[1928-5 台灣教會報/芥菜子 文類-散文 作者-陳瓊琚/Tân Khêng-ku]
對祖先的墓地掘出銀兩甕 [ Tuì chó͘-sian ê bōng-toē ku̍t-chhut Gûn nn̄g-àng ]
對祖先的墓地掘出銀兩甕 陳瓊琚 1928.05.01 518卷(芥菜子第27號) p.17 有看見內地的新聞紙，講起佇岡山縣，Sēng-tiân郡，Pak-hô-khì庄，Tāi-jī Kiong-san。有一個人名叫做山下文傑，今年拄七十五歲。伊常常佇大阪地方趁食，拄佇年尾就是12月18日有轉tǹg-去厝裡，亦看見大囝慶太郎佇舊曆過年teh 哮chhau無錢，伊的老爸就問伊的理由；伊才講，因為伊teh耕作彼塊地的主人欲賣彼塊地，問看伊欲買無，若無欲將彼塊地去賣別人。總是伊無錢通買，所以真艱苦。 彼時的老爸聽了拄佇舊曆12月30日，共伊的囝慶太郎講，毋免煩惱，伊欲chhoā伊去一...

[1928-9 台灣教會報/芥菜子 文類-傳記 作者-陳瓊琚/Tân Khêng-ku]
故吳昌盛君的略歷 [ Kò͘ Gô͘ Chhiong-sēng kun ê Lio̍k-le̍k ]
故吳昌盛君的略歷 陳瓊琚 1928.09.01 522卷(芥菜子第31號) p.15-18 吳君誕生佇1897年11月27日。升天佇1928年6月28日。出世佇屏東，長成佮受初等教育亦是佇屏東。臨終亦是佇屏東；7月12日下午有舉行伊的葬式猶原是佇屏東禮拜堂。彼日的會葬者有內地人屏東的 Kūn-siù以及信者佮本島人，合共有幾若百人。 論伊佇細漢做囡仔就佮別人有較各樣。因為無論是啥物，真聽伊的序大人的話，老母若叫伊的序大人的話，老母若叫伊恬恬坐，伊就恬恬坐毋敢凊彩徙位。孔子的教示有講，「百善孝為先。」吳君有行孝道做伊人生的基礎。對伊卒業公學校了後就接續有綴伊的兄哥去京都留學，就...

[1933-6 台灣教會公報/芥菜子 文類-散文 作者-陳瓊琚/Tân Khêng-ku]
對gâu人的好教示 [ Tuì gâu lâng ê hó Kà-sī ]
對gâu人的好教示 (陳瓊琚) 1933. 06. 579卷，pp. 23-24 (1) 古早話有一句講，「桃李不言，自下成蹊。」 意思是講，有桃仔佮李仔的所在，自然無路，亦liâm-piⁿ會變成一條路。我teh想，咱教會怎樣有彼款禮拜堂著關起來的所在？亦有專心teh傳道理的先生，到尾著煞伊傳道理的工。若是為著欲換事業，卻是不得已，m̄-kú有人是為著教會無進步的因端，著煞伊的工。拍算。有人是講為著無口才通說教，有的講是地方的人硬心，總是咱的主到逐位攏有人來綴伊，雖罔有人反對伊，iáu-kú濟濟人愛揣伊。照我teh想，若有疼人的精神佇teh，的確逐位有人愛揣拜堂的先生，聽...

[1933-11 台灣教會公報/芥菜子 文類-散文 作者-陳瓊琚/Tân Khêng-ku]
對gâu人得著好的教示 [ Tuì gâu-lâng tit-tio̍h hó ê Kà-sī ]
對gâu人得著好的教示 陳瓊琚 1933.11 (芥菜子第94號) P.24 (1) 林肯大統領，有一早起拄欲抿伊家己的皮鞋的時，有一個秘書提要緊的 su-luī來欲見的時，倚佇門邊有一個人咧抿鞋。起頭無注意，後來閣斟酌看，才知是林肯總統的人毋通做這款下賤的工。設使若予人看著，就會予人看輕。總是大統領笑笑應伊講，抿鞋有啥物通見笑的事mah？無論是大統領，抑是抿皮鞋的人，攏是為著人類的利益咧做人的工課 ( Public servant)。閣講，佇世間無有卑賤的職業，只有彼款下賤的心肝的人爾爾。實在論職業毋通分別高低，勞動是神聖。有人分別人是對職業，這是真無合道理。若是正當的職業攏通...

