[1887-12 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1887.12 第三十張 p.92-94(Un Sam-goân chò--ê.)(Chiap chêng tiuⁿ tē 86 bīn.)5. 論無chhāi木主，無祭木主是攏無thang嫌。人嫌阮入教ê人無chhāi木主是無祖無公，事不知阮無chhāi無祭是有著ê緣故，hit個緣故有兩項。 1.祖公boē來食。 查考早聖王聖人設這個祭ê法度，本 m̄ 是為祖公，實在是為著子孫；孝經講，「去宗廟--ni̍h致敬，是beh無boē記得父母。」檀宮講，「起頭死，用肉脯酸醋來貫奠 ，得beh去埋ê 時，用五牲來祭，埋了倒--來，koh再孝，(che是日中晝tī 伊死ê房內孝，) bē ba...

[1888-1 臺灣府城教會報 文類-散文 作者-Un Sam-goân/Un Sam-goân]
辯神主論 [ Piān Sîn-chú Lūn ]
辯神主論1888.01 第三十一張 p.100-102(Un Sam-goân做--ê.)(接前張第94面。)Kiám-chhái有人講，祭是聖人所設，若án-ni就聖人亦有過失mah？我應講，Thái-thó無過失？論伊平生所行大概來講，是thang o-ló，iáu-kú m̄ 是講伊攏無一點仔ê錯誤。唐朝李太白講，「人都m̄ 是堯舜，thài會一盡好？」án-ni伊差不多是講，只有堯舜一盡好nā-tiāⁿ，其餘攏無。總是論到堯舜，孔子就講，「堯舜上久有弊病。」論到孔子本身伊家己有講，「若會hō͘ 我加食幾年，到五十歲來讀易經，就免有大過失。」án-ni就iáu-bē讀易經ê 時有大過失，...

[1956-7 台灣教會報 文類-散文 作者-陳泗治/Tân Sù-tī]
研究音樂kap崇拜 [ Gián-kiù Im-ga̍k kap chong-pài ]
音樂kap崇拜(陳泗治) 無論原始-tek宗教á是做純全ê宗教， in ê 崇拜攏有音樂ê 要素tī-teh。因為音樂kap 崇拜平平是人ê精神-tek表現(對信學-tek啟示論ê事請原諒暫時不提。)對tī án-ni， tī 崇拜ê中間自然就有音樂ê立場kap存在意義tī-teh。 Koh再hit個關係是真深。1。甚麼是音樂？我是ài tuì基督教信仰ê立場來相kap想這項事。上帝tī自然ê美 kap奇妙ê內面kap tī人生ê中間有啟示伊本身。ia̍h人tī藝術來應答這個啟示(tī基督ê特殊啟示不提)。所以純正ê藝術亦是一個神聖ê精神-tek表現。 Thang講親像真理ê根源是上帝，萬物是...

[1960-4 台灣教會公報 文類-散文 作者-陳泗治/Tân Sù-tī]
偉大的平常人 [ Uí-tāi ê pêng-siông lâng ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1886-3 臺灣府城教會報 文類-散文 作者-周步霞/Chiu Pō͘-hâ]
北港媽ê新聞 [ Pak-káng Má ê Sin-bûn. ]
北港媽ê新聞(是周步霞記--ê.)1886.03 第八張 p.51 嘉義屬北港有一間廟，名叫朝天宮，內中有一身二媽，號做天上聖母，是通台灣第一有名聲--ê；人若beh請這身二媽來敬，一日著3箍銀，100日著300箍，濟少日著照算。 舊年8月間，嘉義城內外逐kéng-hūn 有去請，用濟濟故事鬧熱；又暝日做戲孝敬，開錢真濟到bē算--得。嘉義城北門外溫燒厝境是路尾請來敬，敬了著續請去還。 頭一日請，人就做戲雙爿鬥，koh tìm炮城真鬧熱；第2日，第3日也是án-ni；第4日beh送去還北港廟。扛到新港歇睏，轎內佛有tháu開，到koh起身ê時，bē記--得縛。到北港溪ê崁頂，beh落崁下，媽...

