[1941-3 九分教會/北部教會 文類-散文 作者-吳天命/Gô͘ Thian-bēng]
九分教會 [ Káu-hun kàu-hoē ]
九份教會 吳天命 1941年3月672期 25 活動的九份教會，佇舊年熱天聖堂予風颱拍歹，對彼霎無真好勢的所在通聚會。趕緊著手計畫起新的拜堂。 總是佇這个時陣濟濟袂照所愛，所以有計畫大部分用木造--ê。卻也有得著一寡西洋土。佇舊年10月興工到現時已經teh欲完工lah。按算佇4月中欲落成。總共工事費是9千箍，攏無對別位提，是家己的會友獻--ê。In對佇疼主，佮疼伊的教會，有熱心捐獻in 的物資，實在無見笑in 的活動教會的名。In 的疼主，in 的疼教會，實在是咱所著學--ê。現時卓Hui-liông牧師，佇遐真gâu指導。向望主愈祝福in，榮耀伊的名佇金山的所在。是金...

[1941-12 北部教會 文類-散文 作者-上山生/Siōng-san seng]
教會諸機關teh活動 [ Kàu-hoē chu ki-koan teh oa̍h-tāng ]
教會諸機關teh活動 上山生 1941年12月681期 19-20 宣教師已經轉去了，taⁿ咱的教會的諸機關怎樣teh活動。傳道局啥款？神學校啥款？馬偕醫館？欲對tó位通得著錢來維持chiah 的事業？咱的全教會teh關心teh掛慮。有人teh拍算宣教師敢有留寡現金通做幾若年的路用，亦teh拍算宣教師無偌久欲閣來，kan-ta掛慮這兩三年的事，kan-ta teh chip守舊時的事，看會閣倒轉佇舊時的狀態，攏無欲奮發來應今仔日的時勢。Kan-ta越頭看後面，無欲向前照上帝的恩賜，照上帝所共咱定著，所共咱安排的來換新進步。有人thiau-tî毋四正認識今仔日的時勢，四界宣傳...

[1941-12 北部教會 文類-散文 作者-上山生/Siōng-san seng]
馬偕醫院新院長 [ Má-kai I-īⁿ Sin ĪN-tiúⁿ ]
馬偕醫院新院長 上山生 1941年12月681期 25 北部教會所經營唯一的醫療機關，馬偕醫院對接收以來，雖然無有一時tek 的變化，總是漸漸有teh發展的勢面。照院長李達莊先生佇10月中已經辭職，理事會慎重chhoan-hêng 的結果，滿場一致決定愛聘請本院理事稻田天來(稻田天來)先生做後任院長。交涉的結果有得著伊歡喜承諾。佇10月25日已經就任，稻田先生對大正六年有去南洋英領北ボルネオ得著倫敦政府的免許任命，總督府病院醫官佮做タワオ政府病院的院長。後來有家己開業，得著真大的成功，到佇滿州事變的時才轉來台灣開業同仁醫院佇台北市太平町 ，亦是真有人氣，伊的專門是內科佮小兒...

[1897-2 台南府城教會報 文類-散文 作者--/-]
蕭寶珠 [ Siau Pó-chu ]
蕭寶珠 1897.02 143 卷 p.9-10 前月教會報有講起Pó-chu已經脫離賊ê手倒去in厝。照伊講hit-tia̍p伊予賊掠ê時有差不多60人圍伊，代先掠伊到Tē-jī-pêⁿ，後來掠去大坪頂。 In踮佇遐無厝通蹛， kan-ta蹛佇一个亭仔，四面無壁。原本一日食3頓，後來較無，常常枵飢失頓。 佇遐差不多3日久，日本兵chiàⁿ來拍。 Hit時土匪走紲āiⁿ伊去， 毋過āiⁿ無法，兩人平平跋落溝，寶珠teh做下底。 Hiah-ê賊就放伊佇遐做in走。伊踮佇遐20日久無通蓋也無通食，因為伊ê腳疼所以袂走；hit時只有一个賊兩三日就提寡蕃薯來予伊食。佳哉有日...