[1926-7 芥菜子 文類-散文 作者-陳瓊琚/Tân Khêng-ku]  (3)
良妻賢母 [ Liông-chhe Hiân-bió ]
良妻賢母 所講「良妻」是啥物？「賢母」是啥物？啥物等號的某通叫做好的某，抑啥物等號的老母通稱做gâu 的老母？Kiám-chhái有人欲應講，稱做好某--的，是gâu有孝ta-ke-koaⁿ，佮齊全順服伊的丈夫；閣通叫做gâu 的老母--的，是gâu養飼、照顧囝兒佮會曉用嚴hat的法度來教示囝兒。照頂面所開拆的卻有理氣；總是真無完全。若是按呢，kiám-chhái有人欲來反問我的意見也敢！ 凡事聽說明毋達著看證明較要緊。閣再愛知我的意見的兄姐，恁若看這篇到路尾自然會明白，因為我的思想是包含佇遮个故事的內面。 我講請看證明的意思，是愛chhiau揣古早的烈婦來予咱做模範。總是欲寫到chi...

[1926-8 芥菜子 文類-散文 作者-陳瓊琚/Tân Khêng-ku]  (2)
消夏談 [ Siau-hā tâm ]
消夏談 東京震災 佇新聞紙上閣看見佇3號東京又閣再拄著不止大的震災，因為震動約有3 分久，算是不止大動。 論地動，若佇台灣kiám-chhái有較稀罕，總是若是內地是平常事。 這陣所欲寫的，卻毋是欲記這擺的，是愛寫佇三、四年前彼个古今未捌有的大震災。大正12年9月1號佇東京拄著大地動，是咱所會記得--的，彼時我猶佇京都teh勉強。咱大家較濟是想京都是ná親像真近東京的款，毋kú其實相離差不多通講是台灣頭到台灣尾的兩倍遠；所以毋是佇近近講隨便欲看就行去看。總是我有朋友對東京報我知，按呢雖然無本身去，iáu-kú也是會知影；閣後來亦有出版彼號...

[1926-1 芥菜子 文類-散文 作者-陳瓊琚/Tân Khêng-ku]  (4)
儒教ê女性觀 [ JÛ-KÀU Ê LÚ-SÈNG KOAN ]
儒教ê女性觀 　　世界ê人數約有15億萬，內中一半thang講是女子。所以咱若來研究論in ê生活狀態，in ê地位，in所受ê待遇，佮in佇社會中所貢獻是啥物，以及別項等等是真心適閣也是真要緊。對早到今ná日，khah濟人論婦女這方面攏無致意，閣再真看輕--in。論in地位，待遇，教育等等所想著ê是真低。Taⁿ佇遮所愛寫淡薄做大家ê參考ê就是干但論儒教ê女性觀nā-tiāⁿ. 　　論儒教ê思想，咱知，thang講是重男輕女。咱若看易經就知佇彼內面有記載講「天尊地卑，乾坤定......」閣講「乾道成男，坤道成女。」看按呢就明白。閣再列子有「男尊女卑，故以男為（誤字nî）尊」總是列子其實毋...