[1885-7 臺灣府城教會報 文類-散文 作者-葉漢章/Ia̍p Hàn-chiong]
論白話字ê利益 [ Lūn Pe̍h-oē-jī ê Lī-ek ]
論白話字ê利益是葉漢章先生做--ê 1885.06 Tē 1 張 p.2-3 論做白話字ê要緊 今起頭做這個白話字ê，伊ê 意思是怎樣ah？就是beh hō͘ 人會bat，所以指用二十三個字母tiāⁿ-tiāⁿ，就是a，b，ch，chh，e，g，h，i，j，k，kh，l，m，n，ng，o，o͘，p，ph，s，t，th，u；che是beh hō͘ 人會認。Koh tī二十三個字母ê中間有分別唇音、齒音、舌音、喉音、鼻音ê各樣；親像b，p，ph，u，是唇音；ch，chh，g，k，kh，s是齒音；h，i，j，l，t，th是舌音；o，o͘，e是喉音；m，n，ng是鼻音；che是beh hō͘ 人讀...

[1967-12 台灣教會公報 文類-散文 作者-Ló-hu/Ló-hu]
讀「咱的白話字」所感 [ THA̍K “LÁN Ê PE̍H-OĒ-JĪ” SÓ͘ KÁM ]
讀「咱的白話字」所感1967.12 第1019， 1020號 p.17-18Ló-hu舊事重提，再論白話字的重要性。佇幾年前已經有強調teh呼籲講， 白話字毋通廢；毋過最近事實上是漸漸teh荒廢的款。雖然有真濟因素teh受影響，總是相信白話字猶原會繼續存在，咱愛共同來努力維持。咱知，日人時代，用同化政策強制統一台灣的時，咱都攏認定白話字是咱教會需要的文字，所以保存到今。論白話字對咱台灣基督教會來看，是文化的功臣，對教會的建立是有真大的幫贊力量。台灣初代教會的時，捌字的人真少，佳哉對捌白話字會讀聖經，會吟詩，通遍傳道理佇各地方，來興起教會佇逐所在。白話字的貢獻也有教會公報，有以外的刊物抑是冊，其...

[1928-7 台灣教會報 文類-散文 作者-顏春安/Gân Chhun-an]
人生kap科學 [ Jîn-seng kap Kho-ha̍k ]
人生kap科學1928.07 520卷 p.5-6(顏春安)人出世tī 世間空空來。一生著愛佮自然ê世界抵抗，才有thang飽，才有thang安樂。前是倚靠家己ê氣力來扑獵、來耕田。今 m̄ 免。今仔日，人有一個盡忠bē厭siān ê奴才，thang替伊著磨。譬喻人beh過海著坐船。舊底著用人ê力來划船。後來就用風ê力來使船。今有用機器ê火船，che是用機器來替人力。人若利用科學ê智識，就逐項食穿佮用有thang充足。A食、人若無食就bē活，che是近來第一要緊ê問題。親像日本，每年加添成百萬人，所以姑不chiong著移民去南美抑是滿蒙討趁。世間ê土地有限，人數日日加添，生活自然困難。總--是...

[1928-4 台灣教會報 文類-散文 作者-陳金然/Tân Kim-jiân]
束縛才是自由 [ Sok-pa̍k chiah sī chū-iû ]
束縛才是自由 陳金然 1928.04.01 517卷p.4-5 自由人人愛，若是無逐个得著，有的親像自由，其實是無。普通人teh講自由，敢是講跤手無掛鎖鏈號做自由，較少人teh想意志有夯枷抑無？近來有自稱新思想家teh主將自由是衝動的滿足，致到濟濟人掠放縱做自由，因為按呢紲掠濟濟號的事來做犧牲，親像戀愛抑是結婚chiah 的重要的代誌，人倫的大事in亦the̍h彼兩字自由來加tì-leh，紲將自由戀愛做自由亂愛，抑是做自由亂來，亦用自由結婚做自由亂婚，抑是做自由亂倫，實在真可惜，將神聖的人倫予伊成做野獸的衝動滿足的機關。 總是有較深想的人in就無掠彼號做自由，是掠靈性的發動，抑是...

[1928-10 台灣教會報 文類-散文 作者-陳金然/Tân Kim-jiân]
關仔嶺的一日 [ Koan-á-niá ê Chit-ji̍t ]
關仔嶺的一日 陳金然 1928.10.01 523卷p.6-7 若捌到關仔嶺--ê無一个無予遐的 san-chí水明驚--著，也濟濟穩當想起古早希臘國也是相siāng佇這款的環境來造成in 的國度佮in 的文明。希臘的國是建設佇島嶼的所在，四圍景緻真好，天產極豐富。人攏看現世做樂園，in較無對重宗教，是對重智識佮藝術，in 的神明是in想袂到--ê，in 的上帝是袂捌的上帝(行傳17：23)，所以對佇宗教in不止冷靜。In 的宗教心無親像埃及，印度，巴比倫，亞述，chiah 的國，有的受尼羅河佮Sa-oah-lah沙漠的壓迫，有的受Pek-lat抑是Hi-tí-kiat大河佮A-l...