[1897-5 台南府城教會報 文類-散文 作者--/-]
雜居地 [ Cha̍p-ku-tē ]
雜居地1897.05 146卷 p.37 Tī西曆5月第8號，就是中曆4月初7日已經到限；hit日ê了後tiàm-tī台灣ê人攏算做日本ê百姓。總是咱m̄免掛慮驚了過hit日in beh liâm-piⁿ 設甚mih新款愛苦楚百姓ê法度。量必敢ê差不多親像這tia̍p ê 款，卻是向望看會tit thang那久那快活。 只有分別chia ê阮外國人所企起通常ê所在。In 日本已經有出告示講若有人猶原愛屬清國m̄ 愛日本藉，in iáu-kú thang toà tī台灣算做外國人，總是bē tit thang猶原逐所在企起，的確得親像阮tiàm tī定著ê所在，叫做雜居地。台...

[1897-5 台南府城教會報 文類-散文 作者--/-]
西爿交戰 [ Se-pêng kau-chiàn ]
西爿交戰1897.05 146 koàn p.37-38 歐羅巴洲ê大國較濟攏是拜上帝ê國。只有土耳其國是屬佇回回教ê。 毋過伊所管轄ê百姓幾nā族是信主ê百姓，常常予土耳其國ê皇帝真窘逐。差不多40年前俄羅斯國ê皇帝起兵愛拍土耳其；hit時大英國kap大法國毋甘願，就去uī土耳其，佮俄羅斯相刣嶄然久，到路尾俄羅斯無法伊著來和。 Hit-tia̍p土耳其阮阮救，伊就甘願品後來的確beh好款待chiah-ê信主ê百姓。後來攏無照伊ê話，猶原是歹款待in；雖然in無犯法伊猶過差兵害死男婦老幼幾nā萬人。 Hit時in擋袂tiâu，幾nā所在有反。 俄羅斯國閣再起兵去beh救in；相刣幾n...

[1897-5 台南府城教會報 文類-散文 作者--/-]
論請本地ê牧師 [ Lūn chhiáⁿ pún-tē ê Bo̍k-su ]
論請本地ê牧師(巴牧師記--ê)1897.05 146卷 p.38-40 今年春會聚集ê時，有5个同會入這个公稟，講in愛請牧師。 這5个 同會就是府城，木柵，柑仔林，岡仔林，Poah-bé。照in講in年年歡喜題兩百銀做牧師ê束金佮所費，就是內山四位ê教會逐个題$30，府城題$80，計共$200。牧師著踮佇木柵徛家，照時去巡hiah-ê教ē。所題hit兩百箍算是新題ê，頂年所出傳道先生ê束金猶原年年著出，牧師ê薪金著另外題。因為牧師踮佇木柵，佇遐毋免請傳道先生，通用hit批錢請一人來顧禮拜堂。 Hit-tia̍p大ē聽了真歡喜，大家peh起來感謝上帝。也派三人，就是嘉義ê長老N̂g S...

[1897-6 台南府城教會報 文類-散文 作者-高天賜/Ko Thian-sù]
論瘟疫ê事 [ Lūn un-ek ê sū ]
論瘟疫ê事1897.06 147卷 p.46-47(高天賜寫。) 瘟疫是上帝所降ê 災厄，ài 叫醒人ê 心。親像在早以色列百姓 tī 曠野bat 抵著瘟疫（民25：9），大衛王 ê 時耶和華也bat 降瘟疫（II撒24：15）。Che攏是顯明人得罪上帝，上帝就受氣，降災厄tī in中間。 若是án-ni，信主 ê 人，上帝敢有受氣in--mah？這項我m̄敢決斷講。總--是我知信主ê 人若真正敬虔服事主，上帝的確無受氣in。今若是人敬虔服事主，in 猶原會抵著瘟疫--mah？會。主是救咱離開罪惡，iáu-boē hō͘ 咱離開世間（約翰17：15）。有一日伊會hō͘ 咱離開世間...