[1941-3 台灣教會公報/北部教會 文類-散文 作者-陳瓊琚/Tân Khêng-ku]
論安樂家 [ Lūn An-lo̍k-ke ]
論安樂家 陳瓊琚 1941年3月672期 21-22 佇世間有濟濟理想的的家庭，實在予人真通欣羨--ê。親像佇家內夫婦和順，大家對序大人有尊敬佮孝心，tang-sāi相疼和心，攏無彼款弄家散宅的事，日日平平安安。總是無tú-tú攏通親像頂面所講彼款家庭。有時拄著歹新婦閣驚某後生，實在真oh過日；有時好新婦拄著ta-ke拄著雜念ta-ke閣無理解的丈夫，抑是ùn-thún 的 chàu喙小姑，實在彼款淒慘的過日；真通同情。俗語講，「食無拍罵有。」按呢對一爿硬心橫行直斷，就按呢會生出種種的悲哀事。 夫婦不和也是按呢。所以有時聽見某甚物婦人人hui-hui出家去t...

[1932-9 台灣教會報/芥菜子 文類-散文 作者-陳瓊琚/Tân Khêng-ku]
"我"毋是我的 [ “Goá” m̄-sī goá ê ]
"我"毋是我的陳瓊琚1932.09, no. 570 (KCC, no. 80), pp. 25-27 中國古早的詩歌有一句講：「日出而作。日入而息。鑿井而飲。耕田而食。帝力于我何有哉。」 照頂面文的意思，就是講：做工是家己，啉食亦是家己，逐項攏是家己，佮別人全然無關係。 人佇世間若果然會家己做，家己食，攏免倚靠別人，卻通講是真理想。 Tuì一方面來想，卻有影，無論甚麼人大概攏是家己做，家己食，若無出力做，有時就無通食。 親像這款的事， 毋限定人按呢，連雞鳥，蟲豸猶原是按呢。 毋過咱若閣斟酌想，人踮佇世間決斷boē會干單自足，自食，因為人一方面是承接祖先的遺物，所以boē會通講毋愛tuì別人...

[1932-11 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.11, no. 572 (KCC, no. 82), pp. 22-23 (1) 古早雅典閣有一個哲學者叫做Epictetus講，"人若想愛做好人，著代先信講家己是歹人。" 閣一個哲學者Seneca講："若會曉為著家己的罪來煩惱的人，通講彼个人得欲近佇無罪啦。" 中國的聖人講：若有過失，就毋通貧惰改。 總是佇世間有一款人，不時找空找縫，謠言造語，都是欲害別人，開嘴就是呵咾家己的好，抑講別人的歹，照頂面的教示來看，抵是愈顯明家己的歹愈現，所以信主的，的確毋通學按呢。 (2) 英國有一個出名的詩人叫做Coleridge講："咱世間人的心內，逐人都有濟濟親像下等動物的...

[1932-12 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.12, no. 573 (KCC, no. 83), pp. 25 （接11月22面）(5) Martin Luther講："有一擺，魔鬼近倚來講，‘你是大罪人，所以你的確會滅無。' 總是伊講，"照你所講：我實在是大罪人，毋過耶穌抵抵是落來世間，欲拯救有罪的人，所以我倚靠伊毋免抵著沉淪。" 魔鬼到尾無法度，就離開伊。 今仔日亦有一款teh做魔鬼的跤手的人，真愛批評人的歹，卻gâu吞忍，來受批評的人有福氣，因為咱的主若無嫌咱就好，予魔鬼嫌無關係，到尾顛倒彼款人家己著受責罰。 (6) 古早人有一句教示的話講："查甫囝若出到門口，就著想講有七個對...

[1926-11 台南府城教會報 文類-散文 作者-陳瓊琚/Tân Khêng-ku]
論結婚 [ Lūn Kiat-hun ]
論結婚1926.11 500卷 p.13-15(陳瓊琚)人tiàm tī 這世間，除起有特別事情ê人以外，boē會獨身生活，就是著建設一個家庭才會用--得。講較明，就是逐人著有一個好同伴相佮企起，相幫贊。有事誌相佮斟酌，同甜同苦，有好相獎勵，有歹相忠告，就是所講異身同情，同心佮同意ê好同伴，才thang 安心快樂經過這個世間。 咱若kā伊看，hit款孤獨生活ê人ê情形就知hit個無趣味，無心適，無歡喜佮淒慘ê所在。所以有父母兄弟，姊妹，親戚佮朋友ê人是真幸福，因為會得著濟濟項ê利便佮福氣。總--是若kan-ta án-ni，其實是無夠額，因為頂面所講hiah ê人逐個有in ê境遇，義務，權利...