[1934-5 台灣教會公報 文類-散文 作者-陳金然/Tân Kim-jiân]
聖經 [ Sèng-keng ]
聖經 1934.05 590卷 p.10 (陳金然) 論今仔日的聖經，有新約，舊約，總稱叫做聖經。這兩字 「聖經，」大概是對英語的 「The Bible」抑是「Holy Scripture」翻譯--的。 總是「Bible」是對希利尼話 「Ta Biblia」(冊)提來用；但是用這句做聖經的意思，是用佇舊約外典Ben Sirach智慧的冊的頭序--裡做第一早。到舊新約合做一本的時，也猶原是按呢咧用。這句雖然袂通十分表明聖冊的意思，猶過其實「Bible」佇今仔日是成做「冊中的冊」啦！ 「Holy Scripture」是希利尼話的 「Hogia Grapha，」拄拄是聖經的意思，請看太...

[1934-6 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.06 591卷 p.7-8 (陳金然) [接紲5月號的第10面「聖經」彼篇。彼篇「聖經」是欲做這个序說的頭序]。 I. 舊約書的話語 舊約書的母胎自然是希伯來(以色列)民族，所以in的話叫做希伯來話，到耶穌以前人猶咧用；總是後來是做學者研究的對象nā-tiāⁿ。現今Pa-le̍k-su-thèng所有咧用的「新希伯來話，」自然佮這有多少各樣。論這款話，亞述人共號做「西國的話」，聖冊記者自稱做「迦南的腔口」(賽18：18)，抑是「猶大的話」(II王18：26，28；尼13：24)。總是拉比是稱伊做「聖語」(Targum是「經語」經學士的話，律法的話」)。若是P...

[1934-7 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) 1934.7，no.592，pp.6-7 II. 希伯來字佮抄寫的材料 舊約書的話語既然是希伯來話，就所用的文字自然是希伯來字。所以咱袂免小可知這个希伯來字的經過。人teh議論古早以色列人所用的文字有兩款：(1) 140 B. C.--135 A. D.猶太人所用的「錢」的字，就是in在來的字；摩西的律法也是用這寫--的。摩西的律法也是用這寫--的。(2)舊約的抄本所用彼號「角字」(角文字)原來是亞述的文字，Í-sū-lat傳入佇猶太人的中間--的(Green)，Talmud也按呢傳。總是後來這號「角字」那有勢力，人紲講這个是希伯來的文字。 照H. W...

[1934-8 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.08 593卷 p.5-7 (陳金然) (接前號第6面) III. 經學士 - 書記官 佇新約裡有時人稱呼叫經學士，教法師(教律法的先生)，博士；其實這3个名，攏siāng一項的意思。有時特別尊稱做法利賽的經學士(可 2：16)，猶過其實就是法利賽人。總是毋通拍算新約時代的經學士，拄拄佮起初的經學士攏siāng款。因為經學士的工，是(1)研究猶太人的律法，(2)解釋律法，(3)抄寫律法來流傳正本佇後代。按呢，就是新約時代的經學士是律法家，若是初初的經學士是咧 (1)抄寫(編輯)宗教文學(聖經 - 律法)，(2)學者，(3)是解釋家。Taⁿ咱暫時來想這个書記官...

[1934-9 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 9，no. 594，pp. 6-8 IV. 舊約書的背景 我信聖經是上帝的話，是人的經驗最高懸位的記錄。佇彼背後，有活活的上帝的啟示佇teh。因為按呢，自然有時代的表現，閣也有穿環境的衫佇teh。所以咱著知上帝的話對甚物人，對甚物機因來啟示佇歷史裡！這是咱欲明白上帝的啟示的本旨，第一重要的問題。 原來時代有時代特殊的話語，親像現代逐項攏要緊充實，所以不論甚物，都著究勘到彼个長，闊，懸，深 (弗 3：13)。換話來講，就是著立体的的看法。 宗教欲表現伊的思想，猶原著借用時代的話語。對按呢實在欲研究聖經，愛了解彼內...