[1897-8 台南府城教會報 文類-散文 作者--/-]
青盲學 [ Chhiⁿ-mî-o̍h ]
青盲學1897.08 149卷 p.59 Tī 這近日有接著日本 ê每日新聞雜報；其中有講起音樂會 ê 事情，今 ài將較要緊ê 大意摘起來報hō͘ 逐家知。咱台南府幾年前甘牧師設一間訓瞽堂 beh 教青盲人學讀冊，亦有叫幾若個青盲囡仔來讀。照甘牧師 ê意思ài差幾個去日本 ê 青盲學thang讀較深，向望後來較大路用；m̄-kú 無夠額所費。有寫批問台北teh 管學 ê 官看怎樣。這個管學ê 官無偌久倒去日本有講起這層事；有一個青盲 ê 樂師聽見大大體貼這個事誌，就舉議著召音樂會聚集來作樂hō͘人聽，所趁 ê 錢攏幫贊台南青瞑囡仔。所以台灣管學ê 官佮幾若位 ê 先生，也有西國ê 先生...

[1897-9 台南府城教會報 文類-散文 作者--/-]
粟鳥仔 [ Chhek-chiáu-á ]
粟鳥仔1897.09 150卷 p.71-72早日孔子看見一個用網仔teh tng粟鳥仔 ê 人，所掠--著攏是細隻ê 粟鳥仔。孔子就問伊講：「Thài 無掠著大隻ê 粟鳥--leh？」Tng鳥 ê 人應講：「大隻粟鳥會曉知thang驚，oh得掠--著；細隻粟鳥仔貪食快快入網內，所以攏是掠著細隻--ê。總--是細隻粟鳥仔若toè大隻--ê,就網bē著；因為會toè 大隻--ê 飛走。大隻粟鳥若 toè細隻粟鳥來食餌，就大細隻攏網會著。」孔子聽了，就越頭kā 伊ê 學生講：「會知驚惶--ê,thang閃避陷害；貪著食--ê,m̄知叫災厄即時到。獨獨所趁有分災禍佮福氣；所以君子ê 人謹慎 tī 所...

[1897-9 台南府城教會報 文類-散文 作者--/-]
奇怪ê應答 [ Kî-koài ê ìn-tap ]
奇怪ê應答1897.09 150卷 p.72較早有一個信主ê人，伊是做隱居ê讀冊人，攏無ài插俗事。Tú--著某日一個人客來探--伊。Hit ê人客就問伊講：「你是拜上帝ê人ho͘hN？」應講：「正是。」人客就koh講：「照lín拜上帝ê人teh講天地間只有一個上帝逐所在tī teh。若是我攏 m̄ bat 看著上帝，chiah m̄ ài信；請你chhoā我去看就beh信--lah。」 Hit ê信主ê人靜靜無應。停一下就àⁿ落土腳拾一個土丸，tuì hit ê人客ê頭殼出大力就kā伊tìm--落--去。Hit ê人客hō͘伊tìm著痛，就大生氣，tuì官府去告。官府就即時去調hit ê信主...

[1898-2 台南府城教會報 文類-散文 作者--/-]
勸戒嫁娶ê條規 [ Khoàn-kài kè-chhoā ê Tiâu-kui ]
勸戒嫁娶ê條規1898.02 155 卷 p.14-15 Taⁿ論嫁娶是人倫ê大道理，是對上帝設立，人著對重毋通看輕。聖經講：「婚姻通對重，要緊著清氣」(看希伯來13:4)。所以凡若人行這號ê禮數，一面是顯明伊公行趁法來嫁娶，明經正娶來成尪某；毋是親像iah壁盤牆ê所行。 閣一面是顯明歡喜ê事，予人佮伊相同歡喜。使徒保羅講：「佮歡喜ê著saⁿ-kap歡喜」(羅馬12:15)。早日主耶穌佇世間ê時，歡喜去赴婚姻ê筵桌。 通知人照真理來行嫁娶合婚ê禮，真正是貴氣切要ê事。Taⁿ排列幾nā條款tī下底。1.男女的確著長成chiàⁿ通嫁娶。有人未曾長成就合婚，這是真毋好ê風俗。是有幾nā項ê損害。 (...