[1926-12 台南府城教會報 文類-散文 作者-陳瓊琚/Tân Khêng-ku]
論結婚 [ Lūn Kiat-hun ]
論結婚1926.12 501卷 p.6-8(接11月第18面)。論為著歹某來敗壞國佮滅亡家己ê性命ê真濟講未了。譬喻來講親像楊貴妃敗壞唐朝，亦妲己敗紂王，koh褒姒敗周幽王。俗語講：「差之毫釐，失之千里」實在有影。 Tī beh娶親ê 時若無真細膩斟酌逐項，kan-ta趁私慾所要求--ê,就是親像kan-ta講suí 某ê人後--來的確會為著某ê suí來抵著淒慘。聖經講：「Suí某是hō͘目珠歡喜。」娶某若是kan-ta beh娶來hō͘ 目珠歡喜ê 人，就應該著愛去專門chhē真suí--ê做某。總--是結婚ê精神 m̄-kú m̄ 是kan-ta為著目珠ê因端。我卻m̄ 是teh苦勸人娶...

[1927-11 台南府城教會報 文類-散文 作者-陳瓊琚/Tân Khêng-ku]
奇奇怪怪 [ Kî-kî koài-koài ]
奇奇怪怪1927.11 512卷 p.10-11(陳瓊琚)1、近來tī 台北州七星郡，士林庄ê 芝山巖附近ê 所在，逐家風聲謗影講有出仙水，所以無論甚物病，若lim hit 個水佮洗就會好，致到無論遠，抑是近ê 人；無論是查甫、婦人、老人佮囡仔，逐家oe-oe-khoeh-khoeh，逐日到tī 士林ê 車頭teh 上落ê 人boē 算得。 今in 是beh 創甚物？聽見講是beh 去iúⁿ仙水。我tī chia ài 將眾人所teh 風聲謗影hit 個仙水，照29號ê 台灣日日新聞所出--ê 記事來寫，報咱看報ê 兄姊知影，續向望若koh 有 人teh 傳仙水，就thang 報in 知。 因...

[1928-4 台灣教會報/芥菜子 文類-散文 作者-陳瓊琚/Tân Khêng-ku]
靈界的偉人 [ Lêng-kài ê Uí-jîn ]
靈界的偉人 陳瓊琚 1928.04.01 517卷(芥菜子第26號) p.15-17 台灣舊來的宗教，通講是儒教，道教，佮佛教這三項。論儒教是用道德做根本，是拜天佮祭祖先。道教是信邪神，念咒，喝土，紅姨，道士，佮卜卦等等。佛教是chhāi偶像，建設廟宇燒金燒香。 Taⁿ本島人為著一三項的教示，百姓較濟對重迷信，雖然喙講道德，若是所行較濟是無照按呢。親像讀冊人較濟食鴉片，chhoā細姨，啉thîn摃拍，顛倒所做較濟攏是無合道德的行為，喪失真的宗教心。佇儒教有兩方面，一方面是教育，閣一方面是宗教。Taⁿ教育彼方面，所學的是三字經，千字文，四書佮五經等等的冊。目的是考較，進秀才，中...

