻人的行為。因為心肝若正直，就所做是正義勇敢，心肝若是垃儳，所做是奸詐陰謀。 閣講，「人若是愛買無必要的物品，就無久會袂到佇必要的物件」...

[1937-1 台灣教會公報/芥菜子 文類-散文 作者-卓恆利/Toh Hêng-lī]
偉人的名訓 [ Uí-jîn ê bêng-hùn ]
偉人的名訓 (卓恆利) 芥菜子 第132號 1937.01 第622號p.25 西諺講，「厭賤某的人是咧厭賤本身。」按呢通知，翁某大家毋通相厭賤，因為翁某是siāng一體，翁若厭賤某也某若厭賤翁，是咧厭賤家己，所以翁某著相尊敬。 西諺講，「老爸的德行是予囝做第一好的遺產。」所以通知，做老爸的人若無好德行予伊的囝兒通看，雖然偌濟的錢銀予伊的囝兒，猶過是空空，毋但是空空，反轉會害伊。按呢德行是予人興起的地基。 フランクリン講，「今仔日所著做的穡頭，的確毋通拖到佇明仔日。」因為對佇穡頭的延緩，致到生起濟濟的弊害。 西諺講，「人佇咧做工勞動的時陣是第一媠，第一好看。」所以咱...

[1937-12 台灣教會公報 文類-散文 作者-孫雅各/Sun Ngá-kok]
疼的王 [ Thiàⁿ ê Ông ]
疼的王 孫雅各 1937年12月633期 24-25 兩千年前，有幾若个顧羊的人佇馬牢內敬拜服侍一个細漢囡仔。 今年，大概500,000,000人，佇60外國，欲敬拜祝賀伊的生日。今仔日通講，對耶穌的出世，世間人的生活有得著新的意思佮新的方針。耶穌有予咱通知上帝的疼是甚物款。伊有證明，上帝的疼就是： (1)個人tek的疼。 有時人拍算上帝是天頂的神，宇宙的主宰，總是較無干涉咱逐日的生活。耶穌予咱通知上帝是咱的爸，亦疼咱個人，「贏過爸母的疼」。「恁的頭毛亦攏計算」。牧者若是失落一隻羊，伊有去山路四界揣到得著彼隻。這个攏是證明個人tek的疼。耶穌落來世間佮人...