[1898-3 台南府城教會報 文類-散文 作者--/-]
論寄批ê規矩 [ Lūn Kià-phoe ê kui-kí ]
論寄批ê規矩1898.03 156 卷 p.24 日本設批局是真大路用，台灣ná濟人teh寄批札往來。 Taⁿ愛通知恁一兩項。寄批較lím兩錢重著貼兩chiam錢ê批標。若是過頭兩錢重著貼4 chiam ê批標，雖然是二錢一重nā-tiāⁿ，猶過的確著糊4 chiam錢ê，袂用得3 chiam ê。又閣hit號露封ê，一張一chiam錢ê，著細膩，若beh寫講甚麼話，的確著寫佇後面，毋通寫佇前面。前面准人寫寄予某所在某人收，佮寫對甚麼所在甚麼人某年某月某日寄，其餘ê話攏毋准人寫，若加寫別物，畫佇前面，就予批局罰重倍錢；也毋通寫著批標，若寫著批標猶原著罰等倍錢。因為有人寄批來予阮捌犯著這層事，阮...

[1898-5 台南府城教會報 文類-散文 作者--/-]
刺蝟ê圖 [ Chhì-uī ê tô͘ ]
刺蝟ê圖1898.05 158卷 p.37刺蝟也有人號做豪豬，伊ê身軀黃色，一二尺長，皮有毛刺利親像槍刀，thang保護伊ê身軀來抵擋對敵。人抑是狗ài beh掠--伊，伊就用毛刺直直chha̍k來抵敵，所以beh掠伊無快。這號刺蝟愛食田雞以及蛇，伊一下咬著蛇就身軀kiù倚，來免hō͘蛇反轉咬伊，到蛇ê力盡，然後就食落去。冬天ê時bih空無出來，伊將毛刺chhiám 樹葉來蓋身軀，人遇--著只有看見樹葉攏無看見伊ê身軀。...

[1898-6 台南府城教會報 文類-散文 作者--/-]
新禮拜堂hō͘土匪cheng-piàng [ Sin lé-pài-tn̂g hō͘ thó͘-huí cheng-piàng ]
新拜堂予土匪cheng-piàng1898.06 159卷 p.43 前月ê教會報有講起南路客庄ê兄弟有另外設一个拜堂，是起佇內埔仔街外魚寮下ê竹圍內。 三月間Tiuⁿ An-kuì有去蹛佇遐傳道理。 佇 5月初 4暝，倚 2點半鐘ê時伊有寫批來講起伊所拄著ê代誌。 Taⁿ將伊ê批印佇下底予恁看。 「我對徙來蹛佇遮，身體無勇，常常破病，罕得一禮拜無病。 這pang落雨，厝會漏，厝後攏入水；我蹛ê所在毋nā攏澹，就房內攏入水，四界澹，連煮食也著椅橑頂khoè烘爐。「Ai--ah！ 毋nā 拄著身體無勇，佇今暝12點hit-tia̍p有土匪10外人到拜堂；從中4个入我ê睏房，逐个手提槍佮 tám-...

[1898-8 台南府城教會報 文類-散文 作者--/-]
Kek-lân-su-tun [ Kek-lân-su-tun ]
Kek-lân-su-tun宰相ê小傳1898.08 161卷 p.62-63大英國有一個賢ê 宰相姓Kek-lân-su-tun(Gladstone)。主後1809年伊出世tī Lip-hut-pò͘-ní ê 城邑，略仔大漢就入Ì-thun ê大學讀冊，後--來koh 入Ò-khek-su-hok (Oxford) ê 大書院，出力勤讀奮志，凡若去考，不論格物學、算學、抑是詩文學，攏考著批首；對hit-tia̍p伊ê名聲大大報揚。到22歲遍遍行遊tī歐羅巴洲ê逐國，借這個機會來閱歷風俗人情。 Tī 1832年伊去做公議院ê官員，koh兩年升做幫贊外務大臣。Tī 1838年，hit 時有人議...