[1930-12 台灣教會報 文類-散文 作者-陳瓊琚/Tân Khêng-ku]
看台灣文化300年的紀念會 [ Khoàⁿ Tâi-oân Bûn-hoà 300 nî ê Kì-liām-hoē ]
看台灣文化300年的紀念會1930.12 第549卷 p.19芥菜子 58 號(陳瓊琚)這pang阮淡水中學的學生，約130外名，閣有4 个先生做陣搭10月27 號午前8點，台北發的急行車去台南。我本身有代先去，所以到位的時，我已經佇台南車頭teh 等--in。大家到位，抵是彼e晡4 點較加，我佮台南神學校的先生王守勇，有chhoā in 順路去看產業的展覽會。後--來才chhoā逐家來太平境禮拜堂歇睏。 論睏的所在有分3位，1位是禮拜堂，1位是高再得醫師的舊醫館的樓頂，閣 1位是吳秋微醫師的病院內的日本總舖。食是委託太平境拜堂的牧師，陳思聰先生，所介紹的太平食堂設法。 佇28號早起，有chh...

[1927-3 芥菜子 文類-散文 作者-陳瓊琚/Tân Khêng-ku]  (6)
論孝行 [ Lūn Hàu-hēng ]
論孝行 古早的聖賢有教示講，「百善孝為先」，實在做人若袂曉有孝佮尊重序大人就通講無有做人的資格。家己的序大人尚且袂曉有孝，欲thài會做社會有德行的人ah？閣再做爸母的人gâu疼家己的囝兒，這是自然的天性。今論序細著會曉孝順序大，佮序大著疼序細，這兩項攏是自然的的天性。毋kú咱常常捌聽著彼款毋若無順趁序大人，反轉佮序大人無同心的囝兒，其中濟濟kiám-chhái是對佇無好的教示佮受著歹環境的影響，總是中間也有為著序大人有缺點的所在，致到予序細袂尊敬--in。因為老爸若毋成老爸，自然囝就毋成囝。頂面若不正，下面自然歪chhoa̍h。總是論序大人疼囝兒有兩款，就是真的疼佮假的疼，所以囝兒的孝順...

[1927-9 芥菜子 文類-散文 作者-陳瓊琚/Tân Khêng-ku]  (6)
世界十二偉人論 [ Sè-kài cha̍p-jī Uí-jîn lūn ]
世界十二偉人論 時代變遷就思想以及逐項攏綴伊變換。所以論對偉人的思想標準也攏變款。Taⁿ佇遮所欲介紹偉人的事是對雜誌譯出的。就是teh論現今一般的青年學生對偉人的觀念甚物款。譬喻早時愛相刣的時代逐人攏用武將親像Ná-phô-lûn，抑是亞歷山大等等做偉人。總是思想的變遷真緊，現時就毋是按呢；taⁿ請來看：-這个問題是美國戰爭Hông-siōng國民委員會對全世界大學生the̍h出偉人投票敬稱的論文發表。實在有來應募的國有三十个以上。總是論關係選擇偉人的事有三項要緊的條件，就是欲投票偉人論的人所著知影的有三條件：-(1)著選彼款品性高潔的。(2)為著正義毋驚死，閣著愛有發揮犧牲的精神彼款人。...

[1927-10 芥菜子 文類-散文 作者-陳瓊琚/Tân Khêng-ku]  (2)
世界十二偉人論 [ Sè-kài Cha̍p-jī uí-jîn-lūn ]
世界十二偉人論 (續接前號) (11). David Livingstone (1813-1873)。論Livingtone m̄-nā kan-ta是宣教師閣亦是大探險家。In一隊毋驚死對熱帶的大樹林直直入去。咱人會得通知影中部亞非利加的人的事就是對佇這个宣教師的致蔭。Taⁿ伊有抱負兩款的目的佇teh，一項是探險佮伊家己所講新天地開發的事業chham愛用神的道理傳予袂開化的人。Taⁿ為著第一的事業伊費了第一濟的時間。彼个因端是鑽入袂捌人到的世界來開新的路予別人通較快綴伊的腳步來行，這款做先鋒是伊的天職。因為這層的事業費了伊的青春佮害著伊的健康，到尾紲連伊的性命亦為著按呢來犧牲。欲做這款...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...