[1934-10 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 10，no .595，pp .4-5 IV. 舊約書的背景 2 . 受巴比倫的影響 以賽亞雖然捌預言耶路撒冷的堅固，若是對in的違背上帝，致到佇尼布甲尼撒的面前是無抵抗；其實是袂會抵抗。佇B. C. 586，遐的百姓無論是有權--的，抑是有學問--的，攏受掠到巴比倫。彼个予大衛興盛的耶路撒冷，今變做荒埔；彼个teh顯明所羅門的行伍彼間聖殿，今變做火灰。昨日猶teh教奴僕行按呢，伊就行按呢，今仔日變做是通可憐的奴隸的地步。 佇這時in的生活閣拄著大變換。佇in的心肝頭不時有這項的大問題。In teh誇口是上帝的選...

[1934-11 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第5面) IV. 舊約書的背景 1934. 11，no. 596，pp. 6-8 3. 受希利尼人的影響 佇B. C. 第4世紀，亞力山大對馬其頓的一角興起，紲收入當時世界的大帝國波斯的大版圖 (B. C. 332)。伊對佇伊所佔領的地，有用巧妙的政策；對按呢希利尼的文化普及佇逐所在；深入佇逐方面。 猶太人對受掠以後，四散徛起佇埃及的各地方。這霎散散踮佇地中海的沿岸；其中亞歷山大，倚有25萬人佇遐徛起。In在來有漸漸棄拺家己國語，總是對希臘文化的進入，紲漸漸用希利尼的俗語，風俗也受不止大的影響。 Taⁿ這擺的影響實在無較輸第1所講「...

[1934-12 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-suSū-soat ]
舊約書序說 陳金然 (接前號第8面) 1934.12，no.597，pp.7-8 V. 舊約書的分類佮順序 咱今仔日咧讀的舊約，是對濟濟種的冊來成立，攏總是39卷。人大概共伊分做3類：- 1)歷史(17卷)創世記-以斯帖。 2)文學(5卷)約伯-雅歌。 3)預言(17卷)以賽亞-瑪拉基。 咱知彼中間有的分前後，抑是上下，- 撒母耳，列王，歷代。-總是希伯來原文無按呢分；閣以斯拉，尼希米是合做一本，也12小先知也是做一本。對按呢自然譯本佮本文有無相同的所在。這款的各樣，是對LXX (70士譯) 起，這大概是趁當時亞力山大智識社會的風俗。這个城最初的圖書館...

[1937-2 台灣教會公報 文類-散文 作者-陳金然/Tân Kim-jiân]
這月著做恁的正月 [ Chit goeh2 tio̍h chò lín ê chiaⁿ-goe̍h ]
這月著做恁的正月 出12：1 1937年2月623期 4-5 前做奴才，連六日無自主。Taⁿ上帝來敨放，來救贖。這霎了後是國民，是自主，六日也愛獨立自主，實在是乾坤一轉啦！因為上帝有換新萬物。就是換六日，「這月著做恁的正月。」換奴才做子民─出埃及。換罪人做伊的後嗣。實在是驚天動地的事實啦！ 關係「這月」的歷史，咱免議論。「這月」就是得救出埃及的記念啦！是以色列宗教史上的一轉機，也是咱信仰生涯的界線。信仰實在是咱的生涯的出發點，是咱信仰的正月！因為對罪惡得救毋是結尾，是新生涯的頭一步，是新活命的起頭，是信仰生活的正月啦！ 「這月」是記念上帝用伊的大權能來審判遐的壓...

[1937-5 台灣教會公報 文類-散文 作者-陳金然/Tân Kim-jiân]
疼的創造 [ Thiàⁿ ê Chhòng-chō ]
疼的創造 陳金然 1937年5月626期 7-9 咱知雞卵摃破，只有卵仁佮卵清nā-tiāⁿ，攏無頭無面，總是雞母用疼痛的翼來孵燒伊，就漸漸變化，到20日足，就有媠媠通疼古錐的雞仔囝走出--來！宇宙的源起頭也是渾沌烏暗，若是上帝的疼來共伊孵-sio，就有秩序(創1：2)。按呢這个宇宙是對烏暗成光明，對絕望變成有向望。日落西山啦！雖然是烏烏暗暗，總是咱的新紀元也到啦！因為歡喜，光明的早起來啦！所以講，「有ê-hng，有早起啦」(創1：5，8，12，19，23，31)。論宇宙的起源有偌濟的學說，咱不管伊，因為咱的聖經所要緊--的，是人類得救的歷史啦！所記，就是上帝創造人，完...