[1899-2 台南府城教會報 文類-散文 作者-林世傳/Lîm Sè-thoân]
誹謗ê利益 [ Huí-pòng ê lī-ek ]
誹謗ê利益1899.02 167卷 p.12-13(大學學生林世傳做--ê)論這個誹謗 ê意思咱知是甚物款；就是咱信主ê人常常愛hō͘ 世俗誹謗。有時所誹謗--ê是有影，咱有hit號錯誤來hō͘ in 誹謗；總--是有時較濟是無影 ê 事，in 也誹謗。照我所bat 聽見ê 誹謗，就是講咱入教ê 人無公、無媽；抑是向望較省所費；抑是講入教 ê 人攏bē死，上帝會度伊上天堂；抑是靠番仔勢。也我出去佈道bat hō͘ 人講咱是為著外國人 ê 銀thang領所以才beh出來講。大概講án-ni就好，論到人所誹謗--ê講bē得盡。 今我抵仔teh 講人誹謗ê 利益，論 hō͘ 人誹謗卻是真艱苦聽 ê事...

[1899-3 台南府城教會報 文類-散文 作者--/-]
看像ê福氣 [ Khoàⁿ siōng ê hok-khì ]
看像ê福氣1899.03 168卷 p.20-21(文姑娘記--ê。)Tī大德國有一所在，hiah-ê人較濟屬tī天主教前幾若年企起tī-hia有一個彩畫ê人，技藝學到真精工，不論beh畫像，抑是山水花鳥逐項不止gâu畫。Hit-ê人亦趁天主教，照in ê法度服事上帝。 有一日in教會一個pa-lé去chhoē伊，就是ài請伊來畫耶穌hō͘人釘tī十字架kap hiah-ê圍teh看ê人，這號圖，koh kap伊約，做明白就beh幾若百kho͘銀賞伊。 Tú-tú hit時伊teh畫一個查某人ê像，伊逐日有bat來chhoē伊坐。Teh坐ê時陣，伊ê目珠四界看，beh探看有甚mi̍h suí ...

[1899-4 台南府城教會報 文類-散文 作者--/-]
府城疫症 [ Hú-siâⁿ e̍k-chèng ]
府城疫症1899.4 169 卷 p.25 現此時佇府城hit-ê疫症是嶄然傷重。 逐日穩當有幾nā十人死，總是拄拄 偌濟卻無人詳細知。日本官有設hit號檢疫ê病院，染著病ê人著去遐予醫治。照人講彼个病院是真齊備，合用，總是人真驚無愛入去。警察若查知佇甚乜所在有人染著病in就連鞭來扛hit個病人去蹛院內，將病人厝內ê蠓罩，被，蓆，衣裳，物件，東西，一盡搬出來，化火燒lio去。 閣佇門口紲貼一張黃紙寫字禁七日久毋准人出入。 佇hit厝內若有人死猶原著按呢。 這個法度卻是真著：百姓若攏齊趁，打算毋免偌久瘟疫就較恬。總是百姓真毋愛趁。 In寶惜in ê被，衣裳，物件就無愛予日本人知佇in tau有h...

[1899-5 台南府城教會報 文類-散文 作者--/-]
論驢 [ Lūn lû ]
論驢(看第34面。)1899.05 170卷 p.33-34 論到精牲記佇聖經內差不多第一常講ê 就是驢。佇新舊約有記講人將驢做幾nā號ê路用。1.是thang騎。無論好額散hiong攏用驢做這款 ê路用。親像摩西予伊ê婦jîn人佮兩个囝對米甸騎驢倒去埃及國 (出 4:20)； 巴蘭有騎驢就是佇路裡拄著耶和華ê使者hit時(民. 22:21-33)；有一个真老ê先知伊亦騎驢(I 王. 13:13， 23， 24， 27-29)；迦勒ê查某囝Ap-sat (書. 15: 18；士. 1: 14)； Gâi-jíⁿ三十个囝 (書. 10: 4)； Ap-tùn四十ê kiáⁿ，三十ê孫(書. 12...